Category: Lajme

  • Sejdiu i përgjigjet Kurtit: Jam tërhequr nga gara, emrin me ma përmend s’mund t’ia ndaloj askujt

    Sejdiu i përgjigjet Kurtit: Jam tërhequr nga gara, emrin me ma përmend s’mund t’ia ndaloj askujt

    Sejdiu i përgjigjet Kurtit: Jam tërhequr nga gara, emrin me ma përmend s’mund t’ia ndaloj askujt

    Pavarësisht se në konferencën e sotme, Albin Kurti përdori sërish emrin e profesor Bekim Sejdiut duke i kërkuar marrëveshje PDK-së e Bedri Hamzës për Sejdiun president, ky i fundit ka konfirmuar ekskluzivisht për Gazetën Infokus se nuk është më pjesë e garës për këtë post.

    Profesor Sejdiu ka bërë të ditur se për vendimin e tij i ka njoftuar sërish krerët e LDK-së, por edhe vetë kryeministrin Albin Kurti, duke ua bërë të qartë se është tërhequr nga procesi për zgjedhjen e presidentit.

    “Unë i kam njoftuar, kam qenë në komunikim me krerët e LDK-së edhe i kam njoftuar së fundi edhe krerët e LDK-së edhe kryeministrin Kurti që unë nuk jam pjesë e këtij procesi për zgjedhjen e presidentit të Kosovës. Unë kam hy me idenë kur kam hy në fillim të shtatorit, me motivin e vetëm që me dal prej një ngërçi, por nuk u realizua sepse nuk u bënë votat edhe rrjedhimisht unë kam bërë një herë tërheqje publike edhe tash normalisht emrin me ma përmend s’mundem me ia ndalu askujt. Edhe e di që e bëjnë me qëllimin më të mirë të mundshëm, e di që kanë besim në mua, por unë i kam informuar që unë jam i tërhequr nga kjo garë”, ka deklaruar Sejdiu për Infokusin.

    Ai ka treguar se në proces kishte hyrë në një kombinim politik ku LDK-ja do të ishte propozuese, ndërsa Lëvizja Vetëvendosje mbështetëse, duke shtuar se komunikimet kryesore i kishte zhvilluar me drejtuesit e LDK-së.

    “Unë ju kam thënë që jam i tërhequr, unë nuk jam i informuar. Unë kur kam hyrë me LDK-në si propozuese, VV-në si mbështetëse, me qat konspiracion kam hyrë dhe kryesisht i kam bërë komunikimet me drejtues të LDK-së që më kanë propozu e më kanë thirr mua me hy në këtë proces. E çmoj shumë edhe besimin e kryeministrit Kurti, por unë i kam njoftuar se jam tërhequr nga gara, ju kam treguar se nuk jam pjesë e garës”, ka thënë ai.

    Sejdiu ka treguar për Infokusin se është i gatshëm t’ua dërgojë drejtuesve të LDK-së edhe mesazhin përmes të cilit i kishte njoftuar për qëndrimin e tij. Ai ka theksuar se nuk e konsideron të denjë që dikush të zgjidhet president vetëm për të shmangur zgjedhjet dhe se posti duhet t’i takojë dikujt që e meriton.

    “Nëse dojnë këta të LDK-së, mundem me ua dërgu edhe mesazhin që ua kam dërguar dhe unë ju kam thënë kështu: më së pari nuk konsideroj që është e denjë me u zgjedh president dikush që zgjedhet vetëm me i shmang zgjedhjet, president duhet të zgjedhet dikush që e meriton atë pozitë. Dhe dmth as me ndërlidhjen me tema të tjera që janë të rëndësishme për këtë vend. E dyta, unë kam hyrë në një kombinim politik LDK-VV dhe e kisha mirëprit përkrahjen e të gjithëve. Partitë politike në përgjithësi kanë pasë fjalë të mira për mua si kandidat dhe e çmoj edhe faktin se edhe një pjesë e gazetarëve dhe opinionit publik kanë pasur vlerësim pozitiv për mua. Mirëpo, meqë unë nuk i kam pasur votat, unë jam tërheq nga kjo garë. Për më tepër, në këtë proces me kaq shumë drama, unë nuk kam qenë në Kosovë fare këto ditë. E çmoj shumë besimin dhe vlerësimin nga të gjithë, por unë nuk jam më pjesë e këtij procesi”, ka deklaruar Bekim Sejdiu ekskluzivisht për Gazetën Infokus.

