Category: Lajme

  • Trump pretendon se meritonte tetë Çmime Nobel për Paqe

    Trump pretendon se meritonte tetë Çmime Nobel për Paqe

    Trump pretendon se meritonte tetë Çmime Nobel për Paqe

    Presidenti amerikan, Donald Trump, ka kritikuar Komitetin Norvegjez të Nobelit pasi Çmimi Nobel për Paqe iu nda juristes Navi Pillay.

    Në një postim në platformën Truth Social, Trump pretendoi se meritonte çmimin për rolin e tij në zgjidhjen e konflikteve ndërkombëtare.

    Ai përmendi tetë konflikte, përfshirë atë mes Kosovës dhe Serbisë, Indisë dhe Pakistanit, si dhe Izraelit dhe Iranit.

    “Në të vërtetë, duhej t’i kisha fituar tetë Çmime Nobel për Paqe, jo vetëm një”, deklaroi Trump.

    Presidenti amerikan pretendoi gjithashtu se kishte kontribuar në lirimin e pengjeve izraelite dhe në parandalimin e përshkallëzimit të konflikteve të tjera.

    Trump kritikoi edhe Kombet e Bashkuara, duke thënë se organizata nuk kishte ndihmuar në zgjidhjen e konflikteve që ai përmendi.

    Ndërkaq, Komiteti Nobel e vlerësoi Navi Pillay për kontributin e saj në avancimin e drejtësisë ndërkombëtare dhe ndjekjen penale të krimeve të luftës.

    Pillay ka shërbyer si Komisionere e Lartë e Kombeve të Bashkuara për të Drejtat e Njeriut dhe si gjyqtare në institucione të rëndësishme ndërkombëtare.

    Sinjali – aty ku e vërteta flet para lajmit!

    /GazetaSinjali/

    The post Trump pretendon se meritonte tetë Çmime Nobel për Paqe appeared first on Sinjali.

    Burimi: Sinjali

  • Millan Radoiçiq pranë djalit të Vuçiqit në tubimin parazgjedhor të SNS-së në Kragujevc

    Millan Radoiçiq pranë djalit të Vuçiqit në tubimin parazgjedhor të SNS-së në Kragujevc

    Millan Radoiçiq pranë djalit të Vuçiqit në tubimin parazgjedhor të SNS-së në Kragujevc

    Milan Radoiçiq, ish-nënkryetar i Listës Serbe, i cili mori përgjegjësinë për organizimin e grupit terrorist në sulmin e armatosur në Banjskë të Zveçanit në vitin 2023, ku mbeti i vrarë rreshteri policor, heroi Afrim Bunjaku, është shfaqur në tubimin parazgjedhor të Partisë Përparimtare Serbe (SNS) në Kragujevc.

    Ekipi i N1 e filmoi atë para sallës “Jezero”, pranë Danillo Vuçiqit, djalit të Alleksandar Vuçiqit.

    Në pamjet e publikuara nga N1, Radoiçiq shihet në shoqërinë e Danillo Vuçiqit para sallës ku u mbajt tubimi i SNS-së. N1 raportoi më herët se Danillo Vuçiqi kishte ardhur në tubim i shoqëruar nga disa automjete me drita sinjalizuese të ndezura.

    Radoiçiqi është në kërkim nga Interpoli për shkak të sulmit terrorist në Banjskë, më 24 shtator 2023. Interpoli lëshoi urdhërarrest për të dhe 11 persona të tjerë në dhjetor të po atij viti.

    Në këtë sulm terrorist u vra polici Afrim Bunjaku, ndërsa gjatë përleshjeve me policinë u vranë edhe tre terroristë serbë nga grupi i udhëhequr nga Radoiçiqi.

    Disa ditë pas ngjarjeve në Banjskë, Radoiçiqi mori përgjegjësinë, përmes avokatit të tij, për organizimin e grupit që mori pjesë në sulm.

