Category: Lajme

  • Shtatë kongresmenë amerikanë akuzojnë Vuçiqin për përpjekje për manipulim të zgjedhjeve

    Shtatë kongresmenë amerikanë akuzojnë Vuçiqin për përpjekje për manipulim të zgjedhjeve

    Kongresisti amerikan Joe Wilson ka akuzuar regjimin e presidentit serb, Aleksandar Vuçiq, për përpjekje për manipulimin e zgjedhjeve në Serbi, duke kërkuar garantimin e një procesi të lirë dhe të drejtë zgjedhor.

    Në një reagim në platformën X, Wilson ka mirëpritur deklaratën e një grupi senatorësh amerikanë, të cilët kanë bërë thirrje për zgjedhje të lira dhe të drejta në Serbi, të parapara të mbahen më 25 tetor.

    “Regjimi i Vuçiqit po përpiqet në mënyrë agresive t’i manipulojë zgjedhjet, duke përdorur çdo truk të pistë të mundshëm”, ka shkruar Wilson.

    Ai ka theksuar se qytetarët serbë meritojnë zgjedhje të lira dhe të drejta, ndërsa ka kërkuar miratimin e projektligjit SRBIJA Act.

    Deklarata e Wilsonit vjen në një kohë kur zyrtarë amerikanë kanë shprehur shqetësime lidhur me gjendjen e demokracisë dhe standardet zgjedhore në Serbi.

  • 5 trendë të jashtëzakonshëm të manikyrit nga Java e Modës: Chanel, Dior dhe detajet që mahnitën pasarelat

    5 trendë të jashtëzakonshëm të manikyrit nga Java e Modës: Chanel, Dior dhe detajet që mahnitën pasarelat

    Korniza të arta, kristale delikate, tekstura kadifeje dhe efekte metalike – krijimet e shtëpive të famshme të modës sjellin frymëzim për çdo stil, nga eleganca klasike te guximi artistik

    Muaji i modës ka përfunduar, por disa prej detajeve më interesante të pasarelave vazhdojnë të tërheqin vëmendjen. Krahas veshjeve, çantave dhe aksesorëve, këtë sezon një vend të veçantë zunë edhe thonjtë, të cilët u shndërruan në elemente të mirëfillta artistike.

    Nga Parisi në Londër, shtëpitë e njohura të modës prezantuan manikyrë që ndërthurin elegancën, kreativitetin dhe teknikat e pazakonta të dekorimit.

    Pas shumë prej këtyre krijimeve qëndron Ama Quashie, artistja londineze e manikyrit, e njohur për bashkëpunimet me emra të mëdhenj të muzikës dhe modës.

    Ja pesë ide që tërhoqën veçanërisht vëmendjen dhe që mund të shërbejnë si frymëzim edhe jashtë pasarelave.

    1. Dior: Thonjtë me motive të lëkurës së gjarprit

    Dior solli një interpretim elegant të motiveve shtazore, duke i shndërruar thonjtë në një detaj të rafinuar.

    Manikyri karakterizohej nga thonjtë e shkurtër, në formë ovale, me motive bardhezi që imitonin lëkurën e pitonit. Baza metalike në ngjyrë argjendi krijonte efekt pasqyre, ndërsa vizatimet e imëta u jepnin motiveve pamje tredimensionale.

    Kontrasti me fustanet e mëndafshta dhe fundet me pala krijonte një kombinim të veçantë mes butësisë dhe karakterit të fortë.

    Ky stil mund të realizohet edhe në shtëpi, me llak metalik, ngjyrë të zezë dhe shabllone për dekorimin e thonjve.

    2. Chanel: Korniza të arta dhe thonj që ngjajnë me kopsa luksoze

    Një nga krijimet më elegante erdhi nga Chanel, ku frymëzimi u mor nga kopsat karakteristike të xhaketave prej stofi tweed.

    Secili thua kishte formë të rrumbullakosur dhe një kornizë të hollë të artë, që i jepte pamjen e një kopse të vogël luksoze.

