Author: Momenti

  • NATO mblidhet të hënën pas shkeljes së hapësirës ajrore të Polonisë nga Rusia

    NATO mblidhet të hënën pas shkeljes së hapësirës ajrore të Polonisë nga Rusia

    Këshilli i Atlantikut të Veriut i NATO-s do të mblidhet të hënën për të diskutuar shkeljen e hapësirës ajrore të Polonisë, sipas një zyrtari të aleancës ushtarake.

    Zyrtari tha se takimi do të zhvillohet në kuadër të konsultimeve të rregullta mes aleatëve.

    Autoritetet polake njoftuan se më 20 nëntor, gjatë sulmeve ruse ndaj Ukrainës, tri objekte hynë në hapësirën ajrore të vendit dhe ranë në territor.

    Njëri prej tyre u identifikua si raketë ruse lundruese Kh-101.

    Sekretari i Përgjithshëm i NATO-s, Mark Rutte, e cilësoi shkeljen si “të rrezikshme” dhe tha se aeroplanët uftarakë të NATO-s u ngritën në përgjigje të incidentit.

    Ai theksoi se aleatët do të vazhdojnë të forcojnë kapacitetet e tyre të parandalimit dhe mbrojtjes.

    Kryeministri polak, Donald Tusk, tha se Polonia ka vërtetuar se të tria objektet vinin nga Rusia dhe se incidenti mund të ketë qenë provokim i qëllimshëm. /AA/

  • Zhegrova dhe Kolo Muani bëjnë shqiponjën pas golit të katërt të Juventusit ndaj Venecias

    Zhegrova dhe Kolo Muani bëjnë shqiponjën pas golit të katërt të Juventusit ndaj Venecias

    Zhegrova dhe Kolo Muani bëjnë shqiponjën pas golit të katërt të Juventusit ndaj Venecias

    Juventusi ka shënuar fitore bindëse me rezultat 4-0 ndaj Venezias, në kuadër të xhiros së 12-të të Serie A, në një ndeshje ku Edon Zhegrova ishte një nga protagonistët kryesorë të skuadrës italiane.

    Ylli i përfaqësueses së Kosovës e nisi takimin nga minuta e parë dhe qëndroi në fushë gjatë gjithë ndeshjes, duke treguar paraqitje të mirë në krahun e sulmit.

    Pas një pjese të parë që përfundoi pa gola, 0-0, Juventusi shpërtheu në pjesën e dytë, duke shënuar katër gola brenda 18 minutash.

    Zhegrova ishte vazhdimisht rrezik për mbrojtjen kundërshtare me depërtimet dhe lëvizjet e tij, ndërsa në minutën e 65-të regjistroi edhe asistimin e tij në këtë takim.

    Futbollisti kosovar shërbeu saktë për Juan Cabal, i cili realizoi për rezultatin 3-0.

    Zhegrova dhe Kolo Muani bëjnë shqiponjën pas golit të katërt të Juventusit ndaj Venecias

    Paraqitja e Zhegrovës dhe fakti që luajti të gjitha 90 minutat dëshmojnë rëndësinë e tij në lojën e Juventusit, në një fitore të rëndësishme për skuadrën bardhezi.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali

  • Nis akademia përkujtimore për vendosjen e busteve të Skënderbeut, Adem Jasharit e Bogdanit (VIDEO)

    Nis akademia përkujtimore për vendosjen e busteve të Skënderbeut, Adem Jasharit e Bogdanit (VIDEO)

    Nis akademia përkujtimore për vendosjen e busteve të Skënderbeut, Adem Jasharit e Bogdanit (VIDEO)

    Ka nisur akademia përkujtimore në Llapushnik të Drenasit, me rastin e vendosjes së busteve të tri figurave të rëndësishme të historisë kombëtare shqiptare, atë të Pjetër Bogdanit, Gjergj Kastriotit – Skënderbeut dhe Adem Jasharit.

    Në këtë akademi kanë marrë pjesë personalitete dhe përfaqësues institucionalë, ku një fjalë rasti ka mbajtur edhe kryetari i Drenasit, Ramiz Lladrovci.

