Blog

  • Apple prezanton pajisjen e re për shtëpi inteligjente, me ekran dhe Siri të përditësuar

    Apple prezanton pajisjen e re për shtëpi inteligjente, me ekran dhe Siri të përditësuar

    Apple prezanton pajisjen e re për shtëpi inteligjente, me ekran dhe Siri të përditësuar

    Kompania amerikane Apple ka prezantuar pajisjen e re HomeView, e cila synon të shërbejë si qendër kontrolli për shtëpitë inteligjente, duke kombinuar ekranin me prekje, funksionet e inteligjencës artificiale dhe menaxhimin e pajisjeve shtëpiake.

    Sipas agjencisë Reuters, pajisja ka ekran 7-inç dhe kushton nga 299 dollarë. Porositë paraprake kanë nisur, ndërsa dërgesat pritet të fillojnë më 13 nëntor.

    HomeView është projektuar për t’u vendosur mbi tavolinë ose për t’u montuar në mur. Përmes saj, përdoruesit mund të kontrollojnë pajisje të ndryshme inteligjente, përfshirë kamerat e sigurisë, zilet e dyerve, termostatet dhe bravat elektronike.

    Një nga veçoritë kryesore është integrimi i versionit të përditësuar të asistentit virtual Siri, i mbështetur nga inteligjenca artificiale Apple Intelligence. Pajisja mund të njohë deri në gjashtë persona përmes fytyrës dhe t’u shfaqë përmbajtje të personalizuar, si kalendarët, kujtesat dhe mesazhet.

    Përveç kontrollit të shtëpisë, HomeView mundëson telefonata përmes FaceTime, dëgjimin e muzikës dhe përdorimin e funksioneve të tjera të ekosistemit Apple.

    Paralelisht, kompania ka prezantuar përditësime për altoparlantin HomePod mini dhe pajisjen Apple TV 4K, si dhe pajisje shtesë për shtëpitë inteligjente në bashkëpunim me LG dhe Schneider Electric.

    Megjithatë, Apple përballet me konkurrencën e Amazon dhe Google, të cilat tashmë ofrojnë pajisje për kontrollin e shtëpive inteligjente. Analistët vlerësojnë se suksesi i produktit do të varet nga dobia reale e funksioneve të inteligjencës artificiale, lehtësia e përdorimit dhe besueshmëria e tyre.

    Pajisja nuk do të shitet në Bashkimin Evropian për momentin, pasi Siri AI nuk është ende e disponueshme atje në formën e kërkuar për funksionimin e HomeView.

    Sinjali – aty ku e vërteta flet para lajmit!

    /GazetaSinjali/

    The post Apple prezanton pajisjen e re për shtëpi inteligjente, me ekran dhe Siri të përditësuar appeared first on Sinjali.

    Burimi: Sinjali

  • Dyshohet për ryshfet e keqpërdorim të detyrës, ndalohet një person në Prishtinë

    Dyshohet për ryshfet e keqpërdorim të detyrës, ndalohet një person në Prishtinë

    Sipas Prokurorisë, ndalimi është bërë pas hetimeve disamujore, në bashkëpunim dhe koordinim me Policinë e Kosovës, me urdhër të Prokurorit të Shtetit.

    I dyshuari, sipas njoftimit, dyshohet se në bashkëpunim me persona të tjerë ka kryer veprat penale “Keqpërdorimi i pozitës apo autoritetit zyrtar”, “Marrja e ryshfetit” dhe “Zbulimi i fshehtësisë zyrtare”.

    “Sipas të dhënave fillestare të hetimit, rasti ka të bëjë me dyshimet për veprat penale që lidhen me zbulimin e fshehtësisë zyrtare, apo informatave zyrtare lidhur me prona të caktuara, personave të pa autorizuar në këmbim të marrjes së ryshfetit. Këto veprime dyshohen se janë kryer me qëllim të tjetërsimit të pronave, vlera e të cilave dyshohet të jetë shumë e madhe”, thuhet në njoftimin e Prokurorisë.

    Arrestimi është realizuar nga Policia e Kosovës, përkatësisht Drejtoria për Hetimin e Krimeve Ekonomike dhe Korrupsion në Prishtinë.

