Category: Lajme

  • Konsumimi i këtyre ushqimeve mund ta vështirësojë humbjen e dhjamit në bark - zgjidhni alternativa më të shëndetshme

    Konsumimi i këtyre ushqimeve mund ta vështirësojë humbjen e dhjamit në bark – zgjidhni alternativa më të shëndetshme

    Nëse po përpiqeni të humbni peshë dhe të reduktoni dhjamin në bark, nuk është e nevojshme të hiqni plotësisht karbohidratet nga dieta.

    Më e rëndësishme është të tregoni kujdes me ushqimet që përmbajnë shumë sheqer të shtuar, yndyra, përbërës të rafinuar dhe kalori.

    Patatinat janë ndër ushqimet që mund të pengojnë kontrollin e peshës, pasi kanë shumë yndyrë dhe kripë dhe mund të konsumohen lehtësisht në sasi të mëdha.

    Foto ilustruese

    Si alternativa më të mira mund të zgjidhni kokoshka me pak yndyrë, qiqra të pjekura ose arra.

    Edhe jogurtët me fruta dhe aromatizues mund të përmbajnë më shumë sheqer nga sa mendohet, sidomos kur kanë shtesa si çokollatë, biskota apo karamele.

    Në vend të tyre, mund të zgjidhni variante me më pak sheqer.

    Pijet e gazuara me sheqer janë një tjetër problem, pasi sjellin shumë kalori dhe nuk japin të njëjtën ndjesi ngopjeje si ushqimet e ngurta.

    Uji, uji mineral dhe pijet pa sheqer janë alternativa më të përshtatshme.

    Gjithashtu, disa lloje drithërash për mëngjes kanë shumë sheqer të shtuar dhe pak fibra.

    Për këtë arsye, rekomandohet të kontrolloni etiketën dhe të zgjidhni produkte me më shumë fibra dhe më pak sheqer.

    Buka e bardhë, për shkak të miellit të rafinuar dhe përmbajtjes më të ulët të fibrave, tretet më shpejt dhe mund t’ju bëjë të ndiheni të uritur më herët.

    Një alternativë është buka integrale ose ajo me drithëra të plota.

    Ndërsa patatet e skuqura kanë më shumë yndyrë dhe kalori për shkak të mënyrës së përgatitjes.

    Patatet e pjekura në furrë, me një sasi të moderuar vaji, mund të jenë zgjedhje më e mirë.

    Në përgjithësi, për të humbur peshë nuk është e domosdoshme të hiqni karbohidratet, por të kufizoni ushqimet me vlera të ulëta ushqyese dhe përmbajtje të lartë sheqeri, yndyre ose kalorish. /Telegrafi/

  • Le Pen: Nëse Ukraina anëtarësohet në BE, Franca do të jetë e para që do të pësojë

    Le Pen: Nëse Ukraina anëtarësohet në BE, Franca do të jetë e para që do të pësojë

    Kandidatja e ekstremit të djathtë për presidente të Francës, Marine Le Pen, ka paralajmëruar se bujqësia franceze do të pësonte pasoja të mëdha nëse Ukraina do të anëtarësohej në Bashkimin Evropian.

    Le Pen tha se Franca do të ishte vendi i parë që do të vuante nga anëtarësimi i Ukrainës në BE, duke përmendur dy arsye kryesore, transmeton Telegrafi.

    “Së pari, do të përballeshim me një konkurrencë të ashpër dhe të padrejtë. Së dyti, pjesa e buxhetit të Politikës së Përbashkët Bujqësore që i akordohet bujqësisë franceze do të zvogëlohej ndjeshëm”, shpjegoi ajo në një postim në X.

    Deklaratat e Le Pen vijnë pasi Komisioni Evropian ka propozuar që, në rastin e Ukrainës, të shqyrtohen masa të posaçme për produktet bujqësore të ndjeshme, për shkak të madhësisë dhe produktivitetit të lartë të sektorit bujqësor ukrainas. Komisionerja për Zgjerim, Marta Kos, tha se kushtet specifike për Ukrainën do të diskutohen gjatë negociatave të anëtarësimit.

    Kos ka theksuar se Ukraina do të jetë pjesë e Politikës së Përbashkët Bujqësore të BE-së, por mund të vendosen rregulla të veçanta për produkte të caktuara, me synimin për të mbrojtur fermerët evropianë dhe njëkohësisht për t’i ndihmuar Ukrainës të rikthejë qasjen në tregjet tradicionale jashtë BE-së.

    Çështja është bërë veçanërisht e ndjeshme për shkak të peshës së madhe të sektorit bujqësor ukrainas dhe frikës së disa vendeve anëtare se eksportet e mëdha ukrainase mund të krijojnë presion mbi fermerët dhe tregjet e tyre.

