Blog

  • PS-ja paralajmëron përgjegjësi ligjore për dhunën në protesta: Gjithkush që ka dorë në këtë katrahurë do të paguajë

    PS-ja paralajmëron përgjegjësi ligjore për dhunën në protesta: Gjithkush që ka dorë në këtë katrahurë do të paguajë

    PS-ja paralajmëron përgjegjësi ligjore për dhunën në protesta: Gjithkush që ka dorë në këtë katrahurë do të paguajë

    Partia Socialiste e kryeministrit Edi Rama ka reaguar pas protestës së dhunshme në Tiranë, duke publikuar pamje nga ngjarjet dhe duke paralajmëruar se personat përgjegjës për dhunën do të mbajnë përgjegjësi para ligjit.

    Përmes një postimi, PS-ja theksoi se askush nuk është mbi ligjin dhe se Shqipëria nuk do të kthehet pas.

    “Përgjegjësia para ligjit është e gjithsecilit dhe gjithkush që ka dorë në këtë katrahurë sigurisht që do të paguajë. Shqipëria nuk do të kthehet më kurrë pas”, thuhet në reagimin e partisë.

    Më tej, Partia Socialiste theksoi se qytetarët shqiptarë nuk duhet të mbeten pengje të së kaluarës, duke shtuar se e ardhmja i përket Shqipërisë dhe qytetarëve të saj.

    “Shqiptarët kurrë më nuk do të jenë pengje të së shkuarës. E ardhmja është e Shqipërisë dhe shqiptarëve!”, thuhet në mesazhin e PS-së.

    Ndërkohë, protesta e nisur nga studentët po vazhdon në rrugët e Tiranës, ndërsa gjatë ditës ajo është zgjeruar edhe në qytete të tjera të Shqipërisë.

    Sinjali – aty ku e vërteta flet para lajmit!

    /GazetaSinjali/

    The post PS-ja paralajmëron përgjegjësi ligjore për dhunën në protesta: Gjithkush që ka dorë në këtë katrahurë do të paguajë appeared first on Sinjali.

    Burimi: Sinjali

  • ATK i mbledh mbi 900 milionë euro për nëntë muaj

    ATK i mbledh mbi 900 milionë euro për nëntë muaj

    ATK i mbledh mbi 900 milionë euro për nëntë muaj

    Administrata Tatimore e Kosovës, ka mbledhur 908.8 milionë euro të hyra tatimore nga janari deri në shtator të vitit 2026, rreth 114.5 milionë euro më shumë se në periudhën e njëjtë të vitit të kaluar.

    Sipas të dhënave të ATK-së, kjo paraqet rritje prej 14.5 për qind të të hyrave tatimore, ndërsa njëkohësisht numri i ndëshkimeve ka rënë për 22 për qind.

    ATK-ja vlerëson se këta tregues pasqyrojnë një qasje të orientuar drejt rritjes së përmbushjes së obligimeve tatimore, parandalimit të parregullsive dhe administrimit më efikas të detyrimeve nga tatimpaguesit.

    “Këta tregues pasqyrojnë një qasje të orientuar drejt përmbushjes më të madhe tatimore, parandalimit të parregullsive dhe administrimit më efikas të obligimeve tatimore”, thuhet në njoftimin e ATK-së transmeton Klankosova.tv.

    Sipas këtij institucioni, rezultatet janë arritur përmes monitorimit të vazhdueshëm të bizneseve, me fokus të veçantë te tatimpaguesit me rrezik të lartë tatimor, si dhe përmes informimit dhe edukimit të tatimpaguesve për përmbushjen e drejtë të obligimeve të tyre.

    ATK-ja thekson se një rëndësi të veçantë i është kushtuar edhe parandalimit të shkeljeve, me synimin që të rritet përmbushja vullnetare dhe të zvogëlohet nevoja për masa ndëshkuese.

    Një tjetër faktor që, sipas ATK-së, ka ndikuar në përmirësimin e shërbimeve është digjitalizimi i shërbimeve tatimore, i cili synon të lehtësojë qasjen e tatimpaguesve, të shkurtojë procedurat dhe të rrisë efikasitetin e administrimit tatimor.

