Category: Lajme

  • “Një emër i paharruar i lirisë së Kosovës”, Haradinaj përkujton 'Sandokanin'

    “Një emër i paharruar i lirisë së Kosovës”, Haradinaj përkujton ‘Sandokanin’

    “Një emër i paharruar i lirisë së Kosovës”, Haradinaj përkujton 'Sandokanin'

    Ish-kreu i Aleancës, Ramush Haradinaj, ka përkujtuar në përvjetorin e vdekjes Abedin Rexhën, të njohur me nofkën “Sandokani”.

    Përmes një postimi në Facebook, Haradinaj ka kujtuar bashkëluftëtarin e tij, duke e cilësuar si një luftëtar trim dhe të vendosur.

    “Me Abedin Rexhën ishim bashkë në betejën e Qafë Mullarit, ditën kur ra Luani e u plagos Rafet Rama. E kujtoj si luftëtar trim e të vendosur, një emër i paharruar i lirisë së Kosovës. I përjetshëm kujtimi për të!”, ka shkruar Haradinaj./Klankosova.tv

  • Rama kërkon nga Supremja shqyrtim me prioritet të rastit të NPB-së: 350 familje pa paga

    Rama kërkon nga Supremja shqyrtim me prioritet të rastit të NPB-së: 350 familje pa paga

    Rama kërkon nga Supremja shqyrtim me prioritet të rastit të NPB-së: 350 familje pa paga

    Kryetari i Prishtinës, Përparim Rama, ka kërkuar nga Gjykata Supreme që ta shqyrtojë me prioritet rastin që lidhet me Ndërmarrjen Publike Banesore (NPB), duke thënë se në këtë çështje janë të përfshira rreth 350 familje.

    Rama, përmes një postimi në Facebook, ka bërë të ditur se ka vizituar NPB-në, ku është takuar me menaxhmentin e ndërmarrjes dhe ka shprehur shqetësimin e tij lidhur me pagat e punëtorëve, transmeton Klankosova.tv.

    Sipas tij, situata është krijuar si pasojë e një vendimi të marrë para fillimit të mandatit të tij, për të cilin ai pretendon se është i paligjshëm dhe se ka rrezikuar funksionimin e ndërmarrjes.

    “Këtë çështje e kam adresuar në gjykatë që nga fillimi i qeverisjes sonë, sepse kam parë se vendimi dhe procesi janë të paligjshëm dhe e rrezikojnë ndërmarrjen, siç edhe ndodhi”, ka deklaruar Rama.

    Ai ka thënë se gjatë viteve të fundit ka kërkuar që gjykatat ta mbrojnë pronën publike, ndërsa tani ka përsëritur kërkesën për një vendim nga Gjykata Supreme.

    “Prandaj, kërkoj nga Gjykata Supreme që ta shqyrtojë këtë çështje me prioritet, sepse 350 familje kanë mbetur pa paga dhe po dëmtohen nga një proces i nisur në qeverisjen e kaluar në Kryeqytet”, ka shkruar Rama.

    Ai ka theksuar se, sipas tij, problemi nuk është krijuar nga qeverisja aktuale, por se janë ndërmarrë veprime për ta ndalur atë.

    “Ne nuk e kemi krijuar këtë problem. Kemi vepruar për ta ndalur. Tani kërkojmë vendim, mbrojtje të ndërmarrjes dhe llogaridhënie”, ka thënë Rama.

  • Ndalohen punimet një objekt ndërtimi në Ferizaj

    Ndalohen punimet një objekt ndërtimi në Ferizaj

    Ndalohen punimet një objekt ndërtimi në Ferizaj

    Inspektorati Qendror i Punës, gjatë inspektimit në një objekt ndërtimi në komunën e Ferizajt, ka konstatuar parregullsi në mosmarrjen e masave për siguri dhe shëndet në punë.