    Në gusht të vitit 2026, Prokuroria Speciale e Kosovës ngriti aktakuzë ndaj tij për krime lufte kundër popullsisë civile në Gjakovë gjatë viteve 1998 dhe 1999. Lënda përfshin 20 persona dhe vrasjen e më shumë se 100 civilëve.

    Autoritetet e Kosovës e kishin kërkuar më herët edhe nën dyshimet për frikësimin e dëshmitarëve në rastin “Brezovica”, ndërsa hetimi për rolin e tij në vendosjen e barrikadave në veri të Kosovës në vitin 2022 u ndërpre në qershor të vitit 2026, pasi ai nuk ishte i qasshëm për prokurorinë. /Klankosova.tv

  • Përgjaket burgu në Meksikë, përleshjet mes grupeve kriminale lënë 12 të vrarë

    Përgjaket burgu në Meksikë, përleshjet mes grupeve kriminale lënë 12 të vrarë

    Përgjaket burgu në Meksikë, përleshjet mes grupeve kriminale lënë 12 të vrarë

    Dy të burgosur u vranë të premten gjatë një përleshjeje në një burg në qytetin turistik të Mazatlanit, në shtetin meksikan të Sinaloas, vetëm një ditë pasi dhuna në të njëjtin institucion la të vdekur 10 persona, përfshirë një fëmijë që po e vizitonte burgun.

    Sipas autoriteteve, ushtria dhe policia ndërhynë sërish dhe arritën ta vinin situatën nën kontroll. Shkaqet e përleshjes së fundit ende nuk janë bërë të ditura.

    Sinaloa është përfshirë nga konflikte të përgjakshme mes fraksioneve rivale të kartelit të drogës, të cilat kanë shkaktuar mbi 1,000 viktima që nga viti 2024.

    Ky është incidenti i tretë i këtij lloji në burgjet e shtetit gjatë këtij viti. Më 31 maj, shtatë të burgosur u vranë në një burg në Culiacan, kryeqytetin e Sinaloas.

    Sinjali – aty ku e vërteta flet para lajmit!

    /GazetaSinjali/

    The post Përgjaket burgu në Meksikë, përleshjet mes grupeve kriminale lënë 12 të vrarë appeared first on Sinjali.

    Burimi: Sinjali

  • PDK shënon 27-vjetorin e themelimit

    PDK shënon 27-vjetorin e themelimit

    PDK shënon 27-vjetorin e themelimit

    Sot, 27 vjet nga themelimi i Partisë Demokratike të Kosovës (PDK).

    PDK-ja u themelua më 10 tetor 1999 nga udhëheqës të Ushtrisë Çlirimtare të Kosovës (UÇK), shumica prej të cilëve më parë ishin aktivistë dhe drejtues të Lëvizjes Popullore të Kosovës.

    Fillimisht, partia u themelua me emrin Partia për Progres Demokratik e Kosovës, ndërsa më vonë mori emrin që mban edhe sot, Partia Demokratike e Kosovës.

    Në qeverisjen e Kosovës, PDK-ja u përfshi pas zgjedhjeve parlamentare të vitit 2001. Më 4 mars 2002, Bajram Rexhepi nga kjo parti u zgjodh kryeministër, detyrë të cilën e mbajti deri në dhjetor të vitit 2004.

    Hashim Thaçi ishte në krye të PDK-së deri në vitin 2016, kur, pas marrjes së detyrës së presidentit të Kosovës, drejtimi i partisë iu besua Kadri Veselit, i cili më pas u zgjodh edhe kryetar i Kuvendit të Kosovës.

    Pas Veselit, partinë e drejtuan Enver Hoxhaj dhe Memli Krasniqi.

    Aktualisht, kryetar i PDK-së është Bedri Hamza, i cili u zgjodh në këtë post më 17 nëntor 2025, pas dorëheqjes së Memli Krasniqit.

    Sinjali – aty ku e vërteta flet para lajmit!

