Blog

  • Endrit Nika nuk e pranon fajësinë as në rigjykim: I pafajshëm 100%

    Endrit Nika nuk e pranon fajësinë as në rigjykim: I pafajshëm 100%

    Endrit Nika nuk e pranon fajësinë as në rigjykim: I pafajshëm 100%

    Në Gjykatën Themelore në Prishtinë, në seancën e rigjykimit të hënën, i akuzuari Endrit Nika u deklarua sërish i pafajshëm për vrasjen e shtetases argjentinase, të dashurës së tij, në Fushë-Kosovë më 2023.

    “I pafajshëm 100 për qind”, tha Nika, raporton “Betimi për Drejtësi”.

    Gjykata Themelore në Prishtinë, më 19 shkurt 2026, ka shpallur aktgjykim dënues ndaj Endrit Nikës, duke e dënuar me 18 vjet burgim. Por, Gjykata e Apelit e ka aprovuar ankesën e mbrojtjes dhe e ka kthyer rastin në rigjykim.

    Në seancën e 28 majit 2025, i akuzuari ishte deklaruar i pafajshëm, transmeton Klankosova.tv

    Sipas aktakuzës së ngritur më 11 shkurt 2025 nga Prokuroria Themelore në Prishtinë, Endrit Nika akuzohet se më 1 gusht 2023, në një hotel në Fushë-Kosovë, pas një mosmarrëveshjeje paraprake me të dashurën e tij, tani të ndjerën M.K-U., e kishte goditur vazhdimisht dhe kishte tentuar ta shkelte me veturë në parkingun jashtë hotelit.

    Sipas aktakuzës, pasi kishin hyrë në hotel dhe në dhomën ku po qëndronin, i pandehuri Nika, me qëllim që ta privonte nga jeta të ndjerën M.K-U., kishte vazhduar përleshjen dhe goditjet ndaj saj, duke e dërguar në qoshe të dhomës, nga ku ajo nuk kishte mundësi të largohej.

    Tutje, sipas aktakuzës, nga goditjet dhe shtyrjet që i kishte bërë të ndjerës, Nika e kishte nxjerrë kornizën e dritares dhe e kishte hedhur atë nga dritarja e dhomës së hotelit, nga kati i gjashtë. Si pasojë e lëndimeve të marra, e ndjera, edhe përkundër trajtimit mjekësor, kishte ndërruar jetë në QKUK.

    Me këtë, i akuzuari Endrit Nika ngarkohet se ka kryer veprën penale “Vrasje e rëndë”, nga neni 173, paragrafi 1, pika 1.3, i Kodit Penal.

  • Amorim nën presion, Milani nuk po bind me paraqitjet e tij

    Amorim nën presion, Milani nuk po bind me paraqitjet e tij

    Milani po kalon një periudhë larg pritshmërive, pasi skuadra e drejtuar nga Ruben Amorim ende nuk ka arritur të gjejë stabilitetin e kërkuar. Barazimi 1:1 në udhëtim ndaj Sassuolos ka lënë shije të hidhur, duke nxjerrë sërish në pah problemet që po e shoqërojnë ekipin kuqezi.

    Edhe pse sezoni nuk është i humbur, paraqitjet e Milanit nuk kanë qenë bindëse. Pakënaqësia është reflektuar edhe te pronari Gerry Cardinale, i cili, sipas raportimeve, është larguar i zhgënjyer nga stadiumi “Mapei” pas asaj që pa në fushë.

    Një vlerësim optimist mund të jetë se Milani ende po kërkon identitetin e tij, por rezultatet po e mbajnë në garë. Megjithatë, për një skuadër me ambicie të larta, vetëm marrja e pikëve nuk mjafton, nëse loja nuk ofron siguri dhe vazhdimësi.

    Mbrojtja, pika më e dobët

    Një nga shqetësimet kryesore mbetet reparti defensiv. Milani po pëson gola që mund të shmangen dhe shpesh humbet përqendrimin në momentet kur kalon në epërsi. Kjo mungesë stabiliteti po i kushton skuadrës dhe e detyron të vuajë edhe në ndeshjet ku ka mundësi të kontrollojë lojën.

