Category: Lajme

  • Toni Kroos fillon karrierën si trajner, zbulohet plani i tij për t'u rikthyer te Real Madridi

    Toni Kroos fillon karrierën si trajner, zbulohet plani i tij për t’u rikthyer te Real Madridi

    Mesfushori legjendar gjerman Toni Kroos po përgatitet për një kapitull të ri në jetën e tij. Pasi vari këpucët në gozhdë në fund të Kampionatit Evropian të këtij viti, ish-ylli i Real Madridit tani po synon seriozisht një punë trajneri.

    Sipas gazetës spanjolle AS, Kroos e ka informuar tashmë Federatën Spanjolle të Futbollit (RFEF) për qëllimin e tij për t’u regjistruar në një program të specializuar trajnerësh për ish-profesionistë në sezonin 2027/28.

    Edhe pse, falë shumë viteve përvojë si lojtar, ai tashmë ka lejen për të udhëhequr ekipet në nivelin e tretë të futbollit spanjoll, gjermani nuk dëshiron t’i anashkalojë hapat. Qëllimi i tij është një licencë UEFA A, e cila do t’i hapte derën drejt pozicionit të trajnerit kryesor në ligat më të forta evropiane.

    Aktualisht ai i është përkushtuar punës me talentë të rinj në akademinë e tij të futbollit që ndodhet në periferi të Madridit. Ai kënaqet duke punuar me fëmijë, por ambiciet e tij po e çojnë ngadalë drejt futbollit profesional për të rritur.

    Është interesante që drejtuesit e Realit, të udhëhequr nga Florentino Perez, planifikuan qëndrimin e Kroos në klub në pranverë përmes një prej funksioneve në qendrën stërvitore Valdebebas. Edhe pse negociatat u zhvilluan, të dyja palët ranë dakord se nuk donin të detyronin bashkëpunimin vetëm bazuar në emrin e tij të famshëm, duke dështuar të gjenin rolin ideal në atë moment.

    Megjithatë, dyert e Real Madridit mbeten të hapura dhe marrëdhëniet midis gjermanit dhe menaxhmentit janë të patëmetë, kështu që nuk do të ishte çudi nëse ai do t’i bashkohej së shpejti Mbretërve.

    Le të kujtojmë se Kroos e la futbollin në kulmin e karrierës. Në një karrierë të pasur, ai luajti për Bayern Munichun, Bayer Leverkusenin dhe Real Madridin, duke fituar gjashtë tituj të Ligës së Kampionëve dhe titullin e Kupës së Botës me Gjermaninë (2014), dhe së bashku me Luka Modricin dhe Casemiron ai formoi një nga linjat e mesfushës më dominuese në historinë e këtij sporti. /Telegrafi/

  • Të shtëna me armë në Gjermani, vriten dy zyrtarë – arrestohet i dyshuarit

    Të shtëna me armë në Gjermani, vriten dy zyrtarë – arrestohet i dyshuarit

    Të shtëna me armë në Gjermani, vriten dy zyrtarë – arrestohet i dyshuarit

    Policia gjermane ka arrestuar një burrë rreth të 60-ave, i cili dyshohet se vrau dy zyrtarë të qarkut gjatë një kontrolli rutinë të armëve të zjarrit në Bavari.

    Ngjarja ndodhi të enjten pasdite në qytetin Berngau, ku një burrë 54-vjeçar dhe një grua 45-vjeçare, të dy punonjës të distriktit Neumarkt, u qëlluan për vdekje gjatë inspektimit.

    Pas të shtënave, i dyshuari u mbyll në një ndërtesë, ku qëndroi për disa orë, ndërsa policia rrethoi zonën dhe angazhoi njësitë speciale.

    Autoritetet u bënë thirrje banorëve të qëndronin në shtëpitë e tyre ose larg perimetrit të operacionit.

