Category: Lajme

  • Kabashi dyshon se mospajtimet mes Thaçit dhe Veselit për ligjin për Specialen u reflektuan në PDK

    Kabashi dyshon se mospajtimet mes Thaçit dhe Veselit për ligjin për Specialen u reflektuan në PDK

    Gazetari dhe analisti Bekim Kabashi ka vënë në pikëpyetje unitetin brenda Partisë Demokratike të Kosovës lidhur me iniciativën për ndryshimin e Ligjit për Dhomat e Specializuara, duke dyshuar se mospajtimet mund të jenë ndërlidhur edhe me qëndrimet e Hashim Thaçit dhe Kadri Veselit.

    Burimi: Dukagjini

  • Kabashi doubts that disagreements between Thaci and Veselin for Special Law were reflected in PDK

    Journalist and analyst Bekim Kabashi has questioned the unity within the Democratic Party of Kosovo over the initiative to change the Law for Specialised Chambers, doubting that differences may have been linked to the positions of Hashim Thaci and Kadri Weselin.

    Source Layer: Dukeagini

  • Shkullaku kujton fillimet e Klan Kosovës: Shqiptarët filluan të njiheshin mes vete (VIDEO)

    Shkullaku kujton fillimet e Klan Kosovës: Shqiptarët filluan të njiheshin mes vete (VIDEO)

    Shkullaku kujton fillimet e Klan Kosovës: Shqiptarët filluan të njiheshin mes vete (VIDEO)

    Analisti Armand Shkullaku, i ftuar në emisionin “Rubikon”, ka kujtuar periudhën kur kishte filluar punën Klan Kosova, duke folur për paragjykimet që ekzistonin mes shqiptarëve të Kosovës dhe Shqipërisë.

    Shkullaku ka thënë se dallimi mes gazetarisë në Kosovë dhe asaj në Shqipëri ishte i madh, ndërsa është shprehur se ishte i bindur që hapja e Klan Kosovës do të ndikonte në njohjen më të mirë të dy shoqërive shqiptare.

    Sipas tij, këtë afrim do ta realizonin brezat e rinj.

    “Isha i bindur edhe kur kam filluar Klan Kosovën se, pas disa vjetësh, do të njiheshim më mirë. Edhe kënga ‘Jemi një’ nuk kishte asgjë patriotike në tekst. Kishte të bënte me Dhërmiun dhe lokalet e natës në Prishtinë. Unë mendoja se bashkimin imagjinar, i cili mund të bëhej realitet, duhej ta realizonte një brez tjetër, jo brezi ynë, i cili kishte paragjykimet e veta.

    Nëse e shikon brezin e ri sot, djali im ka përfunduar një vit të gjimnazit në Prishtinë dhe nuk ka pasur asnjë problem. Edhe me zhargonin, edhe me anglishten, ishte pjesë e një bote më globale, por që zhvillohej mes shqiptarëve”, ka deklaruar Shkullaku.

    Ai ka thënë se afrimi shoqëror mes shqiptarëve të Kosovës dhe Shqipërisë ka filluar pas hapjes së Rrugës së Kombit, duke theksuar se deri atëherë paragjykimet mes tyre ishin të mëdha.

    Shkullaku ka treguar edhe për pyetjet dhe paragjykimet me të cilat ishte përballur kur kishte ardhur në Kosovë, ku, sipas tij, kishte njerëz që e konsideronin Kosovën si “fshat” dhe mendonin se banorët e saj mezi flisnin shqip.

    “Debati duhet parë në dy rrafshe. Është tjetër gjë ndikimi për tentativa politike dhe tjetër gjë tentativa për ndikim shoqëror ndaj njëra-tjetrës. Njohja mes shqiptarëve dhe ndikimi shoqëror janë relativisht të reja. Mund të them se, për shkak të rrugës, kjo ka filluar para 15-16 vjetësh. Lidhjet kanë filluar të krijohen, ndonëse ndarja ka zgjatur për më shumë se 100 vjet. Pra, nuk ka pasur njohje të mjaftueshme, nuk ka pasur përshtatje mes nesh, nëse je nga Tirana, Gjakova etj. Kjo shkëputje për më shumë se një shekull dhe mosnjohja kanë sjellë paragjykime. Unë, vërtet, kur kam ardhur, kam pasur paragjykime.

