Blog

  • Zelensky: Ukraina ndal sulmet ndaj infrastrukturës energjetike nëse Rusia bën të njëjtën gjë

    Zelensky: Ukraina ndal sulmet ndaj infrastrukturës energjetike nëse Rusia bën të njëjtën gjë

    Zelensky: Ukraina ndal sulmet ndaj infrastrukturës energjetike nëse Rusia bën të njëjtën gjë

    Presidenti i Ukrainës, Volodymyr Zelensky, ka deklaruar se Kievi është i gatshëm të përmbahet nga sulmet ndaj infrastrukturës energjetike ruse, duke kërkuar që edhe Moska të veprojë në të njëjtën mënyrë.

    “Ukraina është e gatshme të përmbahet nga sulmet ndaj infrastrukturës energjetike ruse dhe presim të njëjtën gatishmëri edhe nga Rusia”, ka shkruar Zelensky në një deklaratë të publikuar në Telegram.

    Në një postim të veçantë në platformën X, të dielën në mbrëmje, ai e cilësoi njoftimin e presidentit amerikan, Donald Trump, për një armëpushim energjetik si “lajm të mirë për të gjithë”, duke theksuar rëndësinë që ai të zbatohet në praktikë.

    Megjithatë, Zelensky tha se hapësira ajrore e Ukrainës ishte përballur gjatë gjithë ditës me dronë rusë të tipit “Shahed”, të prodhuar sipas teknologjisë iraniane. Ai gjithashtu raportoi për sulme me bomba ajrore të drejtuara dhe goditje ndaj infrastrukturës energjetike.

    Sipas presidentit ukrainas, një central elektrik në Harkiv ishte sulmuar të dielën në mbrëmje, shkruan BBC, transmeton Klankosova.tv

    Zelensky deklaroi se gjatë javës së fundit Rusia kishte kryer më shumë se 200 sulme ndaj objekteve të energjisë elektrike në Ukrainë, si dhe 17 sulme ndaj objekteve të gazit dhe naftës. Ai tha se nga këto sulme dhe zhvillimet e raportuara kishin humbur jetën 150 persona.

    Presidenti ukrainas theksoi se Kievi është në pritje të hollësive të qarta për dialogun mes Shteteve të Bashkuara dhe Rusisë, duke kërkuar që presidenti rus, Vladimir Putin, t’i përmbahet asaj që ka deklaruar Trumpi.

    Zbatimi i armëpushimit energjetik mbetet i paqartë, ndërsa Ukraina kërkon që çdo zotim për ndalimin e sulmeve të shoqërohet me veprime konkrete nga të dyja palët.

  • Ndalohen mallra të padeklaruara në autobusin që po vinte nga Turqia në Kosovë

    Ndalohen mallra të padeklaruara në autobusin që po vinte nga Turqia në Kosovë

    Ndalohen mallra të padeklaruara në autobusin që po vinte nga Turqia në Kosovë

    Zyrtarët e Doganës së Kosovës kanë ndaluar për kontroll një autobus që udhëtonte nga Turqia drejt Kosovës, gjatë kontrolleve rutinore në Pikën e Kalimit Kufitar në Han të Elezit.

    Gjatë kontrollit të bagazhit dhe hapësirave të brendshme të autobusit, doganierët kanë zbuluar mallra të padeklaruara të vendosura në korridorin e autobusit.

    Sipas njoftimit të Doganës, për mallrat e zbuluara janë konstatuar edhe shkelje të të drejtave të pronësisë intelektuale, raporton Klankosova.tv

    Para kontrollit, udhëtarët dhe shoferi janë pyetur nëse kishin mallra apo mjete monetare për të deklaruar, por ata nuk kanë deklaruar asgjë pranë autoriteteve doganore.

    “Mallrat e zbuluara janë ndaluar, ndërsa rasti do të trajtohet në përputhje me procedurat administrative dhe legjislacionin në fuqi”, thuhet në njoftim./Klankosova.tv

  • Diplomati rus i dëbuar nga Bullgaria shfaqet në Serbi

    Diplomati rus i dëbuar nga Bullgaria shfaqet në Serbi

    Diplomati rus, Aleksandr Aleksandrovich Krasii, u akreditua këtë vit si asistent i atasheut ushtarak në Serbi, pesë vjet pasi mediat bullgare raportuan se ai ishte dëbuar nga vendi në kuadër të një skandali spiunazhi që shpërtheu mes Sofjes dhe Moskës.