    Ngjyrat ndryshonin sipas veshjeve: blu e çelët, e bardhë qumështore, rozë pudër, jeshile menteje dhe nuanca të thella bordo.

    Disa modele kishin tekstura që kujtonin mermerin ose sipërfaqen e perlave, ndërsa detajet e arta shtonin një prekje të sofistikuar.

    Për përdorim të përditshëm, mjafton një bazë neutrale dhe një vijë shumë e hollë e artë përgjatë skajeve të thonjve.

    3. Celine: Minimalizëm me kristale të vogla

    Ndryshe nga dekorimet e theksuara, Celine zgjodhi një qasje minimaliste, duke dëshmuar se edhe detajet më të vogla mund të krijojnë përshtypje të fortë.

    Thonjtë ishin të shkurtër, me formë natyrale dhe ngjyrë pothuajse transparente.

    Në qendër të tyre vendosej nga një kristal i vogël, i cili ngjante me një gur të çmuar.

    Kristalet e gjelbra kombinoheshin me veshjet e errëta, ndërsa gurët transparentë plotësonin elegancën e satenit të bardhë.

    Ky manikyr është veçanërisht i përshtatshëm për gratë që parapëlqejnë pamjen natyrale, por dëshirojnë një detaj të veçantë.

    4. Alexander McQueen: Efekti i merkurit të lëngshëm

    Alexander McQueen solli një nga krijimet më dramatike, duke shndërruar thonjtë në një formë arti eksperimental.

    Forma e gjatë bajame kombinohej me nuanca gri, sipërfaqe gjysmëtransparente dhe shkëlqim metalik, që krijonte përshtypjen e merkurit të lëngshëm.

    Elementi më mbresëlënës ishin pikat tridimensionale, të ngjashme me pika uji, të cilat vareshin nga majat e thonjve përmes fijeve pothuajse të padukshme.

    Me çdo lëvizje të duarve, ato lëkundeshin lehtë, duke krijuar një efekt të pazakontë vizual.

    Edhe pse jo praktik për përditshmëri, ky stil mund të frymëzojë versione më të thjeshta me llak kromi dhe pika dekorative prej xheli.

    5. Simone Rocha: Thonj me teksturë kadifeje

    Simone Rocha prezantoi një manikyr që tërhiqte vëmendjen jo vetëm përmes ngjyrës, por edhe përmes teksturës.

    Copëza kadifeje u përshtatën me formën e thonjve të shkurtër dhe të rrumbullakosur, duke krijuar sipërfaqe të buta, pa shkëlqim dhe me pamje prej pëlhure.

    Tri ngjyrat kryesore ishin e kuqja e verës, e zeza e thellë dhe bluja kobalt.

    Për një variant më praktik, efekti i kadifesë mund të imitohet me pluhur dekorativ me teksturë të imët dhe produkte për përfundim mat. /Telegrafi/

  • Hasani: Gjyqtari dhe prokurorja legjitimuan një veprim të paligjshëm, të trajtohen së paku për përgjegjësi disiplinore

    Hasani: Gjyqtari dhe prokurorja legjitimuan një veprim të paligjshëm, të trajtohen së paku për përgjegjësi disiplinore

    Hasani: Gjyqtari dhe prokurorja legjitimuan një veprim të paligjshëm, të trajtohen së paku për përgjegjësi disiplinore

    Por, ndryshe nga qëndrimet e prokurores speciale Habibe Salihu dhe gjyqtarit të Departamentit Speciale, Vesel Ismajli, vlerëson ish-kryetari i Gjykatës Supreme, njëherësh profesori universitar, Fejzulla Hasani.

    Hasani në një intervistë për emisionin “Dosja” ka theksuar se kjo marrëveshje nuk gjenë mbështetje në ligj.

