Author: Momenti

  • Ylli i Unitedit drejt largimit, Milani hyn në garë

    Ylli i Unitedit drejt largimit, Milani hyn në garë

    Në një intervistë për “Sky Sports”, kapiteni i “Djajve të Kuq” ka zbuluar se ka refuzuar dy oferta për rinovim nga klubi anglez, ndërsa situata e tij po ndiqet nga disa skuadra evropiane dhe arabe.

    Në mesin e klubeve të interesuara është edhe Milani, i cili e sheh portugezin si një përforcim të mundshëm. Një rol në këtë interes mund të ketë edhe marrëdhënia e mirë e Fernandes me trajnerin Rúben Amorim, me të cilin ka punuar te Sportingu.

    “Kam pasur mundësi të largohem, por gjithmonë kam zgjedhur të qëndroj. Nuk kam kërkuar më shumë para apo kontratë më të gjatë. Gjithmonë kam treguar se sa shumë më intereson ky klub”, deklaroi Fernandes.

    Kontrata e tij aktuale me Manchester United është e vlefshme deri në vitin 2027, me mundësi vazhdimi edhe për një sezon tjetër.

    Burimi: RTKLive

  • Ahmeti-Rama: Marrëveshja e Ohrit dhe bashkëpunimi rajonal në fokus të takimit

    Ahmeti-Rama: Marrëveshja e Ohrit dhe bashkëpunimi rajonal në fokus të takimit

    Ahmeti bëri të ditur se gjatë takimit, ndonëse të shkurtër, janë diskutuar çështje me rëndësi për shqiptarët dhe të ardhmen politike të Ballkanit Perëndimor.

    Ai theksoi se BDI-ja mbetet e gatshme për bashkëpunim dhe komunikim të hapur me Tiranën, me qëllim avancimin e proceseve politike dhe forcimin e stabilitetit rajonal.

    Një tjetër çështje e ngritur ishte lehtësimi i lëvizjes ndërmjet Shqipërisë dhe Maqedonisë së Veriut. Ahmeti rikujtoi rëndësinë e deklaratës së Ramës për heqjen e barrierave kufitare, duke e cilësuar këtë si një hap drejt integrimit më të madh rajonal.

    Ndërkohë, funksionalizimi i sistemit të përbashkët të kontrollit kufitar “One Stop Shop” në Qafë Thanë shihet si një zhvillim konkret për lehtësimin e qarkullimit të qytetarëve dhe mallrave.

    Takimi Ahmeti-Rama vjen në një periudhë kur çështjet e shqiptarëve në rajon, zbatimi i Marrëveshjes së Ohrit dhe bashkëpunimi ndërmjet vendeve të Ballkanit Perëndimor mbeten tema me rëndësi të veçantë politike.

    Burimi: RTKLive

  • Marquez shpallet kampion bote për herë të dhjetë në karrierë

    Marquez shpallet kampion bote për herë të dhjetë në karrierë

    Piloti spanjoll e përfundoi garën në Portugali në pozitën e tetë, rezultat që i mjaftoi për të konfirmuar triumfin në klasifikimin e përgjithshëm dhe për të siguruar titullin e shumëpritur.

    Gara në Portugali u dominua nga Marco Bezzecchi me Aprilian, i cili arriti të marrë kryesimin në gjysmën e dytë dhe të shkëputet nga rivalët për të siguruar fitoren.

    Në podium u ngjitën edhe Jorge Martin, që përfundoi i dyti, dhe Raul Fernandez në pozitën e tretë.

    Megjithatë, vëmendja kryesore ishte te Marquez, i cili vazhdon të forcojë statusin e tij si një prej pilotëve më të mëdhenj në historinë e MotoGP-së.

    Burimi: RTKLive

  • Haxhiu uron Ditën e Alfabetit dhe vlerëson rolin e mësuesve në ruajtjen e shqipes

    Haxhiu uron Ditën e Alfabetit dhe vlerëson rolin e mësuesve në ruajtjen e shqipes

    Kryetarja e Kuvendit kujtoi marrëveshjen e vitit 1908 në Manastir, ku delegatët nga trevat shqiptare dhe mërgata u bashkuan rreth një alfabeti të përbashkët.

    Burimi: Dukagjini

  • Djali i Millorad Dodikut mandatohet për formimin e Qeverisë së re të Republikës Sërpska në Bosnjë

    Djali i Millorad Dodikut mandatohet për formimin e Qeverisë së re të Republikës Sërpska në Bosnjë

    Djali i Millorad Dodikut mandatohet për formimin e Qeverisë së re të Republikës Sërpska në Bosnjë

    Presidenti i Republikës Sërpska, Savo Miniq, e ka mandatuar të dielën Igor Dodikun për formimin e qeverisë së re të këtij entiteti serb të Bosnje e Hercegovinës.

