Category: Lajme

  • Aksident te Bill Clintoni, përplasen motoçiklisti dhe një veturë

    Aksident te Bill Clintoni, përplasen motoçiklisti dhe një veturë

    Aksident te Bill Clintoni, përplasen motoçiklisti dhe një veturë

    Një aksident ka ndodhur këtë të hënë në Prishtinë, te zona e njohur si te Bill Clintoni.

    Në aksident janë përfshirë një motoçikletë dhe një veturë, transmeton Klankosova.tv.

    Sipas pamjeve, bë vendin e ngjarjes kanë dalë policia, derisa Klankosova.tv është në pritje të një konfirmimi zyrtar.

  • Zelensky: Jemi gati të respektojmë armëpushimin, por edhe Rusia duhet të ndalojë sulmet

    Zelensky: Jemi gati të respektojmë armëpushimin, por edhe Rusia duhet të ndalojë sulmet

    Zelensky: Jemi gati të respektojmë armëpushimin, por edhe Rusia duhet të ndalojë sulmet

    Presidenti ukrainas, Volidymyr Zelensky, ka shprehur gatishmërinë e shtetit të tij për të respektuar armëpushimin energjetik.

    Por, ai ka thënë se njëjtë duhet të veprojë edhe Rusia, duke ndaluar sulmet në territoret ukrainase.

    Duke folur në Forumin e Sigurisë në Varshavë, ai ka thënë se nëse Rusia nuk pranon një armëpushim energjetik, Ukraina do të kundërpërgjigjet

    “Nëse Rusia dëshiron që ne të ndalojmë sulmet tona me rreze të gjatë kundër rafinerive të saj të naftës dhe eksporteve të naftës, atëherë Rusia duhet të ndalojë sulmet kundër sistemit tonë energjetik dhe infrastrukturës kritike, si dhe të ndalojë vrasjen e njerëzve tanë. Kjo është vetëm e drejtë. Jemi të gatshëm të respektojmë një armëpushim energjetik nëse Rusia është e gatshme të bëjë të njëjtën gjë. Ne biem dakord, nëse ata bien dakord”, ka thënë ai.

    Por, ai ka shtuar se Rusia nuk ka respektuar armëpushimin energjetik të shpallur nga presidenti amerikan, Donald Trump, pasi sipas tij, mbrëmë Moska ka kryer sulme të reja. /Klankosova.tv

  • Grindja për buxhetin: Merz nuk pranon kompromisin e Irlandës

    Grindja për buxhetin: Merz nuk pranon kompromisin e Irlandës

    Në përpjekjet për arritjen e një marrëveshjeje mbi buxhetin e Bashkimit Evropian, presidenca irlandeze e Këshillit të BE-së ka paraqitur një kompromis të ri. Por kancelari gjermanFriedrich Merz (CDU) nuk duket i kënaqur. Ai deklaroi për këtë propozim, se “shuma e parashikuar në propozimin e ri nuk përbën bazë për një marrëveshje.”

    Në propozim, shuma prej rreth dy trilionë eurosh për periudhën 2028–2034, e propozuar fillimisht nga Komisioni Evropian, është ulur disi. Qeveria në Dublin, e cila aktualisht mban presidencën e Këshillit të BE-së, vlerëson se mund të kursehen rreth 140 miliardë euro, ose afërsisht 8 për qind krahasuar me propozimin fillestar.

    Merz kërkon kursime më të mëdha

    Nga këndvështrimi i qeverisë gjermane, kjo nuk mjafton. Kancelari Friedrich Merz ka kërkuar së fundmi që buxheti të reduktohet me qindra miliarda euro. Të njëjtin qëndrim mbajnë edhe kryeministrat e Holandës, Suedisë dhe Austrisë. Të gjitha këto vende bëjnë pjesë në grupin e ashtuquajtur të “neto-paguesve”, pra shteteve që kontribuojnë më shumë në buxhetin e BE-së sesa marrin prej tij.

    Edhe Suedia dhe Austria e kanë refuzuar propozimin e ri. Ministrja austriake për Evropën, Claudia Bauer, deklaroi se projekti i ri i buxhetit është ende shumë larg marrjes së miratimit nga Vjena. Sipas saj, nëntë vendet neto-paguese mbulojnë aktualisht rreth 60 për qind të buxhetit të BE-së. Më shumë se kaq, tha ajo, nuk mund t’u kërkohet taksapaguesve të tyre.

