Category: Lajme

  • Çitaku: Marta Kos të shqetësohet për drejtësinë në Hagë, jo për ligjet e Kuvendit

    Çitaku: Marta Kos të shqetësohet për drejtësinë në Hagë, jo për ligjet e Kuvendit

    Deputetja e Partisë Demokratike të Kosovës (PDK), Vlora Çitaku, ka reaguar ndaj qëndrimeve të komisioneres evropiane për Zgjerim, Marta Kos, lidhur me ndryshimet ligjore për Dhomat e Specializuara në Hagë.

    Çitaku ka thënë se Kos duhet të shqetësohet për drejtësinë e procesit gjyqësor në Hagë, e jo për ligjet që miraton Kuvendi i Kosovës, si përfaqësues i qytetarëve.

    Sipas saj, synimi i ndryshimeve ligjore nuk është shmangia nga drejtësia, por garantimi i një gjykimi të drejtë dhe respektimi i të drejtave themelore të njeriut.

    “Komisionerja Evropiane për Zgjerim, Marta Kos, duhet të shqetësohet për drejtësinë e procesit në Dhomat e Specializuara në Hagë, jo për ligjet që i miratojnë deputetët e Kuvendit të Kosovës si përfaqësues të popullit.

    Askush nuk dëshiron t’i shmanget drejtësisë. Përkundrazi, duam që procesi të kthehet në binarë të drejtë, të garantohet një gjykim i drejtë dhe të respektohen të drejtat themelore të njeriut.

    Gjykatën Speciale e kemi themeluar për ta hequr një njollë të zezë nga historia jonë, atë të pretendimeve për trafikim të organeve që burojnë nga raporti i Dick Marty-t, e jo për t’ia sjellë Kosovës një njollë të re, atë të ndërmarrjes së përbashkët kriminale, duke vënë në pikëpyetje karakterin çlirimtar të luftës sonë.

    Kosova nuk po shkel asnjë nga detyrimet që ka marrë përsipër në raport me Bashkimin Evropian. Gjykata Speciale nuk do të mbyllet. Ajo do të vazhdojë të ekzistojë dhe të ushtrojë mandatin e saj. Debati për ndryshimet ligjore nuk nënkupton shmangie nga drejtësia, por synon që procesi të zhvillohet në përputhje me parimet e drejtësisë dhe të drejtat themelore të njeriut.

    Shkeljet e të drejtave të njeriut në këtë proces janë dokumentuar edhe nga The Bar Human Rights Committee of England and Wales (BHRC). Këto shqetësime meritojnë vëmendje serioze dhe trajtim të drejtë.

    Vetë Dhoma e Specializuar e Gjykatës Kushtetuese, në vendimin KSC-CC-2022, paragrafin 83, ka trajtuar të drejtën e Kuvendit të Kosovës për të kufizuar juridiksionin e Dhomave të
    Specializuara përmes ligjit.

    Po ashtu, Presidentja e Komisionit Evropian, Ursula von der Leyen, ka deklaruar se Kosovës i takon të vendosë për ndryshimet ligjore. Për këtë arsye, qëndrimi i komisioneres Marta Kos ngre pikëpyetje për koherencën e qëndrimeve brenda vetë Komisionit Evropian.
    Kuvendi i Kosovës ka të drejtë dhe përgjegjësi ta ushtrojë mandatin e tij kushtetues e ligjor. Deputetët janë përfaqësues të popullit dhe kanë detyrim të veprojnë në mbrojtje të interesit të qytetarëve, të së vërtetës dhe të drejtësisë.

    NATO dhe Bashkimi Evropian kanë qenë aleatë të UÇK-së dhe të popullit të Kosovës në rrugëtimin tonë drejt lirisë. Këtë partneritet e vlerësojmë thellësisht dhe besojmë se dialogu, mirëkuptimi dhe respekti i ndërsjellë janë rruga përpara.

    Kuvendi i Kosovës i ka dyert e hapura. Jemi kurdo të gatshëm të ulemi, të bisedojmë dhe të eliminojmë çdo keqkuptim. Jam e bindur se, me mendje të hapur dhe qasje konstruktive, duke pasur si qëllim të përbashkët drejtësinë, do t’i tejkalojmë të gjitha keqkuptimet dhe në fund do të gjejmë pajtim.

    Ne nuk kërkojmë privilegj dhe as shmangie nga drejtësia. Kërkojmë drejtësi të vërtetë, respektim të të drejtave të njeriut dhe një proces që nuk e cenon të vërtetën historike të luftës sonë çlirimtare.

