Category: Lajme

  • Komandanti i ri: KFOR-i mbetet i përkushtuar për paqe të qëndrueshme në Kosovë

    Komandanti i ri: KFOR-i mbetet i përkushtuar për paqe të qëndrueshme në Kosovë

    Komandanti i ri: KFOR-i mbetet i përkushtuar për paqe të qëndrueshme në Kosovë

    Komandanti i ri i misionit të KFOR-it në Kosovë, gjeneralmajor Roberto Vergori, ka thënë se misioni do të vazhdojë të jetë i përkushtuar në përmbushjen e mandatit të tij dhe në krijimin e kushteve për një të ardhme me paqe të qëndrueshme, demokraci dhe prosperitet për të gjithë qytetarët e Kosovës.

    Vergori këto deklarata i bëri në ceremoninë e ndërrimit të komandës së KFOR-it, pas marrjes së detyrës nga gjeneralmajori Özkan Ulutaş. Ai theksoi se shërbimi ndaj njerëzve dhe përgjegjësia për mbrojtjen e tyre janë në thelb të misionit ushtarak.

    “Synimi ynë është të sigurojmë që misioni të vazhdojë të luajë rolin e tij në krijimin e kushteve të duhura për një të ardhme në të cilën gjeneratat e reja mund të gëzojnë plotësisht përfitimet e paqes së qëndrueshme, demokracisë dhe prosperitetit. Ky është edhe motoja ime: liri për njerëzit, shërbim për njerëzit. Ne jemi krenarë për misionin tonë, që është të mundësojmë përparim për të gjithë njerëzit që jetojnë në Kosovë”, tha ai.

    Komandanti i ri i KFOR-it e cilësoi marrjen e detyrës si privilegj dhe përgjegjësi të madhe, duke rikujtuar se misioni në Kosovë është operacioni më i gjatë dhe, sipas tij, ndoshta më i madhi i NATO-s.

    “Edhe në vitin 1999, kur fillova dislokimin tim të parë operacional, nuk do ta kisha menduar se një ditë do të shërbeja në operacionin më të gjatë dhe, ndoshta, më të madh të NATO-s. Sot, të jem pjesë e këtij misioni nuk është vetëm detyrë, por një privilegj i jashtëzakonshëm dhe një përgjegjësi e madhe. Ashtu siç u tha, edhe unë i bashkohem këtij përkushtimi ndaj Kosovës. Ne mbetemi thellësisht të përkushtuar për përmbushjen e mandatit tonë afatgjatë, me angazhim të vazhdueshëm operacional”, tha ai.

    Vergori foli edhe për rëndësinë e kalimit të përgjegjësive në jetën ushtarake, duke theksuar se shërbimi dhe detyra qëndrojnë mbi interesat personale.

    “Ndryshimet e komandës dhe kalimi i përgjegjësive janë pjesë e pandashme e jetës ushtarake, veçanërisht kur jemi të dislokuar jashtë vendit. Por sot është më shumë se kaq. Është më shumë sesa një dorëzim formal i detyrës. Shërbimi është themeli i ushtrisë. Detyra vjen gjithmonë e para. Jo sepse kemi diçka për të përfituar, por sepse tashmë kemi bërë zgjedhjen tonë: t’ia kushtojmë jetën shërbimit ndaj njerëzve të cilët kemi përgjegjësi t’i mbrojmë. Kjo është ajo që u jep kuptim uniformave që mbajmë”, tha ai.

    Sinjali – aty ku e vërteta flet para lajmit!

    /GazetaSinjali/

    The post Komandanti i ri: KFOR-i mbetet i përkushtuar për paqe të qëndrueshme në Kosovë appeared first on Sinjali.

    Burimi: Sinjali

  • Policia në Shqipëri u bën thirrje protestuesve të ruajnë qetësinë dhe të shmangin dhunën

    Policia në Shqipëri u bën thirrje protestuesve të ruajnë qetësinë dhe të shmangin dhunën

    Policia e Shtetit në Shqipëri u ka bërë thirrje pjesëmarrësve në protestë që të ruajnë qetësinë dhe të distancohen nga personat e maskuar, të cilët, sipas policisë, po sulmojnë punonjësit e saj dhe po dëmtojnë pronën publike e private.

