Category: Lajme

  • Aktorja Eva Marie Saint ndahet nga jeta në moshën 102-vjeçare

    Aktorja Eva Marie Saint ndahet nga jeta në moshën 102-vjeçare

    Aktorja e njohur amerikane dhe fituesja e Oscar-it, Eva Marie Saint, ka ndërruar jetë në moshën 102-vjeçare në shtëpinë e saj në Los Angeles.

    Saint fitoi Oscar në vitin 1955 për rolin e saj në filmin “On the Waterfront”, ku luajti përkrah Marlon Brandos.

    Ajo u bë veçanërisht e njohur edhe për rolin e Eve Kendall në filmin klasik të Alfred Hitchcock, “North by Northwest”, të vitit 1959.

    Karrierën e nisi në televizion, ndërsa gjatë viteve interpretoi në një sërë filmash të njohur dhe produksionesh televizive.

    Në vitin 1990 fitoi edhe një çmim Emmy për rolin në mini-serialin “People Like Us”.

    Në vitet 2000, u rikthye në kinematografi me filma si “Superman Returns”, ku interpretoi Martha Kent.

    Paraqitjen e fundit në ekranin e madh e pati në vitin 2014 me “Winter’s Tale”.

    Me vdekjen e saj, bota e kinemasë humbet një prej figurave të rëndësishme të brezit të artë të Hollywoodit.

    Eva Marie Saint ishte gjithashtu fituesja më e moshuar e Oscarit që jetonte ende. /Telegrafi/

  • 15 mln euro mbështetje për konsumatorët e cenueshëm për subvencionimin e faturave të rrymës

    15 mln euro mbështetje për konsumatorët e cenueshëm për subvencionimin e faturave të rrymës

    15 mln euro mbështetje për konsumatorët e cenueshëm për subvencionimin e faturave të rrymës

    Programi për Mbrojtjen e Konsumatorëve të Cenueshëm të Energjisë Elektrike në Kosovë 2026-2027 është aprovuar në mbledhjen e pestë të Qeverisë, me të cilin planifikohet ndarja e rreth 15 milionë eurove për subvencionimin e faturave të energjisë elektrike për konsumatorët e cenueshëm.

    Sipas njoftimi të Ministrisë për Punë, Familje dhe Vlerat e Luftës Çlirimtare, programi ka për qëllim mbështetjen e ekonomive familjare nga sistemi i mbrojtjes sociale dhe sigurimin e qasjes së barabartë në energji elektrike si shërbim esencial, përmes subvencionimit të energjisë për konsumatorët e cenueshëm, transmeton Klankosova.tv.

    Bëhet e ditur se në ditët në vazhdim pritet të nënshkruhet edhe vendimi me të cilin do të përcaktohen kushtet dhe kriteret për përfitim, në mënyrë që së shpejti të hapet thirrja për aplikim.

    Programi fokusohet në mbështetjen financiare përmes subvencionimit të faturave të energjisë elektrike, si një nga mënyrat më të drejtpërdrejta për mbështetjen e konsumatorëve të cenueshëm.

    “Republika e Kosovës ka marrë obligime edhe në kuadër të procesit të integrimit evropian dhe zbatimit të Planit të Rritjes për Ballkanin Perëndimor, i cili parasheh zhvillimin e mekanizmave të qëndrueshëm për identifikimin dhe mbështetjen e konsumatorëve të cenueshëm, përfshirë krijimin dhe mirëmbajtjen e një regjistri funksional të konsumatorëve të cenueshëm”.

  • Sulmohet ekipi i emisionit Kiks në Klan Kosova

    Sulmohet ekipi i emisionit Kiks në Klan Kosova

    Sulmohet ekipi i emisionit Kiks në Klan Kosova

    Ekipi i Kiks Kosova është sulmuar para pak kohësh nga tre persona të panjohur.

    Nga informacionet e deritanishme, sipas ekipit që ka qenë në terren në një lagje të Ferizajt, ata kanë qenë në automjet kur dy automjete tjera ua kanë bllokuar rrugën.

    Së paku tre persona kanë dalë nga automjetet dhe e kanë sulmuar ekipin fizikisht, ndërsa ua kanë marrë edhe kamerën.