    Të dhënat e rrjedhura nga bazat ruse të të dhënave tregojnë se Aleksandr Krasii ka lidhje me shërbimin e inteligjencës ushtarake të Rusisë (GRU), ka mësuar Systema, njësia hulumtuese në gjuhën ruse e Radios Evropa e Lirë (REL).

    As Ministria e Punëve të Jashtme e Bullgarisë dhe as Prokuroria Bullgare nuk iu përgjigjën kërkesës së REL-it për informacion lidhur me rastin.

    Hulumtimi i REL-it tregon se Krasii ndodhej në Serbi për rreth një vit pas dëbimit nga Bullgaria, por emri i tij u shfaq në listën diplomatike si asistent i atasheut ushtarak vetëm në vitin 2026.

    Diplomati rus u dëbua në mes të një hetimi në Bullgari për një seri shpërthimesh në depot e armëve, për të cilat në atë kohë dyshoheshin shtetas rusë.

    Moska mohoi çdo përfshirje në këto incidente.

    Diplomati i dikurshëm dhe konsulenti për çështje gjeopolitike dhe të sigurisë, Nikolla Lluniq, i tha REL-it se ky rast tregon se qëndrimi i institucioneve serbe ndaj kësaj çështjeje, e cila është e pranishme prej kohësh, nuk ka ndryshuar.

    “Shërbimet e sigurisë duhet ta kryejnë detyrën që u është caktuar me Kushtetutë dhe ta mbrojnë shtetin nga pikëpamja e sigurisë dhe kundërzbulimit. Ju [REL-i] e vutë në dukje këtë edhe në vitin 2023, por institucionet nuk reaguan në asnjë mënyrë”, tha Lluniq.

    Në një hulumtim të mëparshëm të vitit 2023, REL-i identifikoi tre diplomatë rusë që nisën misionet e tyre diplomatike në Serbi pasi ishin dëbuar ose futur në listën e zezë nga vendet e Bashkimit Evropian, në muajt pas pushtimit rus të Ukrainës në vitin 2022.

    Në atë kohë, REL-i konstatoi se njëri prej tyre kishte lidhje me një njësi të Shërbimit Federal të Sigurisë së Rusisë (FSB), e akuzuar për sulme kibernetike ndaj sektorit energjetik të Shteteve të Bashkuara të Amerikës, ndërsa një tjetër kishte lidhje me Shërbimin e Inteligjencës së Jashtme të Rusisë.

    Njëri prej tyre vazhdon të shërbejë si diplomat rus në Serbi.

    Mediat zbuluan identitetin e diplomatit

    Ministria e Punëve të Jashtme e Bullgarisë dëboi një tjetër diplomat rus në fund të prillit të vitit 2021.

    Siç thuhej në një deklaratë të lëshuar më 29 prill, dëbimi ishte pjesë e një serie dëbimesh, ndërsa ambasadori rus ishte thirrur për bisedime.

    Megjithëse ministria nuk e bëri të ditur identitetin e tij, mediat bullgare e zbuluan atë.

    Agjencia private e lajmeve Zona News dhe transmetuesi publik bullgar raportuan dy ditë më vonë se bëhej fjalë për nënkolonelin Aleksandr Krasii, i cili ishte asistent i atasheut ushtarak rus.

    Zona News tha se këtë informacion e kishte marrë “nga burimet e saj”, ndërsa më vonë deklaroi se transmetuesi publik e kishte marrë informacionin prej saj pa cituar burimin.

    Agjencia raportoi se Krasii duhej të largohej nga Bullgaria jo më vonë se më 5 maj.

    Sipas Televizionit Kombëtar Bullgar, Krasii u bë diplomat i atij vendi në fund të vitit 2020 dhe mbërriti në Bullgari në fillim të vitit 2021.

    U raportua, gjithashtu, se gjatë qëndrimit katërmujor kishte pasur vetëm një angazhim publik: në emër të ministrit rus të Mbrojtjes, Sergei Shoigu, ai i kishte dorëzuar një dekoratë një aktivisti të shoqatës së rusofilëve në Bullgari.