    Mosmarrëveshje për fondet e mbrojtjes

    “Buxheti i BE-së duhet të jetë i përballueshëm për ata që mbajnë barrën kryesore të financimit”, tha Merz. Sipas tij, priorizimi dhe modernizimi i buxhetit evropian është një detyrë e përbashkët për të gjitha shtetet anëtare. Me këtë deklaratë ai lë të kuptohet edhe një tjetër pikë konflikti. Presidenca irlandeze e Këshillit të BE-së ka reduktuar veçanërisht fondet që qeveria gjermane dëshiron t’i shohë të forcuara, konkretisht ato për konkurrueshmërinë, kërkimin shkencor dhe mbrojtjen.

    Në të kundërt, fondet tradicionalisht më të mëdha për bujqësinë dhe politikën e zhvillimit rajonal janë prekur shumë pak. Kjo e fundit synon të zvogëlojë dallimet ekonomike dhe sociale mes rajoneve të ndryshme të Evropës dhe për këtë arsye u sjell përfitime veçanërisht vendeve më të varfra të BE-së.

    Po ashtu, pothuajse të paprekura mbeten edhe fondet për migracionin, mbrojtjen e kufijve dhe sigurinë e brendshme.

    Kritika nga Parlamenti Evropian

    Kritika nga parti të ndryshme vijnë edhe nga Parlamenti Evropian, por në drejtimin e kundërt. Negociatorët e Parlamentit për Kornizën Financiare Shumëvjeçare (MFF), nga Partia Popullore Evropiane (EPP) dhe socialdemokratët, theksojnë: “Propozimi i presidencës irlandeze të Këshillit nuk mund të shërbejë si pikënisje për një marrëveshje. Një shkurtim prej tetë për qind krahasuar me propozimin e Komisionit, i cili gjithsesi e mban buxhetin vetëm në nivelin e periudhës aktuale, do të nënkuptonte dobësimin e aftësisë sonë për të vepruar.”

    Sipas tyre, kjo vjen pikërisht në një kohë kur Evropës i kërkohet më shumë angazhim në fushat e konkurrueshmërisë, mbrojtjes dhe sigurisë. Të enjten, negociatat për buxhetin e ri të BE-së, i cili përcakton bazën financiare për punën dhe prioritetet e Bashkimit Evropian në vitet e ardhshme, do të vazhdojnë në samitin e krerëve të shteteve dhe qeverive në Bruksel.

    Koha nuk pret. Fillimisht, shtetet anëtare të BE-së synonin të arrinin një marrëveshje deri në fund të vitit, edhe për t’u paraprirë zgjedhjeve presidenciale dhe një ndërrimi të qeverisë në Francë. Megjithatë, zgjedhjet e parakohshme parlamentare në Spanjë, të planifikuara për në nëntor, pritet ta bëjnë edhe më të vështirë arritjen e këtij objektivi, i cili që tani konsiderohet mjaft ambicioz.

    Burimi: RTKLive

  • Aleanca kërkon angazhim të Kuvendit për strategjinë shtetërore për mbrojtjen e çlirimtarëve në Hagë

    Aleanca kërkon angazhim të Kuvendit për strategjinë shtetërore për mbrojtjen e çlirimtarëve në Hagë

    Shefi i Grupit Parlamentar të Aleancës, pas mbledhjes së Kryesisë së Kuvendit, ka thënë se një nga çështjet që duhet të trajtohet është funksionalizimi i rolit të Kuvendit në raport me strategjinë shtetërore për mbrojtjen e çlirimtarëve në Hagë.

    Ai tha se kjo çështje është ngritur nga grupi parlamentar i Aleancës, duke theksuar se Kuvendi duhet të angazhohet në përmbushjen e detyrave që lidhen me këtë strategji.

    “Çështja e dytë me një pjesë të grupit tonë parlamentar ndërlidhet me funksionalizimin e rolit të Kuvendit në raport me detyrat që i ka rreth strategjisë shtetërore për mbrojtjen e çlirimtarëve në Hagë. Këtë çështje e ngritëm dhe këtë e dimë që do ta adresojmë”, tha ai.

