Blog

  • Inteligjenca Artificiale kërcënon zhdukjen e njerëzimit deri në vitin 2100, paralajmëron raporti

    Inteligjenca Artificiale kërcënon zhdukjen e njerëzimit deri në vitin 2100, paralajmëron raporti

    Inteligjenca Artificiale kërcënon zhdukjen e njerëzimit deri në vitin 2100, paralajmëron raporti

    Përdorimi keqdashës i Inteligjencës Artificiale dhe konflikti bërthamor përbëjnë kërcënimin më të madh për zhdukjen e njerëzimit deri në vitin 2100, kanë paralajmëruar ekspertët globalë.

    Sipas Skynews, një raport i ri, i botuar në The Lancet, identifikon 17 “kërcënime katastrofike” të ndërlidhura që përfshijnë sëmundjet, kushtet sociale dhe ekonomike, ndryshimet mjedisore, teknologjinë dhe konfliktin.

    Përveç dy kërcënimeve potenciale të zhdukjes, identifikohen edhe 15 rreziqe katastrofike për shëndetin e njeriut, duke përfshirë ndotjen e ajrit, ndryshimet klimatike, përdorimin e lartë të alkoolit, pandemitë që ndodhin natyrshëm, obezitetin, pirjen e duhanit dhe shëndetin e dobët mendor.

    Autorët e Komisionit Lancet mbi Kërcënimet Globale ndaj Shëndetit të Shekullit të 21-të shqyrtuan qindra rreziqe të mundshme, duke u mbështetur në prova historike dhe analiza të reja të rrezikut që mbulojnë 204 vende dhe territore nga IHME për të hartuar listën e skenarëve më të këqij, transmeton Klankosova.tv.

    Rreziqe të tjera katastrofike për shëndetin e njeriut përfshinin rezistencën antimikrobike, kequshqyerjen e fëmijërisë, konfliktin konvencional, rënien e ndihmës jashtë shtetit, presionin e lartë të gjakut, pabarazinë e të ardhurave, arritjet e ulëta arsimore dhe plakjen e pashëndetshme.

    Studiuesit i nxitën udhëheqësit botërorë të trajtojnë kërcënimet duke përmirësuar sistemet shëndetësore dhe duke rritur investimet në inovacione teknologjike.

  • “Ajo që publikohet në internet mund të mbetet aty gjithë jetën”, paralajmëron eksperti i IT-së (VIDEO)

    “Ajo që publikohet në internet mund të mbetet aty gjithë jetën”, paralajmëron eksperti i IT-së (VIDEO)

    “Ajo që publikohet në internet mund të mbetet aty gjithë jetën”, paralajmëron eksperti i IT-së (VIDEO)

    Inxhinieri i sigurisë kibernetike, Erion Demiri, thotë se përmbajtja që publikohet në rrjete sociale mund të mos fshihet plotësisht, edhe kur kërkohet largimi i saj nga interneti.

    “Megjithëse rrjetet sociale kanë mundësi që, përmes kontaktimit të institucioneve dhe personave përgjegjës, të kërkohet heqja e videove, përsëri videot dhe informacionet në internet nuk hiqen plotësisht. Kjo është ajo që duhet ta kuptojë publiku”, tha Demiri në emisionin “Ora 7”.

    Ai shpjegoi se, kur pamjet e regjistruara nga një kamerë publikohen në internet, ato mund të kopjohen dhe të shpërndahen më tej, duke e bërë të vështirë kontrollimin e tyre.

    Një informacion, pasi del nga pika ku është marrë, për shembull, kur një kamerë regjistron disa pamje dhe ato publikohen në internet, nuk ka më një autoritet që mund ta ndalojë ose ta fshijë plotësisht këtë informacion. Ai mund të jetë aty gjatë gjithë jetës, derisa dikush të mos ketë më interes për të”, u shpreh Demiri në Klan Kosova.

    Por, si mund të mbrohemi që fotografitë dhe videot tona të mos publikohen pa pëlqimin tonë? Çfarë duhet të bëjmë nëse imazhet tona shpërndahen pa leje?