    Përmes një reagimi, Policia ka theksuar se e drejta për të protestuar është e garantuar me Kushtetutë, por ka nënvizuar se dhuna ndaj efektivëve, qytetarëve dhe institucioneve është e papranueshme dhe e dënueshme me ligj, njofton Dukagjini.

    Policia e Shtetit ka bërë të ditur se po vazhdon detyrën për të garantuar sigurinë e qytetarëve, ushtrimin e së drejtës për tubim paqësor, si dhe mbrojtjen e jetës, pronës dhe institucioneve.

    Tutje, autoritetet u kanë bërë thirrje protestuesve që të ndërpresin menjëherë aktet e dhunës, duke paralajmëruar se çdo person që kryen veprime të kundërligjshme do të përballet me përgjegjësi penale.

    Burimi: Dukagjini

  • Ekstradohen dy persona nga Gjermania dhe Zvicra në Kosovë, ishin të kërkuar nga INTERPOL-i

    Ekstradohen dy persona nga Gjermania dhe Zvicra në Kosovë, ishin të kërkuar nga INTERPOL-i

    Policia e Kosovës ka bërë të ditur se Drejtoria për Bashkëpunim Ndërkombëtar Policor, në koordinim dhe në bashkëpunim me njësitet tjera relevante të Policisë së Kosovës dhe institucionet e drejtësisë, me datën 13 dhe 14 tetor ka realizuar ekstradimin e dy shtetasve kosovarë nga Gjermania, përkatësisht nga Zvicra për në Kosovë.

    Sipas njoftimit policor, personat e ekstraduar ishin arrestuar nga autoritetet e shteteve përkatëse, pasi që kërkoheshin përmes INTERPOL-it me letër rreshtim ndërkombëtar, të lëshuar nga institucionet e drejtësisë së Kosovës.

    Të martën nga Gjermania për në Kosovë është ekstraduar shtetasja kosovare e cila kërkohej për veprën penale ‘blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge’. Pas ekstradimit, e dyshuara u është dorëzuar njësiteve përkatëse të policisë, rajoni i Pejës, për vazhdim me procedurat tjera ligjore.

    Ndërsa sot nga Zvicra për në Kosovë është ekstraduar shtetasi kosovar, i cili ishte në kërkim për veprën penale ‘grabitje’.

    Pas ekstradimit i dyshuari u është dorëzuar njësiteve përkatëse të policisë, rajoni i Gjilanit, për vazhdimin e procedurave ligjore.

    Burimi: Dukagjini

  • Vergori: Optimizimi i KFOR-it nuk nënkupton tërheqje nga Kosova

    Vergori: Optimizimi i KFOR-it nuk nënkupton tërheqje nga Kosova

    Komandanti i ri i KFOR-it në Kosovë, gjeneralmajor Roberto Vergori, ka deklaruar se procesi i optimizimit të misionit nuk nënkupton tërheqjen nga Kosova dhe as zvogëlimin e përkushtimit për mbrojtjen e të gjitha komuniteteve.

    Në një konferencë për media pas marrjes së detyrës, Vergori ka thënë se KFOR-i do të vazhdojë ta zbatojë mandatin e bazuar në Rezolutën 1244 të Këshillit të Sigurimit të OKB-së, duke përshtatur praninë dhe aktivitetet e tij sipas situatës së sigurisë në terren.

    “Ky proces nuk nënkupton tërheqje nga misioni dhe në asnjë mënyrë nuk e zvogëlon përkushtimin e KFOR-it për mbrojtjen e të gjitha komuniteteve dhe për të punuar në të mirë të tyre, gjithmonë dhe pa dallim, çdo ditë. Këtë do ta bëjmë në koordinim të ngushtë me Policinë e Kosovës dhe njësitë e Misionit të Bashkimit Evropian për Sundimin e Ligjit në Kosovë (EULEX), duke respektuar rolin përkatës të secilit në reagimin ndaj çështjeve të sigurisë”, ka thënë Vergori.