    Një tjetër çështje që Aleanca e ka ngritur në mbledhjen e Kryesisë është agjenda legjislative, për të cilën shefi i Grupit Parlamentar shprehu shqetësim nëse mund të sigurohet cilësia e ligjeve që pritet të miratohen brenda këtij viti.

    Ai tha se në agjendën legjislative janë paraparë mbi 60 ligje, duke vënë në pikëpyetje mundësinë që një numër i tillë të miratohet brenda periudhës së mbetur të vitit, duke garantuar cilësi dhe rezultate për qytetarët.

    “E para, lidhet me agjendën legjislative. Problemi thelbësor që ne si grup e kemi adresuar është që kemi një agjendë legjislative që është miratuar paraprakisht dhe në këtë vit duhet diku mbi 60 ligje të kalojnë. Kjo çështje thelbësore që sot i shtrohet shumicës parlamentare është se qysh ka mundësi 60 ligje në këtë kohë, në këtë periudhë, me prodhuar kualitet në drejtim të qytetarëve. E mendojmë që ky është një problem thelbësor që do të adresohet në Kuvendin e Kosovës”, tha ai./EO

    Burimi: Dukagjini

  • Çitaku, Marta Kos-it: Kosova kërkon drejtësi, jo t’i ikë asaj

    Çitaku, Marta Kos-it: Kosova kërkon drejtësi, jo t’i ikë asaj

    Çitaku, Marta Kos-it: Kosova kërkon drejtësi, jo t’i ikë asaj

    Nënkryetarja e Kuvendit të Kosovës nga Partia Demokratike e Kosovës (PDK), Vlora Çitaku, ka thënë se Kosova kërkon drejtësi dhe nuk synon t’i ikë asaj, pas deklaratës së komisionares së Bashkimit Evropian, Marta Kos, se ndryshimet në Ligjin për Gjykatën Speciale janë të papranueshme për BE-në.

    Pas mbledhjes së Kryesisë së Kuvendit, Çitaku tha se në kuadër të agjendës së diplomacisë parlamentare, dy çështjet me rëndësi të veçantë për Kosovën janë procesi i apelit në Hagë dhe anëtarësimi në Këshillin e Evropës.

    Ajo theksoi se Kosova do të diskutojë me përfaqësuesit e Bashkimit Evropian për t’ua sqaruar vullnetin politik të deputetëve të Kuvendit, duke shprehur bindjen se përmes dialogut mund të arrihet pajtueshmëri.

    “Një ndër pikat që diskutuam sot është edhe agjenda e diplomacisë parlamentare, për PDK-në, por po besoj edhe për krejt Kuvendin e Republikës së Kosovës. Siç jemi shprehur edhe në deklaratën që kemi miratuar, dy gjëra janë të rëndësisë së veçantë: procesi i apelit në Hagë dhe Këshilli i Evropës. Është normale që ndonjëherë me miq të kemi mospajtime, po besoj që do të kemi kohë të bisedojmë edhe me përfaqësuesit e BE-së dhe t’ua sqarojmë vullnetin politik të deputetëve të zgjedhur të Kuvendit të Republikës së Kosovës. Kosova, me ligj dhe me vullnet, kërkon drejtësi. Ne nuk po kërkojmë t’i ikim drejtësisë, përkundrazi, po synojmë që procesin e devijuar dhe deformuar ta kthejmë në binarë të drejtë. Kosova është partnere; partnerët diskutojnë, debatojnë dhe unë jam e bindur që në fund do të ketë pajtueshmëri”, tha Çitaku.

    Sinjali – aty ku e vërteta flet para lajmit!

    /GazetaSinjali/

    The post Çitaku, Marta Kos-it: Kosova kërkon drejtësi, jo t’i ikë asaj appeared first on Sinjali.

    Burimi: Sinjali

  • Van Dijk thyen heshtjen për skandalin financiar të Man Cityt

    Van Dijk thyen heshtjen për skandalin financiar të Man Cityt

    Mbrojtësi holandez foli pas humbjes së rëndë të Liverpoolit, 3-0 ndaj Manchester Cityt në “Anfield”, në një përballje që u zhvillua mes rivalitetit të madh mes dy skuadrave.

