Talenti 20-vjeçar nga Presheva, Lutfi Dalipi, ka vendosur që në të ardhmen ta përfaqësojë Kombëtaren e Kosovës, duke refuzuar mundësinë për të luajtur për Zvicrën U21.
Futbollisti, i cili më herët kishte qenë edhe në radarët e Shqipërisë, ka zgjedhur përfaqësuesen e Dardanëve dhe pritet t’i bashkohet Kosovës në muajin mars.
Dalipi po kalon një sezon shumë të mirë në futbollin zviceran, ku deri më tani ka realizuar pesë gola dhe ka dhënë nëntë asistime. Ai ka regjistruar gjithashtu 36 driblime të suksesshme.
Ndërkohë, talenti nga Presheva pritet të jetë të shtunën në stadiumin “Fadil Vokrri”, ku do ta ndjekë nga afër ndeshjen e Kosovës ndaj Izraelit.
Zgjedhja e Dalipit për të veshur fanellën e Kosovës shihet si një lajm i rëndësishëm për të ardhmen e Dardanëve, të cilët mund të përfitojnë nga shërbimet e një talenti që po shkëlqen në futbollin zviceran.
Sinjali – aty ku e vërteta flet para lajmit!
Burimi: Sinjali