Category: Lajme

  • “Vonesa në mbërritjen e ndihmës mjekësore”, detaje të reja nga ekzekutimi i dështuar në SHBA

    “Vonesa në mbërritjen e ndihmës mjekësore”, detaje të reja nga ekzekutimi i dështuar në SHBA

    “Vonesa në mbërritjen e ndihmës mjekësore”, detaje të reja nga ekzekutimi i dështuar në SHBA

    Regjistrimet e telefonatave emergjente pas ekzekutimit të dështuar të Christa Pike, 50-vjeçares së dënuar me vdekje në Tenesi të SHBA-së, kanë zbuluar konfuzionin mes shërbimeve të emergjencës dhe autoriteteve të burgut, duke vonuar ndërhyrjen mjekësore pasi gruaja mbijetoi edhe pas administrimit të dy dozave të substancës vdekjeprurëse.

    Sipas regjistrimeve të siguruara nga Associated Press, telefonata e parë në numrin 911 u bë më 30 shtator, në orën 20:40, më shumë se një orë pas nisjes së procedurës së ekzekutimit me injeksion vdekjeprurës. Megjithatë, për shkak se telefonuesi nuk arriti të jepte kodin e kërkuar të verifikimit, autoritetet dyshuan se bëhej fjalë për një telefonatë të rreme.

    Në orën 21:03, sipas Departamentit të Komunikimeve të Emergjencave, telefonata ishte konsideruar e rreme dhe se nuk kërkohej ndihmë mjekësore në burgun Riverbend.

    Vetëm në orën 21:11, autoritetet e burgut konfirmuan se incidenti ishte i vërtetë dhe lejuan ekipet e shpëtimit të hynin në kompleksin e sigurisë së lartë. Një ambulancë dhe automjete zjarrfikëse mbërritën në ndërtesën ku ndodhej Pike rreth orës 21:14.

    Christa Pike ishte dënuar me vdekje për vrasjen në vitin 1995 të shoqes së saj të klasës, Colleen Schlemmer. Në kohën e krimit, ajo ishte vetëm 18 vjeçe.

    Protokolli i ekzekutimit në Tenesi parashikon administrimin e një doze të dytë pentobarbitali në rast se doza e parë nuk shkakton vdekjen e të dënuarit. Megjithatë, rregullat nuk përcaktojnë qartë procedurën që duhet ndjekur në rast se personi mbijeton edhe pas dozës së dytë.

    Sipas informacionit të bërë publik, Pike humbi ndjenjat dhe nuk po merrte frymë normalisht pas injeksioneve. Gjendja e saj shëndetësore ishte aq e rëndë, sa avokatët kishin shprehur shqetësimin se ajo mund të mos mbijetonte. Megjithatë, 50-vjeçarja rifitoi vetëdijen, nisi të fliste me vështirësi dhe arriti të ecte me ndihmë. Më pas, ajo u lirua nga spitali dhe u kthye në burgun e grave, ku kishte vuajtur dënimin për rreth 30 vjet, transmeton Klankosova.tv.

    Publikimi i regjistrimeve të telefonatave ka shtuar pikëpyetjet mbi mënyrën se si u menaxhua situata dhe mbi përgjegjësinë e autoriteteve për vonesën në ofrimin e ndihmës mjekësore.

  • Incident në sheshin e Gjilanit – 26-vjeçari dyshohet se kërcënoi policët dhe i lëndoi gjatë arrestimit

    Incident në sheshin e Gjilanit – 26-vjeçari dyshohet se kërcënoi policët dhe i lëndoi gjatë arrestimit

    Incident në sheshin e Gjilanit – 26-vjeçari dyshohet se kërcënoi policët dhe i lëndoi gjatë arrestimit

    Një incident është regjistruar mbrëmjen e 12 tetorit në sheshin e qytetit në Gjilan, ku dy zyrtarë policorë janë lënduar gjatë arrestimit të një personi të dyshuar.