    Me pyetje të tilla si: ‘Si do të shkosh atje?’, ‘A do të shkosh në një fshat?’. Në vitet 2006-2007, njerëzit pyesnin edhe nëse i kishe parë ata, sepse mezi flisnin shqip”, ka deklaruar Shkullaku.

    Për më shumë, ndiqeni videon:

  • Haradinaj: Do të duhej të ishte më insistues ndikimi diplomatik i Shqipërisë (VIDEO)

    Haradinaj: Do të duhej të ishte më insistues ndikimi diplomatik i Shqipërisë (VIDEO)

    Haradinaj: Do të duhej të ishte më insistues ndikimi diplomatik i Shqipërisë (VIDEO)

    Opinionistja Meliza Haradinaj, në emisionin “Rubikon” të Klan Kosovës, ka vlerësuar se Shqipëria do të duhej të kishte një angazhim më të madh diplomatik në mbështetje të Kosovës, veçanërisht lidhur me Gjykatën Speciale dhe veriun.

    Ajo tha se Shqipëria ka raporte dhe lidhje të rëndësishme me liderë ndërkombëtarë, të cilat mund të shfrytëzoheshin më shumë në funksion të interesave të Kosovës.

    “Do të duhej të ishte më insistues ndikimi diplomatik i Shqipërisë, sidomos për Gjykatën Speciale, sidomos për veriun e Kosovës”, u shpreh Haradinaj.

    Haradinaj theksoi se vlerësimin e saj po e bënte në një kontekst më të gjerë kohor, duke iu referuar zhvillimeve të dekadës së fundit.

    “Tani unë nuk jam përfaqësuese e qeverisë. Po flas në përgjithësi për dekadën e fundit”, tha ajo, njofton Klankosova.tv.

    Sipas Haradinajt, vitet e fundit nuk është parë një angazhim i mjaftueshëm i Shqipërisë për Kosovën, por as për pakicat shqiptare në rajon.

    “Fatkeqësisht, viteve të fundit nuk e kemi parë Shqipërinë as të kujdeset për Kosovën, por as për pakicat e tjera përreth”, u shpreh ajo.

    Ajo shtoi se edhe në Kosovë, sipas saj, në disa raste nuk është mirëpritur ndihma që Shqipëria ka mundur të ofrojë.

    “Por kemi parë edhe Kosovën që i pengon edhe ndihma e Shqipërisë. Nuk e kemi parë këtë nga Shqipëria”, përfundoi Haradinaj.

  • Haradinaj: Should be more insistent on Albania’s diplomatic impact ( VIDEOS)

    OPironist Melza Haradinaj, on the Klan-Kosovo programme Rubiconı, has estimated that Albania would have to have a greater diplomatic commitment in support of Kosovo, especially in terms of the Special Court and the north.

    She said Albania has important reports and links with international leaders, which could be used more in the function of Kosovo’s interests.

    It would have to be more insistent on Albania’s diplomatic influence, especially for the Special Court, especially for the north of Kosovo, Haradinaj said.

    Haradinaj stressed that her assessment was doing so in a broader context of time, referring to developments in the last decade.

    Now I’m not a representative of the government. I’m generally talking about the last decade, she said, announces Clankosova.tv.

    According to Haradinaj, Albania’s commitment to Kosovo has not been seen in recent years, but also for Albanian minorities in the region.

    Unfortunately, in recent years we have not seen Albania care for Kosovo either, but not for other minorities around it, she said.

    She added that even in Kosovo, according to her, in some cases the aid Albania has been able to offer has not been welcomed.

    But we have seen Kosovo hinder even Albania’s aid. We have not seen this from Albania, Haradinaj concluded.

  • Paçarizi për raportet Kosovë-Shqipëri: E kaluara na ka bërë të jetojmë ndryshe (VIDEO)

    Paçarizi për raportet Kosovë-Shqipëri: E kaluara na ka bërë të jetojmë ndryshe (VIDEO)

    Paçarizi për raportet Kosovë-Shqipëri: E kaluara na ka bërë të jetojmë ndryshe (VIDEO)

    Profesori dhe opinionisti Rrahman Paçarizi, në emisionin “Rubikon” në Klan Kosova, ka folur për dallimet mes shqiptarëve të Kosovës dhe atyre të Shqipërisë, duke thënë se ato burojnë kryesisht nga trashëgimia e ndryshme historike dhe përvojat e ndryshme politike e shoqërore.

