Konsumatorët e rrugës “Gëzim Sahiti” dhe të fshatit Pojatë do të përballen me ndërprerje të përkohshme të furnizimit me ujë të pijshëm të martën, më 27 tetor.
Sipas njoftimit të KRU “Bifurkacioni”, ndërprerja do të fillojë nga ora 09:00, për shkak të punimeve teknike në terren në kuadër të projektit për zëvendësimin e ujëmatësve të vjetër me të rinj.
“Punimet për ndërrimin e ujëmatësve nesër gjatë ditës, do të zhvillohen edhe në fshatin Pojatë”, thuhet në njoftim.
Kompania ka bërë të ditur se furnizimi me ujë në këto zona pritet të rikthehet nga ora 16:00. /Telegrafi/