    /GazetaSinjali/

    The post PDK shënon 27-vjetorin e themelimit appeared first on Sinjali.

    Burimi: Sinjali

  • Mbreti Charles paguan 1.5 milionë paund për dëmet në ish-rezidencën e Andrew-t

    Mbreti Charles paguan 1.5 milionë paund për dëmet në ish-rezidencën e Andrew-t

    Mbreti Charles paguan 1.5 milionë paund për dëmet në ish-rezidencën e Andrew-t

    Mbreti Charles III ka paguar 1.5 milionë paund nga pasuria e tij private për të mbuluar dëmet dhe riparimet në Royal Lodge, rezidencën në Windsor ku jetonte më parë vëllai i tij, Andrew Mountbatten-Windsor.

    Shuma përfaqëson detyrimin financiar që Andrew kishte ndaj Crown Estate, institucionit që administron pronën, për shkak të gjendjes në të cilën ishte lënë ndërtesa pas largimit të tij.

    Fillimisht, kostoja e dëmeve dhe riparimeve ishte vlerësuar në 1.8 milionë paund. Megjithatë, fatura u zvogëlua me 300 mijë paund, shumë që Andrew mund ta përfitonte nëse do të largohej nga rezidenca përpara përfundimit të kontratës së qirasë. Në fund, Crown Estate mori 1.5 milionë paund.

    Institucioni ka sqaruar se nuk i ka paguar asnjë shumë parash Andrew-t pas përfundimit të marrëveshjes.

    Andrew u largua nga Royal Lodge në shkurt të këtij viti dhe u zhvendos në Sandringham. Ndërkohë, Mbreti Charles po mbulon shpenzimet e jetesës dhe akomodimit të tij.

    Largimi i ish-princit ndodhi në një periudhë kur dolën në pah detaje të tjera për lidhjet e tij me Jeffrey Epstein, i dënuar në Shtetet e Bashkuara për krime seksuale. Andrew i ka mohuar vazhdimisht akuzat për shkelje të ligjit në lidhje me këtë çështje.

    Kontrata e qirasë për Royal Lodge, e lidhur në vitin 2003 për një periudhë 75-vjeçare, mbeti në fuqi deri në tetor të vitit 2026, pavarësisht largimit të Andrew-t në shkurt. Marrëveshja parashikonte pagesa të konsiderueshme paraprake, përfshirë rreth 7.5 milionë paund për riparimet, në këmbim të së cilave ai nuk paguante qira mujore.

    Sipas kushteve të kontratës, nëse Andrew hiqte dorë nga prona brenda 25 viteve të para, ai mund të përfitonte kompensim, shuma e të cilit zvogëlohej me kalimin e viteve. Në rast se marrëveshja do të përfundonte në tetor 2026, ai do të kishte të drejtë të merrte rreth 302 mijë paund.

    Megjithatë, detyrimi për dëmet dhe riparimet e tejkaloi këtë shumë, duke bërë që Andrew të mos përfitonte para nga përfundimi i kontratës. Pagesa e bërë nga Mbreti Charles synon të sigurojë që Crown Estate të mos pësojë humbje financiare nga marrëveshja.

    Ndërkohë, Andrew u arrestua në shkurt nën dyshimin për shpërdorim të detyrës publike. Një vendim gjykate i së enjtes ka ngritur pikëpyetje lidhur me urdhërarrestet e përdorura nga policia gjatë hetimeve.

    Sinjali – aty ku e vërteta flet para lajmit!

    /GazetaSinjali/

    The post Mbreti Charles paguan 1.5 milionë paund për dëmet në ish-rezidencën e Andrew-t appeared first on Sinjali.