    Diplomati rus, Aleksandar Krasii (i dyti nga e majta), i ndau, në emër të ministrit rus të Mbrojtjes, Sergej Shoigu, një dekoratë një aktivisti të shoqatës “Rusofil” në Bullgari. Lajmi për këtë u publikua në uebsajtin e shoqatës, më 12 shkurt 2021.
    Diplomati rus, Aleksandar Krasii (i dyti nga e majta), i ndau, në emër të ministrit rus të Mbrojtjes, Sergej Shoigu, një dekoratë një aktivisti të shoqatës “Rusofil” në Bullgari. Lajmi për këtë u publikua në uebsajtin e shoqatës, më 12 shkurt 2021.
    Uebsajti i shoqatës publikoi një raport për këtë ngjarje, si dhe një fotografi të Krasiit me anëtarët e saj.

    REL-i nuk mori përgjigje nga Televizioni Kombëtar Bullgar apo Zona News lidhur me mënyrën se si kishin përcaktuar se Krasii ishte diplomati i dëbuar, ndërsa as shoqata e rusofilëve nuk u përgjigj lidhur me dëbimin e tij nga Bullgaria.

    Nga Bullgaria në Serbi

    Pak më shumë se një vit pas dëbimit, Krasii u fotografua në një aktivitet në Universitetin e Mbrojtjes në Beograd.

    Ai u fotografua mes instruktorëve dhe pjesëmarrësve që ndiqnin trajnime të avancuara në Shkollën e Mbrojtjes Kombëtare, një institucion arsimor ushtarak.

    REL-i e identifikoi Krasiin, ndër të tjera, në bazë të shenjave në uniformën që mbante në atë aktivitet, ku shkruhej “A.A. Krasii”.

    Emri Aleksandr Krasii u shfaq për herë të parë në listën diplomatike në vitin 2026. Kjo listë është regjistri zyrtar i diplomatëve të huaj, i cili përditësohet periodikisht dhe publikohet nga Ministria e Punëve të Jashtme e Serbisë.

    Po atë vit, REL-i e identifikoi atë në dy aktivitete në Beograd.

    Në prill, ai mori pjesë në një ceremoni të vendosjes së kurorave me lule, përpara një takimi të Komitetit Ndërqeveritar Serbo-Rus për Bashkëpunim Tregtar, Ekonomik dhe Shkencor-Teknik.

    Disa javë më vonë, në maj, ai u fotografua duke marrë pjesë në marshimin “Regjimenti i Pavdekshëm”, një ceremoni që e ka origjinën në Rusi, ku u organizua për herë të parë në vitin 2012 për të përkujtuar ushtarët e Ushtrisë së Kuqe të vrarë gjatë Luftës së Dytë Botërore.

    Ministria e Punëve të Jashtme e Serbisë dhe Ambasada Ruse nuk iu përgjigjën kërkesës së REL-it për koment lidhur me misionin diplomatik të Krasii-t në Serbi.

    U dëbua në mes të hetimit për shpërthimet dhe helmimin

    Krasii u dëbua nga Bullgaria në mes të një hetimi, gjatë të cilit gjashtë shtetas rusë u akuzuan për përfshirje në një seri shpërthimesh të ndodhura përgjatë një periudhe dhjetëvjeçare.

    Në atë kohë, prokurorët bullgarë deklaruan se ekzistonte një “dyshim i arsyeshëm” se shpërthimet që goditën katër depo dhe objekte prodhimi në Bullgari, mes viteve 2011 dhe 2020, kishin lidhje me helmimin e tregtarit bullgar të armëve, Emilian Gebrev, në vitin 2015, si dhe me një shpërthim në depot e municioneve në Çeki në vitin 2014.

    Një zëdhënës i Prokurorisë së Përgjithshme deklaroi në atë kohë se mund të arrihej në përfundimin se “qëllimi i veprimeve të shtetasve rusë ishte ndërprerja e furnizimit me produkte speciale për Gjeorgjinë dhe Ukrainën”.

    Në vitin 2015, tregtari i armëve Emilian Gebrev filloi të vjellte gjatë darkës në një restorant në Sofje. Më pas, u dërgua në një spital ushtarak, ku përjetoi halucinacione të forta dhe ra në koma. Edhe djali i tij u sëmur papritur, ashtu si drejtori i kompanisë së tregtimit të armëve EMCO, në pronësi të Gebrevit.

    Gebrev u shërua përfundimisht.

