Blog

  • Ekskluzive | Bastisje në dy lokacione në Gjakovë – sekuestrohen armë, qindra fishekë e marihuanë, i dyshuari jashtë Kosovës

    Ekskluzive | Bastisje në dy lokacione në Gjakovë – sekuestrohen armë, qindra fishekë e marihuanë, i dyshuari jashtë Kosovës

    Ekskluzive | Bastisje në dy lokacione në Gjakovë – sekuestrohen armë, qindra fishekë e marihuanë, i dyshuari jashtë Kosovës

    Një operacion i njësisë për hetimin e trafikimit me narkotikë është zhvilluar më 14 tetor në Gjakovë, ku gjatë bastisjes së dy lokacioneve janë sekuestruar armë, qindra fishekë dhe substancë e dyshuar narkotike.

    Burimet e Sinjalit bëjnë me dije se DHTN-Gjakovë ka zbatuar urdhëresën e Gjykatës Themelore në Gjakovë për bastisjen e shtëpive dhe objekteve përcjellëse të Muharrem Rexhepit.

    Gjatë bastisjes së parë, në rrugën “Isuf Sylaj”, janë sekuestruar një pushkë gjysmëautomatike me karikator të kalibrit 7.62 mm, një revole “Special”, një pushkë gjuetie dhe 252 fishekë të kalibrave të ndryshëm.

    Bastisja ka vazhduar edhe në një pronë tjetër në rrugën “Gani Sadrija”, në fshatin Babaj i Bokës, ku janë sekuestruar një revole Bohem 268 pa numër serik, disa karikatorë, si dhe 37 fishekë të kalibrave të ndryshëm.

    Në të njëjtin lokacion është gjetur edhe një pjatë, për të cilën dyshohet se mund të ketë mbetje të substancave narkotike.

    Në oborr është gjetur edhe një veturë VW Golf 4, ngjyrë hiri, e cila është sekuestruar në cilësinë e provës materiale.

    Gjatë kontrollit të veturës është gjetur edhe një cigare e mbushur me substancë të dyshuar narkotike të llojit marihuanë, me peshë rreth 0.51 gramë.

    Për rastin është njoftuar Prokurori i Shtetit.

    I dyshuari Muharrem Rexhepi nuk ka qenë prezent gjatë bastisjeve, ndërsa sipas familjarëve që kanë qenë të pranishëm si dëshmitarë, ai ndodhet jashtë Kosovës.

    Rasti është iniciuar për posedim të paautorizuar të substancave narkotike dhe mbajtje në pronësi, kontroll ose posedim të paautorizuar të armëve.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post Ekskluzive | Bastisje në dy lokacione në Gjakovë – sekuestrohen armë, qindra fishekë e marihuanë, i dyshuari jashtë Kosovës appeared first on Sinjali.

    Burimi: Sinjali

  • Ekskluzive | Dyshohet se droga u hodh nga jashtë brenda Burgut të Dubravës – sekuestrohen 87 gramë substancë e dyshuar narkotike

    Një rast i dyshuar i futjes së narkotikëve në Qendrën Korrektuese në Dubravë është duke u hetuar nga njësitet përkatëse.

    Burimet e Sinjalit bëjnë me dije se rasti është pranuar nga njësiti për hetimin e trafikimit me narkotikë në Pejë më 13 tetor, ndërsa ngjarja dyshohet të ketë ndodhur më 10 tetor, rreth orës 02:35.

    Sipas dyshimeve fillestare, një person apo disa persona ende të paidentifikuar dyshohet se kanë hedhur nga pjesa e jashtme e qendrës një sasi të substancës së dyshuar narkotike në brendësi të saj.

    Substanca është gjetur në hapësirat e pavijonit 6, ndërsa pesha e përgjithshme bruto ka rezultuar në 87 gramë.

    Për rastin është njoftuar Prokurori i Shtetit, i cili ka udhëzuar lidhur me cilësimin juridik të rastit.