    Prokuroria Themelore në Prishtinë ka bërë të ditur se, në bashkëpunim me Policinë e Kosovës dhe institucionet e tjera kompetente, do të vazhdojë ndërmarrjen e veprimeve të nevojshme hetimore për zbardhjen e plotë të rastit.

    Burimi: RTKLive

  • Gjini: Vendimi i Speciales është brutal, Kosova duhet të angazhohet për korrigjimin e tij në Apel

    Gjini: Vendimi i Speciales është brutal, Kosova duhet të angazhohet për korrigjimin e tij në Apel

    Kryetari i Aleancës për Ardhmërinë e Kosovës (AAK), Ardian Gjini, e ka cilësuar si brutal vendimin e Dhomave të Specializuara ndaj krerëve të Ushtrisë Çlirimtare të Kosovës (UÇK), duke thënë se ai nuk përputhet me bindjen e Aleancës dhe të popullit të Kosovës për luftën çlirimtare.

    I ftuar në emisionin “FIVE” në RTV Dukagjini, Gjini ka thënë se AAK-ja e ka mbështetur ligjin për Dhomat e Specializuara, të miratuar në Kuvendin e Kosovës, si dhe procesin në tërësi, por ka theksuar se nuk mund të pajtohet me cilësimin e luftës së UÇK-së në këtë mënyrë.

    Ai ka kërkuar angazhim shtetëror për shfrytëzimin e të gjitha mundësive juridike dhe institucionale, me synimin që vendimi të korrigjohet në procedurën e Apelit.

    “Aleanca e ka mbështetur ligjin i cili është dakordu në Kuvend në atë kohë, po ashtu qëndrimi ynë ka qenë i qartë që prej fillimit që vendimi i Dhomave të Specializuara ka qenë vendim brutal nuk mundemi me u pajtur me një cilësim të tillë të luftës tonë, e kemi mbështet gjithë këtë proces e dimë që mundet me pas vështirësi ligji por ne insistojmë që Kosova duhet me punu në të gjitha pistat e mundshme, të ketë angazhim shtetëror që të paktën në Apel me u korrigju plotësisht ky vendim për shkak që besoj që në Kosovë të gjithë e dim që Aleanca beson fuqishëm në bindjen tonë e të gjithë popullit që lufta jonë ka qenë e drejtë dhe dënimi i krerëve të UCK-së në këtë mënyrë qetë hijë të keqe dhe ka dëme për Kosovën”, u shpreh Gjini.

    Ai ka shtuar se institucionet e Kosovës është dashur të angazhoheshin shumë më herët për këtë çështje, duke kritikuar, sipas tij, mungesën e angazhimit nga Presidenca, kryeministri, Ministria e Drejtësisë dhe Ministria e Punëve të Jashtme.

    Gjini ka shprehur pasiguri nëse do të ketë angazhim të mjaftueshëm institucional në të ardhmen, pas vendimit të 16 shtatorit.

    Ai ka theksuar se edhe pse Shiroka-Pula sapo ka marrë detyrën, angazhimi për këtë çështje duhet të nisë pa vonesa.

    “Institucionet shtetërore do të duhej shumë më herët të merreshin me këtë çështje. Nuk ka pasur angazhim as nga Presidenca, kryeministri, Ministria e Drejtësisë e as nga Ministria e Punëve të Jashtme. Nuk e di a do të ketë angazhim në të ardhmen pas vendimit të 16 shtatorit. Edhe pse është java e parë që Shiroka-Pula ka marrë detyrën, mendoj se do të duhej pa vonesa të niste të angazhohej për këtë çështje”, është shprehur Gjini.

    Burimi: Dukagjini

  • Vashat e Kosovës për fitore drejt Vjenës, formacioni

    Vashat e Kosovës për fitore drejt Vjenës, formacioni

    Vashat e Kosovës për fitore drejt Vjenës, formacioni

    Kombëtarja e Kosovës në futboll për femra do të kërkojë përmbysjen e rezultatit ndaj Austrisë, në ndeshjen e kthimit të play-offit për kualifikim në Kupën e Botës 2027.

