Blog

  • Vedat Muriqi në superformë, ylli kosovar dyfishon ritmin e golave në startin e sezonit

    Vedat Muriqi në superformë, ylli kosovar dyfishon ritmin e golave në startin e sezonit

    Vedat Muriqi në superformë, ylli kosovar dyfishon ritmin e golave në startin e sezonit

    Sulmuesi kosovar Vedat Muriqi ka arritur të tërheqë vëmendjen me performancën e tij duke dyfishuar performancën e tij nga sezoni i kaluar në tetë javët e para të sezonit.

    Sipas mediumit turk “Sabah” ylli me përvojë i Fenerbahçes, Vedat Muriq i cili ka shënuar 7 herë në ligë këtë sezon, shënoi 4 gola në 8 javët e para të sezonit të kaluar ndërsa luante për Mallorcën në LaLiga

    Muriqi, i cili pësoi një dëmtim në fillim të sezonit dhe luajti 30 minutat e fundit të ndeshjes kundër Gençlerbirliği, të cilën Fenerbahçe e humbi 2-1, shënoi nga një gol në secilën prej ndeshjeve kundër Konyaspor dhe Samsunspor, ku ai luajti si titullar në formacionin e parë.

    Sulmuesi me përvojë, i cili dha një shfaqje me 4 gola në fitoren historike 8-0 kundër Eyüpspor, shënoi edhe kundër Alanyas, pavarësisht se u aktivizua vetëm për 9 minutat e fundit.

    Muriqi ndan vendin e parë në listën e golashënuesve me Salahun dhe Orbanin me 7 golat e tij. Ylli kosovar, i cili e përfundoi LaLigën sezonin e kaluar me 23 gola, përfundoi i dyti në garën për golashënues pas Mbappe të Real Madridit (25)

    Sinjali – aty ku e vërteta flet para lajmit!

    /GazetaSinjali/

    The post Vedat Muriqi në superformë, ylli kosovar dyfishon ritmin e golave në startin e sezonit appeared first on Sinjali.

    Burimi: Sinjali

  • Kreshnik Hajrizi rikthehet në fushë, lajm i mirë për Kosovën

    Kreshnik Hajrizi rikthehet në fushë, lajm i mirë për Kosovën

    Kreshnik Hajrizi rikthehet në fushë, lajm i mirë për Kosovën

    Pas disa muajsh mungesë për shkak të lëndimit, Kreshnik Hajrizi është rikthyer në fushën e lojës me fanellën e Sionit.

    Mbrojtësi i Kombëtares së Kosovës luajti 45 minuta në fitoren 2:0 të Sionit ndaj Cham, në kuadër të Kupës së Zvicrës.

    27-vjeçari ishte jashtë fushave që nga muaji maj, ndërsa rikthimi i tij përbën një lajm të mirë edhe për “Dardanët”, transmeton Klankosova.tv.

    Trajneri Franco Foda, pritet të ketë telashe në repartin defensiv për ndeshjet e muajit nëntor, për shkak të mungesës së Lumbardh Dellovës dhe Albian Hajdarit.

    Në këtë situatë, rikthimi i Hajrizit mund t’i japë më shumë alternativa përzgjedhësit të Kosovës në repartin e mbrojtjes.

  • Akuzat për korrupsion, Faruk Mujka dhe Hysen Muzliukaj deklarohen sërish të pafajshëm

    Akuzat për korrupsion, Faruk Mujka dhe Hysen Muzliukaj deklarohen sërish të pafajshëm

    Akuzat për korrupsion, Faruk Mujka dhe Hysen Muzliukaj deklarohen sërish të pafajshëm

    Në Gjykatën Themelore në Prishtinë, Faruk Mujka- kryeshef ekzekutiv në Ndërmarrjen Hidro-Ekonomike “Ibër-Lepenc” dhe Hysen Muzliukaj-ish-drejtor për Gjeodezi në Mitrovicë, u deklaruan sërish të pafajshëm lidhur me akuzat për korrupsion.

