Category: Lajme

  • Kryesia e Kuvendit mblidhet sot, cakton rendin e ditës për seancën e radhës

    Kryesia e Kuvendit mblidhet sot, cakton rendin e ditës për seancën e radhës

    Kryesia e Kuvendit të Kosovës do të mblidhet sot, e hënë, në orën 11:00.

    Sipas rendit të ditës, në këtë mbledhje pritet të shqyrtohet propozimi për rendin e ditës të seancës plenare të radhës, si dhe kërkesat dhe propozimet e tjera.

    Ndër pikat e parapara për seancën e radhës janë formimi i Komisionit Ad-Hoc për përzgjedhjen e kandidatëve për katër anëtarë të Bordit të Radiotelevizionit të Kosovës (RTK) – dy nga komuniteti shqiptar, një nga komuniteti serb dhe një nga komunitetet joshumicë.

    Po ashtu, në rend dite është edhe votimi i propozimit të Grupit Parlamentar të Listës Serbe për emërimin e deputetëve në komisionet parlamentare.

    Kryesia do të shqyrtojë gjithashtu procesverbalet e mbledhjeve të mëparshme, ndërsa në kuadër të seancës së radhës janë paraparë deklarimet jashtë rendit të ditës dhe pyetjet parlamentare.

    Burimi: Dukagjini

  • Trump: Pezullimi i sanksioneve ndaj Rusisë synon vazhdimin e negociatave për paqe

    Trump: Pezullimi i sanksioneve ndaj Rusisë synon vazhdimin e negociatave për paqe

    Trump: Pezullimi i sanksioneve ndaj Rusisë synon vazhdimin e negociatave për paqe

    Presidenti i SHBA-së, Donald Trump, ka deklaruar se vendimi i tij për të pezulluar disa sanksione ndaj Rusisë synon ta mbajë Moskën të përfshirë në negociata.

    “Jam në procesin e negociatave për paqe në luftën mes Rusisë dhe Ukrainës”, shkroi Trump në platformën e tij Truth Social, duke shtuar se nuk dëshiron të bëjë asgjë që do ta largonte, siç u shpreh ai, “pa menduar mirë, Rusinë nga tryeza e negociatave”.

    Të premten në mbrëmje, Trump bllokoi një sërë sanksionesh ndaj Rusisë, vetëm dy ditë para se ato të hynin në fuqi. Ky vendim vjen në një kohë kur mosmarrëveshjet mes tij dhe presidentit ukrainas, Volodymyr Zelensky, janë thelluar.

    Zelensky deklaroi të dielën për NBC News se rreshtimi në anën e presidentit rus, Vladimir Putin, do të ishte një “gabim historik”.

    Ndërkaq, i dërguari rus, Kirill Dmitriev, e përshëndeti vendimin e Trumpit, duke e cilësuar atë si “një moment të rëndësishëm dhe vërtet historik”. Ai tha se sanksionet, të miratuara nga Kongresi amerikan dhe të nënshkruara në ligj nga presidenti i SHBA-së në shtator, do t’i shkaktonin “dëme serioze” ekonomisë amerikane dhe tregjeve globale.

    Sekretari amerikan i Shtetit, Marco Rubio, e përshkroi pezullimin si një ndërprerje 60-ditore, gjatë së cilës do të analizohet ndikimi i mundshëm i sanksioneve në ekonominë amerikane dhe atë globale, shkruan BBC, transmeton Klankosova.tv

    Në postimin e tij në Truth Social, Trump akuzoi gjithashtu Zelenskyn se “nuk dëshiron t’i japë fund kësaj lufte dhe ndoshta nuk ka dashur kurrë”, duke shtuar se presidenti ukrainas “mund të kishte arritur një marrëveshje më të mirë dy vjet më parë sesa mund ta arrijë tani”.

    Zelensky ka kërkuar përfundimin e luftimeve dhe ka deklaruar vazhdimisht se Putini nuk dëshiron paqe, që prej nisjes së pushtimit të plotë rus të Ukrainës në shkurt të vitit 2022.

