Category: Lajme

  • Tuttosport: Zhegrova fiton “zemrën” e Spallettit, kosovari mes katër lojtarëve që po fiton rëndësi te Juventusi

    Tuttosport: Zhegrova fiton “zemrën” e Spallettit, kosovari mes katër lojtarëve që po fiton rëndësi te Juventusi

    Tuttosport: Zhegrova fiton “zemrën” e Spallettit, kosovari mes katër lojtarëve që po fiton rëndësi te Juventusi

    Trajneri i Juventusit, Luciano Spalletti, ka arsye të jetë i kënaqur me paraqitjet e disa futbollistëve, të cilët po tregojnë përparim dhe po fitojnë rëndësi në skuadrën bardhezi.

    Sipas mediumit italian “Tuttosport”, Pape Matar Sarr ka lënë përshtypje pozitive te trajneri me ndikimin e tij në mesfushë, ndërsa Edon Zhegrova po vazhdon të japë sinjale inkurajuese me paraqitjet e tij.

    Ylli i Përfaqësueses së Kosovës synon të fitojë gjithnjë e më shumë hapësirë në skuadrën e Juventusit, ndërsa zhvillimi i tij po shihet si një shenjë pozitive për vazhdimësinë e sezonit.

    Vlerësime pozitive ka marrë edhe Kerim Alajbegoviq, i cili po spikat me përparimin dhe kreativitetin e treguar.

    Ndërkohë, Randal Kolo Muani ka dhënë një përgjigje pozitive në fushë. Goli i tij i barazimit ndaj Cagliarit shihet si një tjetër sinjal inkurajues për sulmuesin francez.

    Megjithatë, Spalletti do të duhet të përballet edhe me një mungesë në ndeshjen e ardhshme të Juventusit në Ligën e Evropës kundër Celta Vigos, pasi Zhegrova nuk do të jetë në dispozicion për këtë përballje.

    Pavarësisht kësaj mungese, trajneri italian po merr sinjale pozitive nga paraqitjet individuale të futbollistëve të tij, teksa synon të ndërtojë një skuadër sa më konkurruese për pjesën e mbetur të sezonit.

    Sinjali – aty ku e vërteta flet para lajmit!

    /GazetaSinjali/

    The post Tuttosport: Zhegrova fiton “zemrën” e Spallettit, kosovari mes katër lojtarëve që po fiton rëndësi te Juventusi appeared first on Sinjali.

    Burimi: Sinjali

  • Protestat në Tiranë, dhjetëra persona marrin ndihmë mjekësore – të gjithë jashtë rrezikut për jetën

    Protestat në Tiranë, dhjetëra persona marrin ndihmë mjekësore – të gjithë jashtë rrezikut për jetën

    Protestat në Tiranë, dhjetëra persona marrin ndihmë mjekësore – të gjithë jashtë rrezikut për jetën

    Ministria e Shëndetësisë dhe Mirëqenies Sociale në Shqipëri ka publikuar të dhënat e fundit për gjendjen shëndetësore të personave të lënduar gjatë protestës së sotme në Tiranë.

    Sipas njoftimit, në Spitalin Universitar të Traumës po trajtohen aktualisht një punonjëse e Policisë, katër protestues dhe dy kalimtarë. Të gjithë ndodhen jashtë rrezikut për jetën.

    Ndërkohë, gjashtë efektivë të forcave speciale, dy përfaqësues të medias dhe katër kalimtarë janë larguar nga ky spital pasi kanë marrë ndihmën e nevojshme mjekësore.

    Edhe në Qendrën Spitalore Universitare “Nënë Tereza” (QSUT) janë trajtuar persona të lënduar gjatë protestës. Sipas ministrisë, një diplomat i huaj, një përfaqësues i medias dhe gjashtë protestues kanë marrë trajtimin e nevojshëm mjekësor dhe janë larguar nga spitali.

    Ministria ka bërë të ditur se situata po monitorohet vazhdimisht, në bashkëpunim me institucionet shëndetësore, ndërsa të dhënat për numrin e personave të trajtuar dhe gjendjen e tyre do të përditësohen në bazë të informacioneve të verifikuara.

    Në një deklaratë publike, ministrja e Shëndetësisë dhe Mirëqenies Sociale, Klodiana Spahiu, ka thënë se po e ndjek nga afër situatën përmes komunikimit të vazhdueshëm me strukturat spitalore.

