Category: Lajme

  • Vogëlushi thërret ezanin gjatë marrjes së injeksionit, videoja bëhet virale me mbi 1.4 milion pëlqime

    Vogëlushi thërret ezanin gjatë marrjes së injeksionit, videoja bëhet virale me mbi 1.4 milion pëlqime

    Vogëlushi thërret ezanin gjatë marrjes së injeksionit, videoja bëhet virale me mbi 1.4 milion pëlqime

    Një video e një vogëlushi filipinez, i identifikuar si Teytey, është bërë virale në rrjetet sociale, pasi ai shihet duke thirrur ezanin gjatë marrjes së një injeksioni.

    Pamjet kanë tërhequr vëmendjen e mijëra përdoruesve, duke marrë më shumë se 1.4 milion pëlqime.

    Gjatë procedurës, vogëlushi dëgjohet duke shqiptuar fjalët “Eshhedu en la ilahe il-lallah”, pjesë e shehadetit islam, që shpreh dëshminë se nuk ka zot tjetër përveç Allahut.

    Mënyra se si ai e thërret ezanin, ndërsa infermierja po i jep injeksionin, ka nxitur reagime të shumta në rrjetet sociale. Disa përdorues janë emocionuar nga momenti, ndërsa të tjerë e kanë vlerësuar mënyrën se si vogëlushi përballoi frikën dhe parehatinë.

    Videoja është shoqëruar edhe me mesazhe për rolin e besimit në jetën e fëmijëve, duke e paraqitur atë si një burim ngushëllimi dhe force në momente të vështira.

    “Ndonjëherë, mësimet më të sinqerta për besimin vijnë nga zemrat më të vogla”, thuhet në mesazhin që shoqëron publikimin.

    Sinjali – aty ku e vërteta flet para lajmit!

    /GazetaSinjali/

    The post Vogëlushi thërret ezanin gjatë marrjes së injeksionit, videoja bëhet virale me mbi 1.4 milion pëlqime appeared first on Sinjali.

    Burimi: Sinjali

  • Zelensky akuzon Trumpin se po e shpërblen Putinin: Pezullimi i sanksioneve e inkurajon të vazhdojë sulmet

    Zelensky akuzon Trumpin se po e shpërblen Putinin: Pezullimi i sanksioneve e inkurajon të vazhdojë sulmet

    Zelensky akuzon Trumpin se po e shpërblen Putinin: Pezullimi i sanksioneve e inkurajon të vazhdojë sulmet

    Presidenti i Ukrainës, Volodymyr Zelensky, ka kritikuar vendimin e presidentit amerikan, Donald Trump, për pezullimin e zbatimit të sanksioneve të reja kundër Rusisë, duke e cilësuar këtë veprim si një shpërblim për presidentin rus, Vladimir Putin.

    Zelensky deklaroi se lehtësimi i presionit ekonomik ndaj Moskës mund ta inkurajojë Putinin të vazhdojë sulmet kundër Ukrainës, ndërsa lufta mes dy vendeve vazhdon.

    “Pezullimi i sanksioneve të SHBA-së, lehtësimi i presionit mbi agresorin, shpërblimet financiare për Putinin, të gjitha këto vetëm sa e inkurajojnë atë të vazhdojë sulmet”, theksoi presidenti ukrainas.

    Ai gjithashtu u bëri thirrje aleatëve të Ukrainës që të vazhdojnë presionin ndaj Rusisë dhe të mos heqin dorë nga masat që synojnë Moskën.

    Të premten, Trump nënshkroi një urdhër ekzekutiv që parasheh pezullimin e zbatimit të një pakete të gjerë sanksionesh të reja kundër Rusisë, duke përmendur interesin kombëtar të Shteteve të Bashkuara.

    Vendimi erdhi pas njoftimit të Trumpit për një marrëveshje me Rusinë lidhur me furnizimin me sasi të mëdha të naftës ruse.