    Burimet e Sinjalit bëjnë me dije se rreth orës 22:10, derisa policët ishin në detyrë afër kafiterisë “NOYERA”, janë ndalur nga Lirim Pireva, i cili dyshohet se për arsye banale iu është drejtuar atyre me fjalë kërcënuese.

    Policët kanë ndërhyrë dhe e kanë prangosur të dyshuarin, duke e shoqëruar drejt stacionit policor.

    Gjatë shoqërimit, në rrugën “Akile Imami”, Pireva dyshohet se e ka goditur nga prapa me këmbë njërin prej zyrtarëve policorë, duke bërë që ai të rrëzohet dhe të pësojë lëndime në shpinë dhe dorë.

    Edhe zyrtari tjetër policor dyshohet se ka pësuar lëndim në dorë gjatë arrestimit.

    Njëri prej policëve ka pranuar trajtim mjekësor.

    Pas konsultimit me Prokurorin e Shtetit, rasti është iniciuar si “Pengim i personit zyrtar në kryerje të detyrës zyrtare”, ndërsa i dyshuari është ndaluar për 48 orë.

    Rasti mbetet nën hetime.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post Incident në sheshin e Gjilanit – 26-vjeçari dyshohet se kërcënoi policët dhe i lëndoi gjatë arrestimit appeared first on Sinjali.

    Burimi: Sinjali

  • Defekt në ujësjellës, Prishtina mbetet pjesërisht pa ujë

    Defekt në ujësjellës, Prishtina mbetet pjesërisht pa ujë

    Sipas njoftimit të kompanisë, defekti ka ndodhur në një gyp me diametër 350 milimetra, si pasojë e të cilit një pjesë e madhe e qytetit të Prishtinës do të mbetet pa furnizim me ujë deri në sanimin e problemit.

    Ekipet teknike do të dalin në terren për të ndërhyrë dhe për të riparuar defektin.

    KRU “Prishtina” ka falënderuar qytetarët për mirëkuptimin, ndërsa furnizimi me ujë pritet të rikthehet pas përfundimit të punimeve.

    Burimi: RTKLive

  • Shqipëria pritet të mbyllë Kapitullin 20 të negociatave me BE-në

    Shqipëria pritet të mbyllë Kapitullin 20 të negociatave me BE-në

    Në këtë konferencë do të marrë pjesë kryeministri i Shqipërisë, Edi Rama, i cili përmes një postimi në rrjetet sociale ka njoftuar për këtë zhvillim.

    “Mirëmëngjes … dhe me lajmin se sot në Luksemburg, Shqipëria hedh një tjetër hap drejt Bashkimit Europian, duke mbyllur Kapitullin 20 në Konferencën e 10-të të negociatave të Anëtarësimit në BE, ju uroj një ditë të mbarë”, ka shkruar Rama.

     

    Burimi: RTKLive

  • Të shtëna me armë në aheng familjar në Ferizaj – sekuestrohet pistoleta “Zoraki” dhe gëzhojat

    Të shtëna me armë në aheng familjar në Ferizaj – sekuestrohet pistoleta “Zoraki” dhe gëzhojat

    Të shtëna me armë në aheng familjar në Ferizaj – sekuestrohet pistoleta “Zoraki” dhe gëzhojat

    Një rast me të shtëna me armë është raportuar mbrëmjen e 12 tetorit në fshatin Surqinë të Ferizajt, ku dyshohet se gjatë një ahengu familjar është përdorur armë zjarri.

    Burimet e Sinjalit bëjnë me dije se rreth orës 18:30, Policia është njoftuar për të shtëna në rrugën “Ramadan Breznica”.

    Në rast është përfshirë Njësiti i Hetimeve, i cili ka siguruar prova relevante nga vendi i ngjarjes dhe ka identifikuar personin që dyshohet se kishte shtënë me armë.

    I dyshuari është Erion Breznica, ndërsa nga ai është sekuestruar përkohësisht një pistoletë ZORAKI 917-T, së bashku me karikatorin dhe dy gëzhoja të kalibrit 9 mm.

    Sipas informatave fillestare, kjo është arma me të cilën dyshohet se është kryer vepra.

