Policia e Kosovës ka shqiptuar 1 mijë e 759 tiketa trafiku gjatë 24 orëve të fundit, ndërsa janë regjistruar 61 aksidente trafiku, sipas raportit 24-orësh të Policisë.
Nga aksidentet e raportuara, 22 kanë përfunduar me persona të lënduar, ndërsa 39 kanë shkaktuar vetëm dëme materiale. Gjatë kësaj periudhe nuk është regjistruar asnjë aksident trafiku me fatalitet, shkruan sinjali.
Sipas statistikave të Policisë, 11 persona janë arrestuar, ndërsa në mbajtje janë dërguar nëntë persona.
Ndërkohë, nuk është raportuar asnjë person në ndalim policor apo në vuajtje të dënimit gjatë periudhës së përfshirë në raport.
Sipas raportit 24-orësh të Policisë, gjatë ekzaminimit të vendit të ngjarjes janë sekuestruar tri armë të llojeve të ndryshme, si dhe municion që mund të shërbejë si provë në hetimet për rastin.
Në mesin e dëshmive të sekuestruara janë një pushkë gjuetie, një pushkë zjarri e tipit M48 dhe një pistoletë pa kafkë. Po ashtu, Policia ka konfiskuar 68 fishekë dhe katër gëzhoja.
Ndërkohë, trupi i pajetë i viktimës, me vendim të prokurorit, është dërguar në Institutin e Mjekësisë Ligjore për obduksion, me qëllim të përcaktimit të mëtejmë të rrethanave të vdekjes.
Autoritetet policore, në koordinim me Prokurorin e Shtetit, po vazhdojnë hetimet për zbardhjen e plotë të rastit dhe lokalizimin e të dyshuarit, i cili ende nuk është arrestuar.
Sipas “L’Équipe”, Dembele është paraqitur të shtunën në qendrën stërvitore të PSG-së në Poissy, ndërsa mbrojtësi portugez Nuno Mendes është rikthyer të dielën.
Të dy futbollistët kishin përfituar ditë shtesë pushimi për rikuperim pas ndeshjeve të kombëtareve, ndërsa rikthimi i tyre i jep trajnerit Luis Enrique më shumë alternativa për sfidën e rëndësishme evropiane.
PSG-ja do të përballet me Manchester Cityn në stadiumin “Etihad”, në një duel që pritet të jetë ndër testet më të vështira për kampionin francez në këtë edicion të garave evropiane.
Dembele mbetet një element i rëndësishëm në fazën ofensive të parisienëve, falë shpejtësisë dhe aftësive krijuese në krahun e djathtë. Në anën tjetër, Mendes i ofron skuadrës siguri në mbrojtje dhe mundësi shtesë për të kontribuar në sulm nga krahu i majtë.
Megjithatë, mbetet të shihet nëse të dy lojtarët do të jenë plotësisht të gatshëm për të luajtur ndaj skuadrës angleze.
Sipas Ministrisë, në disa segmente të autostradës po zhvillohen punimet rehabilituese, ndërsa për segmentet e tjera është duke u realizuar riprojektimi. Pas përfundimit të tij, do të vijojnë procedurat për kontraktimin e punimeve të sanimit.
Paralelisht, po kryhen analiza dhe vlerësime teknike për identifikimin e zonave që kërkojnë ndërhyrje shtesë.
Ministria thekson se siguria e qytetarëve mbetet prioritet dhe se përmes këtyre ndërhyrjeve synohet të sigurohet stabiliteti i skarpateve dhe qarkullim më i sigurt për të gjithë shfrytëzuesit e autostradës.
Nga vjedhja e rëndë në Ferizaj dhe kanosja ndaj një polici në Prizren, te vrasja e rëndë në Pogragjë të Gjilanit dhe rastet e tjera të vjedhjeve në Lipjan e Partesh, ngjarjet e fundit kanë vënë në lëvizje Policinë në disa rajone të Kosovës.
Sinjali ju sjell përmbledhjen e rasteve kryesore të raportuara gjatë 24 orëve të fundit.
Ekskluzive | Tragjedi familjare në Gjilan – babai dyshohet se vrau djalin 29-vjeçar dhe iku me veturë
Një 29-vjeçar ka mbetur i vrarë nga të shtënat me armë zjarri në fshatin Pogragjë të Gjilanit, mbrëmjen e 11 tetorit.