  • Vitinha do kthimin e Ronaldos te kombëtarja

    Vitinha do kthimin e Ronaldos te kombëtarja

    Vitinha do kthimin e Ronaldos te kombëtarja

    Vitinha ka shprehur dëshirën që shoku i tij te kombëtarja, Cristiano Ronaldo, të kthehet në kombëtare.

    Legjenda e futbollit u largua në mënyrë demonstrative nga kampanja e fundit, por duket se largimi i tij nuk është përfundimtar.

    “Shpresoj që Cristiano Ronaldo të kthehet në kombëtare. E vetmja gjë që mund të bëj është të shpresoj që ai të rikthehet dhe që gjithçka të jetë në rregull”, tha Vitinha për TNT Sports.

    “Ne të gjithë e duam këtë, shpresoj që të ndodhë”.

  • Ministri Gashani i reagon kryetarit Rama për Lojërat Mesdhetare 2030

    Ministri Gashani i reagon kryetarit Rama për Lojërat Mesdhetare 2030

    Ministri Gashani i reagon kryetarit Rama për Lojërat Mesdhetare 2030

    Ministri i Kulturës, Rinisë dhe Sportit, Blerim Gashani ka shkruar në lidhje me pretendimet e kryetarit të Prishtinës, Përparim Rama në lidhje me telashet rreth organizimit të Lojërave Mesdhetare 2030.

    Në reagimin e tij në Facebook, Gashani theksoi se Kosova do të organizojë Lojërat Mesdhetare dhe se, sipas tij, janë duke punuar në organizimin e tyre në përputhje me standardet dhe afatet e përcaktuara.

    “Dua të ritheksoj se përkushtimi ynë për organizimin dhe realizimin me sukses të këtij eventi madhor sportiv mbetet i plotë dhe i palëkundur. Ne po vazhdojmë punën me përgjegjësi, seriozitet dhe dedikim, në bashkëpunim me ICMG-në, por edhe të gjithë partnerët dhe institucionet përkatëse, për të siguruar që çdo punë, çdo proces dhe çdo obligim që lidhet me organizimin e Lojërave Mesdhetare të realizohet në përputhje me standardet dhe afatet e përcaktuara”, tha ndër të tjera ministri i Sportit.

    Ai pranoi se ka vështirësi e probleme në këtë drejtim, por shtoi se ato po trajtohen me kujdes dhe vendosmëri, “pa zhurmë, pa britma, pa ankesa”.

    Reagimi i Ramës, thotë Gashani, është “ngritje e alarmeve e disfatizmit” që, sipas tij, është “jo vetëm i rrezikshëm, por edhe i pavend e i pabazë”.

    Ministri shtoi se Qeveria që nga fillimi është dhe do të jetë garantuesja e këtyre Lojërave.

    “Kosova do të organizojë Lojërat Mesdhetare 2030! Kosova do të organizojë e do të shkëlqejë në Lojërat Mesdhetare 2030, në organizim të tyre dhe në sukseset e garuesve tanë në arenat sportive!”, shkroi ministri i Kulturës, Rinisë dhe Sportit.

    Gashani, reagimin e kryetarit të Kryeqytetit e quajti “në stilin e fëmijës së pakënaqur e qaraman”, teksa shtoi se korrespodenca e publikuar nga Rama nuk e pasqyron tërësinë e komunikimeve dhe angazhimeve institucionale.

    Ai shtoi se Rama nuk e ka përmendur “faktin këtu se letra për trajtimin e punëve e shqetësimeve mes institucionesh partnere – jo për publikime e teatralitet në Facebook – i është drejtuar edhe atij, jo vetëm titullarëve tjerë të institucioneve, që ai, në stilin e fëmijës së pakënaqur e qaraman kur vijnë mysafirët, tenton t’i sulmojë”.

    Kryetari i Prishtinës, Përparim Rama, gjatë ditës së sotme, paralajmëroi se Kosova është në prag të humbjes së “Lojërave Mesdhetare 2030”.

    Përmes një postimi në Facebook, ai tha se sot, ICMG ka konfirmuar mungesën e përgjigjeve institucionale dhe si rrjedhojë më 19 dhjetor do të shqyrtohet situata dhe do të procedohet me thirrjen e një Asambleje të Jashtëzakonshme që do të vendosë për të ardhmen e Lojërave.

