Category: Lajme

  • “Kemi ndërprerë marrëdhëniet diplomatike me Iranin”/ Takimi i ministrit Hoxha me homologun izraelit në Shqipëri

    “Kemi ndërprerë marrëdhëniet diplomatike me Iranin”/ Takimi i ministrit Hoxha me homologun izraelit në Shqipëri

    “Kemi ndërprerë marrëdhëniet diplomatike me Iranin”/ Takimi i ministrit Hoxha me homologun izraelit në Shqipëri

    Ministri shqiptar për Evropën dhe Punët e Jashtme, Ferit Hoxha bashkë me homologun izraelit, Gideon Sa’ar, vlerësuan marrëdhëniet mes dy vendeve, duke theksuar rëndësinë e forcimit të bashkëpunimit në ekonomi, siguri, teknologji dhe turizëm.

    Në deklaratën e përbashkët pas takimit në Tiranë, Hoxha e cilësoi vizitën një moment të rëndësishëm, duke shtuar se miqësia historike mes Shqipërisë dhe Izraelit po shndërrohet në një partneritet gjithnjë e më të fortë, raporton Top Channel, transmeton Klankosova.tv

    Një nga zhvillimet kryesore të vizitës ishte nënshkrimi i Marrëveshjes për Bashkëpunimin e Përgjithshëm mes Këshillit të Ministrave të Shqipërisë dhe Qeverisë së Izraelit.

    Dokumenti synon të krijojë një mekanizëm të strukturuar për zgjerimin e bashkëpunimit në fusha me interes të përbashkët, përfshirë ekonominë, tregtinë, inovacionin, teknologjinë, bujqësinë, energjinë, shëndetësinë, arsimin, sigurinë, turizmin dhe kulturën.

    Ndër të tjera, Hoxha tha se:

    “Dënojmë me forcë veprimtaritë destabilizuese të vazhdueshme të Iranit dhe të grupeve të lidhura me të, si dhe sulmet e tij të fundit në mbarë Lindjen e Mesme, të cilat kërcënojnë paqen, sigurinë dhe stabilitetin rajonal. Duke pasur parasysh politikat dhe veprimet e Iranit kundër Shqipërisë, por edhe kundër partnerëve tanë, ne kemi ndërprerë marrëdhëniet diplomatike me Iranin. Gjithashtu, krahas vendeve dhe partnerëve të tjerë, Shqipëria e ka shpallur Iranin shtet sponsorizues të terrorizmit dhe Korpusin e Gardës Revolucionare Islamike organizatë terroriste.” /Klankosova.tv

  • Kosova nënshkruan marrëveshje prej 41 milionë eurosh për pajisje mjekësore dhe infrastrukturë shëndetësore

    Kosova nënshkruan marrëveshje prej 41 milionë eurosh për pajisje mjekësore dhe infrastrukturë shëndetësore

    Kosova nënshkruan marrëveshje prej 41 milionë eurosh për pajisje mjekësore dhe infrastrukturë shëndetësore

    Qeveria e Kosovës ka nënshkruar marrëveshje financimi në vlerë prej 41 milionë eurosh me Bankën Evropiane të Investimeve (BEI) dhe Bankën për Zhvillim të Këshillit të Evropës (CEB), për projektin e pajisjeve mjekësore dhe përmirësimit të infrastrukturës shëndetësore.

    Investimi synon sigurimin e pajisjeve moderne mjekësore dhe përmirësimin e infrastrukturës në Qendrën Klinike Universitare të Kosovës (QKUK) në Prishtinë, si dhe në spitalet rajonale të Prizrenit, Pejës, Gjakovës dhe Gjilanit. Financimi prej 41 milionë eurosh do të ndahet në mënyrë të barabartë mes dy bankave.

    Ministri i Financave, Hekuran Murati, tha se marrëveshja do të mundësojë realizimin e investimeve në pajisje mjekësore dhe infrastrukturë, me synim përmirësimin e kushteve për pacientët dhe profesionistët shëndetësorë.