    “Mirëpo në asnjë mënyrë një dimension i cili ka karakter të pastër penal nuk mund të përfshihet në marrëveshje për pranimin e fajësisë, siç është vepruar në rastin konkret që ju po i referoni. Prokuroria nuk ka mundur në asnjë mënyrë që ta kushtëzojë të dëmtuarin, që t’ia kthejë borxhin nëse do që t’i merr pronat mbrapa, ngase marrja e atyre pronave ka qenë veprim i paligjshëm, veprim arbitrar që ka karakter penal dhe është absolutisht e pamundur dhe u çuditem si ka qenë e mundur ë që një formulim të tillë të ekzistojë në marrëveshje mes prokurorit edhe palës. Aq më keq që këtë marrëveshje të tillë e ka pranuar gjykata për faktin se edhe gjykata mund të pranojë marrëveshjen vetëm atëherë kur është e ligjshme marrëveshja. Në asnjë mënyrë kur marrëveshja është e paligjshme, në asnjë mënyrë kur ajo marrëveshje ka defekte në fakte dhe në ligj”.

    Tutje, profesori Hasani sqaron gjykata është dashur të anuloj veprimet juridike përmes së cilave i pandehuri i ka përfituar pronat e viktimave, dhe të njëjtat t’u kthehen atyre.

    Ndërsa, pjesa e borxhit ndaj fajdexhiut të udhëzohet në kontest civil.

    “Gjithmonë kur i pandehur i shpallet fajtor hiç pa qenë pjesë e marrëveshjes gjykata ka detyrim ligjor me i anulu të gjitha ato punë juridike që janë bërë nëpërmes veprimeve të paligjshme. Domethënë gjykata është dashur ta shpallë fajtor, ta gjykojë dhe njëkohësisht t’i anulojë bazën në bazë të cilës të cilës ai e ka bartë pronën në emër të tij dhe t’i rikthejë në emër të të dëmtuarit. Jo ta çojnë në civil, jo ta çojnë në civil, por gjykata ka qenë e detyruar ligjërisht që përpos pjesës dënimit që i ka shqiptuar të pandehurit, dimensioni tjetër është dashur t’i anulojë të gjitha punët juridike që kanë të bëjnë me bartjen e këtyre pronave tek fajdexhiu dhe t’i urdhërojë që ato prona t’i kthehen. Ndërsa për çështjen e dëmit ai ka mund me udhëheq kontest civil i pandehuni, a jo gjykata me kushtëzu që nëse do t’i kesh pronat prapa, ti t’i merresh pronat prapa, ti duash ta kompensosh dëmin ngase veç edhe gjykata edhe prokuroria në rastin konkret kanë legjitimuar një veprim të paligjshëm që nuk është e mundur. Unë po them po çuditem si është e mundur, derisa e pashë vetë s’kisha besuar që mundet me ndodhë kjo në praktikë”.

    Hasani thotë se në këtë drejtim, gjyqtari dhe prokurorja duhet të trajtohen për përgjegjësi së paku disiplinore.

    “Jo të gjithë gjyqtarët ose gjithë prokurorët janë në masë të mjaftueshme njohur me çështjen nganjëherë bëjnë gabime, bëjnë neglizhencë, bëjnë lëshime të tilla. Po çdo veprim i qëllimshëm patjetër që tërheq përgjegjësi patjetër për bartësit e këtyre funksioneve dhe prokuroritë e gjyqtarë, së paku përgjegjësi disiplinore, ngase nuk është e mundur, ju thashë nuk është e mundur, është alogjike që gjykata ta kushtëzojë ë të dëmtuarin që nëse do t’i merr pronat mbrapa që nëpërmes fajdes janë tjetërsuar, ti duash ta paguash borxhin që i ke te i pandehurit në asnjë më mirë. Pavarësisht pse ai ka pranuar, pavarësisht pse i ka pranu, as gjykata as prokuroria as gjykata nuk kanë nuk është dashur që të futen në këtë dimension se bëhet fjalë për një veprim të paligjshëm, për një veprim që ka qenë objekti i çështjes penale. Edhe tani ti ta kushtëzosh nëse do të marrësh këtë duhesh të bësh këtë. Domethënë nëse duash t’i kthesh pronat që në mënyrë të paligjshme tu kanë marrë dhe pikërisht për atë u përgjigj dhe penalisht, ti duhet t’ja paguash borxhin përndryshe s’mund t’i kthesh mbrapa. Domethënë për mua unë s’kisha mundur me besu që mund me pa një marrëveshje të tillë si njeri që krejt karrierën nuk kaluar në sistemin gjyqësor. Ndoshta që 40 vjet që jam marrë me këto çështje. Nuk kisha besuar që mund me ndodhë kështu”.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali

