Blog

  • Qelaj reagon ndaj Speciales:Ekzistenca e Zyrës në Hagë nuk e shuan mandatin tonë

    Qelaj reagon ndaj Speciales:Ekzistenca e Zyrës në Hagë nuk e shuan mandatin tonë

    Në reagimin e tij, Avokati i Popullit ka sqaruar se deklarata e Dhomave të Specializuara është publikuar në të njëjtën ditë kur ato kanë pranuar përgjigjen e tij zyrtare, drejtuar kryetares së Dhomave të Specializuara, Ekaterina Trendafilova, në të cilën janë paraqitur argumentet juridike lidhur me mandatin dhe kompetencat e institucionit.

    Avokati i Popullit ka theksuar se institucioni i tij është themeluar me Kushtetutë dhe ka mandat të përgjithshëm për mbrojtjen dhe promovimin e të drejtave dhe lirive themelore të njeriut.

    Në këtë drejtim, ai ka vlerësuar se përgjegjësia ekskluzive që i është caktuar Zyrës së Avokatit të Popullit në Hagë nuk nënkupton përjashtimin e kompetencave të institucionit të tij për t’u angazhuar në çështjet që lidhen me Dhomat e Specializuara.

    “Sipas vlerësimit tim, një interpretim i tillë do të ngatërronte dy koncepte të dallueshme juridike: ‘përgjegjësinë ekskluzive’ dhe ‘kompetencën ekskluzive’”, thuhet në reagimin e Avokatit të Popullit.

    Ai ka sqaruar se përgjegjësia ekskluzive përbën detyrim të posaçëm institucional për të vepruar, por jo të drejtë për të penguar veprimtarinë e institucioneve të tjera.

    “Përgjegjësia ekskluzive dhe kompetenca ekskluzive përbëjnë dy koncepte juridike të dallueshme, të cilat nuk mund të përdoren si sinonime”, ka theksuar Avokati i Popullit.

    Qelaj ka ngritur gjithashtu shqetësime lidhur me ushtrimin e funksionit monitorues nga Zyra e Avokatit të Popullit në Hagë.

    “Siç e kuptoj unë çështjen, deri më tani, Zyra e Avokatit të Popullit në Hagë nuk e ka ushtruar në praktikë funksionin e saj monitorues për t’iu përgjigjur shqetësimeve lidhur me të drejtat e njeriut të personave që janë subjekt i procedurave gjyqësore para Dhomave të Specializuara”, ka deklaruar ai.

    Sipas Avokatit të Popullit, kjo rrethanë ngre pyetje lidhur me përmbushjen në praktikë të përgjegjësisë që i është caktuar këtij mekanizmi.

    Ai ka sqaruar se qëndrimi i tij nuk nënkupton se mandati i Institucionit të Avokatit të Popullit të Kosovës mbizotëron ose zëvendëson përgjegjësitë e Zyrës së Avokatit të Popullit në Hagë, por se këto institucione kanë mandate plotësuese.

    Avokati i Popullit ka rikujtuar se që nga viti 2021 ka ngritur vazhdimisht shqetësime pranë Dhomave të Specializuara, përfshirë përmes korrespondencës zyrtare, ndaj së cilës, sipas tij, nuk është dhënë asnjë përgjigje.

    “Mungesa e vazhdueshme e përgjigjes ngre shqetësime serioze lidhur me transparencën dhe krijon perceptimin se informacioni mund të mbahet qëllimisht i fshehtë”, thuhet në reagim.

    Ai ka theksuar se ngritja e shqetësimeve dhe dhënia e rekomandimeve janë në përputhje me mandatin e tij ligjor dhe nuk duhet të interpretohen si ndërhyrje në pavarësinë gjyqësore.

    “Pavarësia gjyqësore nuk mund të shërbejë si arsyetim për mungesën e transparencës ose të llogaridhënies institucionale”, ka theksuar Avokati i Popullit.

    Në fund të reagimit, Qelaj ka kritikuar qëndrimin e Dhomave të Specializuara, duke vlerësuar se reagimet publike që vendosin kufizime ndaj mandatit të një autoriteti kushtetues cenojnë rolin e tij.