    Drejtësia dhe partneriteti me aleatët tanë nuk janë në kundërshtim me njëra-tjetrën. Përkundrazi, drejtësia është themeli mbi të cilin ndërtohet besimi”, ka shkruar Citaku.

    Burimi: Dukagjini

  • “Prova që trondit rastin Kuzhnini” – Avokati Berisha i kërkon Kryeprokurorit hetim urgjent: Fotografia ishte publikuar në Serbi vite më parë

    Avokati Besnik R. Berisha, mbrojtës i Gjon Kuzhninit, i është drejtuar publikisht Kryeprokurorit të Shtetit me kërkesë për veprim urgjent institucional lidhur me një fotografi të përdorur në dosjen penale të klientit të tij, për të cilën mbrojtja pretendon se është paraqitur në një kontekst të pavërtetë.

    Berisha thotë se çështja tejkalon një mospajtim të zakonshëm mes mbrojtjes dhe Prokurorisë, pasi sipas tij ngre pikëpyetje serioze për integritetin e provave, mënyrën e verifikimit të tyre dhe përgjegjësinë institucionale.

    “Kur drejtësia rrezikon të manipulohet me prova të rreme, heshtja nuk është më përmbajtje profesionale. Është rrezik për vetë drejtësinë.”

    Në qendër të reagimit është Halim Kerzi, për të cilin Berisha kërkon që institucionet të verifikojnë identitetin, statusin juridik dhe informacionet e publikuara lidhur me të, pa i trajtuar ato si të vërteta pa verifikim.

    Por elementi që mbrojtja e konsideron më shqetësues lidhet me një fotografi që Kerzi dyshohet se e ka dorëzuar në Prokurorinë Themelore në Prizren për të mbështetur pretendimin se ishte rrëmbyer në Kosovë.

    Sipas Berishës, mbrojtja ka identifikuar se e njëjta fotografi ishte publikuar vite më parë në mediat serbe, në kuadër të raportimeve për rrëmbimin dhe vrasjen e Goran Mihajloviqit dhe për krimet e lidhura me klanin e Veljko Belivukut.

    Berisha pretendon se fotografia figuron në publikime që nga 15 qershori 2022, pra vite përpara ngjarjes për të cilën është përdorur në rastin në Kosovë.

    “Nuk bëhet fjalë për një fotografi të ngjashme, por për të njëjtën fotografi”, ka deklaruar Berisha.

    Sipas tij, fotografia është dorëzuar personalisht nga Halim Kerzi në Prokurori me pretendimin se e kishte pranuar përmes Facebook-ut. Berisha shton se, sipas deklarimeve publike të Kerzit, i njëjti material i ishte dërguar edhe gjyqtares së çështjes në numrin e saj privat përmes WhatsApp-it.

    Avokati thekson se nuk pretendon se gjyqtarja është ndikuar apo ka vepruar në mënyrë të parregullt, por kërkon që të hetohet nëse dërgimi i një materiali të tillë jashtë kanaleve procedurale mund të ketë pasur për qëllim ndikimin në vendimmarrje.

    Çështja bëhet edhe më serioze, sipas mbrojtjes, për faktin se fotografia është përdorur nga Prokuroria në mbështetje të kërkesës për caktimin e paraburgimit ndaj Gjon Kuzhninit.

    “Një denoncues mund të tentojë ta mashtrojë drejtësinë. Detyra e Prokurorisë është ta zbulojë mashtrimin, jo t’i japë atij peshë provuese.”

    Berisha kërkon nga Kryeprokurori i Shtetit që të sigurohet një vlerësim i pavarur institucional për mënyrën se si fotografia është pranuar, administruar dhe përdorur në procedurë.

    Ai kërkon gjithashtu të hetohet nëse materiali është paraqitur me vetëdije në një kontekst të pavërtetë, të sqarohet statusi juridik i Kerzit dhe të përcaktohet çfarë peshe ka pasur fotografia në kërkesën për paraburgim.

    Berisha ngre edhe pyetjen se si një material, origjina e të cilit sipas tij mund të verifikohej përmes një kërkimi publik në internet, ka përfunduar në një dosje penale dhe është përdorur në një procedurë që lidhet drejtpërdrejt me privimin e një personi nga liria.

    Sipas tij, Gjykata Themelore në Prizren nuk kishte gjetur dyshim të bazuar për veprën e rrëmbimit, ndonëse kishte konstatuar dyshim për vepra të tjera, ndërsa pas ankesës së Prokurorisë, Gjykata e Apelit kishte caktuar paraburgimin.