    Për këtë arsye, Inspektorati Qendror i Punës ka nxjerrë vendim për ndalimin e përkohshëm të punimeve në këtë objekt ndërtimi, deri në eliminimin e të gjitha mangësive të evidentuara dhe krijimin e kushteve të sigurta për zhvillimin e punës, transmeton Klankosova.tv.

    “Inspektorati Qendror i Punës mbetet i përkushtuar në mbikëqyrjen e zbatimit të legjislacionit të punës dhe apelon te të gjithë punëdhënësit që të respektojnë standardet e sigurisë dhe shëndetit në punë, me qëllim të parandalimit të aksidenteve në vendin e punës”.

  • Ngujimi i 63 minatorëve, Trepça: Ndodhi avari në trafo, s'kishte pjesë rezervë për sanim

    Ngujimi i 63 minatorëve, Trepça: Ndodhi avari në trafo, s’kishte pjesë rezervë për sanim

    Ngujimi i 63 minatorëve, Trepça: Ndodhi avari në trafo, s'kishte pjesë rezervë për sanim

    Ndërmarrja Trepça ka dalë me njoftim lidhur me incidentin e mbrëmshëm në Minierën me Flotacion në Stan Tërg, ku 63 minatorë u ndodhën në minierë pas një avarie në sistemin elektrik.

    Sipas njoftimit të Trepçës, avaria ka ndodhur dje, rreth orës 19:30, në Trafon Tuneli, përkatësisht në sistemin 35 kV, si pasojë e së cilës është ndërprerë furnizimi me energji elektrike për minierën dhe Njësinë e Flotacionit.

    Në momentin e avarisë, në minierë ndodheshin 63 minatorë, të cilët ishin në ndërrimin e dytë dhe planifikonin ta përfundonin punën në orën 23:00.

    Trepça njofton se 54 minatorë kanë dalë në sipërfaqe përmes shkallëve emergjente, ndërsa nëntë të tjerë kanë qëndruar në minierë deri në rikthimin e furnizimit me energji elektrike.

    Furnizimi me energji elektrike është rikthyer në orën 02:30, ndërsa nëntë minatorët e mbetur kanë dalë në sipërfaqe në orën 02:50.

    Sipas Trepçës, pas rikthimit të energjisë elektrike, ndërrimi i parë ka filluar punën normalisht në minierë.

    Ndërkohë, Njësia e Flotacionit ka mbetur jashtë funksionit për shkak të dëmtimeve të shkaktuara nga avaria në trafon 35 kV.  

    “Procesi i sanimit është vështirësuar nga mungesa e pjesëve rezervë në magazinë, pasi këto pjesë nuk disponohen aktualisht në stok. Pas përfundimit të riparimeve dhe kryerjes së të gjitha verifikimeve teknike dhe të sigurisë, do të bëhet rikthimi i plotë i furnizimit me energji elektrike dhe vënia në funksion e Njësisë së Flotacionit. Ne mbesim të angazhuar me të gjitha mundësistë tona dhe pa kursyer asgjë nga ajo që dimë e mundemi, për ta kthyer situatën në normalitet. Për zhvillimet e mëtejshme dhe përfundimin e sanimit të avarisë do të njoftoheni me kohë”, thotë ndërrmarja./Klankosova.tv

  • Peja nën ritmin e Festivalit të Letërsisë (VIDEO)

    Peja nën ritmin e Festivalit të Letërsisë (VIDEO)

    Peja nën ritmin e Festivalit të Letërsisë (VIDEO)

    Festivali i Letërsisë në Pejë, po gjallëron jetën artistike në këtë qytet.

    Drejtoresha e Kulturës, Rinisë dhe Sportit në komunën e Pejës, Xhenet Syka, në emisionin “Ora Shtatë”, bëri të ditur se ky është edicioni i 22-të, në kuadër të të cilit ndahet edhe çmimi tradicional për poezi “Azem Shkreli”, transmeton Klankosova.tv.

    Syka ndër të tjera bëri të ditur se në ditën e dytë të festivalit, u nda edhe çmimi “Peja”, çmim ky që iu ndahet fëmijëve.