  • Ambasadori i BE-së dhe drejtuesit e RTK-së diskutojnë për rolin e transmetuesit

    Ambasadori i BE-së dhe drejtuesit e RTK-së diskutojnë për rolin e transmetuesit

    Gjatë këtij takimi njoftues, ambasadori Schuebel ka shprehur mbështetjen për vazhdimin e bashkëpunimit ndërmjet dy institucioneve.

    Ai ka theksuar rëndësinë e pasqyrimit të ngjarjeve në përputhje me standardet profesionale, si dhe rolin e transmetuesit publik në informimin e drejtë dhe objektiv të qytetarëve.

    Burimi: RTKLive

  • “Edhe shtatë ditë”, Dua Lipa paralajmëron përvojën e saj të parë në bejsboll

    “Edhe shtatë ditë”, Dua Lipa paralajmëron përvojën e saj të parë në bejsboll

    “Edhe shtatë ditë”, Dua Lipa paralajmëron përvojën e saj të parë në bejsboll

    Këngëtarja me famë botërore, Dua Lipa, ka ndarë me ndjekësit e saj një njoftim për një përvojë të re që e pret së shpejti.

    Përmes një postimi në rrjetet sociale, artistja me origjinë shqiptare ka bërë të ditur se pas rreth shtatë ditësh do të marrë pjesë për herë të parë në një ndeshje bejsbolli.

    “Edhe shtatë ditë, pak a shumë, deri në ndeshjen time të parë të bejsbollit”, ka shkruar Dua Lipa në postimin e saj.

    Megjithatë, këngëtarja nuk ka dhënë detaje të tjera lidhur me ndeshjen apo ekipet që do të jenë pjesë e saj.

    Sinjali – aty ku e vërteta flet para lajmit!

    /GazetaSinjali/

    The post “Edhe shtatë ditë”, Dua Lipa paralajmëron përvojën e saj të parë në bejsboll appeared first on Sinjali.

    Burimi: Sinjali

  • Dyshohet se vodhi 8 mijë euro, Prokuroria e Gjakovës kërkon masën e sigurisë

    Dyshohet se vodhi 8 mijë euro, Prokuroria e Gjakovës kërkon masën e sigurisë

    Dyshohet se vodhi 8 mijë euro, Prokuroria e Gjakovës kërkon masën e sigurisë

    Prokuroria Themelore në Gjakovë ka kërkuar caktimin e masës së paraburgimit prej 30 ditësh ndaj një personi me inicialet Ç.Zh., i dyshuar për grabitjen e rreth 8 mijë eurove në një lokal në Gjakovë.

    Sipas njoftimit të Prokurorisë, i dyshuari është arrestuar më 15 tetor, pasi kishte qenë në arrati, ndërsa ndaj tij është marrë aktvendim për fillimin e hetimeve.

    “Ekziston dyshim i bazuar se i pandehuri me inicialet Ç.Zh. më datë 10 tetor 2026, rreth orës 15:00, në rrugën ‘Anton Çeta’ në Gjakovë, tek ‘R.M.T’, i maskuar dhe nën kërcënimin e thikës, ka grabitur rreth 8.000 euro”, thuhet në njoftimin e Prokurorisë.

    Sipas organit të akuzës, i dyshuari fillimisht e ka kërcënuar punonjësen dhe më pas i ka marrë paratë nga dollapi ku mbaheshin ato.

    Pas arrestimit, me vendim të Prokurorit të Shtetit, i dyshuari është ndaluar për 48 orë.

    Prokuroria ka bërë të ditur se veprimet për të cilat dyshohet, përbëjnë veprën penale “Grabitja”, nga neni 317, paragrafi 2, lidhur me paragrafin 1 të Kodit Penal të Republikës së Kosovës.

    Për të dyshuarin tashmë i është drejtuar kërkesë Gjykatës Themelore në Gjakovë për caktimin e masës së paraburgimit në kohëzgjatje prej 30 ditësh.