    Sipas aktakuzës, Mujka në cilësinë e nënkryetarit të Komunës së Mitrovicës, ndërsa Muzliukaj në cilësinë e Drejtorit për Gjeodezi, Kadastër dhe Pronë në atë komunë, akuzohen për keqpërdorim të detyrës zyrtare lidhur me rastin e këmbimit të pronës së ish-Bankosit me pronë private. Ndërkaq, Mujka akuzohet edhe për mosraportim apo raportim të rremë të pasurisë, me arsyetimin se në cilësinë e kryeshefit ekzekutiv të Ibër-Lepencit nuk i deklaroi 60 mijë e 50 eurot që iu sekuestruan në shtëpi, raporton “Betimi për Drejtësi“.

    Seanca e së hënës po vazhdon me fjalët hyrëse të palëve në procedurë.

    Dy të akuzuarit ishin deklaruar të pafajshëm edhe në seancën fillestare më 20 tetor 2025.

    Prokuroria Speciale e Republikës së Kosovës (PSRK), më 9 shtator 2025, ka ngritur aktakuzë ndaj Faruk Mujkës dhe Hysen Muzliukajt, të cilët akuzohen për keqpërdorim të detyrës zyrtare. Mujka ngarkohet edhe për mosraportim apo raportim të rremë të pasurisë.

    Sipas aktakuzës, Mujka, në cilësinë e nënkryetarit të Komunës së Mitrovicës, ndërsa Muzliukaj, në cilësinë e drejtorit për Gjeodezi, Kadastër dhe Pronë në atë komunë, akuzohen për keqpërdorim të detyrës zyrtare lidhur me rastin e këmbimit të pronës së ish-Bankosit me pronë private.

    Ndërkaq, Mujka akuzohet edhe për mosraportim apo raportim të rremë të pasurisë, me arsyetimin se, në cilësinë e kryeshefit ekzekutiv të Ibër-Lepencit, nuk i deklaroi 60 mijë e 50 eurot që iu sekuestruan në shtëpi.

  • Ministri i Brendshëm francez: Policia humbi kontrollin pas trazirave dhe plaçkitjeve

    Ministri i Brendshëm francez: Policia humbi kontrollin pas trazirave dhe plaçkitjeve

    Ministri i Brendshëm francez: Policia humbi kontrollin pas trazirave dhe plaçkitjeve

    Ministri i Brendshëm i Francës, Laurent Nunez, ka deklaruar se policia humbi kontrollin në disa qytete gjatë fundjavës, pas trazirave dhe plaçkitjeve që pasuan protestat masive në vend.

    Sipas raportimeve të BBC-së, më shumë se gjysmë milioni njerëz dolën në rrugë të shtunën për të protestuar kundër kostos së lartë të jetesës.

     Megjithatë, në disa zona protestat eskaluan në dhunë, ku u dogjën ndërtesa dhe u plaçkitën dyqane, transmeton Klankosova.tv

    Trazirat kishin nisur muajin e kaluar, me protestat e studentëve për kushtet në shkolla, por më pas u zgjeruan duke përfshirë edhe pakënaqësi të tjera.

    Nuñez ka pranuar se policia nuk ishte përgatitur mjaftueshëm për situatën dhe ka ofruar dorëheqjen, por presidenti francez, Emmanuel Macron, ka kërkuar që ai të vazhdojë në detyrë.

    Dhuna vazhdoi edhe të dielën në Paris, ku policia arrestoi më shumë se 350 persona, ndërsa të paktën pesë dyqane u plaçkitën.

    Ndërkohë, qeveria franceze ka thirrur një mbledhje të jashtëzakonshme për të diskutuar situatën e sigurisë pas trazirave.

  • Mourinho mesazh të qartë Alexander-Arnoldit, anglezi drejt largimit

    Mourinho mesazh të qartë Alexander-Arnoldit, anglezi drejt largimit

    Real Madridi e mposhti Sevillan me rezultat 4:1 në La Liga, me Kylian Mbappen që realizoi dy gola, duke e zvogëluar në gjashtë pikë diferencën me Barcelonën para përballjes së ardhshme mes dy rivalëve në “El Clasico”.

    Megjithatë, vëmendja pas ndeshjes u përqendrua edhe te situata e Alexander-Arnoldit, i cili vazhdon të ketë vështirësi për të siguruar një vend të rregullt në skuadrën madrilene.