    Paçarizi ka thënë se ndonëse shqiptarët kanë pasur gjuhë, folklor dhe lidhje të përbashkëta, ndarja politike dhe sistemet e ndryshme në të cilat kanë jetuar, veçanërisht gjatë 50 vjetëve të komunizmit në Shqipëri dhe periudhës së Jugosllavisë në Kosovë, kanë ndikuar në krijimin e dallimeve të mëdha.

    “Dallimi kryesor ndërmjet Kosovës dhe Shqipërisë buron te trashëgimia e ndryshme, te e kaluara e ndryshme. Secili kemi në familje dikë që ka punuar në Shqipëri, ose dikush nga Shqipëria që ka jetuar këtu. Ajo njohja, ai kontakt, ka ekzistuar para 100 vjetësh, nuk ka pasur dallime. Gjakova dhe Shkodra kanë komunikuar bashkë, edhe me Tiranën etj.

    Kemi pasur një folklor, një gjuhë, kemi pasur shumë të përbashkëta, por mënyra e jetesës dhe ndarja e thellë, sidomos gjatë 50 viteve të komunizmit në Shqipëri dhe këndej në Jugosllavi, e ka bërë të vetën dhe ne kemi jetuar ndryshe”, ka deklaruar Paçarizi, transmeton Klankosova.tv.

    Ai ka theksuar se dy shoqëritë janë zhvilluar në sisteme të ndryshme politike dhe shoqërore, duke ndikuar edhe në kulturë, arsim dhe mënyrën e të menduarit.

    “Duke u takuar botëve të ndryshme, sepse Shqipëria ka qenë një vend i bllokuar, Jugosllavia ka qenë diçka ndërmjet. Kemi jetuar në planin kulturor, në planin arsimor, kemi jetuar shumë më ndryshe”, ka thënë ai.

    Paçarizi ka folur edhe për dallimet në modelin e mediave në Kosovë dhe Shqipëri, duke thënë se mediat në Shqipëri janë më të orientuara drejt spektaklit dhe sensacionit, ndërsa në Kosovë më shumë drejt politikës dhe ekonomisë.

    “Modeli i medias në Shqipëri është mesdhetar, që ka në plan të parë spektaklin, sensacionin. Media e Kosovës është media e cila është rritur dhe zhvilluar edhe para kësaj lufte, me idenë e medias publike para së gjithash, të cilës i intereson politika, ekonomia e tek më pas argëtimi”, ka deklaruar Paçarizi.

    Sipas tij, përvojat e ndryshme historike kanë bërë që shqiptarët e të dy vendeve të mos arrijnë gjithmonë t’i kuptojnë vuajtjet dhe përjetimet e njëri-tjetrit.

    “Kemi jetuar krejt ndryshe dhe për pasojë ne shqiptarët e Kosovës nuk ua dimë hallin shqiptarëve të Shqipërisë që kanë jetuar në diktaturë dhe ne nuk mundemi me besu qysh shqiptarët e Shqipërisë nuk na besojnë neve për çka kemi përjetuar ne nga Millosheviqi. Na nuk e kuptojmë hallin e njëri-tjetrit sepse kemi pasur halle të ndryshme”, ka theksuar Paçarizi në “Rubikon”./Klankosova.tv.

  • Çelaj: Dashuria jonë për Shqipërinë enveriste ka bërë që të mos orientohemi kah Beogradi (VIDEO)

    Çelaj: Dashuria jonë për Shqipërinë enveriste ka bërë që të mos orientohemi kah Beogradi (VIDEO)

    Çelaj: Dashuria jonë për Shqipërinë enveriste ka bërë që të mos orientohemi kah Beogradi (VIDEO)

    Opinionisti Lirak Çelaj, në emisionin “Rubikon” në Klan Kosova ka folur lidhur me regjimin e Enver Hoxhës në Shqipëri.

    Ai ka deklaruar se dashuria për Shqipërinë ka qenë një nga faktorët kryesorë që ka ndikuar në orientimin e shqiptarëve të Kosovës atë kohë, duke theksuar se alternativa tjetër ishte Beogradi.

    “…Alternativa tjetër ka qenë Beogradi dhe na ta kishim ditë saktë se çka po ndodhë në Shqipëri, na ishim drejtu kah Beogradi dhe sot as s’do ishim të pavarur, ndoshta edhe do të ishim të asimilum një pjesë e madhe”, ka thënë mes tjerash Çelaj.

