Lamtumira e fundit dy të rinjve nga Rahoveci, Leart Morinës dhe Berhan Zekës, të cilët humbën jetën në aksidentin e rëndë të trafikut në Gjermani, do t’u jepet nesër.
Familjarët kanë njoftuar se varrimi i Leart Morinës do të bëhet në orën 13:00, në varrezat e fshatit Sopniq, ndërsa ceremonia e varrimit të Berhan Zekës do të mbahet në orën 15:00, në varrezat e fshatit Pataqan i Poshtëm.
Sipas hetimeve paraprake të policisë gjermane, dyshohet se drejtuesi 18-vjeçar humbi kontrollin mbi automjetin e tij, derisa po kryente një manovër parakalimi me shpejtësi të lartë, në segmentin rrugor mes vendbanimeve Dellmensingen dhe Donaurieden, në afërsi të Erbachut.
Automjeti i tij fillimisht u përplas me disa vetura të tjera, përpara se të goditej ballë për ballë me një makinë që po vinte nga drejtimi i kundërt.
Përplasja shkaktoi dëme të mëdha materiale, ndërsa automjeti i drejtuesit 18-vjeçar u copëtua në disa pjesë. Në vendin e ngjarjes intervenuan një numër i madh i ekipeve emergjente, përfshirë policinë, zjarrfikësit dhe shërbimet e emergjencës, si dhe kapelanë të krizave.
Rruga B311, në segmentin mes vendbanimeve Dellmensingen dhe Donaurieden, mbeti e mbyllur për qarkullim për më shumë se 20 orë.
Policia ka bërë të ditur se për përcaktimin e shkakut të saktë dhe rindërtimin e dinamikës së aksidentit është angazhuar një ekspert. Hetimet në vendngjarje kanë vazhduar edhe të hënën, ndërsa autoritetet kanë marrë në pyetje dëshmitarët për të sqaruar rrethanat e plota të kësaj tragjedie.
Milan Radoiçiqit, i dyshuar për organizimin e sulmit të armatosur në Banjskë, i është ndaluar hyrja në Bosnje dhe Hercegovinë, pasi autoritetet e këtij shteti e kanë shpallur kërcënim për sigurinë kombëtare.
Sipas raportimit të Radio Evropa e Lirë, duke iu referuar burimeve të sigurisë, vendimi është marrë më 13 nëntor, katër ditë para se Gjykata e Lartë në Beograd të urdhëronte paraburgimin e tij dhe ta shpallte në kërkim, pasi ai nuk ishte paraqitur në polici më 15 nëntor.
Institucionet e Bosnje dhe Hercegovinës nuk kanë dhënë detaje lidhur me arsyet që kanë çuar në marrjen e këtij vendimi. Ndalimi nënkupton se Radoiçiqit do t’i refuzohet hyrja në këtë shtet në rast se tenton të kalojë kufirin.
Ndërkohë, vendndodhja e tij vazhdon të jetë e panjohur. Ditëve të fundit janë publikuar raportime të pakonfirmuara se ai mund të jetë larguar nga Serbia drejt Rusisë, por këto pretendime nuk janë konfirmuar as nga autoritetet serbe dhe as nga Ambasada ruse.
Radoiçiq ka marrë përgjegjësinë për organizimin e grupit të armatosur që sulmoi Policinë e Kosovës në Banjskë më 24 shtator 2023. Gjatë këtij sulmi u vra polici Afrim Bunjaku, ndërsa humbën jetën edhe tre sulmues serbë.
Në Kosovë, ndaj 45 personave është ngritur aktakuzë për sulmin në Banjskë, përfshirë edhe Radoiçiqin, i cili po gjykohet në mungesë.
Në anën tjetër, në Serbi ai po hetohet për vepra penale që lidhen me armët dhe shkaktimin e rrezikut të përgjithshëm, por deri më tani ndaj tij nuk është ngritur aktakuzë.
Kryeministri i Kosovës, Albin Kurti, ka mohuar akuzat për nepotizëm në institucionet publike, duke thënë se asnjë nga familjarët e tij nuk është avancuar në punë për shkak të lidhjeve familjare me të.
Pamjen e ka sportive. Konsumin? Rreth 5,5 litra për 100 kilometra.
Peugeot 3008me motor hibrid dhe 145 kuaj fuqi vjen në ofertë për 29.990 €.
Nga jashtë e dalloni prej dritave LED në formë kthetrash luani. Kur uleni në timon, ju bie në sy ekrani i lakuar 21 inç, ku e keni edhe navigacionin e integruar.