    Igor Dodik është djali i Millorad Dodikut, kryetarit të Aleancës së Socialdemokratëve të Pavarur (SNSD).

    Në një deklaratë për media, Igor Dodik tha se është “i vetëdijshëm se do të duhet ta dëshmojë se e meriton besimin”.

    Ai vuri në plan të parë zhvillimin ekonomik dhe transparencën në punën e institucioneve.

    “Do të punojmë në mënyrë transparente. Është e domosdoshme të rritet angazhimi në institucionet publike. Duhet të dihet se si shpenzohen paratë. Do të kërkoj menaxhim të përgjegjshëm dhe për lëshime do të duhet të mbahet përgjegjësi”, tha ai.

    Duke folur për Bashkimin Evropian, ai tha se qëndrimi i tij ndaj BE-së do të varet nga shkalla e respektit që ky i fundit do të tregojë ndaj tyre.

    Ai përmendi edhe marrëdhëniet me pushtetin e ri në Serbi.

    “Bashkëpunimi me Serbinë mike do të ketë një vend të veçantë në punën tonë të mëtejshme. Dëshiroj t’i vazhdojmë projektet e përbashkëta”, tha Dodik.

    Ai theksoi se do të ketë “shumë sfida në planin e brendshëm dhe të jashtëm”, ndërsa shtoi se “paragjykimet nuk i interesojnë”.

    Igor Dodik ushtron funksionin e sekretarit organizativ të SNSD-së.

    Në zgjedhjet e përgjithshme të këtij viti, të mbajtura në fillim të tetorit, ai ishte bartës i listës së kësaj partie për Kuvendin Popullor të Republikës Sërpska.

    Mandatarin e propozoi Aleanca e Socialdemokratëve të Pavarur, partia që fitoi më së shumti vota në zgjedhjet e përgjithshme në Bosnje e Hercegovinë, në fillim të tetorit.

    Para shpalljes së emrit të mandatarit, Miniq zhvilloi konsultime me SNSD-në, ndërsa dy ditë më parë ishte takuar edhe me partitë opozitare.

    Çfarë tha Millorad Dodik dy ditë para shpalljes së emrit të mandatarit?

    Millorad Dodik, në një konferencë për shtyp në Banjallukë më 20 nëntor, pa dashur të zbulojë emrin e tij, tha se kryesia e partisë kishte përcaktuar emrin e kandidatit për kryeministër.

    “Kandidati për kryeministër është një person që pa dyshim gëzon mbështetjen unanime të SNSD-së. Ne, ashtu siç ka thënë edhe kandidati, pas zgjedhjeve do të dalim në terren. Kandidati i ka duart të lira për ta përbërë qeverinë. Ne e kuptojmë kohën që po vjen. Qeveria duhet të jetë profesionale, e re, efikase dhe e shpejtë, por, natyrisht, në të duhet të ketë edhe njerëz me më shumë përvojë”, tha ai.

    Pasi presidenti i Republikës Sërpska ta propozojë kandidatin për kryeministër dhe formimin e Qeverisë së RS-së, afati kushtetues për zgjedhjen e qeverisë së re në Kuvendin Popullor është 40 ditë nga dita e propozimit të kandidatit. /REL

  • Zelensky: Të paktën 14 persona të zhdukur pasi droni rus goditi një ndërtesë në rajonin e Kievit

    Zelensky: Të paktën 14 persona të zhdukur pasi droni rus goditi një ndërtesë në rajonin e Kievit

    Zelensky: Të paktën 14 persona të zhdukur pasi droni rus goditi një ndërtesë në rajonin e Kievit

    Të paktën 14 persona mund të jenë ende të bllokuar nën rrënojat e një ndërtese banimi, e cila u godit nga një dron rus të dielën në mëngjes, në rajonin e Kievit në Ukrainë.

    Kështu ka deklaruar presidenti i Ukrainës, Volodymyr Zelensky, i cili ka shtuar se po vazhdojnë veprimet e kërkim-shpëtimit.

    “Një pjesë e një ndërtese banimi pesëkatëshe është shembur pas një sulmi me dron rus. Falënderoj ekipet e para të reagimit për veprimin e shpejtë: nëntë persona tashmë janë evakuuar dhe zjarri është vënë nën kontroll”, tha Zelensky në X.

    Zyrtarët lokalë thanë se dy persona, përfshirë një adoleshent, janë lënduar.

