Category: Lajme

  • Tahiri në mbledhjen e Kryesisë ngriti çështjen rreth strategjisë për mbrojtjen e çlirimtarëve

    Tahiri në mbledhjen e Kryesisë ngriti çështjen rreth strategjisë për mbrojtjen e çlirimtarëve

    Tahiri në mbledhjen e Kryesisë ngriti çështjen rreth strategjisë për mbrojtjen e çlirimtarëve

    Shefi i Grupit Parlamentar i Aleancës, Besnik Tahiri është deklaruar pas mbarimit të mbledhjes së Kryesisë së Kuvendit.

    Ai bëri të ditur se në këtë mbledhje ka ngritur dy çështje, që sipas tij janë kryesore dhe do të adresohen në Parlament, transmeton Klankosova.tv.

    “Qysh ka mundësi që 60 ligje në këtë kohë, të prodhojnë një kualitet, një drejtim strategjik. Ne mendojmë se ky është një problem thelbësor që do ta adresojmë në Kuvendin e Kosovës. Çështja e dytë është që ndërlidhet me funksionalizimin e Kuvendit në raport me detyrat që i ka rreth strategjisë etnore në mbrojtje të çlirimtarëve në Hagë. Këtë çështje e ngritëm. Këto janë dy tema që do t’i adresojmë”, u shpreh Tahiri.

  • Trump kritikohet për planin e importimit të naftës ruse

    Presidenti amerikan, Donald Trump, po përballet me kritika nga ligjvënës amerikanë dhe aleatë të Ukrainës për planin e importimit të naftës dizel nga Rusia, në kohën kur lufta me Iranin ka rritur çmimet globale të energjisë.

    Trump njoftoi se presidenti rus, Vladimir Putin, kishte rënë dakord të dërgonte 300 mijë tonë naftë dizel, të pasuara nga dërgesa të tjera. Sipas planit të bërë publik, Rusia pritet të furnizojë SHBA-në edhe me 500 mijë tonë në nëntor dhe me sasi shtesë më vonë.

    Marrëveshja ka nxitur kundërshtime, pasi disa ligjvënës pretendojnë se ajo bie ndesh me ligjet amerikane dhe masat ndëshkuese ndaj energjisë ruse. Një grup prej shtatë senatorësh, republikanë dhe demokratë, i kërkuan Trumpit të ndryshojë kursin, duke argumentuar se blerjet e naftës i sigurojnë Rusisë të ardhura ndërsa vazhdon lufta në Ukrainë.

    “Ulja e çmimeve për amerikanët, veçanërisht për fermerët, blegtorët dhe transportuesit tanë, është përparësia ime më e madhe”, shkroi Trump në platformën Truth Social.

    Presidenti ukrainas, Volodymyr Zelensky, e kritikoi marrëveshjen, duke e cilësuar si dhuratë për Putinin dhe si investim në një luftë që duhet të përfundojë.

    Nga ana tjetër, sekretari amerikan i Thesarit, Scott Bessent, e mbrojti planin, duke thënë se ai do të zbatohet përmes mekanizmave ligjorë ekzistues. Edhe disa republikanë e kanë mbështetur idenë e lehtësimit të sanksioneve ndaj produkteve të naftës.

    Rritja e çmimeve të karburanteve lidhet me konfliktin SHBA-Izrael kundër Iranit, i cili ka ndërprerë furnizimet me naftë bruto dhe ka shtuar presionin mbi tregjet ndërkombëtare. Çmimet e larta janë kthyer gjithashtu në çështje politike në SHBA, përpara zgjedhjeve të ndërmjetme.

    Megjithatë, analistët kanë vënë në pikëpyetje nëse Rusia mund t’i përmbushë sasitë e premtuara dhe sa do të ndikojë marrëveshja në çmimet për konsumatorët amerikanë. SHBA-ja konsumon rreth 3.6 milionë fuçi naftë dizel në ditë, ndaj dërgesat e planifikuara do të përbënin vetëm një pjesë të vogël të kërkesës.

    Kritika kanë ardhur edhe nga jashtë SHBA-së. Disa udhëheqës të vendeve aleate të Ukrainës kanë argumentuar se duhet të shtohet presioni ndaj Rusisë për t’i dhënë fund luftës, në vend që të lehtësohen kushtet për eksportet e saj energjetike.

    Ndërkohë, Trump njoftoi se Rusia dhe Ukraina kishin arritur një “armëpushim energjetik”, por nuk dha detaje për kushtet dhe zbatimin e tij. Mbetet e paqartë nëse marrëveshja do të ndikojë në sulmet ndaj infrastrukturës energjetike dhe në tregjet globale.