    Valverde shkëlqeu ndaj Sevillas, duke dëshmuar edhe një herë se mund të jetë një alternativë e rëndësishme në krahun e djathtë të mbrojtjes. Kjo situatë e vështirëson edhe më shumë pozitën e mbrojtësit anglez, i cili u transferua te Reali nga klubi i tij i fëmijërisë, Liverpooli.

    Mourinho lavdëron Valverden

    Pas ndeshjes, Mourinho foli me superlativa për mesfushorin uruguaian dhe shpjegoi se sa e vështirë është të lihen në stol futbollistë cilësorë si Alexander-Arnoldi dhe Denzel Dumfries.

    “Ditën tjetër, gjysmë me shaka dhe gjysmë seriozisht, thashë se nëse do t’i kishim katër Valverde, ata do të luanin në katër pozita të ndryshme. Ai është një nga lojtarët më të gjithanshëm në futbollin e sotëm”, deklaroi Mourinho.

    Trajneri vlerësoi paraqitjen e uruguaianit, duke theksuar se për ndeshjen ndaj Sevillas i duhej një lojtar me energji dhe cilësi në krahun e djathtë.

    “Nuk është e lehtë për një trajner t’i lërë në stol dy mbrojtës të djathtë cilësorë, por mendova se do të ishte shumë e dobishme të kisha një lojtar me energji dhe cilësi për të luajtur pas Endrickut”, u shpreh ai.

    Mourinho shtoi se Valverde nuk ka nevojë të bindet për rëndësinë e tij në skuadër, duke e cilësuar atë si një futbollist që mund të luajë në pozita të ndryshme në nivel të lartë.

    Alexander-Arnold drejt largimit?

    Alexander-Arnoldi ka startuar vetëm në tri nga tetë ndeshjet e para të Real Madridit në La Liga këtë sezon, një statistikë që tregon vështirësitë e tij për t’u përshtatur me rolin në skuadrën madrilene.

    Në këtë situatë, janë shtuar spekulimet për një rikthim të mundshëm te Liverpooli, nëse në të ardhmen krijohen kushtet për një marrëveshje.

    Mbrojtësi anglez, i cili për vite me radhë ishte një nga lojtarët kryesorë të Liverpoolit, tani duhet të luftojë për minutat e tij te Reali. Nëse situata nuk ndryshon, një largim nga Madridi mund të bëhet një mundësi që ai do ta shqyrtojë.

    Burimi: RTKLive

  • Luiz Ejllin nuk e duan në protestë, çfarë ndodhi? (VIDEO)

    Luiz Ejllin nuk e duan në protestë, çfarë ndodhi? (VIDEO)

    Luiz Ejllin nuk e duan në protestë, çfarë ndodhi? (VIDEO)

    Luiz Ejlli, së bashku me bashkëshorten e tij, Kiara Titon, dhe vajzën e tyre, Lunën, mori pjesë dje në protestën e mbajtur në Tiranë.

    Prania e tyre nxiti reagime të shumta, ku një protestuese shfaqi pakënaqësi, duke thënë se Ejlli duhej të ishte paraqitur me maskë, ndërsa u kritikua edhe për marrjen e fëmijës në protestë.

    Për këto zhvillime dhe ngjarjet e fundit në showbiz, kanë diskutuar në emisionin “Ora 7” gazetarët Agon Rexhepi, Blerina Shoshi dhe Klea Kabashi.

    Për më shumë detaje, ndiqeni videon:

  • BDI: Bërvenica dëshmoi se zëri i qytetarëve shqiptarë nuk mund të anashkalohet

    BDI: Bërvenica dëshmoi se zëri i qytetarëve shqiptarë nuk mund të anashkalohet

    Në një reagim publik, BDI vlerëson se ky rezultat dëshmon rëndësinë e përfaqësimit dinjitoz, zhvillimit lokal dhe ndërtimit të institucioneve që u shërbejnë të gjithë qytetarëve, pa dallim.

    Nga kjo parti kanë shprehur mirënjohje për të gjithë qytetarët që morën pjesë në procesin zgjedhor, si dhe për ata që mbështetën kandidaturën e Arkin Jahijit.