    Pas konsultimit me Prokurorin e Shtetit, rasti është iniciuar për “Mbajtje në pronësi, kontroll ose posedim të paautorizuar të armëve” dhe “Përdorim të armës apo mjetit të rrezikshëm”.

    I dyshuari është liruar në procedurë të rregullt, ndërsa rasti mbetet nën hetime.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post Të shtëna me armë në aheng familjar në Ferizaj – sekuestrohet pistoleta “Zoraki” dhe gëzhojat appeared first on Sinjali.

    Burimi: Sinjali

  • Shkoi në Polici për problem me qiradhënësin – përfundon duke sulmuar dy zyrtarë policorë

    Shkoi në Polici për problem me qiradhënësin – përfundon duke sulmuar dy zyrtarë policorë

    Shkoi në Polici për problem me qiradhënësin – përfundon duke sulmuar dy zyrtarë policorë

    Një incident është regjistruar më 12 tetor në Prishtinë, ku një i ri që ishte paraqitur në stacion policor për një problem me qiradhënësin, dyshohet se ka sulmuar dy zyrtarë policorë.

    Burimet e Sinjalit bëjnë me dije se rreth orës 13:00, Ermal Demeahmeti është paraqitur në Stacionin Policor Jugu, ku gjatë qëndrimit ka shfaqur sjellje agresive dhe nuk ka përfillur urdhrat verbalë të policëve.

    Sipas informatave fillestare, zyrtarët kanë ndërhyrë për ta qetësuar situatën, por i dyshuari dyshohet se ka shtyrë me duar njërin polic dhe ka sulmuar tjetrin në fytyrë.

    Pas incidentit, ai është dërguar për trajtim në Forenzikën Psikiatrike në QKUK.

    Rasti është marrë nga njësitë e hetimeve rajonale, ndërsa pas konsultimit me Prokurorin e Shtetit është iniciuar si “Sulm ndaj personit zyrtar”.

    Për shkak të gjendjes së tij në atë moment, i dyshuari nuk është intervistuar menjëherë dhe mbetet të merret në pyetje në vazhdim.

    Ai është liruar në procedurë të rregullt, ndërsa rasti mbetet nën hetime.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post Shkoi në Polici për problem me qiradhënësin – përfundon duke sulmuar dy zyrtarë policorë appeared first on Sinjali.

    Burimi: Sinjali

  • Osmani: Rrugëtimi i Kosovës drejt NATO-s është zgjedhje strategjike

    Osmani: Rrugëtimi i Kosovës drejt NATO-s është zgjedhje strategjike

    Osmani: Rrugëtimi i Kosovës drejt NATO-s është zgjedhje strategjike

    Deputetja e LDK-së, Vjosa Osmani, ka theksuar rëndësinë e anëtarësimit të Kosovës në NATO, duke e cilësuar këtë rrugëtim si një zgjedhje strategjike të bazuar në vlerat e sigurisë, demokracisë dhe aleancës euroatlantike.

    Përmes një postimi në Facebook, Osmani ka rikujtuar edhe njëvjetorin e pranimit të Çmimit për Gratë, Paqen dhe Sigurinë, të ndarë nga Asambleja Parlamentare e NATO-s dhe Zyra e Sekretarit të Përgjithshëm të NATO-s, transmeton Klankosova.tv.

    Ajo ka bërë të ditur se ky çmim ishte hera e parë në histori që i ndahej një përfaqësueseje nga Kosova.

    “Kosova e di çmimin e lirisë dhe e njeh vlerën e paqes”, ka shkruar Osmani, duke nënvizuar se synimi për anëtarësim në NATO nuk është thjesht aspiratë politike, por një zgjedhje strategjike e popullit të Kosovës.

    Sipas saj, ky vlerësim përfaqëson një mirënjohje për Kosovën, për përkushtimin e saj ndaj paqes dhe sigurisë, si dhe për kontributin e grave dhe vajzave në vend, si gjatë luftës, ashtu edhe në kohë paqeje.