    Ai ka theksuar se misioni do të vazhdojë të punojë në koordinim me Policinë e Kosovës dhe EULEX-in, me synimin për të ruajtur një mjedis të sigurt dhe lirinë e lëvizjes për të gjithë qytetarët.

    Vergori ka shtuar se KFOR-i do të veprojë me vendosmëri, disiplinë dhe paanshmëri, duke kontribuar në ruajtjen e stabilitetit dhe krijimin e kushteve të sigurisë që mbështesin përpjekjet diplomatike për normalizimin e marrëdhënieve ndërmjet Kosovës dhe Serbisë.

    Ndërkaq, admirali George M. Wikoff, komandant i Komandës së Forcave të Përbashkëta Aleate të NATO-s në Napoli, ka thënë se fokusi i KFOR-it mbetet siguria dhe mbrojtja e të gjithë njerëzve që jetojnë në Kosovë.

    “Fokusi ynë mbetet i qartë: siguria dhe mbrojtja për të gjithë njerëzit që jetojnë në Kosovë.Për njerëzit që jetojnë këtu, siguria ka një kuptim praktik. Ajo nënkupton mundësinë për të udhëtuar lirshëm drejt punës, për t’i dërguar fëmijët në shkollë, për të vizituar familjen dhe për të pasur qasje në objektet e kultit. KFOR-i ndihmon në krijimin e kushteve që mundësojnë këtë qasje të lirë. Përmirësimi i situatës së sigurisë ka krijuar mundësi për të optimizuar dislokimin e KFOR-it, në mënyrë që ai t’u përgjigjet kërkesave të mandatit tonë”, tha Wikoff.

    Sipas tij, përmirësimi i situatës së sigurisë ka krijuar mundësi për optimizimin e dislokimit të forcave, në mënyrë që misioni t’i përmbushë sa më efektivisht përgjegjësitë e tij.

    Wikoff ka theksuar gjithashtu mbështetjen e NATO-s për dialogun ndërmjet Kosovës dhe Serbisë, të lehtësuar nga Bashkimi Evropian, duke u bërë thirrje të dyja palëve të angazhohen në mënyrë konstruktive dhe me vullnet të mirë.

    Burimi: Dukagjini

  • Tahiri kërkon veprim institucional pas raportit të Avokatit të Popullit për Specialen

    Tahiri kërkon veprim institucional pas raportit të Avokatit të Popullit për Specialen

    Tahiri kërkon veprim institucional pas raportit të Avokatit të Popullit për Specialen

    Deputeti i Aleancës, Besnik Tahiri, ka marrë pjesë në tryezën e organizuar nga Avokati i Popullit, ku është prezantuar raporti ex officio për Dhomat e Specializuara dhe Zyrën e Prokurorit të Specializuar.

    Tahiri ka theksuar përmes një postimi në Facebook se raporti evidenton mungesë serioze të mbikëqyrjes së Dhomave të Specializuara nga institucionet kushtetuese të Republikës së Kosovës.

    Ai ka ngritur shqetësime edhe për mungesën e transparencës lidhur me vazhdimin e mandatit të Avokatit të Personit, duke thënë se nuk ka informacion të mjaftueshëm për procedurat, kriteret dhe performancën mbi bazën e të cilave është marrë ky vendim.

    “Ka përfunduar koha e deklaratave emocionale dhe lavdërimeve. Tani është koha që institucionet e Kosovës të veprojnë mbi bazën e fakteve dhe standardeve të qarta”, ka deklaruar Tahiri.

    Sipas tij, Kuvendi i Kosovës, Komisioni për Legjislacion dhe institucionet e tjera duhet t’i trajtojnë me seriozitet gjetjet e raportit të një institucioni të pavarur kushtetues.

    Tahiri ka theksuar gjithashtu se Kuvendi i Kosovës ka të drejtë ta rishikojë ligjin në përputhje me standardet ndërkombëtare, kur evidencat tregojnë se nevojiten ndryshime.

    Ai e ka përmbyllur qëndrimin e tij duke theksuar se llogaridhënia është një parim themelor i demokracisë.

    “Llogaridhënia nuk është zgjedhje, por themel i demokracisë”, ka përfunduar Tahiri.