    “Po ndjek në vijimësi situatën shëndetësore të personave të lënduar gjatë protestës së sotme në Tiranë, përmes komunikimit të vazhdueshëm me strukturat spitalore. Në Spitalin Universitar të Traumës po trajtohen aktualisht një punonjëse policie, katër protestues dhe dy kalimtarë, të gjithë jashtë rrezikut për jetën. Ndërkohë, gjashtë efektivë të forcave speciale, dy përfaqësues të medias dhe katër kalimtarë janë larguar nga spitali pas marrjes së ndihmës mjekësore. Në Qendrën Spitalore Universitare ‘Nënë Tereza’, një diplomat i huaj, një përfaqësues i medias dhe gjashtë protestues kanë marrë trajtimin e nevojshëm dhe janë larguar nga spitali. Për mua, përparësi mbetet shëndeti dhe siguria e çdo personi të lënduar. Kujdesi mjekësor ofrohet për të gjithë, pa dallim, me profesionalizëm dhe në përputhje me nevojat e secilit. Komunikimi me strukturat shëndetësore vijon pa ndërprerje dhe informacioni do të përditësohet në bazë të të dhënave të verifikuara mbi numrin e personave të trajtuar dhe gjendjen e tyre shëndetësore. Mirënjohje për mjekët, infermierët, ekipet e urgjencës dhe të gjithë profesionistët shëndetësorë për gatishmërinë dhe përkushtimin e treguar në ofrimin e kujdesit për qytetarët“, u shpreh ministrja.

    Sinjali – aty ku e vërteta flet para lajmit!

    /GazetaSinjali/

    The post Protestat në Tiranë, dhjetëra persona marrin ndihmë mjekësore – të gjithë jashtë rrezikut për jetën appeared first on Sinjali.

    Burimi: Sinjali

  • Lituania ndan mbi 38 milionë dollarë për furnizimin me karburant të ushtrisë

    Lituania ndan mbi 38 milionë dollarë për furnizimin me karburant të ushtrisë

    Lituania po investon më shumë se 33 milionë euro (38 milionë dollarë) për të zgjeruar rrjetin e saj të furnizimit me karburant ushtarak për të mbështetur forcat e armatosura dhe trupat aleate të NATO-s, raportoi të martën transmetuesi publik lituanez LRT, duke cituar Ministrinë e Mbrojtjes.

    Zgjerimi përfshin stacione furnizimi me karburant, objekte për ruajtjen e karburantit dhe stacione larjeje automjetesh në njësitë ushtarake në vende strategjikisht të rëndësishme, sipas ministrisë.

    Disa objekte janë përfunduar tashmë këtë vit, ndërsa pjesa më e madhe e infrastrukturës së re pritet të përfundojë në vitin 2027.

    “Ne po zgjerojmë vazhdimisht infrastrukturën e karburantit të nevojshme për të furnizuar si Forcat e Armatosura Lituaneze ashtu edhe trupat aleate të NATO-s”, tha Ministri i Mbrojtjes Robertas Kaunas.

    Rrjeti synon të sigurojë rezerva të besueshme karburanti dhe furnizime të pandërprera për automjete luftarake, logjistike dhe administrative, duke forcuar gatishmërinë ushtarake, lëvizshmërinë operacionale dhe parandalimin, tha ministria.

    Ai shtoi se po bashkëpunonte me institucione të tjera shtetërore për të shfrytëzuar më mirë objektet ekzistuese të magazinimit të karburantit dhe infrastrukturën përkatëse.

    Burimi: Dukagjini

  • Atletico Madridi mposht Unitedin, kartoni i kuq i Yoros ndryshon gjithçka

    Atletico Madridi mposht Unitedin, kartoni i kuq i Yoros ndryshon gjithçka

    Atletico Madridi mposht Unitedin, kartoni i kuq i Yoros ndryshon gjithçka

    Atletico Madridi ka shënuar fitore 2-0 ndaj Manchester Unitedit në xhiron e dytë të Champions League.

    Pablo Barrios i dha epërsinë skuadrës madrilene që në minutën e parë të ndeshjes, duke i vështirësuar punët për ekipin anglez.

    Manchester Unitedi pësoi një goditje tjetër pesë minuta para fundit, kur Leny Yoro u përjashtua me karton të kuq. Vetëm pesë minuta më vonë, Ademola Lookman shënoi golin e dytë dhe vulosi fitoren e Atlético Madridit, transmeton Klankosova.tv

    Me këtë rezultat, të dyja skuadrat mbeten me nga tri pikë pas dy xhirove të para.

    Në ndeshjen e ardhshme, Atlético Madridi do të udhëtojë te Stuttgart, ndërsa Manchester Unitedi do të përballet me Comon në transfertë.

  • Barcelona fiton, Inter befasohet e Bayern barazon

    Barcelona fiton, Inter befasohet e Bayern barazon

    Barcelona ka regjistruar fitoren e dhjetë radhazi në të gjitha garat, falë një paraqitjeje të shkëlqyer, veçanërisht në pjesën e dytë. Lamine Yamal ka qenë ndër lojtarët më të dalluar, duke dhënë dy asistime brenda pak minutash.