    BDI thekson se Komuna e Bërvenicës meriton të zhvillohet mbi parimet e barazisë, respektit dhe shpërndarjes së drejtë të investimeve dhe shërbimeve publike.

    “Bërvenica meriton një komunë ku zëri i çdo qytetari dëgjohet, ku investimet dhe shërbimet shpërndahen në mënyrë të barabartë dhe ku bashkëjetesa ndërtohet mbi respektin dhe barazinë”, thuhet në reagimin e partisë.

    Në fund, BDI ka ritheksuar përkushtimin për të vazhduar angazhimin së bashku me qytetarët, me synimin për përfaqësim të drejtë dhe krijimin e një të ardhmeje më të mirë për Bërvenicën.

    Burimi: RTKLive

  • LEX | Apeli rrëzoi dënimin me 13 vjet e 11 muaj burgim, gjykimi nis sërish – Labeat Kastrati para drejtësisë për vrasjen e vitit 2001

    LEX | Apeli rrëzoi dënimin me 13 vjet e 11 muaj burgim, gjykimi nis sërish – Labeat Kastrati para drejtësisë për vrasjen e vitit 2001

    LEX | Apeli rrëzoi dënimin me 13 vjet e 11 muaj burgim, gjykimi nis sërish – Labeat Kastrati para drejtësisë për vrasjen e vitit 2001

    Labeat Kastrati, ish-truproja e presidentit Ibrahim Rugova, pritet të dalë sot sërish para Gjykatës Themelore në Prishtinë, në rigjykimin për rastin e vrasjes së ndodhur më 2001 në lokalin “Inter Klub”. Procesi rikthehet në shkallën e parë pasi Gjykata e Apelit anuloi aktgjykimin ndaj tij dhe dy të akuzuarve të tjerë, Fahri Kajtazit dhe Hamdi Mavriqit.

    Sinjali kishte raportuar ekskluzivisht se, më 26 janar 2026, Kastratit i ishte shqiptuar dënimi unik prej 13 vjetësh e 11 muajsh burgim. Ai ishte dënuar me 11 vjet për vrasje dhe katër vjet për vrasje në tentativë, por ky aktgjykim u anulua pas shqyrtimit të ankesave në Apel.

    Me vendimin e 7 korrikut 2026, Apeli konstatoi shkelje esenciale të procedurës penale dhe mungesë arsyetimi të qartë për faktet vendimtare.

    Në rigjykim kërkohet të sqarohet dinamika e të shtënave, pozita e qitësit dhe e viktimës, trajektorja e predhave dhe se cili prej të akuzuarve e kishte goditur viktimën. Për këtë, Apeli kërkoi të shqyrtohet angazhimi i një eksperti të balistikës ose i një fushe tjetër përkatëse.

    Gjykata e shkallës së dytë evidentoi gjithashtu se një prej shkeljeve të konstatuara ishte ngritur edhe nga Gjykata Supreme më 2009, por nuk ishte eliminuar gjatë rigjykimit.

    Ngjarja kishte ndodhur më 17 dhjetor 2001 në “Inter Klub” në Prishtinë. Sipas aktakuzës së ngritur më 24 qershor 2002, pas fjalosjeve, sharjeve dhe kërcënimeve, personat e përfshirë kishin shtënë me armë ndaj njëri-tjetrit.

    Prokuroria pretendon se, derisa Kastrati dhe Mavriqi po shtinin në drejtim të Kajtazit, një predhë nga arma e njërit prej tyre kishte goditur për vdekje A.M. Qytetarët e kishin dërguar në spital, ku mjekët kishin konstatuar vdekjen. Në aktakuzën fillestare ishte përfshirë edhe Milaim Cakaj.

    Rasti ka kaluar nëpër një proces të gjatë gjyqësor. Aktgjykimi i parë ishte shpallur më 2002, ndërsa më 26 nëntor 2009, Gjykata Supreme kishte anuluar pjesën që lidhej me Kastratin, Kajtazin dhe Mavriqin, duke e kthyer çështjen në rigjykim. Pjesa e aktgjykimit ndaj Cakajt ishte lënë në fuqi.