E kur vendi i vetëm i lirë për parkim është ai mes dy veturave? Kamera 360° ju tregon çka keni përreth, ndërsa sensorët ju ndihmojnë të manovroni në hapësirën që keni.
Në mëngjeset e ftohta, të dyja ulëset e përparme kanë ngrohje. Kur rruga zgjat, ulëset AGR u japin mbështetje pjesës së poshtme të shpinës dhe këmbëve.
Kontaktoni Peugeot Kosova për ta rezervuar një test-drive.
Zvicra ka investuar 5.5 milionë euro në rehabilitimin dhe përmirësimin e rrjetit të ngrohjes në Gjakovë, ndërsa projekti është përmbyllur me një ceremoni ku morën pjesë ambasadorja zvicerane në Kosovë, Anne-Lise Cattin Hennin, dhe përfaqësues të institucioneve lokale.
Gjatë vizitës në Gjakovë, ambasadorja është pritur nga kryetari i komunës, me të cilin ka diskutuar për zhvillimet në vend, projektet e realizuara në qytet dhe bashkëpunimin ndërmjet Zvicrës dhe Gjakovës.
Investimi prej 5.5 milionë eurosh ka mundësuar rehabilitimin dhe përmirësimin e rrjetit ekzistues të ngrohjes, me synimin për të siguruar furnizim më të mirë për qytetarët, shërbime më efikase dhe një sistem më të qëndrueshëm të ngrohjes, shkruan Telegrafi.
Kryetari i Gjakovës ka falënderuar ambasadoren dhe shtetin zviceran për mbështetjen e vazhdueshme, duke vlerësuar bashkëpunimin në projektet që kanë ndikuar në zhvillimin e qytetit.
Ngrohtorja e Qytetit është një nga projektet infrastrukturore të mbështetura nga Zvicra, e cila ka qenë partnere në disa procese zhvillimore në komunën e Gjakovës./Telegrafi/
Samiti i paprecedentë mes presidentit amerikan, Donald Trump, liderit kinez, Xi Jinping, dhe presidentit rus, Vladimir Putin, përfundoi me një deklaratë të përbashkët për bashkëpunim në reformat e Kombeve të Bashkuara, furnizimin me karburante dhe uljen e rreziqeve bërthamore. Megjithatë, dokumenti nuk përmend luftërat në Ukrainë dhe Iran.
Pavarësisht pritshmërive të mëdha dhe deklaratave të fuqishme në fillim të takimit, samiti nuk prodhoi ndonjë përparim të menjëhershëm diplomatik. Ai përfundoi pa deklarata të përbashkëta për media, ndërsa Trump u largua menjëherë drejt aeroportit.
Në një video të publikuar nga Kremlini, Putin dëgjohet duke i thënë Xi-së: “Faleminderit që e organizuat këtë. Nuk mendoj se dikush e kishte pritur që gjithçka të shkonte kaq mirë”, teksa lideri kinez e përcillte drejt veturës, transmeton Telegrafi.
Mediat shtetërore kineze dhe zyrtarët rusë publikuan dokumentin e quajtur “Deklarata trepalëshe e paqes”, në të cilin tre liderët shprehën angazhimin për ruajtjen e stabilitetit strategjik dhe sigurisë ndërkombëtare.
Sipas deklaratës, SHBA-ja, Kina dhe Rusia u pajtuan për reforma në OKB, rritjen e prodhimit dhe furnizimit me produkte të naftës, si dhe zhvillimin e dialogut për uljen e rreziqeve bërthamore. Dokumenti përmend gjithashtu respektimin e imunitetit të zyrtarëve shtetërorë dhe kundërshtimin ndaj Gjykatës Ndërkombëtare Penale dhe institucioneve të ngjashme, të cilat, sipas tekstit, abuzojnë me juridiksionin e tyre.
Megjithatë, deklarata nuk përmban referenca të drejtpërdrejta për Ukrainën, Iranin, Korenë e Veriut apo çështje të tjera të rëndësishme ndërkombëtare.
Para takimit, Trump kishte thënë se dëshironte të diskutonte për zvogëlimin e arsenalit bërthamor, luftën e Rusisë në Ukrainë dhe problemet kryesore që po diskutohen në botë.
Putin ishte i pari nga tre liderët që mbajti një konferencë për mediat ruse pas përfundimit të samitit. Ai e cilësoi takimin si një “kapitull të rëndësishëm në historinë e diplomacisë”, duke thënë se diskutimet u zhvilluan në një atmosferë plotësisht të hapur dhe ndihmuan palët ta kuptonin më mirë njëra-tjetrën.
