Category: Lajme

  • Dhomat e Specializuara refuzojnë ftesën e Avokatit të Popullit për tryezën e rrumbullakët

    Dhomat e Specializuara refuzojnë ftesën e Avokatit të Popullit për tryezën e rrumbullakët

    Dhomat e Specializuara refuzojnë ftesën e Avokatit të Popullit për tryezën e rrumbullakët

    Dhomat e Specializuara të Kosovës e kanë cilësuar të papërshtatshme pjesëmarrjen në tryezën e rrumbullakët të organizuar nga Avokati i Popullit i Kosovës, Naim Qelaj, lidhur me konstatimet dhe rekomandimet e tij për këtë institucion dhe Zyrën e Prokurorit të Specializuar.

    Në një komunikatë, Dhomat e Specializuara kanë bërë të ditur se refuzimi i ftesës mbështetet në kompetencat e përcaktuara me Kushtetutën e Kosovës dhe Ligjin për Dhomat e Specializuara dhe Zyrën e Prokurorit të Specializuar, transmeton Klankosova.tv.

    Sipas tyre, neni 162, paragrafi 11, i Kushtetutës dhe neni 34, paragrafi 9, i ligjit përkatës i japin Avokatit të Popullit të Dhomave të Specializuara, Pietro Spera, përgjegjësi ekskluzive për mbrojtjen dhe garantimin e të drejtave dhe lirive themelore të personave që ndërveprojnë me këtë institucion dhe Zyrën e Prokurorit të Specializuar.

    Dhomat kanë theksuar se mungesa e kompetencës së Avokatit të Popullit të Kosovës, Naim Qelaj, në raport me Dhomat e Specializuara i është komunikuar atij edhe më herët, duke iu referuar një deklarate të mëparshme të institucionit.

    Në komunikatë, Dhomat e Specializuara kanë përmendur gjithashtu rolin e Komitetit Ndërkombëtar të Kryqit të Kuq, i cili, sipas tyre, mbikëqyr dhe inspekton objektin e paraburgimit për të garantuar respektimin e standardeve më të larta ndërkombëtare.

    Dhomat e Specializuara kanë rikujtuar se vendimet, urdhrat dhe aktgjykimet e gjyqtarëve të tyre të pavarur dhe të paanshëm nxirren në përputhje me standardet ndërkombëtare dhe evropiane për të drejtat e njeriut.

    Sipas komunikatës, palët që nuk janë pajtuar me vendimet gjyqësore kanë pasur në dispozicion mjete juridike për t’i kundërshtuar ato, përfshirë ankesat para Panelit të Apelit, Gjykatës Supreme dhe Gjykatës Kushtetuese të Dhomave të Specializuara.

    “DHSK-ja vazhdon të përqendrohet në mandatin e saj për të garantuar mbrojtjen e të drejtave dhe lirive themelore të mishëruara në Kushtetutën dhe për të mundësuar procese penale të pavarura, të paanshme, të drejta dhe efikase”.    

  • Sa të lira janë gratë të largohen nga martesa? Flet psikologia Almeida Xhaferi (VIDEO)

    Sa të lira janë gratë të largohen nga martesa? Flet psikologia Almeida Xhaferi (VIDEO)

    Sa të lira janë gratë të largohen nga martesa? Flet psikologia Almeida Xhaferi (VIDEO)

    Psikologia Almeida Xhaferi tha se shpesh faktori ekonomik i detyron gratë që të mbesin në një marrëdhënie martesore pa dëshirën e tyre.

    Në emisionin “Ora 7” në Klan Kosova ku temë ishte se sa të lira janë gratë të largohen nga një martesë, ajo tha se faktori ekonomik dhe vështirësia për të pasur një banesë e bën të vështirë largimin nga martesa për një grua.

    “Pa diskutim që faktori ekonomik është shumë i rëndësishëm, vështirësia për të pasur një banesë e bën të vështirë për një grua…”, tha ajo.

  • Pas shkollave të mesme, greva pritet të përfshijë edhe shkollat fillore në Prishtinë

    Pas shkollave të mesme, greva pritet të përfshijë edhe shkollat fillore në Prishtinë

    Pas grevës së punëtorëve teknikë në shkollat e mesme të Prishtinës, grevës pritet t’i bashkohen edhe punëtorët teknikë të shkollave fillore, për shkak të mospagesës së pagave dhe vonesave në ekzekutimin e tyre, raporton Ekonomia Online.