  • Hasani: Judge and prosecutor legitimised an illegal act, at least treat for disciplinary responsibilities

    But unlike the stances of special prosecutor Habibe Salihu and Special Department Judge Vesel Ismajli, a former Supreme Court chairman, at the same time university professor, Feyzulla Hasani.

    Hasan in an interview for the show “Dosja” has stressed that this agreement does not find support in the law.

    Well in no way can a dimension that has a clean criminal character be included in a plea agreement, as is done in the concrete case you’re referring to. The prosecution has in no way been able to condition the injured, pay back the debt if you want to take the property back, because taking those properties was illegal, arbitrary action that has criminal character and is absolutely impossible, and I am surprised how it has been possible for such a formulation to exist in agreement between the prosecutor and the party. The worse the court has accepted this agreement for the fact that even the court can accept the agreement only when it is legal. There’s no way when the deal is illegal, in any way when that deal is flawed in fact and law.

    On the other hand, Professor Hasani explains the court has had to annul the legal acts through which the defendant has acquired the victims’ property, and the same go back to them.

    While, the share of the debt to the fileman directed in civil conflicts.

    Always when the defendant is found guilty of nothing without being part of the court agreement, there is legal obligation to annul all legal affairs that have been done through illegal acts. So the court had to declare him guilty, judge him and at the same time cancel the base on which he wore the property in his name and restore it to the injured. Not to take it to civilians, not to take it to civilians, but the court has been legally obliged that, in addition to the sentence stated by the defendant, the other dimension has had to cancel all legal affairs related to carrying these properties to the hawk and order them to return. And on the matter of damage, he can lead civil conflict, think about it, whether court or not, that if you’re going to have your property back, you’re going to take the property back, you’re going to make up for the damage because only the court and prosecutors in the concrete case have legitimized an illegal act that’s not possible. I’m saying I’m wondering how it’s possible, until I saw for myself that I believed this could happen in practice.

    Hasan says that in this direction, the judge and prosecutor should be treated for responsibility of at least the disciplinary.

    Not all judges or all prosecutors are largely familiar with the case sometimes make mistakes, make negligence, make such concessions. But any intentional action certainly attracts responsibility for the owners of these functions and judges prosecutors, at least disciplinary responsibilities, because it’s not possible, I told you, it’s not possible, it’s rational for the court to condition that you get the property back through the blame, you want to pay your debt to the defendant in any better. No matter why he has agreed, no matter why he is present, neither the court nor the court had to enter this dimension for an illegal act, for an act that was the object of the criminal case. Even now you can make sure you get this. So if you want to return property that was illegally taken from you and that’s why it was answered and prosecuted, you have to pay the debt or you can’t go back. So for me I couldn’t believe you could see such a deal as a man who didn’t spend the entire career in the judicial system. Maybe 40 years I’ve been dealing with these issues. I didn’t believe this could happen.

    The signal where the truth speaks before the news!

    /Gazeta Sinjali/

    Source Layer: Signal

  • LIVE| Këshilli i Sigurimit i OKB-së diskuton për Kosovën

    LIVE| Këshilli i Sigurimit i OKB-së diskuton për Kosovën

    Zëvendëskryeministri i parë dhe ministri i Punëve të Jashtme dhe Diasporës, Glauk Konjufca, po përfaqëson Kosovën, në mbledhjen e Këshillit të Sigurimit të Organizatës së Kombeve të Bashkuara (OKB).

    Po ashtu në këtë takim, përfaqësuesi special i Sekretarit të Përgjithshëm të OKB-së dhe shefi i UNMIK-ut, Peter Due, pritet të prezantojë raportin e fundit për Kosovën, i cili mbulon periudhën nga 16 marsi deri më 15 shtator 2026.