  • Ushtroi dhunë ndaj gruas dhe vajzës së tij në Rahovec, i dyshuari dërgohet në mbajtje

    Ushtroi dhunë ndaj gruas dhe vajzës së tij në Rahovec, i dyshuari dërgohet në mbajtje

    Një person është arrestuar nën dyshimin se i njëjti ka ushtruar dhunë ndaj bashkëshortes së tij dhe vajzës së tyre.

    Në raportin 24 orësh bëhet e ditur se rasti ka ndodhur të mërkurën rreth orës 08:00, në Rahovec.

    Tutje bëhet e ditur se viktimat kanë pranuar tretman mjekësor dhe pastaj janë liruar, ndërsa i dyshuari pas intervistimit është dërguar në mbajtje.

    “Rahovec 07.10.2026 – 08:00. Është arrestuar i dyshuari mashkull kosovar, nën dyshimin se i njëjti ka ushtruar dhunë ndaj bashkëshortes së tij dhe vajzës së tyre. Viktimat kanë pranuar tretman mjekësor dhe pastaj janë liruar, ndërsa i dyshuari pas intervistimit, me vendim të prokurorit është dërguar në mbajtje”, thuhet në raport.

    Ndërkaq, lidhur me rastin është informuar edhe QPS-ja dhe mbrojtësit e viktimave. /Telegrafi/

  • Inspektorati ndalon punimet në një objekt ndërtimi në Ferizaj

    Inspektorati ndalon punimet në një objekt ndërtimi në Ferizaj

    Inspektorati Qendror i Punës ka ndaluar përkohësisht punimet në një objekt ndërtimi në Komunën e Ferizajt, pas konstatimit të parregullsive lidhur me masat për sigurinë dhe shëndetin në punë.

    Sipas Inspektoratit, gjatë inspektimit në objekt janë evidentuar mangësi në zbatimin e masave të nevojshme për garantimin e sigurisë së punëtorëve.

    Për këtë arsye, është nxjerrë vendim për ndalimin e përkohshëm të punimeve deri në eliminimin e të gjitha mangësive të evidentuara dhe krijimin e kushteve të sigurta për zhvillimin e punës.

    Inspektorati Qendror i Punës ka bërë të ditur se do të vazhdojë mbikëqyrjen e zbatimit të legjislacionit të punës, ndërsa u ka bërë thirrje punëdhënësve që të respektojnë standardet e sigurisë dhe shëndetit në punë.

    Qëllimi, sipas institucionit, është parandalimi i aksidenteve dhe krijimi i kushteve të sigurta në vendet e punës. /Telegrafi/

  • Punëtorët e NPB-së pa paga për gati tre muaj - reagon Rama

    Punëtorët e NPB-së pa paga për gati tre muaj – reagon Rama

    Kryetari i Prishtinës, Përparim Rama, ka kërkuar nga Gjykata Supreme që me prioritet ta shqyrtojë rastin e Ndërmarrjes Publike Banesore (NPB), duke thënë se si pasojë e këtij procesi, sipas tij, 350 familje kanë mbetur pa paga.

    Rama këtë deklaratë e bëri pas një vizite në NPB, ku tha se është takuar me menaxhmentin e ndërmarrjes për të shprehur shqetësimin e tij lidhur me gjendjen e pagave të punëtorëve.

    Ai pretendoi se situata është pasojë e një vendimi të marrë para fillimit të mandatit të tij dhe e cilësoi atë si të paligjshëm.

    “Këtë çështje e kam adresuar në gjykatë që nga fillimi i qeverisjes tonë, sepse kam parë se vendimi dhe procesi janë të paligjshëm dhe e rrezikojnë ndërmarrjen, siç edhe ndodhi”, ka shkruar Rama në Facebook, raporton Telegrafi.

    Kryetari i Prishtinës tha se gjatë mandatit të tij ka insistuar që gjykatat ta mbrojnë pronën publike.

    “Gjatë gjithë këtyre viteve kam insistuar që gjykatat ta mbrojnë pronën publike. Insistoj edhe SOT”, ka deklaruar ai.