    Deklarimi i Sejdiut vjen pasi emri i tij është rikthyer në diskutimet për zgjedhjen e presidentit, ndërsa ai këmbëngul se LDK-ja dhe kryeministri Kurti janë njoftuar drejtpërdrejt prej tij se është tërhequr nga gara dhe nuk është më pjesë e procesit.

    Kurti emrin e Sejdiut e përmendi edhe sot në konferencë në ditën e fundit kur kanë mbëtur edhe pak orë në përfundimin e afatit kushtetues për zgjedhjen e presidentit.

  • Ferdinand shokon për Bellingham: Po i tejkalon Zidanen, Lampardin, Xavin e Gerrardin

    Ferdinand shokon për Bellingham: Po i tejkalon Zidanen, Lampardin, Xavin e Gerrardin

    Ferdinand ka bërë një vlerësim të jashtëzakonshëm për Jude Bellinghamin, duke e krahasuar yllin e Real Madridit me disa prej legjendave më të mëdha të mesfushës në moshën 23-vjeçare.

    Duke folur në podcastin “Rio Presents”, ish-mbrojtësi anglez përmendi Steven Gerrardin, Frank Lampardin, Zinedine Zidanen dhe Xavin, duke vënë në pah arritjet e Bellinghamit në këtë moshë.

    “Zoti Jude Bellingham, nëse e krahason atë që ka bërë në moshën 23-vjeçare me legjendat e tjera. Steven Gerrard sapo ishte emëruar kapiten i Liverpoolit në moshën 23-vjeçare. Frank Lampard iu bashkua Chelseat gjashtë ditë para se të mbushte 23 vjeç”.

    “Zinedine Zidane debutoi me Kombëtaren e Francës në moshën 22-vjeçare, ndërsa Xavi sapo po bëhej një lojtar kyç për Barcelonën dhe nuk e fitoi Ligën e Kampionëve për herë të parë deri në moshën 26-vjeçare”.

    “Nuk po them se ai është më i mirë se ndonjëri prej këtyre lojtarëve, sepse është ende herët në karrierën e tij, por në moshën 23-vjeçare, duke e krahasuar me ta në të njëjtën moshë, ai po i tejkalon dukshëm të gjithë”, deklaroi Ferdinand.

    Ferdinandi në këtë mënyrë ka vënë në pah ritmin e jashtëzakonshëm të zhvillimit të Bellinghamit, i cili që prej kalimit te Real Madridi është shndërruar në një prej figurave kryesore të klubit dhe futbollit evropian./Telegrafi/

  • Bekim Sejdiu: I kam njoftuar sërish LDK-në dhe Kurtin, jam tërhequr nga gara për President

    Bekim Sejdiu: I kam njoftuar sërish LDK-në dhe Kurtin, jam tërhequr nga gara për President

    Bekim Sejdiu është tërhequr nga gara për president të Kosovës, pavarësisht se kryeministri në detyrë, Albin Kurti, ka deklaruar sot se Lëvizja Vetëvendosje është e gatshme t’i japë 62 vota, bashkë me deputetët e komuniteteve, në këmbim të mbështetjes së PDK-së për kandidaturën e Sejdiut.

    “I kam njoftuar sërish LDK-në dhe Kurtin, jam tërhequr nga gara”, ka deklaruar Sejdiu për INFOKUSIN.

    Deklarata e tij vjen në ditën e fundit të afatit për zgjedhjen e presidentit të Kosovës dhe e vë në pikëpyetje ofertën e bërë nga Kurti ndaj PDK-së.

    Kurti ka thënë se LVV-ja do të siguronte 62 vota, nëse PDK-ja do të zotohej se do të siguronte gjysmën e votave të deputetëve të saj për Bekim Sejdiun.

    Megjithatë, tërheqja e Sejdiut nënkupton se emri për të cilin Kurti po kërkon mbështetje nga PDK-ja nuk pranohet më nga vetë kandidati.

    Zhvillimet e fundit mes LVV-së, PDK-së dhe LDK-së vijnë në një moment vendimtar, pasi 6 tetori është afati i fundit për përmbylljen e procesit të zgjedhjes së presidentit.

    Tash mbetet e paqartë nëse do të propozohet një emër tjetër dhe nëse partitë politike do të arrijnë marrëveshje për votimin e tij brenda afatit./Telegrafi.