    “Qeveria e Republikës së Kosovës, e përfaqësuar nga Ministria e Financave, sot po nënshkruan bashkë me Bankën Evropiane të Investimeve dhe Bankën për Zhvillim të Këshillit të Evropës marrëveshje kredie për projektin e pajisjeve mjekësore dhe përmirësimit të infrastrukturës. Vlera e përgjithshme e këtij projekti është 41 milionë euro dhe bashkëfinancimi është i ndarë barabartë nga dy bankat, pra EIB dhe CEB. Investimi do të sigurojë pajisje mjekësore moderne dhe do të ndikojë në infrastrukturën përcjellëse në Qendrën Klinike Universitare të Kosovës në Prishtinë, si dhe në spitalet rajonale të Prizrenit, Pejës, Gjakovës dhe atë të Gjilanit”, tha Murati.

    Ministri i Shëndetësisë, Arben Vitia, tha se modernizimi i infrastrukturës dhe teknologjisë mjekësore është ndër prioritetet e përcaktuara në Strategjinë Sektoriale të Shëndetësisë 2025–2030.

    Sipas tij, strategjia parasheh riorganizimin e institucioneve shëndetësore dhe përmirësimin e infrastrukturës fizike, veçanërisht në institucionet e nivelit sekondar dhe terciar, si dhe furnizimin e tyre me pajisje moderne mjekësore.

    “Strategjia Sektoriale e Shëndetësisë 2025–2030 pasqyron prioritetet e Qeverisë së Republikës së Kosovës për sektorin e shëndetësisë. Në objektivat strategjikë të kësaj strategjie, kemi identifikuar riorganizimin e institucioneve shëndetësore dhe modernizimin e infrastrukturës dhe teknologjisë mjekësore si një nga prioritetet e sotme. Strategjia i jep një rëndësi të veçantë përmirësimit të infrastrukturës fizike të institucioneve shëndetësore sekondare dhe terciare, me furnizimin e tyre me pajisje mjekësore moderne për një periudhë afatgjatë”, tha Vitia.

    Nënkryetari i Bankës Evropiane të Investimeve, Robert de Groot, tha se investimi do të ndihmojë që profesionistët shëndetësorë dhe pacientët në Kosovë të kenë qasje në pajisje dhe infrastrukturë moderne, duke kontribuar në përmirësimin e diagnostikimit dhe trajtimit.

    “Kujdesi shëndetësor është një nga mënyrat më të dukshme përmes të cilave investimet publike ofrojnë shërbime për njerëzit. Çdo ditë, 24 orë në ditë, 7 ditë në javë, qytetarët duhet të jenë në gjendje të mbështeten te kujdesi thelbësor mjekësor për veten dhe familjet e tyre. Dhe duke nënshkruar këtë operacion sot, ne po ndihmojmë për të siguruar që profesionistët shëndetësorë dhe pacientët në mbarë Kosovën të kenë qasje në pajisje dhe lehtësira moderne. Kjo do të thotë pajisje mjekësore të avancuara dhe përmirësim i infrastrukturës mbështetëse, duke rezultuar në diagnostikim më të mirë, trajtim më efektiv dhe kujdes të përmirësuar për pacientët”, tha de Groot.

    Ndërkaq, zëvendësguvernatori për Strategjinë e Zhvillimit Social në Bankën për Zhvillim të Këshillit të Evropës, Johannes Böhmer, theksoi rëndësinë e sistemit shëndetësor si një shërbim themelor që institucionet publike duhet t’ua sigurojnë qytetarëve.

    “Mund të themi se pa shëndet, çdo gjë është asgjë. Dhe mendoj se popullatat në të gjitha vendet tona presin një sistem të fortë shëndetësor si një shërbim bazë që qeveritë duhet ta sigurojnë në mënyrë që të mbajnë popullatën e tyre funksionale. Pa shëndet, shumë gjëra të tjera bëhen dytësore dhe për këtë arsye, kjo është edhe më e rëndësishme”, tha Böhmer.

    Sinjali – aty ku e vërteta flet para lajmit!

    /GazetaSinjali/

    The post Kosova nënshkruan marrëveshje prej 41 milionë eurosh për pajisje mjekësore dhe infrastrukturë shëndetësore appeared first on Sinjali.