    Bashkë me vendimin e Apelit të këtij viti, çështja është kthyer të paktën dy herë në rigjykim, ndërsa gati 25 vjet pas ngjarjes, procesi ndaj tre të akuzuarve ende nuk ka marrë epilog përfundimtar.

    Pavarësisht anulimit të dënimit, me vendimin e korrikut Apeli ia kishte vazhduar Kastratit masën e paraburgimit deri në një vendim tjetër të Gjykatës Themelore. Për ndonjë ndryshim të mëvonshëm të kësaj mase nuk ka konfirmim në të dhënat e verifikuara.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post LEX | Apeli rrëzoi dënimin me 13 vjet e 11 muaj burgim, gjykimi nis sërish – Labeat Kastrati para drejtësisë për vrasjen e vitit 2001 appeared first on Sinjali.

    Burimi: Sinjali

  • Policia në Prishtinë ndalon një person të kërkuar

    Policia në Prishtinë ndalon një person të kërkuar

    Policia në Prishtinë ndalon një person të kërkuar

    Policia e Kosovës ka arrestuar në Prishtinë një 40-vjeçar, i cili ishte në kërkim për veprat penale “Mbajtja në pronësi, kontroll ose posedim i paautorizuar i armës” dhe “Përdorimi i armës”.

    Sipas njoftimit të Policisë, i dyshuari me inicialet A. F. ishte dënuar me një vit e katër muaj burgim për këto vepra penale, transmeton Klankosova.tv.

    Arrestimi u realizua më 19 tetor nga zyrtarët e Stacionit Policor Jugu në Prishtinë.

    Pas përfundimit të procedurave të nevojshme policore, 40-vjeçari është dërguar në vuajtje të dënimit.

  • E kërcënoi punëtoren me thikë dhe grabiti 8 mijë euro, një muaj paraburgim për të dyshuarin

    E kërcënoi punëtoren me thikë dhe grabiti 8 mijë euro, një muaj paraburgim për të dyshuarin

    E kërcënoi punëtoren me thikë dhe grabiti 8 mijë euro, një muaj paraburgim për të dyshuarin

    Gjykata Themelore në Gjakovë ka aprovuar kërkesën e Prokurorisë Themelore, duke i caktuar një muaj paraburgim të pandehurit Ç. Zh., nën dyshimin për kryerjen e veprës penale të grabitjes.

    Sipas njoftimit të gjykatës, rasti ka ndodhur më 10 tetor 2026, rreth orës 15:00, në rrugën “Anton Çeta” në Gjakovë, te “R. M. T.”.

    I pandehuri, i maskuar, dyshohet se ka hyrë në lokal, ku punëtorja M. F. ishte duke punuar, dhe ka nxjerrë një thikë. Nën kërcënimin se do ta sulmonte, ai e ka urdhëruar punëtoren që t’ia japë të gjitha paratë.

    “…nën kërcënimin e thikës, e urdhëron punëtoren që t’ia japë të gjitha të hollat. Mirëpo, kjo e fundit, duke qenë e frikësuar dhe në panik, pa ditur se si të reagojë, i pandehuri e hap dollapin e vendit ku ndodheshin paratë, i merr të gjitha të hollat në shumën prej rreth 8.000 €. Më pas, i drejtohet punëtores duke i thënë që të mos e shikojë në fytyrë dhe del nga lokali, nga ku, me të hollat e grabitura, largohet nga vendi i ngjarjes”, thuhet në njoftim.

    Gjyqtari i procedurës paraprake, Samedin Cena, pas mbajtjes së seancës dëgjimore ka vlerësuar se janë përmbushur kushtet ligjore për caktimin e masës së paraburgimit ndaj të pandehurit.

    “Me këtë vendim, i pandehurit Ç. Zh., do të mbahet në paraburgim në kohëzgjatje prej një (1) muaji, periudhë kjo që do të llogaritet nga data e arrestimit me 15 tetor 2026 deri më 15 nëntor 2026. Palët kanë të drejtë ankese ndaj këtij vendimi në Gjykatën e Apelit të Kosovës”./Klankosova.tv