    Të lënduar kanë mbetur dy anëtarët të ekipit të cilët janë duke u trajtuar në Emergjencë në QKUK.

    Ekipi në ato momente nuk ka qenë duke kryer xhirime, por ka qenë në lëvizje me automjet.

  • Sot në krye të shtetit, para 12 vitesh deputete - pamje të Justina Shiroka Pulës në Kuvend

    Sot në krye të shtetit, para 12 vitesh deputete – pamje të Justina Shiroka Pulës në Kuvend

    Sot në krye të shtetit, para 12 vitesh deputete - pamje të Justina Shiroka Pulës në Kuvend

    Justina Shiroka Pula është zgjedhur Presidente e Republikës së Kosovës në minutat e para të 7 tetorit.

    E votuar nga 81 deputetë, Shiroka Pula, 72 vjeçe, u bë presidentja e shtatë në krye të vendit.

    Mesnata e gjeti atë në Kuvendin e Kosovës, aty ku para më shumë se 12 vitesh ishte ulur në karrigen e deputetes.

    Shiroka Pula ishte deputete e Partisë Demokratike të Kosovës nga viti 2011 deri më 2014.

    Pas më shumë se një dekade, ajo u rikthye në Kuvend, kësaj here jo si deputete, por për të marrë postin më të lartë shtetëror – atë të shefes së shtetit.

    Në fotografitë e mëposhtme, Shiroka Pula shihet gjatë periudhës kur ishte pjesë e Kuvendit të Kosovës.

    Para kësaj periudhe, ajo kishte shërbyer si pjesë e kabinetit qeveritar.

    Nga viti 2008 deri më 2011, Shiroka Pula ka qenë ministre e Energjisë dhe Minierave nga radhët e PDK-së. /Klankosova.tv

    Foto: Reuters

  • Schuebel: Që nga viti 1999-të, BE ka ofruar 3.7 miliardë euro për Kosovën

    Schuebel: Që nga viti 1999-të, BE ka ofruar 3.7 miliardë euro për Kosovën

    Schuebel: Që nga viti 1999-të, BE ka ofruar 3.7 miliardë euro për Kosovën

    Rritja e investimeve të huaja dhe forcimi i bashkëpunimit ndërmjet institucioneve publike dhe sektorit privat kanë qenë në fokus të një takimi mes ambasadorit të Bashkimit Evropian në Kosovë, Dirk Schuebel, dhe nënkryetarit të Këshillit të Investitorëve Evropianë, Visar Paçarada.

    Gjatë takimit është diskutuar për përpjekjet e Këshillit të Investitorëve Evropianë për tërheqjen e investimeve të huaja direkte në Kosovë, përmes dialogut të vazhdueshëm ndërmjet Qeverisë së Kosovës, sektorit privat, Bashkimit Evropian, investitorëve nga vendet e BE-së dhe EFTA-s, si dhe partnerëve të tjerë ndërkombëtarë.

    Sipas Zyrës së BE-së në Kosovë, bashkëpunimi ndërmjet institucioneve dhe komunitetit të biznesit shihet si i rëndësishëm për krijimin e një mjedisi më të favorshëm për investime dhe zhvillim ekonomik.

    Ambasadori Schuebel theksoi se Bashkimi Evropian vazhdon të jetë ofruesi më i madh i ndihmës financiare për Kosovën, duke mbështetur zhvillimin e vendit në fusha të ndryshme.

    “Me 3.7 miliardë euro ndihmë financiare të ofruar për Kosovën që nga viti 1999, BE-ja mbetet ofruesi më i madh i ndihmës financiare për Kosovën, duke mbështetur zhvillimin e saj dhe duke kontribuar në rritjen e saj ekonomike”, tha Schuebel.

    Shifra prej më shumë se 3.7 miliardë eurosh është konfirmuar edhe në komunikimet e fundit të Zyrës së BE-së në Kosovë, e cila e përshkruan BE-në si partnerin më të fuqishëm dhe më të besueshëm të Kosovës dhe ofruesin më të madh të ndihmës financiare.

    Takimi vjen në një kohë kur tërheqja e investimeve të huaja dhe përmirësimi i klimës së biznesit mbeten ndër çështjet e rëndësishme për zhvillimin ekonomik të Kosovës.