    Përveç problemeve në prapavijë, kuqezinjve u mungon edhe përvoja e liderëve që mund ta udhëheqin ekipin në momente të vështira. Luka Modrić dhe Adrien Rabiot janë ndër emrat me përvojë, por skuadra ka nevojë për më shumë futbollistë që marrin përgjegjësi në fushë.

    Sulmi nuk po prodhon mjaftueshëm

    Vështirësitë nuk përfundojnë në mbrojtje. Milani mund ta ketë më shumë posedimin e topit, por kjo epërsi nuk po përkthehet në raste të mjaftueshme shënimi. Mungesa e goditjeve drejt portës po e vështirëson rrugën drejt fitoreve.

    Në qendër të vëmendjes është edhe Gonçalo Ramos, i cili po has në vështirësi për të lënë gjurmë në repartin ofensiv. Sulmuesi shpesh mbetet i izoluar dhe nuk po arrin të shfrytëzojë mundësitë për të kontribuar me gola.

    Për këtë arsye, Amorim duhet të gjejë mënyrën për ta përfshirë më mirë Ramosin në lojën e skuadrës, duke krijuar më shumë lidhje mes mesfushës dhe sulmit.

    Milani ka ende kohë për t’i korrigjuar gabimet, por përmirësimi duhet të jetë i dukshëm në të dyja fazat e lojës. Stabiliteti në mbrojtje dhe më shumë konkretizim në sulm janë kushtet kryesore që skuadra kuqezi të rikthehet te paraqitjet bindëse dhe të mos lejojë që dyshimet të shtohen.

    Burimi: RTKLive

  • Punëtorët e NPB-së protestojnë para Supremes: Filloi muaji i tretë pa paga, sa duhet të presim?

    Punëtorët e NPB-së protestojnë para Supremes: Filloi muaji i tretë pa paga, sa duhet të presim?

    Punëtorët e NPB-së protestojnë para Supremes: Filloi muaji i tretë pa paga, sa duhet të presim?

    Punëtorët e Ndërmarrjes Publike Banesore (NPB) kanë nisur protestën para Gjykatës Supreme, duke kërkuar drejtësi për pagat që, sipas tyre, nuk i kanë marrë tash e dy muaj.

    Gjatë protestës, njëri nga punëtorët u shpreh se zëri i mbi 330 punëtorëve duhet të dëgjohet dhe se pagat janë e drejtë e tyre.

    “Duam drejtësi! Sot duhet të dëgjohet zëri i mbi 330 punëtorëve. Duhet të dëgjohet nga të gjithë. Paga është një e drejtë, puna është një e drejtë dhe punëtori nuk është vetëm një numër. Familja e punëtorit nuk mund të presë pafundësisht. Ne duam që drejtësia të vihet në vend”, tha ai, ndër të tjera.

    Protestuesit mbanin edhe pankarta me mbishkrime si: “Mos i zvarritni, punëtorët po dëmtohen” dhe “Filloi muaji i tretë pa paga, edhe sa duhet të presim?”./Klankosova.tv

  • Klani sjellë detaje: Gjendet vetura e burrit që privoi nga jeta të birin në Gjilan

    Klani sjellë detaje: Gjendet vetura e burrit që privoi nga jeta të birin në Gjilan

    Klani sjellë detaje: Gjendet vetura e burrit që privoi nga jeta të birin në Gjilan

    Burime të Klankosova.tv kanë bërë të ditur se është gjetura vetura e Remzi Arifi, i dyshuar për vrasjen e të birit në Pogragjë të Gjilanit.

    Sipas këtyre burimeve, vetura është gjetur në zonën e fshatit Sllubicë.

    Të dielën, Remzi Arifi dyshohet se privoi nga jeta të birin, 29-vjeçar. Sipas policisë, i njëjti ndodhet ende në arrati, ndërsa po punohet për lokalizimin dhe kapjen e të njëjtit.

    Shënim: Personi/personat e përmendur në këtë artikull, prezumohen të pafajshëm deri në një vendim të formës së prerë nga gjykata.