Presidenti rus shtoi se ai dhe Trump kanë një afërsi të caktuar në qëndrimet e tyre, veçanërisht sa u përket vlerave qytetëruese.
Duke folur për luftën në Ukrainë, Putin pretendoi se Kievi dhe Evropa nuk janë ende të gatshëm të bëjnë kompromise për t’i dhënë fund konfliktit.
Në fillim të samitit, ai kishte konfirmuar se lufta në Ukrainë do të ishte pjesë e diskutimeve, duke thënë se Rusia dhe partnerët e saj kanë interesa të përbashkëta në këtë çështje. Megjithatë, zëdhënësi i Kremlinit, Dmitry Peskov, deklaroi pas takimit se Ukraina nuk ishte tema kryesore e samitit.
“Rusia, SHBA-ja dhe Kina nuk bashkohen vetëm nga statusi i tyre si fuqi fituese në Luftën e Dytë Botërore, por edhe nga përgjegjësia për ruajtjen e paqes ndërkombëtare”, kishte deklaruar Putin para bisedimeve.
Ndërkohë, presidenti kinez Xi Jinping e përshkroi takimin si “pozitiv, konstruktiv dhe frytdhënës”. Sipas mediave shtetërore kineze, ai tha se fuqitë e mëdha duhet t’i marrin seriozisht shqetësimet legjitime të sigurisë së të gjitha vendeve.
“Për sa kohë që dialogu nuk ndalet dhe dyert mbeten të hapura, ekziston shpresa për paqe”, citohet të ketë thënë Xi.
Ai shtoi se “farat e mbjella në takimin e sotëm trepalësh me siguri do të zënë rrënjë, do të mbijnë, lulëzojnë dhe japin fryte”.
Tre liderët pozuan për një fotografi të përbashkët familjare në fillim të samitit, pa shtrënguar duart. Takimi përfundoi pas një ore e 20 minutash, pa ndonjë deklaratë të përbashkët për media.
Në deklaratat para bisedimeve, Trump tha se tri vendet “po bëjnë histori” dhe kanë përgjegjësi të mëdha për zgjidhjen e problemeve që prekin të gjithë planetin.
Xi e cilësoi samitin si një takim me “rëndësi historike”, duke shtuar se bota është më paqësore kur fuqitë e mëdha jetojnë në harmoni. Ai u bëri thirrje tri vendeve të heqin dorë nga mentaliteti i Luftës së Ftohtë dhe të mos ndjekin shkëputjen ekonomike apo ndërprerjen e zinxhirëve të furnizimit.
Lideri kinez theksoi gjithashtu se vendet e mëdha duhet të respektojnë njëra-tjetrën, të bashkëjetojnë në paqe dhe të bashkëpunojnë për stabilitetin e furnizimit global me energji.
Në prag të samitit, agjencia shtetërore kineze e lajmeve publikoi edhe një deklaratë të Xi-së për çarmatimin bërthamor. Ai kërkoi ndalimin e plotë dhe shkatërrimin e armëve bërthamore, duke i cilësuar ato si “shpatën e Damokleut që qëndron mbi njerëzimin”.
“Një luftë bërthamore nuk mund të fitohet dhe nuk duhet të zhvillohet kurrë”, ishte mesazhi i tij.
Edhe Trump tha se tri vendet janë në një pozitë të veçantë për të diskutuar mbi armët bërthamore dhe për të luftuar përhapjen e tyre në vende të tjera. Ai shtoi se liderët e mëparshëm shpesh kanë shmangur bisedimet me udhëheqës me të cilët kishin mospajtime.
Para takimit trepalësh, Trump dhe Xi zhvilluan një takim dypalësh, i treti i rëndësishëm mes tyre gjatë këtij viti.
Gjatë bisedimeve, presidenti amerikan tha se SHBA-ja dhe Kina dëshirojnë të ndihmojnë në përfundimin e luftës në Ukrainë, duke theksuar se të dyja vendet po kërkojnë mënyra për të kontribuar në zgjidhjen e konfliktit mes Rusisë dhe Ukrainës.
Trump vlerësoi marrëdhëniet e tij me Xi-në dhe përmendi interesin e përbashkët për vazhdimin e transportit të naftës përmes Ngushticës së Hormuzit, e cila është bërë një nga pikat kryesore të sulmeve gjatë luftës në Iran.