    Gjithashtu, ky aktivitet është shoqëruar edhe me interpretime muzikore nga tenori Shkodran Tolaj, sopranoja Besiana Qani Mehmeti dhe pianistja Magdalena Sedaj.

  • Atmosferë në oborrin e shtëpisë, Bejta dhe banorët këndojnë së bashku (VIDEO)

    Atmosferë në oborrin e shtëpisë, Bejta dhe banorët këndojnë së bashku (VIDEO)

    Atmosferë në oborrin e shtëpisë, Bejta dhe banorët këndojnë së bashku (VIDEO)

    Bejta nuk ka qëndruar vetëm ulur përballë banorëve të tjerë në shtëpinë e Big Brother VIP Kosova 5.

    Por, qëndrimi i tij është përfshirë me muzikë, ku ai ia ka krisur këngës para banorëve të tjerë.

    “Të dua përgjithmonë”, ka qenë një pjesë e këngës që Bejta ka kënduar, derisa banorët e tjerë e kanë dëgjuar.

    Ndërkaq, më vonë bashkë me të kanë kënduar edhe banorët e tjerë.

    Momentin e plotë mund ta ndiqni në videon e mëposhtme:

  • “Diskutuam çështjet me interes kombëtar”, takohen Edi Rama e Ali Ahmeti

    “Diskutuam çështjet me interes kombëtar”, takohen Edi Rama e Ali Ahmeti

    “Diskutuam çështjet me interes kombëtar”, takohen Edi Rama e Ali Ahmeti

    Kryeministri i Shqipërisë, Edi Rama gjatë qëndrimit në Maqedoni të Veriut, ka takuar edhe kryetarin e Bashkimit Demokratik për Integrim, Ali Ahmeti.

    Ky i fundit ka treguar edhe për çështjen që ka diskutuar me kreun e qeverisë shqiptare.

    “Me Edin, si gjithmonë, biseduam vëllazërisht, hapur dhe me përkushtim për çështjet me interes të përbashkët për kombin tonë shqiptar, për thellimin e bashkëpunimit ndërmjet dy shteteve tona, për perspektivën evropiane, partneritetin në kuadër të NATO-s dhe përgjigjen e përbashkët ndaj sfidave me të cilat përballemi.”, ka shkruar Ahmeti.

    Ai ka thënë se ky takim merr një domethënie të veçantë edhe për faktin se zhvillohet më 22 Nëntor, në Ditën e Alfabetit të Gjuhës Shqipe, dhe në vigjilje të 28 Nëntorit, Ditës së Flamurit dhe Pavarësisë së Shqipërisë.

    “Këto ditë të Nëntorit të Madh na rikujtojnë rrugëtimin tonë historik, sakrificat ndër breza dhe rëndësinë e bashkimit rreth gjuhës, flamurit dhe interesave tona kombëtare. Shqiptarët, kudo që jetojnë, kanë arsye dhe përgjegjësi të ndërtojnë ura bashkëpunimi, të forcojnë lidhjet ndërmjet tyre dhe të kontribuojnë së bashku për një të ardhme evropiane, të sigurt dhe me perspektivë. Gëzuar 22 Nëntorin dhe le të na bashkojë gjithmonë fryma e Nëntorit shqiptar!”, ka shkruar Ahmeti. /Klankosova.tv

  • Formacionet zyrtare, Drita - Feronikeli 74: Nuhiu dhe Berisha me 11-she sulmuese

    Formacionet zyrtare, Drita – Feronikeli 74: Nuhiu dhe Berisha me 11-she sulmuese

    Drita do ta presë Feronikelin 74 në një përballje ku gjilanasit synojnë t’i rikthehen fitoreve në duelet e ndërsjella, pas humbjes 1-0 nga ekipi drenicas muaj më parë .

    Skuadra e Dritës aktualisht renditet në vendin e tretë në tabelë me 24 pikë, ndërsa Feronikeli 74 zë pozitën e shtatë me 15 pikë.

    Ndeshja pritet të nisë në orën 15:00, ndërsa të dy trajnerët tashmë kanë përcaktuar 11-shat me të cilët do ta nisin takimin.