    Rama i ka bërë thirrje Gjykatës Supreme që ta trajtojë rastin me prioritet, duke theksuar pasojat që, sipas tij, po i bartin punëtorët e NPB-së.

    “Prandaj, kërkoj nga Gjykata Supreme që ta shqyrtojë këtë çështje me prioritet, sepse 350 familje kanë mbetur pa paga dhe po dëmtohen nga një proces i nisur në qeverisjen e kaluar”, ka shkruar ai.

    Ndërkohë, punëtorët e NPB-së kanë deklaruar se kanë mbetur pa paga për gati tre muaj, për shkak të bllokimit të llogarisë së ndërmarrjes.

    Kryetari i Këshillit Organizativ të Punëtorëve të NPB-së, Valdet Sulejmani, ka thënë në emisionin “Pasdite” në RTK se gjendja e punëtorëve është rënduar ndjeshëm dhe se deri tani nuk kanë marrë një përgjigje konkrete për zgjidhjen e situatës.

    Sipas tij, bllokimi i llogarisë është rezultat i një vendimi gjyqësor, ndërsa punëtorët kërkojnë që gjykata të marrë një vendim përfundimtar lidhur me çështjen.

    “Punëtorët e Ndërmarrjes Publike Banesore janë në siklet shumë të madh, shkaku që pagat nuk i kemi marrë afro, po hyjmë për muajin e tretë. Dhe është një kosto e madhe. Kemi njerëz që janë në kredi bankare. Faturat e energjisë elektrike nuk na presin neve tre muaj. Nuk na presin qiratë tre muaj”, tha Sulejmani.

    Ai theksoi se, pavarësisht mungesës së pagave, shërbimet e NPB-së për qytetarët e Prishtinës vazhdojnë.

    “Asnjë shërbim ende nuk ka ngecje, të gjitha shërbimet jemi duke i kryer për qytetarët e Prishtinës dhe do të mundohemi deri në fund që ne të vazhdojmë me këto shërbime”, tha ai.

    Sulejmani bëri të ditur se punëtorët kanë paralajmëruar protestë të hënën pranë gjykatës, me kërkesën që institucioni të trajtojë situatën dhe t’u japë informacion për ecurinë e çështjes.

    “Janë 380 punëtorë”, tha Sulejmani, duke shtuar se mungesa e pagave po rëndon drejtpërdrejt mbi familjet e tyre.

    Ai tha se punëtorët kanë arritur ta përballojnë muajin e parë përmes huazimeve, por situata është bërë gjithnjë e më e vështirë pasi nuk kanë një afat të qartë se kur do t’i marrin pagat.

    Sipas Sulejmanit, kryetari i Prishtinës, Përparim Rama, ka ndërmarrë veprimet që i ka lejuar ligji dhe ka bërë ankesat përkatëse, ndërsa punëtorët tani presin një përgjigje nga gjykata.

    Sulejmani vlerësoi edhe angazhimin e kryeshefit ekzekutiv të NPB-së, Artan Berisha, për të cilin tha se ka komunikuar me institucionet përkatëse dhe ka ndërmarrë veprimet e nevojshme për zgjidhjen e situatës.

    Megjithatë, sipas tij, deri tani nuk ka ardhur ndonjë përgjigje konkrete nga gjykata.

    “Po shohim që asnjë përgjigje, asnjë kurrgjë nuk kemi nga gjykata”, deklaroi Sulejmani.

    Në fund, Rama ka thënë se Komuna nuk e ka krijuar problemin, por se ka ndërmarrë veprime për ta ndalur atë.

    “Ne nuk e kemi krijuar këtë problem. Kemi vepruar për ta ndalur. Tani kërkojmë vendim, mbrojtje të ndërmarrjes dhe llogaridhënie”, ka përfunduar Rama. /Telegrafi/

  • Konfiskohet një revolver, pistoletë me karikator dhe 6 fishekë - arrestohet një i mitur në Gjakovë

    Konfiskohet një revolver, pistoletë me karikator dhe 6 fishekë – arrestohet një i mitur në Gjakovë

    Një i mitur është arrestuar pasi njësitet policore tek i njëjti kanë gjetur dhe konfiskuar armë.