    Për këto dhe shumë çështje të tjera, ndiqeni videon në vijim:

  • Një i vdekur dhe disa të lënduar pas incidentit në një slitë gjigante në ShBA

    Një i vdekur dhe disa të lënduar pas incidentit në një slitë gjigante në ShBA

    Një i vdekur dhe disa të lënduar pas incidentit në një slitë gjigante në ShBA

    Një person ka humbur jetën dhe disa të tjerë janë lënduar pas një incidenti në një slitë gjigante në parkun argëtues “Six Flags Over Georgia”, në shtetin amerikan të Xhorxhias, rreth 24 kilometra nga Atlanta.

    Policia e kontesë Cobb ka nisur hetimet për rastin, ndërsa autoritetet ende nuk kanë bërë të ditur shkakun e vdekjes.

    Pamjet ajrore nga helikopterët e mediave treguan slitën “Goliath” të ndalur në mes të rrugës, ndërsa punonjësit po ndihmonin vizitorët të zbrisnin. Dëshmitarët kanë pretenduar se një burrë u hodh jashtë atraksionit gjatë lëvizjes, por këto dëshmi nuk janë konfirmuar nga BBC-ja, transmeton Klankosova.tv.

    Përmes një deklarate, drejtuesit e parkut shprehën ngushëllimet për familjen e viktimës, duke bërë të ditur se stafi dhe autoritetet lokale reaguan menjëherë dhe po bashkëpunojnë në hetime.

    Incidenti vjen disa javë pasi një tjetër park i kompanisë Six Flags në Kaliforninë jugore njoftoi mbylljen e slitës së njohur “X2”, pas pretendimeve të më shumë se 100 personave për dëmtime në tru të lidhura me përdorimin e saj. Kompania kishte deklaruar se atraksioni i kishte kaluar testet e sigurisë, por vendosi ta tërhiqte nga përdorimi.

  • Pse ora e dimrit është më e mirë për shëndetin? Zbulojnë shkencëtarët

    Pse ora e dimrit është më e mirë për shëndetin? Zbulojnë shkencëtarët

    Pse ora e dimrit është më e mirë për shëndetin? Zbulojnë shkencëtarët

    Në fund të tetorit, do t’i ndryshojmë përsëri orët dhe, ndërsa afrohet ora e dimrit, kthehet pyetja që ka shkaktuar debat për vite me radhë: a duhet ta ndryshojmë fare kohën dhe, nëse kjo praktikë hiqet, cili sistem kohor do të ishte më mirë të ruhej?

    Shkencëtarët kanë një përgjigje mjaft të qartë.

    Sipas një analize të re shkencore, ora e përhershme e dimrit do të ishte më e dobishme për shëndetin e njeriut sesa ora e përhershme e verës, shkruan gazeta austriake Heute, transmeton Klankosova.tv.

    Pse është ora e dimrit më e mirë?

    Hulumtuesit nga Universiteti i Kolumbisë Britanike në Kanada analizuan hulumtimet e mëparshme shkencore mbi ndikimin e kohës në trupin e njeriut. Përfundimet e tyre, të botuara në Revistën e Shoqatës Mjekësore Kanadeze, tregojnë se, nëse ndryshimi sezonal i orës hiqet, do të ishte më mirë të ruhej përgjithmonë ora standarde, ose e dimrit.

    Arsyeja kryesore është drita e mëngjesit. Trupat tanë kanë një orë të brendshme biologjike që rregullon gjumin, zgjimin dhe shumë procese të tjera trupore. Drita e ditës në mëngjes e ndihmon atë të përshtatet me ritmin natyror të ditës dhe natës, ndërsa ekspozimi më i madh ndaj dritës në mbrëmje mund të vonojë rënien në gjumë.

     Prandaj, koha e përhershme e kursimit të ditës, veçanërisht gjatë muajve të dimrit, mund të ndikojë negativisht në cilësinë dhe kohëzgjatjen e gjumit, transmeton Klankosova.tv.