    “Dardanet” udhëtojnë drejt Vjenës pas humbjes 1:2 në ndeshjen e parë, të zhvilluar javën e kaluar në Prishtinë, por ende kanë mundësi ta përmbysin rezultatin dhe të vazhdojnë rrugëtimin drejt Botërorit.

    Para kësaj përballjeje, është publikuar formacioni me të cilin Kosova do të zbresë në fushë për ndeshjen vendimtare ndaj austriakeve.

    Takimi do të zhvillohet sot, me fillim nga ora 18:00.

  • Kungulli nuk përdoret vetëm për supë e ëmbëlsira, pesë receta të reja po tërheqin vëmendjen këtë vjeshtë

    Kungulli nuk përdoret vetëm për supë e ëmbëlsira, pesë receta të reja po tërheqin vëmendjen këtë vjeshtë

    Kungulli nuk përdoret vetëm për supë e ëmbëlsira, pesë receta të reja po tërheqin vëmendjen këtë vjeshtë

    Kungulli nuk është vetëm për supë apo ëmbëlsira. Revista amerikane “Bon Appétit” ka prezantuar pesë receta të reja që tregojnë se si ky përbërës mund të përdoret në gatime të ndryshme, nga buka dhe makaronat deri te kiflet me krem djathi.

    Artikulli, i publikuar më 5 tetor 2026 nga autori Jesse Szewczyk, i kushtohet javës së kungullit dhe mënyrave kreative për ta përdorur atë në kuzhinë.

    Receta e parë është një bukë focaccia me kungull, e cila përgatitet pa pasur nevojë që brumi të ngjeshet me dorë. Kungulli i jep bukës një shije të veçantë dhe një teksturë të butë.

    Në listë përfshihet edhe një supë kerri me kungull, e cila kërkon vetëm tre përbërës, duke e bërë një alternativë të thjeshtë për vaktet e përditshme.

    Një tjetër propozim janë enchiladat me kungull dhe fasule të zeza, një gatim me frymëzim meksikan, ku pureja e kungullit përdoret për përgatitjen e salcës.

    Për adhuruesit e makaronave, revista sugjeron një version të salcës bolognese me kungull. Shtimi i puresë së kungullit i jep salcës më shumë trashësi dhe një shije të pasur, ndërsa përgatitja bëhet në më pak kohë krahasuar me versionin tradicional.

    Lista përmbyllet me kifle me kungull dhe krem djathi. Ato përmbajnë pure kungulli, erëza dhe fara kungulli, ndërsa në brendësi kanë një mbushje të butë me krem djathi.

    Sipas “Bon Appétit”, shija natyrale, paksa e ëmbël dhe me nuanca arrore e kungullit e bën atë të përshtatshëm si për gatime të kripura, ashtu edhe për ëmbëlsira.

    Sinjali – aty ku e vërteta flet para lajmit!

    /GazetaSinjali/

    The post Kungulli nuk përdoret vetëm për supë e ëmbëlsira, pesë receta të reja po tërheqin vëmendjen këtë vjeshtë appeared first on Sinjali.

    Burimi: Sinjali

  • Policia e Kosovës nis fushatën “Një çast shpëton jetë!”

    Policia e Kosovës nis fushatën “Një çast shpëton jetë!”

    Në kuadër të kësaj fushate, Policia ka publikuar edhe një video sensibilizuese për rëndësinë e sigurisë rrugore.

    Përmes kësaj fushate, Policia u bën thirrje qytetarëve që të vendosin rripin e sigurisë, pavarësisht se në cilën ulëse ndodhen, si dhe të sigurojnë fëmijët në ulëse të përshtatshme gjatë udhëtimit.

    Po ashtu, Policia apelon që helmeta të mbahet e vendosur dhe e lidhur siç duhet.

    “Një çast shpëton jetë!”, është motoja e fushatës rajonale për sigurinë rrugore.

    Burimi: RTKLive

  • Shtëpia e Bardhë kërkon largimin e Kimberly Guilfoyle, ambasadores amerikane në Greqi

    Shtëpia e Bardhë kërkon largimin e Kimberly Guilfoyle, ambasadores amerikane në Greqi

    Shtëpia e Bardhë kërkon largimin e Kimberly Guilfoyle, ambasadores amerikane në Greqi

    Shtëpia e Bardhë i ka kërkuar Kimberly Guilfoyle të japë dorëheqjen nga posti i ambasadores së Shteteve të Bashkuara në Greqi, pas raportimeve për pretendime mbi sjellje të papërshtatshme dhe shkelje të mundshme gjatë ushtrimit të detyrës.