    Marrëdhëniet mes Uashingtonit dhe Kievit janë tensionuar më tej pasi SHBA-ja arriti një marrëveshje të debatueshme për importimin e naftës dizel ruse javën e kaluar.

    Pavarësisht sanksioneve ndërkombëtare, Rusia ka vazhduar të eksportojë naftë, kryesisht drejt Kinës dhe Indisë, shpesh me çmime dukshëm më të ulëta. Sipas Qendrës për Kërkime mbi Energjinë dhe Ajrin e Pastër (CREA), një organizatë kërkimore, Kina ka blerë rreth gjysmën e eksporteve ruse të naftës bruto, ndërsa India ka përbërë rreth 37 për qind të tyre.

    Gjatë një samiti të Bashkimit Evropian, pas njoftimit të Trumpit për marrëveshjen e blerjes së naftës dizel nga Rusia dhe deklaratës së tij se Zelensky ishte “më i vështirë për t’u marrë vesh” sesa Putini, presidenti ukrainas tha se ishte kënaqësi të ishte mes “liderëve të vërtetë”.

  • Çfarë ndodhi mes të miturve në Pejë? Flet korrespondenti (VIDEO)

    Çfarë ndodhi mes të miturve në Pejë? Flet korrespondenti (VIDEO)

    Çfarë ndodhi mes të miturve në Pejë? Flet korrespondenti (VIDEO)

    Një i mitur ka mbetur i plagosur si pasojë e një sulmi të dyshuar me mjet të mprehtë në rrugën “Onufri” në Pejë.

    Lidhur me rastin, Policia ka arrestuar një person tjetër të mitur, i cili dyshohet të jetë i përfshirë në ngjarje.

    Zëdhënësi i Policisë për rajonin e Pejës, Sheremet Elezi, ka bërë të ditur se rreth orës 15:50, emergjenca e spitalit ka njoftuar Policinë se një person ka kërkuar tretman mjekësor për një plagë që dyshohet se është shkaktuar nga një mjet i mprehtë.

    Për këtë ngjarje ka folur edhe korrespondenti i rajonit të Pejës, Valdrin Daci, në emisionin “Ora 7”, ku ka dhënë më shumë detaje lidhur me rastin

    Për më shumë informacione, ndiqni videon në vijim:

  • Kryesia e Kuvendit mblidhet, shqyrton disa pika të rendit të ditës

    Kryesia e Kuvendit mblidhet, shqyrton disa pika të rendit të ditës

    Kryesia e Kuvendit mblidhet, shqyrton disa pika të rendit të ditës

    Kryesia e Kuvendit të Kosovës do të mbajë mbledhjen e radhës, në të cilën pritet të shqyrtohen procesverbalet e mbledhjeve të mëparshme, si dhe të përcaktohet rendi i ditës për seancën e ardhshme plenare.

    Në kuadër të përgatitjeve për seancën plenare, anëtarët e kryesisë pritet të shqyrtojnë disa pika, përfshirë miratimin e procesverbalit nga seanca e mëparshme, deklarimet jashtë rendit të ditës dhe pyetjet parlamentare.

    Një nga çështjet kryesore të rendit të ditës është formimi i Komisionit Ad-Hoc për përzgjedhjen e kandidatëve për anëtarë të Bordit të Radiotelevizionit të Kosovës (RTK). Komisioni do të jetë përgjegjës për përzgjedhjen e kandidatëve për dy anëtarë nga komuniteti shqiptar, një anëtar nga komuniteti serb dhe një anëtar nga komunitetet joshumicë.

    Po ashtu, në rend dite është edhe votimi i propozimit të Grupit Parlamentar të Listës Serbe për emërimin e deputetëve në komisionet parlamentare.

    Në fund të mbledhjes, Kryesia do të shqyrtojë edhe propozimet dhe kërkesat e paraqitura.

    Sinjali – aty ku e vërteta flet para lajmit!

    /GazetaSinjali/

    The post Kryesia e Kuvendit mblidhet, shqyrton disa pika të rendit të ditës appeared first on Sinjali.