    Sipas policisë, gjatë negociatave, i dyshuari refuzoi të dorëzohej dhe deklaroi se do të rezistonte. Gjatë ndërhyrjes, ai dyshohet se përdori eksplozivë, ndërsa policia hapi zjarr ndaj tij.

    Burri u plagos lehtë në këmbë dhe mori trajtim mjekësor pas arrestimit.

    Fillimisht, policia kishte njoftuar se një punonjës i distriktit kishte vdekur, ndërsa kolegia e tij ishte plagosur rëndë. Më vonë, autoritetet konfirmuan se edhe gruaja kishte ndërruar jetë.

    Motivi i dyshuar për vrasjet ende nuk është përcaktuar.

    Sinjali – aty ku e vërteta flet para lajmit!

    /GazetaSinjali/

    The post Të shtëna me armë në Gjermani, vriten dy zyrtarë – arrestohet i dyshuarit appeared first on Sinjali.

    Burimi: Sinjali

  • Adidas padit White Fox-in për ngjashmëri me logon e saj

    Adidas padit White Fox-in për ngjashmëri me logon e saj

    Adidas padit White Fox-in për ngjashmëri me logon e saj

    Gjiganti gjerman i veshjeve sportive, Adidas, ka ngritur padi ndaj markës australiane White Fox, duke e akuzuar për shkelje të të drejtave të markës tregtare përmes shitjes dhe reklamimit të veshjeve me katër vija paralele.

    Adidas pretendon se dizajni i përdorur nga White Fox është “mashtrueshëm i ngjashëm” me logon e saj karakteristike me tri vija dhe se marka australiane po përpiqet të përfitojë nga reputacioni i kompanisë gjermane.

    Sipas Adidas, që nga marsi i këtij viti, White Fox-it i është kërkuar disa herë të ndalojë shitjen dhe promovimin e produkteve në fjalë, por kompania ka refuzuar.

    Gjatë një seance në Gjykatën Federale të Australisë, avokatët e White Fox mohuan shkeljen e të drejtave të markës tregtare. Ata paralajmëruan se do të argumentojnë se edhe kompani të tjera të njohura të modës shesin veshje me vija dekorative të ngjashme.

    Nga ana tjetër, Adidas pretendon se reklamat e White Fox mund t’i bëjnë konsumatorët të besojnë se ekziston një lidhje mes dy kompanive ose se Adidas e ka miratuar dizajnin e markës australiane.

    Kompania gjermane ka paraqitur në gjykatë krahasime të produkteve, fotografi të reklamave në autobusë dhe stacione, si dhe imazhe të veshjeve të promovuara nga persona që mbanin produkte origjinale të Adidas-it.

    Adidas pretendon gjithashtu se në disa fotografi të publikuara online, logoja e saj në këpucët e personave që reklamonin produktet e White Fox-it ishte ndryshuar në mënyrë digjitale pas nisjes së procedurave gjyqësore.

    Përveç ndalimit të përdorimit të dizajneve të kontestuara, Adidas po kërkon edhe dëmshpërblim, përfshirë fitimet e realizuara nga shitja e produkteve, interesin dhe shpenzimet gjyqësore.

    Adidas ka të regjistruar markën e saj me tri vija në Australi që nga viti 1957 dhe në vitin 2013 kishte fituar një proces gjyqësor në këtë shtet kundër kompanisë Pacific Brands për shitjen e këpucëve me katër vija.

    White Fox, e themeluar në vitin 2013, është një markë e modës së shpejtë e njohur në mesin e të rinjve në Australi, Britani të Madhe dhe Shtetet e Bashkuara të Amerikës.

    Sipas gazetës “Australian Financial Review”, kompania realizoi të hyra prej 542 milionë dollarësh australianë gjatë 12 muajve deri në qershor të vitit 2025, rreth katër herë më shumë se në vitin 2022.

    Procesi gjyqësor pritet të zgjasë tri deri në katër ditë dhe mund të mbahet në fillim të vitit të ardhshëm.

    Sinjali – aty ku e vërteta flet para lajmit!

