Blog

  • Pas suksesit me Elvanën, Alimani paralajmëron tjera bashkëpunime dhe zbulon emrin e artistes (VIDEO)

    Pas suksesit me Elvanën, Alimani paralajmëron tjera bashkëpunime dhe zbulon emrin e artistes (VIDEO)

    Pas suksesit me Elvanën, Alimani paralajmëron tjera bashkëpunime dhe zbulon emrin e artistes (VIDEO)

    I ftauri i parë te emisioni Shija e Anës sot ishte këngëtari nga Maqedonia, talenti më i ri i estradës, Rilind Alimani.

    Gjatë verës, ai kishte hitin e tij “Po du” ku mysafire në këngë zgjodhi këngëtaren shumë të pëlqyer Elvana Gjata.

    Pas këtij suksesi, ai po planifikon një tjetër projekt, me një këngëtare tjetër të njohur të estradës.

    Alimani gjatë emisionit e zbulon emrin e artistes.

    Për ta kuptuar se kush është ajo, si dhe për ta mësuar super recetën e shpagetave, klikoni në linkun më poshtë:

  • Debatik Curri nuk është më trajner i SC Gjilanit

    Debatik Curri nuk është më trajner i SC Gjilanit

    Debatik Curri nuk është më trajner i SC Gjilanit

    Sport Club Gjilani ka njoftuar për përfundimin e bashkëpunimit me kryetrajnerin Debatik Curri.

    Lajmi është bërë i ditur përmes një njoftimi zyrtar të klubit, i cili ka falënderuar Currin për angazhimin dhe kontributin e dhënë gjatë periudhës sa ishte në krye të skuadrës.

    “Pas përmbylljes së këtij bashkëpunimi, klubi shpreh vlerësimin për angazhimin dhe kontributin e trajnerit Curri gjatë periudhës në krye të skuadrës, duke i dëshiruar suksese të mëtejshme në karrierën e tij profesionale”, thuhet në njoftimin e SC Gjilanit transmeton Klankosova.tv.

    Klubi gjilanas ka theksuar se ndarja po bëhet në frymën e respektit të ndërsjellë dhe të raporteve profesionale.

    “Sport Club Gjilani e konsideron të rëndësishme ruajtjen e raporteve korrekte dhe profesionale, duke e mbyllur këtë kapitull me respekt të ndërsjellë dhe mirënjohje për bashkëpunimin e deritanishëm”, thuhet më tej në komunikatë.

    Ndërkohë, klubi ka bërë të ditur se për zhvillimet e ardhshme lidhur me organizimin e shtabit teknik do ta informojë opinionin publik me kohë, përmes kanaleve zyrtare të komunikimit.

  • Arrestohet në New York shqiptari i kërkuar për tri vrasje

    Arrestohet në New York shqiptari i kërkuar për tri vrasje

    Arrestohet në New York shqiptari i kërkuar për tri vrasje

    Një 52-vjeçar shqiptar, i kërkuar ndërkombëtarisht që nga viti 2001 për tri vrasje në qarkun e Shkodrës, është arrestuar në New York të Shteteve të Bashkuara të Amerikës.

    Policia e Shtetit ka njoftuar se i arrestuari është Valentin Ftoni, i cili u lokalizua dhe u kap pas një operacioni të koordinuar mes autoriteteve shqiptare dhe tri agjencive federale amerikane.

    Sipas autoriteteve, dyshohet se pas largimit nga Shqipëria, Ftoni ka përdorur dokumente të falsifikuara dhe identitete të rreme për të hyrë dhe qëndruar në mënyrë të paligjshme në SHBA.

    Sipas dosjes gjyqësore, më 19 shtator 2000, në Ças të Velipojës, ai ka vrarë dy shtetas, Gj. M. dhe A. M., për motive gjakmarrjeje. Për këtë rast, më 28 shtator 2001, Gjykata e Rrethit Gjyqësor Shkodër e dënoi me 25 vjet burgim për vrasje me paramendim, të kryer në bashkëpunim, si dhe për veprat që lidhen me armët dhe municionin.

    Më pas, më 18 nëntor 2008, e njëjta gjykatë e dënoi sërish me 25 vjet burgim për vrasjen me paramendim të shtetasit G. T., të kryer më 12 gusht 2001, si dhe për veprën penale që lidhet me mbajtjen pa leje të armëve dhe municionit.