    Galatasaray ka kaluar në epërsi në minutën e njëzet e tetë me golin e Aleksey Batrakov, por Joao Cancelo ka barazuar rezultatin pak para përfundimit të pjesës së parë.

    Pas pushimit, Barcelona ka përmbysur gjithçka. Fermin Lopez ka shënuar për 2:1 pas një asistimi të Yamal, ndërsa pak minuta më vonë futbollisti spanjoll ka asistuar edhe për Anthony Gordonin, i cili e ka çuar rezultatin në 3:1. Karim Adeyemi e ka vulosur fitoren me golin e katërt. Me këtë humbje, Galatasaray mbetet pa pikë në këtë edicion të garës.

    E Inter ka pësuar humbje 3:4 në shtëpi nga Club Brugge, në një ndeshje me shumë gola dhe me përmbysje të rezultatit.

    Skuadra belge ka kaluar në epërsi në minutën e tridhjetë, kur Nicolo Tresoldi ka shënuar nga penalltia. Lautaro Martinez e ka barazuar rezultatin në minutën e dyzet e katërt, duke e mbyllur pjesën e parë me rezultat 1:1.

    Në pjesën e dytë, Tresoldi ka shënuar edhe dy herë, në minutat gjashtëdhjetë e tre dhe shtatëdhjetë e katër, duke e çuar Club Brugge në epërsi 3:1. Inter është rikthyer në lojë me golin e dytë të Martinez në minutën e tetëdhjetë e një, por Romeo Vermant e ka shënuar golin e katërt të mysafirëve në minutën e tetëdhjetë e shtatë.

    Ange-Yoan Bonny ka ngushtuar epërsinë në 4:3 në minutën e tretë shtesë, por Inter nuk ka arritur ta shmangë humbjen.

    Bayern Munich ka barazuar 3:3 në udhëtim te Viking, në një ndeshje dramatike ku skuadra gjermane ka qenë në disavantazh prej dy golash dhe më pas ka luajtur me një futbollist më pak.

    Viking ka kaluar në epërsi që në minutën e parë me golin e Gianni Stensness, ndërsa Peter Christiansen e ka shënuar golin e dytë në minutën e tridhjetë e tetë.

    Harry Kane e ka ngushtuar rezultatin nga penalltia në minutën e pesëdhjetë e pestë, ndërsa dhjetë minuta më vonë e ka barazuar rezultatin me goditje me kokë. Ky ishte goli i tij në ndeshjen e nëntë radhazi në Ligën e Kampionëve.

    Bayern e ka përmbysur rezultatin në minutën e gjashtëdhjetë e nëntë, kur Luis Diaz ka shënuar pas një aksioni të nisur nga Kane. Megjithatë, Michael Olise është përjashtuar me karton të kuq pas dy ndëshkimeve me të verdhë, duke e vështirësuar situatën për mysafirët.

    Viking e ka shfrytëzuar epërsinë numerike dhe e ka barazuar rezultatin në minutën e nëntëdhjetë me golin e Herman Haugen, duke siguruar pikën e parë në fazën e ligës.

    REZULTATET E NDESHJEVE TË SONTME:

     

    Burimi: RTKLive

  • Nesër mblidhet Qeveria, ky është rendi i ditës

    Nesër mblidhet Qeveria, ky është rendi i ditës

    Nesër mblidhet Qeveria, ky është rendi i ditës

    Qeveria e Republikës së Kosovës do të mbajë nesër mbledhje. Sipas rendit të ditës, në këtë mbledhje janë paraparë për shqyrtim dhjetë pika, të cilat përfshijnë projektligje, propozim-vendime dhe kërkesa të ndryshme të institucioneve publike.

    Ndër çështjet që do të shqyrtohen janë Projektligji për Agjencinë e Menaxhimit të Emergjencave, Projektligji për Inspektoratin Qendror të Bujqësisë, Sigurisë Ushqimore, Veterinës dhe Pylltarisë, si dhe Drafti i Programit për Vlerësimin Ex-Post të Akteve Juridike për vitet 2026–2028.

    Po ashtu, ministrat do të shqyrtojnë ndryshimet në vendimin për zbatimin e sanksioneve ndërkombëtare, si dhe propozim-vendimet për autorizimin e nënshkrimit të marrëveshjeve për sigurime sociale me Austrinë dhe Turqinë.

    Screenshot

    Sinjali – aty ku e vërteta flet para lajmit!

    /GazetaSinjali/

    The post Nesër mblidhet Qeveria, ky është rendi i ditës appeared first on Sinjali.

    Burimi: Sinjali

  • Barça me 4 golësh e shkatërron Galatën

    Barça me 4 golësh e shkatërron Galatën

    Barça me 4 golësh e shkatërron Galatën

    Galatasaray u mposht në shtëpi 4-1 nga Barcelona në rrethin e dytë të Ligës së Kampionëve.