    Në atë kohë, hetuesit e lidhën të gjithë rastin me Republikën Çeke. Në vitin 2021, ky shtet akuzoi shërbimin e inteligjencës ushtarake të Rusisë, GRU-në, se qëndronte pas aktit të sabotimit në tetor të vitit 2014, në qytetin Vërbetice, ku shpërthyen 50 tonë municione dhe humbën jetën dy persona.

    Prokuroria Bullgare nuk iu përgjigj REL-it lidhur me ecurinë e hetimit të përmendur ose nëse diplomati rus Aleksandr Krasii është gjithashtu pjesë e tij.

    Adresat e oficerëve të inteligjencës ruse

    Lidhjet e Krasiit me shërbimin e inteligjencës ushtarake të Rusisë tregohen nga adresat e tij, ka mësuar Systema.

    Në shumicën e bazave të të dhënave të rrjedhura ruse, përfshirë, për shembull, bazën e shërbimeve shtetërore “Gosuslugi”, të dhënat e një prej laboratorëve më të mëdhenj privatë në Rusi, Gemotest, si dhe një bazë të dhënash të sigurimeve shëndetësore, Krasii e paraqet si adresë të banimit “Devichye Pole, nr. 4”, në Moskë.

    Kjo nuk është një ndërtesë banimi, por selia e Akademisë së Përbashkët të Forcave të Armatosura të Federatës Ruse, një nga institucionet kryesore arsimore ushtarake të Rusisë.

    Duket se Krasii e ka dhënë adresën e tij të vërtetë vetëm në disa raste.

    Një rast i tillë ishte kur aplikoi për të ashtuquajturat “leje COVID”, të vendosura në vitin 2020 dhe të kërkuara për lëvizjen nëpër Moskë gjatë izolimit. Për këto leje, aplikuesit duhej të jepnin pikën e nisjes dhe atë të mbërritjes së udhëtimeve të tyre.

    Në të pesë lejet që Krasii mori në pranverën e vitit 2020, pika e nisjes ishte një adresë në rrugën “Marshal Biryuzov”: një herë pa numër ndërtese, një herë me numrin 2, një herë me numrin 7 dhe dy herë me numrin 4.

    Sipas gazetarëve hulumtues, në adresën e fundit ndodhen banesa për familjet e oficerëve që studiojnë në të ashtuquajturin “Konservator”, ose Akademinë Diplomatike Ushtarake.

    Shumë oficerë dhe operativë të ardhshëm të inteligjencës ushtarake ruse, GRU, janë diplomuar në këtë akademi dhe kanë jetuar në atë adresë. Mes tyre është edhe Anatoly Chepiga, i cili mori pjesë në tentativën për helmimin e agjentit të dyfishtë rus, Sergei Skripal, në vitin 2018, në Salisbëri të Anglisë.

    Duke pasur parasysh se, sipas raportimeve të mediave bullgare, Krasii ishte caktuar tashmë në konsullatën ruse në Bullgari në fund të vitit 2020, duket se caktimi i tij atje ndodhi menjëherë pas përfundimit të studimeve në “Konservator”.

    Sipas të dhënave të rrjedhura, Krasii kaloi pothuajse dy vjet, nga viti 2013 deri në vitin 2015, në qytetin Gorni, në krahinën ruse Zabaikalski.

    Gorni është një nga rreth 40 qytetet e mbyllura të Rusisë, që do të thotë se për të hyrë në të nevojitet leje e posaçme.

    Gorni është i mbyllur sepse deri në vitin 2002 aty ndodhej Divizioni i 4-t Strategjik i Raketave i Forcave Raketore Strategjike të Rusisë.

    Divizioni u shpërbë më vonë dhe, sipas të dhënave zyrtare, aktualisht në Gorni ndodhen disa njësi të Forcave të Armatosura Ruse, asnjëra prej të cilave nuk lidhet me raketat strategjike apo armët bërthamore. Megjithatë, Gorni e ka ruajtur statusin e qytetit të mbyllur deri më sot.

    Ky nuk është rasti i parë i njohur kur oficerë të GRU-së, që shërbejnë jashtë vendit, kanë jetuar më parë në qytete ushtarake të mbyllura të Rusisë.

    Oficeri i GRU-së, Yuri Mikheev, i cili vepron nën mbulesë diplomatike në vende afrikane, jetoi nga viti 2010 deri në vitin 2015 në qytetin e mbyllur Ozerni, në rajonin Tver, i cili, ashtu si Gorni, lidhet me Forcat Raketore Strategjike të Rusisë.