    Rasti është iniciuar në drejtim të veprës “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

    Hetimet po vazhdojnë për identifikimin e personit apo personave që dyshohet se kanë hedhur substancën brenda hapësirave të qendrës.

    Sinjali – aty ku e vërteta flet para lajmit!

    /GazetaSinjali/

    The post Ekskluzive | Dyshohet se droga u hodh nga jashtë brenda Burgut të Dubravës – sekuestrohen 87 gramë substancë e dyshuar narkotike appeared first on Sinjali.

    Burimi: Sinjali

  • Ekskluzive | Policia hyn në lokalin “Kafe&Çaj” në Mitrovicë – konfiskohen 1,610 çipa, letra bixhozi dhe një thikë

    Ekskluzive | Policia hyn në lokalin “Kafe&Çaj” në Mitrovicë – konfiskohen 1,610 çipa, letra bixhozi dhe një thikë

    Ekskluzive | Policia hyn në lokalin “Kafe&Çaj” në Mitrovicë – konfiskohen 1,610 çipa, letra bixhozi dhe një thikë

    Një rast i dyshuar i bixhozit të paligjshëm është zbuluar në orët e hershme të 13 tetorit në rrugën “Kemajl Ataturk” në Mitrovicë.

    Burimet e Sinjalit bëjnë me dije se rreth orës 03:50, Policia ka pranuar informacion për prishje të rendit dhe qetësisë publike dhe ka dalë në lokacion.

    Në lokalin “Kafe&Çaj”, policët kanë hasur derën të hapur dhe, pasi kanë hyrë brenda, kanë vërejtur disa persona duke luajtur bixhoz. Në tavolina janë gjetur çipa dhe letra bixhozi.

    Gjatë kontrollit, te Leke Morina është gjetur dhe sekuestruar edhe një thikë, të cilën e kishte në çantën e krahut.

    Në vendin e ngjarjes janë konfiskuar gjithsej 4 kofera, 1,610 çipa dhe 8 palë letra bixhozi.

    Pronari i lokalit, Florim Paqarada, është intervistuar në cilësinë e të dyshuarit për veprën “Organizim i skemave piramidale dhe bixhozi i paligjshëm”, ndërsa Leke Morina për veprën “Mbajtje në pronësi, posedim ose kontroll të paautorizuar të armës”.

    Pas konsultimit me Prokurorin e Shtetit, të dy të dyshuarit janë liruar në procedurë të rregullt.

    Rasti mbetet nën hetime.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post Ekskluzive | Policia hyn në lokalin “Kafe&Çaj” në Mitrovicë – konfiskohen 1,610 çipa, letra bixhozi dhe një thikë appeared first on Sinjali.

    Burimi: Sinjali

  • E reja në Prishtinë denoncon të dashurin për presion psikologjik dhe kanosje – ai ndalohet për 48 orë

    Një rast i dhunës në familje dhe kanosjes është raportuar më 14 tetor në rrugën “Faton Shabani” në Prishtinë.

    Burimet e Sinjalit bëjnë me dije se rreth orës 15:45, L.A. ka raportuar se kishte probleme me të dashurin e saj, A.G., me të cilin është në lidhje, por nuk bashkëjetojnë.

    Sipas deklarimit të viktimës, i dyshuari kishte ushtruar presion psikologjik ndaj saj për një kohë të gjatë dhe e kishte kanosur me fjalë të ndryshme.

    Ajo ka deklaruar se më 14 tetor, përmes rrjetit social Snapchat, i dyshuari e kishte telefonuar vazhdimisht dhe e kishte kanosur.

    I dyshuari është intervistuar në prezencë të avokatit mbrojtës, ndërsa sipas informatave fillestare ka pranuar se i kishte shkruar vazhdimisht palës ankuese dhe se kishte ushtruar dhunë psikike ndaj saj.

    Pas konsultimit me Prokurorin e Shtetit, rasti është iniciuar si “Kanosje” në kuadër të dhunës në familje, ndërsa A.G. është ndaluar për 48 orë.