    Deklaratat e Zelenskyt vijnë në një kohë kur Kievi kërkon që aleatët perëndimorë të mbajnë presionin ekonomik dhe politik ndaj Moskës, me qëllim ndalimin e agresionit rus kundër Ukrainës.

    Sinjali – aty ku e vërteta flet para lajmit!

    /GazetaSinjali/

    The post Zelensky akuzon Trumpin se po e shpërblen Putinin: Pezullimi i sanksioneve e inkurajon të vazhdojë sulmet appeared first on Sinjali.

    Burimi: Sinjali

  • Trumpi i pezullon, Zelensky kërkon sanksione të reja të ShBA-së ndaj Rusisë

    Trumpi i pezullon, Zelensky kërkon sanksione të reja të ShBA-së ndaj Rusisë

    Trumpi i pezullon, Zelensky kërkon sanksione të reja të ShBA-së ndaj Rusisë

    Presidenti ukrainas Volodymyr Zelensky u kërkoi mbështetësve të shtunën të dalin pro sanksioneve të reja të ShBA-së kundër Rusisë, disa orë pasi Presidenti Donald Trump nënshkroi një urdhër ekzekutiv që pezullonte një paketë gjithëpërfshirëse kufizimesh që synonin ekonominë ruse.

    Vendimi i Shtëpisë së Bardhë ka rritur më tej frikën se Ukraina mund të mbetet e ekspozuar ndaj sulmeve në rritje të Moskës me afrimin e dimrit, shkruan Klankosova.tv.

    Në një deklaratë në mediat sociale, Zelensky e përshkroi veprimin e Trumpit për të pezulluar sanksionet si të pafat, por nuk e kritikoi drejtpërdrejt udhëheqësin e ShBA-së pavarësisht tensioneve në rritje midis Ukrainës dhe Uashingtonit në ditët e fundit.

    Sipas AssociatedPress, vendimi i Trumpit është kritikuar ashpër si nga republikanët, ashtu edhe nga demokratët, të cilët thonë se ai do ta ndihmojë Rusinë të vazhdojë luftën kundër Ukrainës – pa ndikuar aspak në çmimet globale të karburanteve, të cilat janë të larta kryesisht për shkak të “luftës” së Trumpit kundër Iranit. /Klankosova.tv

  • Nëntë protestues dhe katër policë marrin ndihmë te Trauma, një protestues shtrohet në spital

    Nëntë protestues dhe katër policë marrin ndihmë te Trauma, një protestues shtrohet në spital

    Ministria e Shëndetësisë e Shqipërisë ka njoftuar se deri në orën 17:00, në Spitalin Universitar të Traumës janë paraqitur për ndihmë mjekësore nëntë protestues, katër efektivë policie dhe një kalimtar.

    Sipas ministrisë, njëri prej protestuesve është shtruar në spital, ndërsa tre të tjerë janë larguar pasi kanë marrë mjekimin e nevojshëm.

    Nga katër efektivët e policisë që janë paraqitur te Trauma, dy kanë përfunduar trajtimin dhe janë larguar.

    Ndërkohë, një tjetër efektiv policie po i nënshtrohet ekzaminimeve në Qendrën Spitalore Universitare “Nënë Tereza” (QSUT).

    Burimi: Dukagjini

  • Shkencëtarët: Disa planetë mund të kenë kushte më të mira për jetë se Toka

    Shkencëtarët: Disa planetë mund të kenë kushte më të mira për jetë se Toka

    Sipas një artikulli të The New York Times, këta planetë, të njohur si “botë super të banueshme”, mund të kenë ujë të lëngshëm, atmosferë më të dendur dhe kushte që favorizojnë zhvillimin e një larmie më të madhe të organizmave.