  • Shkëputet ashensori, humb jetën kamerieri 16-vjeçar në Shqipëri

    Shkëputet ashensori, humb jetën kamerieri 16-vjeçar në Shqipëri

    Shkëputet ashensori, humb jetën kamerieri 16-vjeçar në Shqipëri

    Një ngjarje e rëndë është regjistruar në fshatin Arrameras, në Fushë-Krujë, ku një 16-vjeçar, i punësuar si kamerier në një restorant, ka humbur jetën pas një aksidenti me ashensorin.

    Në lidhje me ngjarjen, policia ka arrestuar në flagrancë kamerierin 26-vjeçar dhe pronarin 62-vjeçar të lokalit, raporton Top Channel, transmeton Klankosova.tv.

    Sipas njoftimit të Policisë, ngjarja ka ndodhur më 11 tetor 2026, në një restorant në pronësi të shtetasit A. V., në fshatin Arrameras.

    Nga hetimet paraprake dyshohet se kamerieri 26-vjeçar, Endri Stafuka, ka shtyrë me duar 16-vjeçarin, i cili punonte gjithashtu si kamerier në restorant, brenda në ashensor.

    Si pasojë e shkëputjes së ashensorit, i mituri ka humbur jetën.

    Pas ngjarjes, specialistët e Komisariatit të Policisë Krujë kanë arrestuar 26-vjeçarin Endri Stafuka, i dyshuar për veprën penale “Vrasja nga pakujdesia”.

    Në pranga ka përfunduar edhe pronari i restorantit, 62-vjeçari Afrim Vathi, i dyshuar për veprat penale “Shkelja e rregullave të mbrojtjes në punë” dhe “Fshehja e të ardhurave”.

    Materialet procedurale i janë referuar Prokurorisë për veprime të mëtejshme, ndërsa hetimet vijojnë për të sqaruar plotësisht rrethanat e kësaj ngjarjeje të rëndë.

  • Marta Kos kritikon Kosovën për ndryshimet në Ligjin për Specialen

    Marta Kos kritikon Kosovën për ndryshimet në Ligjin për Specialen

    Marta Kos kritikon Kosovën për ndryshimet në Ligjin për Specialen

    Komisionerja e Bashkimit Evropian për Zgjerim, Marta Kos, ka kritikuar Kosovën për vendimin e Kuvendit për ndryshimin e Ligjit për Gjykatën Speciale, duke e cilësuar këtë vendim të papranueshëm.

    Ajo i ka bërë këto deklarata të hënën, në Luksemburg, para takimit të ministrave të Jashtëm të BE-së, ku një nga temat e diskutimit është procesi i zgjerimit të Bashkimit Evropian.

    Kos ka thënë se ndryshimet në ligj janë në kundërshtim me obligimet që Kosova ka ndaj BE-së, si dhe me standardet ndërkombëtare të sundimit të ligjit.

    “Do të doja të jem po ashtu e qartë se ndryshimet e ligjit për Dhomat e Specializuara nga ana e Kosovës shkojnë kundër obligimeve fundamentale të Kosovës ndaj BE-së. Dhe kjo është e papranueshme”, ka deklaruar ajo.

    Komisionerja ka theksuar se ndryshimi i rregullave gjatë kohës kur proceset gjyqësore janë në vazhdim bie ndesh me standardet ndërkombëtare.

    “Të ndryshosh rregullat në kohën kur proceset në gjykatë janë në vazhdim e sipër është kundër çdo standardi ndërkombëtar të sundimit të ligjit”, ka thënë Kos.

    Ajo ka dërguar gjithashtu një mesazh për vendet e rajonit që synojnë anëtarësimin në BE, duke theksuar se respektimi i sundimit të ligjit dhe përmbushja e obligimeve janë thelbësore për përparimin në këtë proces.

    Sipas saj, vendet që bëjnë hapa prapa në përmbushjen e këtyre standardeve nuk po ndjekin rrugën e duhur drejt anëtarësimit.

    Kos ka shtuar se, përveç sundimit të ligjit, vendet kandidate duhet të përshtaten edhe me politikën e jashtme dhe të sigurisë së Bashkimit Evropian.

    Ndërkohë, sipas saj, Mali i Zi dhe Shqipëria pritet të mbyllin kapituj të rinj në negociatat e anëtarësimit, ndërsa Ukraina dhe Moldavia pritet të hapin kapituj të tjerë. Kosova, Bosnja e Hercegovina, Serbia dhe Gjeorgjia, sipas komisioneres, vazhdojnë të jenë të bllokuara në procesin e zgjerimit.