    Burimi: Sinjali

  • Trump kritikon Komitetin Nobel: Meritoja tetë Çmime Nobel për Paqe

    Trump kritikon Komitetin Nobel: Meritoja tetë Çmime Nobel për Paqe

    Trump kritikon Komitetin Nobel: Meritoja tetë Çmime Nobel për Paqe

    Presidenti amerikan Donald Trump ka kritikuar Komitetin Norvegjez të Nobelit pasi ata ia ndanë Çmimi Nobel për Paqe, juristes Navi Pillay.

    Në një postim në platformën Truth Social, Trump pretendoi se meritonte çmimin për rolin e tij në zgjidhjen e konflikteve ndërkombëtare.

    Ai përmendi tetë konflikte, përfshirë atë mes Kosovës dhe Serbisë, Indisë dhe Pakistanit, si dhe Izraelit dhe Iranit.

    “Në të vërtetë, duhej t’i kisha fituar tetë Çmime Nobel për Paqe, jo vetëm një”, deklaroi Trump.

    Ai gjithashtu pretendoi se kishte kontribuar në lirimin e pengjeve izraelite dhe në parandalimin e përshkallëzimit të konflikteve të tjera.

    Trump kritikoi edhe Kombet e Bashkuara, duke thënë se organizata nuk kishte ndihmuar në zgjidhjen e konflikteve që ai përmendi.

    Komiteti Nobel e vlerësoi Navi Pillay për kontributin e saj në avancimin e drejtësisë ndërkombëtare dhe ndjekjen penale të krimeve të luftës.

    Pillay ka shërbyer si Komisionere e Lartë e OKB-së për të Drejtat e Njeriut dhe si gjyqtare në institucione të rëndësishme ndërkombëtare.

  • Ushqimet që nuk duhet të mungojnë në kuzhinë gjatë vjeshtës

    Ushqimet që nuk duhet të mungojnë në kuzhinë gjatë vjeshtës

    Ushqimet që nuk duhet të mungojnë në kuzhinë gjatë vjeshtës

    Me ardhjen e vjeshtës dhe uljen e temperaturave, ndryshojnë edhe shprehitë e të ushqyerit. Në këtë periudhë, ushqimet e ngrohta dhe produktet sezonale bëhen pjesë e rëndësishme e tryezës së përditshme.

    Për mëngjes, në kuzhinë është mirë të ketë vezë, qumësht, kos, djathë dhe bukë të freskët. Ndërsa për drekë, mund të përdoren mishi i pulës ose i viçit, patatet, orizi dhe makaronat, të cilat mundësojnë përgatitjen e vakteve të ndryshme.

    Supat me perime janë një zgjedhje e përshtatshme për darkë, sidomos gjatë ditëve të ftohta. Perimet mund të përdoren edhe për sallata dhe gatime në furrë.

    Vjeshta sjell edhe një shumëllojshmëri produktesh sezonale, si mollët, dardhat, rrushi, kungulli, brokoli, lakra, panxhari dhe patatet e ëmbla. Këto ushqime përmbajnë fibra, vitamina dhe minerale, të rëndësishme për një ushqyerje të larmishme.

    Planifikimi i blerjeve dhe përgatitja e një liste me produktet bazë mund ta bëjnë më të lehtë organizimin e vakteve dhe menaxhimin e shpenzimeve. Një kuzhinë e pajisur me ushqimet e nevojshme, fruta dhe perime të freskëta, ndihmon në përgatitjen e shujtave të ndryshme gjatë gjithë vjeshtës.

    Sinjali – aty ku e vërteta flet para lajmit!

    /GazetaSinjali/

    The post Ushqimet që nuk duhet të mungojnë në kuzhinë gjatë vjeshtës appeared first on Sinjali.

    Burimi: Sinjali

  • Qelaj shqyrton kërkesën për dërgimin e Ligjit për Specialen në Kushtetuese

    Qelaj shqyrton kërkesën për dërgimin e Ligjit për Specialen në Kushtetuese

    Avokati i Popullit, Naim Qelaj, ka bërë të ditur se është duke e shqyrtuar kërkesën e organizatave të shoqërisë civile, intelektualëve dhe aktivistëve për të drejtat e njeriut për dërgimin e Ligjit për Dhomat e Specializuara dhe Zyrën e Prokurorit të Specializuar në Gjykatën Kushtetuese, për vlerësim nëse Gjykata në Hagë ka tejkaluar mandatin e saj në gjykimin ndaj ish-krerëve të UÇK-së.