    Një nga arsyet që i bëjnë këta planetë interesantë për shkencëtarët është lloji i yjeve rreth të cilëve rrotullohen. Bëhet fjalë për yjet e tipit K, të cilët kanë ngjyrë portokalli, janë më të ftohtë se Dielli dhe mund të qëndrojnë të qëndrueshëm për dhjetëra miliarda vjet. Kjo mund t’u japë formave të jetës shumë më tepër kohë për t’u zhvilluar.

    Një eksperiment laboratorik i astrobiologes Iva Vilović ka treguar se lakërishta e kopshtit u rrit më shpejt dhe më e gjatë nën dritën e simuluar të një ylli të tipit K sesa nën dritën e simuluar të Diellit. Rezultati sugjeron se drita e këtyre yjeve mund të jetë e përshtatshme për fotosintezën, proces thelbësor për jetën bimore dhe zinxhirët ushqimorë.

    “Drita e yjeve të tipit K është një burim shumë interesant dhe duhet të merret në konsideratë, nëse jo të ketë përparësi, në çdo lloj kërkimi për jetë jashtëtokësore”, citohet të ketë thënë Vilović në artikullin e The New York Times.

    Sipas hipotezës së studiuesve, disa prej këtyre planetëve mund të jenë rreth 20 deri në 30 për qind më të mëdhenj në diametër se Toka dhe afërsisht dy herë më masivë. Graviteti më i fortë mund t’i ndihmojë të ruajnë një atmosferë më të dendur, ndërsa një fushë magnetike më e fuqishme mund të ofrojë mbrojtje më të madhe nga rrezatimi kozmik.

    Shkencëtarët parashikojnë gjithashtu se disa prej këtyre botëve mund të kenë dete të cekëta dhe shumë ishuj, mjedise që në Tokë lidhen me biodiversitet të pasur. Megjithatë, këto janë skenarë teorikë dhe nuk përbëjnë dëshmi se në planetë të tillë ekziston jetë.

    Hapi i radhës është identifikimi i planetëve potencialisht të banueshëm dhe studimi i atmosferave të tyre për të kërkuar gazra që mund të jenë tregues të aktivitetit biologjik. Misioni PLATO i Agjencisë Evropiane të Hapësirës, i planifikuar për vitin 2027, pritet të kërkojë planetë të përshtatshëm për jetë, ndërsa teleskopët e avancuar mund të ndihmojnë në analizimin e përbërjes së atmosferave të tyre.

    Për momentin, ideja e planetëve më të banueshëm se Toka mbetet një hipotezë shkencore. Studiuesit shpresojnë se zgjerimi i kërkimeve përtej planetëve që i ngjajnë Tokës do të ndihmojë në identifikimin e mjediseve ku jeta mund të zhvillohet.

    Burimi: RTKLive

  • Venezia befason Napolin

    Venezia befason Napolin

    Golin e vetëm të ndeshjes e ka shënuar Akor Adams, vetëm një minutë pas fillimit të pjesës së dytë, duke i siguruar skuadrës vendëse tri pikë të rëndësishme në luftën për mbijetesë.

    Napoli e ka nisur më mirë pjesën e dytë dhe ka pasur një mundësi të artë për të kaluar në epërsi, por Lorenzo Lucca nuk ka arritur të përfitojë nga një harkim i Scott McTominay.

    Menjëherë pas këtij rasti, Venezia ka reaguar me një top të gjatë pas mbrojtjes së Napolit. Adams e ka fituar duelin fizik me Amir Rrahmanin dhe e ka mposhtur portierin Alex Meret për rezultatin 1:0.

    Napoli më pas ka ushtruar presion të vazhdueshëm në kërkim të barazimit, por portieri Filip Stankovic ka qenë vendimtar për vendasit. Ai e ka pritur edhe penalltinë e ekzekutuar nga Kevin De Bruyne, duke e ruajtur epërsinë e skuadrës së tij.

    Në anën tjetër, Meret e ka shpëtuar Napolin nga një gol i dytë, pasi e ka ndalur Albion Rrahmanin, i cili ishte i vetëm përballë portierit.