    Lajmi u konfirmua të martën nga zëdhënësja e Shtëpisë së Bardhë, Katie Zacharia, gjatë konferencës së saj të parë për shtyp.

    “I kemi kërkuar ambasadores Guilfoyle të japë dorëheqjen”, deklaroi Zacharia, duke shtuar se ajo kishte qenë një aset i vlefshëm për ekipin dhe se i uronin suksese në vijim.

    Përfaqësuesit e Guilfoyle nuk iu përgjigjën menjëherë kërkesave për koment.

    Vendimi vjen pas raportimeve se Guilfoyle dyshohet se kishte kërkuar para në këmbim të qasjes te figura të administratës amerikane, përpara konfirmimit të saj nga Senati. Ndaj saj janë ngritur gjithashtu pretendime për pranimin e dhuratave luksoze gjatë kohës si ambasadore, si dhe për përfshirjen e një lobisti të një kompanie greke të ndërtimit në takime zyrtare.

    Avokatët e saj i kanë mohuar akuzat për kërkim parash, ndërsa kanë kundërshtuar edhe raportimet për udhëtimet e saj, duke deklaruar se Guilfoyle i ka respektuar kërkesat federale për pranimin dhe deklarimin e dhuratave.

    Një nga pretendimet më të rënda është bërë nga Eric Deters, ish-donator i presidentit amerikan Donald Trump. Ai pretendon se Guilfoyle i kishte kërkuar, përmes një mesazhi, t’i transferonte 100 mijë dollarë për të shlyer një kartë krediti American Express, në ditët para konfirmimit të saj nga Senati.

    Sipas Deters, Guilfoyle i kishte premtuar se do të ishte mbështetësja e tij e palëkundur brenda administratës Trump, nëse ai do t’i dërgonte paratë.

    “Nuk ka asnjë dyshim se bëhej fjalë për një marrëveshje shkëmbimi favori”, deklaroi Deters për gazetarin e CNN-it, Jake Tapper, javën e kaluar.

    Deters tha se nuk ia kishte transferuar shumën Guilfoyle, pasi në atë kohë nuk dispononte likuiditetin e nevojshëm.

    Në një deklaratë për CNN-in, avokatët e ambasadores i hodhën poshtë pretendimet, duke thënë se Deters i detyrohej asaj para për fjalime dhe shërbime konsulence. Sipas tyre, deklaratat e tij janë të pavërteta.

    “Kur zonja Guilfoyle po përgatitej të largohej nga sektori privat për t’i shërbyer publikut, ajo bëri atë që do të bënte çdo profesionist: u përpoq të mblidhte detyrimet e papaguara. T’i kërkosh një klienti të paguajë për punën e kryer nuk është korrupsion”, thuhet në deklaratën e avokatëve.

    Të hënën, presidenti amerikan Donald Trump kishte konfirmuar se po shqyrtonte mundësinë e largimit të Guilfoyle nga posti diplomatik.

    Sinjali – aty ku e vërteta flet para lajmit!

    /GazetaSinjali/

    The post Shtëpia e Bardhë kërkon largimin e Kimberly Guilfoyle, ambasadores amerikane në Greqi appeared first on Sinjali.

    Burimi: Sinjali

  • Musliu: Kërcënimet, presionet dhe linçimet ndaj gazetarëve janë të papranueshme

    Musliu: Kërcënimet, presionet dhe linçimet ndaj gazetarëve janë të papranueshme

    Musliu: Kërcënimet, presionet dhe linçimet ndaj gazetarëve janë të papranueshme

    Deputetja e Kuvendit të Kosovës nga radhët e PDK-së, Ganimete Musliu ka reaguar lidhur me rastet e fundit të kërcënimeve, presioneve dhe fushatave linçuese ndaj gazetarëve.

    Ajo ka thënë se një gjë e tillë është e papranueshme dhe se sipas saj, liria e mediave është një nga shtyllat kryesore të demokracisë.

