Category: Lajme

  • Funksionimi i Speciales, ngriten shqetësime nga Avokati i Popullit

    Funksionimi i Speciales, ngriten shqetësime nga Avokati i Popullit

    Funksionimi i Speciales, ngriten shqetësime nga Avokati i Popullit

    Avokati i Popullit është duke prezantuar Raportin Ex officio për Dhomat e Specializuara dhe Zyrën e Prokurorit të Specializuar, në një tryezë diskutimi që po mbahet në Prishtinë.

    Avokati i Popullit, Naim Qelaj ka ngritur shqetësime për mungesën e transparencës dhe llogaridhënies së Dhomave të Specializuara të Kosovës.

    Këto konstatime janë paraqitur sot gjatë prezantimit të Raportit ex officio për Dhomat e Specializuara dhe Zyrën e Prokurorit të Specializuar, në një tryezë diskutimi në Prishtinë, raporton KP, transmeton Klankosova.tv.

    Sipas raportit, Dhomat e Specializuara nuk i janë nënshtruar monitorimit dhe kontrollit demokratik nga institucionet e Republikës së Kosovës.

    “Gjykata Speciale nuk i është nënshtruar monitorimit dhe kontrollit demokratik nga institucionet e Republikës së Kosovës, duke krijuar mungesë të transparencës dhe llogaridhënies ndaj qytetarëve dhe institucioneve të Kosovës”, thuhet në raport.

    Avokati i Popullit vlerëson se mungesa e një elementi vendor dhe e mbikëqyrjes nga institucionet e Kosovës ka ngritur shqetësime edhe sa i përket respektimit të standardeve për një proces të drejtë dhe të paanshëm. Raporti ngre shqetësime edhe për kohëzgjatjen e paraburgimit, barazinë e armëve mes palëve, pranueshmërinë e provave, monitorimin e komunikimeve dhe pavarësinë e mekanizmave mbikëqyrës.

    Lexo po ashtu

    Ekspertët në Kongresin Ndërkombëtar: Stresi, ankthi dhe depresioni, sfidat kryesore të shëndetit mendor

    Në raport rekomandohet që Kuvendi dhe Qeveria e Kosovës të mbështesin një mekanizëm të pavarur dhe profesional për monitorimin e procedurave gjyqësore në Dhomat e Specializuara. Po ashtu, Avokati i Popullit kërkon që shqetësimet e identifikuara t’u adresohen Këshillit të Evropës dhe mekanizmave të tjerë ndërkombëtarë.

  • Policia turke bastis televizionin opozitar, ndërpriten transmetimet e drejtpërdrejta

    Policia turke bastis televizionin opozitar, ndërpriten transmetimet e drejtpërdrejta

    Policia turke bastis televizionin opozitar, ndërpriten transmetimet e drejtpërdrejta

    Policia turke ka bastisur selinë e televizionit Halk TV, i cili njihet për qëndrimet e tij opozitare, duke ndërprerë transmetimet e drejtpërdrejta të këtij mediumi.

    Halk TV njoftoi se punonjësit e tij nuk kanë mundur të hyjnë në ndërtesën e televizionit në Stamboll të mërkurën në mëngjes, ndërsa është emëruar një drejtues i ri për ta menaxhuar kanalin, shkruan BBC, transmeton klankosova.tv.

    Sipas raportimeve të mediave turke, policia e krimeve financiare ka kontrolluar ndërtesën, ndërsa 11 persona janë ndaluar gjatë bastisjes, e cila lidhet me pronarin e televizionit.

    Halk TV konsiderohet nga shumë qytetarë në Turqi si një medium i afërt me Partinë Republikane Popullore (CHP), partia kryesore opozitare në vend. Televizioni shpesh kritikon partinë në pushtet, AK, të presidentit turk Recep Tayyip Erdogan.

  • BQK dhe FMN diskutojnë reformat dhe stabilitetin financiar në Kosovë

    BQK dhe FMN diskutojnë reformat dhe stabilitetin financiar në Kosovë

    BQK dhe FMN diskutojnë reformat dhe stabilitetin financiar në Kosovë

    Guvernatori i Bankës Qendrore të Kosovës (BQK), Ahmet Ismaili, është takuar me zëvendësdrejtorin menaxhues të Fondit Monetar Ndërkombëtar (FMN), Bo Li, në kuadër të Takimeve Vjetore 2026 të FMN-së dhe Grupit të Bankës Botërore, që po mbahen në Bangkok të Tajlandës.

    Sipas njoftimit të BQK-së, takimi u fokusua në zhvillimet financiare në Kosovë, qëndrueshmërinë e sistemit financiar, zbatimin e reformave strategjike dhe forcimin e mëtejshëm të bashkëpunimit ndërmjet dy institucioneve.

    Gjatë takimit, guvernatori Ismaili theksoi stabilitetin dhe performancën e mirë të sektorit financiar në Kosovë, duke vënë në pah se sektori bankar mbetet mirë i kapitalizuar, likuid dhe i qëndrueshëm.