    Sipas njoftimit të Federatës Sindikale të Punëtorëve Teknikë të Sektorit Privat të Kosovës, greva do të vazhdojë deri në përmbushjen e kërkesave për pagesën e pagave dhe shlyerjen e obligimeve të mbetura.

    Gjatë vizitës në shkollën fillore “Meto Bajraktari” në Prishtinë, u tentua të merren pamje nga brenda objektit shkollor, por kjo nuk u lejua. Po ashtu, nuk u konfirmua nëse greva ka nisur edhe në këtë institucion, prandaj situata e punëtorëve teknikë në këtë shkollë mbetet e paqartë.

    Ndërkohë, sindikata ka paralajmëruar protestë para objektit të Komunës së Prishtinës, të premten, më 16 tetor, nga ora 11:00 deri në 12:00. Në protestë pritet të marrin pjesë punëtorët teknikë dhe punëtorët e sigurimit fizik të Qendrave të Mjekësisë Familjare në Prishtinë, të cilët, sipas sindikatës, kanë mbetur pa paga./EO

    Burimi: Dukagjini

  • Dollenberg: Mungesa e psikologëve, problem serioz (VIDEO)

    Dollenberg: Mungesa e psikologëve, problem serioz (VIDEO)

    Dollenberg: Mungesa e psikologëve, problem serioz (VIDEO)

    Mungesa e psikologëve dhe qasja e kufizuar në shërbimet psikologjike vazhdojnë të jenë ndër problemet kryesore si në institucionet publike, ashtu edhe në sektorin privat.

    Kështu ka vlerësuar mjekja psikoterapiste Aurora Dollenberg, e cila në emisionin “Ora 7” në Klan Kosova ka theksuar se shumë pacientë përballen me vështirësi për të siguruar një termin për konsultim me psikologun.

    Dollenberg ka thënë se numri i vogël i profesionistëve e vështirëson ofrimin e shërbimeve të mirëfillta psikologjike, veçanërisht në shkolla dhe institucione të tjera, ku një psikolog shpesh duhet të kujdeset për një numër të madh personash.

    Sipas saj, nuk është e mjaftueshme që një shkollë apo institucion i tërë të ketë vetëm një psikolog, pasi koha dhe kapacitetet e një profesionisti të vetëm nuk mund t’i përmbushin nevojat e të gjithë nxënësve apo personave që kanë nevojë për mbështetje.

    Ajo ka ngritur shqetësimin edhe për efektivitetin e shërbimeve psikologjike, duke theksuar se në disa raste prania e psikologëve në institucione mund të jetë më shumë çështje e përmbushjes së kërkesave sesa ofrim i trajtimit të mirëfilltë.

    Psikoterapistja ka nënvizuar se është e nevojshme që psikologët të kenë kushte më të mira pune dhe kohë të mjaftueshme për t’u përkushtuar ndaj pacientëve, në mënyrë që seancat të mos kufizohen në vetëm disa minuta, por të zhvillohen si takime të plota terapeutike.

    Sipas Dollenbergut, trajtimi i problemeve psikike kërkon angazhim serioz dhe kohë, si në rastet e fëmijëve dhe nxënësve, ashtu edhe te personat e rritur.

    Ajo ka bërë thirrje që të shtohet numri i psikologëve dhe të përmirësohet qasja në shërbimet e shëndetit mendor, në mënyrë që personat që kanë nevojë për ndihmë të marrin trajtimin e duhur.

    “Mungesa me psikologë vazhdon të jetë një ndër problemet kryesore, edhe pse ato mund të jenë psikologë privatë, që punojnë privatisht. Përsëri shumë pacientë shqiptarë tregojnë që kur e kërkojnë një psikolog, mezi që e gjejnë një seancë takimi aty, ose edhe nëpër institucione janë shumë pak. Pra nuk mundet për një shkollë ose për një institucion të tërë të ketë një psikolog të vetëm, se edhe sikur t’i numëroni ditët e vitit, do ishin më pak sesa punëtorë ose mundësi që të ketë ky psikolog të punojë për këta institucione. Pra, shumë shpesh psikologët janë thjesht në mënyrë… sepse protokollet evropiane e kërkojnë, sepse mësimdhënia e kërkon të ketë shkolla një të punësuar të tillë. Por sa efektiv e bëjnë terapinë e mirëfilltë me fëmijët, me nxënësit apo edhe me të rriturit, kjo faktikisht lë shumë për të dëshiruar për faktin se duhet të ketë më tepër dhe duhet të paguhet ky psikolog jo të flasë 5 minuta me pacientin, por me të vërtetë të ketë një seancë të mirëfilltë prej një ore dhe të angazhohet totalisht që t’i zgjidhë problemet psiqike të këtij pacienti”, tha ajo.