    “Këtë reagim e shohim me shumë interes, sepse reagimet publike duke vendos kritika e kufizime të mandatit të një autoriteti kushtetues siç është Avokati i Popullit dhe duke u sjell me qëndrime arbitrare dhe ta pa arsyetuara, përben veprim që cenon rolin dhe peshën e një Institucioni të pavarur kushtetues dhe shpërfaq tendencë për të manifestuar refuzim të kontrollit demokratik, kritikës konstruktive dhe debatit publik”, ka përfunduar Avokati i Popullit.

    Burimi: RTKLive

  • Infantino nën presion, Wenger në krye të FIFA-s?

    Infantino nën presion, Wenger në krye të FIFA-s?

    Infantino nën presion, Wenger në krye të FIFA-s?

    Presidenti i FIFA-s, Gianni Infantino, është përballur me kritika të ashpra nga anëtarët e këshillit pas polemikave për projektin sekret “FIFA Forward Enterprise”, që synonte kalimin e një pjese të të drejtave komerciale te një kompani private investimesh.

    Infantino kërkoi falje për moskonsultimin e këshillit, por kjo nuk mjaftoi për të qetësuar kritikët.

    Debbie Hewitt, kryetare e Federatës Angleze të Futbollit dhe zëvendëspresidente e FIFA-s, deklaroi se shumë pyetje ende kanë mbetur pa përgjigje.

    Ajo paralajmëroi se Infantino nuk është i përshtatshëm për të drejtuar FIFA-n nëse nuk jep sqarime të plota për çështjen.

    Ndërkohë, UEFA vazhdon të mbajë qëndrim kritik ndaj presidentit të FIFA-s dhe po kërkon dokumentet që lidhen me projektin.

    Në mesin e emrave që përmenden si kandidatë të mundshëm për ta sfiduar Infantinon është edhe ish-trajneri i Arsenalit, Arsene Wenger.

    Zgjedhjet presidenciale të FIFA-s pritet të mbahen në mars, ndërsa afati për paraqitjen e kandidatëve përfundon më 18 nëntor.

  • Në rrugët e Spanjës dëgjohet kënga "Mora fjalë" (VIDEO)

    Në rrugët e Spanjës dëgjohet kënga “Mora fjalë” (VIDEO)

    Në rrugët e Spanjës dëgjohet kënga "Mora fjalë" (VIDEO)

    Është sërish ai, dhëndrri i Kosovës.

    Futbollisti i Barcelonës, Karim Adeyemi, i cili është i martuar me reperen e njohur Loredana Zefi, ka bërë një veprim tjetër që ka rënë në sy.

    Ai duke vozituar G-Class-in e tij, rrugëve të Spanjës dëgjonte këngën “Mora fjalë” të kënduar nga këngëtarja e madhe Shkurte Fejza.

    Videoja tashmë është bërë virale në rrjet.

  • Termokosi fillon sezonin e ri ngrohës

    Termokosi fillon sezonin e ri ngrohës

    Termokosi fillon sezonin e ri ngrohës

    Ndërmarrja Publike “Termokos”, ka filluar gjatë ditës së djeshme të marrë sasitë e para të avullit nga KEK-u për prodhimin e ngrohjes dhe furnizimin me ngrohje në nisje të sezonit ngrohës 2026/2027.

    Në njoftimin për media nga kjo kompani thuhet se me qëllim të ruajtjes së sigurisë së operimit të pajisjeve dhe funksionimin e qëndrueshëm të sistemit, “furnizimi ka filluar me kapacitet të kufizuar, duke u rritur gradualisht”.

    “Procesi i marrjes së avullit, prodhimit të energjisë ngrohëse dhe shpërndarjes në rrjetin e kogjenerimit është realizuar me sukses të plotë”, tha kompania “Termokos”.

    Më tej, NP “Termokos” tha se do të vazhdojë të angazhohet dhe do të jetë në gjendje gatishmërie të plotë, që edhe këtë sezon ngrohës të ofrojë furnizim të qëndrueshëm dhe cilësor me ngrohje për gjithë konsumatorët.