    Çelaj ka theksuar se ndikimi i Shqipërisë në lëvizjet ilegale dhe te të burgosurit politikë nuk ishte vetëm rezultat i propagandës së regjimit të Enver Hoxhës, por mbi të gjitha i dashurisë për Shqipërinë.

    “Ma shumë se propaganda e Enver Hoxhës ka qenë dashuria për Shqipërinë. Mandej aty e ka gjetë rrugën edhe propaganda e Enver Hoxhës dhe ajo e ka majt shumicën e lëvizjeve ilegale, të burgosurve politikë, aktivistave, kanë qenë të frymëzum prej asaj”, është shprehur Çelaj në “Rubikon”.

    Për më shumë ndiqeni videon e mëposhtme:

  • Andrew Scott për rolin e tij të ri: Si aktor homoseksual, nuk do ta kisha pasur këtë mundësi dhjetë vjet më parë

    Andrew Scott për rolin e tij të ri: Si aktor homoseksual, nuk do ta kisha pasur këtë mundësi dhjetë vjet më parë

    Aktori irlandez Andrew Scott, i cili luan rolin e Ian Charleson në filmin “Elsinore”, i tha revistës People se, si një aktor i hapur homoseksual, ndoshta nuk do ta kishte marrë rolin as dhjetë vjet më parë, sepse nuk kishte shumë shembuj të tillë në filma në atë kohë.

    Scott, 50 vjeç, luan rolin e Ian Charleson, një yll të skenës dhe filmit i njohur më së miri për rolet e tij në filmat “Chariots of Fire” të vitit 1981 dhe “Gandhi” të vitit 1982, në filmin që del në kinema më 20 nëntor. Charleson vdiq nga SIDA në vitin 1990 dhe nuk doli kurrë hapur si homoseksual.

    “Është e mrekullueshme, absolutisht e mrekullueshme. Jam shumë mirënjohës që po marr këtë mundësi, sepse nuk mendoj se do të më kishin punësuar për këtë film ndoshta edhe dhjetë vjet më parë. Nuk kishte shembuj të aktorëve të hapur homoseksualë. Thjesht nuk kishte shumë prej tyre në filma”, tha Scott për People në Festivalin Ndërkombëtar të Filmit në Toronto në shtator.

    Ndryshe nga filmi, në teatër, thotë ai, “gjithmonë ka pasur aktorë të hapur homoseksualë”, dhe është pikërisht ky ndryshim që “Elsinore” eksploron. Drama biografike u drejtua nga Simon Stone sipas një skenari nga Stephen Beresford. Filmi ndjek historinë e vërtetë të shfaqjes së fundit të Charleson: në fund të vitit 1989, ai luajti rolin kryesor në “Hamletin” e Shekspirit në Teatrin Kombëtar të Londrës, vetëm pak javë para vdekjes së tij.

    Scott doli hapur si homoseksual në vitin 2013 në një intervistë me The Independent. Lidhur me rritjen e dukshmërisë së aktorëve që janë hapur homoseksualë në Hollywood, ai thotë: “Shpresoj të jetë pjesë e një momenti të ri. Dhe nuk e di, mendoj se ka një nevojë publike për ta lënë pas gjithçka, sepse është shumë e lodhshme për njerëzit.”

    Festoni jetën, jo vdekjen

    “Ajo që do të doja që njerëzit ta dinin për Ian Charleson ishte se sa tepër qesharak ishte ai”, tha Scott, duke vënë në dukje “guximin e jashtëzakonshëm” të Charleson në përballjen me AIDS-in.

    “Është shumë e rëndësishme për mua që të mos e fetishizojmë vdekjen e tij, por të festojmë jetën e tij. Ai ishte plot jetë, qesharak, i mrekullueshëm dhe i talentuar, dhe u largua shumë shpejt”, shtoi ai.

    Sipas Scottit, filmi është gjithashtu një letër dashurie për aktorët që nuk u bënë kurrë të famshëm në botë.

    “Bëhet fjalë për aktorë që nuk janë të famshëm ndërkombëtarisht. Ai ishte shumë i respektuar dhe i njohur, por nuk do ta quanit aktor të famshëm… Është mirë të nderosh aktorët, dhe ka shumë prej tyre, që punojnë gjithë jetën e tyre dhe janë të suksesshëm, si të thuash, por ndoshta thjesht nuk janë të famshëm”, tha Scott.