    /GazetaSinjali/

    The post Adidas padit White Fox-in për ngjashmëri me logon e saj appeared first on Sinjali.

    Burimi: Sinjali

  • 24-orë: 8 aksidente në Ferizaj, 6 persona përfundojnë të lënduar

    24-orë: 8 aksidente në Ferizaj, 6 persona përfundojnë të lënduar

    24-orë: 8 aksidente në Ferizaj, 6 persona përfundojnë të lënduar

    Brenda 24 orëve të fundit, njësitet policore të rajonit të Ferizajt kanë shtuar aktivitetet në terren, me qëllim rritjen e sigurisë në trafik.

    Gjatë kësaj periudhe, siç thuhet në njoftim, janë raportuar 8 aksidente trafiku, prej tyre, 4 me lëndime, ku kanë mbetur të lënduar 6 persona dhe 4 me dëme materiale , ndërsa janë shqiptuar gjithsej 262 gjoba për kundërvajtje.

    “Policia Rajonale e Ferizajt apelon tek të gjithë pjesëmarrësit në komunikacion që të respektojnë rregullat dhe shenjat e trafikut dhe të tregojnë kujdes të shtuar gjatë ngasjes, me qëllim të parandalimit të aksidenteve dhe ngritjes së sigurisë në rrugë”, thuhet në njoftim./Klankosova.tv

  • Java e 8 e Superligës: Prishtina në kërkim të fitores së shtatë, Malisheva synon kreun

    Java e 8 e Superligës: Prishtina në kërkim të fitores së shtatë, Malisheva synon kreun

    Java e 8 e Superligës: Prishtina në kërkim të fitores së shtatë, Malisheva synon kreun

    Java e tetë e Superligës së Kosovës mund të sjellë ndryshime në renditje, si në garën për kreun, ashtu edhe në pjesën e poshtme të tabelës.

    Prishtina kryeson me 18 pikë nga gjashtë ndeshje, e ndjekur nga Malisheva me 16 pikë, por me një ndeshje më shumë. Dukagjini ka 12 pikë, ndërsa Drita dhe Gjilani nga 11. Ballkani renditet i gjashti me 10 pikë, para Drenicës me nëntë, Feronikelit 74 me gjashtë, Llapit me tri dhe Vushtrrisë, që ende nuk ka marrë pikë.

    Përballja mes Dritës dhe Malishevës është ndër më të rëndësishmet e kësaj jave. Një fitore e Malishevës do ta çonte në 19 pikë dhe mund ta vendoste në krye të tabelës, në varësi të rezultatit të Prishtinës. Në rast të fitores së Dritës, gjilanasit do të shkonin në 14 pikë dhe do t’i afroheshin kreut. Barazimi do t’i jepte Malishevës 17 pikë, ndërsa Dritës 12.

    Prishtina, ndërkohë, synon fitoren e shtatë radhazi në përballjen e kësaj xhiroje me Dukagjinin. Nëse fiton, kryeqytetasit do të shkonin në 21 pikë dhe do ta forconin pozitën e parë. Barazimi do t’i çonte në 19 pikë, ndërsa humbja do t’u jepte mundësi rivalëve të afroheshin ose ta kalonin në renditje.

    Edhe dueli Llapi – Ballkani ka rëndësi për të dyja skuadrat. Ballkani, me 10 pikë, kërkon të afrohet me grupin e kreut, ndërsa Llapi synon të dalë nga fundi i tabelës. Fitorja do ta çonte Llapin në gjashtë pikë, kurse Ballkanin në 13.

    Në përballjen Vushtrria – Gjilani, vendasit kërkojnë pikët e para të sezonit, ndërsa Gjilani synon të përfitojë për t’u afruar me pozitat e para. Një fitore do ta çonte Gjilanin në 14 pikë, kurse Vushtrrinë në tri.

