Category: Lajme

  • AGK e sheh alarmuese vendimin e KPM-së për të licencuar Radio Policinë si radio shtetërore

    AGK e sheh alarmuese vendimin e KPM-së për të licencuar Radio Policinë si radio shtetërore

    AGK e sheh alarmuese vendimin e KPM-së për të licencuar Radio Policinë si radio shtetërore

    Asociacioni i Gazetarëve të Kosovës e ka konsideruar alarmues vendimin e Komisionit të Pavarur të Mediave për të licencuar Radio Policinë si radio shtetërore, në formën e transmetimit eksperimental.

    Përmes një reagimi publik, AGK thotë se krijimin e një radioje të drejtuar nga Policia e sheh si përpjekje të institucioneve ligjzbatuese për t’i përcjellë publikut informacione të njëanshme pa iu nënshtruar shqyrtimit kritik nga mediat.

    “Gazetarët dhe mediat duhet të kenë mundësi të bëjnë pyetje, të sfidojnë qëndrimet e Policisë dhe ta mbajnë atë përgjegjëse për punën e saj, përmes kanaleve të hapura dhe të pavarura të komunikimit. Duke pasur parasysh se sektori i sigurisë udhëhiqet nga ministra dhe zëvendësministra të Lëvizjes Vetëvendosje, konsiderojmë se ekziston rrezik real që kjo media shtetërore të keqpërdoret për përhapjen e narrativave partiake”.

    “Licenca është dhënë nga KPM-ja, anëtarët e së cilës janë përzgjedhur përmes një procesi të komprometuar, në të cilin Lëvizja Vetëvendosje kishte paracaktuar kandidatët e saj të preferuar. E konsiderojmë këtë vendim vazhdimësi të një qasjeje të KPM-së që favorizon pushtetin në dëm të informimit në interes publik”, thuhet në njoftim.

    AGK thotë se shpreson që ky vendim të kundërshtohet përmes rrugëve ligjore dhe që Radio Policia të mos bëhet funksionale.

    Në të njëjtën kohë, Asociacioni i ka bërë thirrje KPM-së që të vendosë interesin e qytetarëve përpara interesave partiake apo qeveritare.

    “AGK-ja e çmon bashkëpunimin tradicionalisht të mirë të Policisë me gazetarët dhe mediat. Megjithatë, nuk e sheh këtë nismë si një hap që i shërben ruajtjes dhe forcimit të këtij bashkëpunimi”.

  • Kurti merr pjesë në ceremoninë e ndërrimit të komandës së KFOR-it

    Kurti merr pjesë në ceremoninë e ndërrimit të komandës së KFOR-it

    Ceremonia u mbajt në shtabin e KFOR-it në Prishtinë, ku komandanti i deritanishëm, gjeneralmajor Özkan Ulutaş, ia dorëzoi zyrtarisht komandën pasardhësit të tij, gjeneralmajor Roberto Vergori.

    Ndërrimi i komandës shënon kalimin e përgjegjësisë për udhëheqjen e misionit të NATO-s në Kosovë te komandanti i ri.

    KFOR-i vazhdon të jetë i angazhuar në Kosovë në kuadër të mandatit të tij, që përfshin kontributin për një mjedis të sigurt dhe lirinë e lëvizjes për të gjithë qytetarët.

    Burimi: RTKLive

  • Gjermania nxjerr në gjyq ukrainasin e dyshuar për sabotimin e gazsjellësve “Nord Stream”

    Gjermania nxjerr në gjyq ukrainasin e dyshuar për sabotimin e gazsjellësve “Nord Stream”

    Katër vjet pas një prej akteve më të bujshme të sabotimit në historinë moderne të Evropës, në Hamburg të Gjermanisë ka nisur procesi gjyqësor ndaj një shtetasi ukrainas, i cili akuzohet për përfshirje në shpërthimet që dëmtuan gazsjellësit Nord Stream, përmes të cilëve Rusia furnizonte Gjermaninë me gaz.