  • Zelensky zotohet për sulme ndaj rafinerive, shpreh zemërim për ndërprerjen e ndarjes së të dhënave nga SHBA-ja

    Forcat ukrainase e kanë goditur një rafineri nafte në rajonin e Rjazanit në Rusi, thanë zyrtarët rusë të enjten, disa orë pasi presidenti ukrainas, Volodymyr Zelensky, njoftoi se Ukraina do t’i rifillonte sulmet ndaj objekteve energjetike ruse dhe shprehu zemërimin ndaj vendimit të Shteteve të Bashkuara për ta ndërprerë ndarjen e të dhënave satelitore.

    Duke e sfiduar “armëpushimin energjetik”, të shpallur në mënyrë të njëanshme javën e kaluar nga presidenti amerikan, Donald Trump, Zelensky i tha gazetës Financial Times në një intervistë të publikuar të enjten se “i erdhi fundi” pezullimit të sulmeve ndaj objekteve të naftës në Rusi.

    Disa orë më vonë, guvernatori i Rjazanit, Pavel Malkov, shkroi në Telegram se “rajoni ynë po përballet me një sulm masiv me dronë”, duke shtuar se “në rafinerinë e naftës shpërtheu një zjarr”.

    Më vonë, Ministria e Mbrojtjes e Rusisë tha se Ukraina kishte tentuar një sulm masiv ndaj rafinerisë së naftës në Rjazan, duke shtuar se mbetjet e dronëve të rrëzuar kishin shkaktuar zjarr në objekt.

    Ushtria ukrainase nuk e ka komentuar sulmin, i cili do të ishte i pari nga Kievi qëkurse Trump shpalli armëpushimin më 11 tetor.

    Rafineria e Rjazanit, në pronësi të kompanisë Rosneft, është shënjestruar disa herë nga dronët muajt e fundit dhe përbën gati 5 për qind të kapacitetit të përgjithshëm të Rusisë për përpunimin e naftës, shkruan REL.

    Asnjëra nga palët ndërluftuese nuk e konfirmoi zyrtarisht pranimin e armëpushimit të shpallur nga Trump. Ndërsa Ukraina i pezulloi sulmet ndaj rafinerive ruse për tri ditë, Rusia vazhdoi të godiste objektet energjetike dhe infrastruktura të tjetra të Ukrainës.

    “Bllokimi [i sulmeve ndaj rafinerive] ka skaduar. Mjaft më”, tha Zelensky për Financial Times.

    Zelensky kishte deklaruar se Ukraina ishte e gatshme t’i ndalte sulmet ndaj rafinerive ruse të naftës nëse Moska do të kishte pranuar t’i ndalte goditjet ndaj infrastrukturës energjetike ukrainase.

    Toni i ashpër i presidentit ukrainas vazhdoi edhe kur foli për krizën e fundit, të shkaktuar nga ndërprerja e furnizimit të Kievit me të dhëna të inteligjencës amerikane.

    Zelensky shtoi se ndërprerja i ishte paraqitur Kievit si një defekt teknik, shpjegim të cilin ai e hodhi poshtë. Ai e cilësoi “të rrezikshme” ndërprerjen e funksionimit të Starshield, versionit ushtarak të sistemit të komunikimit satelitor, Starlink.

    Trysni e shtuar ndaj Pentagonit

    Pentagoni po përballet me trysni të shtuar për të shpjeguar kufizimet e raportuara në komunikimet satelitore të përdorura nga ushtria ukrainase. Senatori republikan, Thom Tillis, kërkoi një hetim nga inspektori i përgjithshëm i Departamentit të Mbrojtjes, duke paralajmëruar se civilët ukrainas dhe personeli amerikan mund të jenë vënë në rrezik të panevojshëm.

    Tillis tha të mërkurën se do t’i kërkonte inspektorit të përgjithshëm të Departamentit të Mbrojtjes të hetonte atë që ai e përshkroi si një ndërprerje potencialisht të rrezikshme që përfshinte Starshield, sistem që kontrollohet nga Qeveria amerikane.

    “Raportimet e fundit sugjerojnë se kjo ngatërresë strategjike mund të ketë ndodhur në një nivel më lokal, brenda sistemeve Starshield të Departamentit të Mbrojtjes, dhe jo te Starlink apo SpaceX”, shkroi Tillis në rrjetet sociale.