Nga ana tjetër, Xi tha se marrëdhëniet mes Kinës dhe SHBA-së kanë qenë përgjithësisht të qëndrueshme dhe janë përmirësuar gjatë presidencës së Trumpit.
“Përpjekjet që keni bërë janë të dukshme për të gjithë dhe do të mbeten në histori”, i tha ai presidentit amerikan.
Trump u takua gjithashtu me Putinin para samitit, duke deklaruar se të dy kanë pasur marrëdhënie të mira për shumë vite.
Ky ishte takimi i parë mes tyre që nga bisedimet në Alaskë vitin e kaluar, të cilat nuk arritën të prodhonin një marrëveshje për t’i dhënë fund luftës së Rusisë në Ukrainë.
“Gjëra të mrekullueshme mund të dalin nga ky takim, ose të paktën mund të nisin”, tha Trump gjatë përshëndetjes së Putinit, të cilin e quajti mikun e tij.
Samiti ka nxitur shqetësime se tri fuqitë mund të përpiqen ta ndajnë botën në zona ndikimi, duke marrë vendime për çështje si e ardhmja e Ukrainës pa përfshirjen e Kievit apo të vendeve evropiane.
Ministri i Jashtëm i Francës, Jean-Noël Barrot, reagoi pas samitit në Shenzhen, duke thënë se tre liderët kanë mospajtime thelbësore për pothuajse gjithçka dhe për këtë arsye nuk mund të arrijnë marrëveshje për asgjë.
Ai gjithashtu kundërshtoi idenë se fotografia e tre liderëve përfaqësonte tri fuqitë më të mëdha botërore.
“Tri fuqitë më të mëdha të botës janë SHBA-ja, natyrisht, Kina dhe Bashkimi Evropian”, tha Barrot për radion RTL. /Telegrafi/
Ushtruesja e detyrës së kryetares së Partisë Demokratike të Kosovës (PDK), Vlora Çitaku, ka bërë të ditur se javën e ardhshme do të nisë një iniciativë e re ligjore lidhur me Gjykatën Speciale, pas dakordimit me kryeministrin Albin Kurti për hapat e mëtejmë të këtij procesi.
Pas takimit me Kurtin, Çitaku ka deklaruar se është arritur pajtueshmëri për përmbajtjen e ligjit dhe ndryshimet që duhet të bëhen, ndërsa dallimet e deritanishme, sipas saj, kanë qenë të natyrës procedurale parlamentare.
Ajo ka bërë të ditur se projektligji i ri do të bazohet në tekstin që Kuvendi i Kosovës e kishte miratuar në dy lexime, por do të përfshijë edhe ndryshimet e nevojshme për ta bërë atë më të qëndrueshëm juridikisht dhe më të zbatueshëm në praktikë.
“Si rezultat, sot u pajtuam edhe për rrugën që do të ndjekim: nismën e re ligjore menjëherë javën e ardhshme, me propozimet tona konkrete dhe të ekspertëve”, ka deklaruar Çitaku.
Ushtruesja e detyrës së kryetares së PDK-së u është drejtuar edhe të gjithë atyre që e kanë përcjellë me shqetësim këtë proces, duke pranuar se vonesat dhe paqartësitë e deritanishme kanë krijuar pasiguri lidhur me vazhdimin e iniciativës.
Në emër të bashkëpartiakëve të saj, Çitaku u ka kërkuar falje të gjithë atyre që kanë shprehur shqetësimin se kjo nismë mund të mos përfundonte.
“Në emër të bashkëpartiakëve të mi, u kërkoj ndjesë të gjithë atyre që, për shkak të vonesave dhe paqartësive, u shqetësuan sinqerisht se kjo nismë mund të mbetej përgjysmë”, ka thënë ajo.
Çitaku është zotuar se procesi do të përmbyllet dhe se projektligji do të hartohet për t’u proceduar më pas në Kuvend për votim.
“Projektligjin do ta hartojmë dhe do ta sjellim në Kuvend për votim, më të plotë, më të qëndrueshëm juridikisht dhe më të zbatueshëm praktikisht”, ka deklaruar Çitaku.
Ndërkohë, ajo ka bërë të ditur se Grupi Punues Shtetëror do të vazhdojë punën për hartimin e Strategjisë së Mbrojtjes në Apel, e cila lidhet me mbështetjen institucionale për ish-krerët e Ushtrisë Çlirimtare të Kosovës që po përballen me procesin gjyqësor në Hagë.