  • “S’kishte lidhje me protestën”, Balla i uron shërim të riut që iu thye këmba në Tiranë

    “S’kishte lidhje me protestën”, Balla i uron shërim të riut që iu thye këmba në Tiranë

    “S’kishte lidhje me protestën”, Balla i uron shërim të riut që iu thye këmba në Tiranë

    Shefi i Grupit Parlamentar i PS-së, Taulant Balla i ka uruar shërim të shpejtë Ledion Ballës, të riut që u lëndua rëndë gjatë protestës së të martës në Tiranë.

    Përmes një postimi në Facebook, Balla deklaroi se i riu nuk kishte të bënte fare me protestën, ndërsa shtoi se hetimi i plotë duhet të nxjerrë shkakun e frakturës në këmbë dhe përgjegjësitë individuale, transmeton Klankosova.tv.

    Pos tjerash, deputeti tha se ky rast nuk duhet të përdoret kundër Policisë së Shtetit si institucion.

    “Shërim të shpejtë Ledion Ballës, djalit tonë nga Librazhdi, që s’kishte asnjë lidhje me huliganët. Hetimi i plotë duhet të nxjerrë shkakun e frakturës në këmbë dhe përgjegjësitë individuale. Kurrësesi ky rast nuk duhet të përdoret kundër Policisë së Shtetit si institucion”, ka shkruar ai.

    Ndërkohë, në videon e postuar nga Balla, shihet se të riun e ka vizituar Ministrja e Shëndetësisë, Klodiana Spahiu.

    Ai dëgjohet duke i thënë asaj se nuk kishte fare lidhje me protestën.

  • Berisha: Një grua ka nevojë të ndihet e sigurt në realitet, jo vetëm në letër (VIDEO)

    Berisha: Një grua ka nevojë të ndihet e sigurt në realitet, jo vetëm në letër (VIDEO)

    Berisha: Një grua ka nevojë të ndihet e sigurt në realitet, jo vetëm në letër (VIDEO)

    Gazetarja, Era Berisha e ftuar në emisionin “Ora 7” në Klan Kosova tha se gratë në Kosovë janë të sigurta me ligjë, por tha se ato duhet ta gëzojnë atë edhe në realitetin e përditshëm.

    Ajo tha se suksesi i ligjeve matet me praktikën e jetës së përditshme.

    “Heshtja nuk është zgjidhje… Ne kemi ligje, një grua nuk ka nevojë vetëm në letër të jetë e sigurt, ajo ka nevojë në realitet të ndihet e sigurt. Suksesin e ligjeve e mati me atë se sa kemi gra të lira sot dhe sa e gëzojnë ato këtë fakt”.

  • “Pres më shumë”: Lisandro Martínez sulmon hierarkinë e Manchester United

    “Pres më shumë”: Lisandro Martínez sulmon hierarkinë e Manchester United

    “Pres më shumë”: Lisandro Martínez sulmon hierarkinë e Manchester United

    Lisandro Martínez ka kritikuar hierarkinë e Manchester United , duke fajësuar mungesën e investimeve, ndërsa nisja e tyre e dobët e sezonit vazhdoi. Golat e Pablo Barrios dhe Ademola Lookman e çuan United në një humbje 2-0 ndaj Atlético Madrid, dhe mbrojtësi argjentinas e përshkroi këtë si një “pasqyrë” të mënyrës se si është klubi. “Sonte është e lehtë të thuash trajnerin, e lehtë të thuash lojtarët, por gjithashtu duhet të shohim aspekte të tjera”, tha ai, duke treguar lart.

