Category: Lajme

  • Nesër nis ngrohja nga Termokosi, mbi 25 mijë konsumatorë të kyçur në rrjet

    Nesër nis ngrohja nga Termokosi, mbi 25 mijë konsumatorë të kyçur në rrjet

    Nesër nis ngrohja nga Termokosi, mbi 25 mijë konsumatorë të kyçur në rrjet

    Ngrohja përmes sistemit të Termokosit do të nisë nesër.

    Kështu ka bërë të ditur zëdhënësja e kësaj ndërmarrjeje, Afërdita Uka në emisionin “Fol me Arin” në Klan Kosova.

    Sipas saj, aktualisht në rrjetin e Termokosit janë të kyçur rreth 25 mijë konsumatorë, të cilët do të përfitojnë nga furnizimi me ngrohje gjatë sezonit të ri ngrohës.

    Sa i përket zgjerimit të rrjetit, projektet e realizuara për këtë qëllim kanë përfunduar vitin e kaluar. Megjithatë, pritet që zgjerimi të vazhdojë edhe në lagje të tjera, me synimin për të përfshirë më shumë konsumatorë në sistemin e ngrohjes qendrore.

  • Sot lansohet pulla postare në shënim të 80-vjetorit të Teatrit Kombëtar të Kosovës

    Sot lansohet pulla postare në shënim të 80-vjetorit të Teatrit Kombëtar të Kosovës

    Sot lansohet pulla postare në shënim të 80-vjetorit të Teatrit Kombëtar të Kosovës

    Teatri Kombëtar i Kosovës do të përkujtohet përmes një pullë postare të veçantë, e cila i kushtohet 80-vjetorit të themelimit të këtij institucioni të rëndësishëm të kulturës në vend.

    Lansimi i pullës postare do të mbahet sot, në ora 12:00, në Amfiteatrin e Teatrit Kombëtar të Kosovës.

    Përmes kësaj pulle postare shënohet një përvjetor i rëndësishëm për historinë e teatrit në Kosovë, duke vënë në pah rrugëtimin 80 vjeçar të një institucioni që ka kontribuar në zhvillimin e artit skenik dhe jetës kulturore në vend./KlanKosova.tv

  • LEX | Vrau 19-vjeçarin Ardit Zymeri në Vushtrri, u dënua me 17 vjet burgim – Bleon Dibrani del para Apelit

    LEX | Vrau 19-vjeçarin Ardit Zymeri në Vushtrri, u dënua me 17 vjet burgim – Bleon Dibrani del para Apelit

    LEX | Vrau 19-vjeçarin Ardit Zymeri në Vushtrri, u dënua me 17 vjet burgim – Bleon Dibrani del para Apelit

    Bleon Dibrani, i dënuar me 17 vjet burgim për vrasjen e 19-vjeçarit Ardit Zymeri në Vushtrri, ka dalë sot para Gjykatës së Apelit.

    Rasti i rëndë, që përfundoi me humbjen tragjike të jetës së një të riu vetëm 19-vjeçar, është rikthyer në shqyrtim gjyqësor, këtë herë para shkallës së dytë.

    Dibrani ishte shpallur fajtor nga gjykata e shkallës së parë, e cila i kishte shqiptuar dënimin prej 17 vjetësh burgim për vrasjen e Ardit Zymerit.

    Tashmë, çështja është para Gjykatës së Apelit, ku po shqyrtohet aktgjykimi i shkallës së parë.

    Sipas aktakuzës së Prokurorisë Themelore në Mitrovicë, ngjarja kishte ndodhur më 23 mars 2025, rreth orës 20:30, në rrugën “Galip Badivuku” në Vushtrri.

    Dibrani akuzohej se kishte shtënë me armë zjarri në drejtim të Ardit Zymerit, duke e goditur tri herë në trup. Si pasojë e plagëve të rënda në mushkëri dhe mëlçi, 19-vjeçari kishte ndërruar jetë në Emergjencën e Spitalit të Vushtrrisë.