    Rasti mbetet nën hetime.

    Sinjali – aty ku e vërteta flet para lajmit!

    /GazetaSinjali/

    The post E reja në Prishtinë denoncon të dashurin për presion psikologjik dhe kanosje – ai ndalohet për 48 orë appeared first on Sinjali.

    Burimi: Sinjali

  • Morina inspekton punimet në autostradën “Ibrahim Rugova”, evidenton mangësi

    Morina inspekton punimet në autostradën “Ibrahim Rugova”, evidenton mangësi

    Përmes një postimi në Facebook, Morina ka bërë të ditur se, ndonëse punimet po zhvillohen sipas planit dinamik, gjatë inspektimit janë evidentuar mangësi në realizimin e tyre.

    “Gjatë vizitës në terren, u shqyrtua ecuria e punimeve për stabilizimin dhe sanimin e skarpateve përgjatë autostradës ‘Ibrahim Rugova’”, ka shkruar Morina.

    Ai ka theksuar se gjatë inspektimit janë konstatuar mangësi në zbatimin e projektit teknik dhe në respektimin e rregullave e standardeve të ndërtimit.

    “Ndonëse punimet janë duke u zhvilluar në përputhje me planin dinamik, gjatë inspektimit u evidentuan mangësi në realizimin e tyre sipas projektit teknik dhe rregullave e standardeve të ndërtimit”, ka deklaruar Morina.

    Zëvendësministri ka kërkuar nga të gjithë akterët e përfshirë në projekt që të rrisin angazhimin dhe mbikëqyrjen profesionale, si dhe të adresojnë mangësitë e identifikuara, në mënyrë që punimet të realizohen në përputhje me projektin dhe standardet e kërkuara.

    “Përparimi në realizimin e punimeve duhet të shoqërohet domosdoshmërisht me cilësi, siguri dhe zbatim të përpiktë të projektit”, ka theksuar ai.

    Morina ka bërë të ditur se qëllimi i ndërhyrjeve në skarpata është garantimi i stabilitetit afatgjatë dhe rritja e sigurisë për të gjithë shfrytëzuesit e autostradës “Ibrahim Rugova”.

    Burimi: RTKLive

  • U raportua i zhdukur, gjendet i vdekur në Rahovicë – trupi dyshohet se ishte i karbonizuar

    Një rast i rëndë është regjistruar mbrëmjen e 14 tetorit në fshatin Rahovicë të Ferizajt, ku një 46-vjeçar, i raportuar fillimisht si i zhdukur, është gjetur pa shenja jete.

    Burimet e Sinjalit bëjnë me dije se rreth orës 19:20, bashkëshortja e tij është paraqitur në Polici dhe ka raportuar se Ardian Bajrami ishte larguar nga shtëpia rreth orës 13:00, ndërsa familja nuk kishte arritur të kontaktonte më me të.

    Sipas deklarimit të saj, para se të largohej, ai kishte thënë se nuk ndihej mirë.

    Derisa familjarët dhe Policia po e kërkonin, vetura e tij Skoda, ngjyrë e bardhë, është gjetur e braktisur te Parku i Pishave në Rahovicë, me dritat e ndezura.

    Brenda veturës janë gjetur çelësat, telefoni personal dhe disa të holla të shpërndara në ulësen e pasagjerit, ndërsa para janë gjetur edhe jashtë veturës.

    Në kërkim janë angazhuar njësitë policore, njësiti i kërkim-shpëtimit dhe K9.

    Rreth orës 21:20, pas kërkimeve, njësiti K9 ka arritur të gjejë një trup të pajetë, për të cilin dyshohet se i përkiste personit të raportuar të zhdukur.

    Sipas informatave fillestare nga vendi i ngjarjes, trupi dyshohet se ishte i karbonizuar, ndërsa rrethanat që kanë çuar deri te vdekja ende nuk janë sqaruar.

    Në vendngjarje kanë dalë njësitë hetimore, Forenzika dhe Instituti i Mjekësisë Ligjore. Trupi është tërhequr për obduksion.