Kosovo Democratic Party of Kosovo Chairman-in-Chief Advise ( The PDK, Vlora Citaku, has indicated that next week it will launch a new legal initiative regarding the Special Court, after agreeing with Prime Minister Albin Kurti for the further steps of this process.
After meeting with Kurti, Citaku has declared that compliance with the contents of the law and changes that must be made, while until now the differences, according to her, have been of parliamentary procedural nature.
It has made it known that the new bill will be based on the text that the Kosovo Parliament had approved in two readings, but will also include the changes needed to make it more judicial and applicable in practice.
As a result, today we also agreed on the way we will follow: the new legal initiative immediately next week, with our concrete and expert proposals, Citaku has declared.
The PDK chairman’s task has also been addressed to all who have conveyed this process with concern, acknowledging that delays and so far-on-aggression have created uncertainty about the continuation of the initiative.
In the name of its co-partisans, Citaku has apologized to all those who have expressed concern that this initiative may not end.
On behalf of my fellow citizens, I apologize to all those who, because of delays and uncertainty, were sincerely concerned that this initiative could be left out, she said.
Citaku has pledged that the process will be closed and that the bill will be drafted to then proceed to the Assembly for the vote.
We will draft the bill and bring it to the polls for a vote, more complete, more legally sustainable and more applicable, Citaku has declared.
Meanwhile, it has indicated that the State Workers Group will continue work on drafting the Defence Strategy in Appeals, which relates to institutional support for former Kosovo Liberation Army leaders facing the judicial process in The Hague.
The signal where the truth speaks before the news!
Mishi i prodhuar në laborator, përmes kultivimit të qelizave shtazore, mund të hyjë në të ardhmen edhe në tregun shqiptar. Qeveria ka përgatitur një projektligj të ri për ushqimin, i cili krijon bazën ligjore për autorizimin dhe tregtimin e produkteve ushqimore të prodhuara me teknologji të reja.
Projektligji “Për ushqimin”, i shqyrtuar nga Skyweb.al,përfshin për herë të parë në mënyrë të shprehur në këtë kuadër ligjor ushqimet e prodhuara nga kultura qelizore ose indore të përftuara nga kafshët, duke hapur mundësinë e tregtimit të mishit të kultivuar në laborator.
Bëhet fjalë për një teknologji që mundëson prodhimin e mishit pa pasur nevojë për therjen e kafshës. Procesi nis me marrjen e qelizave shtazore, të cilat shumëzohen në kushte të kontrolluara, duke përdorur një mjedis të posaçëm me lëndë ushqyese.
Ndryshe nga alternativat bimore të mishit, të prodhuara nga soja apo bizelet, produkti i kultivuar në laborator përftohet nga qeliza reale të kafshëve.
Neni 31 i projektligjit i klasifikon këto produkte në kategorinë e “ushqimeve të reja”, së bashku me ushqimet e prodhuara nga mikroorganizmat, kërpudhat, algat dhe materialet e projektuara në shkallë nanometrike.
Por si do të mund të hyjë mishi i laboratorit në Shqipëri?
Sipas nenit 32, produktet ushqimore të reja që janë autorizuar në Bashkimin Evropian dhe janë përfshirë në listat përkatëse të produkteve të lejuara nuk do të kenë nevojë të marrin një autorizim të dytë në Shqipëri.
Në këto raste, autoritetet shqiptare do të verifikojnë nëse produkti është miratuar në BE dhe nëse përmbush kushtet e autorizimit evropian.
Verifikimi do të kryhet përmes një procedure të thjeshtuar nga një komision i posaçëm, i cili do të konfirmojë mundësinë e vendosjes së produktit në tregun shqiptar.
Projektligji parashikon gjithashtu një mekanizëm për produktet e reja ushqimore që synohet të prodhohen në Shqipëri, por që nuk mbulohen nga një autorizim i vlefshëm evropian.
Në këto raste, prodhimi dhe tregtimi do të lejohen vetëm pas marrjes së një autorizimi kombëtar, të mbështetur në vlerësimin shkencor të sigurisë së produktit dhe në përputhjen me kriteret përkatëse evropiane.
Për këtë qëllim, ligji parashikon ngritjen e Komisionit për Autorizimin për Vendosjen në Treg të Produkteve, me pesë anëtarë, tre nga ministria përgjegjëse për ushqimin dhe dy nga autoriteti kompetent.
Komisioni do të ketë kompetencën të japë, ndryshojë, pezullojë ose revokojë autorizimet kombëtare, duke marrë në konsideratë edhe vlerësimet shkencore të riskut.
Kur mund të fillojë tregtimi?