Për rastin dyshohet babai i viktimës, Ramiz Arifi, i cili pas ngjarjes dyshohet se është larguar me veturë Suzuki.
Policia ka nisur hetimet dhe po ndërmerr veprime për lokalizimin e të dyshuarit.
Ekskluzive | Hajnat hyjnë me forcë në kishën në Partesh – vjedhin tri thika me ngjyrë ari nga vendi ku qëndron prifti
Tri thika me ngjyrë ari janë vjedhur nga një kishë në fshatin Budrikë e Poshtme të Parteshit.
Policia ka vërejtur derën e hapur të objektit fetar mëngjesin e 11 tetorit, ndërsa gjatë kontrollit është konstatuar se persona të panjohur dyshohet se kishin hyrë me forcë.
Rasti është iniciuar si “Vjedhje e rëndë”, ndërsa hetimet për identifikimin e të dyshuarve po vazhdojnë.
Detaje të reja nga vrasja në Pogragjë – babai dyshohet se vrau djalin 29-vjeçar në dhomën e ndejes, në shtëpi gjenden armë e municion
Një 29-vjeçar është vrarë mbrëmjen e 11 tetorit në fshatin Pogragjë të Gjilanit.
Për vrasjen dyshohet babai i tij, Remzi Arifi, i cili pas ngjarjes është larguar dhe vazhdon të jetë në arrati.
Gjatë kontrollit në shtëpi, Policia ka gjetur dhe sekuestruar armë e municion. Rasti po hetohet si “Vrasje e rëndë” dhe “Mbajtje në pronësi, kontroll ose posedim të paautorizuar të armëve”.
Këto ishin disa nga ngjarjet që shënuan 24 orët e fundit në Kosovë.
SINJALI 24 – Kur ti flije, ne e përcollëm Kosovën.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Endrit Nika, i akuzuar për vrasjen e rëndë të shtetases argjentinase Maria Clara Urdangaray, është sjellë sot, më 12 tetor 2026, para trupit gjykues në Gjykatën Themelore në Prishtinë, ku është paraparë të vazhdojë procesi i rigjykimit ndaj tij.
Nika po përballet sërish me drejtësinë pasi Gjykata e Apelit e anuloi aktgjykimin e shkallës së parë, me të cilin ai ishte dënuar me 18 vjet burgim më 19 shkurt 2026.
Gjykata e Apelit kishte konstatuar shkelje esenciale të dispozitave të procedurës penale dhe kishte vendosur që çështja të kthehej në rigjykim, duke kërkuar edhe dëgjimin e dëshmitarëve shtesë.
Çfarë thotë aktakuza?
Sipas aktakuzës së Prokurorisë Themelore në Prishtinë, më 1 gusht 2023, në hotelin “Sonoma” në Fushë-Kosovë, Endrit Nika dyshohet se pas një mosmarrëveshjeje me partneren e tij, Maria Clara Urdangaray, fillimisht e kishte goditur dhe kishte tentuar ta shkelte me veturë në parkingun e hotelit.
Prokuroria pretendon se përleshja kishte vazhduar edhe brenda dhomës së hotelit, ku i akuzuari dyshohet se e kishte goditur dhe shtyrë viktimën drejt një qosheje të dhomës.
Sipas organit të akuzës, si pasojë e goditjeve dhe shtyrjeve, ishte shkëputur korniza e dritares dhe viktima kishte rënë nga kati i gjashtë i hotelit.
Maria Clara Urdangaray kishte pësuar lëndime të rënda trupore dhe, pavarësisht trajtimit mjekësor, kishte ndërruar jetë në Qendrën Klinike Universitare të Kosovës.
Nika nuk e pranon fajësinë.
Në seancën e parë të rigjykimit, të mbajtur më 1 shtator 2026, Endrit Nika ishte deklaruar i pafajshëm për veprën penale që i vihet në barrë.
Mbrojtja e tij, e përfaqësuar nga avokati Tomë Gashi, ka kundërshtuar pretendimet e Prokurorisë, duke argumentuar se vdekja e argjentinases kishte ndodhur aksidentalisht, për shkak të problemeve me sigurinë dhe konstruksionin e dritares së hotelit.
Nga ana tjetër, Prokuroria ka qëndruar pranë aktakuzës, duke pretenduar se provat do ta dëshmojnë përgjegjësinë penale të të akuzuarit.