    Berisha sqaron se nuk pretendon që fotografia të ketë qenë prova vendimtare për vendimin e Apelit, por kërkon të përcaktohet qartë roli që ajo ka pasur në argumentimin e Prokurorisë.

    “Nuk po ju kërkoj të besoni versionin e mbrojtjes pa verifikim. Po ju kërkoj të mos lejoni që ky zbulim të mbetet pa shqyrtim dhe, nëse konstatohen shkelje, pa përgjegjësi.”

    Në fund, Berisha thekson se çështja nuk lidhet vetëm me interesin e Gjon Kuzhninit, por me standardin që duhet të vlejë për çdo qytetar që përballet me mundësinë e privimit nga liria.

    “Drejtësia mund të mashtrohet nga një provë e rreme. Ajo që nuk mund t’i lejohet është ta pranojë si të vërtetë pa e verifikuar dhe ta lërë pa përgjigje kur origjina e saj zbulohet.”

    Sinjali – aty ku e vërteta flet para lajmit!

    /GazetaSinjali/

    The post “Prova që trondit rastin Kuzhnini” – Avokati Berisha i kërkon Kryeprokurorit hetim urgjent: Fotografia ishte publikuar në Serbi vite më parë appeared first on Sinjali.

    Burimi: Sinjali

  • Iu vodh në prill nga oborri i shtëpisë në Zhur, Policia e gjen pas gjashtë muajsh në Vushtrri

    Iu vodh në prill nga oborri i shtëpisë në Zhur, Policia e gjen pas gjashtë muajsh në Vushtrri

    Iu vodh në prill nga oborri i shtëpisë në Zhur, Policia e gjen pas gjashtë muajsh në Vushtrri

    Policia e Kosovës ka arritur ta gjejë dhe t’ia kthejë pronarit një automjet të vjedhur në fshatin Zhur të Prizrenit, pas rreth gjashtë muajsh hetime.

    Sipas njoftimit të Policisë, rasti ishte raportuar më 14 prill 2026, kur një qytetar nga Zhuri kishte njoftuar se automjeti i vëllait të tij, i tipit “Mitsubishi Transporter”, me ngjyrë të hirtë dhe targa vendore, ishte vjedhur nga oborri i shtëpisë.

    Pas hetimeve dhe patrullimeve në terren, më 10 tetor, një patrullë policore e Vushtrrisë e ka gjetur automjetin në një zonë të thellë malore të fshatit Oshlan.

    Gjatë gjetjes së tij është konstatuar se automjetit i ishin ndërruar edhe targat.

    Me urdhër të prokurorit të Shtetit, automjeti i është kthyer pronarit, ndërsa hetimet do të vazhdojnë për identifikimin e personave të përfshirë në vjedhje.

    Sinjali – aty ku e vërteta flet para lajmit!

    /GazetaSinjali/

    The post Iu vodh në prill nga oborri i shtëpisë në Zhur, Policia e gjen pas gjashtë muajsh në Vushtrri appeared first on Sinjali.

    Burimi: Sinjali

  • Galeria Kombëtare e Kosovës organizon diskutim mbi veprën e Xhevdet Xhafës

    Galeria Kombëtare e Kosovës organizon diskutim mbi veprën e Xhevdet Xhafës

    Diskutimi do të mbahet në orën 11:00 dhe synon të trajtojë raportin ndërmjet artit, kujtesës kolektive, identitetit dhe dinjitetit njerëzor, duke u mbështetur në gjuhën e veçantë vizuale dhe praktikën artistike të Xhevdet Xhafës.

    Sipas njoftimit të Ministrisë së Kulturës dhe Turizmit, vepra e artistit do të shqyrtohet edhe në kontekstin e përvojave historike dhe shoqërore, përfshirë zhvendosjet, ndërprerjet historike, mbijetesën dhe rindërtimin.

    Përmes materialit, gjestit, abstraksionit dhe kujtesës, krijimtaria e Xhafës ofron një këndvështrim mbi mënyrën se si përvoja e jetuar shndërrohet në një arkiv të gjallë të historisë dhe kulturës.

    Diskutimi synon ta trajtojë veprën e artistit përtej kufijve të pikturës, duke nxitur reflektim mbi mënyrën se si shoqëria e kujton të kaluarën, përballet me të tashmen dhe ndërton të ardhmen.