    Në film luajnë gjithashtu Billie Piper si shoqja e Charleson, Patsy Pollock, Johnny Flynn si regjisori Richard Eyre dhe Olivia Colman si Dr. Margaret Johnson, e cila trajtoi pacientë me HIV. Këta janë të gjithë njerëz të vërtetë që ishin me Charleson në ditët e tij të fundit. Në film luajnë gjithashtu Luke Thompson, David Dawson, Matthew Beard dhe Joe Locke.

    Scott së shpejti do të luajë në filmat “A Place in Hell” dhe “Margie Claus”.

  • Erërat e fuqishme shkaktojnë dëme edhe në Prishtinë, thyhen disa drunj afër Qendrës së Studentëve

    Erërat e fuqishme shkaktojnë dëme edhe në Prishtinë, thyhen disa drunj afër Qendrës së Studentëve

    Erërat e fuqishme kanë përfshirë Kosovën gjatë mbrëmjes së së enjtes, më 19 nëntor, duke shkaktuar dëme në disa pjesë të vendit.

    Pas juglindjes së Kosovës, dëme nga erërat janë raportuar edhe në kryeqytet, Prishtinë.

    Në afërsi të Qendrës së Studentëve, disa drunj janë thyer si pasojë e erërave të forta, duke rrezikuar kalimtarët e rastit.

    Instituti Hidrometeorologjik i Kosovës (IHMK) kishte paralajmëruar më herët se gjatë ditës së sotme do të fryjnë erëra të fuqishme nga drejtimi jugor dhe jugperëndimor, me shpejtësi prej 30 deri në 45 kilometra në orë, ndërsa gjatë rafaleve shpejtësia mund të jetë edhe më e lartë.

    Sipas IHK-së, intensiteti më i madh i erës pritej nga mesdita deri në orët e mbrëmjes.

    Instituti kishte parashikuar gjithashtu mot kryesisht të vranët, me reshje të lehta shiu dhe intervale me ndërprerje, ndërsa kishte apeluar te qytetarët për kujdes për shkak të erërave të fuqishme./Telegrafi/

  • Nga pjesët e veturave te dronët, furnizuesit gjermanë orientohen drejt mbrojtjes - ndërsa kriza në sektorin e automobilave thellohet

    Nga pjesët e veturave te dronët, furnizuesit gjermanë orientohen drejt mbrojtjes – ndërsa kriza në sektorin e automobilave thellohet

    Prodhuesit gjermanë të pjesëve për vetura po orientohen gjithnjë e më shumë drejt industrisë së dronëve, mbrojtjes dhe hapësirës, ndërsa kriza në sektorin automobilistik po thellohet.

    Një kompani familjare në Bavari, Jopp, tashmë ka kapacitet të prodhojë deri në 1,000 dronë vëzhgimi në muaj, në përpjekje për të ulur varësinë nga industria e veturave.

    Kompania, e cila ndodhet në një nga qendrat tradicionale të prodhimit të veturave në Gjermani dhe në një rajon ku po shtohen ndërmarrjet e reja të mbrojtjes, e shqyrtoi këtë mundësi teksa po i afrohej fundit kontrata me Porsche për sistemet e transmisionit.

    Tani Jopp prodhon dronë për kompaninë e re gjermane të mbrojtjes Highcat, e cila ua shet ata klientëve të ndryshëm, përfshirë ushtrinë, policinë dhe shërbimet zjarrfikëse, transmeton Telegrafi.

    Kjo marrëveshje është pjesë e planit të Jopp për të zvogëluar pjesëmarrjen e industrisë automobilistike në shitjet e saj nga 85 për qind sa është aktualisht, në 60 për qind deri në vitin 2035.

    Industria gjermane e veturave, dikur dominuese në tregjet ndërkombëtare, po përballet me vështirësi për shkak të konkurrencës së fortë nga Kina dhe vende të tjera, tarifave të larta amerikane dhe shitjeve të dobëta në Evropë.

    Sipas kompanisë konsulente EY, sektori ka humbur më shumë se 140 mijë vende pune në Gjermani që nga viti 2019, apo rreth një në gjashtë vende pune.