  • Miratohen ndryshimet për pushimet mjekësore në Maqedoni

    Miratohen ndryshimet për pushimet mjekësore në Maqedoni

    Bordi Drejtues i Fondit për Sigurim Shëndetësor miratoi ndryshimet në rregulloren për kriteret për përcaktimin e pushimit mjekësor. Nga Fondi sqarojnë se nuk shkurtohet e drejta për pushim mjekësor, as kohëzgjatja e tij kur ekziston nevojë mjekësore.

    Nga atje thonë se ndryshimi nga shtatë në pesë ditë nuk do të thotë se pushimi mjekësor përfundon në ditën e pestë. Bëhet fjalë për periudhën pas së cilës, nëse gjendja shëndetësore kërkon vazhdimin e pushimit mjekësor, zbatohen kriteret mjekësore të parashikuara për diagnozën konkrete.

    Kufiri kyç prej 15 ditësh, në kompetencë të mjekut amë, mbetet i pandryshuar. Me ndryshimet lehtësohen procedurat administrative, ndërsa zgjerohen edhe mundësitë për përcaktimin elektronik dhe retroaktiv të pushimit mjekësor.

    Nga FSSH-ja thonë se zgjidhjet e reja janë rezultat i një analize profesionale disamuajshe të kritereve ekzistuese.

  • Zemaj: Për Kurtin je i mirë vetëm kur je i nënshtruar

    Zemaj: Për Kurtin je i mirë vetëm kur je i nënshtruar

    Deputeti i Lidhjes Demokratike të Kosovës (LDK), Armend Zemaj, ka kritikuar kryeministrin Albin Kurti, duke thënë se ai nuk e sheh stabilitetin institucional si opsion politik.

    Përmes një postimi në Facebook, Zemaj ka deklaruar se qasja e Kurtit ndaj situatës politike, sipas tij, vazhdimisht ka prodhuar kriza të reja institucionale.

    “Albin Kurti nuk e sheh stabilitetin institucional si opsion politik. Çdokush që ka besuar se kjo qasje do të ndryshojë, herët a vonë është përballur me të kundërtën”, ka shkruar Zemaj.

    Ai ka pretenduar se edhe në rastet kur arrihet një dakordim, sipas tij, nga ana e Kurtit shfaqet një çështje e re, ndërsa përgjegjësia për krizën tentohet t’i atribuohet palës tjetër.

    “Edhe kur mendon se ke dakordim, ata shfaqin një kauzë të re, një mashtrim të ri, ndërsa përgjegjësia për krizën tentohet t’i atribuohet palës tjetër. Jo sepse faktet janë të tilla, por sepse propaganda politike e tyre ushqehet në atë mënyrë”, ka shkruar ai.

    Zemaj ka thënë se për këtë arsye, kriza institucionale mbetet, sipas tij, një “opsion i vazhdueshëm” i Kurtit.

    “Krejt ata që besojnë në bashkëpunim me të, do t’u dalë gabim; për ta, je i mirë vetëm i nënshtruar”, ka deklaruar deputeti i LDK-së.

    Në fund, Zemaj ka theksuar se LDK-ja nuk pranon të nënshtrohet ndaj askujt.

    “E fatmirësisht, LDK-ja nuk nënshtrohet ndaj askujt, as nuk është nënshtruar kurrë”, ka përfunduar ai./Telegrafi/

  • “I kam njoftuar sërish”, Sejdiu deklarohet pasi Kurti ia përmendi emrin në konferencë: Jam tërhequr nga gara

    “I kam njoftuar sërish”, Sejdiu deklarohet pasi Kurti ia përmendi emrin në konferencë: Jam tërhequr nga gara

    “I kam njoftuar sërish”, Sejdiu deklarohet pasi Kurti ia përmendi emrin në konferencë: Jam tërhequr nga gara

    Ish-kandidati për president nga një marrëveshje politike ndërmjet Lëvizjes Vetëvendosje dhe LDK-së, Bekim Sejdiu, është deklaruar pasi që emri i tij është përmendur sërish nga kryeministri Albin Kurti.

    Kreu i ekzekutivit në një konferencë për media sot, ka ftuar deputetët e PDK-së që ta votojnë Sejdiun për president, pavarësisht që ai tash e sa kohë është tërhequr nga gara.