    Vetë BE-ja ka theksuar më herët nevojën për përmirësimin e mjedisit rregullator, qasjes në financa dhe zbatimin e reformave që mund të ndihmojnë bizneset dhe investitorët.

  • MASH: Janë shpallur nëntë konkurse për bursa për nxënësit e shkollave të mesme për vitin 2026/2027

    MASH: Janë shpallur nëntë konkurse për bursa për nxënësit e shkollave të mesme për vitin 2026/2027

    Ministria e Arsimit dhe Shkencës ka shpallur nëntë konkurse për ndarjen e bursave për nxënësit e shkollave të mesme për vitin shkollor 2026/2027.

    Numri më i madh i bursave, gjithsej 1.570, është i dedikuar për nxënësit e regjistruar në paralelet duale, pra në arsimin profesional ku mësimi praktik zhvillohet me numër të shtuar orësh, në përputhje me programet e arsimit profesional.

    Janë parashikuar gjithashtu 900 bursa për mbështetje sociale për nxënësit e shkollave të mesme publike, 300 bursa për nxënësit e arsimit të mesëm me programe mësimore të veçanta dhe 180 bursa për nxënësit me nevoja të veçanta nga shkollat e mesme publike dhe private.

    Nga 150 bursa do t’u ndahen nxënësve që ndjekin plane dhe programe mësimore për aftësim profesional dhe arsim profesional me kohëzgjatje trevjeçare, nxënësve sportistë të talentuar nga shkollat e mesme publike dhe private, si dhe nxënësve të talentuar të shkollave të mesme, me përjashtim të nxënësve nga fusha e arteve.

    MASH-i ka shpallur gjithashtu konkurse për nga 50 bursa për nxënësit pa prindër dhe për nxënësit e talentuar të shkollave të mesme në fushën e arteve, të cilët arsimohen në shkolla të mesme publike ose private.

    Kushtet për aplikim dhe mënyra e dorëzimit të aplikimeve janë të përcaktuara në konkurset e publikuara nga Ministria e Arsimit dhe Shkencës.

  • Real Madridi identifikon yllin anglez si pasardhësin ideal të Kroosit

    Real Madridi identifikon yllin anglez si pasardhësin ideal të Kroosit

    Real Madridi po e monitoron nga afër mesfushorin e Bournemouthit, Alex Scott, dhe tashmë ka dërguar skautë për ta vëzhguar nga afër 23-vjeçarin, raporton Alex Crook i talkSPORT.

    Scott konsiderohet një prej talenteve më premtues në mesfushë në Ligën Premier dhe së fundmi bëri debutimin me kombëtaren e Anglisë në ndeshjen ndaj Çekisë në Ligën e Kombeve.

    Ai më pas la përshtypje të shkëlqyer në fitoren 7-0 ndaj Kroacisë. 23-vjeçari shpërtheu sezonin e kaluar, duke tërhequr interesimin e Chelseat.

    “Blutë” kishin bërë një ofertë për të, por Bournemouthi e refuzoi atë, ndërsa klubi londinez nuk ka hequr dorë nga dëshira për ta transferuar.

    Tani, në garë mund të përfshihet edhe Real Madridi, i cili prej kohësh është në kërkim të një mesfushori me profil të ngjashëm me Toni Kroos dhe Luka Modric.

    Scott spikat për aftësinë për të dalë nga presioni, për të avancuar me topin dhe për të kontrolluar ritmin e lojës.

    Për më tepër, ai është i qëndrueshëm edhe në aspektin defensiv, duke ofruar një profil të kompletuar në mesfushë.

    Madridi mund ta shohë 23-vjeçarin si një investim për të ardhmen dhe si një lojtar që gradualisht mund të marrë një rol të rëndësishëm në “Santiago Bernabeu”./Telegrafi/

  • NË KËTË TOKË

    NË KËTË TOKË

    Poezi nga: Mahmoud Darwish
    Përktheu nga anglishtja (sipas Munir Akashit): Agron Shala

    Në këtë tokë, ka çfarë e bën jetën të vlefshme për ta jetuar:
    rikthimi i prillit, aroma e bukës
    në agim, mendimet e një gruaje për burrat, shkrimet e Eskilit, fillimi
    i dashurisë, myshku mbi gurë, nënat që qëndrojnë mbi fijen e një fyelli,
    dhe frika e pushtuesve nga kujtimet.