  • Dhoma e Tregtisë në Tiranë dënon vandalizmin gjatë protestave: Dhuna nuk justifikohet nga asnjë kauzë

    Dhoma e Tregtisë në Tiranë dënon vandalizmin gjatë protestave: Dhuna nuk justifikohet nga asnjë kauzë

    Dhoma e Tregtisë dhe Industrisë Tiranë ka shprehur shqetësim për aktet e dhunës dhe dëmtimin e pronës publike e private gjatë protestave në kryeqytetin shqiptar, duke kërkuar identifikimin dhe ndëshkimin e personave përgjegjës, raporton Ekonomia Online.

    Në një deklaratë të nënshkruar nga kryetari i kësaj dhome, Nikolin Jaka, dhe shoqatat e biznesit, është dënuar vandalizmi ndaj institucioneve, bankave, qendrave tregtare dhe objekteve të sipërmarrjeve.

    Dhoma e Tregtisë ka theksuar se, ndonëse protesta paqësore është një e drejtë themelore demokratike, dhuna dhe shkatërrimi i pronës nuk mund të arsyetohen me pakënaqësi apo përplasje politike.

    “Asnjë kauzë, pakënaqësi apo përplasje politike nuk justifikon dhunën, zjarrvënien, vandalizmin dhe cenimin e sigurisë së qytetarëve”, thuhet në reagim.

    Përfaqësuesit e biznesit kanë tërhequr vëmendjen edhe te pasojat ekonomike të këtyre veprimeve, duke theksuar se dëmtimi i bizneseve prek jo vetëm pronarët, por edhe punonjësit, klientët dhe familjet që varen nga të ardhurat e tyre.

    “Pas çdo sipërmarrjeje qëndrojnë investime, vite pune, vende pune dhe familje që sigurojnë të ardhurat prej saj. Dëmtimi i një banke, dyqani, qendre tregtare apo godine biznesi prek punonjësit, klientët dhe ekonominë e qytetit”, thuhet në deklaratë.

    Dhoma e Tregtisë i ka bërë thirrje Policisë së Shtetit që të veprojë në mënyrë profesionale dhe proporcionale, duke kërkuar që personat përgjegjës për aktet e dhunës të identifikohen dhe të mbajnë përgjegjësi individuale para ligjit.

    Në të njëjtën kohë, organizatorëve të protestave dhe forcave politike u është kërkuar të shmangin gjuhën që nxit tensionet dhe të distancohen nga çdo veprim që mund të çojë në përshkallëzimin e situatës.

    Dhoma e Tregtisë ka kërkuar gjithashtu dokumentimin e plotë të dëmeve të shkaktuara dhe komunikim të drejtpërdrejtë me autoritetet për procedurat e denoncimit.

    Në përfundim, kryetari Nikolin Jaka ka ritheksuar se qëndrimi i përfaqësuesve të biznesit është i pavarur nga përkatësitë politike dhe në mbështetje të protestës paqësore, dialogut dhe zbatimit të ligjit.

    “Mbështesim lirinë e shprehjes, protestën paqësore, dialogun dhe zbatimin e ligjit. Kundërshtojmë pa asnjë rezervë dhunën dhe shkatërrimin, pavarësisht se nga kush kryhen”, thuhet në deklaratë.

    Burimi: Dukagjini

  • Futbollisti legjendar kolumbian qeth flokët, befason me look-un e ri

    Futbollisti legjendar kolumbian qeth flokët, befason me look-un e ri

    Futbollisti legjendar kolumbian qeth flokët, befason me look-un e ri

    Legjenda e futbollit kolumbian, Carlos Valderrama, ka surprizuar tifozët me një ndryshim të madh në pamjen e tij, duke hequr dorë nga flokët kaçurrela biondë që e karakterizuan për dekada të tëra.

    Ish-mesfushori 65-vjeçar e ka ndarë këtë transformim përmes një videoje të publikuar në rrjetet sociale, ku shihet bashkëshortja e tij, Elvira Redondo, duke ia rruar kokën.

    Kjo ka bërë bujë në mediat ndërkombëtare, transmeton Klankosova.tv.

    “Populli im! Sot është dita”, ka shkruar Valderrama në publikimin e tij, pa dhënë më shumë detaje për arsyen e këtij vendimi.