    Kjo ndeshje ishte takimi i parë mes tyre që nga raportimet për zhvillimet në çështjen financiare të klubit nga Manchesteri, duke shtuar edhe më shumë vëmendjen rreth përballjes.

    Van Dijk pranoi se kishte shumë për të thënë për këtë temë, por theksoi se nuk dëshiron të komentojë derisa çështja të marrë një përfundim të qartë.

    “E vetmja gjë që mund të them, meqë çështja është ende në vazhdim, është se e kam shijuar shumë rivalitetin”, deklaroi kapiteni i Liverpoolit.

    “Por kjo ka të bëjë me atë që ndodh në fushë. Ajo që ka ndodhur jashtë saj është një histori krejt tjetër. Meqë çështja ende nuk është përmbyllur, nuk mendoj se është ide e mirë të komentoj për të”, shtoi ai.

    Van Dijk bëri të ditur se do ta shprehë qëndrimin e tij kur rasti të marrë një përfundim përfundimtar.

    “Kur gjithçka të jetë zgjidhur siç duhet, patjetër që do t’i ndaj komentet e mia. Për momentin, le të presim dhe të shohim”, përfundoi holandezi.

    Burimi: RTKLive

  • Çitaku: Është normale që ndonjëherë të kemi mospajtime me aleatët ndërkombëtarë

    Çitaku: Është normale që ndonjëherë të kemi mospajtime me aleatët ndërkombëtarë

    Deputetja e PDK-së, Vlora Çitaku, ka deklaruar se Kosova nuk po kërkon të shmangë drejtësinë përmes ndryshimeve në Ligjin për Dhomat e Specializuara, por synon që një proces të devijuar dhe të deformuar ta kthejë në binarë të drejtë.

    Duke komentuar qëndrimin e komisioneres evropiane për Zgjerim, Marta Kos, e cila ka theksuar se BE-ja i konsideron të papranueshme ndryshimet e propozuara në ligj, Çitaku tha se Kosova do të diskutojë me partnerët evropianë për të sqaruar qëllimin e këtyre ndryshimeve.

    “Ne nuk po kërkojmë të ikim nga drejtësia, përkundrazi po synojmë që procesin e devijuar dhe deformuar ta kthejmë në binarët e drejtë”, deklaroi Çitaku.

    Ajo theksoi se Kosova është partnere e aleatëve dhe se mospajtimet duhet të trajtohen përmes dialogut.

    “Është shumë normale që me aleatë, me partnerë, ndonjëherë të ketë mospajtime. Është e rëndësishme të diskutojmë, të sqarojmë thelbin e këtij ligji, çfarë kërkon dhe çfarë synon”, tha ajo.

    Çitaku u shpreh e bindur se pas diskutimeve me partnerët evropianë do të ketë pajtueshmëri, duke theksuar se Kosova kërkon drejtësi me ligj dhe me vullnet politik.

    Ajo përmendi gjithashtu rëndësinë e diplomacisë parlamentare dhe të anëtarësimit të Kosovës në Këshillin e Evropës.

    Burimi: Dukagjini

  • Ndahet nga jeta, doktori gjilanas Ukshin Ismajli

    Ndahet nga jeta, doktori gjilanas Ukshin Ismajli

    Ndahet nga jeta, doktori gjilanas Ukshin Ismajli

    Sot, më 12 tetor 2026, ka vdekur Dr. Ukshin Ismajli, anesteziologu i njohur dhe ish-drejtuesi i Spitalit të Përgjithshëm të Gjilanit.

    Dr. Ismajli ishte një nga figurat më të rëndësishme të mjekësisë në Gjilan, ku për më shumë se katër dekada i shërbeu me përkushtim shëndetësisë dhe qytetarëve të rajonit të Anamoravës.

    Ai diplomoi në Fakultetin e Mjekësisë të Universitetit të Prishtinës në vitin 1981, ndërsa specializimin në anesteziologji e përfundoi në Zagreb, më 1988. Ishte anesteziologu i parë në Spitalin e Gjilanit dhe për rreth dy dekada shërbeu si specialisti i vetëm i kësaj fushe në rajonin e Anamoravës.