    Nga ana tjetër, Kievi ka kundërshtuar çdo model që do të nënkuptonte kufizime të përhershme për shitjen e produkteve të tij ushqimore në tregun e përbashkët evropian. Ukraina është shprehur e gatshme të pranojë mekanizma kalimtarë, përfshirë kuota ose masa mbrojtëse për produkte të ndjeshme, por vetëm nëse ato janë të arsyeshme, proporcionale dhe me afat të përcaktuar.

    Debati pritet të intensifikohet ndërsa BE-ja përgatitet të diskutojë hapjen e Kapitullit 5 të negociatave, i cili lidhet me bujqësinë dhe zhvillimin rural të Ukrainës. Komisioni Evropian pritet të japë më shumë detaje për qasjen e propozuar në javët e ardhshme. /Telegrafi/

  • Shiroka-Pula e nis mandatin me homazhe te Jasharët, Rugova e Demaçi: Kosova është ndërtuar mbi sakrificë e vizion

    Shiroka-Pula e nis mandatin me homazhe te Jasharët, Rugova e Demaçi: Kosova është ndërtuar mbi sakrificë e vizion

    Shiroka-Pula e nis mandatin me homazhe te Jasharët, Rugova e Demaçi: Kosova është ndërtuar mbi sakrificë e vizion

    Në ditën e parë pas marrjes së detyrës, Presidentja e Republikës së Kosovës, Justina Shiroka-Pula, ka nisur angazhimet e saj duke bërë homazhe në Prekaz, te varri i Presidentit historik Ibrahim Rugova dhe te varri i veprimtarit Adem Demaçi.

    Fillimisht, Shiroka-Pula qëndroi në Kompleksin Memorial “Adem Jashari”, ku nderoi sakrificën e familjes Jashari dhe veprën e komandantit legjendar Adem Jashari.

    “Prekazi mbetet simbol i qëndresës dhe sakrificës së pashembullt për atdheun”, tha Presidentja.

    Më pas, Presidentja bëri homazhe te varri i Presidentit historik, dr. Ibrahim Rugova, duke vlerësuar rolin e tij në një prej periudhave më të rëndësishme të historisë së Kosovës.

    “Trashëgimia e tij politike dhe vizioni për një Kosovë të lirë, demokratike dhe të orientuar drejt botës perëndimore janë udhërrëfyes për ne”, theksoi Presidentja Shiroka Pula.

    Në vazhdim, Shiroka-Pula nderoi edhe veprimtarin Adem Demaçi, duke kujtuar jetën dhe veprën e tij në shërbim të lirisë dhe dinjitetit të popullit të Kosovës.

    “Me vendosmërinë dhe sakrificën e tij, Demaçi u bë simbol i qëndresës dhe i mosnënshtrimit përballë padrejtësisë”, u shpreh ajo.

    Sinjali – aty ku e vërteta flet para lajmit!

    /GazetaSinjali/

    The post Shiroka-Pula e nis mandatin me homazhe te Jasharët, Rugova e Demaçi: Kosova është ndërtuar mbi sakrificë e vizion appeared first on Sinjali.

    Burimi: Sinjali

  • E para e shtetit nderon Rugovën e Demaçin

    E para e shtetit nderon Rugovën e Demaçin

    E para e shtetit nderon Rugovën e Demaçin

    Presidentja e Republikës së Kosovës, Justina Shiroka Pula, ka bërë homazhe edhe te varri i Presidentit historik, dr. Ibrahim Rugova, dhe te varri i veprimtarit Adem Demaçi.

    Shiroka Pula vlerësoi urtësinë dhe vizionin me të cilin Rugova e udhëhoqi Kosovën në një nga periudhat më vendimtare të historisë së saj.

    “Trashëgimia e tij politike dhe vizioni për një Kosovë të lirë, demokratike dhe të orientuar drejt botës perëndimore janë udhërrëfyes për ne”.

    Ndërsa te varri i Demaçit, e para shtetit tha se ai ia kushtoi një jetë të tërë lirisë dhe dinjitetit të popullit të Kosovës.

    “Me vendosmërinë dhe sakrificën e tij, Demaçi u bë simbol i qëndresës dhe i mosnënshtrimit përballë padrejtësisë”, u shpreh ajo.

    Shiroka Pula u shpreh se nderimi i këtyre figurave është edhe një rikujtim i themeleve mbi të cilat është ndërtuar shteti i Kosovës, i sakrificës, vizionit dhe qëndresës së brezave.

  • Presidentja Shiroka-Pula e nis mandatin me homazhe te Jasharët, Rugova e Demaçi: Shteti i Kosovës është ndërtuar mbi sakrificën

    Në ditën e parë pas marrjes së detyrës, Presidentja e Republikës së Kosovës, Justina Shiroka-Pula, ka nisur angazhimet e saj duke bërë homazhe në Prekaz, te varri i Presidentit historik Ibrahim Rugova dhe te varri i veprimtarit Adem Demaçi.