    Patrick Baylis i Universitetit të British Columbia shpjegon se tërheqja e kohës së përhershme të kursimit të ditës është e kuptueshme. Njerëzit pëlqejnë të kenë më shumë dritë dite pas punës ose shkollës, por hulumtimet tregojnë se një lindje e vonë e diellit mund të shoqërohet me gjumë më të shkurtër, produktivitet më të ulët dhe performancë më të dobët akademike.

    Problemi janë mëngjeset e errëta të dimrit

    Shkencëtarët po paralajmërojnë veçanërisht për pasojat që mund të ketë koha e përhershme e kursimit të ditës gjatë dimrit. Në këtë rast, dielli do të lindte një orë më vonë sesa në kohën e dimrit. Kjo do të thotë që shumë studentë do të shkonin në shkollë dhe punonjës në punë ndërsa është ende errësirë ​​jashtë. Përveç ndikimit të mundshëm në gjumë dhe përqendrim, ka edhe pyetje në lidhje me sigurinë në trafik, veçanërisht kur bëhet fjalë për fëmijët në rrugën e tyre për në shkollë.

    Disa vende tashmë janë përpjekur ta mbajnë kohën e përhershme të kursimit të ditës, por kanë hequr dorë nga ky vendim. Shtetet e Bashkuara prezantuan kohën e përhershme të kursimit të ditës në vitin 1974, por vendimi u tërhoq po atë vit. Rusia zbatoi të njëjtin sistem nga viti 2011 deri në vitin 2014, pas së cilës u rikthye në kohën standarde. Kili mori një vendim të ngjashëm.

    Kur do t’i ndryshojmë përsëri orët?

     Në kohën e dimrit do të kalohet të dielën, më 25 tetor 2026. Pastaj, në orën 3 të mëngjesit, do të zhvendosen orët një orë prapa, në orën 2 të mëngjesit.

    Kjo do të thotë se do të kemi një orë shtesë për të fjetur atë natë, por do të errësohet më herët në pasdite.

     Edhe pse heqja e ndryshimeve të orës është diskutuar prej vitesh, një vendim përfundimtar në nivelin e Bashkimit Evropian nuk është marrë ende. Parlamenti Evropian mbështeti propozimin për të hequr ndryshimet sezonale të orës në vitin 2019, por shtetet anëtare nuk kanë arritur një marrëveshje nëse do ta mbajnë përgjithmonë kohën e verës apo të dimrit. Pra, të paktën për momentin, do të vazhdojmë t’i ndryshojmë orët dy herë në vit.

  • LEX | Dështon gjykimi ndaj Naim dhe Lulzim Sallahut për tenderin e rrugës Prizren–Prevallë – Shkak, gjendja shëndetësore e gjyqtares

    LEX | Dështon gjykimi ndaj Naim dhe Lulzim Sallahut për tenderin e rrugës Prizren–Prevallë – Shkak, gjendja shëndetësore e gjyqtares

    LEX | Dështon gjykimi ndaj Naim dhe Lulzim Sallahut për tenderin e rrugës Prizren–Prevallë – Shkak, gjendja shëndetësore e gjyqtares

    Ka dështuar të mbahet seanca gjyqësore ndaj Naim dhe Lulzim Sallahut, të cilët po përballen me akuza lidhur me tenderin për rikonstruktimin e rrugës Prizren–Prevallë.

    Gazeta Sinjali raporton se seanca e planifikuar për sot, më 13 tetor 2026, është shtyrë për shkak të gjendjes shëndetësore të njërës prej anëtareve të trupit gjykues.

    Për shkak të mungesës së saj, nuk janë plotësuar kushtet për mbajtjen e shqyrtimit gjyqësor, duke bërë që seanca të dështojë.

    Rasti lidhet me tenderin e Ministrisë së Infrastrukturës për rikonstruktimin e rrugës rajonale Prizren–Prevallë, për të cilin kompania “SA Sallahu” kishte aplikuar në vitin 2019.

    Sipas aktakuzës së Prokurorisë Speciale, Lulzim Sallahu, në cilësinë e pronarit dhe drejtorit të kompanisë “SA Sallahu”, akuzohet për veprën penale “Keqpërdorim dhe mashtrim në prokurim publik”, ndërsa Naim Sallahu për veprën penale “Falsifikim i dokumenteve”.