    Më 25 maj 2026, Gjykata Themelore në Mitrovicë e kishte shpallur fajtor Dibranin, duke e dënuar me 16 vjet burgim për vrasje dhe dy vjet për armëmbajtje pa leje, ndërsa i kishte shqiptuar dënim unik prej 17 vjetësh burgim.

    Gjatë shpalljes së aktgjykimit, trupi gjykues, i kryesuar nga gjyqtari Xhemajl Jusufi, kishte bërë rikualifikimin e veprës penale nga “vrasje e rëndë” në “vrasje”.

    Vendimi kishte shkaktuar reagime të ashpra te familjarët e viktimës, të cilët, të revoltuar dhe të përlotur, ishin larguar nga salla e gjykimit.

    Xhaxhai i viktimës, Nystret Zymeri, e kishte cilësuar vendimin si një “vrasje të dytë” për familjen, duke shprehur pakënaqësi për dënimin e shqiptuar.

    Ndërkohë, Dibrani gjatë gjykimit kishte pretenduar se para ngjarjes ishte kërcënuar në rrjetet sociale dhe se natën kritike kishte shtënë nga frika, duke menduar se viktima mund të ishte e armatosur.

    Rasti tashmë është rikthyer para drejtësisë në Gjykatën e Apelit, ku mbetet të shihet vendimmarrja lidhur me aktgjykimin e shkallës së parë.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post LEX | Vrau 19-vjeçarin Ardit Zymeri në Vushtrri, u dënua me 17 vjet burgim – Bleon Dibrani del para Apelit appeared first on Sinjali.

    Burimi: Sinjali

  • SHBA-ja nuk ndryshon qëndrim për Dialogun Strategjik me Kosovën

    SHBA-ja nuk ndryshon qëndrim për Dialogun Strategjik me Kosovën

    Departamenti amerikan i Shtetit (DASH) ka ritheksuar se zhvillimi i Dialogut Strategjik me Kosovën varet nga krijimi i kushteve të përshtatshme, përfshirë përmbushjen e zotimeve të Kosovës ndaj serbëve të Kosovës.

    Në një përgjigje për Radion Evropa e Lirë më 13 tetor, DASH-i përsëriti qëndrimin e shprehur në korrik, pa sqaruar nëse Kosova ka bërë përparim drejt përmbushjes së kushteve apo cilët hapa konkretë mbeten për t’u ndërmarrë.

    “Ne mbetemi të përkushtuar për avancimin e interesave të përbashkëta të Shteteve të Bashkuara dhe popullit të Kosovës”, tha një zëdhënës i Departamentit të Shtetit për Radion Evropa e Lirë.

    Ky qëndrim vjen pasi presidentja e Kosovës, Justina Shiroka Pula, kërkoi rifillimin e Dialogut Strategjik gjatë takimit të 12 tetorit me senatorët amerikanë Jeanne Shaheen dhe Dick Durbin në Prishtinë. Sipas njoftimit të Presidencës, ajo theksoi rëndësinë e këtij dialogu për thellimin e partneritetit dhe avancimin e prioriteteve të përbashkëta.

    Gjatë një interviste për Radio Televizionin e Kosovës, Shaheen tha se do të ishte shumë mirë që Dialogu Strategjik të rifillonte, ndërsa përmendi si sfida ndryshimet në administratën amerikane dhe në Departamentin e Shtetit.

    Departamenti i Shtetit rikujtoi se SHBA-ja e pezulloi Dialogun Strategjik për një periudhë të pacaktuar në shtator të vitit 2025, për shkak të shqetësimeve lidhur me veprimet e Qeverisë së atëhershme në detyrë. Vendimi erdhi pasi autoritetet e Kosovës ndërmorën veprime ndaj institucioneve paralele serbe që funksiononin në Kosovë.

    Eksperti për siguri dhe politikë të jashtme me bazë në Uashington, Adrian Shtuni, thotë se ndryshimi i qëndrimit amerikan varet nga adresimi i shkaqeve që çuan te pezullimi.

    “Aktualisht qëndrimi mbetet i njejtë pasi Kosova ka mbetur në vend numëro në shumë drejtime prej pothuaj dy vitesh”.

