Author: Momenti

  • Man Utd përgatit buxhetin marramendës prej 600 milionë eurosh për merkaton e janarit

    Man Utd përgatit buxhetin marramendës prej 600 milionë eurosh për merkaton e janarit

    Man Utd përgatit buxhetin marramendës prej 600 milionë eurosh për merkaton e janarit

    Manchester United mund të përgatitet për një rindërtim të madh të skuadrës gjatë afatit kalimtar të janarit, me trajnerin Mauricio Pochettino që raportohet se mund të ketë në dispozicion një buxhet të jashtëzakonshëm prej 500 deri në 600 milionë eurosh.

    Sipas ish-skautit Bryan King, drejtuesit e klubit anglez po shqyrtojnë mundësinë e investimeve të mëdha për të përforcuar skuadrën, e cila po kalon një periudhë të vështirë.

    Në mesin e futbollistëve që po përmenden si objektiva të mundshëm të Manchester Unitedit janë ylli i Chelseat, Cole Palmer, dhe mbrojtësi i Newcastle Unitedit, Lewis Hall.

    Pochettino e njeh mirë Palmerin, pasi kishte punuar me të gjatë kohës kur ishte trajner i Chelseat. Për këtë arsye, një ribashkim i tyre në Old Trafford do të përbënte një nga lëvizjet më të bujshme të afatit kalimtar.

    Megjithatë, deri më tani nuk është raportuar për ndonjë ofertë zyrtare të Manchester Unitedit për asnjërin prej futbollistëve, ndërsa mbetet e paqartë nëse klubi do të jetë realisht i gatshëm të investojë një shumë kaq të madhe.

    Duhet theksuar se shifra prej 500 deri në 600 milionë eurosh është përmendur nga Bryan King dhe nuk është konfirmuar zyrtarisht nga drejtuesit e Manchester Unitedit.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali

  • Isni Kilaj tregon se shujtat në Hagë ua kanë sjellë të ngrira

    Isni Kilaj tregon se shujtat në Hagë ua kanë sjellë të ngrira

    Isni Kilaj tregon se shujtat në Hagë ua kanë sjellë të ngrira

    Ish-komandanti i UÇK-së, Isni Kilaj, i cili u lirua më 17 nëntor nga Gjykata Speciale, në një rrëfim të padëgjuar më parë, ka treguar se si ishte jeta brenda mureve të paraburgimit pranë Dhomave të Specializuara. Në një intervistë për RTV21, Kilaj tha se gjatë kohës së paraburgimit u kanë sjellë ushqime të ngrira, të cilat, sipas tij, kanë qenë të pangrënshme.Sic thotë, me atë llojë ushqimi nuk mund të mbijetohet.

    “Një shujtë 24-orëshe është kur ata na e sjellin në orën 11:00. Është një ushqim i ngrirë, tamam sikur në dasma, në një pjatë të sheshtë plastike, së bashku me pirunë. Ushqimet janë të ngrira, që sigurisht kanë qëndruar me muaj ose me vite. I ngrohin ato në mikrovalë dhe na i sjellin, por edhe për shkak të melmesave që përdorin, si dhe faktit që ushqimi ka qëndruar shumë gjatë, ai është i pangrënshëm. Ne kemi bërë vazhdimisht vërejtje. Iu kemi drejtuar Ombudspersonit në Hagë dhe drejtorisë së Gjykatës aty, por asnjëherë nuk kanë ndërmarrë veprime për ta ndryshuar mënyrën e përgatitjes apo llojin e ushqimit që u shërbehet të burgosurve”.

    Kilaj, i cili më 17 nëntor u lirua nga Dhomat e Specializuara pasi u shpall i pafajshëm për të gjitha akuzat që rëndonin ndaj tij, tregon se ushqimet i blinin me financat e tyre, përmes një porosie sipas rregullave të Gjykatës Speciale, e cila u vinte vazhdimisht me një javë vonesë.