    Ndryshimi i tij i ri ka tërhequr vëmendjen e tifozëve, pasi flokët e gjatë dhe kaçurrelë ishin shndërruar në një nga shenjat më dalluese të ish-futbollistit, i njohur me nofkën “El Pibe”.

    Valderrama ishte një prej figurave më të njohura të futbollit kolumbian gjatë viteve ’90, periudhë në të cilën u dallua si për cilësitë teknike, ashtu edhe për pamjen e tij të veçantë.

    Madje, para Kampionatit Botëror të vitit 1994, ai kishte refuzuar një ofertë prej dy milionë dollarësh për t’i prerë flokët, duke dëshmuar se ato ishin bërë pjesë e pandashme e identitetit të tij.

    Kësaj radhe, megjithatë, ish-kapiteni i Kolumbisë ka vendosur të bëjë një ndryshim që pak kush do ta imagjinonte.

    Mes atyre që reaguan ndaj pamjes së re ishte edhe ish-portieri kolumbian René Higuita, i cili e përgëzoi për dukjen e re.

    Valderrama ka përfaqësuar Kolumbinë në tri Kampionate Botërore, në vitet 1990, 1994 dhe 1998, duke mbetur një nga emrat më të spikatur në historinë e futbollit të këtij vendi.

  • Akreditimi në Kosovë, në fokus të takimit mes Odës Amerikane dhe DAK-ut

    Akreditimi në Kosovë, në fokus të takimit mes Odës Amerikane dhe DAK-ut

    Akreditimi në Kosovë, në fokus të takimit mes Odës Amerikane dhe DAK-ut

    Oda Ekonomike Amerikane në Kosovë dhe përfaqësuesit e kompanive anëtare kanë zhvilluar një takim me Drejtorinë e Përgjithshme të Akreditimit të Kosovës ku është diskutuar për zhvillimin e skemave të akreditimit, rëndësinë e tyre për bizneset dhe rritjen e besueshmërisë së rezultateve të testimit, inspektimit dhe certifikimit.

    Sipas komunikatës së Odës Amerikane, akreditimi në Kosovë mbetet një fushë në zhvillim, me rëndësi të veçantë për avancimin e infrastrukturës së cilësisë dhe forcimin e konkurrueshmërisë së bizneseve në treg.

    “Akreditimi në Kosovë mbetet një fushë në zhvillim, me rëndësi për avancimin e infrastrukturës së cilësisë dhe rritjen e besueshmërisë së rezultateve të testimit, inspektimit dhe certifikimit. Këto çështje ishin në fokus të takimit të Odës Amerikane dhe përfaqësuesve të kompanive anëtare me Drejtorinë e Përgjithshme të Akreditimit të Kosovës (DAK)”, thuhet në komunikatën e Odës Amerikane.

    “Në takim, DAK u përfaqësua nga Irfan Lipovica, Drejtor i Përgjithshëm, Ardiana Shala Krrabaj, Drejtore e Departamentit për Akreditim dhe Zhvillim dhe Safete Rexhepi, Udhëheqëse e Divizionit për Akreditim, me të cilët u diskutua për skemat aktuale të akreditimit, kërkesat dhe procesin e akreditimit për Trupat e Vlerësimit të Konformitetit, si dhe përfitimet që akreditimi sjell për bizneset dhe konsumatorët”.

    Po ashtu, aty u theksua rëndësia e mbikëqyrjes së vazhdueshme, dokumentimit dhe vlerësimeve krahasuese, me qëllim të sigurimit të besueshmërisë dhe saktësisë së rezultateve.

    “Gjatë takimit u prezantuan skemat aktuale të akreditimit për Trupat e Vlerësimit të Konformitetit (TVK), të cilat përfshijnë laboratorët testues dhe kalibrues, laboratorët mjekësorë, trupat inspektues dhe trupat e certifikimit të produkteve. Aktualisht, janë në zbatim katër skema të akreditimit, ndërsa tri të tjera janë në zhvillim. Gjithashtu, u diskutua për rëndësinë e mbikëqyrjes së vazhdueshme, dokumentimit dhe vlerësimeve krahasuese për të siguruar besueshmërinë e rezultateve”.