    Ai e vlerëson si shpresëdhënës kompromisin politik që mundësoi zgjedhjen e presidentes Shiroka Pula, por thekson se për rifillimin e Dialogut Strategjik nevojiten veprime të tjera.

    “Pa hapa konkrete dhe të shpejta për krijimin e rrethanave të përshtatshme, adresimin e kërkesave të SHBA-ve, dhe përmbushjen e zotimeve të marra më herët unë nuk e shoh si realiste pritshmërinë për rifillimin e dialogut strategjik”, thotë Shtuni për REL-in.

    Sipas tij, Kosova duhet ta shtojë edhe angazhimin e saj diplomatik në Uashington.

    Ai vlerëson se vizitat dhe angazhimi i senatorëve ndihmojnë për ta mbajtur Kosovën në vëmendjen amerikane, por vendimi për Dialogun Strategjik është kompetencë e ekzekutivit.

    “Faktor vendimtar mbetet ndëmarja e hapave konkretë nga ana e autoriteteve të Kosovës për të adresuar çështjet që çuan në pezullimin e dialogut”.

    Çfarë pritet nga Kosova në raport me serbët?

    Në përgjigjen e fundit, DASH-i nuk i specifikoi zotimet që pret të përmbushen. Por, prej vitesh, Shtetet e Bashkuara dhe Bashkimi Evropian i kërkojnë Kosovës të zbatojë marrëveshjet e arritura në dialogun me Serbinë, të ndërmjetësuar nga BE-ja. Ato përfshijnë, mbi të gjitha, sigurimin e një niveli të vetëmenaxhimit për komunitetin serb në Kosovë, që nënkupton themelimin e Asociacionit të komunave me shumicë serbe, në përputhje me Marrëveshjen Bazë të vitit 2023 dhe Aneksin e Ohrit.

    Pasi presidentja Justina Shiroka Pula kërkoi rifillimin e Dialogut Strategjik, Radio Evropa e Lirë iu drejtua Presidencës së Kosovës për të kërkuar qëndrimin e saj për themelimin e Asociacionit të komunave me shumicë serbe, një nga zotimet që DASH-i kërkon të përmbushen, por deri në publikimin e këtij shkrimi nuk mori përgjigje.

    Ndërkohë, Perëndimi kërkon edhe që Kosova t’i zgjidhë kontestet me Kishën Ortodokse Serbe, të mbrojë liritë fetare dhe të shmangë veprime të njëanshme në veriun e vendit, të cilat, sipas Uashingtonit, kanë rritur tensionet me komunitetin serb.

    Zbatimi i marrëveshjeve ishte edhe ndër çështjet që përfaqësuesit e Listës Serbe ngritën gjatë takimit me Shaheen dhe Durbin në Ambasadën amerikane në Prishtinë.

    Sipas komunikatës së kësaj partie, kryetari i Listës Serbe, Zlatan Elek dhe shefi i grupit parlamentar, Igor Simiq, shprehën shqetësime për të drejtat dhe sigurinë e serbëve, duke theksuar veçanërisht mosthemelimin e Asociacionit dhe çështjen e përfaqësimit të serbëve në institucione. Komunikata nuk bëri të ditur qëndrimet e senatorëve për këto çështje.

    Kosova argumenton se zbatimi i obligimeve nga dialogu me Serbinë duhet të jetë i ndërsjellë, ndërsa veprimet e saj në veri – nga heqja e dinarit serb nga përdorimi deri te mbyllja e shumicës së institucioneve paralele serbe – kanë pasur për qëllim shtrirjen e sundimit të ligjit.

    Prishtina, gjithashtu, kërkon që Serbia ta nënshkruajë Marrëveshjen Bazë, gjë të cilën Beogradi e ka refuzuar.

    Për vazhdimin e dialogut me Serbinë, autoritetet e Kosovës kërkojnë ekstradimin e ish-nënkryetarit të Listës Serbe, Milan Radoiçiq, i cili ka marrë përgjegjësinë për sulmin e armatosur në Banjskë në shtator të vitit 2023.