    Burimi: Sinjali

  • Kosova siguron 41 milionë euro për shëndetësinë

    Kosova siguron 41 milionë euro për shëndetësinë

    Financimi do të ndahet në mënyrë të barabartë mes dy institucioneve financiare evropiane dhe do të përdoret për investime në Qendrën Klinike Universitare të Kosovës (QKUK) në Prishtinë, si dhe në spitalet rajonale të Prizrenit, Pejës, Gjakovës dhe Gjilanit.

    Ministri i Financave, Hekuran Murati, tha se marrëveshja synon të mundësojë investime konkrete në pajisje dhe infrastrukturë shëndetësore.

    “Vlera e përgjithshme e këtij projekti është 41 milionë euro dhe bashkëfinancimi është i ndarë barabartë nga dy bankat, pra EIB dhe CEB”, deklaroi Murati.

    Ai bëri të ditur se investimet do të përfshijnë pajisje moderne mjekësore dhe infrastrukturën përcjellëse në institucionet shëndetësore të përfshira në projekt.

    Ndërkaq, ministri i Shëndetësisë, Arben Vitia, tha se modernizimi i infrastrukturës dhe teknologjisë mjekësore është pjesë e prioriteteve të përcaktuara në Strategjinë Sektoriale të Shëndetësisë 2025–2030.

    “Strategjia i jep një rëndësi të veçantë përmirësimit të infrastrukturës fizike të institucioneve shëndetësore sekondare dhe terciare, me furnizimin e tyre me pajisje mjekësore moderne për një periudhë afatgjatë”, tha Vitia.

    Sipas tij, objektivat strategjikë përfshijnë edhe riorganizimin e institucioneve shëndetësore, me synim përmirësimin e kapaciteteve dhe shërbimeve që ofrohen për pacientët.

    Nënkryetari i Bankës Evropiane të Investimeve, Robert de Groot, vlerësoi se investimi do të ndihmojë në rritjen e qasjes në pajisje dhe infrastrukturë moderne për pacientët dhe profesionistët shëndetësorë në Kosovë.

    “Kjo do të thotë pajisje mjekësore të avancuara dhe përmirësim i infrastrukturës mbështetëse, duke rezultuar në diagnostikim më të mirë, trajtim më efektiv dhe kujdes të përmirësuar për pacientët”, deklaroi de Groot.

    Edhe zëvendësguvernatori për Strategjinë e Zhvillimit Social në Bankën për Zhvillim të Këshillit të Evropës, Johannes Böhmer, theksoi rëndësinë e investimeve në shëndetësi dhe përgjegjësinë e institucioneve publike për sigurimin e shërbimeve themelore për qytetarët.

    “Dhe mendoj se popullatat në të gjitha vendet tona presin një sistem të fortë shëndetësor si një shërbim bazë që qeveritë duhet ta sigurojnë në mënyrë që të mbajnë popullatën e tyre funksionale”, u shpreh Böhmer.

    Marrëveshja prej 41 milionë eurosh synon të kontribuojë në përmirësimin e kushteve për trajtimin e pacientëve dhe punën e profesionistëve shëndetësorë, përmes furnizimit me teknologji moderne dhe investimeve në infrastrukturën e institucioneve publike shëndetësore.

    Burimi: RTKLive

  • Zbulohet lokacioni i Remzi Arifit? Gazetarja e Klanit sjell detajet e fundit (VIDEO)

    Zbulohet lokacioni i Remzi Arifit? Gazetarja e Klanit sjell detajet e fundit (VIDEO)

    Zbulohet lokacioni i Remzi Arifit? Gazetarja e Klanit sjell detajet e fundit (VIDEO)

    Gazetarja e Klan Kosovës, Diellëza Berisha ka bërë të ditur se autoritetet policore kanë arritur ta lokalizojnë Remzi Arifin, i dyshuar për vrasjen e djalit të tij në Pogragjë të Gjilanit.

    Në emisionin “Kosova Today”, Berisha bëri të ditur se njësitet policore kanë punuar për orë të tëra për të lokalizuar të dyshuarin.