    “Rritja e ndërgjegjësimit të bizneseve për përfitimet e akreditimit mbetet e rëndësishme për avancimin e cilësisë dhe forcimin e konkurrueshmërisë në treg”.

  • Avokati i Popullit: Zyra në Hagë nuk e përjashton mandatin tonë për mbrojtjen e të drejtave të njeriut

    Avokati i Popullit: Zyra në Hagë nuk e përjashton mandatin tonë për mbrojtjen e të drejtave të njeriut

    Avokati i Popullit: Zyra në Hagë nuk e përjashton mandatin tonë për mbrojtjen e të drejtave të njeriut

    Institucioni i Avokatit të Popullit të Kosovës ka reaguar ndaj deklaratës së Dhomave të Specializuara të Kosovës të 13 tetorit, duke argumentuar se ekzistenca e Zyrës së Avokatit të Popullit në Hagë nuk e përjashton mandatin kushtetues të institucionit kosovar për mbrojtjen dhe promovimin e të drejtave të njeriut.

    Në reagimin e nënshkruar nga Avokati i Popullit, Naim Qelaj, thuhet se përgjegjësia ekskluzive e caktuar për Zyrën e Avokatit të Popullit në Hagë nuk nënkupton domosdoshmërisht kompetencë ekskluzive që përjashton institucionet e tjera nga ushtrimi i funksioneve të tyre.

    Sipas Qelajt, përgjegjësia ekskluzive dhe kompetenca ekskluzive janë dy koncepte të ndryshme juridike dhe nuk mund të përdoren si sinonime.

    “Ky është detyrim për të vepruar, dhe jo e drejtë për të penguar veprimin e institucioneve të tjera”, thuhet në reagim, ku theksohet se përjashtimi i kompetencave të Institucionit të Avokatit të Popullit të Kosovës duhet të argumentohet në bazë të dispozitave përkatëse kushtetuese.

    Qelaj ka ngritur gjithashtu shqetësimin se Zyra e Avokatit të Popullit në Hagë, sipas vlerësimit të tij, deri më tani nuk e ka ushtruar në praktikë funksionin monitorues për t’iu përgjigjur shqetësimeve lidhur me të drejtat e njeriut të personave që janë subjekt i procedurave gjyqësore para Dhomave të Specializuara.

    Ai ka vlerësuar se ekzistenca e një zyre të caktuar, pa ushtrimin efektiv të mandatit të saj, nuk duhet ta pengojë një institucion tjetër të themeluar me Kushtetutë që të monitorojë të drejtat e njeriut brenda kompetencave të veta ligjore.

    Megjithatë, në reagim sqarohet se qëndrimi i IAP-së të Kosovës nuk nënkupton se mandati i tij mbizotëron ose zëvendëson përgjegjësitë e veçanta të Zyrës së Avokatit të Popullit në Hagë. Sipas Qelajt, të dy mekanizmat kanë mandate plotësuese.

    Një tjetër çështje e ngritur në reagim është mungesa e përgjigjeve nga Dhomat e Specializuara ndaj shqetësimeve të adresuara nga Institucioni i Avokatit të Popullit të Kosovës që nga viti 2021.

    Qelaj ka deklaruar se institucioni që drejton ka ngritur vazhdimisht shqetësime pranë Dhomave të Specializuara, edhe përmes korrespondencës zyrtare të mëvonshme, por se nuk ka marrë përgjigje.

    Sipas tij, kjo mungesë e vazhdueshme e përgjigjeve ngre shqetësime serioze për transparencën dhe krijon perceptimin se informacioni mund të mbahet qëllimisht i fshehtë.

    Në reagim theksohet se ngritja e shqetësimeve dhe dhënia e rekomandimeve të përgjithshme për funksionimin e sistemit gjyqësor janë në përputhje me mandatin ligjor të Avokatit të Popullit dhe nuk duhet të interpretohen si ndërhyrje në pavarësinë gjyqësore.

    “Pavarësia gjyqësore nuk mund të shërbejë si arsyetim për mungesën e transparencës ose të llogaridhënies institucionale”, thuhet në reagim.