    Policia e Shtetit ka bërë të ditur se po vijon bashkëpunimin me agjencitë ligjzbatuese amerikane për përfundimin e procedurave të ekstradimit të 52-vjeçarit në Shqipëri, ku duhet të vuajë dënimet e shqiptuara nga drejtësia shqiptare.

    Sinjali – aty ku e vërteta flet para lajmit!

    /GazetaSinjali/

    The post Arrestohet në New York shqiptari i kërkuar për tri vrasje appeared first on Sinjali.

    Burimi: Sinjali

  • Rama dënon sulmet e Huthëve ndaj Arabisë Saudite: Autorët dhe mbështetësit e tyre të mbajnë përgjegjësi

    Rama dënon sulmet e Huthëve ndaj Arabisë Saudite: Autorët dhe mbështetësit e tyre të mbajnë përgjegjësi

    Rama dënon sulmet e Huthëve ndaj Arabisë Saudite: Autorët dhe mbështetësit e tyre të mbajnë përgjegjësi

    Kryeministri i Shqipërisë, Edi Rama, ka dënuar sulmet e grupit Huthi ndaj Arabisë Saudite, përfshirë sulmin vdekjeprurës ndaj Aeroportit Ndërkombëtar në Riad.

    Në një reagim të publikuar të dielën në rrjetin social X, Rama ka shprehur solidaritetin e Shqipërisë me Mbretërinë Saudite dhe popullin e saj, duke kërkuar ndalimin e menjëhershëm të sulmeve.

    Ai ka kërkuar gjithashtu që autorët dhe mbështetësit e tyre në Teheran të mbajnë përgjegjësi për këto akte.

    “Nuk mund të ketë asnjë justifikim për sulmet ndaj civilëve dhe infrastrukturës civile. Këto akte kërcënojnë paqen rajonale dhe sigurinë e rrugëve jetike të transportit ndërkombëtar”, ka shkruar Rama.

    Kreu i qeverisë shqiptare ka theksuar se bashkësia ndërkombëtare duhet të reagojë me një qëndrim të përbashkët dhe të qartë, duke kërkuar që sulmet të ndalen menjëherë.

    Sinjali – aty ku e vërteta flet para lajmit!

    /GazetaSinjali/

    The post Rama dënon sulmet e Huthëve ndaj Arabisë Saudite: Autorët dhe mbështetësit e tyre të mbajnë përgjegjësi appeared first on Sinjali.

    Burimi: Sinjali

  • Një burrë vdes pasi hyn në kafazin e tigrave në një park në Britani

    Një burrë ka humbur jetën pasi hyri në hapësirën e mbyllur të tigrave në Parkun e Kafshëve të Egra në Yorkshire të Mbretërisë së Bashkuar.

    Sipas policisë së South Yorkshire, ngjarja ndodhi të shtunën, më 10 tetor. Ekipet emergjente mbërritën në vendngjarje, por burri ndërroi jetë nga lëndimet e rënda, pavarësisht përpjekjeve të personelit mjekësor.

    Policia bëri të ditur se tigri nuk u lëndua gjatë incidentit. Ndërkohë, familja e viktimës është njoftuar për ngjarjen dhe po merr mbështetjen e zyrtarëve të specializuar.

    Autoritetet u kanë bërë thirrje qytetarëve që të mos shpërndajnë pamjet e rënda të incidentit që po qarkullojnë në internet.

    Sinjali – aty ku e vërteta flet para lajmit!

    /GazetaSinjali/

    The post Një burrë vdes pasi hyn në kafazin e tigrave në një park në Britani appeared first on Sinjali.

    Burimi: Sinjali

  • Privoi nga jeta tre persona, kapet shqiptari në New York

    Privoi nga jeta tre persona, kapet shqiptari në New York

    Privoi nga jeta tre persona, kapet shqiptari në New York

    Një 52-vjeçar shqiptar, i shpallur në kërkim ndërkombëtar prej vitit 2001 dhe i dënuar dy herë me nga 25 vite burgim për tri vrasje në qarkun e Shkodrës, është arrestuar në New York të Shteteve të Bashkuara të Amerikës.

    Policia e Shtetit ka njoftuar se bëhet fjalë për Valentin Ftonin, i cili u lokalizua dhe u kap pas një operacioni të koordinuar mes autoriteteve shqiptare dhe tri agjencive federale amerikane.