    Në këtë tokë, ka çfarë e bën jetën të vlefshme për ta jetuar:
    fundi i shtatorit, një grua që del
    nga të dyzetat e saj mbushur me kajsi, ora e diellit në burg, retë që shndërrohen
    në një mori krijesash, këngët e një kombi që përballet me fundin e vet
    duke buzëqeshur, dhe frika e tiranive nga këngët.

    Në këtë tokë, ka çfarë e bën jetën të vlefshme për ta jetuar:
    në këtë tokë është zonja e tokës, nëna
    e fillimeve dhe e mbarimeve. Ajo u quajt Palestinë. Ende
    quhet Palestinë. Zonja ime, unë jam i denjë, sepse ti je zonja ime,
    jam i denjë për jetën.

    /Telegrafi/

  • I akuzuari për spiunazh, Hysri Selimi në Apel thotë se ka punuar për AKI-në e jo BIA-n serbe

    I akuzuari për spiunazh, Hysri Selimi në Apel thotë se ka punuar për AKI-në e jo BIA-n serbe

    I akuzuari për spiunazh, Hysri Selimi ka dalë para gjykatës së Apelit për t`u ankuar në lidhje me aktgjykimin e themelores që e kishte dënuar me 6 vite burgim.

    Sipas akuzës, Selimi akuzohet për spiunazh se ka bashkëpunuar me BIA-n serbe për të grumbulluar informacione rreth radikalizmit fetar në Kosovë, për krerët e UÇK-së, numrin e personave që kanë marrë pjesë në ISIS dhe personave të kthyer në Kosovë nga luftëra në Siri.

    Në gjykatë të Apelit, është ankuar Prokuroria Speciale e cila ka kërkuar që të rritet dënimi, kurse avokati i Selimit, Ali Beka, e ka kundërshtuar aktgjykimin duke kërkuar i mbrojturi i tij të lirohet ose çështja të kthehet për rivendosje, shkruan Kallxo.com

    Vetë Selimi, është deklaruar para gjykatës së Apelit, se ka punuar për AKI-në, e jo për BIA-n serbe.Tutje i akuzuari ka thënë se çdo lëvizje që e ka bërë për ne serbi e ka bërë nën urdhrat e zyrtarëve të AKI-së që më pas ju ka raportuar atyre.

    I njëjti tha se për këtë ka edhe dy dëshmitarë që kishte punuar me ta e që janë punonjës në AKI.

    “Kam punu në interes ë vendit tim, kërkoj nga gjykata ti dëgjojë dëshmitë e mia unë kam punuar për AKI-në si jam ardhë prej Sirisë. Kam edhe dëshmi se njoni prej punëtorëve që kom punu me to mka marrë në Siri. Këta dy djem janë kanë dy herë në burg, asgjë nuk ki me nejt shumë, ki më kanë i lirë. Me marrëveshje ma kanë pagu gjysmë rroge gruas tem 50% të rogës që i kom marrë në AKI e unë kom heshtë. Kjo është e vërteta. Kam kënaqësinë që kam punuar për AKI-në, po pse në burg?

    Është Pyetje tjetër. Jam plotësisht i pafajshëm. Dëshmoj dhe kom dëshmu se kam punuar për shtetin tem, për AKI-në me vullnet dhe dëshirë normal që m’kanë pagu çdo muaj, çdo gjë që kom bon ë koordinim me ta, jam kordinu me ta në mëngjes mi kanë dhanë pajisjet e përgjimit dhe me kanë udhëzu qysh me vepruar e çka me fol”, tha Selimi.

    Hysri Selimi, i akuzuar për spiunazh për BIA-n serbe, ishte dënuar me gjashtë vjet burg nga Gjykata e Prishtinës. Shpalljen e aktgjykimit e ishte bërë nga gjyqtari Leon Perlaska më 15.06.2026.

    Hysri Selimi ishte arrestuar nga autoritetet e Kosovës më 06.05.2025 ndërsa Prokuroria Speciale më 11.9.2025 kishte ngritur aktakuzë ndaj tij.