    Ai prezantoi gjithashtu progresin në zbatimin e Planit Strategjik të BQK-së për periudhën 2024–2028 dhe rekomandimeve që dalin nga vlerësimet dhe misionet e asistencës teknike të FMN-së.

    Vëmendje e veçantë iu kushtua avancimit të mbikëqyrjes së bazuar në rrezik në sektorin financiar, forcimit të mekanizmave për ruajtjen e stabilitetit financiar dhe menaxhimin e krizave, si dhe përmirësimit të qeverisjes dhe qëndrueshmërisë institucionale të BQK-së.

    Në takim u diskutua edhe për zhvillimin e kapaciteteve analitike dhe mbikëqyrëse të Bankës Qendrore, përfshirë përmirësimin e parashikimeve makroekonomike.

    Në emër të BQK-së, Ismaili shprehu mirënjohje për partneritetin afatgjatë me FMN-në dhe mbështetjen e këtij institucioni në zhvillimin e sektorit financiar dhe zbatimin e reformave institucionale në Kosovë.

    Një çështje tjetër e diskutuar ishte themelimi dhe funksionalizimi i Qendrës Rajonale të Asistencës Teknike të FMN-së për Evropën Juglindore (SEETAC). Ismaili theksoi se BQK-ja e ka konfirmuar dhe përmbushur kontributin e saj në këtë iniciativë.

    Në përfundim, të dyja palët riafirmuan përkushtimin për thellimin e bashkëpunimit strategjik, vazhdimin e asistencës teknike dhe shkëmbimin e njohurive në mbështetje të reformave dhe zhvillimit të sektorit financiar në Kosovë.

  • Trepça sonte kundër Splitit në FIBA Europe Cup

    Trepça sonte kundër Splitit në FIBA Europe Cup

    Trepça sonte kundër Splitit në FIBA Europe Cup

    Kampioni në fuqi i basketbollit kosovar sonte zhvillon ndeshjen e dytë në kuadër të FIBA Europe Cup.

    Klubi nga Mitrovica, Trepça, përballet me Splitin në Kroaci, në këtë ballafaqim të fazës së grupeve.

    Dueli do të fillojë në orën 19:00. /Klankosova.tv

    May be an image of basketball and text

     

     

  • Kosova avancon marrëveshjet për sigurime sociale me Austrinë dhe Turqinë

    Kosova avancon marrëveshjet për sigurime sociale me Austrinë dhe Turqinë

    Qeveria e Kosovës miratoi vendimet për të kërkuar nga presidentja autorizimin për nënshkrimin e Marrëveshjes për Sigurime Sociale me Austrinë dhe të një marrëveshjeje të ngjashme me Turqinë.

    Kryeministri Albin Kurti, duke folur për marrëveshjen me Turqinë, tha se qëllimi është mbrojtja e të drejtave të qytetarëve që jetojnë dhe punojnë në të dyja vendet, në mënyrë që lëvizja nga një shtet në tjetrin të mos ndikojë në sigurinë e tyre sociale.

    Sipas tij, përmes koordinimit të skemave të sigurimeve dhe bashkimit të periudhave të sigurimit, vitet e punës dhe kontributet e paguara në të dyja shtetet do të mund të merren parasysh gjatë realizimit të të drejtave pensionale dhe sociale.

    “Qytetarët që kanë kontribuuar në dy shtetet meritojnë që puna e tyre të njihet dhe të drejtat e fituara t’u ruhen pavarësisht se ku e ndërtojnë jetën”, deklaroi Kurti.

    Ministri i Punës, Familjes dhe Vlerave të Luftës Çlirimtare, Andin Hoti, bëri të ditur se marrëveshjet do t’u mundësojnë qytetarëve të Kosovës që kanë jetuar ose punuar në Austri dhe Turqi të përfitojnë nga të drejtat pensionale në bazë të periudhave të sigurimit dhe kontributeve të tyre, sipas kushteve që do të përcaktohen me marrëveshjet përkatëse.

    Hoti theksoi se marrëveshjet nuk parashohin kosto buxhetore dhe se synimi i institucioneve është që zbatimi i tyre të fillojë gjatë vitit 2027.

    Ministri bëri të ditur gjithashtu se ka kërkuar takime me homologët e tij në Slloveni dhe Kroaci, me qëllim të avancimit të bisedimeve për marrëveshje të ngjashme për sigurime sociale.

    Duke folur për punëtorët kosovarë në Slloveni, Hoti u shpreh se pret që takimi të realizohet, ndërsa theksoi se në diskutime pritet të përfshihet edhe çështja e migrimit të rregullt të punëtorëve të kualifikuar.

    Ai shtoi se nuk mund të komentojë deklaratat politike të kryeministrave, duke nënvizuar rëndësinë e bashkëpunimit institucional për çështjet që lidhen me qytetarët e Kosovës që jetojnë dhe punojnë jashtë vendit.

    Marrëveshjet me Austrinë dhe Turqinë përbëjnë një hap drejt koordinimit të sistemeve të sigurimeve sociale dhe synojnë të sigurojnë që kontributet e qytetarëve të mos humbasin për shkak të punësimit ose jetesës në më shumë se një shtet.