    Osmani ka vlerësuar rolin e grave dhe vajzave në ndërtimin e paqes dhe forcimin e sigurisë, duke theksuar rëndësinë e kontributit të tyre në rrugëtimin e Kosovës.

  • Shpërthim me tritol në Tiranë, shënjestrohet makina e avokatit shqiptar

    Shpërthim me tritol në Tiranë, shënjestrohet makina e avokatit shqiptar

    Shpërthim me tritol në Tiranë, shënjestrohet makina e avokatit shqiptar

    Një shpërthim me lëndë plasëse është regjistruar në rrugën “Myslym Shyri” në Tiranë, ku objekt i sulmit ka qenë automjeti në pronësi të avokatit Idajet Beqiri.

    Sipas Top Channel, automjetit dyshohet se i është vendosur tritol, ndërsa rrethanat dhe shkaqet e ngjarjes mbeten ende të paqarta.

    Mësohet se avokati Idajet Beqiri ndodhet jashtë vendit .

    Nuk ka ende informacion të plotë mbi dëmet e shkaktuara apo mbi autorët e mundshëm të kësaj ngjarjeje.

  • Në BE, por nën mbikëqyrje: Rregullat e reja për anëtarët e ardhshëm

    Në BE, por nën mbikëqyrje: Rregullat e reja për anëtarët e ardhshëm

    Bashkimi Evropian synon që vendet që do të anëtarësohen në të ardhmen, të mbeten nën mbikëqyrje të shtuar për sundimin e ligjit deri në 15 vjet pas anëtarësimit.

    Ky është thelbi i strategjisë së Komisionit Evropian për zgjerimin, e cila u prezantua më 6 tetor.

    Qëllimi është që blloku të mos ketë më një tjetër Viktor Orban, apo, siç u shpreh më herët komisionarja për Zgjerim e BE-së, Marta Kos, të mos pranojë “kuaj troje” që do të aktivizoheshin pas anëtarësimit në BE.

    Ish-kryeministri hungarez, Orban, i cili qëndroi në pushtet për 16 vjet, e përdori shpesh të drejtën e vetos për të bllokuar ose vështirësuar vendimmarrjen e BE-së në politikën e jashtme – nga sanksionet kundër Rusisë deri te ndihma financiare për Ukrainën.

    Por, problemet nisën brenda vetë Hungarisë, me sundimin e ligjit.

    Pasi mori pushtetin më 2010, ai miratoi një kushtetutë të re, vuri nën kontroll Gjykatën Kushtetuese dhe largoi qindra gjyqtarë përmes pensionimit të detyrueshëm.

    Ai mori kontrollin edhe mbi shumicën e mediave dhe ndryshoi sistemin zgjedhor – veprime që çuan në nisjen e procedurës kundër Hungarisë sipas nenit 7 të Traktatit të BE-së dhe në ngrirjen e miliarda eurove nga fondet evropiane.

    Rregullat e reja që propozon Komisioni Evropian, synojnë të mundësojnë që një shtet anëtar që shënon regres në sundimin e ligjit, të ndëshkohet më shpejt dhe më lehtë sesa ishte e mundur në rastin e Hungarisë.

    Megjithatë, pyetja kryesore është nëse kjo mund të funksionojë.

    “Parandalimi i regresit në sundimin e ligjit në shtetet anëtare është jashtëzakonisht i vështirë, siç e kemi parë jo vetëm në Hungari, por edhe në Poloni”, thotë për Radion Evropa e Lirë Stephen Blockmans, zëvendësdrejtor i Qendrës Ndërkombëtare për Mbrojtje dhe Siguri.

    Në Poloni, Qeveria e mëparshme e Partisë Ligj dhe Drejtësi mori kontrollin mbi Gjykatën Kushtetuese dhe organin përgjegjës për emërimin e gjyqtarëve, si dhe vendosi masa disiplinore ndaj gjyqtarëve.

    Për këtë arsye, Komisioni Evropian aktivizoi për herë të parë procedurën sipas nenit 7 në vitin 2017, ndërsa Gjykata e Drejtësisë e BE-së e gjobiti Varshavën me një milion euro në ditë në vitin 2021.