    Pavarësisht posedimit të madh të topit, Napoli nuk ka arritur ta gjejë rrugën drejt golit, ndërsa Venezia e ka mbrojtur epërsinë deri në fund.

    Kjo fitore ka rëndësi të veçantë për Venezian, e cila vazhdon të mbetet në fund të tabelës, por më në fund e regjistroi fitoren e parë të sezonit. Sipas statistikave të ndeshjes, skuadra vendëse e mposhti Napolin në kampionat për herë të parë pas tetëdhjetë e katër vjetësh.

    Për Napolin, kjo humbje i dha fund serisë prej tri ndeshjesh pa humbje, gjatë së cilës kishte regjistruar dy fitore dhe një barazim. Skuadra napolitane humbi gjithashtu mundësinë për t’iu afruar zonës së katër vendeve të para në Serie A.

    Burimi: RTKLive

  • Capital T u bën thirrje mediave kosovare të raportojnë për protestat në Shqipëri: Heshtja nuk duhet të jetë zgjedhje

    Capital T u bën thirrje mediave kosovare të raportojnë për protestat në Shqipëri: Heshtja nuk duhet të jetë zgjedhje

    Capital T u bën thirrje mediave kosovare të raportojnë për protestat në Shqipëri: Heshtja nuk duhet të jetë zgjedhje

    Reperi i njohur kosovar, Capital T, u ka bërë thirrje mediave në Kosovë që t’u kushtojnë më shumë vëmendje zhvillimeve dhe protestave në Shqipëri, duke theksuar rëndësinë e raportimit të drejtë dhe të pavarur.

    Përmes një postimi në rrjetet sociale, artisti ka kërkuar që qytetarëve që po protestojnë t’u jepet hapësira e merituar për ta shprehur zërin e tyre.

    Capital T ka theksuar se gazetaria nuk është vetëm profesion, por edhe përgjegjësi morale ndaj së vërtetës dhe interesit publik.

    Ai ka bërë thirrje për raportim pa censurë, duke nënvizuar rëndësinë e dokumentimit të padrejtësive, shkeljeve të të drejtave dhe keqpërdorimit të pushtetit.

    “Kufiri na ndan administrativisht, por e vërteta dhe përgjegjësia për njëri-tjetrin nuk njohin kufij”, thuhet në mesazhin e tij.

    Në fund, reperi ka theksuar se heshtja nuk duhet të jetë zgjedhje kur qytetarët kërkojnë të dëgjohen, duke rikujtuar rolin e mediave në informimin e publikut dhe pasqyrimin e çështjeve me interes të përgjithshëm.

    Screenshot

    Sinjali – aty ku e vërteta flet para lajmit!

    /GazetaSinjali/

    The post Capital T u bën thirrje mediave kosovare të raportojnë për protestat në Shqipëri: Heshtja nuk duhet të jetë zgjedhje appeared first on Sinjali.

    Burimi: Sinjali

  • Mourinho: Po të isha në vendin e Vinicius Junior, do të largohesha nga Real

    Mourinho: Po të isha në vendin e Vinicius Junior, do të largohesha nga Real

    Njëzet e gjashtë vjeçar është përballur vazhdimisht me fyerje raciste që nga transferimi te Real Madrid në vitin 2018. Ai është kritikuar edhe për sjelljen e tij në fushë dhe javën e kaluar u ndëshkua me karton të kuq në fitoren e Real ndaj Villarreal, pasi kapi një kundërshtar për flokësh.

    Për këtë veprim, braziliani u suspendua për katër ndeshje dhe do ta humbasë edhe përballjen e madhe ndaj Barcelonës, e cila zhvillohet më 25 tetor.