    “Një e mirë këtu ka qenë se kemi pasur të drejtë ta blejmë vetë ushqimin. E kemi pasur një listë të ofruar nga njësia e paraburgimit dhe ne kemi përzgjedhur ushqimet, kemi bërë pagesën dhe ato na janë sjellë vazhdimisht me një javë vonesë. Kemi pasur kushte brenda për të përgatitur ushqim. Të gjithë kemi blerë ushqim, sepse nuk kemi mundësi të jetojmë me një ushqim të tillë, çfarë na ofrojnë ata. Është një kuzhinë e përbashkët, ku mund të takoheshim dhe të përgatisnim ushqim”, ka deklaruar Kilaj./rtv21/

    Burimi: Insajderi

  • Protesta në mbi 100 qytete të Italisë, mijëra punëtorë e studentë protestojnë për paga më të larta

    Protesta në mbi 100 qytete të Italisë, mijëra punëtorë e studentë protestojnë për paga më të larta

    Dhjetëra mijëra punëtorë dhe studentë kanë dalë të premten në rrugët e qyteteve të ndryshme të Italisë, në kuadër të një greve të përgjithshme të organizuar nga konfederata më e madhe e sindikatave në vend, CGIL.

    Burimi: Dukagjini

  • Kur dashuria bëhet rrezik: Donna Dafi publikon këngën e re “Enemy”

    Kur dashuria bëhet rrezik: Donna Dafi publikon këngën e re “Enemy”

    “Ti je helmi që po më vret ngadalë”, këndon Donna Dafi në videoklipin e saj më të ri, “Enemy”, që u publikua sot.

    Këngëtarja me rrënjë shqiptare sjell një këngë pop, që rrëfen çastin kur njeriu që dikur të bënte të ëndërroje bëhet pikërisht ai nga i cili duhet të mbrohesh. Në “Enemy”, protagonistja i dallon shenjat e manipulimit, por tërheqja vazhdon ta kthejë pas.

    Pikërisht aty qëndron tensioni i këngës: mund ta dish se dikush po të lëndon dhe prapë të mos jesh gati të largohesh.

    Metafora e helmit i jep zë kësaj kundërthënieje, ndërsa fraza “My Enemy” (“Armiku im”), me çdo përsëritje, tingëllon më pak si dyshim dhe më shumë si një e vërtetë që nuk mund të mohohet më.

    “Doja që kënga të ishte joshëse dhe e rrezikshme njëkohësisht, sepse ndonjëherë gjërat që na bëjnë më shumë dëm janë edhe më të vështirat për t’u lënë pas”, shprehet Donna Dafi.

    Nëse në “Good Morning” Donna e merrte kontrollin, në “Enemy” ajo kthehet te çasti para atij vendimi: kur e sheh të vërtetën, por ende të tundon gënjeshtra.

    Fraza thumbuese “pretty little liar” i shton këngës një dozë ironie. Protagonistja ende nuk është shkëputur, por nuk u beson më premtimeve që dikur e mbanin të lidhur.

    Me “Enemy”, Donna Dafi zbulon një anë më dramatike të muzikës së saj pop dhe i jep hapësirë një ndjenje që rrallë pranohet hapur: ta duash ende dikë, edhe pasi ke kuptuar se nuk mund t’i besosh më. /Telegrafi/

    – YouTube youtu.be

  • Nga Gucia shqiptare – kryeministër në Beograd?

    Nga Gucia shqiptare – kryeministër në Beograd?

    Familja e Dejan Shoshkiqit, i cili përflitet se mund të jetë në krye të qeverisë së re serbe të dalë nga Lista Studentore, rrjedh nga Gucia. I ati i tij ka qenë kryetar i Republikës së Malit të Zi dhe deri më 1943 ishte i internuar në kampet e fashistëve italianë në Shqipëri. Shoshkiqi nuk është politikani i vetëm i Listës Studentore me rrënjë në Mal të Zi.

    Si kandidat për kryeministër të Serbisë, gjithnjë e më shpesh në qarqet politike dhe mediatike të Beogradit po përmendet Dejan Shoshkiq (ndonëse ende asgjë nuk është e sigurt; mund të dalin në sipërfaqe edhe kandidatë të tjerë, varësisht se si vendosin të ashtuquajturat „plenume të studentëve“, të cilat funksionojnë si një „parlament në hije“).

    Biografia e Dejan Shoshkiqit është interesante. Shoshkiqi u diplomua në Fakultetin Ekonomik të Beogradit më 1989 dhe u shpall studenti i gjeneratës. Aty përfundoi magjistraturën më 1993 dhe doktoraturën në financa më 1999. U specializua gjithashtu në Francë, SHBA dhe në Bankën Kombëtare të Zvicrës, si dhe ishte bursist i programit Fulbright. Shoshkiqi, i cili ka ligjëruar në SHBA, ka qenë guvernator i Bankës Popullore të Serbisë. Dha dorëheqje nga ky post me ardhjen në pushtet të partisë së Aleksandar Vuçiqit.