    “Në bazë të informata zyrtare që kam arritur të kuptoj, autoritetet mbrëmë kanë punuar për orë të tëra për të zbuluar lokacionin e të dyshuarit, i cili menjëherë pas aktit që ka kryer është arratisur, dhe ka lënë trupin e djalit të tij në shtëpinë e tij, dhe më pastaj ka ikur në një lokacion të panjohur. Në bazë të informacioneve që kemi, i njëjtë është lokalizuar mbrëmë. Mirëpo ky informacion ende nuk është bërë publik nga autoritetet”, u shpreh Berisha.

    Shënim: Personi i përmendur prezumohet i pafajshëm deri në një vendim të formës së prerë nga gjykata.

  • Ia dha afro 4 mijë , djali i dajës ia “mbyll” telefonin - ankohet në “Fol me Arin” (VIDEO)

    Ia dha afro 4 mijë , djali i dajës ia “mbyll” telefonin – ankohet në “Fol me Arin” (VIDEO)

    Ia dha afro 4 mijë , djali i dajës ia “mbyll” telefonin - ankohet në “Fol me Arin” (VIDEO)

    Një telefonatë e pazakontë është pranuar në emisionin e ankesave “Fol me Arin”, në Klan Kosova FM.

    Një telefonuesе ka rrëfyer se djali i vëllait të saj, pra nipi i saj, nuk ia ka kthyer borxhin prej 3 mijë e 700 eurosh djalit të saj, i cili, sipas saj, kishte qenë ndërmjetësues për shitjen e një veture.

    Ajo ka treguar se ka tentuar të kontaktojë me nipin për ta zgjidhur çështjen dhe për t’i kërkuar kthimin e parave, por ai nuk u është përgjigjur telefonatave të saj.

    Detajet e kësaj ankese mund t’i ndiqni në videon e mëposhtme:

  • Nagavci: Përgatitjet për Apelin ndaj Speciales kërkojnë strategji shtetërore

    Nagavci: Përgatitjet për Apelin ndaj Speciales kërkojnë strategji shtetërore

    Nagavci bëri të ditur se përgatitjet për fazën e Apelit duhet të zhvillohen përmes një strategjie shtetërore, duke vlerësuar se kjo çështje kërkon koordinim dhe angazhim institucional.

    Ajo rikujtoi se rezervat e LVV-së për projektligjin ishin shprehur edhe gjatë seancës parlamentare, përmes deklarimeve të saj dhe të kryeministrit Albin Kurti. Megjithatë, sipas saj, partia ka vendosur t’u japë mbështetje deputetëve që kanë vlerësuar se kjo nismë mund të kontribuojë në adresimin e çështjes.

    E pyetur nëse ka nisur koordinimi ndërmjet institucioneve, Nagavci nuk dha një afat konkret, por theksoi se përgatitjet për fazën e Apelit duhet të jenë pjesë e një qasjeje të përbashkët shtetërore.

    Ajo tha se qëllimi i përbashkët mbetet mbrojtja e qëndrimit se lufta e Ushtrisë Çlirimtare të Kosovës ishte e drejtë, ndërsa Serbinë e akuzoi për agresion dhe gjenocid.

    Sipas Nagavcit, kjo çështje nuk duhet të trajtohet vetëm përmes një nisme ligjore, por kërkon veprim të koordinuar institucional dhe zbatim të strategjisë shtetërore.

    Burimi: RTKLive

  • Maqedonci: Serbia ka 48 baza ushtarake pranë kufirit me Kosovën, e krahason me veprimet e Rusisë

    Maqedonci: Serbia ka 48 baza ushtarake pranë kufirit me Kosovën, e krahason me veprimet e Rusisë

    Ministri i Mbrojtjes, Ejup Maqedonci, ka deklaruar se Serbia ka të vendosura 48 baza ushtarake dhe të xhandarmërisë pranë kufirit me Kosovën, duke e krahasuar këtë situatë me veprimet e Rusisë para aneksimit të Ukrainës.

    Maqedonci për ‘Talking With TVP World”, ka thënë se Serbia po mbështet grupet kriminale në Kosovë, me qëllim që të destabilizojë vendin dhe të kërcënojë sigurinë e Ballkanit Perëndimorë.