Sipas projektligjit, dispozitat që rregullojnë ushqimet e reja dhe autorizimin e tyre do të fillojnë të zbatohen më 1 gusht 2028, nëse ligji miratohet me formulimin aktual.
Kjo datë nuk përfaqëson nisjen automatike të shitjes së mishit të prodhuar në laborator. Futja e tij në treg do të varet nga ekzistenca e një autorizimi të vlefshëm dhe përmbushja e kërkesave të sigurisë ushqimore.
Ndërkohë, pjesa tjetër e ligjit të ri parashikohet të fillojë zbatimin më 1 gusht 2027, duke zëvendësuar kuadrin aktual ligjor për ushqimin.
Nisma është pjesë e përafrimit të legjislacionit shqiptar me standardet e Bashkimit Evropian dhe synon të krijojë rregulla për teknologjitë ushqimore që po zhvillohen në tregun ndërkombëtar.
Kështu, megjithëse tregtimi i mishit të kultivuar nuk autorizohet automatikisht, projektligji krijon mekanizmin juridik përmes të cilit produkte të tilla mund të prodhohen ose të vendosen në tregun shqiptar në të ardhmen.
Në Kuvend të Kosovës është duke vazhduar seanca plenare.
Përgjatë kësaj seance është radha e pyetjeve të deputetëve.
“Pse është ky nxitim i qeverisjes suaj për të ndikuar në këtë angazhim që t’u pengohet që fëmijët të njohin prindin e tyre biologjik”, deklaroi ndër tjerash Eman Rrahmani.
Deputeti i PDK-së, Eman Rrahmani edhe sot pati pyetje drejtuar Albin Kurtin në lidhje me çështjen e Kodit Civil, apo fertilizimin si çështje e veçantë.
“Pse është ky nxitim i qeverisjes suaj për të ndikuar në këtë angazhim që t’u pengohet që fëmijët të njohin prindin e tyre biologjik”,deklaroi ndër tjerash Eman Rrahmani.
“Pretendimet se ne fshehim atësinë për ndokënd, janë të pavërteta. Akuzat kryesore që ne angazhohemi kundër familjes është pikënisja juaj e gabuar dhe në një rrugë të gabuar s’mund të ketë stacione të pagabuar. E rrugën e ke të gabueshme. Po thu qeveria është kundër familjes derisa unë e sqarova gjerë e gjatë. Shikoni rastet konkrete. Mendoj se ka ardhë kohë që me i dhanë fund ankesave të juaja në emër të grave të Kosovës. Nuk e di a i përfaqësoni ju ato. Unë nuk e di, por mos më akuzo që s’kam punu për familjen. Përpos që bëni pyetje parlamentare që i përsëritni çdo seancë, ju lutem shkoni në Ministri të Shëndetësisë takoje ministrin Arben Vitia e diskutoni gjerë e gjatë, nëse jeni të interesuar të mësoni gjerë e gjatë e të informoni publikun, cakto takim me Vitinë”, deklaroi Kurti.
Por pas kësaj, kryeministri Kurt iu kundërpërgjigj shkurtimisht.
Ai tha se s’ka qeveri që ka punuar më shumë për familjen.
“S’ka qeveri në Kosovën e pasluftës që ka bërë më shumë për nënat dhe fëmijët, që ka bërë më shumë për familjet. Për herë të parë kjo qeveri ka filluar me mbështetje financiare për nënat lehona, meqë rast 100 mijë gra kanë hapur xhirollogari për herë të parë në jetën e tyre sepse i kanë marrë shtesat për fëmijë. Mbështetjen për nënat lehona kemi vazhduar ta rrisim, tash është 500 euro për gjashtë muaj. Ka qenë 325. Gjithashtu edhe gratë që punojnë i mbështesim edhe më shumë. Ndërsa për shtesat për fëmijë ju e dini se jo që i filluam por edhe i dyfishuam, e deri në fund do vazhdojë dyfishimi. Nëse ka një qeveri që ka bërë diçka të madhe për nënat dhe fëmijët është kjo qeveri. E tash të më quash mua se jam kundër familjes, për mua është absurde. Nëse ju e synoni një kauzë politike është legjitime, por po ju them se mënyra dhe tema është e gabuar. Besoj se duhet të jeni më kreativ se aq sepse ka panumër vende ku mund të kritikohemi, por jo te nëna dhe fëmijët e jo te familja”, deklaroi Kurti.
Pas kësaj Rrahmani tha se Kurti s’po përgjigjet saktësisht në këtë.