    Dejan Shoshkiqi është i biri i Branisllav Shoshkiqit, i cili u lind më 1922 në Guci, një rajon i Malit të Zi, fare pranë kufirit me Shqipërinë dhe tradicionalisht i dominuar nga shqiptarët.

    Branisllav Shoshkiqi ka qenë kryetar i Republikës së Malit të Zi në vitet 1985-1986; më parë ishte kryetar i Akademisë së Shkencave dhe Arteve të Malit të Zi. Për një kohë të gjatë ishte profesor i ekonomisë në Universitetin e Beogradit. Vdiq dhe u varros në Beograd më 2022, në moshën 99-vjeçare.

    Shkollimin e kreu në Novi Pazar dhe Berane, ku përfundoi gjimnazin. Që kur ishte nxënës gjimnazi, më 1936, u bë anëtar i SKOJ-it (Lidhjes së Rinisë Komuniste të Jugosllavisë). Studimet i nisi më 1940 në Universitetin e Beogradit. Që nga viti 1941 mori pjesë në lëvizjen antifashiste. Në fund të vitit 1941, pushtuesit e arrestuan në Berane dhe e internuan në kampet në Shqipëri, të ngritura nga fashistët italianë.

    Branisllav Shoshkiq

    Gjatë pushtimit fashist (1941–1943), të internuarit antifashistë nga Mali i Zi dhe Sanxhaku (përfshirë ata të arrestuar në zonën e Berane) zakonisht dërgoheshin në kampet e përqendrimit në Kavajë, Klos (Burrel), Berat, Porto Palermo ose Pukë.

    Ndonëse Dejan Shoshkiqi deklarohet si serb. Mediat e afërta me ish-regjimin e Aleksandar Vuçiqit (si „Informer“) e kanë akuzuar si „kuadër malazez“ dhe „pinjoll i një familjeje të regjimit komunist“. Para zgjedhjeve, mediat proqeveritare, Vuçiqi dhe mbështetësit e tij kanë alarmuar, drejtpërdrejt apo tërthorazi, për rrezikun që „malazezët të qeverisin Serbinë“.

    Si malazez është cilësuar edhe Ilija Sërdanoviqi, i cili kryesoi Listën Studentore. Në të vërtetë, Sërdanoviqi ka lindur dhe është rritur në Novi Sad të Vojvodinës, në veri të Serbisë, por me origjinë është nga fshati Bukovica, në Parkun Kombëtar të Durmitorit në Malin e Zi. Si aktivist për mbrojtjen e natyrës, Sërdanoviqi ka qëndruar në Bukovicë për të mbrojtur një lumë nga shkatërrimi. Në një kronikë të televizionit të Malit të Zi thuhej se Ilija Sërdanoviqi bëri që Bukovica e Malit të Zi të bëhej fshati më i njohur në rajon. „Banorët krenohen me bashkëvendësin e tyre, i cili u doli në krah kur po mbrohej lumi, por edhe tani, kur mbështeti studentët dhe i udhëhoqi drejt fitores në zgjedhjet në Serbi“.

    Në mediat bulevardeske dhe nacionaliste serbe biografia e Sërdanoviqit është “stolisur” edhe me akuza të tjera: pasi u shpall malazez, ai u quajt kandidat i “Kavaçki klan”, një grup i rrezikshëm kriminal nga një fshat afër Kotorit. Gjiri i Kotorrit prej vitesh zë vend në mediat lokale dhe ndërkombëtare, në raportet e instituteve kërkimore perëndimore dhe në njoftimet e policisë – për shkak të një lufte brutale mes dy klaneve rivale të drogës. Njëri quhet Shkaljari, tjetri Kavaçi – emra këta të marrë nga dy fshatra fqinjë pranë qytetit bregdetar të Kotorrit. Lufta mes dy klaneve nisi më 2014 për punë droge. Që atëherë, kjo përplasje ka shkaktuar rreth 70 viktima. Atentatet nuk kanë ndodhur vetëm në të gjithë Ballkanin, por edhe në Spanjë, Gjermani, Austri, Holandë, Greqi, Turqi – madje edhe në Ukrainë. Në këto sulme janë përdorur pushkë automatike, snajperë, mjete shpërthyese dhe bomba të vendosura në vetura.