    Drenica dhe Feronikeli 74, nga ana tjetër, do të kërkojnë pikë për të përmirësuar pozitat në mesin dhe pjesën e poshtme të tabelës. Drenica mund të shkojë në 12 pikë me fitore, ndërsa Feronikeli 74 mund të arrijë në nëntë.

    Të gjitha ndeshjet e Superligës së Kosovës transmetohen në Artmotion. /Klankosova.tv

  • LAMM: Nuk ka pritje të gjata në pikat kufitare

    LAMM: Nuk ka pritje të gjata në pikat kufitare

    Trafiku në rrugët shtetërore po zhvillohet pa probleme, kryesisht në rrugë të thata, njofton LAMM.

    Intensiteti i trafikut në rrugët jashtë zonave urbane është mesatar. Nuk ka vonesa më të gjata në pikat kufitare në anën e RMV-së për hyrje dhe dalje nga vendi.

    LAMM rekomandon shpejtësi të rregulluar, duke respektuar sinjalistikën e vendosur të trafikut dhe menaxhim të kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.

    Që nga 15 prilli, rruga Ohër – Resnjë përmes Parkut Kombëtar Galiçicë është e hapur për trafik për të gjitha llojet e automjeteve deri në 3.5 ton.

  • Kaosi shpërthen sërish te Reali: Përplasje fizike mes dy yjeve, tensione edhe mes Mourinhos dhe Mbappes

    Jose Mourinho raportohet se ende nuk ka arritur ta qetësojë atmosferën në dhomat e zhveshjes së Real Madridit, ku së fundmi dy lojtarë, emrat e të cilëve nuk janë bërë publikë, janë përplasur fizikisht.

    Trajneri portugez u rikthye në krye të madrilenëve gjatë verës, me synimin për të vendosur disiplinë në një skuadër që sezonin e kaluar u përball me probleme të shumta të brendshme.

    Real Madridi e mbylli sezonin 2025/26 pa trofe, duke përfunduar pas Barcelonës në La Liga, si dhe duke u eliminuar nga Liga e Kampionëve në çerekfinale dhe nga Kupa e Mbretit në fazën e 1/8 së finales.

    Tensionet arritën kulmin kur Aurelien Tchouameni dhe Federico Valverde u gjobitën me nga 500 mijë euro pas një përleshjeje gjatë stërvitjes.

    Megjithatë, sipas radios spanjolle “Cadena SER”, atmosfera në dhomat e zhveshjes vazhdon të jetë “e akullt”, pavarësisht përpjekjeve të Mourinhos për të vendosur rregulla më të rrepta.

    Në qendër të diskutimeve është edhe Kylian Mbappe, i cili sezonin e kaluar kishte shkaktuar pakënaqësi për shkak të mungesave në disa ndeshje të rëndësishme.

    Francezi është kritikuar sërish pasi vizitoi një klub nate në Paris me të dashurën e tij dhe më pas publikoi video duke çikluar në Alpe, pasi kishte refuzuar grumbullimin me Kombëtaren e Francës për shkak të një dëmtimi.

    Ky veprim shihet si problematik edhe për shkak të rregullave të Mourinhos, i cili ua ka ndaluar lojtarëve çiklizmin, nga frika e lëndimeve që mund t’i mbajnë jashtë fushës.

    “Je futbollist 24 orë në ditë. Gjithçka lidhet me profesionin. Çfarë ha, çfarë pi, si fle, madje edhe gjërat në jetën private. Nuk mund të bësh ski. Nuk mund të ngasësh biçikletë”, kishte deklaruar më herët Mourinho.

    Sinjali – aty ku e vërteta flet para lajmit!

    /GazetaSinjali/

    The post Kaosi shpërthen sërish te Reali: Përplasje fizike mes dy yjeve, tensione edhe mes Mourinhos dhe Mbappes appeared first on Sinjali.