    Burimi: RTKLive

  • UN Security Council discusses Kosovo

    First Deputy Prime Minister and Minister of Foreign Affairs and Diaspora Glauk Konjufca is representing Kosovo at the United Nations Organisation Security Council ( The UN.

    Also at this meeting, UN Secretary General’s Special Representative and UN Chief UNMIK, Peter Due, is expected to present the latest report on Kosovo, which covers the period from 16 March to 15 September 2026.

    Source Layer: RTKLive

  • Nga “vrima e ndyrë” te “vrima idiote”, pse disa vende në Zvicër kanë emra të pazakontë?

    Nga “vrima e ndyrë” te “vrima idiote”, pse disa vende në Zvicër kanë emra të pazakontë?

    Një podcast i portalit zviceran Watson ka zbuluar historinë e emrave të çuditshëm të vendeve, maleve dhe luginave në Zvicër, të cilët shpesh kanë kuptime krejt të ndryshme nga ato që mendohet sot.

    Gazetari Reto Fehr, në podcastin “Rauszeit” të Watson, ka biseduar me This Fetzer, redaktor në Fjalorin e Gjermanishtes Zvicerane (Schweizerisches Idiotikon), për origjinën e emërtimeve të pazakonta që hasen nëpër shtigjet malore të Zvicrës.

    Sipas Fetzerit, shumë vende në Zvicër mbajnë emra që në ditët e sotme tingëllojnë qesharakë apo edhe vulgarë, por kuptimi i tyre historik mund të jetë krejt ndryshe, transmeton Telegrafi.

    Një shembull është fjala “Arsch”, që në gjermanishten e sotme përkthehet si “prapanicë”.

    Në Zvicër ekzistojnë disa vende që mbajnë këtë emër, por sipas ekspertit, emërtimet nuk kanë domosdoshmërisht kuptimin vulgar që u atribuohet sot.

    Fetzer shpjegon gjithashtu punën e Fjalorit të Gjermanishtes Zvicerane, një projekt gjuhësor që ka më shumë se një shekull që dokumenton gjuhën dhe shprehjet zvicerane. Aktualisht, puna për përpilimin e tij ka arritur në vëllimin e 17-të, te shkronja “Z”.

    Ai sqaron se edhe emri “Idiotikon” ka origjinë greke, nga fjala “idios”, që nënkupton diçka personale, të veçantë ose karakteristike, dhe jo domosdoshmërisht kuptimin që fjala “idiot” ka sot.

    Përveç historisë së emrave, në podcastin “Rauszeit” ndahen edhe tri sugjerime për shtigje malore që mund të vizitohen nga adhuruesit e ecjeve në natyrë.

    Përmes këtij diskutimi, ekspertët synojnë të shpjegojnë se pas emrave që sot mund të shkaktojnë të qeshura fshihen histori të vjetra gjuhësore dhe kuptime që janë ndryshuar me kalimin e kohës./Telegrafi/

  • Viktima dhe avokati pretendojnë se prokurorja Salihu u bëri presion për të hyrë në marrëveshje me të akuzuarin për fajde

    Viktima dhe avokati pretendojnë se prokurorja Salihu u bëri presion për të hyrë në marrëveshje me të akuzuarin për fajde

    Viktima dhe avokati pretendojnë se prokurorja Salihu u bëri presion për të hyrë në marrëveshje me të akuzuarin për fajde

    Por, viktima V.I thotë se bashkëshorti kishte nënshkruar marrëveshjen nën presionin e prokurores speciale Salihu.

    Bashkëshortja e M.I-së përkundër se ishte viktimë e rastit, thotë se nuk ishte përfshirë në marrëveshje dhe nuk ishte lejuar të jetë pjesë e negocimit.

    Përveç saj, nga takimi thotë se ishte larguar edhe avokati i tyre Sheremet Fejza.

    Kësisoj duke qëndruar vetëm prokurorja me bashkëpunëtorët e saj me të dyshuarin Aslan Rexhaj dhe viktimën M.I.