    Sërdanoviq nuk ka të bëjë asgjë me këto klane dhe propaganda e mediave të Vuçiqit kundër tij nuk pati efekt. Siç nuk pati as akuza se Sërdanoviq, kardiolog me profesion, ka qenë mjek personal i Millo Gjukanoviqit, ish-kryetarit shumëvjeçar të Malit të Zi, i cili më 2006, nëpërmjet referendumit, e bëri Malin e Zi të pavarur.

    Lidhur me debatet në Serbi mbi “rrezikun e kandidatëve malazezë” nuk kanë munguar as ngacmimet nga Mali i Zi. Politologu Ljubomir Filipoviq shkroi në shtator në rrjetet sociale se „mezi pret“ që Sërdanoviqi të bëhet kryeministër i Serbisë: „Mezi pres që Sërdanoviqi të bëhet kryeministër serb, që të sundojmë sërish atje, pastaj që gjuha malazeze të bëhet gjuhë zyrtare në Serbi, që ai të nënshkruajë Marrëveshjen Themelore me Kishën Malazeze dhe t’u japë pasaporta të gjithë shokëve tanë të rinisë nga Aleanca Liberale dhe lëvizja e komitëve, që të shkojmë e të votojmë në çdo zgjedhje dhe që ai të mos largohet kurrë më nga pushteti“.

    Me këto ironi Filipoviq godiste kërkesat e Beogradit ndaj Malit të Zi për t’i dhënë sa më shumë të drejta „popullit serb“ në këtë vend.

    Shoshkiq dhe Sërdanoviq nuk janë “malazezët” e vetëm që po sikletosin Vuçiqin dhe përkrahësit e tij. Edhe Radomir Saiçiq, një profesor i kimisë dhe figurë prominente e Listës Studentore, ka thënë se me origjinë është nga Mali i Zi. Madje ai ka deklaruar se është “krenar që është malazez” dhe rrjedh nga fisi i Vasojeviqëve për të cilin ka shumë mite e legjenda, hamendësime e supozime. Një nga to: Vasojeviqët në zanafillë paskëshin qenë fis shqiptar, por më vonë u sllavizuan. Në librin e tij “Jeta dhe zakonet e shqiptarëve”, shkrimtari malazez Mark Milani supozon se ishin dy vëllezër, Vasa e Krasa. Nga Vasa u bënë Vasojeviqët (“serbë” dhe orotodoksë), nga Krasa u bë fisi Krasniqi (“mysliman”). Ndërsa profesor Eqrem Çabej në studimin “Shqiptarët midis Perëndimit dhe Lindjes” shkruan: “Pas traditës fisore të Krasniqëve, këta vetë, Nikajt e Vasojeviqët, janë fise vëllezër, të cilët me kohë u shkëputën: Nikajt mbetën katolikë, Krasniqët u bënë muhamedanë, Vasojeviqët u bënë njëkohësisht ortodoksë e sllavë”. (Këto të dhëna burojnë nga një shkrim i publicistit dhe gjuhëtarit Mehmet Elezi, botuar te revista “ExLibris”, qershor 2024).

    Lidhur me deputetin e Listës Studentore Radomir Saiçiq në mediat serbe është pandehur se ai ka lidhje familjare me Aleksandar Lekso Saiçiqin, luftëtarin malazez, emri i të cilit ka mbetur në kujtesë falë legjendës për një duel me një samuraj japonez gjatë Luftës Ruso-Japoneze.

    Aleksandar Lekso Saiçiq lindi më 1873 në Vinickë, në krahinën e Vasojeviqëve, në territorin e Malit të Zi të sotëm. Rruga e tij jetësore e çoi nga shkollimi në Cetinë dhe stërvitja ushtarake në Beograd deri te shërbimi në ushtrinë ruse, ku e gjeti Lufta Ruso-Japoneze, e cila filloi në vitin 1904.

    Duket se si dikur edhe sot vlen makisma humoristike malazeze: “Jemi pak, por mirë të shpërndarë”. Ndonëse ishin populli më i vogël për nga numri në federatën jugosllave, malazezët ishin jashtëzakonisht të përfaqësuar në pozitat e larta drejtuese, politike, ushtarake dhe në funksionet e drejtorëve në mbarë Jugosllavinë.