    Në Sllovaki, Qeveria e Robert Ficos, që nga viti 2023, shfuqizoi Prokurorinë Speciale për Korrupsion, zbuti dënimet për krimet ekonomike dhe vuri transmetuesin publik nën kontroll politik, duke nxitur paralajmërime nga Brukseli dhe Parlamenti Evropian.

    Si synohet të anashkalohet neni 7?

    Risia në propozimin e Komisionit qëndron te mënyra e votimit, dhe pikërisht këtu është dallimi mes vendeve anëtare aktuale dhe atyre të ardhshme.

    Në vend të unanimitetit, të drejtat e një vendi të ri anëtar që shënon regres, përfshirë të drejtën e votës, mund të pezullohen me shumicë të kualifikuar.

    Blockmans kujton se kërkesa për unanimitet, e paraparë në nenin 7, i ka mbrojtur për vite me radhë vendet që kanë shkelur rregullat.

    Sllovakia, “në bashkërendim me Hungarinë e Orbanit”, ka penguar në të kaluarën marrjen e vendimeve të tilla. “Ky sistem i ri synon ta zhbllokojë këtë pengesë procedurale përmes vendosjes së votimit me shumicë të kualifikuar”, thotë Blockmans.

    Gjatë 15 vjetëve të parë pas anëtarësimit, klauzola mbrojtëse do ta lehtësonte marrjen e masave ndaj një shteti që shënon regres, kryesisht përmes kushtëzimit financiar, përkatësisht pezullimit të fondeve nga buxheti i Bashkimit Evropian.

    “Kjo është risia që propozon Komisioni”, thotë Blockmans.

    Në praktikë, fondet evropiane, të cilat për ekonomitë e Ballkanit përbëjnë një burim kyç investimesh, do të shndërroheshin në instrumentin kryesor për ruajtjen e pavarësisë së gjykatave dhe mediave edhe pas anëtarësimit në BE.

    E njëjta logjikë parashihet të zbatohet edhe para anëtarësimit.

    Në dokumentin e punës që shoqëron strategjinë, Komisioni Evropian thekson se instrumenti i ri do t’i kushtëzonte pagesat për vendet kandidate me përmbushjen e detyrimeve të përcaktuara në planet e tyre të reformave.

    Kjo do t’i mundësonte BE-së të reagonte më shpejt nëse një vend “shënon regres në reformat demokratike”.

    Klauzola mbrojtëse nuk do të aktivizohej nëse vendi i ri anëtar nuk shënon regres në fushën e sundimit të ligjit dhe demokracisë gjatë kësaj periudhe.

    Komisionarja Kos theksoi në disa raste se mekanizmat mbrojtës nuk do të kenë ndikim te vendet që respektojnë rregullat dhe vlerat e Bashkimit Evropian.

    Mekanizëm me afat të kufizuar

    Blockmans nuk beson se kjo është zgjidhja përfundimtare, pasi edhe ky sistem bart rreziqe.

    Sipas tij, pas përfundimit të periudhës provuese prej 15 vjetësh, “ende ekziston mundësia që të ketë regres”.

    Përvoja me Hungarinë dhe Poloninë tregon se kjo periudhë kohore nuk është përcaktuar rastësisht.

    Të dyja vendet u anëtarësuan në BE në vitin 2004.

    Orban fitoi shumicën prej dy të tretash në Parlament gjashtë vjet më vonë, ndërsa Partia Ligj dhe Drejtësi mori pushtetin në Poloni pas 11 vjetësh anëtarësim.

    Të dyja krizat do të kishin nisur brenda periudhës provuese.

    Megjithatë, sistemi i Orbanit vazhdoi të funksiononte edhe shumë kohë pas përfundimit të saj, ndërsa BE-ja, edhe dy dekada pas anëtarësimit të Hungarisë, nuk arriti të gjente një përgjigje efektive.

    Shembulli i Sllovakisë tregon anën tjetër të këtij kufizimi kohor.