    Prokuroria pretendon se gjatë procedurave të tenderimit janë përdorur dokumente me përmbajtje të pavërtetë, përfshirë referenca dhe dokumentacion tjetër të nevojshëm për plotësimin e kritereve të tenderit.

    Për shkak të shtyrjes së sotme, shqyrtimi i akuzave ndaj të pandehurve mbetet të vazhdojë në seancën e ardhshme.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post LEX | Dështon gjykimi ndaj Naim dhe Lulzim Sallahut për tenderin e rrugës Prizren–Prevallë – Shkak, gjendja shëndetësore e gjyqtares appeared first on Sinjali.

    Burimi: Sinjali

  • Shpërthen me eksploziv makina e bashkëshortes së avokatit të njohur në Trianë

    Shpërthen me eksploziv makina e bashkëshortes së avokatit të njohur në Trianë

    Automjetit i ishte vendosur lëndë eksplozive, ndërsa shpërthimi ka ndodhur në momentin kur makina ishte e parkuar në ambientet e parkimit të pallateve. Fatmirësisht, nga ngjarja nuk raportohet për persona të lënduar.

    “Rreth orës 09:15, në rrugën “Nikolla Lena”, para një pallati, ka shpërthyer një sasi lënde e dyshuar plasëse, e vendosur në automjetin e parkuar në pronësi të shtetases N. B. Si pasojë, janë shkaktuar vetëm dëme materiale”, thuhet në njoftimin e policisë.

    Policia ka mbërritur në vendngjarje dhe ka nisur hetimet për të zbardhur rrethanat e plota të shpërthimit, si dhe për të përcaktuar nëse kemi të bëjmë me një akt të qëllimshëm.

    Deri më tani, shkaqet dhe motivet e mundshme të ngjarjes mbeten të paqarta.

    Burimi: RTKLive

  • Gruaja denoncon bashkëshortin për dhunë fizike në Lipjan – thotë se sjellja po përsëritet

    Gruaja denoncon bashkëshortin për dhunë fizike në Lipjan – thotë se sjellja po përsëritet

    Gruaja denoncon bashkëshortin për dhunë fizike në Lipjan – thotë se sjellja po përsëritet

    Një rast i dhunës në familje është raportuar në Lipjan, ku një grua ka denoncuar bashkëshortin e saj për dhunë fizike.

    Burimet e Sinjalit bëjnë me dije se A.M.B. është paraqitur në Polici më 12 tetor, rreth orës 21:45, duke deklaruar se një natë më parë ishte sulmuar fizikisht nga bashkëshorti i saj, S.B.

    Sipas deklarimit të viktimës, i dyshuari, në gjendje të dehur, dyshohet se e ka goditur disa herë me duar në trup.

    Ajo ka deklaruar po ashtu se sjellje të tilla janë bërë më të shpeshta, duke pretenduar se bashkëshorti konsumon vazhdimisht alkool dhe kthehet në shtëpi në orët e vona në gjendje të dehur.

    Në rast është përfshirë edhe Qendra për Punë Sociale.

    Pas konsultimit me Prokurorin e Shtetit, rasti është iniciuar si “Dhunë në familje”, ndërsa i dyshuari është liruar në procedurë të rregullt.

    Viktima është larguar nga shtëpia dhe ka shkuar te familja e saj.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post Gruaja denoncon bashkëshortin për dhunë fizike në Lipjan – thotë se sjellja po përsëritet appeared first on Sinjali.

    Burimi: Sinjali

  • Kapet me kokainë në Pejë – 25-vjeçari lirohet në procedurë të rregullt

    Kapet me kokainë në Pejë – 25-vjeçari lirohet në procedurë të rregullt

    Kapet me kokainë në Pejë – 25-vjeçari lirohet në procedurë të rregullt

    Një rast i posedimit të paautorizuar të narkotikëve është zbuluar mbrëmjen e 12 tetorit në Pejë.