    Burimi: Sinjali

  • Mot i ndryshueshëm këtë javë, të enjten dhe të premten priten reshje shiu

    Mot i ndryshueshëm këtë javë, të enjten dhe të premten priten reshje shiu

    Kjo javë do të karakterizohet nga mot i ndryshueshëm, me vranësira dhe intervale me diell.

    Sipas Institutit Hidrometeorologjik të Kosovës (IHMK), reshje shiu parashihen të enjten dhe të premten, ndërsa temperaturat do të mbeten relativisht të buta për këtë periudhë të vitit.

    Sot e hënë parashihet mot kryesisht i vranët, me intervale me diell. Temperaturat minimale do të lëvizin nga 1 deri në 4 gradë Celsius, ndërsa maksimalet nga 15 deri në 19 gradë.

    Të martën do të ketë diell dhe vranësira të shpërndara. Temperaturat minimale pritet të jenë nga 4 deri në 7 gradë Celsius, ndërsa maksimalet nga 16 deri në 20 gradë.

    Të mërkurën moti do të jetë i vranët, me intervale me diell. Temperaturat minimale do të zbresin deri në 6 gradë Celsius, ndërsa maksimalet do të arrijnë deri në 21 gradë.

    Të enjten pritet mot me diell dhe vranësira të shpërndara, por në disa zona mund të ketë reshje shiu. Temperaturat minimale do të lëvizin nga 4 deri në 7 gradë Celsius, ndërsa maksimalet do të arrijnë deri në 21 gradë.

    Edhe të premten do të ketë vranësira të ndryshueshme, me mundësi për reshje shiu në disa zona. Temperaturat minimale parashihen të jenë nga 4 deri në 9 gradë Celsius, ndërsa maksimalet nga 14 deri në 17 gradë.

    Era gjatë javës do të fryjë kryesisht nga drejtimet jugperëndimore dhe veriperëndimore, me shpejtësi të ulët deri mesatare.

    Sa u përket kushteve biometeorologjike, ato pritet të jenë kryesisht të favorshme për shumicën e popullatës. Temperaturat relativisht të buta dhe intervalet me diell do të krijojnë kushte të përshtatshme për aktivitete në ambient të hapur. Megjithatë, lagështia e shtuar gjatë ditëve me reshje mund të ndikojë te personat e ndjeshëm ndaj ndryshimeve të motit, veçanërisht te ata me sëmundje kronike reumatike dhe të frymëmarrjes.

    Sipas IHMK-së, kushtet meteorologjike do të jenë përgjithësisht të përshtatshme edhe për aktivitetet bujqësore sezonale, ndërsa reshjet e shiut mund të ndihmojnë në lagështimin e tokës dhe plotësimin e nevojave për ujë të kulturave bujqësore.

    Burimi: Dukagjini

  • Rumania rrëzon dy dronë të dyshuar rusë mbi Detin e Zi

    Rumania rrëzon dy dronë të dyshuar rusë mbi Detin e Zi

    Rumania rrëzon dy dronë të dyshuar rusë mbi Detin e Zi

    Avionët luftarakë F-16 të Rumanisë rrëzuan të shtunën dy dronë mbi ujërat territoriale të vendit në Detin e Zi, njoftoi Ministria e Mbrojtjes. Sipas autoriteteve rumune, dronët dyshohet se ishin të prodhimit rus dhe të një gjenerate të re.

    Ministri i Mbrojtjes, Radu Miruță, deklaroi të dielën se dronët fluturonin me shpejtësi rreth 450 kilometra në orë, të ngjashme me atë të avionëve luftarakë. Sipas tij, kjo shpejtësi ngre dyshime se bëhet fjalë për dronë rusë të tipit Geran-4, të pajisur me motor turboprop.

    “Dronët e mbrëmjes së kaluar fluturonin me shpejtësi 450 kilometra në orë, çka na bën të mendojmë se ishin dronë rusë Geran-4. Kjo është hera e parë që rrëzojmë dronë të këtij lloji”, tha Miruță.