    I dyshuari, i identifikuar nga prokuroria gjermane si Serhii K., akuzohet se, së bashku me pjesëtarë të tjerë të ushtrisë ukrainase, kishte organizuar shkatërrimin e gazsjellësve me qëllim që Rusia të mos vazhdonte të financonte luftën përmes të ardhurave nga gazi, shkruan BBC, transmeton Dukagjini.

    Ai është i dyshuari i parë që përballet me gjyqin për këtë rast. Serhii K., i cili u ekstradua në Gjermani në fund të vitit të kaluar, i mohon akuzat. Një tjetër shtetas ukrainas, i dyshuar për përfshirje në sabotim, gjithashtu i ka mohuar akuzat dhe po përballet me procedurat e ekstradimit nga Kroacia.

    Rasti konsiderohet veçanërisht i ndjeshëm për Gjermaninë, e cila që nga pushtimi i plotë rus i Ukrainës në shkurt të vitit 2022 është shndërruar në një nga aleatët kryesorë të Kievit. Shpërthimet ndodhën rreth shtatë muaj pas fillimit të pushtimit rus.

    Më 26 shtator 2022, shpërthimet nënujore në Detin Baltik, pranë ishullit Bornholm, dëmtuan tre nga katër tubacionet e gazsjellësve Nord Stream.

    Në muajt e parë pas incidentit, dyshimet në Perëndim u drejtuan kryesisht nga Rusia, pa u përcaktuar zyrtarisht përgjegjësia për sulmin. Në atë kohë, Moska kishte ndërprerë tashmë furnizimin me gaz përmes Nord Stream 1, ndërsa Nord Stream 2 nuk ishte vënë asnjëherë në funksion. Berlini e kishte pezulluar projektin disa miliardë eurosh pak para nisjes së pushtimit rus të Ukrainës.

    Presidenti rus, Vladimir Putin, kishte akuzuar Shtetet e Bashkuara dhe aleatët e tyre britanikë për organizimin e shpërthimeve, duke fajësuar atë që e quajti “anglo-saksonët”. Uashingtoni dhe Londra i kishin mohuar këto akuza.

    Pas hetimeve të zhvilluara nga Suedia, Danimarka dhe Gjermania, prokurorët gjermanë u përqendruan te një grup zhytësish profesionistë, të cilët dyshohet se kishin përdorur një jaht të quajtur Andromeda, të marrë me qira në portin gjerman të Rostockut.

    Hetuesit deklaruan se në mostrat e marra nga anija ishin gjetur gjurmë të eksplozivëve nënujorë.

    Prokuroria gjermane dyshon për përfshirje të institucioneve ukrainase
    Sipas aktakuzës gjermane, Serhii K. ishte oficer në ushtrinë ukrainase në vitin 2022 dhe drejtonte një grup ku përfshiheshin zhytës profesionistë, një kapiten anijeje dhe një ekspert i eksplozivëve.

    Prokurorët pretendojnë se grupi e kishte organizuar sabotimin me urdhër të institucioneve shtetërore ukrainase. Ata e trajtojnë rastin edhe në kuadër të dispozitave të Gjermanisë për krimet sipas së drejtës ndërkombëtare, duke e cilësuar sulmin e dyshuar ndaj gazsjellësve si krim lufte, pasi objektivat ishin infrastrukturë civile.

    Në janar të vitit 2025, Gjykata Federale e Drejtësisë në Gjermani vendosi se çështja hynte në juridiksionin territorial gjerman dhe se prokuroria kishte përgjegjësi të vazhdonte hetimet, pasi rasti lidhej me cenimin e sigurisë së brendshme të vendit.

    Presidenti ukrainas, Volodymyr Zelensky, ka mohuar vazhdimisht se Ukraina kishte lidhje me shpërthimet e Nord Stream.

    Megjithatë, çështja ka nxitur debat në Ukrainë dhe Gjermani lidhur me përgjegjësinë për sabotimin dhe pasojat e mundshme për marrëdhëniet mes dy vendeve.

    Serhii K. u arrestua në gusht të vitit 2025, pasi ishte regjistruar në një hotel pranë qytetit bregdetar Rimini, në Itali. Arrestimi u krye në bazë të një urdhër-arresti evropian të lëshuar nga autoritetet gjermane.