    Burimi: Sinjali

  • Xhuli tregon sekretin: Si i hoqi 13 kilogramë pas lindjes së fëmijëve

    Xhuli tregon sekretin: Si i hoqi 13 kilogramë pas lindjes së fëmijëve

    Xhuli tregon sekretin: Si i hoqi 13 kilogramë pas lindjes së fëmijëve

    Juliana Nura po vazhdon të ndajë me ndjekësit momente nga ditët e para të mëmësisë, ndërsa së fundmi ka folur edhe për ndryshimet që trupi i saj po përjeton pas lindjes së binjakëve.

    Ish-banorja e “Big Brother VIP Kosova” u bë nënë vetëm pak ditë më parë, ndërsa pas ardhjes në jetë të dy fëmijëve publikoi edhe fotografitë e para me ta.

    Në një postim të fundit në Instagram Story, Juliana ka treguar se brenda tetë ditësh pas lindjes pesha e saj është ulur me 13 kilogramë.

    Ajo ka treguar se gjatë kësaj periudhe konsumon rreth tre litra ujë në ditë, ndërsa ka përmendur edhe ushqyerjen me gji si një prej faktorëve që shoqërojnë ndryshimet që po përjeton trupi i saj.

    The post Xhuli tregon sekretin: Si i hoqi 13 kilogramë pas lindjes së fëmijëve appeared first on Insajderi.

  • Adidas në gjyq me White Fox: E akuzon për ngjashmëri me logon e saj

    Adidas në gjyq me White Fox: E akuzon për ngjashmëri me logon e saj

    Adidas në gjyq me White Fox: E akuzon për ngjashmëri me logon e saj

    Gjiganti gjerman i veshjeve sportive, Adidas, ka ngritur padi ndaj markës australiane White Fox, për shitjen dhe reklamimin e veshjeve me një dizajn prej katër vijash, të cilin e konsideron “mashtrueshëm të ngjashëm” me logon e saj karakteristike.

    Kompania Adidas tha se që nga muaji mars i kishte kërkuar vazhdimisht White Fox-it që të ndalonte shitjen dhe promovimin e këtyre veshjeve, por kompania me seli në Sydney kishte refuzuar ta bënte këtë.

    White Fox është një shitës online i modës së shpejtë, mjaft i popullarizuar te adoleshentët dhe të rinjtë në Australi, Britani të Madhe dhe Shtetet e Bashkuara të Amerikës. Për të rritur praninë e saj në treg, kompania ka përdorur reklama në tabela të mëdha, autobusë dhe bashkëpunime me influencues, shumë prej të cilëve janë në moshë universitare.

    Gjatë seancës së së premtes në Gjykatën Federale të Australisë, avokatët e White Fox mohuan se kompania kishte shkelur të drejtat e markës tregtare.

    Edhe pse White Fox ende nuk e ka dorëzuar zyrtarisht mbrojtjen e saj ligjore, avokatët i thanë gjyqtarit Ian Jackman se kompania synon të argumentojë se edhe marka të tjera të njohura australiane, si Cotton On, Sportscraft dhe Glassons, shesin veshje me “vija dekorative të ngjashme”.

    Nga ana tjetër, avokatët e Adidas i thanë gjykatës se, përmes reklamimit dhe shitjes së veshjeve me katër vija, White Fox kishte pasur “qëllimin të përfitonte nga reputacioni ynë”, shkruan BBC, transmeton Klankosova.tv

    Sipas gjykatës, një proces gjyqësor që pritet të zgjasë tri deri në katër ditë mund të mbahet në fillim të vitit të ardhshëm.

    Në padinë e saj me shkrim, Adidas pretendon se dizajni i saj me tri vija gëzon një “reputacion të konsiderueshëm dhe të vlefshëm” në Australi, ku është i regjistruar si markë tregtare që nga viti 1957.

    Kompania thotë se të paktën që nga muaji mars, White Fox ka shitur dhe reklamuar veshje me katër vija paralele, me gjerësi të njëjtë, duke shkelur kështu, sipas saj, të drejtat e markës tregtare Adidas.