    Radoiçiq është nën sanksione të Shteteve të Bashkuara për përfshirje në korrupsion dhe aktivitete të krimit të organizuar, ndërsa ndaj tij është ngritur aktakuzë në Kosovë për terrorizëm dhe vepra të tjera penale.

    Çfarë nënkupton pezullimi i Dialogut Strategjik në praktikë?

    Shtuni e cilëson pezullimin si “ndëshkim politik dhe diplomatik”, që ka pasoja praktike për Kosovën, pasi “ngrin një kuadër të planifikuar bashkëpunimi të nivelit të lartë”.

    Sipas tij, Kosova ka nevojë veçanërisht për mbështetjen politike dhe diplomatike amerikane për sigurimin e njohjeve të reja dhe anëtarësimin në organizata ndërkombëtare, veçanërisht në NATO.

    “Pa një mbështetje të fortë nga SHBA-të në të gjitha këto fusha, Kosova fatkeqësisht mbetet në vendnumëro”, thotë ai për REL.

    Shtuni vlerëson se mundësitë e humbura shtrihen edhe në ekonomi.

    “Sa kohë që dialogu mbetet i pezulluar, Kosova humbet mundësinë për të thelluar në mënyrë sistematike bashkëpunimin ekonomik, tregtinë, lehtësimin e investimeve dhe koordinimin më të gjerë diplomatik me SHBA-të”.

    Sipas tij, kjo vonon nismat e reja të përbashkëta në fusha jetike për Kosovën si energjia, infrastruktura dhe lidhjet tregtare, duke “kufizuar gjithashtu aftësinë e Kosovës për të forcuar pozicionimin e saj ndërkombëtar dhe për të shfrytëzuar partneritetin për avancimin e qëllimeve startegjike euroatlantike”.

    Shtuni thekson se pezullimi i këtij mekanizmi nuk nënkupton ndërprerjen e të gjithë bashkëpunimit. Sipas tij, bashkëpunimi thelbësor vazhdon në siguri dhe në ngritjen e kapaciteteve ushtarake të Kosovës, ndërsa pezullimi prek kryesisht kuadrin e nivelit të lartë për zgjerimin e partneritetit.

    Kosova synon ta thellojë më tej bashkëpunimin në fushën e sigurisë, duke kërkuar që kampi Bondsteel të bëhet bazë e përhershme amerikane. Senatori Dick Durbin tha se ky propozim duhet të shqyrtohet seriozisht dhe se Qeveria e Kosovës ka propozuar edhe një marrëveshje financiare për këtë qëllim.

    Radio Evropa e Lirë i është drejtuar Pentagonit dhe Qeverisë së Kosovës për detaje të propozimit, por deri në publikimin e këtij shkrimi nuk ka marrë përgjigje.

    Shtuni vlerëson se propozimi financiar i Kosovës për ta shndërruar kampin Bondsteel në bazë të përhershme amerikane nuk është i papërfillshëm, por se vendimi i Uashingtonit do të varet kryesisht nga interesat strategjike dhe ushtarake, në kohën kur SHBA-ja po shqyrton reduktimin e pranisë së saj ushtarake në Evropë.

    “Gjasat janë të ulëta që të marrë përgjigje pozitive nga administrata aktuale që ndërkohë po shqyrton seriozisht reduktimin e pranisë ushtarake në Evropë”, thotë Shtuni për REL.

    Burimi: Dukagjini

  • LEX | Ia mori jetën ish-bashkëshortes Erona Cokli, vetëm 21-vjeçare – Valon Aliu, i dënuar me 24 vjet burgim, del para Apelit

    LEX | Ia mori jetën ish-bashkëshortes Erona Cokli, vetëm 21-vjeçare – Valon Aliu, i dënuar me 24 vjet burgim, del para Apelit

    LEX | Ia mori jetën ish-bashkëshortes Erona Cokli, vetëm 21-vjeçare – Valon Aliu, i dënuar me 24 vjet burgim, del para Apelit

    Valon Aliu, i dënuar me 24 vjet burgim për vrasjen e ish-bashkëshortes së tij, Erona Cokli, e cila ishte vetëm 21 vjeçe, ka dalë sot para Gjykatës së Apelit.