    Pamjet e shërbimeve emergjente treguan ekipet e shpëtimit duke kërkuar nëpër një grumbull të madh rrënojash, si dhe duke ndihmuar banorët të largoheshin nga ndërtesa e dëmtuar përmes shkallëve dhe platformës së vinçit.

  • Paraqitje bindëse e Zhegrovës me shifra, kosovari i jep Spallettit arsye për më shumë besim

    Paraqitje bindëse e Zhegrovës me shifra, kosovari i jep Spallettit arsye për më shumë besim

    Edon Zhegrova ka zhvilluar një paraqitje të shkëlqyer në fitoren 4-0 të Juventusit ndaj Venezias, duke qenë një nga lojtarët më të dalluar në këtë përballje.

    Ylli i Kosovës e nisi për herë të parë këtë sezon një ndeshje si titullar te Juventusi dhe për herë të parë qëndroi në fushë gjatë të gjitha 90 minutave.

    Ai e shfrytëzoi në mënyrën më të mirë mundësinë e dhënë, duke kontribuar drejtpërdrejt në fitoren bindëse të skuadrës së tij.

    Zhegrova shkëlqen me asistim në startin e parë si titullar – Juventusi shkatërron Venezian telegrafi.com

    Momenti më i rëndësishëm i Zhegrovës erdhi në minutën e 65-të, kur dhuroi një asistim të bukur për Juan Cabal, i cili shënoi me kokë për 3-0.

    Përveç asistimit, Zhegrova regjistroi tri gjuajtje, dy prej tyre brenda kuadratit, 48 pasime të sakta nga 56 gjithsej dhe tri driblime të suksesshme nga katër tentativa.

    Paraqitja e tij u vlerësua me notën 7.8 nga platforma Sofascore, një tjetër dëshmi e ndikimit që pati në lojën e Juventusit.

    Pas kësaj paraqitjeje, Zhegrova duket se i ka dhënë trajnerit Luciano Spalletti arsye të forta për të llogaritur më shumë në të edhe në ndeshjet e ardhshme. Pas pritjes së gjatë për një mundësi si titullar, futbollisti kosovar e shfrytëzoi në mënyrë bindëse rastin e parë për të luajtur nga minuta e parë deri në fund. /Telegrafi/

  • Theresa May e “tronditur” nga ideja e Andy Burnham për ribashkimin me BE-në

    Theresa May e “tronditur” nga ideja e Andy Burnham për ribashkimin me BE-në

    Theresa May i ka bërë thirrje Andy Burnham-it që “të ecë përpara”, në vend që ta zhysë Mbretërinë e Bashkuar në kaos përmes një përpjekjeje për t’u rikthyer në BE.

    Ish-kryeministrja – mandati i së cilës u shkatërrua pikërisht nga përplasjet rreth Brexit-it – theksoi se vendi kishte votuar për Brexit-in.

    Baronesha May paralajmëroi se t’u thuash njerëzve se “e kanë pasur gabim” do të shkaktonte zemërim të madh, shkruajnë mediat britanike, përcjell Telegrafi.

    Ajo u shpreh e “tronditur” nga ideja që e gjithë koha e Qeverisë t’i kushtohej sërish negociatave me bllokun evropian.

    Ndërkohë, Sir Tony Blair nga Partia Laburiste e ka zbutur entuziazmin e tij për BE-në, duke argumentuar se Mbretëria e Bashkuar duhet të rikthehet vetëm nëse tregon më shumë gatishmëri për të përqafuar “inovacionin teknologjik”.

    Këto ndërhyrje erdhën pasi kryeministri i tanishëm britanik foli me bujë për një “nisje të re” (reset) me BE-në, gjatë një samiti në Bruksel të premten.

    Kryeministri britanik u bëri thirrje gjithashtu liderëve evropianë që të diskutonin së bashku me të se si mund të jetë marrëdhënia e ardhshme.

    Madje, Burnham ka lënë të kuptohet se një angazhim për t’u rikthyer në BE mund të përfshihet në programin zgjedhor të ardhshëm të Partisë Laburiste.

    E në një intervistë për BBC-në, Lady May tha se përvoja e saj në Qeveri nxori në pah rreziqet e rikthimit në betejat e Brexit-it.

    “… Nuk bëhet fjalë vetëm për kohën e kryeministrit, të ministrave të kabinetit apo të zyrtarëve, nëpër ato lëvizje të vazhdueshme për negociatat. Sepse duhet të negociosh fort për t’u siguruar që po arrin atë që dëshiron”.