    Burimi: RTKLive

  • Barcelona barazon një rekord 102-vjeçar me dhjetë fitore radhazi

    Barcelona barazon një rekord 102-vjeçar me dhjetë fitore radhazi

    Barcelona barazon një rekord 102-vjeçar me dhjetë fitore radhazi

    Barcelona po kalon një fillim të jashtëzakonshëm të sezonit, duke regjistruar dhjetë fitore radhazi në të gjitha garat zyrtare.

    Fitorja e fundit ishte ajo me rezultat 4-1 ndaj Galatasarayt në Stamboll, në kuadër të Ligës së Kampionëve, që i dha edhe më shumë peshë këtij suksesi historik.

    Sipas të dhënave të publikuara nga eksperti i statistikave sportive, MisterChip, katalunasit nuk kishin arritur një seri të tillë fitoreje në fillim të sezonit që prej 102 vjetësh.

    Kjo ecuri e jashtëzakonshme dëshmon formën e lartë të skuadrës dhe punën e bërë nën drejtimin e trajnerit Hansi Flick.

    Ky rekord ka ngjallur entuziazëm të madh te tifozët e Barcelonës, të cilët shpresojnë se skuadra po rikthehet në nivelet më të larta të futbollit evropian.

    Nën drejtimin e trajnerit gjerman, katalunasit kanë treguar vazhdimësi në rezultate dhe një forcë të madhe në lojën kolektive.

    Paraqitjet e mira të ekipit shoqërohen edhe me formën e shkëlqyer të yjeve të rinj, në mesin e të cilëve spikat Lamine Yamal, shkruan Telegrafi.

    Talenti spanjoll po vazhdon të shkëlqejë në skenën evropiane, duke arritur shifra dyshifrore si në gola, ashtu edhe në asistime, në një kohë rekord.

    Sinjali – aty ku e vërteta flet para lajmit!

    /GazetaSinjali/

    The post Barcelona barazon një rekord 102-vjeçar me dhjetë fitore radhazi appeared first on Sinjali.

    Burimi: Sinjali

  • Hoti: S`jam i bindur se Projektligji për Specialen sjell ndryshimet e nevojshme

    Hoti: S`jam i bindur se Projektligji për Specialen sjell ndryshimet e nevojshme

    Në një konferencë për media pas mbledhjes së Qeverisë, Hoti tha se reagimet e BE-së ishin të pritshme, duke iu referuar kërkesës për konsultime paraprake për ndryshimet në këtë ligj.

    Ai shprehu gjithashtu rezerva nëse ndryshimet e miratuara do të sjellin rezultatet e nevojshme për mbrojtjen e duhur të personave që po gjykohen në Hagë.

    “Sa i përket reagimit të Bashkimit Evropian, i keni parë reagimet e tij, në të cilat këto ndryshime në Ligjin për Dhomat e Specializuara janë cilësuar si të papranueshme. Ligji u votua javën e kaluar në Kuvendin e Republikës së Kosovës. Siç mund të flas tani në emër të Qeverisë, nëse flas në emrin tim, do të citoja një fjali të kryeministrit Kurti, të thënë ditën kur u votuan ndryshimet për Dhomat e Specializuara. Kryeministri Kurti e ka theksuar shumë mirë se nuk jemi shumë të bindur për këtë. Megjithatë, besoj se partia që i ka hartuar ndryshimet është konsultuar me akterë të tjerë dhe me Apelin. Sa i përket kësaj çështjeje, do të shohim se çfarë strategjie do të ndiqet. Por, edhe unë personalisht, si Andin, nuk jam shumë i bindur se këto ndryshime do të sjellin rezultatet e nevojshme për të siguruar një mbrojtje të duhur. Po theksoj se kjo është çështje që u përket atyre që sot ndodhen në Hagë”, tha Hoti.

    Ministri theksoi se reagimet e Bashkimit Evropian lidhen edhe me procedurën e ndjekur gjatë hartimit të ndryshimeve ligjore. Ai rikujtoi se për ndryshimet në Ligjin për Dhomat e Specializuara parashihet konsultimi paraprak me BE-në.

    Ndërkohë, Qeveria e Kosovës ka vendosur të formojë një grup punues për hartimin e një strategjie shtetërore që do të përqendrohet në procedurat e Apelit për rastin e katërshes së UÇK-së.

    Hoti ka bërë të ditur se grupi punues do të udhëhiqet nga zëvendëskryeministri dhe ministri i Punëve të Jashtme, Glauk Konjufca.

    Ai ka theksuar se ende nuk mund të caktohet një afat për përfundimin e strategjisë, pasi procesi varet nga disa faktorë. Megjithatë, sipas tij, puna duhet të nisë menjëherë, duke u treguar të kujdesshëm në hartimin e saj.

    Hoti ka paralajmëruar se strategjia duhet të trajtohet me kujdes, në mënyrë që të shmangen gabimet që mund të shkaktohen nga ngutja.