Në seancën e mëparshme, shqyrtimi ishte ndërprerë për shkak të kërkesës së mbrojtjes për sigurimin e një përkthyesi të përshtatshëm të gjuhës gjermane.
Procesi gjyqësor po zhvillohet para trupit gjykues të kryesuar nga gjyqtari Gazmend Bahtiri, me anëtarët Alltën Murseli dhe Gëzim Ademi.
Gazeta Sinjali po e përcjell nga afër këtë proces dhe do të raportojë për zhvillimet e seancës së sotme.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
“Do të doja të isha e qartë edhe për faktin se në Kosovë, ndryshimi i ligjit për Dhomat e Specializuara shkon kundër detyrimeve themelore të Kosovës ndaj BE-së. Dhe kjo është e papranueshme. Ndryshimi i rregullave ndërkohë që procedura gjyqësore është në vazhdim sfidon çdo standard ndërkombëtar të sundimit të ligjit. Mesazhi im është shumë i thjeshtë: zgjerimi evropian po ecën përpara. Por nëse vendet kandidate ecin prapa, atëherë vërtet nuk do të jenë në gjendje të bëhen anëtare të BE-së”, tha Marta Kos.
Në Luksemburg po mbahet takimi i ministrave të BE-së, të cilët, mes tjerash, po diskutojnë edhe për rishikimin e paraaderimit për anëtarët e ardhshëm të Bashkimit Evropian. Sipas komisioneres Kos, të gjithë ata që aspirojnë integrimin duhet të harmonizohen strategjikisht me politikat e BE-së dhe të ndajnë vlerat e përbashkëta evropiane. Sundimi i ligjit mbetet kriter kyç për secilin vend në procesin e afrimit me BE-në.
Sulmet ruse gjatë natës në lindje të Ukrainës kanë shkaktuar ndërprerje të energjisë elektrike, pavarësisht njoftimit të presidentit amerikan, Donald Trump, për atë që ai e cilësoi si “armëpushim energjetik”.
Kryetari i Harkivit, qytetit të dytë më të madh në Ukrainë, Igor Terekhov, ka bërë të ditur se dronët rusë kanë goditur një ndërtesë të lartë banimi gjatë natës, duke plagosur të paktën pesë persona.
Sipas Terekhovit, nga sulmi janë shkatërruar katet e shtatë, të tetë dhe të nëntë të ndërtesës. Në vendin e ngjarjes ka shpërthyer zjarr, ndërsa operacionet e kërkim-shpëtimit janë duke vazhduar.
Presidenti ukrainas, Volodymyr Zelensky, fillimisht ka shprehur habi për njoftimin e Trumpit të dielën për një armëpushim energjetik, por më pas ka deklaruar se Kievi është i gatshëm ta mbështesë atë, nëse edhe Moska pajtohet.
Deri më tani, Rusia nuk ka reaguar ndaj këtij propozimi, i cili do të nënkuptonte ndërprerjen e sulmeve të të dyja palëve ndaj objekteve energjetike të njëra-tjetrës.
Trump i ka bërë thirrje Ukrainës që të ndalë sulmet ndaj infrastrukturës ruse të naftës, në mënyrë që Moska të zbatojë një marrëveshje të arritur së fundmi për furnizimin e SHBA-së dhe tregut global me naftë dizel ruse.
Që nga nisja e pushtimit të plotë të Ukrainës nga Rusia, në vitin 2022, Moska ka intensifikuar sulmet ndaj infrastrukturës energjetike ukrainase gjatë çdo dimri.
Korporata Energjetike e Kosovës (KEK) ka njoftuar se këtë mëngjes ka nisur procesi i startimit të njësisë A5 në Termocentralin “Kosova A”.
Sipas KEK-ut, gjatë kësaj faze pritet të ketë tym më të theksuar, i cili është pjesë e procesit teknologjik dhe mund të vërehet deri në arritjen e parametrave të nevojshëm dhe stabilizimin e njësisë.
Në njoftimin e saj, KEK-u ka kërkuar mirëkuptimin e qytetarëve, veçanërisht të banorëve të Komunës së Obiliqit.
“Gjatë kësaj faze, tymi më i theksuar është pjesë e procesit teknologjik të startimit dhe mund të vërehet deri në arritjen e parametrave të nevojshëm dhe stabilizimin e njësisë”, thuhet në njoftimin e KEK-ut.