    Edhe Sllovakia është anëtare e BE-së që nga viti 2004, prandaj masat e ndërmarra nga Fico, pothuajse dy dekada pas anëtarësimit, do të mbeteshin jashtë fushëveprimit të klauzolës 15-vjeçare.

    Mbikëqyrja afatgjate nuk është risi në vetvete.

    Bullgaria dhe Rumania, pas anëtarësimit në vitin 2007, iu nënshtruan një Mekanizmi të posaçëm të Bashkëpunimit dhe Verifikimit në fushën e drejtësisë dhe luftës kundër korrupsionit, i cili përfundoi në vitin 2023.

    Kjo mbikëqyrje zgjati 16 vjet, por nuk parashihte sanksione.

    Klauzola e re do të dallonte pikërisht për faktin se mbikëqyrjen do ta lidhte me financimin dhe, në rastin më ekstrem, me të drejtën e votës.

    Status i ndryshëm për anëtarët aktualë dhe ata të ardhshëm

    Ekziston edhe një problem tjetër, që krijon dallime mes vendeve anëtare.

    Klauzola mbrojtëse do të zbatohej vetëm për anëtarët e rinj, ndërsa vendet që tashmë janë pjesë e BE-së do të vazhdonin të mbroheshin nga kërkesa për unanimitet, e paraparë në nenin 7.

    Corina Stratulat, analiste në Qendrën për Politika Evropiane (EPC) në Bruksel, paralajmëron se masat mbrojtëse ndihmojnë në menaxhimin e rreziqeve të zgjerimit, por nuk e bëjnë domosdoshmërisht Bashkimin Evropian të gatshëm për zgjerim.

    “Masat mbrojtëse procedurale nuk e zgjidhin mospërputhjen më të gjerë. Detyrimet për të cilat bëhet fjalë, janë të përbashkëta për të gjitha vendet anëtare. Megjithatë, mundësia për të siguruar zbatimin e tyre do të ndryshonte, varësisht nga koha kur një vend është anëtarësuar. Në rast të një shkeljeje serioze nga një anëtar i ri, do të mund të zbatohej një mekanizëm i krijuar për të kapërcyer pengesat politike. Ndërkohë, anëtarët ekzistues do të vazhdonin t’u nënshtroheshin instrumenteve të zakonshme të BE-së”, thotë Stratulat.

    “Ky dallim ka rëndësi për vetë legjitimitetin e procesit të zgjerimit”, vlerëson ajo.

    Ballkani Perëndimor si testi i parë

    Vendi i parë ku do të zbatohen rregullat e reja pothuajse me siguri, do të jetë nga Ballkani Perëndimor.

    Për rajonin, ku raportet e Komisionit Evropian konstatojnë vit pas viti përparim të pamjaftueshëm në sundimin e ligjit dhe presione ndaj gjyqësorit dhe mediave, klauzola 15-vjeçare është njëkohësisht mekanizëm sigurie dhe pasqyrë e gjendjes.

    Në fakt, mbikëqyrja tashmë ka filluar.

    Raporti vjetor i Komisionit Evropian për sundimin e ligjit, i cili më parë përfshinte vetëm vendet anëtare të BE-së, tani mbulon edhe katër vende të Ballkanit Perëndimor: Shqipërinë, Malin e Zi, Maqedoninë e Veriut dhe Serbinë.

    Klauzola 15-vjeçare do ta lidhte këtë mbikëqyrje me pasoja konkrete.

    Mali i Zi ka përparuar më së shumti në procesin e integrimit dhe synon të bëhet anëtari i 28-të i BE-së në vitin 2028.

    Komisionarja Kos paralajmëroi se traktati i anëtarësimit të Malit të Zi do të jetë i pari që do të përfshijë mekanizmat e rinj mbrojtës.

    Nëse ky synim realizohet, Mali i Zi do t’i nënshtrohej mbikëqyrjes së shtuar në fushën e sundimit të ligjit deri në vitin 2043.

    Një precedent i tillë ekziston, por në një formë shumë më të butë.

    Kroacia u anëtarësua në BE në vitin 2013 me një klauzolë të posaçme mbrojtëse për drejtësinë dhe punët e brendshme, si dhe me mbikëqyrje nga Komisioni Evropian.