    Sipas raportit 24 orësh të Policisë së Kosovës bëhet e ditur se rasti ka ndodhur të mërkurën rreth orës 13:00 në fshatin Skivan të Gjakovës.

    Tutje bëhet e ditur se me vendim të prokurorit për të mitur i dyshuari është dërguar në mbajtje.

    “Fsh. Skivjan, Gjakovë 07.10.2026 – 13:00. Është arrestuar i dyshuari mashkull kosovar i mitur, pasi njësitet policore tek i njëjti kanë gjetur dhe konfiskuar 1-revolver, 1-pistoletë me karikator dhe 6-fishekë cal-7.65 mm. Me vendim të prokurorit për të mitur, i dyshuari pas intervistimit është dërguar në mbajtje”, thuhet në raport. /Telegrafi/

  • Zvicër: Parlamenti miraton zgjatjen e ndalimit policor nga 24 në 48 orë

    Zvicër: Parlamenti miraton zgjatjen e ndalimit policor nga 24 në 48 orë

    Një vit më parë, një demonstratë pro-palestineze në Bernë u shndërrua në dhunë. Përleshjet midis protestuesve dhe policisë lanë 18 oficerë të plagosur, sipas autoriteteve, dhe të paktën 326 civilë kërkuan trajtim mjekësor për lëndime, sipas Amnesty International.

    Sot, shumica e krahut të djathtë në Parlament po merr masa të ashpra, raporton RTS, transmeton Telegrafi.

    Më 18 mars, krahu i djathtë i Këshillit të Shteteve miratoi mocionin ” Ndaloni ekstremizmin e dhunshëm. Arrestimi i përkohshëm duhet të zgjatet në 48 orë”, të paraqitur nga Këshilltarja e Shteteve Petra Gössi (FDP/SZ), me 32 vota pro dhe 12 kundër.

    Më 30 shtator, kundër këshillës së Këshillit Federal dhe krahut të majtë, Këshilli Kombëtar miratoi gjithashtu këtë rezolutë parimore që autorizon policinë të mbajë të dyshuarit në paraburgim për dyfishin e kohës. Megjithatë, zbatimi i saj ngre pikëpyetje.

    Federata Zvicerane e Oficerëve të Policisë është e kënaqur

    Policia ka 24 orë kohë për të liruar të dyshuarit për një krim ose për t’ia dorëzuar ata zyrës së prokurorit publik. Sidomos pas një demonstrate të dhunshme, kjo periudhë 24-orëshe mund të jetë e pamjaftueshme, sipas Max Hofmann, sekretarit të përgjithshëm të Federatës Zvicerane të Oficerëve të Policisë (FSFP), sindikatës më të madhe të policisë në Zvicër – e cila përfaqëson më shumë se 27,000 anëtarë, ose rreth 95% të personelit policor në vend.

    Max Hoffmann mirëpret dëshirën e Parlamentit për të dyfishuar periudhën maksimale të ndalimit policor në 48 orë. Ai beson se kjo masë do të lejojë një hetim të plotë të të gjitha rrethanave që lidhen me krimet e kryera dhe do të ndihmojë në përcaktimin e veprimeve të çdo personi të arrestuar.

    Ky qëndrim mbrohet me të drejtë nga krahu i djathtë i të dy dhomave federale, i cili beson se kur policia duhet të kryejë dhjetëra identifikime dhe kontrolle të njëkohshme, afati 24-orësh i shtyn forcat e ligjit në kufijtë e tyre operativë.

    Më pak kohë për drejtësi?

    Por lind një problem: nëse policisë i jepet më shumë kohë, mbetet më pak kohë për Prokurorinë Publike ose Gjykatën e Paraburgimit. Në të vërtetë, siç përcaktohet nga Gjykata Evropiane e të Drejtave të Njeriut, një gjykatë duhet të miratojë paraburgimin jo më vonë se 96 orë pas lëshimit të urdhrit të ndalimit.