    Në pjesën e parë, vendësit ishin shumë më të rrezikshëm se spanjollët, duke kaluar të parët në avantazh për 1-0. Madje shënuan edhe për 2-0, por ky gol u anulua për pozitë jashtë loje.

    Por, për të paralajmëruar vendësit se me kë janë duke luajtur, u përkujdes Cancelo, i cili barazoi në 1-1 pak pa përfunduar pjesa e parë.

    E pjesa e dytë ishte “këngë tjetër”.

    Barça u sul në sulm, duke shënuar edhe 3 herë tjera për rezultatin përfundimtar 4-1.

    Ndeshjet e dyta të Fazës së Ligës të më të mirëve të Evropës luhen javën e ardhshme. /Klankosova.tv

  • Vikingu befason Bayernin, barazon në minutat e fundit

    Vikingu befason Bayernin, barazon në minutat e fundit

    Vikingu befason Bayernin, barazon në minutat e fundit

    Skuadra nga Norvegjia, Viking ka befasuar duke ndalur me barazim gjigantin e njohur gjerman e evropian, Bayern Munich.

    Në kuadër të xhiros së dytë të Ligës së Kampionëve, kjo ndeshje ka përfunduar me rezultat të barabartë 3:3.

    Ka qenë skuadra norvegjeze ajo që ka udhëhequr me rezultat 2:0, me golat e shënuar nga Stensness G në minutën e dytë dhe Christiansen në minutën e 38-të.

    Pjesa e parë ka përfunduar me epërsinë e dyfishtë të norvegjezëve, por pjesa e dytë ka bërë që bavarezët të shfaqen komplet ndryshe.

    Dy gola nga anglezi Harry Kane në minutat 54 dhe 60 ka barazuar shifrat, derisa për epërsinë e Bayernit është kujdesur kolumbiani Luis Diaz, duke shënuar për 2:3.

    Por, Vikingu nuk është dorëzuar, duke arritur që në minutën e 90-të të barazojë përmes Haugen.

    Me këtë rezultat, Bayerni pozicionet në vendin e katërt me katër pikë, kurse për Vikingun kjo është pika e parë e fituar në Ligën e Kampionëve. /Klankosova.tv

  • Për deputetët e LVV-së, në Kosovë do të organizohen Lojërat Olimpike

    Për deputetët e LVV-së, në Kosovë do të organizohen Lojërat Olimpike

    Për deputetët e LVV-së, në Kosovë do të organizohen Lojërat Olimpike

    Komisioni për Kulturë, Turizëm, Sport dhe Rini është mbledhur të martën ku, anëtarët shqyrtuan Projektligjin për ndryshimin dhe plotësimin e Ligjit për ndarjet buxhetore të Buxhetit të Kosovës për vitin 2026, për fushat të cilat bien në fushëveprimtarinë e Komisionit.

    Pas shqyrtimit dhe diskutimeve, Komisioni e përkrahu unanimisht Projektligjin, duke vlerësuar rëndësinë e tij në kuadër të ndarjeve buxhetore për vitin 2026.

    Si pjesë e debatit ishin edhe punimet rreth organizimit të Lojërave Mesdhetare “Prishtina 2030”, raporton Klankosova.tv.

    Por, për dy prej anëtarëve të LVV-së, në Kosovë do të organizohen “Lojërat Olimpike”.

    “Kisha propozu me shku te stadiumi i Gjilanit, masi veç kanë filluar punimet, sa e di unë. Me sa e di unë, tani është problemi te dinamika e punimeve, ka stagnuar muajt e fundit. Ndoshta është mirë me bisedu edhe me ministrin, pasi jemi edhe afër Lojërave Olimpike, edhe me pa ku janë problemet”, tha deputetja e LVV-së, Adriana Matoshi.

    Të njëjtën huqje e bën edhe kolegu i saj partiak, profesori universitar, trajner futbolli, Bylbyl Sokoli.

    “Të na informojnë në lidhje me arritjet deri ku kanë mbërri rreth Lojërave Olimpike”, u shpreh deputeti Sokoli.

    Kujtojmë se Kosova e ka fituar të drejtën për organizimin e Lojërave Mesdhetare “Prishtina 2030”. /Klankosova.tv

  • Arsenal i jep leksion Lille-it

    Arsenal i jep leksion Lille-it

    Arsenal i jep leksion Lille-it

    Arsenal i ka dhënë leksion skuadrës franceze Lille.

    “Topçinjtë” triumfuan me rezultat 3:0, në Champions League.

    Golat për skuadrën e Mikel Artetas i realizuan Timber në minutin e 64-të, Eze në të 67-tën dhe Saka në minutin e 71-të.

    Fitorja në “Emirates” ishte e 14-ta në fazën e ligës, transmeton Klankosova.tv.