     

    Burimi: RTKLive

  • Muhamet Gashi mbetet në paraburgim, Prokuroria zgjeron hetimet për falsifikim dokumentesh dhe vjedhje identiteti

    Muhamet Gashi mbetet në paraburgim, Prokuroria zgjeron hetimet për falsifikim dokumentesh dhe vjedhje identiteti

    Pas rreth katër vitesh në arrati, Muhamet Gashi, i kërkuar për vrasjen e rëndë të një 22-vjeçari në Lipjan, u lokalizua dhe u arrestua më 16 prill 2026, në kuadër të një hetimi disa mujor të zhvilluar nga Prokuroria dhe Policia e Kosovës.

    Gashi, sipas Prokurorisë, gjatë periudhës së arratisjes dyshohet se ka përdorur identitete të rrejshme, ka poseduar armë dhe ka kryer edhe vepra të tjera penale, për të cilat hetimet janë zgjeruar pas arrestimit.

    Në një përgjigje me shkrim  nga Prokuroria Themelore në Prishtinë për “RTV Dukagjini”, Prokuroria ka zgjeruar hetimet për veprat penale “Blerja, posedimi, shpërndarja dhe shitja e paautorizuar e substancave psikotrope ose analoge”, “Falsifikim i dokumenteve”, “Vjedhja e identitetit” dhe “Mbajtja në pronësi, kontroll ose posedim të paautorizuar të armëve”.

    Pra, përveç dyshimit fillestar për vrasjen e rëndë dhe armëmbajtjen pa leje, autoritetet po hetojnë edhe veprimet që Gashi dyshohet se ka ndërmarrë gjatë kohës sa ishte në arrati.

    “Referuar kërkesës suaj, lidhur me rastin, ju njoftojmë se ende nuk është ngritur aktakuzë, pasi çështja penale ndodhet në fazën e hetimeve dhe aktualisht jemi në pritje të rezultateve të ekzaminimeve laboratorike të provave”, thuhet në përgjigjen e Prokurorisë.

    Më 17 prill, Gjykata Themelore në Prishtinë kishte miratuar kërkesën e Prokurorisë dhe caktoi masën e paraburgimit prej një muaji ndaj Muhamet Gashit dhe Gentian Gashit.

    Prokurori i rastit, Arben Hoti, kishte deklaruar se arrestimi erdhi pas një pune intensive dhe të pandërprerë hetimore, në bashkëpunim me Njësitin e Hetimeve të Përgjithshme në Prishtinë dhe njësitë e specializuara të Policisë së Kosovës.

    Sipas Hotit, Gashi dyshohet për veprat penale “vrasje e rëndë” dhe “armëmbajtje pa leje”, ndërsa gjatë hetimeve janë siguruar të dhëna edhe për vepra të tjera penale.

    “Falë një pune intensive, të mirëorganizuar edhe me Policinë e Kosovës, Njësitin e Hetimeve të Përgjithshme në Prishtinë, aplikimin e masave të veçanta hetimore dhe një hetimi intensiv të pandërprerë për disa muaj, kemi arritur që përfundimisht më 15.04, mes datës 16, ta lokalizojmë dhe arrestojmë të pandehurin Muhamet”, kishte deklaruar Hoti për “Betimi për Drejtësi”.

    Prokuroria dyshon se gjatë kohës në arrati, Gashi ka përdorur dokumente me identitete të rrejshme, ka vjedhur identitetin e personave të tjerë dhe përmes këtyre dokumenteve ka krijuar raporte juridiko-civile dhe marrëdhënie me institucione apo kompani.

    Sipas Prokurorisë, në momentin e arrestimit atij i janë gjetur dokumente identifikuese me identitete të rrejshme.

    Gjithashtu,  Prokuroria ka bërë të ditur se ndaj Muhamet Gashit ende nuk është ngritur aktakuzë, pasi rasti ndodhet në fazën e hetimeve.

    “Referuar kërkesës suaj, lidhur me rastin, ju njoftojmë se ende nuk është ngritur aktakuzë, pasi çështja penale ndodhet në fazën e hetimeve dhe aktualisht jemi në pritje të rezultateve të ekzaminimeve laboratorike të provave”, thuhet në përgjigjen e Prokurorisë.

    Dyshimet se kishte punuar si shofer i nxënësve

    Një nga informacionet që “Betimi për Drejtësi” kishte publikuar disa muaj para arrestimit lidhej me dyshimet se Muhamet Gashi, duke përdorur identitet të rrejshëm, kishte punuar si shofer dhe kishte transportuar nxënës të një shkolle në Prishtinë.

    “Betimi për Drejtësi” kishte siguruar këto informacione që në shkurt të vitit 2026 dhe kishte intervistuar edhe disa prindër të nxënësve.

    Megjithatë, redaksia kishte vendosur që këto informacione të mos publikoheshin në atë kohë, për shkak se Prokuroria ishte duke zhvilluar një hetim intensiv për lokalizimin dhe arrestimin e personit të kërkuar.

    Sipas të dhënave të publikuara, Gashi dyshohet se prindërve dhe fëmijëve iu ishte prezantuar me emrin “Albin Behrami”.