    Një tjetër diplomat i dëbuar vazhdon të jetë në Serbi

    Krasii nuk është i vetmi diplomat rus që, pas dëbimit nga një vend i BE-së, përfundoi në një mision diplomatik në Serbi.

    Qindra diplomatë rusë u dëbuan nga shtetet anëtare të BE-së ose u futën në listën e zezë në muajt pas pushtimit rus të Ukrainës në vitin 2022.

    REL konstatoi se të paktën tre prej këtyre diplomatëve u bënë përfaqësues të akredituar të Rusisë në Serbi, përfshirë dy që kishin lidhje me shërbimet ruse të inteligjencës.

    Diplomatët rusë nuk u dëbuan nga Serbia në vitin 2022, sepse, ndryshe nga shumica e vendeve evropiane, Serbia nuk vendosi sanksione ndaj Moskës dhe vazhdon të mbajë marrëdhënie të ngushta me Rusinë.

    Mes të tjerëve, Alexey Ivanenko u shfaq në listën diplomatike të Serbisë pasi u dëbua nga Kroacia në vitin 2022.

    Bazat e të dhënave të rrjedhura të qeverisë ruse tregojnë se Ivanenko punonte si “inxhinier” në njësinë ushtarake 71330, një emërtim tjetër për Qendrën 16 të FSB-së ruse.

    Ivanenko figuron ende në listën e fundit diplomatike të Serbisë, të publikuar në shtator.

    Autoritetet serbe nuk iu përgjigjën hulumtimit të REL-it në vitin 2023.

    “Qendër e aktiviteteve të inteligjencës ruse”

    Diplomati i dikurshëm Nikolla Lluniq i tha REL-it se fakti që “diplomatët e dëbuar” gjetën një bazë në Serbi ngre dyshime se Beogradi është një “qendër e aktiviteteve të inteligjencës ruse”.

    “Serbia ka krijuar një mjedis ku Rusia mund të ruajë kapacitetet diplomatike që po i humb në disa pjesë të Bashkimit Evropian. Në këtë mënyrë, kapacitetet diplomatike të Rusisë po rriten, gjë që, si rregull, shoqërohet me rritjen e aftësive të saj të inteligjencës”, tha ai.

    Hulumtimi i REL-it i vitit 2023 tregoi se numri i diplomatëve rusë u rrit nga viti 2022 në vitin 2023, në një kohë kur vendet e BE-së po dëbonin diplomatë rusë për shkak të pushtimit të Ukrainës.

    Megjithatë, numri i diplomatëve rusë është edhe më i lartë tani.

    Lista diplomatike e shtatorit të vitit 2026 përmban 79 diplomatë rusë, krahasuar me 62 në vitin 2023./REL

     

    Burimi: Dukagjini

  • Ekskluzive | Armë, para, ari e “Gucci” zhduken nga një shtëpi në Ferizaj – hajnat e demoluan komplet objektin

    Ekskluzive | Armë, para, ari e “Gucci” zhduken nga një shtëpi në Ferizaj – hajnat e demoluan komplet objektin

    Ekskluzive | Armë, para, ari e “Gucci” zhduken nga një shtëpi në Ferizaj – hajnat e demoluan komplet objektin

    Një vjedhje e rëndë është raportuar mbrëmjen e 11 tetorit në rrugën “11 Marsi” në Ferizaj, ku nga një shtëpi janë marrë armë, para, stoli ari dhe sende të tjera me vlerë.

    Burimet e Sinjalit bëjnë me dije se pronari, B. B, është kthyer në shtëpi rreth orës 19:40, kur fillimisht ka vërejtur disa drita të dëmtuara, ndërsa më pas ka konstatuar se shtëpia ishte demoluar pothuajse në tërësi.

    Sipas deklarimit të tij, nga shtëpia janë vjedhur dy armë zjarri me leje, të cilat i përkisnin prindit të tij: një pushkë gjuetie me 20 fishekë, me vlerë rreth 1,800 euro, si dhe një pistoletë Beretta me 50 fishekë, me vlerë rreth 1,200 euro.

    Po ashtu, sipas ankuesit, janë marrë edhe rreth 2 mijë euro para të gatshme, 1 mijë denarë maqedonas, stoli ari me vlerë rreth 2,200 euro, një çantë Gucci me vlerë rreth 350 euro dhe dy ora dore me vlerë mbi 200 euro.