    I pyetur për vlerësimin e tij për natën, Martínez tha: “Vërtet e dobët, shumë e dobët. Më duhet ta kontrolloj veten shumë, por ndonjëherë është një pasqyrë e gjendjes së klubit tonë në këtë moment.”

    “Është bezdisëse, zhgënjyese të vij këtu dhe nuk po e shoh ekipin tim të përpiqet të marrë një rezultat të mahnitshëm këtu, shkruan The Guardian.

    “Pres më shumë [investime], 100%. Pres më shumë nga drejtori ynë teknik [Jason Wilcox]. Duhet të jem i sinqertë, si lojtarë duhet të bëjmë më shumë, por është gjithashtu e rëndësishme kur krijon një skuadër të fortë të jetë gati për këtë lloj nate. Sezonin e kaluar bëmë gjithçka, krijuam bazën për të krijuar një ekip të mrekullueshëm.”

    United fitoi 12 nga 17 ndeshje nën drejtimin e Michael Carrick sezonin e kaluar, por gjatë verës ata bënë vetëm tre nënshkrime të mëdha – Carlos Baleba, Andrey Santos dhe Youri Tielemans – plus portierin rezervë Karl Darlow si transferim i lirë nga Leeds, dhe kanë fituar vetëm dy herë në të gjitha garat deri më tani këtë sezon. Ata kanë pësuar nisjen më të keqe të një sezoni në ligë në 40 vjet, transmeton Sinjali.

    I pyetur nëse trajneri ishte mbështetur mjaftueshëm, Martínez u përgjigj: “Nuk mendoj kështu. Ai bën më të mirën e tij. Çdo sezon është i ndryshëm. Nuk mund të qëndrosh me atë që bëre sezonin e kaluar. Ekipet e dinë se si luan, ata dinë çdo detaj, nëse nuk ndryshon sezonin tjetër është një problem i madh.”

    «Nuk mund të vazhdosh ta ndryshosh, ta ndryshosh, ta ndryshosh trajnerin. Po në fushat e tjera?» shtoi Martínez, duke ngritur kokën. «Nuk mund të them më shumë.»

    Kur fjalët e Martínez iu thanë Carrick, ai tha: “Nuk e kam parë intervistën. Kam dëgjuar gjysmë për të. Mendoj se është paksa emocione të ndeshjes [që flasin]. Duhet të mësoj pak më shumë rreth saj për të qenë i sinqertë për të vendosur se çfarë dhe nëse do të bëhet diçka. Nuk mund të komentoj më tej.”

    Trajneri i United këmbënguli gjithashtu se skuadra e tij kishte “katër ndeshje pothuajse një kundër një” dhe se nuk e kuptoi kartonin e kuq të Leny Yoro-s në një natë kur ata mund të kishin shkuar në Manchester me një rezultat tjetër. “Është e lehtë të shikosh dhe të mendosh se ka diçka thellësisht të gabuar, e kuptoj këtë, por lojtarët kanë qenë të shkëlqyer”, tha ai. “Kanë vullnet dhe [ata janë] të zhgënjyer që nuk kanë dalë nga këtu me diçka. Ne mendojmë se mund ta kishim bërë, duhet ta kishim bërë.”

    Sinjali – aty ku e vërteta flet para lajmit!

    /GazetaSinjali/

    The post “Pres më shumë”: Lisandro Martínez sulmon hierarkinë e Manchester United appeared first on Sinjali.

    Burimi: Sinjali

  • Prizren: Policia gjen 26 mijë e 900 franga zvicerane në një automjet, rasti po hetohet për shpëlarje parash (VIDEO)

    Prizren: Policia gjen 26 mijë e 900 franga zvicerane në një automjet, rasti po hetohet për shpëlarje parash (VIDEO)

    Prizren: Policia gjen 26 mijë e 900 franga zvicerane në një automjet, rasti po hetohet për shpëlarje parash (VIDEO)

    Policia e Kosovës ka gjetur 26 mijë e 900 franga zvicerane në një automjet me targa të Kosovës, gjatë një patrullimi të zhvilluar të hënën mbrëma.

    Për rastin ka raportuar korrespodenti i Klan Kosovës nga Prizreni, Nuhi Salihu, i cili foli të mërkurën në emisionin “Ora 7”.