    Ardian Nuhiu dhe Elon Berisha kanë përcaktuar 11-shet startuese për këtë përballje.

    Drita: Maloku, B. Krasniqi, Bytyqi, Salihu, Ovouka, Dabiqaj, Limaj, Rroca, Grezda, Balaj, Bl. Krasniqi.

    Feronikeli 74: Kolaj, Selmani, Halili, Soares, Musa, Shabani, Taipi, Yannick, Prapashtica, Cervadiku, Dobratiqi.

    /Telegrafi/

  • Gruaja blen një diamant me çmim qesharak në TikTok, zbulimi i argjendarit e befason

    Gruaja blen një diamant me çmim qesharak në TikTok, zbulimi i argjendarit e befason

    Një grua ka tërhequr vëmendjen në rrjetet sociale pasi bleu një diamant për vetëm rreth 22 euro në TikTok Shop dhe vendosi ta dërgonte te argjendarët për të zbuluar nëse ishte i vërtetë apo një mashtrim.

    Maggie, e cila ndau përvojën e saj në TikTok, pranoi se për shkak të çmimit jashtëzakonisht të ulët nuk kishte pritshmëri të mëdha për blerjen.

    “Do ta dërgoj te dy argjendarë të ndryshëm për të verifikuar nëse është i vërtetë. Të shohim nëse jam mashtruar”, u shpreh ajo.

    Argjendari i parë nuk arriti të përcaktonte nëse diamanti ishte prodhuar në laborator, pasi për këtë nevojiteshin pajisje të specializuara.

    Megjithatë, argjendari i dytë konfirmoi se diamanti ishte i vërtetë, por i krijuar në laborator, një zbulim që e befasoi blerësen.

    “Vërtet? Jam e tronditur që është diamant i vërtetë”, reagoi Maggie.

    Por kishte edhe një problem. Sipas argjendarit, diamanti kishte cilësi të dobët.

    “Pra, në thelb nuk është një diamant shumë cilësor, por mbetet një diamant i vërtetë i prodhuar në laborator”, shpjegoi Maggie.

    Pavarësisht çmimit të lirë, ajo pranoi se do të preferonte një diamant më të bukur dhe cilësor për ta mbajtur si bizhuteri.

    Historia nxiti reagime të shumta në rrjetet sociale, ku disa përdorues sugjeruan se çmimi i ulët mund të lidhej pikërisht me cilësinë e dobët të diamantit.

    Diamantet e prodhuara në laborator kanë përbërje kimike dhe veti fizike të njëjta me diamantet natyrore, por krijohen në kushte të kontrolluara dhe zakonisht kushtojnë më pak. /Telegrafi/

  • Certifikohet gjenerata e parë e profesionistëve të hotelerisë në Kosovë me standarde ndërkombëtare amerikane

    Certifikohet gjenerata e parë e profesionistëve të hotelerisë në Kosovë me standarde ndërkombëtare amerikane

    Mbrëmë është mbajtur ceremonia e certifikimit të gjeneratës së parë të pjesëmarrësve në programet ndërkombëtare CHA (Certified Hotel Administrator) dhe CHM (Certified Hospitality Manager), duke shënuar një hap të rëndësishëm drejt profesionalizimit dhe ngritjes së standardeve në sektorin e hotelerisë në Kosovë, shkruan Telegrafi.

    Ceremonia u organizua nga Unioni i Turizmit të Kosovës (UTK), në bashkëpunim me Institutin Amerikan për Edukim në Hoteleri, American Hotel & Lodging Educational Institute (AHLEI), dhe Akademinë e Turizmit të Kosovës.

    Përmes këtyre programeve, të realizuara për herë të parë në Kosovë, pjesëmarrësit kanë ndjekur trajnime profesionale dhe kanë përfituar certifikime ndërkombëtare, të cilat synojnë avancimin e aftësive menaxheriale, zhvillimin e lidershipit dhe përmirësimin e cilësisë së shërbimeve në industrinë e hotelerisë.