  • Pas gjashtë vitesh në ‘Anfield’, ylli i Liverpoolit po kërkon largimin në fund të sezonit

    Pas gjashtë vitesh në ‘Anfield’, ylli i Liverpoolit po kërkon largimin në fund të sezonit

    Kostas Tsimikas pritet të largohet nga Liverpooli në fund të sezonit të ardhshëm, me Spanjën që po shihet si destinacioni i mundshëm për vazhdimin e karrierës së tij.

    Sipas diskutimeve në emisionin grek Box2Box të Betsson, mbrojtësi i majtë është i gatshëm të nisë një aventurë të re, pas gjashtë vitesh të kaluara në “Anfield”.

    30-vjeçari, i cili përfaqëson Kombëtaren e Greqisë, nuk e sheh si opsion të mundshëm rikthimin në futbollin grek dhe preferon të vazhdojë karrierën në një kampionat tjetër evropian.

    La Liga konsiderohet si një destinacion i përshtatshëm për Tsimikasin, ndërsa raportohet se disa klube tashmë kanë shqyrtuar situatën e tij.

    Megjithatë, deri më tani nuk janë bërë të ditur emrat e skuadrave të interesuara dhe as nuk ka informacione për negociata konkrete.

    Kështu, aventura e Tsimikasit te Liverpooli mund të marrë fund pas gjashtë sezonesh, me mbrojtësin grek që duket i gatshëm për një sfidë të re në karrierën e tij./Telegrafi/

  • ASH: VLEN nuk përfaqëson shqiptarët në këtë qeveri, premtimi për mbi 2 mijë punësime përfundoi me shifra shqetësuese

    ASH: VLEN nuk përfaqëson shqiptarët në këtë qeveri, premtimi për mbi 2 mijë punësime përfundoi me shifra shqetësuese

    Aleanca për Shqiptarët sot ka akuzuar VLEN-in se udhëhqësit e tyre janë shndërruar në vasalë të partnerit të tyre qeveritar maqedonas.

    Nga ASH thonë se VLEN-i erdhi në pushtet me premtime për ndryshim, zhvillim, punësime dhe integrim, por sot po dëshmon se prioriteti i vetëm ishin pushteti, privilegjet dhe pozitat.

    “Ndërkohë që përfaqësimi i shqiptarëve në institucione po degradohet dhe gjuha shqipe po nënvlerësohet, VLEN hesht. Qytetarët me të drejtë pyesin se interesat e kujt po mbrojnë dhe me çfarë të drejte vazhdojnë të flasin në emër të shqiptarëve?
    VLEN pranoi heqjen e balancuesit, mekanizmit që, pavarësisht mangësive, shërbente për të mbrojtur përfaqësimin e drejtë në punësim, duke premtuar zëvendësimin e tij me ligj të ri. Sot, ku është ai ligj? Ku është përfaqësimi i drejtë? Në vend të rezultateve, qytetarët marrin vetëm justifikime, mashtrime dhe retorikën e njohur “rrini rehat”.

    Premtimi për mbi 2 mijë punësime përfundoi me shifra shqetësuese. Sipas të dhënave të paraqitura për punësimet në nëntë institucione shtetërore, nga gjithsej 515 të punësuar, 496 janë maqedonas dhe vetëm 19 shqiptarë, ose 3.7%.

    Vetëm në Spitalin e Kumanovës, Drejtorinë për Mbrojtje dhe Shpëtim dhe Akademinë Ushtarake, nga 171 të punësuar, asnjë nuk është shqiptar! Në Institutin e Shëndetit Publik, nga 63 të punësuar, vetëm 3 janë shqiptarë. Shifra të ngjashme regjistrohen edhe në institucionet e tjera.

    A është ky përfaqësimi i drejtë që premtuat? A është ky ndryshimi për të cilin kërkuat votën? Shqiptarët që ju besuan nuk e meritojnë këtë poshtërim.

    Nëse këto shifra nuk ju bëjnë të skuqeni nga turpi dhe nuk ju rëndojnë ndërgjegjen, atëherë vazhdoni. Por përgjigjen e merituar do ta merrni nga qytetarët me votë.