    Në një intervistë për Ekonomia Online, Qelaj ka thënë se ende është herët të përcaktohet qëndrimi i tij për këtë kërkesë, por ka theksuar se do të veprojë në kuadër të mandatit kushtetues dhe ligjor, duke pasur në fokus respektimin e të drejtave të njeriut dhe interesin e drejtësisë.

    “Para pak ditësh ne kemi pranuar një kërkesë nga një numër i madh i organizatave të shoqërisë civile dhe intelektualëve, aktivistë të të drejtave të njeriut. Kemi shqyrtuar dhe analizuar kërkesën e tyre, kemi pasur edhe një takim për të pasur mundësi t’i diskutojmë bashkë shqetësimet që janë ngritur nga ky grup i personave që e kanë adresuar këtë ankesë. Natyrisht, jemi në fazën e vlerësimit dhe shqyrtimit. Unë si Avokat i Popullit gjithmonë veproj brenda mandatit tim kushtetues dhe brenda asaj që më jep kompetencë edhe ligji për Avokatin e Popullit dhe Kushtetuta, gjithmonë në kujdes të shtuar që të ruaj, ose, si të themi, të kem epërsi në veprimet e mia, gjithmonë respektimin e të drejtave të njeriut, por mendoj se është një fazë e hershme për të konsideruar se cili do të jetë qëndrimi im në raport me këtë kërkesë të parashtruar. Natyrisht, kur është në interes të drejtësisë dhe kur është në interes të respektimit të të drejtave të njeriut, unë jam shumë i gatshëm të veproj në interes të këtyre dy çështjeve”, ka thënë Qelaj.

    Ai ka folur edhe për raportin e Avokatit të Popullit lidhur me proceset në Dhomat e Specializuara, duke sqaruar se institucioni që drejton nuk vlerëson vendimet gjyqësore, por procesin dhe respektimin e standardeve për një gjykim të drejtë e të paanshëm.

    “Avokati i Popullit është i prirur të mos japë vlerësime lidhur me vendimmarrjen e gjykatës. Fjala është për vendimet dhe aktgjykimet që i merr gjykata në çfarëdo niveli, në këtë rast edhe Dhomat e Specializuara, por raporti që ne kemi publikuar ka të bëjë më shumë me vetë procesin që po zhvillohet atje dhe garantimin e standardeve që garantojnë një gjykim të drejtë dhe të paanshëm, ato standarde që Kosova i zbaton në legjislacionin e vet, në sistemin e drejtësisë. Natyrisht, raporti, paraprakisht, para se të shpallej vendimi gjyqësor, ka konstatuar shumë shqetësime që lidhen me funksionimin e kësaj gjykate dhe me garantimin e procesit të drejtë, duke filluar nga mungesa e transparencës, mungesa e llogaridhënies së gjykatës, fakti që gjykata nuk e lidh punën e vet me asnjë segment të sistemit të drejtësisë ose të shtetit në Republikën e Kosovës”, ka thënë ai.

    Qelaj ka përmendur edhe shqetësimet që, sipas tij, janë evidentuar në raportin e institucionit të Avokatit të Popullit, përfshirë kohëzgjatjen e paraburgimit dhe administrimin e provave nga Serbia.