    “Është një djalosh i jashtëzakonshëm, me të cilin është e lehtë të krijosh marrëdhënie të mira. Është një djalë fantastik dhe meriton shumë respekt për faktin se vazhdon të përballojë gjithçka dhe të buzëqeshë”, ka thënë Mourinho.

    “Po të isha në vendin e tij, me gjasë nuk do të isha këtu. Gjatë kësaj vere do të kërkoja largimin drejt një lige, një vendi apo diku tjetër, ku rivalët dhe tifozët në stadiume do ta respektonin”, ka deklaruar trajneri.

    Megjithatë, Vinicius ka vendosur të vazhdojë qëndrimin te Real Madrid, me të cilin gjatë verës ka nënshkruar kontratë të re deri në vitin 2032.

    Mourinho beson se dashuria e brazilianit për klubin dhe qytetin e Madridit ka ndikuar në këtë vendim.

    “Pikërisht sepse e do Real Madrid dhe qytetin, sepse beson se gjërat mund të përmirësohen, ai e ka vazhduar kontratën dhe vazhdon të buzëqeshë”, ka thënë Mourinho.

    Ai ka shtuar se, pavarësisht ndikimit që mund të kenë fyerjet dhe kritikat, askush nuk mund t’ia marrë Vinicius dëshirën për të jetuar, për të punuar dhe për të qenë me bashkëlojtarët.

    Trajneri ka folur edhe për dënimin e sulmuesit brazilian, duke thënë se është i kënaqur që suspendimi zgjati katër ndeshje. Sipas tij, kishte menduar se organet disiplinore të Federatës Spanjolle të Futbollit mund ta dënonin edhe më rëndë.

    Burimi: RTKLive

  • Ramadani: Aleanca merr përgjegjësinë kryesore në opozitëbërje

    Ramadani: Aleanca merr përgjegjësinë kryesore në opozitëbërje

    Ramadani: Aleanca merr përgjegjësinë kryesore në opozitëbërje

    Pas shpalosjes së platformës së re politike dhe strategjisë zhvillimore nga kryetari i Aleancës, Ardian Gjini, deputeti i këtij subjekti politik, Burim Ramadani, ka deklaruar për Klan Kosova se vendi po hyn në një fazë të re të opozitarizmit, duke paralajmëruar përkeqësim të situatës në disa sektorë jetikë.

    Ramadani theksoi se pas konstituimit të institucioneve qendrore, Kuvendit, Qeverisë dhe Presidencës, misioni i opozitës bëhet domosdoshmëri për t’u treguar qytetarëve realitetin në vend.

    Tashmë është e qartë që Kosova hyn në fazën tjetër, që është zhvillimi i opozitarizmit nga ana e Aleancës. Ajo që është tepër me rëndësi është që ka domosdoshmëri që qytetarëve t’ua qartësojmë dhe t’u tregojmë që gjendja nuk është e mirë, por ajo ka trend të përkeqësimit si në siguri, si në energji dhe si në zhvillim, e cila aktualisht mbetet vetëm si koncept i mohuar”, tha Ramadani për Klan Kosova.

    Ai nënvizoi se subjekti i tyre nuk do të tërhiqet nga kjo rrugë dhe se opozitarizmin e shohin si përgjegjësi të madhe politike e shtetërore.

    Ne nuk do të ndalemi, kjo është një betejë politike që do të vazhdojë dhe si e tillë ne në Aleancë e shohim si përgjegjësi jashtëzakonisht të madhe, sepse siç e tha edhe kryetari Gjini, Aleanca është kyçe në opozitëbërje”, tha Ramadani.

  • SHBA, Kina, Rusia, kongresmenët me nismë ligjore për të verifikuar kush nga Ballkani me cilat shtete bashkëpunon ushtarakisht

    Një iniciativë legjislative është nisur në Dhomën e Përfaqësuesve të Shteteve të Bashkuara, duke i kërkuar Pentagonit dhe Departamentit të Shtetit të kryejnë një shqyrtim të detajuar të bashkëpunimit ushtarak, të sigurisë dhe të inteligjencës të vendeve të Ballkanit me Rusinë, Kinën, SHBA-në e NATO-n.