    Burimet e Sinjalit bëjnë me dije se rreth orës 22:20, njësiti për hetimin e trafikimit me narkotikë ka ndaluar Indrit Rakipin, nën dyshimin se mund të posedonte diçka të paligjshme.

    Gjatë kontrollit, atij i është gjetur një qese me substancë të dyshuar narkotike të llojit kokainë, e cila pas peshimit ka rezultuar në 0.7 gramë.

    I dyshuari është intervistuar, ndërsa për rastin është njoftuar Prokurori i Shtetit.

    Me urdhër të prokurorit, Rakipi është liruar në procedurë të rregullt.

    Rasti është iniciuar si “Posedim i paautorizuar i narkotikëve, substancave psikotrope ose analoge” dhe vazhdon të hetohet.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post Kapet me kokainë në Pejë – 25-vjeçari lirohet në procedurë të rregullt appeared first on Sinjali.

    Burimi: Sinjali

  • 13 asete kulturore në mbrojtje të përkohshme

    13 asete kulturore në mbrojtje të përkohshme

    Sipas njoftimit të ministres, lista përfshin lokalitete arkeologjike, kala, kulla, shtëpi historike, si dhe komplekse industriale e familjare, të cilat dëshmojnë periudha të ndryshme historike dhe mënyra të jetesës në pjesë të ndryshme të Kosovës.

    Në mesin e aseteve të përfshira në listë janë kompleksi industrial i Tulltores në Prishtinë, Gjyteti i Gjyrgjedellit në Kaçanik, Kalaja e Dafinës në Rahovec, Kulla e Asllanit në Tërdec të Drenasit, shtëpia muze e Latif Berishës në Mitrovicën e Veriut, si dhe kompleksi i familjes Çollaku në Zym të Prizrenit.

    Ky proces synon identifikimin dhe vlerësimin e aseteve me vlera historike e kulturore, me qëllim të përfshirjes së tyre në mekanizmat përkatës të mbrojtjes së trashëgimisë kulturore.

    Përfshirja në listën e mbrojtjes së përkohshme përbën një hap në ruajtjen e këtyre aseteve dhe të vlerave që ato përfaqësojnë.

    Burimi: RTKLive

  • Ky është 26-vjeçari që dyshohet se kërcënoi policët dhe i lëndoi gjatë arrestimit në sheshin e Gjilanit

    Ky është 26-vjeçari që dyshohet se kërcënoi policët dhe i lëndoi gjatë arrestimit në sheshin e Gjilanit

    Ky është 26-vjeçari që dyshohet se kërcënoi policët dhe i lëndoi gjatë arrestimit në sheshin e Gjilanit

    Një incident është regjistruar mbrëmjen e 12 tetorit në sheshin e qytetit në Gjilan, ku dy zyrtarë policorë janë lënduar gjatë arrestimit të një personi të dyshuar.

    Burimet e Sinjalit bëjnë me dije se rreth orës 22:10, derisa policët ishin në detyrë afër kafiterisë “NOYERA”, janë ndalur nga Lirim Pireva, i cili dyshohet se për arsye banale iu është drejtuar atyre me fjalë kërcënuese.

    Policët kanë ndërhyrë dhe e kanë prangosur të dyshuarin, duke e shoqëruar drejt stacionit policor.

    Gjatë shoqërimit, në rrugën “Akile Imami”, Pireva dyshohet se e ka goditur nga prapa me këmbë njërin prej zyrtarëve policorë, duke bërë që ai të rrëzohet dhe të pësojë lëndime në shpinë dhe dorë.

    Edhe zyrtari tjetër policor dyshohet se ka pësuar lëndim në dorë gjatë arrestimit.

    Njëri prej policëve ka pranuar trajtim mjekësor.

    Pas konsultimit me Prokurorin e Shtetit, rasti është iniciuar si “Pengim i personit zyrtar në kryerje të detyrës zyrtare”, ndërsa i dyshuari është ndaluar për 48 orë.

    Rasti mbetet nën hetime.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post Ky është 26-vjeçari që dyshohet se kërcënoi policët dhe i lëndoi gjatë arrestimit në sheshin e Gjilanit appeared first on Sinjali.

    Burimi: Sinjali