    “Si anëtare e Komisionit për Administratë Publike, Digjitalizim, Pushtet Lokal, Media dhe Zhvillim Rajonal, e theksoj qartë se liria e mediave është një nga shtyllat themelore të demokracisë dhe të një shoqërie të lirë.

    Kërcënimet, presionet dhe fushatat linçuese ndaj gazetarëve, sipas saj, përbëjnë sulm ndaj fjalës së lirë, informimit të drejtë dhe interesit publik.

    Ajo ka shtuar se gazetarët duhet të kenë mundësi ta kryejnë punën e tyre pa frikë, pa intimidim dhe pa ndërhyrje politike apo institucionale.

    “Çdo kërcënim ndaj një gazetari duhet të trajtohet seriozisht nga institucionet përgjegjëse dhe të hetohet me përkushtim. Heshtja përballë këtyre rasteve vetëm sa e inkurajon klimën e presionit dhe të pasigurisë. Mbrojtja e gazetarëve dhe garantimi i lirisë së mediave nuk është çështje e një partie apo grupi të caktuar. Është përgjegjësi e përbashkët institucionale dhe shoqërore. Demokracia nuk mund të jetë e shëndoshë pa media të lira, të pavarura dhe të sigurta. Të gjithë duhet të qëndrojmë të bashkuar kundër kërcënimeve dhe fushatave linçuese ndaj gazetarëve.”, ka shkruar ajo. /Klankosova.tv

  • Kalojnë në Komision ndryshimet në Ligjin për Parandalimin e Pastrimit të Parave

    Kalojnë në Komision ndryshimet në Ligjin për Parandalimin e Pastrimit të Parave

    Kalojnë në Komision ndryshimet në Ligjin për Parandalimin e Pastrimit të Parave

    Anëtarja e Komisionit për Buxhet, Arbërie Nagavci, ka njoftuar se është miratuar projektligji për ndryshimin e Ligjit për Parandalimin e Pastrimit të Parave dhe Luftimin e Financimit të Terrorizmit.

    Në një postim në Facebook, deputetja e LVV-së tha se ky projektligj synon fuqizimin e masave për parandalimin e pastrimit të parave dhe luftimin e financimit të terrorizmit, “përmes rregullave dhe mekanizmave që ndihmojnë në identifikimin dhe parandalimin e aktiviteteve të paligjshme në sistemin financiar”.

    “Mbesim të angazhuar në avancimin e legjislacionit dhe forcimin e mekanizmave institucionalë që garantojnë sundimin e ligjit, transparencën dhe përgjegjshmërinë”, shkroi Nagavci.

    Më herët gjatë ditës, në mbledhjen e këtij Komisioni, pati kritika nga opozita për mungesën e ministrit të Financave, Hekuran Murati dhe mënyrën e procedimit të këtij projektligji.

  • Gaz lotsjellës e zjarr në rrugë, tensione në protestën para Ministrisë së Arsimit në Shqipëri

    Gaz lotsjellës e zjarr në rrugë, tensione në protestën para Ministrisë së Arsimit në Shqipëri

    Gaz lotsjellës e zjarr në rrugë, tensione në protestën para Ministrisë së Arsimit në Shqipëri

    Tensione janë shënuar gjatë protestës së zhvilluar para Ministrisë së Arsimit në Shqipëri, ku studentët kanë shprehur pakënaqësinë për gjendjen në vend.

    Gjatë protestës, disa pjesëmarrës kanë ndezur zjarr në mes të rrugës, ndërsa, sipas raportimeve, janë hedhur edhe gaz lotsjellës dhe janë sulmuar fizikisht zyrtarët policorë.

    Protestuesit kanë demoluar gjithashtu rrethojat pranë Ministrisë së Arsimit.

    Nga incidentet e raportuara, një zyrtar policor ka mbetur i lënduar.

    Sinjali – aty ku e vërteta flet para lajmit!

    /GazetaSinjali/

    The post Gaz lotsjellës e zjarr në rrugë, tensione në protestën para Ministrisë së Arsimit në Shqipëri appeared first on Sinjali.

    Burimi: Sinjali