    Hysri Selimi akuzohet nga Prokuroria Speciale e Kosovës se kishte grumbulluar dhe ofruar informacione BIA-s serbe, rreth radikalizmit fetar në Kosovë, për krerët e UÇK-së, numrin e personave që kanë marrë pjesë në ISIS dhe të kthyerve në Kosovë nga luftërat në Siri, për shuma të ndryshme të parave.

    Këto informacione, sipas Prokurorisë, Selimi i kishte bërë nën direktivën e agjentëve serbë, të cilët edhe e kishin rekrutuar që të punonte për ta. Sipas aktakuzës Hysri Selimi nga muaji nëntor i viti 2009 e deri në momentin e arrestimit më 06.05.2025 ka qenë i rekrutuar nga BIA serbe për ta ndihmuar këtë shërbim sekret.

    Sipas aktakuzës, Selimi me punën e tij e ka ndihmuar BIA-n në mbledhjen e informacioneve dhe dërgimin e tyre te kjo strukturë në lidhje me veprimtarinë e ish-pjesëtarëve të UÇK-së, vrasjeve gjatë luftës, personat e radikalizuar si dhe numrin e pjesëmarrësve në luftën në Siri.

    Për këtë punë, sipas PSRK-së, ai ishte pajisur me tre telefona të mençur dhe me mjete financiare, madje i ishte premtuar blerja e një shtëpie. Puna e Selimit sipas aktakuzës nuk kishte përfunduar vetëm me grumbullimin e informacioneve por kishte shkuar deri në Siri për t’iu bashkuar organizatës terroriste ISIS me mision të BIA-s serbe.

    Puna e Selimit për BIA-n, në ISIS, do të ishte të mbledhë statistikisht numrin e personave shqiptarë që ishin në këtë organizatë terroriste dhe ku operonin ata në Siri. Veprimtarinë e spiunazhit, sipas PSRK, Selimi do ta vazhdonte edhe pas kthimit të tij nga Siria, ku edhe ishte dënuar për pjesëmarrje në organizatën terroriste ISIS.

    Sipas aktakuzës, pas kthimit nga Siria, takimet e tij do të vazhdonin me zyrtarë të drejtorisë së terrorizmit në kuadër të BIA-s, takime që do të mbaheshin në pjesë të ndryshme të territorit të Serbisë, për të dhënë informacione për personat e radikalizuar dhe përhapjen e rrymave vehabiste në Kosovë, ndikimin e tyre dhe numrin dhe funksionimin e “mesxhideve” në Kosovë.

    Krejt këtë punë Selimi do ta bënte sipas prokurorisë për një shumë të hollave mujore prej 700 euro.

    Për të ardhë në konstatim se Selimi po takohej me agjentë të BIA-s serbe, PSRK kishte marrë konfirmime nga Agjencia Inteligjente e Kosovës (AKI) se personi me të cilin takohej Selimi është shef për luftimin e terrorizmit në kuadër të BIA-s.

    Për ta mbështetur akuzën për spiunazh, PSRK ka paraqitur si provë edhe raportin informues për hyrje-daljet e Selimit nga Kosova për në Serbi dhe anasjelltas.

    Shkuarjen për në Serbi Selimi sipas prokurorisë e bënte me autobus i paraqitur si udhëtar por kthimi i tij në Kosovë do të bëhej herë në këmbë duke u futur ilegalisht në territor, herë me autobus, herë me vetura që i vozisnin persona të ndryshëm.

    Shkuarja në Serbi dhe kthimi në Kosovë bëhej brenda ditës. PSRK, tutje i ka bashkëngjitur aktakuzës edhe një provë e cila ishte siguruar nga masat e fshehta ku shihej teksa takohej Selimi me zyrtarë të BIA-s.