    Sinjali – aty ku e vërteta flet para lajmit!

    /GazetaSinjali/

    The post Trump kritikohet për planin e importimit të naftës ruse appeared first on Sinjali.

    Burimi: Sinjali

  • Vajza e Eli Farës i del në krah me një mesazh emocionues

    Vajza e Eli Farës i del në krah me një mesazh emocionues

    Vajza e Eli Farës i del në krah me një mesazh emocionues

    Marina, vajza e këngëtares Eli Fara, ka publikuar një fotografi me të ëmën në Instagram, duke i shprehur dashurinë dhe përkrahjen në një moment të vështirë.

    “Mbaje kokën lart, mbretëresha ime, dhe kurorën drejt”, ka shkruar ajo, duke e cilësuar të ëmën edhe si “mbretëreshën e saj të bukur”.

    Mesazhi vjen pas publikimit në internet të disa materialeve private të regjistruara në ambientet e kompozitorit Adrian Hila.

    Pas rastit, Eli Fara ka dëshmuar në polici dhe ka deklaruar se nuk kishte pasur dijeni për regjistrimet. Këngëtarja ka reaguar edhe publikisht, duke shprehur shqetësimin për cenimin e privatësisë së saj dhe duke theksuar se nuk kishte arsye të ndihej e turpëruar.

    Sinjali – aty ku e vërteta flet para lajmit!

    /GazetaSinjali/

    The post Vajza e Eli Farës i del në krah me një mesazh emocionues appeared first on Sinjali.

    Burimi: Sinjali

  • Punëtorët e NPB-së protestojnë për pagat, Supremja premton trajtim me prioritet

    Punëtorët e NPB-së protestojnë për pagat, Supremja premton trajtim me prioritet

    Organizatori i protestës, Xhevat Prebreza, i ka kërkuar Gjykatës Supreme trajtimin me urgjencë të lëndës së tyre, pasi mbi 380 punëtorë kanë mbetur pa paga për gati tre muaj. “Edhe sa muaj duhet të pres një punëtor për pagën e tij. Sa gjatë? Pse lëndët e tjera të palës trajtohen ndërsa e jona duhet të pritet? Kemi duruar, kemi pritur, por sot kemi ardhur këtu për t’ju thënë qartë: mjaft më me heshtje, mjaft më me vonesa, mjaft më punëtorët pa paga. Po ashtu, ne kërkojmë trajtim sa më të shpejtë të lëndës së NPB-së nga Gjykata Supreme. Ne po vazhdojmë të kërkojmë të drejtat tona në mënyrë paqësore, kërkesa jonë nuk ka të bëjë me pavarësinë e punës gjyqësorit në këtë çështje. Nuk jemi kundër drejtësisë, ne kërkojmë drejtësi. Nuk po kërkojmë lemosh, po kërkojmë vetëm të drejtën tonë”, tha ai.

    Edhe punëtori tjetër i kësaj ndërmarrjeje, Valdet Sylejmani, theksoi se gjendja e punëtorëve është rënduar ndjeshëm. “Shumë e vështirë është. Ka nëna këtu që janë vetushqyese dhe e kanë të pamundur t’ia dalin me obligimet që po na rëndojnë çdo ditë e më shumë. Është e vështirë për të gjithë ne”, u shpreh Sylejmani.

    Pas një takimi që përfaqësuesit e punëtorëve zhvilluan me zyrtarët e Gjykatës Supreme, u bë e ditur se Gjykata do ta trajtojë me prioritet lëndën e tyre.

    Burimi: RTKLive

  • Kryesia e Kuvendit nis mbledhjen e radhës

    Kryesia e Kuvendit nis mbledhjen e radhës

    Kryesia e Kuvendit të Republikës së Kosovës ka filluar mbledhjen e radhës, raporton Ekonomia Online.Në këtë mbledhje do të shqyrtohen disa pika dhe do të vendoset për seancën e radhës.

    Rendi i ditës:

    Miratimi i procesverbalit të mbledhjes së mëparshme të Kryesisë së Kuvendit, propozimi i rendit të ditës për seancën plenare të radhës: miratimi i procesverbaleve nga seancat e mëparshme, deklarimet jashtë rendit të ditës, pyetjet parlamentare, përzgjedhja e dy (2) anëtarëve joekzekutivë të Bordit të Bankës Qendrore të Republikës së Kosovës, formimi i Komisionit Ad Hoc për përzgjedhjen e kandidatëve për dy (2) anëtarë nga komuniteti shqiptar, një (1) anëtar nga komuniteti serb dhe një (1) anëtar nga komunitetet joshumicë në Bordin e Radiotelevizionit të Kosovës, propozimi i GP-së së Listës Serbe për emërimin e deputetëve në komisionet parlamentare.