    Megjithatë, kjo klauzolë mund të aktivizohej vetëm gjatë tre vjetëve të parë pas anëtarësimit.

    Klauzolat mbrojtëse si mjet për të bindur votuesit në BE

    Traktatet e anëtarësimit duhet të ratifikohen nga parlamentet e të gjitha vendeve anëtare, ndërsa në Francë, me gjasë, edhe përmes referendumit.

    Publiku më i rëndësishëm të cilit i drejtohet strategjia e re e Komisionit Evropian, nuk janë vendet kandidate, por votuesit në shtetet që tashmë janë anëtare të BE-së.

    Sipas Eurobarometrit më të fundit, të pranverës së vitit 2026, zgjerimin e mbështesin 53 për qind e qytetarëve të BE-së.

    Megjithatë, në Francë, 54 për qind janë kundër zgjerimit, ndërsa vetëm 35 për qind e mbështesin atë.

    Në një sondazh tjetër për zgjerimin, të realizuar në vitin 2025, pjesa më e madhe e të anketuarve, 44 për qind, u përgjigjën se për suksesin e zgjerimit është e nevojshme të sigurohet që vendet e reja anëtare të respektojnë sundimin e ligjit dhe të luftojnë korrupsionin.

    Blockmans i sheh klauzolat mbrojtëse si një mënyrë për t’ua lehtësuar vendeve anëtare të BE-së pranimin e zgjerimit.

    Siç thotë ai, me anëtarët e rinj, vendet ekzistuese ndajnë “paratë dhe pushtetin”.

    Klauzolat synojnë të zbusin shqetësimet që mund të shndërrohen në vota kundër, kur traktatet e anëtarësimit të kalojnë për ratifikim në parlamente ose në referendume.

    “Është e dobishme kur propozohen klauzola mbrojtëse që i bëjnë më të rrepta detyrimet e vendeve që anëtarësohen, si dhe mënyrën se si do të sigurohet zbatimi i tyre”, thotë Blockmans.

    “Kjo ndihmon për t’i bindur votuesit se anëtarët e rinj nuk do ta pengojnë funksionimin e Bashkimit Evropian, siç e kemi parë të ndodhë me Hungarinë e Orbanit”, përfundon ai./RadioEvropaeLirë

    Burimi: Dukagjini

  • Ekskluzive | Policia ndal BMW-në te Rrethi i Viktorisë – shoferit i gjenden mbi 4.6 gramë drogë dhe cigare me marihuanë

    Ekskluzive | Policia ndal BMW-në te Rrethi i Viktorisë – shoferit i gjenden mbi 4.6 gramë drogë dhe cigare me marihuanë

    Ekskluzive | Policia ndal BMW-në te Rrethi i Viktorisë – shoferit i gjenden mbi 4.6 gramë drogë dhe cigare me marihuanë

    Një rast i posedimit të paautorizuar të narkotikëve është zbuluar më 12 tetor në Prishtinë, pasi Policia ka ndaluar një veturë BMW te Rrethi i Viktorisë.

    Burimet e Sinjalit bëjnë me dije se rreth orës 16:40, gjatë kontrollit të shoferit, Alban Ajeti, është gjetur një sasi e dyshuar narkotike.

    Ndërkohë, në ulësen e shoferit është gjetur edhe një cigare e dyshuar me marihuanë.

    Substanca e sekuestruar është peshuar dhe ka rezultuar në 4.61 gramë.

    I dyshuari është shoqëruar në stacion policor për intervistim.

    Pas konsultimit me Prokurorin e Shtetit, rasti është iniciuar për “Posedim të paautorizuar të narkotikëve, substancave psikotrope apo analoge”, ndërsa Ajeti është liruar në procedurë të rregullt.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post Ekskluzive | Policia ndal BMW-në te Rrethi i Viktorisë – shoferit i gjenden mbi 4.6 gramë drogë dhe cigare me marihuanë appeared first on Sinjali.

    Burimi: Sinjali