    Edhe vetura e viktimës është sekuestruar për ekzaminime të mëtejshme, ndërsa lokacioni është rrethuar dhe po ruhet për hetime të tjera.

    Rasti është iniciuar si “Hetim mbi vdekjen” dhe hetimet po vazhdojnë për të zbardhur të gjitha rrethanat e ngjarjes.

    Sinjali – aty ku e vërteta flet para lajmit!

    /GazetaSinjali/

    The post U raportua i zhdukur, gjendet i vdekur në Rahovicë – trupi dyshohet se ishte i karbonizuar appeared first on Sinjali.

    Burimi: Sinjali

  • Nuk e pagoi dënimin prej 400 eurosh – kapet në Prishtinë dhe përfundon me 20 ditë burg

    Nuk e pagoi dënimin prej 400 eurosh – kapet në Prishtinë dhe përfundon me 20 ditë burg

    Nuk e pagoi dënimin prej 400 eurosh – kapet në Prishtinë dhe përfundon me 20 ditë burg

    Një person i kërkuar me urdhërarrest aktiv është ndaluar mbrëmjen e 14 tetorit në Prishtinë.

    Burimet e Sinjalit bëjnë me dije se rreth orës 22:50, një ekip policor ka ndaluar Imer Behlulin, ndërsa pas verifikimit ka rezultuar se ndaj tij ekzistonte urdhërarrest aktiv.

    Sipas informatave fillestare, bëhet fjalë për një dënim në vlerë prej 400 eurosh, i cili, për shkak të mospagesës, ishte shndërruar nga Gjykata në 20 ditë burgim.

    Pas realizimit të urdhëresës, Behluli është dërguar për vuajtje të dënimit.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post Nuk e pagoi dënimin prej 400 eurosh – kapet në Prishtinë dhe përfundon me 20 ditë burg appeared first on Sinjali.

    Burimi: Sinjali

  • Rrahmani paralajmëron Kurtin për Kodin Civil: Hiqi ato dy nene, se prapë kam me të ndalë

    Rrahmani paralajmëron Kurtin për Kodin Civil: Hiqi ato dy nene, se prapë kam me të ndalë

    Deputeti i Partisë Demokratike të Kosovës (PDK), Eman Rrahmani, ka paralajmëruar kryeministrin Albin Kurti se do të kundërshtojë sërish miratimin e Kodit Civil, nëse në të mbeten dy nenet që lidhen me bashkësitë civile ndërmjet personave me gjini të njëjtë.

    Në Debat Plus në TV Dukagjini, Rrahmani tha se Kodi Civil ende nuk ka kaluar në Qeveri, ndërsa sipas tij, parashihet që të procedohet më 15 nëntor.

    “Ligji ende s’ka kaluar në Qeveri, ligji parashihet që më 15 nëntor të vijë në Qeveri. Le t’i heqë Albin Kurti ato dy nene dhe le ta kalojë ligjin. Unë po e paralajmëroj, mos të vijë të dështojë”, tha Rrahmani.

    Ai kundërshtoi deklarimet e Kurtit se po sfidon vlerat përmes këtij Kodi, duke thënë se nuk do të lejojë që, sipas tij, të cenohet familja.

    “Ai po thotë: ‘Jo, unë po të sfidoj mbi këto vlera, unë po du me shkatërru familjen’. E që s’po e shkatërron pra, se ka kush të ndalë aty. Edhe prapë kam me të ndalë”, deklaroi Rrahmani.

    Gjatë seancës së sotme plenare në Kuvendin e Kosovës, Rrahmani dhe Kurti patën debat lidhur me Kodin e ri Civil, të cilin Qeveria synon ta bëjë gati për miratim në Kuvend deri më 15 nëntor.

    Rrahmani e pyeti kryeministrin se pse po vazhdon me këtë nismë, pavarësisht kundërshtimeve të mëparshme, duke e cilësuar atë si të dëmshme për familjen tradicionale.