    Sinjali – aty ku e vërteta flet para lajmit!

    /GazetaSinjali/

    The post Marta Kos kritikon Kosovën për ndryshimet në Ligjin për Specialen appeared first on Sinjali.

    Burimi: Sinjali

  • REL: Diplomati rus i dëbuar nga Bullgaria shërben në Serbi

    REL: Diplomati rus i dëbuar nga Bullgaria shërben në Serbi

    Sipas një hulumtimi të Radios Evropa e Lirë (REL), të dhënat e rrjedhura nga bazat ruse sugjerojnë se Krasii ka lidhje me shërbimin e inteligjencës ushtarake të Rusisë, GRU.

    Ai u dëbua nga Bullgaria në kohën kur po hetohej një seri shpërthimesh në depot e armëve, për të cilat dyshoheshin shtetas rusë. Moska i ka mohuar përfshirjet në këto incidente.

    REL-i raporton se autoritetet serbe dhe Ambasada Ruse nuk iu përgjigjën kërkesave për koment lidhur me misionin diplomatik të Krasiit.

    Burimi: RTKLive

  • Kallas: BE-ja do ta mirëpresë armëpushimin energjetik kur të zbatohet edhe nga Rusia

    Kallas: BE-ja do ta mirëpresë armëpushimin energjetik kur të zbatohet edhe nga Rusia

    Shefja e politikës së jashtme të Bashkimit Evropian, Kaja Kallas, ka deklaruar se BE-ja do ta mirëpresë njoftimin për një armëpushim energjetik mes Rusisë dhe Ukrainës, kur ai të zbatohet edhe në praktikë.

    “Ne ende nuk kemi parë që edhe Rusia do t’i përmbahet këtij armëpushimi”, ka thënë Kallas gjatë një takimi të ministrave të Jashtëm të vendeve të BE-së.

    Ajo ka përsëritur gjithashtu thirrjen drejtuar Shteteve të Bashkuara që të vendosin sanksione ndaj Rusisë, me qëllim përfundimin e luftës në Ukrainë.

    “Ne do t’i bënim thirrje SHBA-së që të vendosë sanksionet, në mënyrë që të mund ta përfundojmë luftën”, ka deklaruar Kallas, raporton BBC.

    Burimi: Dukagjini

  • Ambasada e SHBA-së: Të përkushtuar për bashkëpunim me institucionet e Kosovës

    Ambasada e SHBA-së: Të përkushtuar për bashkëpunim me institucionet e Kosovës

    Ambasada e Shteteve të Bashkuara të Amerikës në Kosovë ka shprehur gatishmërinë për të bashkëpunuar me Justina Shiroka Pulën, presidenten e sapozgjedhur të Kosovës.

    Në njoftimin e saj, Ambasada ka theksuar se mbetet e përkushtuar për të bashkëpunuar me institucionet e Kosovës në avancimin e prioriteteve të përbashkëta.

    Këto prioritete, sipas njoftimit, përfshijnë paqen rajonale, stabilitetin dhe prosperitetin e ndërsjellë.

    Burimi: Dukagjini

  • “A je rahat pa mu?”, kënga më e re e Shpat Kasapit, Selvija me dedikim prekës (VIDEO)

    “A je rahat pa mu?”, kënga më e re e Shpat Kasapit, Selvija me dedikim prekës (VIDEO)

    “A je rahat pa mu?”, kënga më e re e Shpat Kasapit, Selvija me dedikim prekës (VIDEO)

    Selvije Jao, bashkëshortja e artistit të ndjerë, Shpat Kasapi, të dielën ka bërë një postim tejet prekës.

    Ajo ka publikuar këngën e Shpatit, e cila ishte paralajmëruar që ishte e gatshme për publikim, transmeton Klankosova.tv.

    Në prag të përvjetorit të vdekjes së Kasapit, Selvija ia dha publikut këngën “A je rahat pa mu?”.

    Sipas saj, kjo këngë dhe kjo frazë, tashmë i dhemb më shumë.