    Aleanca për Shqiptarët do të vazhdojë të kërkojë llogari dhe të luftojë për përfaqësim të drejtë, barazi reale dhe dinjitet në çdo institucion. Shqiptarët meritojnë rezultate konkrete, jo premtime boshe dhe nënshtrim politik”, akuzojnë nga ASH./Telegrafi/

  • Madhësia e saj është befasuese, zbulohet flutura e rrallë që nuk ishte identifikuar prej një shekulli

    Madhësia e saj është befasuese, zbulohet flutura e rrallë që nuk ishte identifikuar prej një shekulli

    Madhësia e saj është befasuese, zbulohet flutura e rrallë që nuk ishte identifikuar prej një shekulli

    Një flutur nate mikroskopike, me hapësirë krahësh vetëm 6.5 milimetra, i ka dhënë shtetit indian Assam një arritje të rrallë shkencore. Studiuesit kanë përshkruar një specie të re pranë Rezervatit Natyror Hollongapar Gibbon, duke shënuar zbulimin e parë të një specieje të re në familjen e fluturave të natës të njohura si “sedge moths” në Indi, pas gati një shekulli.

    Specia e re është emërtuar Glyphipterix brevimucronata dhe është zbuluar pranë Marianit, në distriktin Jorhat. Ajo është përshkruar nga Kishore Chandra Sahoo, shkencëtar në Institutin Indian të Kërkimeve Bujqësore (IARI), në Assam.

    Ekzemplari i parë i kësaj specieje, i cili shërben si referencë shkencore për identifikimin e saj, është mbledhur më 2 tetor 2025 nga Sahoo dhe Abhijith K.P. Përshkrimi i zbulimit është publikuar në revistën shkencore Zootaxa.

    Insekti ka krahë të përparmë ngjyrë kafe, me shkëlqim metalik në nuanca të verdha dhe shenja karakteristike të bardha. Emri i species është krijuar nga dy fjalë latine që nënkuptojnë “i shkurtër” dhe “i mprehtë”, duke iu referuar një strukture të shkurtër dhe të mprehtë në anatominë e saj riprodhuese.

    Ky zbulim nxjerr në pah se sa pak dihet ende për këtë grup insektesh. Familja e fluturave të natës Glyphipterigidae përfshin më shumë se 530 specie të përshkruara në mbarë botën, por në Indi janë regjistruar vetëm 25 prej tyre.

    Me përjashtim të një specieje, të gjitha llojet indiane të gjinisë Glyphipterix janë përshkruar nga entomologu britanik Edward Meyrick, gjatë periudhës 1907–1923.

    Diversiteti i këtyre specieve në Indi mbetet ende i studiuar në mënyrë të pamjaftueshme.

    Kryeministri i shtetit Assam, Himanta Biswa Sarma, e ka mirëpritur të premten zbulimin përmes një postimi në rrjetet sociale.

    Duke e cilësuar si një lajm të mrekullueshëm, ai ka thënë se natyra e Assamit fsheh ende shumë sekrete interesante.

    Në platformën X, ai ka shkruar: “Lajm i mrekullueshëm për adhuruesit e natyrës! Assam po bëhet sërish lajm me zbulimin e një specieje të re të fluturës mikroskopike të natës pranë Rezervatit Natyror Hollongapar Gibbon. E emërtuar Glyphipterix brevimucronata, kjo gjetje shënon zbulimin e parë të një specieje të re në familjen e fluturave të natës sedge moths në Indi pas gati një shekulli. Një tjetër dëshmi se bota natyrore e Assam-it fsheh ende shumë sekrete magjepsëse që presin të zbulohen.” Ai ka shpërndarë edhe fotografitë e insektit.

    Ky zbulim i shtohet rëndësisë shkencore të Rezervatit Natyror Hollongapar Gibbon.

    I shtrirë në vetëm 20.98 kilometra katrorë në distriktin Jorhat, ky është rezervati më i vogël i kafshëve të egra në Assam. Ai njihet veçanërisht si habitat i gibonit hoolock, lloji i vetëm i majmunëve pa bisht që jeton në Indi, si dhe për larminë e madhe të fluturave dhe insekteve të tjera.

    Shkencëtarët vlerësojnë se ky zbulim dëshmon nevojën për studime më të organizuara të grupeve më pak të njohura të insekteve në verilindje të Indisë, një rajon ku shumë specie të vogla ende nuk janë dokumentuar.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali

  • Grabitje e drogë: Policia kap tre persona në dy aksione në Durrës

    Grabitje e drogë: Policia kap tre persona në dy aksione në Durrës

    Grabitje e drogë: Policia kap tre persona në dy aksione në Durrës

    Tre persona kanë rënë në prangat e Policisë në Durrës, nën dyshimet për grabitje dhe posedim të lëndëve narkotike.