    “Faktin që paraburgimi ka zgjatur përtej standardeve që përcaktohen nga Gjykata Evropiane e të Drejtave të Njeriut, me një kohëzgjatje tepër të gjatë, provat nga Serbia, administrimi i tyre pa një filtër verifikimi dhe duke mos marrë parasysh që Serbia ka qëndrime armiqësore në raport me Kosovën, e ato janë shumë të theksuara në raport me Ushtrinë Çlirimtare të Kosovës, pjesëtarë të së cilës janë edhe udhëheqësit e saj që janë të akuzuarit në Hagë, dhe shumë e shumë probleme e shqetësime të tjera të cilat ne i kemi evidentuar. Natyrisht, kur del një vendim i cili në një masë të madhe nuk e kënaq popullatën ose nuk është në pritshmëritë e publikut, këto shqetësime të ngritura paraprakisht fitojnë një tjetër dimension, pra fitojnë një tjetër legjitimitet dhe qëndrueshmëri në raport me atë që ka ndodhur para se të nxirrej vendimi gjyqësor. Me një fjalë, nuk mund të presim që rezultatet e një procesi të komprometuar ose të një procesi me kaq shumë probleme të jenë vendime që publiku i beson. Natyrisht, reagimi i publikut ka qenë ai që ka qenë dhe erdhëm deri te veprimet konkrete që u morën edhe nga Kuvendi i Republikës së Kosovës”, ka deklaruar Qelaj.

    Sa u përket ndryshimeve të miratuara nga Kuvendi në Ligjin për Dhomat e Specializuara, Qelaj ka thënë se e drejta e Kuvendit për të miratuar dhe ndryshuar ligje nuk duhet të kontestohet, por ka ngritur dilema për efektin juridik të ndryshimeve dhe përputhshmërinë e tyre me detyrimet ndërkombëtare të Kosovës.

    “E para, nuk duhet të kontestohet asnjëherë e drejta e Kuvendit për të nxjerrë dhe ndryshuar ligje. Është një prej detyrave dhe kompetencave kryesore që ka Kuvendi i Republikës së Kosovës. Në raport me ligjin e fundit për ndryshimin e ligjit për Dhomat e Specializuara, ndoshta duhet ta shohim në një perspektivë tjetër, sa do të arrijë ky ligj ta ketë efektin e vet juridik në këtë proces, duke marrë parasysh që kemi të bëjmë me një amendament të veçantë të Kushtetutës, pra kemi të bëjmë me norma kushtetuese që përcaktojnë edhe format e themelimit, por edhe mënyrën e funksionimit të këtyre gjykatave”, ka thënë ai.

    Qelaj ka theksuar se vlerësimi nëse procesi gjyqësor ka qenë i padrejtë i takon Gjykatës së Apelit të Dhomave të Specializuara dhe se vendimet duhet të respektohen deri në vendimin e shkallës tjetër.

    “Ajo që është e rëndësishme në këtë fazë, që të gjitha institucionet e Republikës së Kosovës ta kenë parasysh, është fakti që beteja për drejtësi vendoset në gjykatë dhe të gjitha vendimet që merren nga gjykata, qofshin të pranueshme ose jo, duhet të respektohen derisa të merret vendimi në gjykatën e shkallës tjetër, pra në Apel. Unë besoj se, nëse ne nisemi nga një konstatim që del nga reagimi publik se gjykimi ka qenë i padrejtë, këtë mund ta vendosë vetëm Gjykata e Apelit e Dhomave të Specializuara, pavarësisht dilemave nëse kjo gjykatë arrin tani ta kalojë pragun minimal të besueshmërisë se do të jetë një gjykatë e drejtë dhe nëse do ta vendosë vërtet drejtësinë”, ka deklaruar Qelaj.

    Ai ka kërkuar gjithashtu mbikëqyrje më të madhe dhe llogaridhënie nga Dhomat e Specializuara, si dhe monitorim nga mekanizmat ndërkombëtarë, përfshirë Këshillin e Evropës dhe Bashkimin Evropian.