    Në ceremoninë e certifikimit morën pjesë përfaqësues të institucioneve publike, bizneseve dhe profesionistë të sektorit të turizmit dhe hotelerisë.

    Të pranishëm ishin edhe Valdrini, këshilltar në Ministrinë e Kulturës dhe Turizmit, si dhe Lumturije Geci, përfaqësuese e Departamentit të Turizmit pranë kësaj ministrie.

    Në një postim në Facebook, Unioni i Turizmit të Kosovës e ka cilësuar këtë ngjarje si një moment historik për hotelerinë në vend, duke theksuar rëndësinë e bashkëpunimit ndërmjet institucioneve publike dhe sektorit privat në ngritjen e standardeve profesionale.

    “Me krenari përmbyllëm një kapitull të rëndësishëm në zhvillimin dhe profesionalizimin e sektorit të hotelerisë në Kosovë, përmes trajnimeve profesionale dhe certifikimeve ndërkombëtare, në bashkëpunim me Institutin Amerikan American Hotel & Lodging Educational Institute (AHLEI)”, thuhet në njoftimin e UTK-së.

    Një rol të rëndësishëm në realizimin e trajnimeve ka pasur edhe eksperti ndërkombëtar Georges Ubbelohde, të cilin organizatorët e falënderuan për profesionalizmin dhe njohuritë e përcjella te pjesëmarrësit.

    “Angazhimi dhe përkushtimi juaj përfaqësojnë një hap të rëndësishëm drejt ngritjes së standardeve dhe zhvillimit të lidershipit në hotelerinë e Kosovës”, thuhet më tej në urimin e UTK-së drejtuar pjesëmarrësve të certifikuar.

    Realizimi i këtij programi është mbështetur edhe nga projekti Matching Skills to Jobs (MSJ), i Agjencisë Zvicerane për Zhvillim dhe Bashkëpunim (SDC), i zbatuar nga organizata Swisscontact./Telegrafi/

  • Pas 25 vitesh po realizohet vazhdimi i filmit “Home Alone”

    Pas 25 vitesh po realizohet vazhdimi i filmit “Home Alone”

    Pas 25 vitesh po realizohet vazhdimi i filmit “Home Alone”

    Disney është duke punuar për vazhdimin e komedisë ikonike të Krishtlindjeve “Home Alone” (I vetëm në shtëpi), ndërsa aktori Macaulay Culkin pritet të rikthehet në rolin e Kevin McCallister, që e bëri të famshëm në mbarë botën.

    Lajmi është konfirmuar nga revista Variety, e cila raporton se skenarin e filmit të ri do ta shkruajnë Seth Rogen dhe Evan Goldberg, në bashkëpunim me yllin e filmit origjinal, Macaulay Culkin.

    Projekti ndodhet ende në fazat e hershme të zhvillimit. Rogen dhe Goldberg do të jenë gjithashtu producentë përmes kompanisë së tyre të produksionit, Point Grey. Ndërkohë, detajet rreth ngjarjes dhe pjesës tjetër të kastit po mbahen ende të fshehta.

    Sipas raportimit të Deadline, Culkin pritet të jetë edhe pjesë e kastit të filmit. Ideja për realizimin e vazhdimit nisi pasi aktori ia prezantoi propozimin David Greenbaumit, drejtuesit të studios filmike të Disney-t. Bëhet fjalë për një histori që do të rrëfehet nga këndvështrimi i një babai tashmë të rritur.

    Foto: 20thCentFox/Courtesy Everett Collection

    Vetë Culkin kishte folur edhe më parë publikisht për idenë e tij për vazhdimin e filmit. Sipas konceptit të propozuar prej tij, Kevin do të ishte një baba i ve, ose i divorcuar, i cili kujdeset për djalin e tij. Një ditë, fëmija do ta mbyllte atë jashtë shtëpisë dhe do t’i përgatiste kurthe, duke rikrijuar në një mënyrë të përmbysur situatat ikonike të filmit origjinal.

    “ Shtëpia është një lloj metafore për marrëdhënien tonë”, kishte deklaruar aktori.