    Pronari ka deklaruar se shtëpinë e kishte mbyllur një ditë më parë, më 10 tetor rreth orës 18:00.

    Sipas informatave të rastit, ai ka shprehur dyshime ndaj disa punëtorëve që prej më shumë se dy javësh po kryenin punime për montimin e një lifti në shtëpi, pasi sipas tij kishin pasur qasje të vazhdueshme në objekt.

    Në vendin e ngjarjes kanë dalë njësitë e hetimeve dhe Forenzika, ndërsa janë evidentuar edhe kamera të sigurisë që pritet të ndihmojnë në hetime.

    Pas konsultimit me Prokurorin e Shtetit, rasti është iniciuar si “Vjedhje e rëndë” dhe hetimet po vazhdojnë.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post Ekskluzive | Armë, para, ari e “Gucci” zhduken nga një shtëpi në Ferizaj – hajnat e demoluan komplet objektin appeared first on Sinjali.

    Burimi: Sinjali

  • Malaj për rastet e rënda në Gjilan: Po jetojmë në një kohë shumë të vështirë... (VIDEO)

    Malaj për rastet e rënda në Gjilan: Po jetojmë në një kohë shumë të vështirë… (VIDEO)

    Malaj për rastet e rënda në Gjilan: Po jetojmë në një kohë shumë të vështirë... (VIDEO)

    Pedagogia Nora Malaj ka komentuar tri vrasjet e ndodhura në rajonin e Gjilanit gjatë tri ditëve të fundit, duke i cilësuar ngjarjet si tepër të rënda dhe duke ngritur shqetësimin për mënyrën e menaxhimit të emocioneve dhe konflikteve brenda familjes.

    Në emisionin “Ora Shtatë” në Klan Kosova, Malaj ka folur për faktorët që, sipas saj, ndikojnë në përshkallëzimin e situatave të caktuara, duke përmendur inatin, pasionin dhe vështirësitë në kontrollin e emocioneve, transmeton Klankosova.tv.

    “Ngjarja është shumë e rëndë. Janë ngjarje që duken si seria për të kuptuar se çfarë po ndodhë me familjen dhe cila është mënyra se si menaxhohen emocionet në situata të caktuara, apo inati, apo pasioni”, është shprehur Malaj.

    Ajo ka theksuar se në raste të tilla, emocionet mund të tejkalojnë arsyetimin, duke krijuar situata që mund të përfundojnë me pasoja të rënda.

    “Dhe të gjitha këto krijojnë ato që quhen vepra pasioni, ku dalin përtej rrafshit të të menduarit”, ka thënë ajo.

    Malaj ka vlerësuar se shoqëria po përballet me një periudhë të vështirë, ndërsa ka theksuar rëndësinë e përpjekjeve për të ruajtur lidhjet familjare dhe për të menaxhuar sfidat brenda dhe jashtë familjes.

    “Duhet të kuptojmë që po jetojmë në një kohë shumë të vështirë, në një kohë të vështirë ku të mbash familjen të lidhur, do të thotë që duhet të bësh një punë të jashtëzakonshme si brenda familjes ashtu edhe jashtë saj”, ka deklaruar Malaj në Klan Kosova.

  • “Te ne zgjat tri ditë”, Krasniqi: Refuzojmë ta njohim traumën (VIDEO)

    “Te ne zgjat tri ditë”, Krasniqi: Refuzojmë ta njohim traumën (VIDEO)

    “Te ne zgjat tri ditë”, Krasniqi: Refuzojmë ta njohim traumën (VIDEO)

    Vrasjet e fundit në Gjilan kanë rikthyer vëmendjen te pasojat psikologjike të humbjeve të rënda dhe mungesa e trajtimit të traumave në shoqëri.

    Të premten, në Gjilan u vranë motër e vëlla, ndërsa mbrëmjen e së kaluarës u raportua edhe një vrasje tjetër, ku dyshohet se babai vrau djalin e tij.

    Siç u raportua, i dyshuari kishte humbur edhe një djalë tjetër para dy vitesh, në një aksident trafiku.

    Lidhur me këto ngjarje ka folur gazetari Vullnet Krasniqi në emisionin “Ora 7”, duke deklaruar se në Kosovë mungon kujdesi i vazhdueshëm psikologjik për familjet që përjetojnë humbje të rënda. 