    Ai tha se rasti ka ndodhur rreth orës 21:15, kur zyrtarët policorë, gjatë patrullimit, kanë hasur në dy automjete, njëri me targa të Kosovës dhe tjetri me targa të Shqipërisë, të drejtuara nga dy meshkuj.

    Gjatë kontrollit të automjetit me targa të Kosovës, policia ka gjetur shumën prej 26 mijë e 900 frangash zvicerane.

    Të dy personat janë shoqëruar në stacionin policor për procedura të mëtejme, ndërsa rasti është iniciuar si “shpëlarje parash”.

    “Sipas policisë, rasti ka ndodhur këtë të hënë rreth orës 21:15, ku gjatë patrollimit zyrtarët policorë kanë hasur në dy automjete, njëri me targa të Kosovës dhe tjetri me targa të Shqipërisë, të drejtuara nga dy meshkuj. Gjatë kontrollit të automjetit me targa vendore, pra të Republikës së Kosovës, policia ka gjetur shumën prej 26,900 franga zvicerane. Të dy personat janë shoqëruar në stacionin policor për procedura të mëtejme, ndërsa rasti është iniciuar si ‘shpëlarje parash’”, tha ai.

  • Sot ndërrohet komanda e KFOR-it, Ulutash ia dorëzon detyrën Vergorit

    Sot ndërrohet komanda e KFOR-it, Ulutash ia dorëzon detyrën Vergorit

    Sot ndërrohet komanda e KFOR-it, Ulutash ia dorëzon detyrën Vergorit

    Në Prishtinë me fillim nga ora 11:00 do të zhvillohet ceremonia zyrtare e ndërrimit të komandës së KFOR-it.

    Komandanti i deritanishëm i misionit të NATO-s në Kosovë, Ozkan Ulutash do t’ia dorëzojë komandën Roberto Vergorit, transmeton Klankosova.tv.

    Ceremonia do të zhvillohet në shtabin e KFOR-it në Prishtinë.

     

  • Kurti mbledh ministrat me mëngjes

    Kurti mbledh ministrat me mëngjes

    Kurti mbledh ministrat me mëngjes

    Qeveria e Kosovës mban sot mbledhjen e saj të shtatë, e cila është paraparë të nisë në orën 09:00, në ndërtesën e Qeverisë.

    Sipas rendit të ditës, në këtë mbledhje pritet të shqyrtohen disa projektligje dhe propozim-vendime, si dhe kërkesa nga institucione të ndryshme, transmeton Klankosova.tv.

    Ndër pikat kryesore të rendit të ditës janë projektligji për Agjencinë e Menaxhimit të Emergjencave (MPB) dhe projektligji për Inspektoratin Qendror të Bujqësisë, Sigurisë Ushqimore, Veterinarisë dhe Pylltarisë.

    Po ashtu, ministrat pritet të shqyrtojnë draftin e Programit për Vlerësimin Ex-Post të Akteve Juridike për vitet 2026-2028, si dhe propozim-vendimin për mbështetje financiare për Këshillin Kombëtar Shqiptar.

    Në rend të ditës është përfshirë edhe kërkesa e Ministrisë për Komunitete dhe Kthim për tjetërsimin ose shitjen e nëntë automjeteve zyrtare, të cilat janë të papërdorshme dhe jashtë funksionit.

    Qeveria pritet të shqyrtojë gjithashtu kërkesën e Agjencisë Kosovare të Privatizimit për kthimin e fondeve për Ndërmarrjen Shoqërore “Komogllava”.

    Një tjetër pikë ka të bëjë me ndryshimin dhe plotësimin e vendimit të Qeverisë për zbatimin e sanksioneve ndërkombëtare, me qëllim të linjëzimit të politikës së jashtme të Kosovës me Politikën e Përbashkët të Jashtme dhe të Sigurisë të Bashkimit Evropian.

    Në mbledhjen e sotme do të shqyrtohen edhe dy propozim-vendime që lidhen me kërkesat e Presidentes së Republikës së Kosovës për dhënien e autorizimit ministrit për Punë, Familje dhe Vlera të Luftës Çlirimtare, për nënshkrimin e marrëveshjeve për Sigurime Sociale.

    Marrëveshjet përkatëse kanë të bëjnë me Republikën e Kosovës dhe Republikën e Turqisë, ndërsa në procedurë përfshihen edhe institucionet përgjegjëse për punën, familjen dhe çështjet sociale.