    Pas disa javësh procedurash gjyqësore për kundërshtimin e ekstradimit, ai u transferua në Gjermani në fund të vitit 2025. Në dokumentet gjyqësore, ai identifikohet si Serhii Kuznetsov.

    Ndërkohë, një tjetër shtetas ukrainas, Volodymyr Zhuravlov, kishte arritur të kundërshtonte me sukses kërkesën gjermane për ekstradim në Poloni. Në tetor të vitit 2025, një gjykatë në Varshavë urdhëroi lirimin e tij, duke argumentuar se sulmi ndaj gazsjellësve nuk ishte i paligjshëm dhe se, nëse Ukraina kishte organizuar një operacion ushtarak, ai mund të konsiderohej i justifikuar në rrethanat e luftës.

    Megjithatë, Zhuravlov u arrestua më vonë në Kroaci, nën dyshimet se kishte marrë pjesë në zhytjet e nevojshme për realizimin e sabotimit. Muajin e kaluar, autoritetet kroate miratuan ekstradimin e tij, por ende nuk është e qartë se kur do të transferohet në Gjermani dhe nëse çështja e tij do të përfshihet në procesin gjyqësor në Hamburg.

    Pavarësisht ndjeshmërisë së rastit, deputeti ukrainas Merezhko nuk pret që çështja të dëmtojë seriozisht marrëdhëniet mes Kievit dhe Berlinit. Sipas tij, mbështetja e vazhdueshme e Gjermanisë ndaj Ukrainës mbetet në interesin kombëtar të vetë Gjermanisë.

    Burimi: Dukagjini

  • BE-ja i jep Ukrainës 2.86 miliardë euro për dronë, raketa dhe sisteme mbrojtëse ajrore

    BE-ja i jep Ukrainës 2.86 miliardë euro për dronë, raketa dhe sisteme mbrojtëse ajrore

    BE-ja i jep Ukrainës 2.86 miliardë euro për dronë, raketa dhe sisteme mbrojtëse ajrore

    Komisioni Evropian i dha të mërkurën Ukrainës 2.86 miliardë euro për të financuar dronë, sisteme mbrojtëse ajrore, raketa dhe nevoja të tjera urgjente ushtarake mes sulmeve të vazhdueshme.

    Financimi u sigurua në kuadër të komponentit të mbrojtjes të Kredisë Mbështetëse të BE-së për Ukrainën prej 90 miliardë eurosh, tha Komisioni i BE-së në një deklaratë.

    Paratë do të përdoren për të blerë dronë, sisteme të mbrojtjes ajrore, raketa, radarë, sisteme të luftës elektronike dhe municione.

    “Ndërsa Rusia qëndron në vijën e parë të frontit, ajo vazhdon të përshkallëzojë sulmet e saj ajrore, duke synuar mizorisht civilët dhe infrastrukturën ukrainase. Mbështetja e palëkundur e Evropës ka më shumë rëndësi se kurrë për të ndihmuar Ukrainën të mbrojë qiellin e saj dhe të shpëtojë jetë”, tha Presidentja e Komisionit Evropian Ursula von der Leyen.

    Paketa e kredisë prej 90 miliardë eurosh për vitet 2026-2027 përfshin 60 miliardë euro të destinuara për mbrojtje dhe 30 miliardë euro për ndihmë buxhetore.

    Komisioni tha se 28.3 miliardë euro ishin planifikuar të disbursoheshin në vitin 2026 për të forcuar kapacitetin industrial të mbrojtjes të Ukrainës, me pagesa të mëtejshme që priten në javët e ardhshme.

    Ai shtoi se Ukraina kishte ende 29.64 miliardë euro në mbështetje financiare në dispozicion për pjesën e mbetur të vitit 2026.

    Nga kjo shumë, 25.24 miliardë euro janë në dispozicion në kuadër të Kredisë Mbështetëse për Ukrainën, duke përfshirë 12.54 miliardë euro për kapacitetin industrial të mbrojtjes dhe 12.7 miliardë euro në mbështetje buxhetore, shkruan euronews.al.