    Autoritetet dyshojnë se, pas largimit nga Shqipëria, ai ka përdorur dokumente të falsifikuara dhe disa identitete të rreme për të hyrë dhe qëndruar në mënyrë të paligjshme në territorin amerikan.

    Sipas dosjes gjyqësore, më 19 shtator 2000, në Ças të Velipojës, Ftoni ka vrarë shtetasit Gj. M. dhe A. M., për motive gjakmarrjeje. Për këtë ngjarje, më 28 shtator 2001, Gjykata e Rrethit Gjyqësor Shkodër e ka dënuar me 25 vite burgim për veprat penale “Vrasja me paramendim”, kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe municionit”.

    Ndërsa më 18 nëntor 2008, e njëjta gjykatë e ka dënuar sërish me 25 vite burgim për vrasjen me paramendim dhe mbajtjen pa leje të armëve dhe municionit, pasi më 12 gusht 2001 ka vrarë shtetasin G. T.

    Policia e Shtetit njofton se po vijon bashkëpunimin me agjencitë ligjzbatuese amerikane për përfundimin e procedurave të ekstradimit të 52-vjeçarit drejt Shqipërisë, ku ai duhet të vuajë dënimet e dhëna nga drejtësia shqiptare.

  • Humbja ndaj Vushtrrisë i kushton me postin e trajnerit, Gjilani ndan rrugët me Debatik Currin

    Humbja ndaj Vushtrrisë i kushton me postin e trajnerit, Gjilani ndan rrugët me Debatik Currin

    Humbja ndaj Vushtrrisë i kushton me postin e trajnerit, Gjilani ndan rrugët me Debatik Currin

    Debatik Curri nuk do të jetë më trajner i Gjilanit, pasi klubi ka vendosur ta ndërpresë bashkëpunimin me të.

    Vendimi vjen pas humbjes 1-0 ndaj Vushtrrisë, rezultat që duket se ishte vendimtar për të ardhmen e Currit në krye të skuadrës gjilanase. Ecuria në pesë ndeshjet e fundit nuk ishte në nivelin e pritur.

    Lajmin e ka bërë të ditur vetë klubi përmes një njoftimi në faqen zyrtare në Facebook, ku ka konfirmuar përfundimin e bashkëpunimit me trajnerin.

    “Sport Club Gjilani njofton opinionin publik, tifozët dhe mediat se ka mbyllur bashkëpunimin me kryetrajnerin Debatik Curri”, thuhet në njoftimin e klubit.

    Gjilani ka falënderuar Currin për angazhimin dhe kontributin e dhënë gjatë kohës sa ishte në krye të skuadrës, duke i uruar suksese në vazhdim të karrierës profesionale.

    Klubi ka bërë të ditur se për zhvillimet e ardhshme lidhur me organizimin e shtabit teknik do ta informojë publikun përmes kanaleve zyrtare.

    Pas përfundimit të këtij bashkëpunimi, Gjilani renditet në vendin e gjashtë në Superligën e Kosovës, me 11 pikë të grumbulluara.

    Sinjali – aty ku e vërteta flet para lajmit!

    /GazetaSinjali/

    The post Humbja ndaj Vushtrrisë i kushton me postin e trajnerit, Gjilani ndan rrugët me Debatik Currin appeared first on Sinjali.

    Burimi: Sinjali

  • Shqipëria krah Arabisë Saudite, Rama: Bashkësia ndërkombëtare të flasë me një zë

    Shqipëria krah Arabisë Saudite, Rama: Bashkësia ndërkombëtare të flasë me një zë

    Shqipëria krah Arabisë Saudite, Rama: Bashkësia ndërkombëtare të flasë me një zë

    Kryeministri i Shqipërisë, Edi Rama ka dënuar sulmet e grupit Huthi ndaj Arabisë Saudite, përfshirë sulmin vdekjeprurës ndaj Aeroportit Ndërkombëtar në Riad.

    Në një reagim të publikuar këtë të diel në rrjetin social X, Rama shpreh solidaritetin e Shqipërisë me Mbretërinë Saudite dhe popullin e saj.

    Ai ka kërkuar ndalimin e menjëhershëm të sulmeve dhe vënien para përgjegjësisë të autorëve dhe mbështetësve të tyre në Teheran.