    “Viktima V.I: Kur na kanë thirr dyve, mu nuk më kanë lanë me hy në zyre.

    Gazetarja: Pavarësisht se edhe ju keni qenë viktimë sepse pronat janë bashkëpronësi të juajat dhe bashkëshortit

    Viktima V.I: Përderisa u dufke me nënshkru vishin më marshin me dhunë e me kërcënime, atëherë jo duhet me dalë jashtë.

    Gazetarja: Pra prokurorja ka leju që ju me dalë jashtë pavarësisht që edhe ju keni qenë viktimë jo veç bashkëshorti sepse pronat janë të përbashkëta dhe takimet janë zhvillu bashkërisht.

    Viktima V.I: Unë kom dalë në korridor po bisedën e kom dëgju krejt kohen po prezent brenda s’kom mujt me kanë.

    Viktima V.I: Edhe e kanë qit edhe avokatin duhesh me dalë ti jashtë se po më boni presion, se ia nisen avokati si zakonisht qysh bojnë. Tani ka dale edhe prokurorja

    Kush ka mbet brenda?

    Viktima V.I: Ka mbet vetëm M***, Aslani edhe prokurorja me bashkëpunëtorët e vet. Edhe e ka ditë që M** është i butë edhe e kanë ditë që me to munden me bo çka don, edhe qata edhe mu më kanë qit edhe avokatin e kanë qit. Se ajo u kanë e pamundshme qysh për çka e kemi pagu avokatin, për me na mbrojt jo me lanë vet, edhe avokati ka dalë. Edhe tash ai prej presionit edhe i ka bo presion çka po di unë, edhe tash ka dalë mu po më thotë kqyre thuj burrit tonë le ta pranon se shumë ma mirë ko me kanë për juve

    Gazetarja: Kush thotë?

    Viktima V.I: Prokurorja e rastit Habibe Salihu, ka me kanë shumë ma mirë për juve se nëse nuk e boni këtë marrëveshje ko me ua dërgu juve lëndën padi civile edhe ko me shku me vite, e vite edhe s’keni me mujt me i marrë pronat e juve”.

    Këtë e pohon edhe avokati Fejza, i cili thotë se para se të largohej nga takimi, marrëveshja kishte qenë për kthimin e 125 mijë eurove, ndërsa pas presionit të prokurores shuma ishte rritur në 130 mijë.

    “Avokati Fejza: U ardh puna prap se prap na kena hi aty.

    Gazetarja: Pse ju ka thanë me dalë jashtë?

    Avokati Fejza: Demek leni palët e lira, ata qët kuptim e ka thanë, u kanë prokurorja aty u kanë bashkëpunëtori u kanë Aslani u kanë M.I. U kanë diskutu çështja e çmimit, janë të dhanat krejt. Aslani ka prentendu që borxhi që këta e kanë ndaj tij është 350 mijë euro.

    Avokati Fejza: Në fund kemi arrit me ia lidh kryt kapakut 130 mijë euro, realisht 125 mijë, qet 5 mijë në presion e kanë bo 130 mijë.

    Gazetarja: Kush ka bë presion?

    Avokati Fejza: Prokurorja. Prap M.I ky ka mujt mos me u dakordu”.

    Tutje, avokati Fejza pohon se presioni ishte ushtruar nga prokurorja, duke u thënë se pavarësisht qëndrimit të tyre, do t’ia pranojnë pranimin e fajësisë Rexhajt.

    Ndërsa, lidhur me rikthimin e pronave tek viktimat, do të t’i udhëzoj në kontest civile, përkundër se për këtë, vendimi i takonte gjykatës.