    Rasti i rëndë, që përfundoi me humbjen e jetës së një vajze të re, është rikthyer në vëmendje të drejtësisë, këtë herë në shkallën e dytë të gjyqësorit.

    Aliu ishte shpallur fajtor nga gjykata e shkallës së parë dhe ishte dënuar me 24 vjet burgim për vrasjen e ish-bashkëshortes së tij.

    Ngjarja tragjike kishte ndodhur më 12 prill 2024, brenda ambienteve të Qendrës për Punë Sociale në Ferizaj.

    Sipas aktakuzës së Prokurorisë, Aliu kishte shkuar në këtë institucion, ku pas një mosmarrëveshjeje kishte nxjerrë armën e zjarrit dhe kishte qëlluar ish-bashkëshorten e tij. Nga të shtënat ishte plagosur edhe vëllai i saj.

    Erona Cokli kishte humbur jetën në moshën 21-vjeçare, duke lënë pas një djalë të vogël.

    Më 3 prill 2026, Gjykata Themelore në Ferizaj e kishte shpallur fajtor Valon Aliun, duke i shqiptuar 22 vjet burgim për vrasje të rëndë, një vit për armëmbajtje pa leje dhe dy vjet për kanosje. Për këto tri vepra penale, gjykata kishte shqiptuar dënim unik prej 24 vjetësh burgim.

    Vendimi kishte shkaktuar pakënaqësi te familjarët e viktimës, të cilët kishin vlerësuar se dënimi nuk ishte në përputhje me peshën e krimit. Nëna e Eronës kishte shprehur dhimbjen për humbjen e vajzës dhe faktin se nipi i saj po rritej pa nënën.

    Rasti tashmë po trajtohet në Gjykatën e Apelit, ndërsa mbetet të shihet vendimmarrja e shkallës së dytë lidhur me aktgjykimin e Themelores.

    Shënim redaksional: Para publikimit duhet të konfirmohen zhvillimet dhe rezultati i seancës së sotme në Apel.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post LEX | Ia mori jetën ish-bashkëshortes Erona Cokli, vetëm 21-vjeçare – Valon Aliu, i dënuar me 24 vjet burgim, del para Apelit appeared first on Sinjali.

    Burimi: Sinjali

  • Hoti për ndryshimet në Ligjin për Specialen: Nuk jam i bindur se do të sjellin rezultatet e nevojshme

    Hoti për ndryshimet në Ligjin për Specialen: Nuk jam i bindur se do të sjellin rezultatet e nevojshme

    Ministri për Punë, Familje dhe Vlerat e Luftës Çlirimtare, Andin Hoti, ka deklaruar se nuk është i bindur që ndryshimet në Ligjin për Dhomat e Specializuara të Kosovës do të sigurojnë mbrojtjen e duhur për personat që po gjykohen në Hagë.

    Duke komentuar reagimet e Bashkimit Evropian ndaj ndryshimeve ligjore, të cilat u miratuan javën e kaluar në Kuvendin e Kosovës, Hoti tha se kundërshtimet e BE-së ishin të pritshme, për shkak se nuk janë zhvilluar konsultimet paraprake të parapara për këtë proces.

    Në një konferencë për media pas mbledhjes së Qeverisë, Hoti tha se ndan rezervat e shprehura edhe nga kryeministri Albin Kurti lidhur me efektin që mund të kenë këto ndryshime.

    “Megjithatë, besoj se partia që i ka hartuar ndryshimet është konsultuar me akterë të tjerë dhe me Apelin. Sa i përket kësaj çështjeje, do të shohim se çfarë strategjie do të ndiqet. Por, edhe unë personalisht, si Andin, nuk jam shumë i bindur se këto ndryshime do të sjellin rezultatet e nevojshme për të siguruar një mbrojtje të duhur. Po theksoj se kjo është çështje që u përket atyre që sot ndodhen në Hagë”, deklaroi Hoti.

    Ai theksoi se reagimet e Bashkimit Evropian lidhen edhe me procedurën e ndjekur gjatë hartimit të ndryshimeve, duke rikujtuar se për ndryshimin e këtij ligji parashihet konsultimi paraprak me BE-në.