    Sipas kompanisë gjermane, dizajnet e White Fox janë “thelbësisht identike ose përndryshe mashtrueshëm të ngjashme” me dizajnet e saj.

    Adidas pretendon gjithashtu se reklamat e White Fox për veshjet me katër vija dhe çorapet me logon e kësaj marke shfaqin persona që mbajnë produkte origjinale të Adidas-it.

    Sipas dokumenteve të paraqitura në gjykatë, kjo mund t’i bëjë konsumatorët australianë të mendojnë se Adidas ka lidhje me White Fox-in dhe se e ka miratuar dizajnin e saj.

    Kompania pretendon se White Fox po krijon “një asociacion në mendjet e konsumatorëve” mes dy markave, ose të paktën po vepron në kufijtë e asaj që lejohet.

    Adidas, e cila raportoi të hyra prej 24.8 miliardë eurosh në vitin 2025, po kërkon gjithashtu dëmshpërblim. Kompania kërkon që White Fox t’ia paguajë fitimet e realizuara nga shitja e produkteve në fjalë, së bashku me interesin dhe shpenzimet gjyqësore.

    Si dëshmi, Adidas ka paraqitur krahasime të produkteve të saj me veshjet e White Fox-it, përfshirë pantallonat sportive dhe pantallonat e shkurtra për qëndrim në shtëpi. Gjithashtu, janë dorëzuar fotografi të reklamave të vendosura në autobusë dhe në stacione të autobusëve.

    Në një prej rasteve, Adidas pretendon se një fotografi e publikuar në një shitje online në qershor të vitit 2025 tregonte një palë çorape me markën White Fox, të prezantuara nga një person që mbante këpucë rozë të Adidas-it.

    Sipas dokumenteve, disa ditë pasi procedurat gjyqësore u iniciuan muajin e kaluar, logoja e Adidas-it në këpucë u ndryshua në mënyrë digjitale, duke hequr njërën prej vijave. Një javë më vonë, nga fotografia u hoqën të tria vijat.

    Në vitin 2013, Adidas kishte fituar një proces gjyqësor në Australi kundër kompanisë Pacific Brands, për shitjen e këpucëve me katër vija.

    White Fox u themelua në vitin 2013 nga Georgia dhe Daniel Contos. Kompania është në pronësi private të çiftit me origjinë greko-australiane dhe nënës së Danielit, Melina Maceri.

    Marka po zgjeron praninë e saj në tregun amerikan, ndërsa në vitin 2024 u zgjerua edhe në tregun britanik.

     Sipas gazetës Australian Financial Review, gjatë 12 muajve deri në qershor të vitit 2025, kompania realizoi të hyra prej 542 milionë dollarësh australianë, rreth 286 milionë funteve ose 377 milionë dollarëve amerikanë. Kjo shënon një rritje katërfish krahasuar me vitin 2022, kur të hyrat e saj ishin 121 milionë dollarë australianë.

  • SHBA-ja dhe Ukraina takohen në Miami për propozime të reja për përfundimin e luftës

    SHBA-ja dhe Ukraina takohen në Miami për propozime të reja për përfundimin e luftës

    SHBA-ja dhe Ukraina takohen në Miami për propozime të reja për përfundimin e luftësPërfaqësuesit e Shteteve të Bashkuara dhe Ukrainës do të takohen të premten, më 9 tetor, në Miami, për të diskutuar propozime të reja që synojnë përfundimin e luftës së Rusisë kundër Ukrainës.

    Ndërkohë, të dërguarit amerikanë mund të rikthehen në Moskë më vonë gjatë këtij muaji për bisedime të tjera me presidentin rus, Vladimir Putin, transmeton Telegrafi.

    Sipas Axios, duke cituar zyrtarë amerikanë dhe ukrainas, bisedimet dyditore pritet të përqendrohen në mënyrat e mundshme për të zhbllokuar procesin diplomatik. Në mesin e propozimeve që mund të shqyrtohen është edhe një armëpushim i pjesshëm, që do të përfshinte ndalimin e sulmeve ndaj infrastrukturës energjetike dhe transportit të drithërave.