    Një ish-punëtor i kompanisë që kishte nisur punën si shofer në shkurt të vitit 2025, kishte treguar se Gashi prezantohej si Albin dhe si pronari i kompanisë dhe se ai kishte transportuar nxënës për rreth tre muaj.

    Punëtori kishte treguar se kishte lënë punën pasi Policia kishte ardhur duke e kërkuar pronarin e autobusit. Sipas tij, ai nuk kishte qenë në dijeni se për çfarë vepre po kërkohej personi.

    Edhe disa prindër, kishin deklaruar se shoferin e njihnin me emrin Albin dhe se ai u ishte dukur njeri i sjellshëm.

    Njëri prej prindërve kishte treguar se personi kishte pasur leje për të hyrë në oborrin e shkollës, në mënyrë që nxënësit të mos detyroheshin të kalonin rrugën.

    Sipas tij, edhe prindërve tjerë ai u ishte prezantuar si pronar i kompanisë.

    Disa prindër, pasi kishin parë fotografinë e Muhamet Gashit e kishin identifikuar dhe pohuar se atë si personin që e njihnin me emrin Albin.

    Njëra prej tyre kishte deklaruar se kishte udhëtuar me të dhe e kishte përshkruar si person të mirë, duke thënë se në atë kohë nuk kishte pasur asnjë dyshim për identitetin e tij.

    Prokuroria po i verifikon edhe këto informacione

    Prokurori Arben Hoti kishte konfirmuar më herët se Prokuroria kishte pranuar informacionet lidhur me dyshimet se Gashi kishte punuar si shofer i fëmijëve, por se në atë fazë nuk mund të jepte detaje për shkak të hetimeve.

    “Si informacion e kemi pranuar gjatë fazës së trajtimit të çështjes. Ka pasur informacione, por diçka më konkrete për momentin nuk mund të ndajmë me opinionin, sepse jemi në proces edhe të verifikimit të disa veprimeve të tjera që mund t’i ketë ndërmarrë ky person i pandehur gjatë kësaj kohe”, kishte thënë Hoti.

    Ai kishte konfirmuar se ekzistonte informacioni se personi i kërkuar kishte qenë shofer i cili transportonte fëmijët në një shkollë në Prishtinë.

    Prokurori Hoti kishte deklaruar se, që nga momenti kur e kishte marrë përsipër rastin në fund të vitit 2025, informacionet e siguruara tregonin se Gashi kryesisht ishte strehuar në pjesën jugore të Serbisë, në zonën e Bujanocit dhe Preshevës, ndërsa kishte pasur edhe lëvizje të herëpashershme në territorin e Kosovës.

    Sipas tij, Gashi kishte qenë i organizuar mirë në përpjekjet për t’iu shmangur arrestimit.

    Në shkresat e lëndës, sipas Prokurorit, ekziston edhe raporti i një zyrtari policor në zonën kufitare të Gjilanit, ku Gashi kishte arritur t’i shmangej arrestimit që në vitin 2022.

    Ai ishte ndaluar në një pikë kontrolli, por, pasi kishte kuptuar se verifikimi policor mund të çonte në arrestimin e tij, kishte arritur të largohej nga vendi i ngjarjes.

    Hoti kishte deklaruar se Gashi ishte vlerësuar si person me shkallë të lartë rrezikshmërie.

    Për këtë arsye, në operacionin e arrestimit kishin marrë pjesë edhe njësitë e specializuara të Policisë së Kosovës.

    Sipas Prokurorisë, në momentin e ndërhyrjes, Gashi kishte pasur armë në dorë, ndërsa gjatë kontrollit forenzik është konstatuar se arma kishte pasur edhe municion, përkatësisht fishek në tytë.

    Në kuadër të së njëjtës procedurë penale është edhe Gentian Gashi, i cili u arrestua bashkë me Muhamet Gashin.

    Prokuroria e kishte arrestuar nën dyshimin se ai i ka ofruar strehim dhe ndihmë Muhamet Gashit për t’iu shmangur arrestimit.

    Sipas Prokurorisë, Gentian Gashi dyshohet se e kishte strehuar Muhamet Gashin në njërën prej njësive banesore ku kishte banuar edhe vetë me familjen.

    Në përgjigjen e fundit, Prokuroria ka bërë të ditur se Gentian Gashi po hetohet për veprën penale “Dhënia e ndihmës kryesit pas kryerjes së veprës penale”, si dhe në bashkëkryerje për veprën “Blerja, posedimi, shpërndarja dhe shitja e paautorizuar e narkotikëve, substancave psikotrope ose analoge”, nga neni 267, paragrafi 1 dhe neni 31 i KPRK-së./PortaliDukagjini

     

    Burimi: Dukagjini

  • LEX | Dështon gjykimi për 25 mijë euro ndaj avokates Shemsije Sheholli dhe përmbaruesit Isak Islami – Mungon anëtari i trupit gjykues

    LEX | Dështon gjykimi për 25 mijë euro ndaj avokates Shemsije Sheholli dhe përmbaruesit Isak Islami – Mungon anëtari i trupit gjykues

    LEX | Dështon gjykimi për 25 mijë euro ndaj avokates Shemsije Sheholli dhe përmbaruesit Isak Islami – Mungon anëtari i trupit gjykues

    Ka dështuar të mbahet sot seanca gjyqësore ndaj avokates Shemsije Sheholli dhe përmbaruesit privat Isak Islami, të cilët përballen me akuza që lidhen me keqpërdorime të dyshuara në një rast ku përmendet shuma prej 25 mijë eurosh.