    Që nga viti 2022, BE-ja dhe shtetet anëtare të saj kanë ofruar 231.5 miliardë euro në mbështetje të përgjithshme për Ukrainën, duke përfshirë 3.8 miliardë euro të gjeneruara nga të ardhurat e aseteve të bllokuara ruse, sipas komisionit.

    Sinjali – aty ku e vërteta flet para lajmit!

    /GazetaSinjali/

    The post BE-ja i jep Ukrainës 2.86 miliardë euro për dronë, raketa dhe sisteme mbrojtëse ajrore appeared first on Sinjali.

    Burimi: Sinjali

  • Kosova mbështet financiarisht Luginën, Serbia akuzohet për bllokim të fondeve

    Kosova mbështet financiarisht Luginën, Serbia akuzohet për bllokim të fondeve

    Vendimi për ndarjen e mjeteve është marrë në mbledhjen e shtatë të Qeverisë së Kosovës, në bazë të kërkesës së Këshillit Kombëtar Shqiptar, të datës 6 tetor 2026.

    Lidhur me këtë vendim kanë reaguar kryetari i KKSH-së, Enkel Rexhepi, deputeti shqiptar në Kuvendin e Serbisë, Shaip Kamberi, si dhe kryetarja e Komunës së Preshevës, Ardita Sinani, të cilët kanë falënderuar Qeverinë e Kosovës për mbështetjen e vazhdueshme për shqiptarët e Luginës.

    Kryetari i Këshillit Kombëtar Shqiptar, Enkel Rexhepi, ka thënë se mbështetja financiare për këtë institucion është rikthyer për herë të tretë për shqyrtim, pas bllokimeve nga Serbia në janar dhe gusht.

    Ai ka theksuar se KKSH-ja do të vazhdojë të angazhohet që mjetet të arrijnë te përfituesit, duke bërë të ditur se ato lidhen me 129 projekte dhe katër programe.

    Sipas Rexhepit, programet përfshijnë sigurimin e librave falas, praktikën profesionale për të rinjtë, funksionimin e Këshillit Kombëtar Shqiptar dhe avokimin për të drejtat e shqiptarëve në Preshevë, Bujanoc dhe Medvegjë.

    Ai ka vlerësuar se bllokimi i mbështetjes ndikon drejtpërdrejt te nxënësit, të rinjtë, organizatat dhe jeta institucionale e komunitetit shqiptar.

    Rexhepi ka falënderuar kryeministrin Albin Kurti dhe Qeverinë e Kosovës për përkushtimin dhe këmbënguljen, duke theksuar se Këshilli do ta ndjekë procesin deri në realizimin e mbështetjes.

    Edhe kryetari i PVD-së dhe njëherësh deputeti shqiptar në Kuvendin e Serbisë, Shaip Kamberi, ka reaguar lidhur me ndarjen e mjeteve, duke e cilësuar rikthimin e çështjes për herë të tretë si dëshmi të këmbënguljes për të siguruar mbështetje për shqiptarët e Luginës.

    Kamberi ka kritikuar qëndrimin e autoriteteve serbe, duke thënë se Serbia ndan mjete për serbët e Kosovës, ndërsa, sipas tij, bllokon mbështetjen financiare të Kosovës për shqiptarët e Preshevës, Bujanocit dhe Medvegjës.

    Ai i është referuar edhe deklaratave të presidentit serb, Aleksandar Vuçiq, në Kuvendin e Serbisë, më 13 shtator 2022, sipas të cilave për Kosovën ndahen çdo vit 700 deri në 820 milionë euro.

    Kamberi ka theksuar se mbështetja e paraparë për 129 projektet dhe katër programet e KKSH-së ka qëllime dhe përfitues të përcaktuar.

    “Mbështetja për qytetarët nuk mund të jetë e drejtë për njërën palë dhe të trajtohet si kërcënim kur u dedikohet shqiptarëve”, ka shkruar Kamberi, duke kërkuar standarde dhe trajtim të barabartë.