    “Presioni u kanë i atillë dhe këta absolut nuk du as me amnistu kërkon, as hiç në asnjë rast. Neve na ka ofru na ka dhanë prokurorja merre ose le. Do me thanë nëse ju, këta jon të vetëdijshëm këta i kom kuptu deri ma kanë pru këtu, edhe s’kom mujt ma edhe prej tash e tutje nuk ju përfaqësoj, gjithherë tu i kuptu për shkak se këta jon edhe vazhdojnë me qenë të dëmtum skajshmërish. M.I sigurisht të ka tregu e ka ble kanopin për me u vjerr, qaq presion që u kanë. Merre ose le, oferta u kanë nëse ti don me hi në marrëveshje mirë, nëse s’don na ia pranojmë fajësinë Aslanit tani njeke ti në kontest civil”, ka shtuar Fejza.

    Në marrëveshjen e nënshkruar shihet se emri i viktimës M.I dhe avokatit ishin shkruar me stilolaps.

    Ndërsa, në të nuk ishte i vendosur emri dhe nënshkrimi i viktimës tjetër, pra bashkëshortes.

    Duke qenë se marrëveshja ishte mbështetur vetëm në nenin 230 paragrafi 1 dhe nënparagrafi 1.1, që flet vetëm për ulje të dënimit ndaj të akuzuarit, emisioni “Dosja” i është drejtuar me pyetje prokurores Salihu, se ku gjenë mbështetje ligjore kushtëzimi i viktimave për rimarrjen e pronave të përfituara nga i akuzuari përmes kryerjes së veprës penale “Fajdeja”.

    Mirëpo, prokurorja Salihu nuk ka specifikuar bazën ligjore, duke ju referuar vetëm Kodit të Procedurës Penale.

    Ndërsa, ka mohuar të jetë nënshkruar nën presion.

    “Lidhur me çështjet e ngritura në kërkesën tuaj, Prokuroria Speciale e Republikës së Kosovës ju njofton se marrëveshja për pranimin e fajësisë është lidhur në pajtim me dispozitat e Kodit të Procedurës Penale (KPP) .

    Sipas procesverbali përkatës, palët kanë qenë të përfaqësuara nga avokatët mbrojtës, dhe marrëveshja është lidhur në mënyrë vullnetare dhe nënshkruar në prokurori. Pas nënshkrimit, në përputhje me dispozitat e KPP-së, ajo i është bashkëngjitur shkresave të lëndës dhe i është dorëzuar Gjykatës Themelore në Prishtinë për shqyrtim dhe vendimmarrje.

    Gjatë procedurës gjyqësore, palët janë njoftuar përsëri për të drejtat e tyre, përfshirë edhe të drejtën për t’u tërhequr nga marrëveshja. Secila palë, veç e veç, ka deklaruar para gjykatës se marrëveshja është lidhur në mënyrë vullnetare, thuhet në përgjigjen e prokurores Salihu.

    Miratimin e kësaj marrëveshje të paprecedent e kishte dhënë edhe atëherë i pari i PSRK-së, Blerim Isufaj.

    Ashtu siç e parasheh Kodi i Procedurës Penale, marrëveshja ishte parë, analizuar dhe nënshkruar edhe nga vet ai.

    “Dosja” ka kërkuar përgjigje nga Isufaj mbi mbështetjen ligjore, mirëpo nuk është përgjigjur në asnjë nga pyetjet e redaksisë.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali

  • Zulfaj në Pragë, kërkon avancimin e aplikimit të Kosovës për anëtarësim në BE

    Zulfaj në Pragë, kërkon avancimin e aplikimit të Kosovës për anëtarësim në BE

    Vizita vjen në prag të katërvjetorit të dorëzimit të aplikimit të Kosovës për anëtarësim në Bashkimin Evropian, më 15 dhjetor 2022, në Pragë, gjatë Presidencës çeke të Këshillit të BE-së.

    I shoqëruar nga ambasadorja e Kosovës, Albesjana Iberhysaj Kapitaj, Zulfaj u takua me përfaqësues të institucioneve çeke dhe personalitete me përvojë në procesin e integrimit evropian.

    Ndër të tjerë, ai zhvilloi takime me të dërguarën e Qeverisë çeke për Ballkanin, Edita Hrdá, ish-shefin e Zyrës së Bashkimit Evropian në Kosovë, Tomáš Szunyog, si dhe me përfaqësues të Ministrisë së Punëve të Jashtme dhe Zyrës së Qeverisë çeke.