    Pikërisht, në ditën kur Kurti e ka përmendur emrin e tij, Sejdiu ka përsëritur se ai tashmë është tërhequr nga gara dhe se për këtë sërish ka informuar Kurtin e LDK-në.

    “I kam njoftuar sërish LDK-në dhe Kurtin se jam tërhequr nga gara”, ka thënë Sejdiu në një përgjigje për Infokusin.

    Ndryshe, në konferencë për media Albin Kurti ka deklaruar për Bekim Sejdiun se “s’do të thoshte ‘jo, s’dua ta shpëtoj Kosovën nga zgjedhjet’. /Klankosova.tv

  • Kurti opozitar i quante 'majmunë': Policia sot më tolerante se në kohën kur organizoja protesta

    Kurti opozitar i quante ‘majmunë’: Policia sot më tolerante se në kohën kur organizoja protesta

    Kurti opozitar i quante 'majmunë': Policia sot më tolerante se në kohën kur organizoja protesta

    Kryeministri i Kosovës, Albin Kurti, ka komentuar sjelljen e Policisë së Kosovës ndaj protestuesve, të cilën e quajti tolerante, ndërsa e paralelizoi me kohën kur vetë protestonte.

    Kurti tha se nuk i ka parë pamjet, të cilat tha se mund të jenë më të shumta krahasuar me ato të para 10-15 viteve, transmeton Klankosova.tv.

    “Unë mbrëmë deri pas mesnate kam qenë në Kuvend, kurdo që janë mbajtur protestat, këtu kam qenë, asnjëherë nuk kam qenë diku tjetër, dhe nuk i di hollësitë e protestave, nuk e di cilat momente që policia ndërhyu apo jo, çfarë bën protestuesit apo nuk bënë, por e di që tashmë janë dërguar disa raste në IPK për të parë nëse ka pasur ndonjë sjellje të tepruar të ndonjë polici.

    Por nëse i shihni xhirimet e sjelljes së policëve, tash ka shumë më shumë xhirime sesa para 10-15 viteve kur unë i organizoja protestat, e shihni që policia është jashtëzakonisht më tolerante dhe profesionale se në atë kohë”, u shpreh duke u buzëqeshur Kurti.

    Kujtojmë se Kurti opozitar i quante policët “majmunë”, ndërsa nga pushteti jo rrallëherë ka shprehur krenarinë për institucionin e Policisë së Kosovës. /Klankosova.tv

  • Defekt në pompat e Badovcit, reduktime të ujit në disa zona të Prishtinës

    Defekt në pompat e Badovcit, reduktime të ujit në disa zona të Prishtinës

    KRU “Prishtina” ka njoftuar se, për shkak të një defekti në pompat e sistemit të furnizimit nga Liqeni i Badovcit, janë paraqitur reduktime dhe çrregullime në furnizimin me ujë.

    Sipas kompanisë, të prekura janë veçanërisht Hajvalia, Graçanica, Mati, Bregu i Diellit, Veterniku, Lagjja e Spitalit, zona nga Bau Market dhe Lagjja Qëndresa.

    KRU “Prishtina” ka bërë të ditur se efektet e reduktimeve mund të ndihen edhe në zona të tjera që furnizohen nga ky sistem.

    Ekipet teknike janë në terren dhe po punojnë për sanimin e defektit dhe normalizimin e furnizimit me ujë. /Telegrafi/

  • “E kaluara, e tashmja, e ardhmja” – Matthieu Blazy sjell vizionin e tij për Pranverë-Verë 2027 në koleksionin e ri të CHANEL

    “E kaluara, e tashmja, e ardhmja” – Matthieu Blazy sjell vizionin e tij për Pranverë-Verë 2027 në koleksionin e ri të CHANEL

    Java e Modës në Paris vijon të sjellë në qendër të vëmendjes emrat më të mëdhenj të industrisë së modës, me shtëpitë ikonike që prezantojnë koleksionet e tyre të reja dhe vendosin tonin për sezonin e ardhshëm.

    Mes eventeve më të shumëpritura ishte edhe prezantimi i CHANEL, ku Matthieu Blazy zbuloi koleksionin Pranverë-Verë 2027, duke sjellë një tjetër kapitull në drejtimin e tij artistik për shtëpinë franceze.

    Blazy eksperimentoi me dizajne, forma dhe nuanca të ndryshme, por pa u larguar nga identiteti i njohur i CHANEL.