    Fillimisht, Shiroka-Pula qëndroi në Kompleksin Memorial “Adem Jashari”, ku nderoi sakrificën e familjes Jashari dhe veprën e komandantit legjendar Adem Jashari.

    “Prekazi mbetet simbol i qëndresës dhe sakrificës së pashembullt për atdheun”, tha Presidentja.

    Më pas, Presidentja bëri homazhe te varri i Presidentit historik, dr. Ibrahim Rugova, duke vlerësuar rolin e tij në një prej periudhave më të rëndësishme të historisë së Kosovës.

    “Trashëgimia e tij politike dhe vizioni për një Kosovë të lirë, demokratike dhe të orientuar drejt botës perëndimore janë udhërrëfyes për ne”, theksoi Presidentja Shiroka Pula.

    Në vazhdim, Shiroka-Pula nderoi edhe veprimtarin Adem Demaçi, duke kujtuar jetën dhe veprën e tij në shërbim të lirisë dhe dinjitetit të popullit të Kosovës.

    “Me vendosmërinë dhe sakrificën e tij, Demaçi u bë simbol i qëndresës dhe i mosnënshtrimit përballë padrejtësisë”, u shpreh ajo.

    Sinjali – aty ku e vërteta flet para lajmit!

    /GazetaSinjali/

    The post Presidentja Shiroka-Pula e nis mandatin me homazhe te Jasharët, Rugova e Demaçi: Shteti i Kosovës është ndërtuar mbi sakrificën appeared first on Sinjali.

    Burimi: Sinjali

  • Shiroka-Pula nis mandatin si presidente me homazhe në Prekaz, te Rugova e Demaçi

    Shiroka-Pula nis mandatin si presidente me homazhe në Prekaz, te Rugova e Demaçi

    Me marrjen e detyrës, Presidentja e Republikës së Kosovës, Justina Shiroka Pula, bëri sot homazhe në Kompleksin Memorial “Adem Jashari” në Prekaz, te varri i Presidentit historik, dr. Ibrahim Rugova, dhe te varri i veprimtarit Adem Demaçi.

    Në Prekaz, Shiroka Pula nderoi sakrificën sublime të familjes Jashari dhe veprën e komandantit legjendar Adem Jashari.

    “Prekazi mbetet simbol i qëndresës dhe sakrificës së pashembullt për atdheun”, tha Presidentja.

    Gjatë homazheve te varri i Presidentit historik, dr. Ibrahim Rugova, ajo vlerësoi urtësinë dhe vizionin me të cilin ai e udhëhoqi Kosovën në një nga periudhat më vendimtare të historisë së saj.

    “Trashëgimia e tij politike dhe vizioni për një Kosovë të lirë, demokratike dhe të orientuar drejt botës perëndimore janë udhërrëfyes për ne”, theksoi Shiroka-Pula.

    Te varri i veprimtarit Adem Demaçi, Presidentja nderoi jetën dhe veprën e tij, duke theksuar se ai ia kushtoi një jetë të tërë lirisë dhe dinjitetit të popullit të Kosovës.

    “Me vendosmërinë dhe sakrificën e tij, Demaçi u bë simbol i qëndresës dhe i mosnënshtrimit përballë padrejtësisë”, u shpreh ajo.

    Shiroka-Pula theksoi se nderimi i këtyre figurave është edhe një rikujtim i themeleve mbi të cilat është ndërtuar shteti i Kosovës, i sakrificës, vizionit dhe qëndresës së brezave.

     

    Burimi: Dukagjini

  • Toshkovski: 33 motoçikleta të reja dhe pajisje të reja për policinë rrugore

    Toshkovski: 33 motoçikleta të reja dhe pajisje të reja për policinë rrugore

    Ministri i Brendshëm, Pançe Toshkovski, dhe Kryetari i Këshillit Republikan për Siguri në Trafikun Rrugor (KRSTRR), Goran Angelovski, sot morën pjesë në dorëzimin zyrtar të 33 motoçikletave të reja policore dhe pajisjeve të plota mbrojtëse, të siguruara nga RSBSP për nevojat e Ministrisë së Brendshme.

    Bëhet fjalë për 33 motoçikleta të markës “Piaggio Beverly 310 HPE”, në performancë policore, dhe po aq komplete pajisjesh për motoçikleta, të cilat përfshijnë helmeta mbrojtëse, xhaketa, pantallona, çizme dhe doreza verore dhe dimërore.

    Vlera totale e prokurimit është 16.845.561 denarë, ndërsa pajisjet e reja do të kontribuojnë në lëvizshmëri më të madhe, rregullim më efikas të trafikut dhe kushte më të mira pune për oficerët e policisë.