    “Por unë mendoj se një mbikëqyrje e shtuar dhe demokratike, si dhe një kërkesë për llogaridhënie nga vetë gjykata, në anën tjetër, një kërkesë e vazhdueshme ndaj mekanizmave ndërkombëtarë, siç janë Këshilli i Evropës dhe Bashkimi Evropian, për të vendosur kontroll dhe monitorim të mirëfilltë në këtë gjykatë, për të parë nëse po i zbaton ato standarde për të cilat ne kemi dhënë gjithçka për t’i pasur në funksion, është e domosdoshme. Pra, shteti, qeveria dhe të gjitha institucionet e Republikës së Kosovës duhet ta fokusojnë vëmendjen e tyre në këtë drejtim. Dhe diçka: Kosova asnjëherë nuk duhet të krijojë situata të tilla që të konsiderohet si shtet që po e pengon drejtësinë. Duhet të gjejë forma të cilat janë të pranueshme, që i mbrojnë dhe i garantojnë të drejtat e njeriut dhe procesin e drejtë atje, pa e klasifikuar veten si një shoqëri e cila po provon ta vendosë drejtësinë me ligje ose me politikë”, ka thënë ai.

    Qelaj ka vlerësuar se struktura dhe mënyra e funksionimit të Dhomave të Specializuara ngrenë shqetësime për raportin e tyre me institucionet e Kosovës, ndërsa ka thënë se zbatimi i ndryshimeve ligjore mbetet çështje që duhet të vlerësohet.

    “Ajo që mund të konstatoj tani është se, nga analiza jonë, ka rezultuar që struktura e gjykatës dhe mënyra se si ka funksionuar janë tërësisht jashtë sistemit të Republikës së Kosovës. Kjo formë e vendimmarrjes në një strukturë autonome që nuk i përket Kosovës, të cilën e ka ndërtuar Kosova, ndërsa llogari u jep vendeve donatore, natyrisht ngre shumë shqetësime dhe dilema. Se si do të shkojnë gjërat më tej është me interes të përcillet me vëmendje dhe, natyrisht, unë do të reagoj me kohë sa herë që do të ketë zhvillime në këtë drejtim. Fakti që zbatimi i ndryshimeve ligjore do të jetë sfidues nuk është i kontestueshëm, ashtu siç nuk është i kontestueshëm fakti që Kuvendi ka të drejtën t’i miratojë këto ligje. Se a janë në përputhje me detyrimet ndërkombëtare që Kosova i ka marrë dhe sa do të gjejnë zbatim, duhet ta shohim, por paralelisht me këtë ne duhet të angazhohemi dhe të veprojmë edhe në aspektet e tjera të veprimit institucional, me qëllim të garantimit të procesit të drejtë”, ka thënë Qelaj.

    Burimi: Dukagjini

  • Milani i bindur që është favorit për Endrickun

    Milani i bindur që është favorit për Endrickun

    Milani i bindur që është favorit për Endrickun

    Milani është i bindur se është në avantazh ndaj klubeve të tjera në garën për të huazuar Endrickun nga Real Madridi në muajin janar raporton La Gazzetta dello Sport.

    Endrick dëshiron të provojë veten në Serie A, nëse situata e tij sa i përket minutave të lojës te Real Madridi nuk përmirësohet gjatë muajve të ardhshëm.

    Real Madridi është i hapur vetëm për një huazim, i cili mund të përfshijë një opsion të lartë blerjeje dhe një klauzolë riblerjeje.

  • Trembeni nga çdo zhurmë e papritur? Shkaku mund të jetë më i thellë se sa mendoni

    Trembeni nga çdo zhurmë e papritur? Shkaku mund të jetë më i thellë se sa mendoni

    Trembeni nga çdo zhurmë e papritur? Shkaku mund të jetë më i thellë se sa mendoni

    Një zhurmë e papritur apo një lëvizje e beftë mund të na bëjë të kërcejmë nga vendi. Megjithatë, nëse edhe tingujt e zakonshëm ose të vegjël shkaktojnë reagime të forta, pas kësaj mund të fshihet mënyra se si truri dhe sistemi nervor përballojnë stresin dhe sinjalet e rrezikut.