    Gjatë karrierës së tij profesionale, Ismajli ushtroi disa funksione drejtuese. Nga viti 2000 deri në vitin 2007 ishte drejtor i Spitalit të Gjilanit.

    Në vitin 2012 mori drejtimin e Shërbimit të Anesteziologjisë dhe Reanimacionit, ndërsa nga viti 2018 deri në pensionim shërbeu si drejtor klinik i spitalit. Në vitin 2021, për disa muaj, ushtroi edhe detyrën e drejtorit të përgjithshëm të këtij institucioni shëndetësor.

    Kontributi i tij u shtri edhe në periudhat më të vështira për Kosovën. Ismajli ishte ndër mjekët që trajtuan nxënësit e helmuar gjatë viteve 1989–1990 dhe ofroi ndihmë mjekësore gjatë luftës. Ai u angazhua edhe në përballimin e situatave të jashtëzakonshme, përfshirë tërmetin e vitit 2002 dhe pandeminë COVID-19.

    Në tetor të vitit 2022, Dr. Ukshin Ismajli u pensionua, duke përmbyllur një karrierë 41-vjeçare në shërbim të shëndetësisë dhe qytetarëve.

  • Ligji për Specialen, Çitaku: E rëndësishme që të diskutojmë me BE-në, s'po ikim nga drejtësia

    Ligji për Specialen, Çitaku: E rëndësishme që të diskutojmë me BE-në, s’po ikim nga drejtësia

    Ligji për Specialen, Çitaku: E rëndësishme që të diskutojmë me BE-në, s'po ikim nga drejtësia

    Nënkryetarja e Kuvendit nga radhët e PDK-së, Vlora Çitaku ka deklaruar se Kosova gjendet në dy  procese të rëndësishme, procesi i Apelit në Hagë dhe Këshilli i Evropës, raporton Klankosova.tv.

    Ajo tha se është e rëndësishme të diskutohet me partnerët e BE-së për thelbin e Ligjit për Dhomat e Specializuara, transmeton Klankosova.tv.

    “Dy gjëra janë të rëndësisë së veçantë, procesi i Apelit në Hagë dhe Këshilli i Evropës. Është normale që ndonjëherë me miqtë të kemi mospajtime, por besoj që do të kemi kohë të bisedojmë edhe me përfaqësuesit e BE-së dhe t’ua sqarojmë vullnetin politik të deputetëve të zgjedhur të Kuvendit. Kosova me ligj, dhe me vullnet kërkon drejtësi. Nuk po kërkojmë të i ikim drejtësisë, por po synojmë që procesin e deformuar dhe devijuar, ta kthejmë në binarë të drejtë. Kosova është partner, partnerët diskutojnë, debatojnë, por jam e bindur që në fund do të ketë pajtueshmëri”, tha Çitaku.

  • Përfaqësues të BE-së në Kosovë theksojnë rëndësinë e rikthimit të stabilitetit institucional

    Përfaqësues të BE-së në Kosovë theksojnë rëndësinë e rikthimit të stabilitetit institucional

    Përfaqësues të BE-së në Kosovë theksojnë rëndësinë e rikthimit të stabilitetit institucional

    Zëvendësshefi i BE-së në Kosovë, Alexis Hupin ka zhvilluar një takim me Zëvendëspresidentin e Bankës Evropiane të Investimeve, Robert de Groot.

    Përmes një njoftimi në Facebook, Zyra e BE-së në Kosovë ka bërë të ditur se të dy diskutuan për rëndësinë e rikthimit të stabilitetit institucional në vend, për avancimin e investimeve të mbështetura nga BE-ja në kuadër të Kornizës së Investimeve për Ballkanin Perëndimor, si dhe nevojën për planifikim afatgjatë të investimeve, transmeton Klankosova.tv.

    Hupin gjithashtu theksoi mundësitë e mëtejshme për zhvillimin e Kosovës në kuadër të Planit të Rritjes së BE-së.

    “BE-ja është ofruesja më e madhe e ndihmës financiare për Kosovën dhe partnerja e saj më e besueshme”, thuhet në njoftim.