    Ai gjithashtu ka falënderuar kryeministrin Kurti dhe Qeverinë e Kosovës për angazhimin e vazhdueshëm, duke thënë se do të këmbëngulin derisa mbështetja të arrijë te përfituesit.

    Kryetarja e Komunës së Preshevës, Ardita Sinani, ka vlerësuar se mbështetja financiare për vitin 2026 lidhet drejtpërdrejt me jetën e qytetarëve të Luginës së Preshevës.

    Sipas saj, këto mjete janë të rëndësishme për sigurimin e librave për fëmijët, krijimin e mundësive për të rinjtë dhe realizimin e projekteve në dobi të shqiptarëve.

    Sinani ka theksuar se bllokimi i mjeteve ua mohon këto mundësi qytetarëve që kanë më së shumti nevojë për mbështetje. Kryetarja e Preshevës ka bërë të ditur se do të vazhdojnë angazhimin, së bashku me Këshillin Kombëtar Shqiptar, që mbështetja të arrijë te shqiptarët e Luginës.

    “Qytetarët tanë nuk duhet të mbeten peng i bllokimeve”, ka theksuar Sinani, duke falënderuar Qeverinë e Kosovës.

    Ajo e ka përmbyllur reagimin me mesazhin se Presheva dhe Lugina nuk janë vetëm.

    Ndarja e mjeteve nga Qeveria e Kosovës synon të mbështesë funksionimin institucional të KKSH-së dhe realizimin e projekteve të dedikuara për komunitetin shqiptar në Preshevë, Bujanoc dhe Medvegjë.

    Burimi: RTKLive

  • Manchester United pritet ta dënojë Lisandro Martinezin pas deklaratave të forta ndaj klubit

    Manchester United pritet ta dënojë Lisandro Martinezin pas deklaratave të forta ndaj klubit

    Manchester United pritet ta dënojë Lisandro Martinezin pas deklaratave të forta ndaj klubit

    Manchester United mund të marrë masa disiplinore ndaj Lisandro Martinezit pas deklaratave të tij të ashpra kundër drejtuesve të klubit, pas humbjes 2-0 nga Atletico Madrid në Champions League.

    Sipas raportimeve të mediave britanike, mbrojtësi argjentinas ka shkaktuar pakënaqësi me kritikat e bëra publikisht ndaj hierarkisë së klubit, duke vënë në pikëpyetje investimet dhe përforcimet e bëra gjatë afatit kalimtar të verës.

    Martinez drejtoi kritikat veçanërisht ndaj drejtorit sportiv Jason Wilcox, duke thënë se Manchester United duhej të kishte investuar më shumë për të ndërtuar një skuadër konkurruese.

    “Pres më shumë nga drejtuesit dhe nga drejtori ynë teknik”, ishte mesazhi i argjentinasit pas ndeshjes në Madrid.

    Megjithatë, trajneri Michael Carrick ka bërë të ditur se ende nuk e kishte parë intervistën e plotë të futbollistit dhe se duhej të kuptonte më mirë situatën përpara se të vendoste nëse do të merreshin masa.

    Sipas raportimeve të fundit, deklaratat e Martinezit kanë hapur një debat të madh në klub, ndërsa mbetet të shihet nëse Manchester United do ta ndëshkojë zyrtarisht mbrojtësin e tij.

  • Tahiri: Kuvendi duhet ta rishikojë ligjin për Dhomat e Specializuara, llogaridhënia është themel i demokracisë

    Tahiri: Kuvendi duhet ta rishikojë ligjin për Dhomat e Specializuara, llogaridhënia është themel i demokracisë

    Tahiri: Kuvendi duhet ta rishikojë ligjin për Dhomat e Specializuara, llogaridhënia është themel i demokracisë

    Deputeti i Aleancës, Besnik Tahiri, ka kërkuar që institucionet e Kosovës t’i trajtojnë me seriozitet gjetjet e Raportit ex officio të Avokatit të Popullit për Dhomat e Specializuara dhe Zyrën e Prokurorit të Specializuar.