  • Protestat në Tiranë, reagon delegacioni i BE-së

    Protestat në Tiranë, reagon delegacioni i BE-së

    Protestat në Tiranë, reagon delegacioni i BE-së

    Delegacioni i Bashkimit Evropian në Tiranë ka shprehur shqetësim për përshkallëzimin e dhunshëm të protestës së studentëve dhe përplasjet me forcat e Policisë së Shtetit.

    Përmes një reagimi, delegacioni thotë se është në dijeni të pretendimeve për përdorim të tepruar të dhunës nga policia ndaj protestuesve dhe gazetarëve.

    Për këtë arsye, kërkon që veprimet e policisë të jenë proporcionale dhe të respektojnë të drejtat themelore, ndërsa rastet e raportuara të hetohen me përparësi, raporton A2CNN.

     REAGIMI

    Ne shprehim shqetësim në lidhje me përshkallëzimin e dhunshëm të protestës në Tiranë.

    Liria e tubimit dhe e shprehjes janë të drejta themelore dhe vlera thelbësore evropiane. Ato duhet të respektohen dhe të ushtrohen në mënyrë paqësore.

    Ne jemi në dijeni të pretendimeve për përdorim të tepruar të dhunës nga policia ndaj protestuesve dhe gazetarëve.

    Presim që veprimet e policisë të jenë proporcionale dhe të respektojnë të drejtat themelore, siç edhe presim që këto raste të hetohen me përparësi.

    Inkurajojmë të gjitha palët të ulin tensionet.

    Dialogu konstruktiv ndërmjet të gjithë aktorëve të përfshirë është e vetmja rrugë përpara.

  • Kafexhiu: Apeli është çështja kyçe - tash duhet të punojmë për ta zhbërë dënimin (VIDEO)

    Kafexhiu: Apeli është çështja kyçe – tash duhet të punojmë për ta zhbërë dënimin (VIDEO)

    Kafexhiu: Apeli është çështja kyçe - tash duhet të punojmë për ta zhbërë dënimin (VIDEO)

    Gazetari, Muharrem Kafexhiu tha se sot Qeveria e Kosovës bëri hapin e parë për çështjen e Apelit ndaj ish-krerëve të UÇK-së që me 16 shtator morën aktgjykimin dënues nga Dhomat e Specializuara në Hagë.

    Kafexhiu në emisionin “Kosova Today” tha se Kosova duhet të merret ekskluzivisht me Apelin për ta zhbërë dënimin.

    “Sot është kryer hapi i parë nga Qeveria, do thotë ekzekutivi ka vendos krijimin e Grupit Punues që do merret ekskluzivisht për çështjen e Apelit… Tash duhet të merremi vetëm me Apelin, Apeli është çështja kyçe, ajo çka nuk po e pranojmë ne si shoqëri është 4-shja e UÇK-së është dënuar fatkeqësisht dhe tash duhet të punojmë për ta ç’bërë dënimin”, tha ai.

  • Rasti i Tupac Shakur, gjykata merr vendimin për ish-kreun e një bande

    Rasti i Tupac Shakur, gjykata merr vendimin për ish-kreun e një bande

    Rasti i Tupac Shakur, gjykata merr vendimin për ish-kreun e një bande

    Ish-kreu i një bande, Duane “Keffe D” Davis, është dënuar me të paktën 40 vjet burgim për organizimin e vrasjes së Tupac Shakur.

    Në shtator, juria e shpalli Davis-in, 63 vjeç, fajtor për vrasje me armë vdekjeprurëse në lidhje me vrasjen e yllit të repit, i cili u qëllua nga një automjet në lëvizje në Las Vegas, më 7 shtator 1996. Davis ka deklaruar se do ta apelojë vendimin.

    Prokurorët argumentuan se, edhe pse Davis nuk e shkrepi vetë armën, ai ishte organizatori kryesor i grupit që kreu krimin. Në librin e tij me kujtime, ai kishte pranuar se kishte siguruar armën e përdorur në krim, transmeton Klankosova.tv.

    Dënimi i Davis-it ishte i pari në një çështje të vjetër e të pazgjidhur që ka intriguar fansat e hip-hop-it për gati 30 vite.