    Përmes këtij aktiviteti, Galeria Kombëtare e Kosovës hap një hapësirë për diskutim mbi rolin e artit në kuptimin e përvojës kolektive dhe në dokumentimin e aspekteve të historisë shoqërore që nuk pasqyrohen gjithmonë përmes rrëfimeve tradicionale historike.

    Burimi: RTKLive

  • Haaland pas fitores ndaj Liverpoolit:Treguam karakter të jashtëzakonshëm

    Haaland pas fitores ndaj Liverpoolit:Treguam karakter të jashtëzakonshëm

    Manchester City triumfoi 3-0 në udhëtim ndaj rivalit të madh në “Anfield”, në një ndeshje ku Haaland kontribuoi edhe me golin e parë të takimit.

    Sulmuesi norvegjez e cilësoi këtë sukses si një moment të veçantë për të gjithë ata që janë pjesë e klubit, duke vlerësuar karakterin dhe përkushtimin e skuadrës në një përballje të vështirë.

    “Për çdo person që është pjesë e Manchester Cityt, si dhe për secilin tifoz, ky është një moment i mrekullueshëm që do të na mbetet gjatë në kujtesë”, deklaroi Haaland.

    Ai pranoi se përballja në “Anfield” ishte e vështirë, por u shpreh krenar për mënyrën se si skuadra reagoi në fushë.

    “Ishte e vështirë, por treguam karakter të jashtëzakonshëm nga mbrojtja deri te sulmi. Jam shumë krenar për të gjithë”, shtoi norvegjezi.

    Haaland foli edhe për vështirësitë që sjellin ndeshjet në stadiumin e Liverpoolit, duke kujtuar se përballjet mes dy skuadrave kanë qenë gjithmonë të luftuara.

    Sipas tij, çelësi për të kaluar periudhat e vështira është ruajtja e qetësisë, unitetit dhe përqendrimit te loja.

    “Është gjithmonë e vështirë të luash këtu. Me Pepin dhe Kloppin në krye të skuadrave, këto përballje kanë qenë të vështira për të dyja palët. Është e rëndësishme të qëndrojmë të fortë mendërisht, të jemi të bashkuar dhe të përqendrohemi te gjërat që mund t’i kontrollojmë: të luajmë mirë dhe të luftojmë së bashku”, përfundoi Haaland.

    Burimi: RTKLive

  • Çitaku i reagon Kosit: Shqetësohu për drejtësinë në Hagë, jo për ligjet në Kosovë

    Çitaku i reagon Kosit: Shqetësohu për drejtësinë në Hagë, jo për ligjet në Kosovë

    Çitaku i reagon Kosit: Shqetësohu për drejtësinë në Hagë, jo për ligjet në Kosovë

    Postimi i Vlora Çitakut:

    Komisionerja Evropiane për Zgjerim, Marta Kos, duhet të shqetësohet për drejtësinë e procesit në Dhomat e Specializuara në Hagë, jo për ligjet që i miratojnë deputetët e Kuvendit të Kosovës si përfaqësues të popullit.

    Askush nuk dëshiron t’i shmanget drejtësisë. Përkundrazi, duam që procesi të kthehet në binarë të drejtë, të garantohet një gjykim i drejtë dhe të respektohen të drejtat themelore të njeriut.

    Gjykatën Speciale e kemi themeluar për ta hequr një njollë të zezë nga historia jonë, atë të pretendimeve për trafikim të organeve që burojnë nga raporti i Dick Marty-t, e jo për t’ia sjellë Kosovës një njollë të re, atë të ndërmarrjes së përbashkët kriminale, duke vënë në pikëpyetje karakterin çlirimtar të luftës sonë.

    Kosova nuk po shkel asnjë nga detyrimet që ka marrë përsipër në raport me Bashkimin Evropian. Gjykata Speciale nuk do të mbyllet. Ajo do të vazhdojë të ekzistojë dhe të ushtrojë mandatin e saj. Debati për ndryshimet ligjore nuk nënkupton shmangie nga drejtësia, por synon që procesi të zhvillohet në përputhje me parimet e drejtësisë dhe të drejtat themelore të njeriut.

    Shkeljet e të drejtave të njeriut në këtë proces janë dokumentuar edhe nga The Bar Human Rights Committee of England and Wales (BHRC). Këto shqetësime meritojnë vëmendje serioze dhe trajtim të drejtë.

    Vetë Dhoma e Specializuar e Gjykatës Kushtetuese, në vendimin KSC-CC-2022, paragrafin 83, ka trajtuar të drejtën e Kuvendit të Kosovës për të kufizuar juridiksionin e Dhomave të Specializuara përmes ligjit.