    Disa prej siluetave dhe ngjyrave binin veçanërisht në sy, duke i dhënë koleksionit një ndjesi të re dhe bashkëkohore, ndërsa trashëgimia e shtëpisë mbeti e pranishme.

    “E kaluara, e tashmja, e ardhmja. Koleksioni rrëfen historinë e grave që, përmes modës, kanë gjetur mënyra për të shprehur veten dhe për të fituar më shumë liri. Në këtë udhëtim përmes kohës, kapituj të ndryshëm nga jeta dhe trashëgimia e Gabrielle Chanel bashkohen dhe ndërthuren me njëri-tjetrin.

    “Gjurmë nga e kaluara shfaqen në detaje të ndryshme të veshjeve: në strukturën e bustit, në format e fryra që dalin nga beli dhe në linjat e lakuara të siluetave. Elemente të ndryshme nga periudha të ndryshme takohen në të njëjtat veshje dhe marrin një interpretim të ri”.

    “Në qendër të gjithë këtij rrëfimi qëndron liria. Ajo shfaqet jo vetëm përmes figurës së zogut, por edhe në mënyrën se si janë ndërtuar veshjet dhe në përdorimin inovativ të materialeve — nga rrobaqepësia me forma më të lira deri te tweed-i i punuar me teknikën smocking. Identitete të ndryshme shfaqen, ndërthuren dhe transformohen”, ka shkruar shtëpia e modës në një postim në Instagram.

    Koleksioni CHANEL Spring-Summer 2027 vjen kështu si një kombinim mes trashëgimisë së shtëpisë dhe një qasjeje më eksperimentale të Matthieu Blazy, duke treguar se si kodet e së kaluarës mund të marrin një formë të re në të ardhmen.

    Yjet që shkëlqyen jashtë pasarelës

    Si gjithmonë, vëmendja nuk ishte vetëm te pasarela. Në mesin e të ftuarve specialë të CHANEL u panë emra të njohur nga muzika dhe kinemaja, mes tyre Dua Lipa, Pedro Pascal, Alexa Demie dhe Nicole Kidman.

    Dua Lipa ishte ndër figurat që tërhoqi më shumë vëmendje me paraqitjen e saj. Artistja shqiptare u shfaq spektakolare dhe spikati në mesin e të ftuarve të eventit, duke i dhënë edhe më shumë shkëlqim rreshtit të parë të spektaklit.

    Me koleksionin Pranverë-Verë 2027, Matthieu Blazy vazhdon të eksplorojë të ardhmen e CHANEL, duke respektuar njëkohësisht historinë dhe identitetin që e kanë bërë shtëpinë një prej emrave më të rëndësishëm të modës botërore.

    roar-assets-auto.rbl.ms

  • Lushtaku i ashpër me Kurtin: Për karrigen e vet nuk e miraton ligjin për Specialen

    Lushtaku i ashpër me Kurtin: Për karrigen e vet nuk e miraton ligjin për Specialen

    Lushtaku i ashpër me Kurtin: Për karrigen e vet nuk e miraton ligjin për Specialen

    Sami Lushtaku, Kryetari i Komunës së Skenderajt, është shprehur i ashpër ndaj kryeministrit Albin Kurti, pasi iu bashkua protestuesve që po kërkojnë miratimin e Projektligjit për ndryshimin e Ligjit për Dhomat e Specializuara.

     “Kjo është fytyra e vërtetë e Albin Kurtit, i cili me mashtrime dhe rrena ka ardhur në pushtet dhe vazhdon kështu. Për karrigen e vet nuk e miraton një ligj që nuk është për Hashim Thaçin dhe Kadri Veselin, por është për shtetin e Kosovës, gjakun dhe sakrificën jo vetëm të ushtarëve të UÇK-së, por të popullit. UÇK-ja nuk ka qenë e Hashim Thaçit e as e individit, por e popullit shqiptar. Po flas për shqiptarë, jo për këta që e kanë gjakun e përzier me gjakun e serbëve. Këtu ka polici që e kanë udhëhequr edhe mbrëmë, çka ka ndodhur këtu. Njerëz që baballarët e tyre janë në Serbi, atje me emra dhe mbiemra”, tha ai, sipas KosovaPress.

    Lushtaku akuzoi pushtetin për manipulim të policisë dhe përdorim të forcës ndaj protestuesve.