    Administrata e presidentit amerikan, Donald Trump, po synon të arrijë përparim diplomatik përpara zgjedhjeve të mesmandatit në SHBA dhe ardhjes së dimrit të ashpër në Ukrainë.“Jemi të gjithë të shqetësuar për dimrin. Do të jetë një dimër i vështirë nëse lufta nuk ndalet.

    Prandaj, SHBA-ja po përpiqet të ndërmjetësojë mes palëve, me synimin për të hartuar një propozim të përbashkët”, tha një burim amerikan për Axios.Të enjten, të dërguarit amerikanë Steve Witkoff dhe Jared Kushner u takuan me presidentin Trump për t’i paraqitur propozimin më të fundit të SHBA-së dhe për të marrë komentet e tij përpara takimit në Miami.

    Në takim morën pjesë edhe sekretari i Thesarit, Scott Bessent, dhe zëvendëskëshilltari për Sigurinë Kombëtare, Mike Needham.Delegacioni ukrainas pritet të përfshijë shefin e kabinetit të presidentit Volodymyr Zelensky, Kyrylo Budanov, sekretarin e Këshillit të Sigurisë Kombëtare dhe Mbrojtjes, Rustem Umerov, kreun e grupit parlamentar të partisë “Shërbëtori i Popullit”, Davyd Arakhamia, si dhe zëvendësministrin e parë të Jashtëm, Serhiy Kyslytsya.

    Në bisedime do të marrë pjesë edhe Oleh Ivashchenko, kreu i Shërbimit të Inteligjencës së Ukrainës (HUR).SHBA-ja ka ftuar gjithashtu këshilltarë për sigurinë kombëtare nga Mbretëria e Bashkuar, Franca dhe Gjermania, si dhe përfaqësues të NATO-s dhe Bashkimit Evropian.Sipas një burimi amerikan, në agjendë do të përfshihen garancitë e sigurisë për Ukrainën, një plan për rimëkëmbjen ekonomike pas luftës dhe çështje të tjera që lidhen me konfliktin.

    Presidenti ukrainas, Volodymyr Zelensky, konfirmoi të enjten se Kievi po diskuton me Uashingtonin mundësinë e një armëpushimi që do të ndalonte sulmet ndaj infrastrukturës energjetike dhe transportit të drithërave.“Sa i përket asaj që mund të jetë realiste apo më realiste, ende nuk jam gati të them. Nuk dua të them diçka dhe pastaj Rusia, si gjithmonë, të bëjë të kundërtën nga inati.

    Prandaj, le të presim dhe të shohim”, deklaroi Zelensky.Sipas Axios, Ukraina ka shprehur gatishmërinë për të pranuar një armëpushim të tillë, ndërsa Rusia deri më tani ka treguar pak interes për propozimin.Witkoff dhe Kushner mund të udhëtojnë sërish drejt Moskës më vonë gjatë tetorit për bisedime me Putinin.

    Të dy vizituan Moskën dhe Kievin në fillim të shtatorit dhe që atëherë kanë punuar me zyrtarë rusë dhe ukrainas për përditësimin e një nisme paqeje.Sekretari amerikan i Shtetit, Marco Rubio, deklaroi të enjten në Lisbonë se lufta ka arritur në një “ngërç”.

    Ai tha se Uashingtoni dëshiron të parandalojë përshkallëzimin e mëtejshëm gjatë muajit të ardhshëm dhe të gjejë një rrugë drejt përfundimit të konfliktit.Megjithëse në Kiev ka skepticizëm për mundësinë e një përparimi të rëndësishëm, një zyrtar ukrainas i tha Axios se zgjedhjet e mesmandatit në SHBA dhe interesimi i Rusisë për lehtësimin e sanksioneve mund të krijojnë stimuj që Putini të pranojë një formë armëpushimi. /Telegrafi/