    Projektligji, i quajtur Akti i Bashkëpunimit për Sigurinë në Ballkan, u prezantua më 5 tetor nga kongresmenët Ritchie Torres nga Nju Jorku dhe Joe Wilson nga Karolina e Jugut.Dokumenti, i arkivuar nën kodin HR 10748, iu dërgua Komitetit për Punë të Jashtme të Dhomës së Përfaqësuesve.

    Sipas tekstit të propozimit, Sekretari i Mbrojtjes i SHBA-së, me pëlqimin e Sekretarit të Shtetit, do të duhej t’i paraqiste Kongresit një raport gjithëpërfshirës mbi marrëdhëniet e sigurisë së vendeve në rajon me Rusinë, Kinën, SHBA-në dhe NATO-n brenda 180 ditëve nga hyrja e mundshme në fuqi e ligjit.

    Propozimi mbulon Bosnjën dhe Hercegovinën, Serbinë, Kroacinë, Malin e Zi, Kosovën, Shqipërinë, Maqedoninë e Veriut dhe Slloveninë.

    Pentagonit po i kërkohet të ofrojë një listë të sistemeve të armëve, pajisjeve ushtarake dhe teknologjisë ruse dhe kineze me vlerë të paktën një milion dollarë secila, që vendet e rajonit kanë blerë ose marrë që nga viti 2012.

    Institucionet amerikane do të duhej gjithashtu të dokumentonin stërvitjet ushtarake, trajnimin e forcave të sigurisë, marrëveshjet e nënshkruara dhe çdo bashkëpunim të inteligjencës me Moskën dhe Pekinin.

    Një pjesë e veçantë e raportit do të lidhej me vlerësimin e pasojave të një bashkëpunimi të tillë mbi interesat e sigurisë së SHBA-së, NATO-s dhe shteteve që kufizohen me vendet e mbuluara nga analiza.

    Në propozimin ligjor, veçohet Qendra Humanitare Ruse në Nish.Pentagoni do të duhet të vlerësojë operacionet e kësaj qendre, duke përfshirë ndikimin dhe koordinimin e saj të mundshëm me agjencitë ruse të inteligjencës.

    Qendra në Nish ka tërhequr vëmendjen e institucioneve perëndimore të sigurisë për vite me radhë për shkak të pyetjeve në lidhje me natyrën e aktiviteteve të saj dhe marrëdhëniet me strukturat shtetërore ruse.Ligji i propozuar nuk ka të bëjë vetëm me ndikimin rus dhe kinez.

    Është planifikuar gjithashtu të mblidhen të dhëna mbi pajisjet ushtarake amerikane të dërguara në vendet e rajonit që nga viti 2012, ushtrimet e përbashkëta ushtarake, marrëveshjet e sigurisë dhe bashkëpunimin e inteligjencës me SHBA-në.Bashkëpunimi i secilit vend me NATO-n do të analizohej në mënyrë specifike, duke përfshirë aktivitetet në programin e Partneritetit për Paqe.

    Dokumenti përcakton që raporti të dorëzohet në një formë publike, të paklasifikuar, me mundësinë e një aneksi të veçantë konfidencial me informacione të ndjeshme.

    Propozimi është aktualisht në proces legjislativ. Dorëzimi i tij nuk do të thotë që Kongresi e ka miratuar ligjin ose që Pentagonit i është kërkuar tashmë të përgatisë raportin.

    Sinjali – aty ku e vërteta flet para lajmit!

    /GazetaSinjali/

    The post SHBA, Kina, Rusia, kongresmenët me nismë ligjore për të verifikuar kush nga Ballkani me cilat shtete bashkëpunon ushtarakisht appeared first on Sinjali.

    Burimi: Sinjali