    Ai tha se civilët ukrainas, si dhe personeli diplomatik dhe i sigurisë i SHBA-së, ishin vënë në rrezik të panevojshëm, pa paralajmërim paraprak.

    “Në rastin më të mirë, ky ishte një gabim ose lëshim i papranueshëm; në rastin më të keq, një vendim i qëllimshëm për t’ia hapur rrugën një sulmi rus”, shtoi Tillis.

    Radio Evropa e Lirë ka mësuar nga burime në Kongres se një grup ligjvënësish përmes një letre do t’i kërkojë inspektorit të përgjithshëm të Departamentit të Mbrojtjes të hetojë këtë incident. Pritet që letra të dërgohet në ditët në vijim.

    Kërkesa për hetim vjen në kohën kur po shtohen shqetësimet dypartiake lidhur me raportimet se kufizimet e lidhjes satelitore kanë penguar operacionet ushtarake ukrainase.

    Disa kanë spekuluar gjithashtu se kjo mund të jetë një përpjekje e administratës amerikane për t’i bërë trysni Kievit që të përmbahet nga sulmet ndaj rafinerive ruse të naftës.

    Megjithatë, ende nuk është e qartë se kush i autorizoi kufizimet, nëse ato prekën shërbimin komercial Starlink apo sistemin Starshield dhe nëse Uashingtoni e kufizoi gjithashtu mbështetjen me të dhëna të inteligjencës për Kievin.

    Portali Axios, duke cituar burime, raportoi se Shtëpia e Bardhë i kishte thënë Ukrainës se nuk e kontrollon kompaninë SpaceX të Elon Muskut, e cila zotëron Starlink-un.

    Musk shkroi në rrjetin X se “sistemet Starshield janë në pronësi dhe nën kontrollin e qeverisë amerikane. Çdo kufizim i shpejtësisë ose përdorimit vendoset nga ushtria amerikane dhe, në fund të fundit, nga presidenti i SHBA-së”.

    Dan Rice, president i Universitetit Amerikan të Kievit dhe ish-këshilltar i posaçëm i komandantit të përgjithshëm të Forcave të Armatosura të Ukrainës, paralajmëroi se kufizimet mund të kenë pasoja të rënda nëse i pengojnë forcat ukrainase t’i drejtojnë dronët mbrojtës kundër dronëve rusë sulmues.

    Ai paralajmëroi se, nëse problemet me lidhjen satelitore i pengojnë dronët mbrojtjes me shpejtësi të lartë të arrijnë shënjestrat e tyre, dronët rusë mund të godasin vende ku ndodhen civilë, duke vrarë gra, fëmijë dhe persona të tjerë që nuk marrin pjesë në luftime.

    Rice theksoi për Radion Evropa e Lirë gjithashtu se forcat ruse kishin shënjestruar universitete, shkolla dhe spitale për fëmijë.

    Mark Montgomery, kundëradmiral në pension, drejtor i lartë i Qendrës për Inovacion në Siguri Kibernetike dhe Teknologji dhe studiues i lartë në Fondacionin për Mbrojtjen e Demokracive, i tha Radios Evropa e Lirë se kufizimet e raportuara kishin dëmtuar aftësinë e Ukrainës për të kontrolluar sulmet me dronë me rreze të mesme veprimi kundër rrugëve ruse të furnizimit dhe objekteve të komandimit e kontrollit që mbështesin forcat e Moskës në territoret e pushtuara të Ukrainës.

    Ndërkohë, Moska vazhdoi sulmet ndaj Ukrainës më 15 tetor, një ditë pasi sulmet ruse me raketa dhe dronë goditën infrastrukturën civile dhe energjetike në mbarë vendin, duke vrarë të paktën nëntë persona dhe duke lënë qindra mijëra të tjerë pa energji elektrike.

    Forcat Ajrore të Ukrainës raportuan në mëngjesin e së enjtes se Rusia kishte lëshuar gjatë natës 580 dronë dhe dy raketa të tipit Kh-59 drejt Ukrainës, duke shtuar se sulmi ishte ende në vazhdim.