    Po ashtu, Presidentja e Komisionit Evropian, Ursula von der Leyen, ka deklaruar se Kosovës i takon të vendosë për ndryshimet ligjore. Për këtë arsye, qëndrimi i komisioneres Marta Kos ngre pikëpyetje për koherencën e qëndrimeve brenda vetë Komisionit Evropian.

    Kuvendi i Kosovës ka të drejtë dhe përgjegjësi ta ushtrojë mandatin e tij kushtetues e ligjor. Deputetët janë përfaqësues të popullit dhe kanë detyrim të veprojnë në mbrojtje të interesit të qytetarëve, të së vërtetës dhe të drejtësisë.

    NATO dhe Bashkimi Evropian kanë qenë aleatë të UÇK-së dhe të popullit të Kosovës në rrugëtimin tonë drejt lirisë. Këtë partneritet e vlerësojmë thellësisht dhe besojmë se dialogu, mirëkuptimi dhe respekti i ndërsjellë janë rruga përpara.

    Kuvendi i Kosovës i ka dyert e hapura. Jemi kurdo të gatshëm të ulemi, të bisedojmë dhe të eliminojmë çdo keqkuptim. Jam e bindur se, me mendje të hapur dhe qasje konstruktive, duke pasur si qëllim të përbashkët drejtësinë, do t’i tejkalojmë të gjitha keqkuptimet dhe në fund do të gjejmë pajtim.

    Ne nuk kërkojmë privilegj dhe as shmangie nga drejtësia. Kërkojmë drejtësi të vërtetë, respektim të të drejtave të njeriut dhe një proces që nuk e cenon të vërtetën historike të luftës sonë çlirimtare.

    Drejtësia dhe partneriteti me aleatët tanë nuk janë në kundërshtim me njëra-tjetrën. Përkundrazi, drejtësia është themeli mbi të cilin ndërtohet besimi. See less

  • Ngjarjet e fundit në Gjilan, Hyseni kërkon kontrolle të shtuara në shkolla

    Ngjarjet e fundit në Gjilan, Hyseni kërkon kontrolle të shtuara në shkolla

    Ngjarjet e fundit në Gjilan, Hyseni kërkon kontrolle të shtuara në shkolla

    Pas vrasjeve të fundit në Gjilan, kryetari i kësaj komune, Alban Hyseni, ka kërkuar shtimin e kontrolleve policore për armëmbajtje pa leje dhe rritjen e prezencës së policisë në shkolla.

    Përmes një postimi në Facebook, Hyseni bëri të ditur se këto kërkesa i ka paraqitur në mbledhjen urgjente të Këshillit Komunal për Siguri në Bashkësi, ku mori pjesë edhe zëvendësministri i Punëve të Brendshme, Enver Dugolli.

    Sipas Hysenit, gjatë takimit, përfaqësuesit e institucioneve u informuan për detajet e rasteve të fundit tragjike nga drejtori rajonal i policisë dhe komandanti i stacionit policor.

    Ai tha se Komuna e Gjilanit ka ofruar bashkëpunim të plotë me organet e rendit, ndërsa përfaqësuesit institucionalë janë zotuar për angazhim më të madh me qëllim të parandalimit të ngjarjeve të tilla.

    “Mbrojtja e jetës së qytetarëve tanë mbetet prioriteti ynë kryesor dhe do të punojmë me vendosmëri për të garantuar qetësinë dhe rendin publik në çdo pjesë të Gjilanit”, ka shkruar Hyseni.

  • Ndahet nga jeta veterani i Luftës së Dytë Botërore në moshën 100-vjeçare

    Ndahet nga jeta veterani i Luftës së Dytë Botërore në moshën 100-vjeçare

    Ndahet nga jeta veterani i Luftës së Dytë Botërore në moshën 100-vjeçare

    Henry Rice, veteran i Luftës së Dytë Botërore, i cili i mbijetoi një sulmi të shmangur për pak nga një silur, ka vdekur në moshën 100-vjeçare.

    Rice, nga Cranleigh në Surrey të Anglisë, shërbeu si sinjalizues në anijen luftarake HMS Eastway gjatë zbarkimit të forcave aleate në Normandi. Ai mbërriti në plazhin Juno pesë ditë pas Ditës D, më 6 qershor 1944.