    Pas pjesëmarrjes në tryezën ku u prezantua raporti, Tahiri ka thënë se dokumenti evidenton mungesë serioze të mbikëqyrjes së Dhomave të Specializuara nga institucionet kushtetuese të Kosovës.

    Ai ka ngritur gjithashtu shqetësime për mungesën e transparencës lidhur me vazhdimin e mandatit të Avokatit të Popullit, duke theksuar se nuk ka informacion të mjaftueshëm për procedurat, kriteret dhe performancën mbi bazën e të cilave është marrë ky vendim.

    “Raporti evidenton mungesë serioze të mbikëqyrjes së Dhomave të Specializuara nga institucionet kushtetuese të Republikës së Kosovës. Nuk ka informacion të mjaftueshëm për procedurat, kriteret dhe performancën mbi bazën e të cilave është vazhduar mandati i Avokatit të Popullit. Mungesa e transparencës në vazhdimin e mandatit”, ka shkruar Tahiri.

    Ai ka theksuar se institucionet e Kosovës duhet të veprojnë mbi bazën e fakteve dhe standardeve të qarta, duke lënë anash deklaratat emocionale dhe lavdërimet.

    “Ka përfunduar koha e deklaratave emocionale dhe lavdërimeve. Tani është koha që institucionet e Kosovës të veprojnë mbi bazën e fakteve dhe standardeve të qarta”, ka deklaruar Tahiri.

    Deputeti i ka vlerësuar se Kuvendi, Komisioni për Legjislacion dhe institucionet e tjera duhet t’i shqyrtojnë me seriozitet gjetjet e raportit të një institucioni të pavarur kushtetues.

    Sipas tij, Kuvendi i Kosovës ka të drejtë ta rishikojë ligjin për Dhomat e Specializuara në përputhje me standardet ndërkombëtare, nëse evidenca tregon se nevojiten ndryshime.

    “Kuvendi i Kosovës ka të drejtë ta rishikojë ligjin, në përputhje me standardet ndërkombëtare, kur evidenca tregon se nevojiten ndryshime. Rishikimi i ligjit sipas standardeve ndërkombëtare është shumë diskutabil”, ka shkruar ai.

    Tahiri ka theksuar rëndësinë e llogaridhënies nga institucionet, duke e cilësuar atë si një nga parimet themelore të demokracisë.

    “Llogaridhënia nuk është zgjedhje, por themel i demokracisë”, ka përfunduar Tahiri.

    Sinjali – aty ku e vërteta flet para lajmit!

    /GazetaSinjali/

    The post Tahiri: Kuvendi duhet ta rishikojë ligjin për Dhomat e Specializuara, llogaridhënia është themel i demokracisë appeared first on Sinjali.

    Burimi: Sinjali

  • Këto janë të gjitha vendimet e Qeverisë në mbledhjen e sotme

    Këto janë të gjitha vendimet e Qeverisë në mbledhjen e sotme

    Këto janë të gjitha vendimet e Qeverisë në mbledhjen e sotme

    Qeveria e Kosovës ka mbajtur sot mbledhjen e shtatë, në të cilën ka miratuar disa projektligje dhe vendime  tjera .

    Në këtë mbledhje, ekzekutivi miratoi projektligjet për Agjencinë e Menaxhimit të Emergjencave, Inspektoratin Qendror të Bujqësisë, Sigurisë Ushqimore, Veterinës dhe Pylltarisë, si dhe Inspektoratin Qendror të Trashëgimisë Kulturore.

    Sipas njoftimit, Inspektorati Qendror i Trashëgimisë Kulturore do të ketë përgjegjësi për mbrojtjen e monumenteve dhe pasurive kulturore, përfshirë ndërhyrjen ndaj punimeve të paautorizuara dhe masat kundër dëmtimit të trashëgimisë.

    Qeveria ka ndarë gjithashtu 1 milion e 852 mijë e 350 euro për Këshillin Kombëtar Shqiptar, si dhe ka miratuar subvencionimin e renovimit të shtëpive për pjesëtarët e komuniteteve pakicë në komunat e Mitrovicës së Veriut dhe Zveçanit.