    “Çka nuk ndodh te na, por që ndodh nëpër vendet e botës, është që ekziston një kujdes social-psikologjik që kujdeset për këto familje, se si po e përballojnë atë humbje të madhe që e kanë. Te na flasim tri ditë për një aksident, kryhet pamja dhe aty përfundon procesi ynë. Dhe është një mekanizëm i tillë se si ne do t’i trajtonim këto trauma, sepse ne nuk i njohim. Problemi ynë më i madh është se ne refuzojmë ta njohim traumën si diçka që na atakon neve dhe që ndikon shumë tek ne”, u shpreh Krasniqi. /Klankosova.tv

  • Ekskluzive | Sherr për parkingun te “Abi Center” – burri dyshohet se iu vërsul dhe e kërcënoi policin edhe pasi u prezantua si zyrtar

    Ekskluzive | Sherr për parkingun te “Abi Center” – burri dyshohet se iu vërsul dhe e kërcënoi policin edhe pasi u prezantua si zyrtar

    Ekskluzive | Sherr për parkingun te “Abi Center” – burri dyshohet se iu vërsul dhe e kërcënoi policin edhe pasi u prezantua si zyrtar

    Një mosmarrëveshje për parking në hapësirën e “Abi Center” në Prizren ka përfunduar me kanosje ndaj një zyrtari policor.

    Burimet e Sinjalit bëjnë me dije se më 11 tetor, rreth orës 19:50, Policia është njoftuar për incidentin në rrugën “Rifat Ukimeri”.

    Sipas informatave fillestare, në rast ishte i përfshirë një zyrtar policor, i cili ka raportuar se pas një mosmarrëveshjeje lidhur me parkimin e automjetit është kanosur nga një person.

    Siç mëson Sinjali, Policia ka siguruar edhe video-incizimet nga vendi i ngjarjes, ku sipas të dhënave të rastit shihet i dyshuari duke dalë nga vetura dhe duke iu vërsulur automjetit privat të policit, duke e kanosur dhe ofenduar.

    Sipas deklarimit të zyrtarit policor, kanosja ka vazhduar edhe pasi ai është prezantuar se është pjesëtar i Policisë.

    I dyshuari, Shpend Thaqi, është kontaktuar nga patrulla policore dhe është ftuar të paraqitet në stacion për intervistim, ku është paraqitur pak më vonë.

    Pas konsultimit me Prokurorin e Shtetit, rasti është iniciuar si “Kanosje”, ndërsa procedura vazhdon në mënyrë të rregullt.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post Ekskluzive | Sherr për parkingun te “Abi Center” – burri dyshohet se iu vërsul dhe e kërcënoi policin edhe pasi u prezantua si zyrtar appeared first on Sinjali.

    Burimi: Sinjali

  • Ekskluzive | Detaje të reja nga vrasja në Pogragjë – babai dyshohet se vrau djalin 29-vjeçar në dhomën e ndejes, në shtëpi gjenden armë e municion

    Detaje të reja janë siguruar për vrasjen e rëndë që ndodhi mbrëmjen e 11 tetorit në fshatin Pogragjë të Gjilanit, ku një 29-vjeçar mbeti i vrarë brenda shtëpisë së tij.

    Burimet e Sinjalit bëjnë me dije se rreth orës 19:30, Policia është njoftuar për të shtëna me armë zjarri. Patrulla policore dhe ekipi mjekësor kanë dalë në vendin e ngjarjes, ku është konstatuar vdekja e Bajram Arifit rreth 29 vjeç.

    Sipas dyshimeve fillestare, viktima është qëlluar në njërën prej dhomave të ndejës, ndërsa për vrasjen dyshohet babai i tij, Remzi Arifi, i cili pas ngjarjes është larguar nga shtëpia me veturën e tij.

    Në vendin e ngjarjes kanë dalë njësitë e hetimeve, Krim-teknika dhe Prokurori i Shtetit, ndërsa trupi i viktimës është dërguar për obduksion.

    Gjatë ekzaminimit të shtëpisë janë gjetur dhe konfiskuar disa armë dhe municion, përfshirë:

    • një pushkë Crvena Zastava M48
    • një pushkë gjuetie Shotgun, kalibër 12 GA
    • një pistoletë, kalibri i së cilës ende nuk është përcaktuar
    • 58 fishekë të kalibrit 12 GA
    • 10 fishekë të kalibrit 16 GA
    • 4 gëzhoja të kalibrit 12 GA

    Të gjitha janë sekuestruar dhe pritet të përdoren si prova materiale gjatë procedurës së mëtejme.