    Në fund, Institucioni i Avokatit të Popullit vlerëson se qëndrimet publike që, sipas tij, vendosin kufizime arbitrare dhe të paarsyetuara mbi mandatin e një autoriteti kushtetues cenojnë rolin e një institucioni të pavarur dhe mund të shfaqin tendencë për refuzimin e kontrollit demokratik, kritikës konstruktive dhe debatit publik.

  • Protestuesit gjuajnë me gurë kabinën e rojës së Ambasadës Amerikane, në zonë “kumbon” alarmi i bankës së shkatërruar

    Protestuesit gjuajnë me gurë kabinën e rojës së Ambasadës Amerikane, në zonë “kumbon” alarmi i bankës së shkatërruar

    Protestuesit gjuajnë me gurë kabinën e rojës së Ambasadës Amerikane, në zonë “kumbon” alarmi i bankës së shkatërruar

    Protestuesit janë ndalur te një bankë e nivelit të dytë, përballë Ambasadës Amerikane, dhe e kanë shkatërruar atë.

    Menjëherë pas sulmit, alarmi i bankës ka rënë dhe është dëgjuar në të gjithë zonën. Pas sulmit ndaj këtij institucioni financiar, duket se gurët e protestuesve nuk kanë kursyer as kabinën ku qëndrojnë rojet e Ambasadës Amerikane, shkruan TCH.

    Gurët nuk janë drejtuar drejt ambienteve të brendshme të ambasadës, por vetëm drejt kabinës, e cila është pjesërisht prej xhami. Në momentin e sulmit, nuk ka pasur persona brenda saj.

    The post Protestuesit gjuajnë me gurë kabinën e rojës së Ambasadës Amerikane, në zonë “kumbon” alarmi i bankës së shkatërruar appeared first on Sinjali.

    Burimi: Sinjali

  • Qelaj kritikon Specialen për mungesë transparence e llogaridhënieje

    Qelaj kritikon Specialen për mungesë transparence e llogaridhënieje

    Avokati i Popullit, Naim Qelaj, ka kritikuar Dhomat e Specializuara të Kosovës në Hagë për mungesë transparence, llogaridhënieje dhe monitorimi, duke thënë se këto shqetësime kanë ndikuar në rënien e besueshmërisë së qytetarëve ndaj kësaj gjykate.

    Duke folur në FIVE të TV Dukagjinit, Qelaj ka komentuar raportin e publikuar nga Institucioni i Avokatit të Popullit lidhur me Dhomat e Specializuara dhe Zyrën e Prokurorit të Specializuar, të shqyrtuara nga perspektiva e të drejtave të njeriut.

    Ai ka thënë se ndër shqetësimet kryesore të evidentuara në raport janë pragu minimal i provave të siguruara nga Serbia, zgjatja e paraburgimit, pamundësia e lirimit me kusht dhe çështjet që lidhen me juridiksionin e kësaj gjykate.

    “Faktet kryesore që i kemi potencuar në raport ndërlidhen me mungesën e transparencës, mungesën e llogaridhënies dhe monitorimit të kësaj gjykate. Pastaj, pragun minimal të provave që janë siguruar nga Serbia, çështjen e zvarritjes së paraburgimit dhe pamundësinë për t’u liruar me kusht. Ka edhe shumë aspekte të tjera që lidhen me juridiksionin e kësaj gjykate”, ka thënë Qelaj.

    Sipas tij, shqetësim përbën edhe mënyra se si kjo gjykatë e ushtron juridiksionin e saj, për të cilin ai ka thënë se ngre pikëpyetje në raport me standardet e drejtësisë penale.

    Qelaj ka vënë në pah edhe mungesën e përgjigjeve ndaj pyetjeve të parashtruara vazhdimisht nga institucioni që ai drejton.

    “Shqetësuese në krejt situatën e bën fakti se kjo mungesë e transparencës dhe mungesa e theksuar e argumentimit, e dhënies së përgjigjeve në pyetjet që ne ia kemi parashtruar vazhdimisht gjykatës, si dhe tendenca për ta mbyllur këtë gjykatë, duke i transmetuar publikut vetëm aq sa dëshiron gjykata, kanë bërë që të bjerë shumë besueshmëria e qytetarëve në këtë gjykatë”, ka deklaruar ai.

    Burimi: Dukagjini