    Shkak për mosmbajtjen e seancës ishte pamundësia e pjesëmarrjes së njërit prej anëtarëve të trupit gjykues, pasi i njëjti ishte i angazhuar në një proces tjetër gjyqësor.

    Si rrjedhojë, seanca nuk ka mundur të vazhdojë dhe shqyrtimi gjyqësor është shtyrë.

    Sipas aktakuzës së ngritur më 29 maj 2025 nga Prokuroria Themelore në Prishtinë, Departamenti për Krime të Rënda, Sheholli akuzohet për veprën penale “Ushtrimi i ndikimit”, ndërsa Islami për “Keqpërdorimi i pozitës apo autoritetit zyrtar”.

    Prokuroria pretendon se Sheholli, në cilësinë e avokates së të dëmtuarit Besim Sopi, më 15 gusht 2023 kishte kërkuar 25 mijë euro, duke pretenduar se mund të ushtronte ndikim te anëtarët e kolegjit gjykues të Gjykatës së Apelit për një çështje civile.

    Sipas dosjes së Prokurorisë, aktgjykimi në atë çështje ishte nxjerrë dhe i ishte dorëzuar avokates para se të kërkohej shuma e parave.

    Ndërkohë, përmbaruesi privat Isak Islami akuzohet se më 21 dhjetor 2023 kishte tejkaluar kompetencat zyrtare, duke urdhëruar dhe ekzekutuar përmbarimin e një shume prej mbi 25 mijë eurosh ndaj Besim Sopit.

    Sipas pretendimeve të Prokurorisë, përmes kësaj procedure ishte bllokuar llogaria bankare e të dëmtuarit dhe ishin transferuar mjetet në llogarinë e përmbaruesit, në kundërshtim me procedurat ligjore. I dëmtuari pretendohet se ishte njoftuar për këtë vetëm pasi kishte vërejtur mungesën e parave në llogarinë e tij.

    Të dy të akuzuarit ishin arrestuar në dhjetor të vitit 2024, ndërsa ndaj tyre ishte caktuar masa e arrestit shtëpiak, nga e cila ishin liruar më 10 janar 2025.

    Rasti vazhdon të jetë në shqyrtim gjyqësor dhe pretendimet e Prokurorisë mbeten për t’u vërtetuar në gjykatë.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post LEX | Dështon gjykimi për 25 mijë euro ndaj avokates Shemsije Sheholli dhe përmbaruesit Isak Islami – Mungon anëtari i trupit gjykues appeared first on Sinjali.

    Burimi: Sinjali

  • Fotografitë fituese të “Wildlife Photographer of the Year 2026”

    Fotografitë fituese të “Wildlife Photographer of the Year 2026”

    Një fotografi prekëse e një elefanti që mban trupin e një këlyshi të ngordhur i ka siguruar fotografit italian Federico Veronesi çmimin “Wildlife Photographer of the Year 2026”, një nga konkurset e njohura të fotografisë së botës së egër.

    Fotografia u realizua në luginën e lumit Huab në Namibi, ku Veronesi, gjatë vëzhgimit të elefantëve, vuri re gjurmë të pazakonta zvarritjeje në rërën e shtratit të një lumi të tharë. Duke i ndjekur ato, ai hasi një elefante që mbante trupin e një këlyshi të ngordhur, me njërën këmbë të kapur mes feçkës dhe dhëmbit.

    Fillimisht, fotografi mendoi se elefanti ishte nëna e këlyshit. Megjithatë, pas ndarjes së fotografive me një projekt kërkimor për elefantët që vepron në atë zonë, studiuesit i treguan se kjo nuk ishte e sigurt. Sipas tyre, elefanti kishte humbur një këlysh disa vjet më parë dhe ishte vërejtur edhe më herët duke marrë me vete këlyshë të ngordhur të elefantëve të tjerë.

    Veronesi e përshkroi këtë përvojë si një nga momentet më emocionuese dhe dramatike të 20 viteve të tij në fotografinë e kafshëve. Ai shpreson që fotografia t’i nxisë njerëzit t’i shohin kafshët jo vetëm përmes pamjes së tyre fizike, por edhe si individë me marrëdhënie, kujtime dhe emocione.

    Krahas fotografisë fituese, konkursi përfshin edhe imazhe të tjera të vlerësuara, të cilat dokumentojnë sjellje të veçanta të kafshëve dhe aspekte të ndryshme të botës së egër.