    Ministri Toshkovski theksoi se ky prokurim është një tjetër rezultat konkret i bashkëpunimit të suksesshëm midis Ministrisë së Brendshme dhe KRSTRR-së, institucione që kanë një qëllim të përbashkët, përmirësimin e vazhdueshëm të sigurisë në trafik dhe uljen e numrit të aksidenteve dhe viktimave në rrugë.

    Ai theksoi se modernizimi i policisë rrugore është pjesë e qasjes më të gjerë të Ministrisë për përmirësimin e sigurisë në trafik, në të cilën edhe sistemi “Qytet i Sigurt” luan një rol të rëndësishëm./Telegrafi/

  • Emërimi i ministres virtuale “Diella”, Gjykata Kushtetuese rrëzon kërkesën e PD-së

    Emërimi i ministres virtuale “Diella”, Gjykata Kushtetuese rrëzon kërkesën e PD-së

    Gjykata Kushtetuese ka rrëzuar sot kërkesën e deputetëve të Partisë Demokratike, të cilët kundërshtuan dekretin e Presidentit Bajram Begaj për ngritjen dhe funksionimin e Ministres Virtuale të Inteligjencës Artificiale “Diella”.

    Në arsyetimin e saj Gjykata shprehet se nuk ka kompetencë për të shqyrtuar pasi nuk është as ministër e as Ministri (institucion). Nuk është pjesë e Këshillit të Ministrave.

    “Gjykata Kushtetuese evidenton se pavarësisht terminologjisë së përdorur në dekretet e kundërshtuara, nuk rezulton se kemi të bëjmë me një funksionar konkret kushtetues”, thuhet në vendimin e Kushtetueses e cila vendosi me shumicë votash ta rrëzojë kërkesën e opozitës, raporton a2cnn.

    Opozita kërkoi shfuqizimin e dispozitave përkatëse të dekretit, duke i konsideruar në kundërshtim me Kushtetutën.

  • Man City e donte transferimin e yllit të Barcelonës, por raporti i tij mjekësor prishi gjithçka

    Man City e donte transferimin e yllit të Barcelonës, por raporti i tij mjekësor prishi gjithçka

    Manchester City kishte shqyrtuar mundësinë e transferimit të Frenkie De Jongut nga Barcelona gjatë afatit kalimtar të verës, por në fund hoqi dorë nga ideja pas një raporti për gjendjen e tij fizike.

    Sipas Catalunya Radio, kampioni anglez e kishte konsideruar mesfushorin holandez si një nga kandidatët kryesorë për të zëvendësuar Rodrin, i cili u transferua te Barcelona.

    Madje, drejtuesit e Manchester Cityt kishin nisur kontakte me klubin katalanas për mundësinë e një transferimi.

    Barcelona ishte e gatshme të negocionte për De Jongun, por situata ndryshoi pasi City mori një raport në lidhje me dëmtimin e gjurit që holandezi pësoi gjatë Kupës së Botës 2026.

    Raporti thuhet se ndikoi në vendimin e klubit anglez, i cili përfundimisht u tërhoq nga gara për mesfushorin.

    Në vend të De Jongut, Manchester City ndërmori një revolucion në mesfushë, duke realizuar disa transferime të bujshme.

    Klubi anglez afroi Elliot Anderson, Enzo Fernandez dhe Ayyoub Bouaddin për të përforcuar repartin e mesfushës.

    Ndërkohë, De Jong vazhdon të rikuperohet nga dëmtimi dhe aktualisht ndodhet në fazat e fundit të rikthimit në fushën e lojës, pasi ka qenë jashtë aksionit që prej Kupës së Botës./Telegrafi/

  • Tensione edhe brenda në sallën e Kuvendit, Garda i afrohet foltores - deputetët e opozitës në këmbë

    Tensione edhe brenda në sallën e Kuvendit, Garda i afrohet foltores – deputetët e opozitës në këmbë

    Tensione edhe brenda në sallën e Kuvendit, Garda i afrohet foltores, deputetët e opozitës në këmbë.

    Ndërsa kreu i Kuvendit Niko Peleshi iu drejtua deputetëve duke i thënë që të bëhen gati për të kaluar në Kuvend, deputeti i “Mundësia”, Erald Kapri, dhe kreu i grupit parlamentar të PD Gazment Bardhi, u ngritën nga karriget dhe shkuan pranë foltores duke debatuar me Peleshin.

    Menjëherë ka ndërhyrë Garda, por situata është qetësuar shpejt.

    Ndërkaq, kërkesa e Partisë Demokratike për zhvillimin e një interpelance urgjente me kryeministrin Edi Rama është rrëzuar në Kuvend me 76 vota kundër.

    Kërkesa e opozitës u hodh në votim në seancën plenare, por nuk mori mbështetjen e shumicës parlamentare. /Tch/