    “Serbia po mbështet gjithashtu grupet kriminale në Kosovë, të cilat merren me kontrabandë dhe aktivitete të tjera kriminale, me qëllim që të destabilizojë Kosovën dhe, përmes destabilizimit të saj, të kërcënojë edhe sigurinë në Ballkanin Perëndimor, në mënyrë që të paraqitet si një aktor i rëndësishëm dhe të ndjekë interesat e saj hegjemoniste ndaj të tjerëve”, ka thënë Maqedonci në një intervistë.

    Ai tutje, ka shtuar se Serbia po e ekspozon Kosovën ndaj kërcënimeve duke pozicionuar kapacitetet e saj ushtarake përgjatë kufirit me Kosovën.

    “E shohim se Serbia, përveç veprimeve hibride kundër vendit tonë, po e ekspozon Kosovën edhe ndaj kërcënimeve, duke pozicionuar kapacitetet e saj ushtarake përgjatë kufirit me Kosovën. Janë 48 baza ushtarake dhe të xhandarmërisë së forcave ushtarake dhe policore serbe të vendosura pranë vijës kufitare me Kosovën. Kjo na ngjan me atë që bëri Rusia para aneksimit të Ukrainës”, ka thënë ai./KP

    Burimi: Dukagjini

  • “Për Specialen na duhet strategji shtetërore”, Nagavci pas deklaratës së Marta Kos-it

    “Për Specialen na duhet strategji shtetërore”, Nagavci pas deklaratës së Marta Kos-it

    Shefja e Grupit Parlamentar të Lëvizjes Vetëvendosje (LVV), Arbërie Nagavci, ka thënë se Kosovës i nevojitet koordinim mes institucioneve për të siguruar një proces të suksesshëm të apelimit lidhur me çështjen e Gjykatës Speciale, pas deklaratës së komisionares së Bashkimit Evropian, Marta Kos, se ndryshimet në Ligjin për Specialen janë të papranueshme për BE-në.

    Nagavci tha se harmonizimi i qëndrimeve të Kuvendit, Qeverisë dhe diplomacisë është me rëndësi për vendin, ndërsa theksoi se LVV-ja kishte shprehur rezerva për trajtimin e kësaj çështjeje përmes një projektligji, duke vlerësuar se do të duhej një strategji shtetërore.

    “S’ka asnjë dyshim që është në interes vital të rëndësishëm për Republikën e Kosovës, që të kemi një harmonizim të gjitha institucioneve, pra të Kuvendit, të qeverisë, të diplomacisë sonë dhe të gjitha drejtimet, në mënyrë që apelimin e Gjykatën e Apelit të bëhet në mënyrën e suksesshme, dhe nevojitet më shumë se asnjëherë një koordinim në raport me adresimin në Gjykatën e Apelit. Sa i përket projektligjit, ju e dini që ne si Lëvizje Vetëvendosje edhe në seancë, pra me fjalimin që unë kam pasur si kryetare e grupit parlamentar, por edhe kryeministri Kurti, por edhe në diskutimet që kemi pasur formale e joformale me iniciuesit e projektligjit, ne kemi shprehur rezerva tona në raport me adresimin e kësaj çështjeje me projektligj, sepse kemi besuar që kjo duhet të jetë nëpërmjet një strategjie shtetërore, në mënyrë që të jemi të suksesshëm në këtë drejtim”, tha ajo.

    Megjithatë, Nagavci tha se LVV-ja u ka dhënë mbështetje deputetëve që kanë vlerësuar se ndryshimet ligjore janë rruga e duhur, duke bërë thirrje për bashkëpunim politik dhe institucional për të adresuar këtë çështje.