    Pas ngjarjes, Policia ka aktivizuar “Unazën e Çeliktë” dhe ka angazhuar patrulla e njësi të tjera në kërkim të të dyshuarit.

    Deri në momentin e raportimit, Remzi Arifi ende ndodhet në arrati.

    Rasti po hetohet për “Vrasje të rëndë” dhe “Mbajtje në pronësi, kontroll ose posedim të paautorizuar të armëve”.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post Ekskluzive | Detaje të reja nga vrasja në Pogragjë – babai dyshohet se vrau djalin 29-vjeçar në dhomën e ndejes, në shtëpi gjenden armë e municion appeared first on Sinjali.

    Burimi: Sinjali

  • Bebe Rexha marton vëllanë me tradita shqiptare, pamje nga dasma (VIDEO)

    Bebe Rexha marton vëllanë me tradita shqiptare, pamje nga dasma (VIDEO)

    Bebe Rexha marton vëllanë me tradita shqiptare, pamje nga dasma (VIDEO)

    Këngëtarja e njohur shqiptare, Yllka Kuqi, ka qenë pjesë e dasmës së vëllait të këngëtares me famë ndërkombëtare, Bebe Rexha, ku ka kënduar për të pranishmit dhe ka krijuar atmosferë festive me muzikën e saj.

    Nga ceremonia janë publikuar edhe pamje, ku shihet atmosfera e gëzueshme dhe momentet e veçanta të festës familjare, transmeton Klankosova.tv.

    Por, vëmendje të veçantë ka marrë edhe vetë Bebe Rexha, e cila nuk ka qëndruar vetëm si e ftuar në dasmën e vëllait të saj. Këngëtarja i është bashkuar festës edhe me këngë, duke sjellë një moment të veçantë për të pranishmit.

    Dasma është shoqëruar me muzikë dhe tradita shqiptare, ndërsa pamjet e publikuara kanë tërhequr interesimin e publikut dhe të ndjekësve të artisteve.

  • Sulmet ruse lënë Ukrainën pa energji, pavarësisht ''armëpushimit'' të Trumpit

    Sulmet ruse lënë Ukrainën pa energji, pavarësisht ”armëpushimit” të Trumpit

    Sulmet ruse lënë Ukrainën pa energji, pavarësisht ''armëpushimit'' të Trumpit

    Ndërprerje të energjisë elektrike janë raportuar gjatë natës në Ukrainë, pas sulmeve ruse në lindje të vendit, pavarësisht njoftimit të presidentit amerikan, Donald Trump, për atë që ai e cilësoi si armëpushim energjetik.

    Presidenti ukrainas, Volodymyr Zelensky, fillimisht shprehu habi për njoftimin e bërë të dielën, por më pas deklaroi se Kievi do ta mbështeste marrëveshjen, nëse edhe Moska do të vepronte në të njëjtën mënyrë.

    Deri më tani, Rusia nuk ka dhënë një reagim zyrtar lidhur me këtë nismë.

    Sipas BBC-së, njoftimi i Trumpit pasqyron një praktikë të përsëritur të tij: Shpalljen e një marrëveshjeje përpara se të jetë e qartë nëse ajo është përfunduar dhe konfirmuar nga të gjitha palët.

    Ndërkohë, Trump i ka bërë thirrje Ukrainës të ndalojë sulmet ndaj infrastrukturës ruse të naftës, në mënyrë që Moska të mund të përmbushë një marrëveshje të arritur së fundmi për furnizimin me naftë dizel të Shteteve të Bashkuara dhe tregut global.

    Sulmet ndaj infrastrukturës energjetike ukrainase janë intensifikuar gjatë dimrave të njëpasnjëshëm që nga viti 2022, kur presidenti rus, Vladimir Putin, nisi pushtimin në shkallë të plotë të Ukrainës.

    Ndërprerjet e fundit të energjisë ngrenë pikëpyetje mbi zbatimin e mundshëm të armëpushimit energjetik, ndërsa mbetet e paqartë nëse Rusia do t’i përgjigjet nismës së propozuar nga presidenti amerikan.