    “Reagimet e Bashkimit Evropian janë të pritshme, sepse, të them të drejtën, një nga dispozitat që përmendet edhe në Kushtetutën e Republikës së Kosovës thekson se, për çdo ndryshim të këtij ligji, duhet të ketë konsultim paraprak me Bashkimin Evropian. Një gjë e tillë nuk ka ndodhur gjatë hartimit të këtyre ndryshimeve, të cilat janë përgatitur brenda dy apo tri ditësh”, tha Hoti.

    Ndryshimet në Ligjin për Dhomat e Specializuara u miratuan javën e kaluar në Kuvendin e Kosovës, ndërsa Bashkimi Evropian ka shprehur kundërshtimin e tij lidhur me to.

    Burimi: Dukagjini

  • Projeksionet e FMN-së:Rritja ekonomike ngadalësohet, inflacioni rritet në Kosovë

    Projeksionet e FMN-së:Rritja ekonomike ngadalësohet, inflacioni rritet në Kosovë

    Kosova pritet të përballet me inflacionin më të lartë në mesin e gjashtë vendeve të Ballkanit Perëndimor gjatë vitit 2026, ndërsa rritja ekonomike parashikohet të mbetet në nivelin 3.5 për qind. Kështu thuhet në projeksionet e Fondit Monetar Ndërkombëtar (FMN), të publikuara në raportin “World Economic Outlook”.

    Sipas parashikimeve të FMN-së, norma e inflacionit në Kosovë pritet të arrijë në 6.8 për qind në vitin 2026, krahasuar me 3.9 për qind në vitin 2025. Kjo nënkupton një rritje prej 2.9 pikë përqindjeje brenda një viti.Me këtë nivel të parashikuar, Kosova do të renditej e para në rajon për nga inflacioni. Pas saj vjen Bosnja dhe Hercegovina me 5 për qind, Maqedonia e Veriut me 4 për qind, Mali i Zi me 3.5 për qind, Shqipëria me 3.2 për qind dhe Serbia me 3.1 për qind.

    Megjithatë, FMN-ja pret që presionet inflacioniste të zbuten gjatë vitit 2027, kur inflacioni në Kosovë parashikohet të bjerë në 4.5 për qind.

    Në anën tjetër, ekonomia e Kosovës parashikohet të shënojë rritje prej 3.5 për qind gjatë vitit 2026, nga 3.6 për qind sa vlerësohet për vitin paraprak.

    Sipas këtyre projeksioneve, bëhet fjalë për një ngadalësim të lehtë të rritjes ekonomike, prej 0.1 pikë përqindjeje. Për vitin 2027, FMN-ja pret që rritja të rikthehet në 3.6 për qind.

    Në krahasim me ekonomitë e tjera të Ballkanit Perëndimor, Kosova pritet të ketë të njëjtën normë të rritjes ekonomike me Shqipërinë dhe Maqedoninë e Veriut, të cilat parashikohet të rriten me nga 3.5 për qind.Serbia pritet të shënojë rritje prej 3.3 për qind, Mali i Zi prej 3 për qind, ndërsa Bosnja dhe Hercegovina prej 2.3 për qind.

    Projeksionet e FMN-së për vitin 2027 tregojnë se Serbia mund të shënojë rritjen më të lartë ekonomike në rajon, me 4 për qind. Kosova parashikohet të rritet me 3.6 për qind, ndërsa Shqipëria dhe Maqedonia e Veriut me nga 3.2 për qind.

    Për Malin e Zi parashikohet rritje prej 2.8 për qind, ndërsa për Bosnjën dhe Hercegovinën prej 2.6 për qind.

    Sa i përket inflacionit, Kosova dhe Maqedonia e Veriut pritet të kenë normë prej 4.5 për qind. Në Serbi inflacioni parashikohet të jetë 4.2 për qind, në Mal të Zi dhe Bosnjë e Hercegovinë nga 3.3 për qind, ndërsa në Shqipëri 3.2 për qind.