    Për kontributin e tij, ai u nderua me medaljen franceze Legjioni i Nderit. Rice kishte bërë thirrje që shkollat t’u mësojnë fëmijëve më shumë për zbarkimin e Normandisë, duke paralajmëruar se “bota është e rrezikshme në këtë moment”.

    Një përfaqësues i organizatës bamirëse Spirit of Normandy Trust, e cila mbështet veteranët, e përshkroi Rice si një person me karakter të veçantë dhe me një buzëqeshje lozonjare që e bënte të dashur për këdo që e takonte, transmeton Klankosova.tv

    Në një intervistë për BBC-në, Rice kishte thënë se rikthimi në Normandi për një ceremoni përkujtimore në qershor të këtij viti kishte “kuptim gjithçka” për të.

    “Kam pasur një jetë të mrekullueshme”, ishte shprehur ai.

    Duke folur për veteranët që kanë ndërruar jetë, Rice kishte treguar se përpiqej të mos mendonte shumë thellë për humbjen e tyre, megjithëse emocionet e kaplonin kur ishte vetëm.

  • “Pastrimi” u kërkon falje qytetarëve për vonesat në grumbullimin e mbeturinave

    “Pastrimi” u kërkon falje qytetarëve për vonesat në grumbullimin e mbeturinave

    “Pastrimi” u kërkon falje qytetarëve për vonesat në grumbullimin e mbeturinave

    Kompania Rajonale e Mbeturinave (KRM) “Pastrimi” u ka kërkuar falje qytetarëve për vonesat dhe mosrealizimin e plotë të shërbimit të grumbullimit të mbeturinave në disa lagje të kryeqytetit dhe në qytetet e tjera ku operon.

    Sipas njoftimit të kompanisë, kjo situatë është shkaktuar nga ndryshimi i orarit të operimit të Kompanisë për Menaxhimin e Deponive në Kosovë (KMDK).

    Nga 1 tetori 2026, KMDK-ja ka vendosur që deponia në Mirash të mbyllet në mesnatë, në orën 00:00.

    Ky ndryshim ka ndikuar në organizimin e shërbimit të grumbullimit dhe transportimit të mbeturinave, duke shkaktuar vonesa në disa zona.

    Kompania “Pastrimi” u ka kërkuar mirëkuptim qytetarëve për situatën e krijuar.

    Sinjali – aty ku e vërteta flet para lajmit!

    /GazetaSinjali/

    The post “Pastrimi” u kërkon falje qytetarëve për vonesat në grumbullimin e mbeturinave appeared first on Sinjali.

    Burimi: Sinjali

  • Vdes në moshën 100-vjeçare veterani i Luftës së Dytë Botërore

    Henry Rice, veterani i Luftës së Dytë Botërore, i cili i mbijetoi për pak një sulmi me silur, ka vdekur në moshën 100-vjeçare.

    Rice, nga Cranleigh në Surrey të Anglisë, shërbeu si sinjalizues në anijen luftarake HMS Eastway gjatë operacioneve aleate për zbarkimin në Normandi. Ai mbërriti në plazhin Juno më 11 qershor 1944, pesë ditë pas Ditës D, kur forcat aleate nisën ofensivën historike kundër Gjermanisë naziste.

    Për kontributin e tij gjatë luftës, Rice u nderua me medaljen franceze Legjioni i Nderit. Ai kishte bërë gjithashtu thirrje që shkollat t’u kushtojnë më shumë vëmendje ngjarjeve të zbarkimit në Normandi, duke paralajmëruar se “bota është e rrezikshme në këtë moment”.

    Një përfaqësues i organizatës bamirëse Spirit of Normandy Trust, e cila mbështet veteranët, e përshkroi Rice si një njeri me karakter të veçantë dhe me një buzëqeshje lozonjare që e bënte të dashur për të gjithë ata që e takonin.

    Në një intervistë për BBC-në, Rice kishte treguar se rikthimi në Normandi për një ceremoni përkujtimore në qershor të këtij viti kishte pasur një domethënie të veçantë për të.

    “Kam pasur një jetë të mrekullueshme”, ishte shprehur ai.

    Duke kujtuar bashkëluftëtarët e tij që kanë ndërruar jetë, veterani kishte treguar se përpiqej të mos ndalej gjatë te humbja e tyre, megjithëse emocionet e kaplonin kur mbetej vetëm.

    Sinjali – aty ku e vërteta flet para lajmit!

    /GazetaSinjali/

    The post Vdes në moshën 100-vjeçare veterani i Luftës së Dytë Botërore appeared first on Sinjali.

    Burimi: Sinjali