    Ndjeshmëria ndaj zhurmave mund të lidhet me faktorë të ndryshëm. Kur kjo gjë bëhet e shpeshtë dhe ndikon në përditshmëri, këshillimi me një profesionist mund të jetë i dobishëm.

    7 arsye pse mund të trembeni lehtësisht nga zhurmat

    1. Organizmi qëndron vazhdimisht në alarm

    Hipereksitimi ndodh kur truri dhe trupi mbeten në një gjendje të vazhdueshme gatishmërie, sikur ekziston një kërcënim. Kjo gjendje mund të shoqërohet me ankthin ose përvojat traumatike dhe të shfaqet përmes ndjeshmërisë ndaj tingujve, shqetësimit dhe reagimeve të forta emocionale.

    2. Jeni vazhdimisht në kërkim të rrezikut

    Hipervigjilenca përshkruan një gjendje në të cilën personi monitoron vazhdimisht ambientin për të identifikuar kërcënime të mundshme. Ajo mund të shfaqet krahas hipereksitimit dhe ta bëjë të vështirë ndjenjën e sigurisë, edhe kur nuk ekziston një rrezik real. Në vazhdimësi, kjo mund të ndikojë edhe në marrëdhënie dhe në jetën e përditshme.

    3. Mund të ketë lidhje me stresin post-traumatik

    Pas përjetimit të një traume, si një aksident i rëndë, sulm apo urgjencë mjekësore, disa njerëz vazhdojnë të ndihen të rrezikuar edhe pasi ngjarja ka kaluar. Te personat me çrregullim të stresit post-traumatik, trupi mund të qëndrojë në gatishmëri, duke bërë që një zhurmë e papritur të perceptohet si kërcënim.

    4. Ankthi mund të ndikojë në reagimin ndaj tingujve

    Një studim i vogël i vitit 2009 tregoi se gratë me çrregullim ankthi të përgjithësuar patën reagime më të forta ndaj zhurmave të papritura gjatë detyrave që përfshinin shqetësim ose relaksim. Megjithëse studimi përfshiu vetëm 18 gra dhe rezultatet janë të kufizuara, ai sugjeron se ankthi dhe gjendja mendore mund të ndikojnë në mënyrën se si reagojmë ndaj tingujve.

    5. Kafeina mund të jetë një faktor

    Kafeina stimulon sistemin nervor qendror dhe mund të rrisë ankthin, nervozizmin dhe ndjesinë e shqetësimit. Konsumimi i tepërt mund ta bëjë organizmin më reaktiv ndaj zhurmave të papritura.

    6. Mungesa e gjumit rrit reaktivitetin

    Kur nuk flini mjaftueshëm, truri mund të bëhet më reaktiv dhe të ketë më shumë vështirësi në kontrollin e emocioneve. Për këtë arsye, një tingull i papritur mund të shkaktojë një reagim më të fortë se zakonisht.

    7. Stresi i vazhdueshëm mund të ndikojë në ndjeshmërinë ndaj zhurmave

    Stresi ndryshon mënyrën se si organizmi reagon ndaj asaj që ndodh përreth. Kortizoli, hormoni i çliruar gjatë stresit, mund të lidhet me reagimin ndaj tingujve. Një studim te gratë shtatzëna me nivele të larta stresi dhe kortizoli vuri re se edhe foshnjat e tyre kishin nivele më të larta të këtij hormoni dhe trembeshin më lehtë. Kjo ngre mundësinë që gjendja gjatë shtatzënisë të ndikojë në mënyrën se si foshnjat reagojnë ndaj tingujve.

    Sinjali – aty ku e vërteta flet para lajmit!

    /GazetaSinjali/

    The post Trembeni nga çdo zhurmë e papritur? Shkaku mund të jetë më i thellë se sa mendoni appeared first on Sinjali.

    Burimi: Sinjali