    Gjatë seancës së shpalljes së dënimit të martën, prokurori Marc DiGiacomo argumentoi se Davis kishte kaluar vite duke u mburrur publikisht për rolin e tij në vdekjen e Shakur-it, një ngjarje që, sipas tij, “pati ndikim të gjerë në mbarë botën”, shkruan BBC./Klankosova.tv

  • Të kërkuar nga Interpol: Ekstradohen në Kosovë një grua nga Gjermania dhe një burrë nga Zvicra

    Të kërkuar nga Interpol: Ekstradohen në Kosovë një grua nga Gjermania dhe një burrë nga Zvicra

    Të kërkuar nga Interpol: Ekstradohen në Kosovë një grua nga Gjermania dhe një burrë nga Zvicra

    Policia e Kosovës ka realizuar ekstradimin e dy shtetasve kosovarë të kërkuar me letër-rreshtim ndërkombëtar për vepra të ndryshme penale. Njëri prej tyre është ekstraduar nga Gjermania, ndërsa tjetri nga Zvicra.

    Sipas njoftimit të Policisë së Kosovës, ekstradimet u realizuan më 13 dhe 14 tetor, në koordinim me Drejtorinë për Bashkëpunim Ndërkombëtar Policor, njësitet përkatëse të policisë dhe institucionet e drejtësisë, transmeton KLankosova.tv.

    Më 13 tetor, nga Gjermania u ekstradua një shtetase kosovare, e cila kërkohej për veprën penale “blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

    Pas mbërritjes në Kosovë, ajo iu dorëzua njësive përkatëse policore në rajonin e Pejës për vazhdimin e procedurave ligjore.

    Ndërkaq, sot, nga Zvicra u ekstradua një shtetas kosovar, i kërkuar për veprën penale “grabitje”. Pas ekstradimit, ai iu dorëzua njësive përkatëse policore në rajonin e Gjilanit për procedurat e mëtejshme ligjore.

    Të dy personat ishin arrestuar nga autoritetet e shteteve përkatëse, pasi ndaj tyre ishte lëshuar letër-rreshtim ndërkombëtar përmes INTERPOL-it, me kërkesë të institucioneve të drejtësisë së Kosovës.

    Policia e Kosovës bëri të ditur se ekstradimet u realizuan në bazë të legjislacionit në fuqi, falë bashkëpunimit të ngushtë ndërmjet institucioneve të Kosovës dhe autoriteteve të Gjermanisë dhe Zvicrës.

  • Schuebel mirëpret ndërrimin e komandës së KFOR-it: Të forcohet bashkëpunimi BE-NATO në Kosovë

    Schuebel mirëpret ndërrimin e komandës së KFOR-it: Të forcohet bashkëpunimi BE-NATO në Kosovë

    Schuebel mirëpret ndërrimin e komandës së KFOR-it: Të forcohet bashkëpunimi BE-NATO në Kosovë

    Në ceremoninë e ndërrimit të komandës së Forcës së NATO-s në Kosovë, KFOR, ambasadori i Bashkimit Evropian në Kosovë, Dirk Schuebel, ka falënderuar gjeneralmajorin Ozkan Ulutash për mbështetjen e tij gjatë ushtrimit të detyrës.

    Sipas njoftimit, Schuebel ka shprehur gjithashtu gatishmërinë për të bashkëpunuar me komandantin e ri të KFOR-it, gjeneralmajorin Roberto Vergori, me synimin për të forcuar më tej bashkëpunimin ndërmjet Bashkimit Evropian dhe NATO-s në Kosovë, transmeton Klankosova.tv.

    “Pres me kënaqësi të bashkëpunoj me komandantin e ri të KFOR-it, gjeneralmajorin Roberto Vergori, për të forcuar më tej bashkëpunimin BE-NATO në Kosovë”, ka deklaruar ambasadori Schuebel.

    Ai ka rikujtuar edhe rëndësinë e roleve që luajnë Bashkimi Evropian dhe KFOR-i në Kosovë. Sipas tij, BE-ja mbështet politikisht dhe financiarisht integrimin evropian të Kosovës, ndërsa KFOR-i ka rol kyç në ruajtjen e një mjedisi të sigurt.