    Sinjali – aty ku e vërteta flet para lajmit!

    /GazetaSinjali/

    The post Zelensky zotohet për sulme ndaj rafinerive, shpreh zemërim për ndërprerjen e ndarjes së të dhënave nga SHBA-ja appeared first on Sinjali.

    Burimi: Sinjali

  • Haaland thyen rekorde, 61 gola në vetëm 60 ndeshje në Champions

    Haaland thyen rekorde, 61 gola në vetëm 60 ndeshje në Champions

    Haaland thyen rekorde, 61 gola në vetëm 60 ndeshje në Champions

    Erling Haaland vazhdon të shkëlqejë në Ligën e Kampionëve, duke arritur shifrën e 61 golave në vetëm 60 ndeshje të zhvilluara në këtë garë.

    Sulmuesi norvegjez shënoi dy gola në përballjen mes Manchester Cityt dhe Paris Saint-Germainit, e cila përfundoi me fitoren 4-2 të skuadrës franceze në “Etihad”.

    Me këtë statistikë, Haaland ka arritur të shënojë 60 gola në Champions më shpejt se Lionel Messi, të cilit i janë dashur 80 ndeshje për ta arritur këtë shifër.

    Për më tepër, Haaland ishte një ditë më i ri se Messi kur arriti këtë moment historik: norvegjezi në moshën 26 vjeç e 85 ditë, ndërsa argjentinasi në moshën 26 vjeç e 86 ditë.

    Sinjali – aty ku e vërteta flet para lajmit!

    /GazetaSinjali/

    The post Haaland thyen rekorde, 61 gola në vetëm 60 ndeshje në Champions appeared first on Sinjali.

    Burimi: Sinjali

  • Gazetari serb kritikon Vuçiqin për kërcënimet ndaj kundërshtarëve politikë: Po zhvillon luftë personale

    Gazetari serb kritikon Vuçiqin për kërcënimet ndaj kundërshtarëve politikë: Po zhvillon luftë personale

    Gazetari serb Radomir Dimiq ka kritikuar presidentin e Serbisë, Aleksandar Vuçiq, për gjuhën dhe kërcënimet ndaj kundërshtarëve politikë gjatë fushatës parazgjedhore, duke e akuzuar atë se po e shndërron garën zgjedhore në një përplasje personale.

    Në një reagim, Dimiq ka ngritur pikëpyetje për qasjen e Vuçiqit ndaj liderëve të Luginës së Preshevës, të cilët, sipas tij, po shënjestrohen për shkak të bashkimit të tyre për të garuar së bashku në zgjedhjet parlamentare të Serbisë, të parapara për 25 tetor.

    Gazetari ka kritikuar gjithashtu presidentin serb për sulmet ndaj djalit të ministrit në Qeverinë e Kosovës, Nenad Rashiq, i cili, sipas reagimit të tij, është parë duke vallëzuar me studentët në Nish.

    Dimiq ka vënë në pikëpyetje qëndrimin e Vuçiqit ndaj të rinjve që shprehin mbështetje për lëvizjet studentore, duke e kritikuar atë për sulmet ndaj një të riu për shkak të lidhjes familjare me Rashiqin.

    “Zoti Aleksandar Vuçiq, a nuk mendoni se e keni tepruar pak me etiketimet dhe kërcënimet brutale ndaj njerëzve që janë në anën e kundërt politike nga ju?”, ka shkruar Dimiq.

    Ai ka akuzuar Vuçiqin se, në vend të një fushate demokratike, po zhvillon një përballje personale kundër atyre që e kundërshtojnë politikisht.

    “Zoti Vuçiq, ju nuk po zhvilloni një fushatë zgjedhore demokratike. Ju po zhvilloni luftën tuaj personale, i vetëm kundër të gjithë atyre që duan ta shpëtojnë vendin nga ju dhe regjimi juaj kriminal”, ka deklaruar gazetari.

    Në përfundim të reagimit të tij, Dimiq ka shprehur bindjen se kundërshtimi ndaj pushtetit aktual mund të shënojë fillimin e një procesi drejt drejtësisë dhe një të ardhmeje më të mirë për qytetarët e Serbisë.

    Burimi: Dukagjini