    Projeksionet e FMN-së sugjerojnë se sfida kryesore për ekonominë e Kosovës gjatë vitit 2026 do të jetë rritja e presioneve inflacioniste, në një kohë kur aktiviteti ekonomik pritet të ruajë një ritëm relativisht të qëndrueshëm.

    Burimi: RTKLive

  • Ismaili dhe Bo Li diskutojnë reformat financiare dhe bashkëpunimin me FMN-në

    Ismaili dhe Bo Li diskutojnë reformat financiare dhe bashkëpunimin me FMN-në

    Sipas njoftimit, takimi u fokusua në zhvillimet financiare në Kosovë, qëndrueshmërinë e sistemit financiar, progresin në zbatimin e reformave strategjike dhe prioritetet për forcimin e mëtejshëm të bashkëpunimit ndërmjet BQK-së dhe FMN-së.

    Guvernatori Ismaili theksoi stabilitetin e vazhdueshëm dhe performancën e mirë të sektorit financiar të Kosovës, duke nënvizuar se sektori bankar mbetet mirë i kapitalizuar, likuid dhe i qëndrueshëm, ndërsa sistemi financiar në tërësi vazhdon të dëshmojë stabilitet.

    “Guvernatori i BQK-së prezantoi progresin e konsiderueshëm në zbatimin e Planit Strategjik të BQK-së 2024-2028 dhe rekomandimeve që burojnë nga vlerësimet dhe misionet e asistencës teknike të FMN-së. Theks i veçantë iu kushtua avancimit të mbikëqyrjes së bazuar në rrezik në të gjithë sektorin financiar, forcimit të kornizave për stabilitetin financiar dhe menaxhimin e krizave, përmirësimit të qeverisjes dhe qëndrueshmërisë institucionale, si dhe zhvillimit të kapaciteteve analitike, të parashikimit makroekonomik dhe mbikëqyrëse të BQK-së”, thuhet në njoftim.

    Në emër të BQK-së, ai shprehu mirënjohjen për partneritetin afatgjatë me FMN-në dhe rolin e rëndësishëm të këtij institucioni në mbështetjen e zhvillimit të sektorit financiar dhe reformave institucionale në Kosovë.

    Në këtë kontekst, u riafirmua përkushtimi i fuqishëm i BQK-së për themelimin dhe funksionalizimin e Qendrës Rajonale të Asistencës Teknike të FMN-së për Evropën Juglindore (SEETAC). Guvernatori Ismaili theksoi se BQK-ja tashmë ka konfirmuar dhe përmbushur kontributin e saj në këtë iniciativë.

    Tutje theksohet se të dyja palët riafirmuan përkushtimin për thellimin e mëtejshëm të partneritetit strategjik ndërmjet BQK-së dhe FMN-së, duke u mbështetur në arritjet e deritanishme dhe duke identifikuar mundësi për vazhdimin e asistencës teknike, shkëmbimin e njohurive dhe bashkëpunimin institucional.

    Burimi: RTKLive

  • Vatikani: Operacioni i Papës zgjati rreth 90 minuta dhe përfundoi pa komplikime

    Vatikani: Operacioni i Papës zgjati rreth 90 minuta dhe përfundoi pa komplikime

    Vatikani: Operacioni i Papës zgjati rreth 90 minuta dhe përfundoi pa komplikime

    Papa Leoni kaloi një natë të qetë në spital pasi iu nënshtrua një operacioni për kancerin e mushkërive, njoftoi Vatikani të mërkurën, duke shtuar se informacione të mëtejshme mbi gjendjen e tij do të jepen më vonë gjatë ditës.

    Të martën, Papa iu diagnostikua me adenokarcinoma e mushkërive – forma më e zakonshme e kancerit të mushkërive – pasi mjekët hoqën lobin e poshtëm të mushkërisë së djathtë gjatë një operacioni.

    Papa 71-vjeçar ishte shtruar në spitalin “Gemelli” të Romës pasi mjekët zbuluan një masë tumorale gjatë një kontrolli të fundit rutinë shëndetësor.

    Operacioni zgjati rreth 90 minuta dhe përfundoi pa komplikacione, deklaruan vonë të martën kirurgu kryesor i Papës, Stefano Margaritora, dhe mjeku i tij personal, Luigi Carbone.