    Të gjitha fotografitë:

    “Labour of love”

    Përshkrimi i fotografisë: Një brumbull plehu shtyn një top plehu, më shumë se dy herë më të madh se vetë ai, përgjatë një sipërfaqeje me pluhur. Miza të vogla mbulojnë shpinën e tij dhe fluturojnë pas tij. Fotografia është realizuar në bardh e zi, me kontrast të lartë. Kategoria: Çmimi i Madh për të Rinjtë, 11–14 vjeç Fotografi: Oscar Whitfield, Zimbabve / Mbretëria e Bashkuar Lokacioni: Parku Kombëtar i Zambezit, Zimbabve

    “Flight of the Bumblebee”

    Përshkrimi i fotografisë: Një bletë e madhe hap krahët pranë tri luleve. Bimët kanë kërcell të trashë e të gjelbër, me sytha të kuq në pjesën e poshtme dhe lule të holla e të bardha që dalin në drejtime të ndryshme në pjesën e sipërme. Në sfond shtrihet një bimësi e dendur dhe e gjelbër. Kategoria: 10 vjeç e nën këtë moshë Fotografi: Amelie Davis, Mbretëria e Bashkuar Lokacioni: Surrey, Angli

    “The Meeting Place”

    Përshkrimi i fotografisë: Një elefant spërkat me ujë një grup zebrash në një pellg të cekët. Fotografia bardh e zi përfshin gjithashtu disa gjirafa, ku njëra qëndron përpara zebrave, në të djathtë të elefantit. Fotografi James Lewin e kapi këtë pamje ëndërrimtare bardh e zi, ku një elefant i ri mashkull spërkat me ujë zebrat në një pellg. Ai e zbuti dritën, zakonisht të fortë, duke përdorur një aparat fotografik të përshtatur për fotografim me rreze infra të kuqe. Kategoria: Kafshët në mjedisin e tyre Fotografi: James Lewin, Mbretëria e Bashkuar Lokacioni: Parku Kombëtar Chyulu Hills, Kenia

    “A Watchful Eye”

    Përshkrimi i fotografisë: Pas një flete të madhe leshteriku detar shihen njëri sy i një oktapodi dhe një pjesë e lëkurës së tij të kuqërremtë, me pamje të çarë. Gjurmët e thithëseve të oktapodit mbulojnë algën detare me ngjyrë të verdhë në të gjelbër. Kategoria: Portrete të kafshëve Fotografi: Aaron Sanders, Mbretëria e Bashkuar Lokacioni: Plazhi Porthkerris, Cornwall

    “Scenes from the Swamp”

    Përshkrimi i fotografisë: Dy shpendë të mëdhenj të llojit shoebill, me pupla gri të çelëta dhe sqepa të gjatë, të ngjashëm me ata të rosave, mbajnë gjethe dhe bar në sqep ndërsa kalojnë nëpër një kënetë të mbushur me lloje të ndryshme bari dhe lule të vogla ngjyrë vjollcë. Njëri prej shpendëve i ka krahët të hapur. Kategoria: Shpendët Fotografi: Isak Pretorius, Afrika e Jugut Lokacioni: Këneta Mabamba, Ugandë

    “Birdsong Painted in Light”

    Përshkrimi i fotografisë: Një zog i zi këngëtar e ka sqepin të hapur ndërsa qëndron mbi një degë të gjatë e të hollë, e cila e ndan kuadrin në mënyrë diagonale. Degë të tjera, me gjethe të vogla të gjelbra, drejtohen lart. Në sfond shfaqet një përzierje e turbullt e ngjyrave të gjelbra dhe blu, me nuanca të bardha, rozë dhe të verdha. Kategoria: 15–17 vjeç Fotografi: Konrad Gräeter, Gjermani Lokacioni: Baden-Württemberg, Gjermani

    “Urban Jungle”

    Përshkrimi i fotografisë: Një hardhucë e madhe e llojit varan uji qëndron në tokë pranë një liqeni, duke mbajtur një peshk të madh në gojë. Në sfond shihen pemë, ujë dhe ndërtesa të larta të qytetit. Kategoria: Fauna e egër urbane Fotografi: Seth Forestson, Mbretëria e Bashkuar Lokacioni: Parku Lumphini, Bangkok, Tajlandë

    “Making Morays”

    Përshkrimi i fotografisë: Një ngjalë murene e errët e llojit Abbott’s moray fotografohet në një sfond të zi. Trupi i saj i gjatë dhe i lakuar, me njolla në lëkurë, duket qartë. Goja është paksa e hapur, ndërsa pozicioni i trupit krijon përshtypjen se po noton në ujë. Kategoria: Nën ujë Fotografi: Tony Wu, SHBA / Japoni Lokacioni: Prefektura Kagoshima, ishulli Kyūshū, Japoni

    “Wily Coyotes of San Francisco”

    Përshkrimi i fotografisë: Një kojotë ecën në një shteg të ngushtë dheu, mes barit dhe bimësisë së ulët në parkun Bernal Heights. Në sfond duken qyteti i San Franciskos dhe gjiri. Kafsha është fotografuar nga profili, duke lëvizur nëpër peizazh, ndërsa horizonti i largët urban krijon kontrast me mjedisin e saj të egër. Kategoria: Çmimi për Fotoreportazhin Fotografi: Loren Elliott, SHBA Lokacioni: SHBA

    “Protective Pose”