    Selimi duke mos qenë në dijeni se po vëzhgohej në secilën minutë nga autoritetet kosovare do ta bënte rrugën e tij nga banesa ku banonte deri në pikën kufitare të Dheu i Bardhë.Pasi ishte arrestuar dhe i ishin sekuestruar gjësende të ndryshme, ndër to ishin marrë edhe telefonat që i përdorte Selimi. “A keni dëgjuar për këtë lajm”, “A është e mundshme të kem ndonjë problem”,” Pavarësisht unë udhëtoj si njeri i lirë”- janë disa prej citateve që i ka përshkruar PSRK në aktakuzë, prova që e dokumentojnë komunikimin e tij me zyrtarë të BIA-s serbe, “Jo bre çfarë lidhje ki ti, shihemi nesër rreth orës 8:30”- është përgjigja e marrë nga zyrtarët e BIA-s.Kur i ishte ekzaminuar njëri prej telefonave që i shin sekuestruar, ishin nxjerrë fotografi nga më të ndryshmet siç ishin pamje gjatë sekuestrimit të armatimit në Banjskë, video ku dokumentohen personat që falin namazin e xhumasë në një nga xhamitë në Prishtinë, fotografi të personave që ka pretenduar se janë me pozita të larta në Gjykatën Speciale.Tutje, kësaj aktakuze i është bashkangjitur si provë edhe një komunikim i zhvilluar në mes të Selimit dhe personave nga BIA, që si detyrë ka sigurimin e informacioneve në lidhje me personat që frekuentojnë xhamitë, imamët, familjarët e tyre që kanë qenë në Siri. Sipas aktakuzës, Selimi i kishte ofruar informacione zyrtarëve të BIA-s, emrat e personave që ishin arrestuar për rastin e vrasjes së rreshterit, Muhamed Lika. Sipas prokurorisë, të gjitha këto dokumentime me prova janë pranuar nga i pandehuri gjatë intervistimit të tij në prokurori.Në aktakuzë thuhet se Selimi kishte pranuar në tërësi pretendimet e prokurorisë lidhur me veprën penale të spiunazhit duke shtuar se këtë veprimtari e ka bërë për shkaqe financiare dhe nuk ka pasë qëllim që të dëmtojë interesin e vendit. Selimi në Prokurori kishte deklaruar se në vitin 2009 kur ka filluar të jap informacione për BIA-n serbe ishte paguar nga 100 euro për informacionet që i kishte siguruar nga burimet e hapura për krerët e UÇK-së.

  • “Kosova ka humbur shumë kohë”, pas zgjedhjes së presidentes, Lushaku kërkon llogari nga pushteti

    “Kosova ka humbur shumë kohë”, pas zgjedhjes së presidentes, Lushaku kërkon llogari nga pushteti

    “Kosova ka humbur shumë kohë”, pas zgjedhjes së presidentes, Lushaku kërkon llogari nga pushteti

    Deputetja e LDK-së, Jehona Lushaku-Sadriu, ka reaguar pas përfundimit të procesit të zgjedhjes së Presidentes së Kosovës, duke kritikuar zhvillimet politike dhe duke kërkuar që pushteti të fokusohet në qeverisje dhe rezultate konkrete.

    Përmes një postimi në Facebook, Lushaku-Sadriu ka thënë se gjatë zgjedhjes së Presidentit u pa se politika mund të bëhet “dramatike dhe vulgare” kur mungon vullneti politik dhe gatishmëria për kompromis, transmeton Klankosova.tv.

    “Dje përfundoi ky proces. Nga sot, pushteti duhet t’i kthehet përgjegjësisë për të qeverisur”, ka shkruar ajo.

    Sipas saj, Kosova ka humbur kohë në kriza, bllokada dhe përplasje politike, ndërsa qytetarët presin rezultate në arsim, shëndetësi, zhvillim ekonomik, punësim, paga, sundim të ligjit dhe procesin e integrimit evropian.

    Lushaku-Sadriu ka theksuar gjithashtu nevojën për forcimin e pozitës ndërkombëtare të Kosovës dhe marrëdhënieve me aleatët.

    Ajo ka bërë të ditur se në cilësinë e deputetes së opozitës do të vazhdojë të kërkojë llogari nga pushteti dhe të ngrejë në Kuvend çështjet që lidhen me jetën e qytetarëve, problemet e patrajtuara dhe të ardhmen e Kosovës.

    “Do të jem kritike dhe e zëshme aty ku duhet, por gjithmonë me bindjen se politika duhet të kthehet te ajo për të cilën ekziston: të përmirësojë jetën e qytetarëve”, ka deklaruar ajo.

    “Kosovës i duhet më pak spektakël politik dhe më shumë shtet. Më pak arrogancë dhe më shumë përgjegjësi. Më pak fjalë dhe më shumë rezultate”.