    Burimi: Dukagjini

  • Dy fatura të papaguara, borxh! KRU “Prishtina” me paralajmërim për konsumatorët

    Dy fatura të papaguara, borxh! KRU “Prishtina” me paralajmërim për konsumatorët

    Dy fatura të papaguara, borxh! KRU “Prishtina” me paralajmërim për konsumatorët

    Kompania Rajonale e Ujësjellësit “Prishtina” u ka bërë thirrje konsumatorëve që t’i paguajnë faturat e ujit me kohë, duke paralajmëruar për rritjen e borxheve dhe mundësinë e penalizimeve.

    Përmes një njoftimi publik, KRU “Prishtina” ka theksuar se nuk do të ketë tolerancë ndaj konsumatorëve që nuk i përmbushin obligimet e tyre financiare për shërbimet e ujësjellësit, transmeton Klankosova.tv.

    Sipas kompanisë, dy fatura të papaguara konsiderohen borxh, ndërsa konsumatorët janë ftuar që të mos lejojnë grumbullimin e detyrimeve dhe t’i kryejnë pagesat brenda afateve të përcaktuara.

    “Mos lejo që borxhi të rritet. Shmang penalizimet duke i paguar faturat me kohë!”, thuhet në njoftimin e publikuar nga kompania.

    KRU “Prishtina” ka rikujtuar gjithashtu rëndësinë e përgjegjësisë së përbashkët për shërbimet e ujësjellësit, duke u bërë thirrje të gjithë konsumatorëve që të jenë të rregullt në pagesa.

  • KPM-ja miraton kërkesën për transmetim eksperimental të “Radio Policia e Kosovës”

    KPM-ja miraton kërkesën për transmetim eksperimental të “Radio Policia e Kosovës”

    KPM-ja miraton kërkesën për transmetim eksperimental të “Radio Policia e Kosovës”

    Komisioni i Pavarur i Mediave (KPM) ka miratuar me gjashtë vota për, asnjë kundër dhe asnjë abstenim kërkesën e Policisë së Kosovës për lejimin e transmetimit eksperimental të “Radio Policia e Kosovës”.

    Gjatë mbledhjes së KPM-së, ushtruesi i detyrës së këtij komisioni, Namon Racaj, ka shpjeguar se kërkesa mbështetet në rregulloren e re për transmetimet eksperimentale, e cila u mundëson subjekteve të interesuara të testojnë teknologji dhe forma të reja të transmetimit.

    Sipas Racajt, kjo procedurë nuk nënkupton licencimin e një mediumi të ri, por testimin e mundësive teknike dhe programore, me kufizime të përcaktuara, veçanërisht në aspektin komercial.
    “Duhet vetëm ta sqarojmë se rregullorja nuk është e detyrueshme ndaj ndonjë subjekti, por ka krijuar një terren të ri për të gjitha subjektet që dëshirojnë të bëjnë testime të transmetimeve eksperimentale, duke u bazuar edhe në zhvillimet teknologjike që kanë ndodhur. Ka pasur një kërkesë që të krijohet një bazë ligjore përmes kësaj rregulloreje, në mënyrë që kushdo që ka interes si subjekt për të testuar teknologji të reja dhe për të bërë testime programore, ta ketë këtë mundësi”, ka thënë Racaj.

    Ai ka theksuar se subjektet që marrin leje për transmetim eksperimental nuk mund të konkurrojnë në tregun medial me transmetuesit e licencuar në Kosovë, pasi aktivitetet e tyre komerciale janë të kufizuara.

    “Këto subjekte të cilat marrin leje për transmetim eksperimental nuk mund t’i konkurrojnë tregut medial ose transmetuesve të licencuar që veprojnë me licencë të KPM-së. Të gjitha aktivitetet komerciale të transmetuesve eksperimentalë radiofonikë nuk lejohen në atë formë që t’i vënë në konkurrencë televizionet ose radiot e licencuara në Kosovë, të cilat e kanë edhe tregun e reklamës. Kjo është e specifikuar në rregullore dhe është shumë me rëndësi të bëhet e qartë se këto nuk janë media në kuptimin tradicional”, ka deklaruar ai.