    “Gjithsesi, siç e kemi thënë edhe në seancë, ne kemi dhënë mbështetje deputetëve të cilët kanë besuar që kjo është rruga e duhur, kështu që edhe në këtë pikë na nevojitet një koordinim e bashkëpunim për ta adresuar qëllimin e përbashkët që e kemi që të japim maksimumin për të adresuar bindjen tonë se lufta e ushtrisë çlirimtare të Kosovës ka qenë luftë e drejtë e pastër, luftë çlirimtare dhe se agresion dhe gjenocid kanë kryer Serbia. Në këtë pikë, unë mendoj që nuk ka asnjë dilemë e dyshim jo vetëm nga deputetët, nga partitë politike, por nga secili qytetar i Republikës së Kosovës dhe jo vetëm. Andaj, na nevojitet që të tejkalojmë protagonizmin, por e kemi parë në të kaluarën edhe të punojmë bashkarisht që të jemi të suksesshëm në adresimin e kësaj sfide”, tha ajo./EO

    Burimi: Dukagjini

  • Mbrëmja e “Duelit Sportiv” përfundon me incident në mes të Liridon Lecit dhe Edonisa Aliut

    Mbrëmja e “Duelit Sportiv” përfundon me incident në mes të Liridon Lecit dhe Edonisa Aliut

    Mbrëmja e “Duelit Sportiv” përfundon me incident në mes të Liridon Lecit dhe Edonisa Aliut

    Televizioni Dukagjini ka njoftuar ndërprerjen e menjëhershme të bashkëpunimit me panelistin Liridon Leci, pas një incidenti që ka ndodhur të dielën mbrëma, pas përfundimit të emisionit “Dueli Sportiv”.

    Sipas reagimit të televizionit, incidenti ka ndodhur mes Lecit dhe mysafires së emisionit, ish-futbollistes Edonisa Aliu.

    Drejtori i Informacionit në TV Dukagjini, Dibran Istrefi, ka bërë të ditur përmes një njoftimi në rrjetin social Facebook, se vendimi është marrë pas shqyrtimit të rrethanave të rastit.

    Televizioni ka theksuar se situata të tilla janë të papranueshme, ndërsa ka bërë të ditur se me rastin po merren organet e rendit dhe të drejtësisë.

    TV Dukagjini ka shprehur gatishmërinë për bashkëpunim të plotë me organet përkatëse, të cilat pritet të sqarojnë rrethanat e incidentit.

    Sinjali – aty ku e vërteta flet para lajmit!

    /GazetaSinjali/

    The post Mbrëmja e “Duelit Sportiv” përfundon me incident në mes të Liridon Lecit dhe Edonisa Aliut appeared first on Sinjali.

    Burimi: Sinjali

  • Zyra për Mbrojtjen e Viktimave trajtoi 52 raste të reja brenda një jave

    Zyra për Mbrojtjen e Viktimave trajtoi 52 raste të reja brenda një jave

    Sipas të dhënave të publikuara nga kjo zyrë, gjatë kësaj periudhe janë trajtuar edhe dy raste të dhunës seksuale, një rast i sulmit seksual, një rast i trafikimit dhe dy raste të vrasjes. Tri raste të tjera janë klasifikuar në kategori të ndryshme.

    Gjatë kësaj jave, gjykatat kanë aprovuar pesë kërkesa për urdhër mbrojtjeje, gjashtë kërkesa për urdhër mbrojtjeje emergjente dhe katër kërkesa për urdhër mbrojtjeje të përkohshme emergjente.

    Ndërkohë, nëntë kërkesa për urdhër mbrojtjeje kanë qenë në proces, ndërsa gjykatat kanë refuzuar dy kërkesa të tilla.

    Përveç trajtimit të rasteve të reja, mbrojtësit e viktimave kanë marrë pjesë në 91 seanca gjyqësore dhe 11 seanca në prokurori. Gjatë kësaj periudhe janë dhënë edhe 34 këshilla juridike.

    Sipas raportit, janë evidentuar pesë aktgjykime dënuese dhe një aktgjykim lirues, si dhe dy ankesa në shkallë të dytë dhe nëntë parashtresa.

    Po ashtu, janë paraqitur dy kërkesa për kompensim pranë komisionit të Ministrisë së Drejtësisë. Zyra ka përfaqësuar një rast në Polici, ka referuar tri raste në Agjencinë për Ndihmë Juridike Falas dhe një rast në Qendrën për Punë Sociale.

    Të dhënat përfshijnë aktivitetet e Mbrojtësve të Viktimave në nivel të Republikës së Kosovës për periudhën 2-9 tetor 2026.

    Burimi: RTKLive