    Sipas Ministrisë së Mbrojtjes, dy dronët hynë në ujërat territoriale rumune të shtunën, përkatësisht në orën 14:59 dhe 15:01 GMT.

    Ngjarja vjen vetëm pak ditë pasi dy cisterna kimikatesh u goditën nga dronë pranë bregdetit rumun të Detit të Zi. Të dyja anijet ndodheshin të ankoruara pranë Kanalit të Sulinës, i cili lidh lumin Danub me Detin e Zi dhe shërben si një rrugë e rëndësishme për eksportet e Ukrainës.

    Sipas një burimi ushtarak të NATO-s, cisternat u goditën nga dronë rusë. Autoritetet rumune vijojnë kërkimet për shtatë anëtarë të ekuipazhit që rezultojnë të zhdukur.

    Gjatë dy javëve të fundit, të paktën pesë anije të tjera mallrash janë goditur pranë brigjeve të Rumanisë dhe Bullgarisë fqinje. Si pasojë e këtyre incidenteve, 23 marinarë janë raportuar të vdekur ose të zhdukur. Shumica e sulmeve kanë ndodhur jashtë ujërave territoriale të vendeve anëtare të NATO-s.

    Rumania, e cila është pjesë e NATO-s, ndan një kufi prej 614 kilometrash me Ukrainën, pjesa më e madhe e të cilit shtrihet përgjatë lumit Danub. Që prej nisjes së pushtimit të plotë rus të Ukrainës në vitin 2022, autoritetet rumune kanë raportuar vazhdimisht hyrje të dronëve rusë në hapësirën ajrore të vendit. Në fillim të këtij viti, Rumania nisi të rrëzojë dronët që hyjnë në territorin e saj.

    Një zyrtar i NATO-s deklaroi për agjencinë Reuters se aleanca është e gatshme të reagojë në çdo kohë ndaj çdo kërcënimi të mundshëm, me qëllim mbrojtjen e territorit dhe të qytetarëve të saj. Ndërkohë, ministrja e Jashtme e Rumanisë, Oana Țoiu, njoftoi se Këshilli i Atlantikut të Veriut do të mblidhet të martën për të diskutuar mbrojtjen dhe masat parandaluese në Detin e Zi.

    Edhe Moldavia, e cila kufizohet me Rumaninë dhe Ukrainën, ka raportuar incidente të ngjashme. Autoritetet moldave njoftuan se një dron i ri u rrëzua në një zonë veriore të vendit, pranë kufirit me Ukrainën. Sipas tyre, nuk pati viktima apo dëme materiale, ndërsa specialistët po përpiqen të përcaktojnë origjinën e tij, shkruan abcnews.al.

    Vetëm gjatë një periudhe prej pak më shumë se 17 orësh, të enjten dhe të premten, pesë dronë të identifikuar si rusë ranë në territorin moldav. Pas këtyre incidenteve, Ministria e Jashtme e Moldavisë publikoi një deklaratë ku dënoi veprimet e Rusisë.

    Sinjali – aty ku e vërteta flet para lajmit!

    /GazetaSinjali/

    The post Rumania rrëzon dy dronë të dyshuar rusë mbi Detin e Zi appeared first on Sinjali.

    Burimi: Sinjali

  • Mblidhet Kryesia e Kuvendit, këto janë pikat e rendit të ditës

    Mblidhet Kryesia e Kuvendit, këto janë pikat e rendit të ditës

    Mblidhet Kryesia e Kuvendit, këto janë pikat e rendit të ditës

    Kryesia e Kuvendit të Kosovës do të mblidhet sot, për të diskutuar tri pika që lidhen me organizimin e seancës së ardhshme plenare.

    Sipas planifikimeve, seanca plenare do të përfshijë deklarimet jashtë rendit të ditës dhe pyetjet parlamentare, në përputhje me Rregulloren e Kuvendit.

    Ndër çështjet që pritet të trajtohen është edhe formimi i Komisionit Ad-Hoc, i cili do të merret me përzgjedhjen e katër kandidatëve për anëtarë të Bordit të Radiotelevizionit të Kosovës (RTK).