    Alicia Giraudel, nga organizata e të drejtave të njeriut Amnesty International, thekson se kjo do të jetë e vështirë me një periudhë të zgjatur të ndalimit policor. “Mund të vihet në dyshim nëse të gjitha të drejtat procedurale mund të respektohen brenda një afati kaq të shkurtër kohor dhe nëse një gjyqtar mund ta shqyrtojë më pas ndalimin.” Këshilli Federal gjithashtu njeh vështirësitë në këtë drejtim.

    Një efekt pengues i shpresuar

    Përfaqësuesi i policisë Max Hofmann nuk është dakord. “Nëse policia mund t’i paraqesë zyrës së prokurorit një dosje shumë të plotë, puna e prokurorit përshpejtohet gjithashtu”, argumenton ai. Ekspertja ligjore e Amnesty International e kundërshton këtë. “Sa më gjatë të zgjasë ndalimi, aq më serioze është shkelja e të drejtave të njeriut”, përgjigjet ajo, transmeton Telegrafi.

    Përveç mundësimit të hetimeve më të gjata gjatë ndalimit nga policia, Max Hofmann shpreson gjithashtu që periudhat më të gjata të ndalimit nga policia do të kenë një efekt pengues. Ai beson se ato mund të shërbejnë si mësim për pjesëmarrësit në demonstratat e dhunshme.

    “Nëse, për shembull, nuk paraqiteni në punë të hënën dhe ju pyesin: ‘Ku ishit?’, kjo mund t’ju dekurajojë të përdorni dhunën në demonstratën e radhës”, shpjegon ai.

    “Zbatohet prezumimi i pafajësisë.”

    Konsiderata të tilla ndëshkuese nuk duhen marrë në konsideratë, proteston Alicia Giraudel. Paraburgimi nuk është një masë ndëshkuese. “Dhe prezumimi i pafajësisë zbatohet deri në dënim”, shton ajo.

    Megjithatë, shumica e krahut të djathtë në Parlament dëshiron periudha më të gjata të paraburgimit policor. Prandaj, Këshilli Federal tani duhet të propozojë procedura zbatimi që përputhen me kërkesat e Gjykatës Evropiane të të Drejtave të Njeriut.

    Megjithatë, mbështetësit theksojnë se kufiri maksimal absolut prej 96 orësh i vendosur nga Gjykata Evropiane e të Drejtave të Njeriut (koha midis arrestimit fillestar dhe shqyrtimit nga një gjyqtar) mbetet i respektuar me përpikëri në përgjithësi, edhe nëse caktimi i brendshëm i orëve të para modifikohet në favor të policisë.

    Një hapësirë për të gjitha veprat penale?

    Gjatë diskutimeve në Parlament, Christian Dandrès, një këshilltar kombëtar socialist i Gjenevës dhe avokat me profesion, duke folur në emër të pakicës së Komitetit të Çështjeve Ligjore, paralajmëroi se mocioni modifikon të gjithë Kodin e Procedurës Penale (neni 219 paragrafi 4 i Kodit të Procedurës Penale) për të gjitha veprat penale, nën maskën e një reagimi të vetëm ndaj një ngjarjeje specifike – në këtë rast, teprimeve të një demonstrate.

    Kundërshtarët gjithashtu denoncojnë një pretekst “sinjal politik” që dobëson liritë publike, të drejtën për të demonstruar dhe rregullimin e rreptë të monopolit të dhunës legjitime nga pushteti civil.

    Për ta, privimi nga liria përtej 24 orëve duhet të jetë nën autoritetin e një autoriteti të pavarur gjyqësor dhe jo vetëm nën autoritetin e policisë – veçanërisht në rastet kur policia është e përfshirë, siç është rasti i përplasjeve midis forcave të rendit dhe protestuesve./Telegrafi/