    Në një deklaratë të përbashkët, mjekët thanë se ishte hequr i gjithë lobi i poshtëm i mushkërisë së djathtë, në përpjekje për të eliminuar të gjithë indin kanceroz. Mushkëritë e njeriut kanë pesë lobe: tre në mushkërinë e djathtë dhe dy në atë të majtë, raporton Reuters, transmeton Klankosova.tv.

    Vatikani nuk ka bërë të ditur përmasat e tumorit apo nëse sëmundja ishte përhapur në nyjet limfatike përreth, faktorë këta kyç për përcaktimin e prognozës.

    Vatikani njoftoi më herët gjatë javës se Papa pritej të qëndronte në spital për rreth një javë dhe se të gjitha angazhimet e tij publike ishin anuluar deri më 20 tetor.

    I zgjedhur nga kardinalët e botës në maj të vitit 2025, Leoni është relativisht i ri për një udhëheqës të Kishës. Ai pëlqen sportet, përfshirë tenisin, dhe nuk njihet si duhanpirës apo si dikush që ka pasur probleme të fundit shëndetësore.

  • Kur nis strategjia për Apelin e katërshes? Qeveria s'ka përgjigje për afatet: Të mos gabojmë

    Kur nis strategjia për Apelin e katërshes? Qeveria s’ka përgjigje për afatet: Të mos gabojmë

    Kur nis strategjia për Apelin e katërshes? Qeveria s'ka përgjigje për afatet: Të mos gabojmë

    Qeveria e Kosovës ka vendosur të themelojë grup punues për hartimin dhe bashkërendimin e strategjisë shtetërore për procedurat e Apelit në Dhomat e Specializuara në rastin ish-krerëve të Ushtrisë Çlirimtare të Kosovës.

    Ministri për Punë, Familje dhe Vlera të Luftës Çlirimtare, Andin Hoti, nuk ka treguar për afatet kohore lidhur me këtë strategji, por sipas tij e rëndësishme është që puna të fillojë.

    Ai po ashtu nuk ka treguar për përbërjen e këtij grupi, duke e thënë atë që tashmë është bërë e ditur, se kryesues do të jetë zëvendëskryeministri Glauk Konjufca, transmeton Klankosova.tv

    “Qeveria është përkushtuar që të themelojë një strategji. Në krye të grupit do të jetë zv/kryeministri Glauk Konjufca, në mënyrë që ne të mbrojmë udhëheqësit tanë të luftës së gjenden në Hagë. Ne vetëm kemi themeluar Grupin Punues, do të ketë edhe përfaqësim institucional dhe parlamentar.

    Do të bashkërendohet mbështetja juridike, institucionale dhe diplomatike në funksion të procedurave të Apelit. Me këtë vendim, konkretizohet zotimi që kemi dhënë disa herë me mjetet që ne si qeveri kemi ne dispozicion, që të angazhohemi për drejtësi dhe mbrojtjen e të vërtetës historike.

    Afatet kohore se kur do të realizohet strategjia, varen prej shumë faktorëve. Për ne është e rëndësishme që të fillojë, të trajtohet në radhë të parë, të mos bëjmë gabime të mundshme siç i kemi parë, që të ngutemi.” – u shpreh Hoti në konferencën për media pas mbledhjes së ekzekutivit.

    Sipas tij, vendimi dënues ndaj katërshes është i padrejtë, duke theksuar se lufta është bërë për mbrojtjen e popullit dhe në asnjë rrethanë UÇK s’mund të gjykohet.

    “Ne kemi thënë qëndrime tona disa herë publikisht, që për ne është edhe juridikisht, edhe moralisht, i padrejtë një vendim i tillë që është dhënë para një muaji në Gjykatën Speciale. Edhe është i pasaktë historikisht, sepse UÇK rrjedh nga populloi i saj, si derivat për mbrojtjen e populli të Kosovës dhe në asnjë rrethanë, asnjë gjykatë, nuk mund të gjykojë Ushtrinë Çlirimtare të Kosovës.” /Klankosova.tv