    Në mesin e vendimeve të tjera është edhe miratimi i kërkesave për autorizimin e ministrit përkatës për nënshkrimin e marrëveshjeve për sigurime sociale me Austrinë dhe Turqinë.

    Po ashtu, është miratuar themelimi i Grupit Punues për hartimin dhe koordinimin e Strategjisë Shtetërore lidhur me procedurat e apelit para Dhomave të Specializuara në Hagë. Grupi do të kryesohet nga zëvendëskryeministri i parë dhe ministri i Punëve të Jashtme dhe Diasporës, Glauk Konjufca.

    Në këtë mbledhje, Qeveria miratoi edhe Programin për Vlerësimin Ex-Post të Akteve Juridike për vitet 2026–2028, vendime për zbatimin e sanksioneve ndërkombëtare dhe kthimin e 5 mijë e 705 eurove në rastin e ndërmarrjes shoqërore “Komogllava”.

    Ndër vendimet e fundit ishte emërimi i Bordit të Përkohshëm të Drejtorëve të ndërmarrjes publike “Kompania për Menaxhimin e Deponive” Sh.A., me Mirjeta Hetën në krye, si dhe Halit Kadriun, Azemine Demiri-Gazidedën dhe Lirie Rrahimi-Ademin si anëtarë.

    Qeveria ka miratuar edhe kërkesën për shitjen e automjeteve zyrtare të papërdorshme të Ministrisë për Komunitete dhe Kthim.

    Sinjali – aty ku e vërteta flet para lajmit!

    /GazetaSinjali/

    The post Këto janë të gjitha vendimet e Qeverisë në mbledhjen e sotme appeared first on Sinjali.

    Burimi: Sinjali

  • Ekstradohen për në Kosovë dy të kërkuar me letër rreshtim ndërkombëtar, njëri nga Gjermania ndërsa tjetri nga Zvicra

    Ekstradohen për në Kosovë dy të kërkuar me letër rreshtim ndërkombëtar, njëri nga Gjermania ndërsa tjetri nga Zvicra

    Ekstradohen për në Kosovë dy të kërkuar me letër rreshtim ndërkombëtar, njëri nga Gjermania ndërsa tjetri nga Zvicra

    Policia e Kosovës, përkatësisht Drejtoria për Bashkëpunim Ndërkombëtar Policor, në koordinim dhe në bashkëpunim me njësitet tjera relevante të Policisë së Kosovës dhe institucionet e drejtësisë, me datën 13 dhe 14 tetor 2026 ka realizuar ekstradimin e dy shtetasve kosovarë nga Gjermania, përkatësisht nga Zvicra për në Kosovë.

    Personat e ekstraduar ishin arrestuar nga autoritetet e shteteve përkatëse, pasi që kërkoheshin përmes INTERPOL-it me letër rreshtim ndërkombëtar, të lëshuar nga institucionet e drejtësisë së Kosovës.

    Me datën 13.10.2026 nga Gjermania për në Kosovë është ekstraduar shtetasja kosovare e cila kërkohej për veprën penale ‘blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge’. Pas ekstradimit, e dyshuara u është dorëzuar njësiteve përkatëse të policisë, rajoni i Pejës, për vazhdim me procedurat tjera ligjore.

    Ndërsa me datën 14.10.2026, nga Zvicra për në Kosovë është ekstraduar shtetasi kosovar, i cili ishte në kërkim për veprën penale ‘grabitje’. Pas ekstradimit i dyshuari u është dorëzuar njësiteve përkatëse të policisë, rajoni i Gjilanit, për vazhdimin e procedurave ligjore.

    Ekstradimet u realizuan bazuar në ligjet në fuqi dhe falë bashkëpunimit të ngushtë në mes të institucioneve të Republikës së Kosovës dhe shteteve përkatëse prej nga u realizuan ekstradimet.

    Sinjali – aty ku e vërteta flet para lajmit!

    /GazetaSinjali/

    The post Ekstradohen për në Kosovë dy të kërkuar me letër rreshtim ndërkombëtar, njëri nga Gjermania ndërsa tjetri nga Zvicra appeared first on Sinjali.