    Po ashtu, pritet të hidhet në votim propozimi i Listës Serbe për emërimin e deputetëve në komisionet parlamentare./Klankosova.tv

  • Rasti i Ibër-Lepencit, sot mbahet seanca gjyqësore

    Rasti i Ibër-Lepencit, sot mbahet seanca gjyqësore

    Rasti i Ibër-Lepencit, sot mbahet seanca gjyqësore

    Në Pallatin e Drejtësisë në Prishtinë, sot do të mbahet seanca gjyqësore lidhur me sulmin terrorist në kanalin e Ibër-Lepencit, i cili ndodhi më 29 nëntor 2024, në fshatin Varagë të Zubin-Potokut.

    Prokuroria Speciale e Kosovës i akuzon tre të pandehurit për armëmbajtje pa leje.

     Ndërsa Jovan dhe Dragisha Viqentijeviq përballen edhe me akuza për rrezikim të rendit kushtetues përmes shkatërrimit ose dëmtimit të instalimeve dhe pajisjeve publike, kryerje të veprës terroriste dhe spiunazh.

    Aktakuza ndaj tre të pandehurve është ngritur më 9 dhjetor 2025 nga Prokuroria Speciale e Kosovës.

    Sipas aktakuzës, të pandehurit lidhen me sulmin që shkaktoi dëme të konsiderueshme në kanalin e Ibër-Lepencit, një prej aseteve të rëndësishme të infrastrukturës ujore dhe energjetike të Kosovës.

    Seanca gjyqësore është caktuar të nisë në orën 13:15./Klankosova.tv

  • Real Madridi e “shpartallon” Sevillan dhe i çon mesazh Barcelonës

    Real Madridi e “shpartallon” Sevillan dhe i çon mesazh Barcelonës

    Real Madridi e “shpartallon” Sevillan dhe i çon mesazh Barcelonës

    Real Madridi ka regjistruar një fitore të madhe në shtëpi ndaj Sevillas, në kuadër të xhiros së nëntë në La Liga.

    “Los Blancos” zhvilluan paraqitje të shkëlqyer për të fituar me rezultat 4-1.

    Arda Guler me një supergol pas asistimit të Diomande e kaloi Realin në epërsi (30’).

    Shtatë minuta më vonë, Kylian Mbappe dhuroi spektakël për të dribluar dy lojtarë e pastaj portierin dhe dërgoi topin në portë (37’).

    Francezi u përkujdes edhe për të tretin, njëkohësisht të dytin personal duke u treguar i saktë nga pika e bardhë (63’).

    Sevilla dha pak “shenja jete” për të ngushtuar rezultatin pas bashkëpunimit të dyshes Sebastian dhe Stassin (80’).

    Megjithatë, Diomande e kompletoi paraqitjen spektakulare me një supergol nga distanca (82’).

    Reali me këtë fitore zë pozitën e tretë me 21 pikë ndërsa Sevilla renditet në vendin e gjashtë me 14 sosh.

    Sinjali – aty ku e vërteta flet para lajmit!

    /GazetaSinjali/

    The post Real Madridi e “shpartallon” Sevillan dhe i çon mesazh Barcelonës appeared first on Sinjali.

    Burimi: Sinjali

  • Horoskopi i datës 19 tetor, e hënë

    Horoskopi i datës 19 tetor, e hënë

    Horoskopi i datës 19 tetor, e hënë

    Dashi

    Intuita e sotme do të jetë vendimtare. Përdoreni atë në çështjet familjare dhe në zgjidhjen e problemeve financiare. Deri në mbrëmje emocionaliteti dhe përshtypjet që do të lini do të jenë në rritje. Ju mund të tërhiqeni nga çështje psikologjike, veçanërisht në lidhje sekrete të lumtura.

    Demi

    Duhet të planifikoni një biznes të ri për gjysmën e dytë të ditës. Mos tregoni çdo detaj të jetës suaj. Intuita do t’iu tregojë taktikat e duhura që shkojnë bashkë. Do të tregoheni shumë intuitivë në zgjedhjen e fjalëve të duhura dhe planin e veprimit.