    Në përgjigjen e tij, Kurti tha se Kosovës i nevojitet një reformë e qëndrueshme civile dhe se mbrojtja e familjes është pjesë thelbësore e saj.

    Ai theksoi se Kodi Civil përmban 997 faqe dhe 1 mijë e 630 nene, duke kritikuar përqendrimin e Rrahmanit në vetëm dy prej tyre.

    Burimi: Dukagjini

  • Jushi: BE-ja e ka qartësuar rrugën integruese të Shqipërisë (VIDEO)

    Jushi: BE-ja e ka qartësuar rrugën integruese të Shqipërisë (VIDEO)

    Jushi: BE-ja e ka qartësuar rrugën integruese të Shqipërisë (VIDEO)

    Gazetarja Denada Jushi ka thënë se në Shqipëri është abuzuar me “rrugëtimin drejt Bashkimit Evropian”.

    Ajo tha se BE-ja e ka qartësuar rrugën integruese të Shqipërisë që përfshin kufizimin e korrupsionit dhe krimit.

    “Se është abuzuar kaq shumë me këtë rrugëtimin drejt bashkimit evropian dhe nuk i referohemi çfarë thotë Bashkim Evropian…”, tha Jushi në Rubikon të Klan Kosovës.

    “Na është përsëritur gjatë gjithë këtij trevjeçari që kemi parë dhe paralelisht gjithë punën që ka bërë SPAK-u dhe drejtësia”.

    “Bashkimi Evropian është shumë i qartë: rrugën integruese të Shqipërisë e kufizojnë korrupsioni dhe krimi”.

  • Gjini: Daut Haradinaj fytyra e UÇK-së, emrin e tij disa e kanë problem edhe sot

    Gjini: Daut Haradinaj fytyra e UÇK-së, emrin e tij disa e kanë problem edhe sot

    Gjini: Daut Haradinaj fytyra e UÇK-së, emrin e tij disa e kanë problem edhe sot

    Kryetari i Aleancës, Ardian Gjini, ka reaguar në mbrojtje të Daut Haradinajt, duke e cilësuar atë si një nga figurat e UÇK-së dhe duke kritikuar partinë në pushtet për sulmet e orkestruara ndaj tij.

    Gjini ka thënë se është e pritshme që Dauti të ketë kundërshtarë, por ka theksuar se shumë parti politike do të dëshironin ta kishin atë në radhët e tyre, nëse ai nuk do të ishte kundërshtar politik.

    “Dauti është fytyra e UÇK-së, e emrin e tij është krejt normale që disa që janë anti komb e kanë telashe edhe sot, gati tre dekada pas luftës”, ka shkruar Gjini.

    Ai ka kritikuar atë që e ka cilësuar si standard të dyfishtë të disa partive politike, të cilat, sipas tij, harrojnë problemet dhe veprimet e njerëzve nga radhët e tyre, ndërsa përdorin akuza ndaj kundërshtarëve politikë.

    Gjini ka ironizuar edhe me partinë në pushtet që dikur mbante armatim nëpër zyra, ndërsa sot përpiqen të paraqiten si shembull i politik, transmeton Klankosova.tv.

    “Daut Haradinaj nuk ka mbajtur molotov në zyrë, e as nuk e ka gjuajtur kuvendin me zollë. Dauti nuk i ka vjedh milionat me rrymë as me penj të spitaleve, e as me grurë të popullit. As nuk është fshehur, asnjëherë”, ka deklaruar Gjini.

    Kryetari i Aleancës e ka përshkruar Daut Haradinajn si një kryengritës të pakompromis kundër Serbisë, duke e vënë theksin te kontributi i tij dhe i familjes Haradinaj në luftën për çlirimin e Kosovës, transmeton Klankosova.tv.

    “Dauti e familja Haradinaj ishin aty kur Kosova kishte nevojë për liri, dhe është këtu sot, siç do të jetë gjithmonë për vendin”, ka përfunduar Gjini.