    Racaj ka bërë të ditur se leja për transmetim eksperimental fillimisht mund të jepet për një vit, me mundësi vazhdimi edhe për një vit tjetër. Ai ka sqaruar se qëllimi është testimi i mbulueshmërisë, përmirësimi i sinjalit dhe i përmbajtjeve që mund të ofrohen përmes formave të reja të transmetimit.

    Sa i përket kërkesës së Policisë së Kosovës, Racaj ka thënë se ajo synon mundësimin e informimit të qytetarëve për sigurinë në trafik dhe sigurinë publike.

    “Në këtë rast kërkesa është nga Policia e Kosovës, e cila e ka parashtruar me qëllim që të ketë informacione për sigurinë në trafik dhe sigurinë publike. Bëhet fjalë për lajmërimet e trafikut dhe shërbime të tjera që ekzistojnë në vende të ndryshme, por që transmetohen në formate të ndryshme. Ky ka qenë qëllimi i kërkesës dhe, në këtë aspekt, ajo është trajtuar nga Zyra e Çështjeve Ligjore. Kërkesa ka bazë ligjore në rregulloren përkatëse”, ka thënë Racaj.

    Ndërkaq, kryesuesi i KPM-së, Besnik Berisha, e ka cilësuar kërkesën si një mundësi të rëndësishme për të testuar funksionimin e lajmërimeve të trafikut përmes transmetimeve radiofonike.

    Berisha ka rikujtuar se kjo temë është diskutuar edhe më herët në KPM, duke përmendur kritikat e mëparshme të qytetarëve lidhur me mënyrën se si transmetoheshin njoftimet e trafikut dhe kalimin automatik të sinjalit në kanale të caktuara.

    “Unë mendoj se ka ardhur një moment i rëndësishëm për këtë kërkesë dhe, meqë është për transmetim eksperimental, nga ajo pjesë që e kam lexuar, nuk ka pasur theksim të mjaftueshëm të asaj që quhet ‘traffic announcement’, ose lajmërimet e trafikut. Kjo është një temë që mendoj se e kam nisur para rreth katër vitesh, kur kam qenë në KPM, dhe mendoj se është diçka e rëndësishme. Kemi pasur edhe kritika dhe debate më herët, madje ndoshta edhe ankesa, për shkak se kalonte sinjali dhe ndërronte kanalin në mënyrë automatike. Është shumë e rëndësishme që të bëhen këto testime pikërisht në këtë pjesë”, ka deklaruar Berisha.

    Ai ka theksuar se testimi do t’i shërbejë edhe vetë KPM-së për të identifikuar mënyrat më efikase të rregullimit të shërbimeve të lajmërimeve të trafikut.

    “Ky aplikim shërben si një projekt pilot rregullativ dhe teknik për Komisionin e Pavarur të Mediave. Testimi do t’i mundësojë stafit të KPM-së të identifikojë modalitetet më efikase të rregullimit të shërbimit të lajmërimeve të trafikut. Përderisa kemi menduar ndonjëherë se nevojiten edhe investime për t’i bërë këto testime dhe për të vendosur një rregullim të caktuar për këtë tematikë, tash e kemi rastin kur Policia e Kosovës e ka bërë këtë kërkesë. Besoj se do të ketë bashkëpunim të mirë edhe me ne, por ne inkurajojmë memorandume bashkëpunimi me stacione të tjera private dhe publike për të testuar format e bashkëpunimit”, ka thënë Berisha.

    Kryesuesi i KPM-së ka përmendur edhe disa modele të mundshme për organizimin e lajmërimeve të trafikut në të ardhmen. Sipas tij, njëra prej mundësive është që radiostacionet të vendosin vullnetarisht nëse dëshirojnë të transmetojnë njoftime të tilla, ndërsa një model tjetër do të ishte përcaktimi i detyrimeve për radiostacione të caktuara, bazuar në kritere objektive.

    Berisha ka përmendur gjithashtu mundësinë e krijimit të një sistemi të koordinuar në nivel kombëtar, ku Policia e Kosovës dhe autoritetet rrugore do të furnizonin një pikë të përbashkët me informacione të verifikuara, të cilat më pas do të transmetoheshin nga radiostacionet pjesëmarrëse.

    Sipas tij, një sistem i tillë do të mundësonte informim më të shpejtë dhe më të koordinuar për qytetarët, por do të kërkonte protokolle institucionale, infrastrukturë dhe përgjegjësi të qarta për përditësimin e informacionit.