    Në kuadër të shkëmbimit të përvojave për integrimin evropian, Zulfaj u takua edhe me Pavel Telička, ish-kryenegociatorin e Çekisë për anëtarësim në BE.

    Gjatë vizitës, ai zhvilloi takime edhe në Senatin çek me Pavel Fischer, kryetar i Komisionit për Punë të Jashtme, Mbrojtje dhe Siguri, si dhe me Jan Schiller, kryetar i Komisionit për Çështje Evropiane.

    Sipas njoftimit, diskutimet u përqendruan në mundësitë për avancimin e aplikimit të Kosovës për anëtarësim në BE, rolin e Çekisë në këtë proces, përvojën e saj në negociatat e anëtarësimit dhe forcimin e bashkëpunimit parlamentar. Në takime u diskutua edhe për sigurinë rajonale.

    Zulfaj vlerësoi mbështetjen e vazhdueshme të Çekisë për Kosovën, veçanërisht gjatë Presidencës së Këshillit të BE-së në vitin 2022, kur Kosova dorëzoi aplikimin për anëtarësim.

    Ai shprehu mirënjohje edhe për kontributin e më shumë se 8 mijë ushtarëve dhe pjesëtarëve të personelit çek që kanë shërbyer në Kosovë, duke kontribuar në sigurinë dhe paqen në vend dhe në rajon.

    Praga mbetet një pikë e rëndësishme në rrugëtimin evropian të Kosovës, pasi pikërisht në këtë qytet u dorëzua zyrtarisht aplikimi për anëtarësim në Bashkimin Evropian.

    Burimi: RTKLive

  • Senatorët amerikanë kërkojnë zgjedhje të lira dhe të drejta në Serbi

    Senatorët amerikanë kërkojnë zgjedhje të lira dhe të drejta në Serbi

    Shtatë senatorë amerikanë, nga të dyja partitë, u kanë bërë thirrje autoriteteve serbe që të garantojnë zgjedhje të lira, të drejta dhe transparente në zgjedhjet parlamentare të 25 tetorit.

    Në një deklaratë të publikuar më 20 tetor, senatorët shprehën shqetësim për raportimet mbi parregullsitë zgjedhore, frikësimin e votuesve dhe kandidatëve opozitarë, si dhe përdorimin e burimeve administrative në favor të partisë në pushtet.

    Deklarata udhëhiqet nga senatorja demokrate Jeanne Shaheen, anëtare e lartë e Komitetit për Marrëdhënie me Jashtë të Senatit amerikan, ndërsa nënshkruhet edhe nga senatorë të tjerë demokratë dhe republikanë, përfshirë Roger Wicker dhe Dick Durbin.

    Senatorët iu referuan shqetësimeve të organizatave të pavarura monitoruese, përfshirë Qendrën për Kërkime, Transparencë dhe Llogaridhënie (CRTA) dhe Zyrën e OSBE-së për Institucione Demokratike dhe të Drejtat e Njeriut (ODIHR).

    Ata shprehën shqetësim edhe për raportimet mbi përgjimin e kandidatëve opozitarë dhe përpjekjet për të diskredituar misionet vëzhguese të zgjedhjeve.

    “Autoritetet serbe duhet të sigurojnë kushte të barabarta për të gjitha partitë dhe qasje të hapur në vendvotime për të gjithë qytetarët”, thuhet në deklaratë.

    Senatorët theksuan rëndësinë e vëzhguesve vendorë dhe ndërkombëtarë, gazetarëve dhe kandidatëve politikë në ruajtjen e besimit në procesin zgjedhor.

    Ata rikujtuan gjithashtu se parregullsi serioze ishin evidentuar edhe në zgjedhjet parlamentare të vitit 2022, duke kërkuar që autoritetet dhe institucionet serbe të garantojnë zhvillimin paqësor dhe demokratik të zgjedhjeve të ardhshme.

    Burimi: RTKLive