    Burimi: Sinjali

  • Termokosi nis nesër sezonin e ngrohjes për mbi 25 mijë konsumatorë, pret tarifat e reja

    Termokosi nis nesër sezonin e ngrohjes për mbi 25 mijë konsumatorë, pret tarifat e reja

    Ndërmarrja publike “Termokos” pritet të nisë furnizimin me ngrohje më 15 tetor, në afatin e zakonshëm të fillimit të sezonit të ngrohjes. Zëdhënësja e kësaj ndërmarrjeje, Aferdita Uka, ka thënë për KosovaPress se përgatitjet për sezonin e ri kanë përfunduar me kohë dhe se aktualisht janë duke u realizuar testimet e fundit të pajisjeve.

    Sipas Ukës, Termokosi aktualisht ka mbi 25 mijë konsumatorë të kyçur në rrjetin e ngrohjes, ndërsa furnizimi në fillim të sezonit do të bëhet gradualisht, për të ruajtur funksionimin e sistemit dhe për të shmangur dëmtimet e mundshme teknike.

    “Nga periudha e verës, janë kryer të gjitha intervenimet e nevojshme, ndërhyrja në rrjetin e ngrohjes kudo që ka pasur vështirësi në qarkullimin e ngrohjes gjatë sezonit të kaluar ngrohës, a është vërejtur ndonjë dobësi, diçka e rrjetit, ka pasur ndërhyrje nëpër pajisjet e ngrohjes, pastrim, zëvendësim të ventileve, dhe gjithë këto përgatitje pra janë përfunduar me kohë. Tani jemi duke i realizuar testimet e fundit të këtyre pajisjeve para se të fillojmë marrjen e sasive të para të avullit nga KEK-u për të prodhuar energji ngrohëse dhe për ta shpërndarë atë tek mbi 25 mijë konsumatorë sa i kemi të kyçur aktualisht në rrjetin tonë të ngrohjes”, ka thënë Uka.

    Sa i përket zgjerimit të rrjetit, Uka ka bërë të ditur se nuk pritet të ketë rritje të madhe të numrit të konsumatorëve krahasuar me vitin e kaluar, ndërsa zgjerimi më i madh pritet të realizohet përmes projekteve kapitale.

    “Në raport me vitin e kaluar, nuk ka pasur ndonjë zgjerim më të madh të numrit të konsumatorëve, për arsye se vitin e kaluar kanë përfunduar projektet për zgjerimin e rrjetit të ngrohjes, të cilat kanë qenë të realizuara falë projekteve me donatorë ndërkombëtarë, me mbështetjen financiare të donatorëve ndërkombëtarë, por edhe me një participim mjaft të dukshëm edhe nga ndërmarrja jonë me mjete vetanake, pra. Ndërsa ndërkohë, që nga përfundimi i sezonit ngrohës deri më tani, ka pasur kërkesa individuale të një objekti banesor apo ndonjë institucioni kudo që është parë se ka mundësi, ka kapacitet, ka kapacitet termik mjaftueshëm për të furnizuar me ngrohje edhe ndonjë objekt shtesë”, ka deklaruar ajo.

    Uka ka theksuar se përmes projektit “Solar 4 Kosovo” dhe projekteve të tjera për rritjen e kapaciteteve, synohet zgjerimi i rrjetit edhe në lagje të Prishtinës që aktualisht nuk janë të përfshira në sistemin e ngrohjes.

    Duke folur për tarifat e ngrohjes, Uka ka bërë të ditur se vendimi për çmimet i takon Zyrës së Rregullatorit për Energji (ZRRE), ndërsa ndërmarrja është në pritje të tarifave të reja.

    Për sa i përket mundësisë së ndërprerjeve të furnizimit gjatë sezonit, Uka ka thënë se, pavarësisht përgatitjeve dhe investimeve në rrjet, nuk mund të përjashtohen plotësisht problemet teknike, për shkak të shtrirjes së gjerë të sistemit./KP

    Burimi: Dukagjini