  • Haradinaj kujton Avni Elezaj: Qëndroi i palëkundur në rrugën e lirisë

    Haradinaj kujton Avni Elezaj: Qëndroi i palëkundur në rrugën e lirisë

    Haradinaj kujton Avni Elezaj: Qëndroi i palëkundur në rrugën e lirisë

    Ish-kryetari i Aleancës, Ramush Haradinaj, ka kujtuar Avni Elezajn, duke e vlerësuar si luftëtar trim e sypatrembur gjatë luftës për çlirimin e vendit.

    Në një postim në Facebook, Haradinaj ka shkruar se gjatë luftës kishte pasur pranë vetes shumë djem të zotë e trima, të gatshëm edhe për vetëflijim për lirinë e atdheut.

    “Gjatë luftës për liri, në frontet e luftës pata pranë vetes shumë djem të zotë e trima, të pathyeshëm dhe të gatshëm deri në vetëflijim për çlirimin e atdheut. Shumë prej tyre i humbëm në fushëbetejë, e shumë të tjerë i humbëm pas lirisë. Avniun do ta kujtoj përherë si luftëtar trim e sypatrembur, që qëndroi i palëkundur në rrugën e lirisë dhe të atdheut. Përgjithmonë në kujtesën tonë, Avni Elezaj”, shkroi Haradinaj./Klankosova.tv

  • Nis mbledhja e Kryesisë së Kuvendit

    Nis mbledhja e Kryesisë së Kuvendit

    Nis mbledhja e Kryesisë së Kuvendit

    Ka nisur mbledhja e Kryesisë së Kuvendit, e para pas zgjedhjes së Justina Shiroka Pulës në postin e presidentes së vendit.

    Në këtë mbledhje pritet të shqyrtohen pikat e parapara në rendin e ditës, raporton Klankosova.tv

    Ky është rendi i ditës:

    1. Miratimi i procesverbalit të mbledhjes së mëparshme të Kryesisë së Kuvendit, 

    2. Propozimi i rendit të ditës për Seancën plenare të radhës:

    1.    Miratimi i procesverbaleve nga seancat e mëparshme,
    2.    Deklarimet jashtë rendit të ditës,
    3.    Pyetjet parlamentare,
    4.    Përzgjedhja e dy (2) anëtarëve joekzekutiv të Bordit të Bankës Qendrore të Republikës së  Kosovës,
    5.    Formimi i Komisionit Ad-Hoc për përzgjedhjen e kandidatëve për dy (2) anëtarë nga komuniteti shqiptar, një (1) anëtar nga komuniteti serb dhe një (1) anëtar nga komunitetet jo shumicë në Bordin e Radiotelevizionit të Kosovës,
    6.    Propozim i GP- Lista serbe për emërimin e deputetëve në komisionet parlamentare.

  • Zhegrova shkëlqen ndaj Cagliarit, mediat italiane e vlerësojnë lart

    Zhegrova shkëlqen ndaj Cagliarit, mediat italiane e vlerësojnë lart

    Zhegrova shkëlqen ndaj Cagliarit, mediat italiane e vlerësojnë lart

    Edon Zhegrova ka marrë vlerësime pozitive nga mediat italiane pas paraqitjes së tij në ndeshjen e Juventusit ndaj Cagliarit, e cila përfundoi me rezultat 1-1.

    Futbollisti kosovar u aktivizua në fillim të pjesës së dytë, duke zëvendësuar Francisco Conceiçãon. Me hyrjen e tij në fushë, Zhegrova i dha më shumë gjallëri sulmit të Juventusit.

    Portali italian CalcioMercato.it e vlerësoi me notën 7, duke e cilësuar si lojtarin më të mirë të Juventusit në këtë ndeshje.

    Edhe gazeta sportive Tuttosport e vlerësoi paraqitjen e tij, duke e përshkruar si shpërthyes dhe me ndikim në lojën e skuadrës.

    Cagliari kaloi në epërsi në minutën e 20-të me golin e Daniele Maldinit, ndërsa Juventusi arriti të barazojë në minutën e 81-të përmes Randal Kolo Muanit, pas asistimit të Kerim Alajbegoviqit.

    Pavarësisht përmirësimit të lojës në pjesën e dytë, Juventusi nuk arriti të sigurojë fitoren dhe u desh të kënaqej me një pikë.

    Paraqitja e Zhegrovës mund t’i ndihmojë atij të fitojë më shumë minuta në ndeshjet e ardhshme me fanellën e Juventusit.

    Sinjali – aty ku e vërteta flet para lajmit!

    /GazetaSinjali/

    The post Zhegrova shkëlqen ndaj Cagliarit, mediat italiane e vlerësojnë lart appeared first on Sinjali.

    Burimi: Sinjali