    Përshkrimi i fotografisë: Një triton i Kalifornisë shihet nën ujë, duke u kapur vertikalisht pas kërcellit të një bime në ujë të turbullt, me ngjyrë të verdhë në kafe. Trupi dhe lëkura e tij me njolla duken qartë, ndërsa ai qëndron i kapur pas bimësisë ku ndodhen vezët. Kategoria: Sjellja e amfibëve dhe zvarranikëve Fotografi: Anton Sorokin, SHBA Lokacioni: Qarku Contra Costa, Kaliforni, SHBA

    “Shifting Sand”

    Përshkrimi i fotografisë: Një akrep me ngjyrë të çelët është pjesërisht i mbuluar nga rëra e errët, ndërsa bishtin e lakuar e mban të ngritur. Rëra e lirshme e rrethon teksa duket sikur po futet në një dunë, përballë një sfondi të zi. Kategoria: Sjellja e jovertebrorëve Fotografi: Sitaram Raul, Indi Lokacioni: Shkretëtira e Tharit, Rajasthan, Indi

    “Night-Time Catch”

    Përshkrimi i fotografisë: Një peshkaqen balenë noton nën një platformë peshkimi drejtkëndore, të ndriçuar fuqishëm, në ujë pothuajse plotësisht të errët. Platforma rrethohet nga drita të forta, të cilat krijojnë një kontrast të theksuar me detin e errët përreth. Kategoria: Oqeanet: Pamja e madhe Fotografi: Alex Lindbloom, SHBA Lokacioni: Në ujërat pranë gjirit Cenderawasih, Papua, Indonezi

    “Shedding Light”

    Përshkrimi i fotografisë: Një grup kërpudhash rritet mbi një trung të errët dhe të kalbur në pyll. Nën dritën ultravjollcë, kërcellet e tyre shkëlqejnë me ngjyrë të verdhë të ndezur, ndërsa kapelat e rrumbullakëta duken në nuanca blu-gri dhe dallohen qartë përballë sfondit të errët të pyllit. Kategoria: Bimët dhe kërpudhat Fotografi: Agorastos Papatsanis, Greqi Lokacioni: Litochoro, Pieria, Greqi

    “Hidden Depths”

    Përshkrimi i fotografisë: Një mizë grabitqare mban të kapur një mizë mishi, ndërsa ushqehet me të. Të dy insektet mbushin kuadrin e fotografisë, duke zbuluar me hollësi të jashtëzakonshme sytë, këmbët dhe pjesët e gojës së tyre. Kategoria: Çmimi për Yjet në Ngritje Fotografi: Alexis Tinker-Tsavalas, Gjermani Lokacioni: Gjermani dhe Irlanda e Veriut, Mbretëria e Bashkuar

    “Escape Artistry”

    Përshkrimi i fotografisë: Një tufë e madhe zogjsh të vegjël shfaqet si vija të arta të turbullta, duke fluturuar nëpër një pyll të errët. Në sfond, mështeknat e larta pa gjethe krijojnë vija vertikale. Zogjtë e artë japin përshtypjen e gjetheve që mbulojnë pemët. Kategoria: Arti natyror Fotografi: Michał Michalski, Poloni Lokacioni: Litochoro, Pieria, Greqi

    “The Great Divide”

    Përshkrimi i fotografisë: Një pamje ajrore tregon një liqen të ndarë në dy pjesë, i cili shtrihet drejt një vargmali të thyer. Një vijë e ngushtë dhe e drejtë përshkon ujin nga pjesa e përparme e fotografisë deri te malet. Uji është rozë në njërën anë dhe blu-gri i çelët në anën tjetër, ndërsa malet pasqyrohen në sipërfaqen e qetë të liqenit. Kategoria: Ligatinat: Pamja e madhe Fotografi: Alex Visbal, Kolumbi Lokacioni: Gjiri Stansbury, Liqeni i Kripur i Madh, Utah, SHBA

    “Warning Sign”

    Përshkrimi i fotografisë: Një pumë e ngordhur është e varur në një gardh me tela, në një peizazh të gjerë dhe të ekspozuar ndaj erës në Patagoninë argjentinase. Kafsha është ekspozuar si trofe gjuetie, ndërsa në sfond shtrihen fusha të hapura me bar dhe një qiell i mbuluar me re. Kategoria: Fotoreportazhi Fotografi: Francisco Negroni, Kili Lokacioni: Rruga 40, provinca Santa Cruz, Argjentinë

    “Secret Worlds”

    Përshkrimi i fotografisë: Disa trupa të vegjël sferikë të mykut rrëshqitës, me ngjyrë të verdhë në të gjelbër, ngrihen mbi një sipërfaqe të errët, të vendosur mbi kërcell të hollë. Fije të holla shtrihen nga këto struktura të rrumbullakëta, duke krijuar një formë delikate dhe miniaturale përballë sfondit të turbullt. Kategoria: Çmimi për Portofolin Fotografik Fotografi: Kutub Uddin, Bangladesh / Mbretëria e Bashkuar Lokacioni: West Sussex, Angli, Mbretëria e Bashkuar

    Burimi: Dukagjini