    Binjakët

    Gjysma e dytë e ditës favorizon ëndërimtarrët. Nëse keni kaluar së fundmi një zhgënjim, sot do të filloni ndërtimin e planeve të reja, duke imagjinuar imazhet e lumturisë për të ardhmen.

    Gaforrja

    24 prilli do të jetë i mbushur me ide të freskëta dhe humor të mrekullueshëm. Në gjysmën e dytë të ditës mos lini pas dore një shëtitje të këndshme, apo komunikimin me dikë. Ky është një moment i mirë për të dërguar mesazhe të rëndësishme.

    Luani

    Pozicioni i luanëve ka ndryshuar. Përpiquni të ndryshoni edhe mënyrën si mendoni, në përputhje me rrethanat. Sot asgjë nuk do të paraqesë një kërcënim të drejtpërdrejtë për ju, megjithatë një rrezik i fshehur mund të jetë në pritje. Tregohuni një psikolog i mirë, mos u ndjeni të dobët lidhur me mbledhjen e informacionit nga burime të ndryshme.

    Virgjëresha

    Mbajeni mendjen gati për një kthesë të fortë të fatit. Kontaktet e sotme duke përfshirë edhe ato me njerëz të rinj kanë potencial të madh. Virgjëreshat që janë të vetëm mund të takojnë një partner ideal. Gjatë pasdites kushtet do jenë ideale për takime, bisedime, korrespodencë dhe konsultime.

    Peshorja

    Rezultati i ditës së sotme do të varet nga aftësia juaj menaxhuese. Veprimi në mënyrë të drejtë lidhur me një person apo me një situatë do të garantojnë gjysmën e suksesit. Kjo është veçanërisht e rëndësishme për ata që ofrojnë shërbime për dikë ose kryejnë një funksion ndërmjetësues. Ju duhet gjithashtu të ndiqni disponimin tuaj lidhur me sinjalet delikate të trupit tuaj.

    Akrepi

    Gjatë mëngjesit tregohuni optimist pavarësisht rrethanave. Gjatë ditës humori, kushtet tuaja fizike dhe ngjarjet e ditës do të sjellin gëzim duke realizuar papritur dëshirat tuaja të fshehta. Gjysma e dytë e ditës do të krijojë kushte të mrekullueshme për punën krijuese dhe argëitmin.

    Shigjetari

    Rezultati praktik i përpjekjeve tuaja do të varet nga natyra e veprimtarisë suaj. Dita do të jetë e rëndësishme, në qoftë se do përfshiheni në punë artistike ose kërkimore në kontakt me psikologjinë, muzikën dhe misteret.

    Bricjapi

    Kjo do të jetë një ditë e mrekullueshme për kontaktet. Korrespodenca në dashuri është e përshtatshme, por gjithashtu do të jetë e favorshme për negociata të biznesit sidomos ato që do zhvillohen në fshehtësi. Ju mund të tregoni me siguri për audiencën tuaj, shkathtësi në veprim.

    Ujori

    Shpenzimet e sotme do të diktohen nga humori juaj, por mundohuni që të bëni vetëm blerjet e nevojshme. Mundohuni të kombinoni praktiken me imagjinatën, në mënyrë që problemet e punës të zgjidhen lehtësisht dhe marrëveshjet të bëhen të suksesshme.

    Peshqit

    Intuita e të lindurve të kësaj shenje, sidomos në muajin shkurt do të jetë një pasuri e vërtetë. Çdo person me të cilin do të keni të bëni do të jetë si një libër i hapur për ju. Kjo është një ditë e përkryer për të aplikuar aftësitë tuaja letrare dhe artistike. Edhe pa pasur një diplomë në psikologji, ju do të jeni të aftë të njihni shpirtin e njerëzve.

    Sinjali – aty ku e vërteta flet para lajmit!

    /GazetaSinjali/

    The post Horoskopi i datës 19 tetor, e hënë appeared first on Sinjali.

    Burimi: Sinjali