    Kjo situatë ka bërë që gati 80 për qind e furnizuesve gjermanë të industrisë automobilistike të kërkojnë mundësi rritjeje në sektorë të tjerë, sipas një ankete të kompanisë Roland Berger të publikuar vitin e kaluar. Ndër fushat më të synuara janë mbrojtja, industria hapësinore dhe teknologjia mjekësore.

    Kalimi në prodhimin e dronëve i mundëson Jopp të paktën të ruajë numrin aktual të punonjësve, tha për AFP-në drejtori menaxhues i kompanisë, Martin Buechs.

    “Në një moment shpresoj të kemi mundësi të zgjerohemi sërish, por tani për tani synimi është të ruajmë vendet e punës që kemi”, deklaroi ai.

    Kompania aktualisht ka rreth 1,400 punonjës, nga afërsisht 2,000 sa kishte gjashtë vjet më parë, ndërsa dy fabrika janë mbyllur.

    Buechs tha se Jopp kishte pasur sukses në sigurimin e kontratave të reja në industrinë automobilistike, por shumë projekte tani po shtyhen deri në dy vjet, ndërsa klientët po porosisin sasi dukshëm më të vogla.

    Jopp nuk është e vetmja kompani që po ndryshon drejtim.

    Edhe Schaeffler, një prodhues shumë më i madh gjerman i komponentëve për vetura dhe industri, i cili planifikon të shkurtojë mbi 8,000 vende pune, ka lidhur partneritete për të hyrë në tregje të reja.

    Në maj, Schaeffler njoftoi se do të prodhojë pjesë për anije kozmike në bashkëpunim me kompaninë amerikane të të dhënave satelitore Spire Global. Të dyja kompanitë thanë se në të ardhmen mund të bashkëpunojnë edhe në prodhimin masiv të satelitëve.

    Ndërsa në qershor, Schaeffler prezantoi planet për të prodhuar dronët sulmues Damocles, të projektuar nga kompania franceze Delair, si dhe dronët interceptues Aspik, të krijuar për të neutralizuar dronët armiqësorë.

    Drejtori ekzekutiv i Schaeffler, Klaus Rosenfeld, paralajmëroi këtë muaj se industria evropiane e veturave po përballet me “një rënie të vazhdueshme”, duke shtuar se nuk pret që kjo situatë të përfundojë së shpejti.

    Megjithatë, sipas ekspertit të industrisë automobilistike në Roland Berger, Felix Mogge, diversifikimi i aktiviteteve nuk do të jetë i mjaftueshëm për të shpëtuar shumicën e furnizuesve.

    Ai theksoi se tregjet e reja ku po synojnë kompanitë janë tashmë shumë konkurruese, ndërsa kontratat në sektorin e mbrojtjes zakonisht përfshijnë porosi më të vogla dhe më pak të parashikueshme sesa ato të industrisë automobilistike.

    “Gjetja e segmenteve të reja të produkteve mund të jetë një shtesë interesante në portofolin e një furnizuesi, qoftë edhe në një shkallë të vogël”, tha Mogge për AFP-në, duke shtuar se kjo “nuk do t’i zgjidhë problemet strukturore në sektorin automobilistik”.

    Edhe drejtori i Jopp pranoi se mënyra se si strukturohen kontratat e mbrojtjes e bën të vështirë përcaktimin e saktë të numrit të vendeve të punës që mund të ruhen falë marrëveshjes për prodhimin e dronëve.

    Kompanitë e mbrojtjes zakonisht nënshkruajnë kontrata kornizë, përmes të cilave angazhohen për një sasi të caktuar produktesh, me mundësinë e porosive shtesë në të ardhmen.

    “Sektori i mbrojtjes bën porosi në seri të vogla”, theksoi Buechs.

    Në të kundërt, prodhimi i veturave vazhdon për vite me radhë dhe në sasi që, sipas tij, “zakonisht janë shumë të lehta për t’u llogaritur”.

    Megjithatë, ai argumentoi se Jopp kishte pak alternativa përveç zgjerimit në sektorë të tjerë, pasi marzhet e fitimit në industrinë automobilistike janë “të vështira dhe mjaft të dobëta”.

    “Industria tashmë është përballur me vështirësi të mëdha dhe duket se kjo gjendje do të vazhdojë”, përfundoi Buechs. /Telegrafi/