    Filmi i parë “Home Alone” u publikua në vitin 1990, kur Macaulay Culkin, atëherë vetëm nëntëvjeçar, interpretoi personazhin e Kevin McCallister. Historia fokusohej te një djalë i vogël, të cilin familja e harron aksidentalisht në shtëpi para nisjes për pushimet e Krishtlindjeve. I mbetur vetëm, Kevini detyrohet të mbrojë shtëpinë nga dy hajdutë, duke u ngritur kurthe të ndryshme.

    Dy vjet më vonë, Culkin u rikthye në të njëjtin rol në filmin “Home Alone 2: Lost in New York”, i cili e çoi historinë e Kevinit këtë herë në qytetin e Nju Jorkut.

    Seria filmike vazhdoi edhe në vitet pasuese, por pa pjesëmarrjen e Culkin. Në vitin 1997 u publikua “Home Alone 3”, i ndjekur nga “Home Alone 4” në vitin 2002. Më vonë, në vitin 2012, u realizua edhe një film televiziv, ndërsa në vitin 2021 Disney publikoi ribërjen “Home Sweet Home Alone”, përmes platformës Disney+.

    Ndërkohë, vitet e fundit, Culkin është rikthyer disa herë te personazhi që shënoi karrierën e tij, përmes reklamave të ndryshme. Këtë javë, aktori është shfaqur edhe në një reklamë të re festive të McDonald’s, duke rikujtuar edhe një herë nostalgjinë e filmit që vazhdon të jetë ndër më të dashurit për publikun gjatë periudhës së festave të fundvitit.

    Burimi: Insajderi

  • Ëndrra e Musk për t'i zhvendosur qendrat e të dhënave në hapësirë përballet me një pengesë të madhe

    Ëndrra e Musk për t’i zhvendosur qendrat e të dhënave në hapësirë përballet me një pengesë të madhe

    Planet ambicioze të Elon Musk për të ndërtuar qendra të të dhënave në hapësirë po përballen me një sfidë të re, e cila nuk lidhet vetëm me teknologjinë apo transportimin e pajisjeve në orbitë, por edhe me financimin e tyre.

    Kompanitë që ndërtojnë qendra të të dhënave zakonisht marrin kredi për blerjen e çipave të avancuar, të cilët përdoren si garanci për huatë.

    Në rast se kompania nuk arrin të shlyejë borxhin, kreditorët mund t’i marrin çipat dhe t’i rishesin.

    Megjithatë, kjo praktikë bëhet pothuajse e pamundur kur pajisjet ndodhen në satelitë që orbitojnë qindra kilometra mbi Tokë.

    Raportohet se institucionet financiare të përfshira në një marrëveshje financimi prej 40 miliardë dollarësh për çipat e SpaceX kanë kërkuar që pajisjet e blera të mos përdoren për projektet e qendrave të të dhënave në orbitë.

    Ende nuk dihet nëse SpaceX e ka pranuar këtë kusht.

    Elon Musk ka deklaruar më herët se hapësira mund të bëhet vendi më i lirë për funksionimin e qendrave të të dhënave brenda dy deri në tre vjetësh.

    Megjithatë, realizimi i këtij vizioni varet në masë të madhe nga zhvillimi i raketës Starship, e cila duhet të bëhet plotësisht e ripërdorshme për të ulur kostot e transportit në hapësirë.

    Edhe nëse kjo teknologji arrin të funksionojë sipas planeve, SpaceX do të përballet me kosto të konsiderueshme për sigurimin e çipave të Al.

    Ndërkohë, Google po zhvillon projektin Suncatcher, që synon vendosjen e çipave të vet TPU në hapësirë, ndërsa SpaceX dhe Tesla po punojnë për ndërtimin e fabrikës së tyre të gjysmëpërçuesve, të quajtur Terafab.

    Megjithatë, ky projekt ende nuk ka nisur ndërtimin dhe do të kërkojë vite pune e miliarda dollarë investime.

    Për momentin, sfida kryesore mbetet ekonomike: si të financohen pajisjet e shtrenjta të Al që, pasi të dërgohen në orbitë, nuk mund të rikthehen lehtësisht në Tokë. /Telegrafi/