    “Dhe kjo është një nga arsyet pse mbetem disi e tronditur nga ajo për të cilën flet Andy Burnham – negociata të mëtejshme për t’u futur në BE. Përveç kësaj, ne si vend votuam për Brexit-in”.

    “Kur isha kryeministre, isha shumë e qartë: ne duhet ta përmbushim atë votë. Ndaj, mesazhi im për të është ky: njerëzit votuan për Brexit-in. Brexit-i është një çështje e mbyllur. Thjesht pranojeni Brexit-in dhe ecni përpara”.

    Lady May – e cila mbështeti qëndrimin në BE gjatë referendumit të vitit 2016, por më pas u përpoq pa sukses të arrinte një marrëveshje për zbatimin e rezultatit – tha se organizimi i një votimi tjetër mbarëkombëtar mund t’i zemërojë votuesit.

    David Cameron, i cili udhëhoqi fushatën për qëndrimin në BE gjatë referendumit, i ka kërkuar gjithashtu zotit Burnham të mos e rihapë çështjen e Brexit-it. /Telegrafi/

  • Studentët e Mjekësisë i japin fund bojkotit, nesër rikthehen në ligjërata dhe praktika klinike

    Studentët e Mjekësisë i japin fund bojkotit, nesër rikthehen në ligjërata dhe praktika klinike

    Studentët e Mjekësisë i japin fund bojkotit, nesër rikthehen në ligjërata dhe praktika klinike

    Këshilli Studentor i Fakultetit të Mjekësisë ka njoftuar se studentët do t’i rikthehen procesit mësimor nga dita e nesërme, pas sqarimeve të pranuara nga Rektorati i Universitetit të Prishtinës lidhur me kërkesat e tyre.

    Përmes një deklarate publike, Këshilli ka bërë të ditur se rikthimi në ligjërata dhe praktika klinike do të bëhet pa përdorimin e sistemit elektronik të evidentimit përmes skanimit të QR Code, por përmes metodave alternative, përkatësisht listave fizike të vijueshmërisë.

    Sipas KSFM-së, Rektorati ka lejuar përdorimin e këtyre metodave deri në krijimin dhe implementimin e një sistemi të përshtatshëm për specifikat dhe nevojat e Fakultetit të Mjekësisë.

    Në deklaratë thuhet se sqarimet e Rektoratit kanë të bëjnë edhe me komunikimet e mëhershme të institucionit, për të cilat rektori ka deklaruar se nuk kanë pasur për qëllim të përbëjnë kërcënim apo cenim të të drejtave të studentëve.

    Ndërkohë, Këshilli Studentor ka bërë të ditur se do të kërkojë njoftim zyrtar për lejimin e vlerësimeve të lëndëve të semestrit paraprak për drejtimet Infermieri dhe Fizioterapi, si dhe publikimin e datave të provimeve.

    KSFM ka ritheksuar se asnjë studenti nuk duhet t’i mohohet e drejta për t’iu nënshtruar provimeve për shkak të vijueshmërisë dhe tri mungesave.

    Këshilli u ka bërë thirrje profesorëve dhe asistentëve që të respektojnë mënyrat alternative të evidentimit, ndërsa ka paralajmëruar se do të vazhdojë bashkëpunimin me Rektoratin për gjetjen e një zgjidhjeje afatgjatë.

    Po ashtu, në deklaratë është sqaruar se asnjë pagë nuk është ndaluar dhe nuk do të ndalohet në lidhje me çështjen e evidentimit të vijueshmërisë së studentëve.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali

  • Zhegrova shkëlqen, Juventusi shkund Venezian

    Zhegrova shkëlqen, Juventusi shkund Venezian

    Reprezentuesi i Kosovës u përfshi për herë të parë këtë sezon në formacionin titullar të “Zonjës së Vjetër” dhe e shfrytëzoi maksimalisht besimin e trajnerit Luciano Spalletti, duke qëndruar në fushë gjatë gjithë ndeshjes.

    Pas një pjese të parë pa gola, Juventusi zhbllokoi rezultatin në minutën e 53-të me Nick Ëoltemade, ndërsa Teun Koopmeiners dyfishoi epërsinë gjashtë minuta më vonë.

    Në minutën e 65-të, Zhegrova asistoi bukur për Juan Cabal, i cili me kokë shënoi golin e tretë. Rezultatin përfundimtar 4-0 e vulosi Randal Kolo Muani nga penalltia në minutën e 71-të.

    Ndërkohë, Albion Rrahmani u aktivizua në minutën e 87-të.

    Me këtë triumf, Juventusi ngjitet në pozitën e gjashtë në Serie A, me 21 pikë të grumbulluara.

    Burimi: RTKLive