    Në operacionin e parë, të koduar “Reagimi”, është arrestuar një 34-vjeçar, i dyshuar për kërcënimin me mjet prerës dhe grabitjen e një taksisti në lagjen nr. 14 të qytetit të Durrësit.

    Sipas njoftimit të Policisë, 34-vjeçari me inicialet Xh. S. dyshohet se mëngjesin e sotëm ka kërcënuar me mjet prerës një taksist 30-vjeçar, me inicialet A. Q., duke i marrë celularin, një shumë parash dhe çelësin e veturës.

    Ndërkaq, në një aksion të dytë, janë arrestuar në flagrancë dy të rinj, D. Z., 27 vjeç, dhe E. K., 24 vjeç, të dy banues në Tiranë, të dyshuar për transportimin e farave të kanabisit dhe lëndëve narkotike.

    Gjatë kontrollit të një furgoni, policia ka gjetur një sasi të konsiderueshme farash të dyshuara narkotike të llojit kanabis, një sasi lënde të dyshuar narkotike të të njëjtit lloj, si dhe një shumë parash.

    Në cilësinë e provës materiale janë sekuestruar lëndët e dyshuara narkotike, paratë, furgoni dhe dy telefona celularë. /Klankosova.tv

  • Detaje të reja rreth rënies së dy raketave ruse dhe një droni në Poloni

    Detaje të reja rreth rënies së dy raketave ruse dhe një droni në Poloni

    Dy raketa ruse dhe një dron kanë rënë në territorin e Polonisë mëngjesin e sotëm, konfirmoi ministri polak i Mbrojtjes, Władysław Kosiniak-Kamysz. Incidentet ndodhën gjatë një sulmi masiv rus ndaj objektivave në pjesën perëndimore të Ukrainës.

    Mediumi polak Wirtualna Polska publikoi mëngjesin e sotëm një fotografi të një krateri, në qendër të të cilit shihej zjarr.

    Sipas portalit, objekti kishte rënë në një fushë në fshatin Nowy Lipowiec, në juglindje të Polonisë, rreth 60 kilometra larg kufirit me Ukrainën dhe disa qindra metra larg objekteve të banimit.

    Deri më tani nuk ka raportime për persona të lënduar.

    Qeveria polake ka paralajmëruar muajt e fundit për të dhëna të inteligjencës që tregojnë mundësinë e provokimeve ruse, përfshirë shkeljen e hapësirës ajrore dhe të kufirit shtetëror.

    Në shtator të këtij viti, një helikopter rus kaloi për pak kohë kufirin nga enklava ruse e Kaliningradit, ndërsa në fillim të këtij muaji Polonia njoftoi se kishte parandaluar një operacion tokësor pranë këtij kufiri.

    Incidente të tilla nuk janë të paprecedentë. Në shtator të vitit 2025, rreth 20 dronë rusë kaluan kufirin lindor të Polonisë.

    Ndërkaq, në nëntor të vitit 2022, në fazat e para të luftës në Ukrainë, dy persona humbën jetën në Poloni pasi një raketë ra në territorin e saj.

    Hetimet e mëvonshme zbuluan se bëhej fjalë për një raketë ukrainase të mbrojtjes kundërajrore, e lëshuar në përgjigje të një sulmi rus.

    Ministri Kosiniak-Kamysz konfirmoi në një konferencë për media se në fshatin Nowy Lipowiec kishte rënë një raketë ruse e lundrimit e tipit Kh-101.

    Ai tha se bëhej fjalë për të njëjtin lloj rakete që kishte hyrë në hapësirën ajrore polake dhe kishte shpërthyer në pjesën lindore të vendit në korrik të këtij viti.

    Ministri zbuloi gjithashtu se një raketë tjetër kishte rënë në qytetin Rudnik nad Sanem, ndërsa një objekt, për të cilin dyshohet se ishte dron me motor reaktiv, kishte goditur fshatin Mołodycz.

    Të dyja lokacionet ndodhen në juglindje të Polonisë, pranë kufirit me Ukrainën.

    Kosiniak-Kamysz tha se incidentet ndodhën gjatë njërit prej sulmeve më të mëdha ruse ndaj Ukrainës që nga fillimi i luftës.

    Ai shtoi se deri në atë moment nuk kishte raportime për persona të lënduar apo dëme në infrastrukturën kritike të vendit. /Telegrafi/