    “Nuk mund të ketë asnjë justifikim për sulmet ndaj civilëve dhe infrastrukturës civile. Këto akte kërcënojnë paqen rajonale dhe sigurinë e rrugëve jetike të transportit ndërkombëtar. Huthët dhe sponsorët e tyre të mirënjohur të terrorit në Teheran duhet të mbajnë përgjegjësi. Bashkësia ndërkombëtare duhet të flasë me një zë të vetëm dhe të qartë: këto sulme duhet të ndalen menjëherë.”, ka shkruar Rama. /Klankosova.tv

  • Incidenti me futbollistin e Villarealit, Viniciusit i vihet në pikëpyetje "El Clasico"

    Incidenti me futbollistin e Villarealit, Viniciusit i vihet në pikëpyetje “El Clasico”

    Incidenti me futbollistin e Villarealit, Viniciusit i vihet në pikëpyetje "El Clasico"

    Real Madridi mund të përballet me një mungesë të rëndësishme në ndeshjet e ardhshme, pasi Vinicius Jr rrezikon të pezullohet pas kartonit të kuq të marrë në takimin e mbrëmshëm.

    Sulmuesi brazilian u ndëshkua me të kuq pas një incidenti me kundërshtarin Nathan Saliba. Gjatë një aksioni ku Vinicius arriti të shënonte gol, ai dyshohet se ia tërhoqi flokët lojtarit kundërshtar. Pas rishikimit të pamjeve nga sistemi VAR, goli u anulua, ndërsa futbollisti i Real Madridit u përjashtua nga loja.

    Vendimi shkaktoi reagimin e ashpër të brazilianit, i cili protestoi ndaj gjyqtarit pas ndëshkimit.

    Sipas nenit 130 të Kodit Disiplinor të futbollit spanjoll, sjellja e dhunshme gjatë lojës, në rastet kur nuk shkakton pasoja dëmtuese apo lëndime, mund të dënohet me pezullim nga një deri në tri ndeshje ose me një muaj pezullim.

    Megjithatë, nëse veprimi vlerësohet se ka ndodhur jashtë aksionit të lojës, kur futbollisti nuk ka mundësi të luajë topin ose kur loja është e ndalur, parashikohet pezullim nga dy deri në tri ndeshje.

    Klasifikimi përfundimtar i incidentit nga organet disiplinore do të jetë vendimtar për përcaktimin e masës së dënimit ndaj Viniciusit.

    Për Real Madridin, shqetësimi kryesor lidhet me mundësinë që braziliani të mos jetë i gatshëm për përballjen e shumëpritur ndaj Barcelonës në “El Clasico”. Kjo do të varet nga kohëzgjatja e pezullimit dhe nëse ai do të përfshijë edhe duelin ndaj rivalit të përbetuar.

    Deri në marrjen e vendimit përfundimtar, mbetet e paqartë se sa ndeshje do të mungojë sulmuesi brazilian.

  • “Sarajevo Saga” e Çapalikut, e përkthyer nga Konushevci, promovohet në Londër

    “Sarajevo Saga” e Çapalikut, e përkthyer nga Konushevci, promovohet në Londër

    Romani “Sarajevo Saga” i shkrimtarit Stefan Çapaliku do të promovohet në dy aktivitete letrare në Londër, më 13 dhe 14 tetor, pas botimit në anglisht nga shtëpia botuese Istros Books dhe e përkthyer nga Vlora Konushevci.

    Aktiviteti i parë do të mbahet të martën, më 13 tetor, në EBRD Knowledge Hub, kurse i dyti është planifikuar për të mërkurën, më 14 tetor, në Ambasadën e Shqipërisë në Londër.

    Botimi anglisht i romanit ka marrë vëmendjen e kritikës letrare britanike. Në një recension të botuar në “European Literature Network”, në rubrikën RivetingReviews, kritikja Morelle Smith vlerëson aftësinë e Çapalikut për të ndërtuar atmosferë dhe tension, duke e cilësuar veprën si një histori rrëmbyese.

    Recensioni vë në pah ndërtimin e romanit nëpërmjet dy periudhave kohore, duke ndërthurur kërkimin e shkrimtarit Lekë Cukali për gjurmët e familjes së tij në Sarajevë me historinë e të afërmve që u larguan nga Shkodra në fund të Luftës së Parë Botërore. Përmes kësaj historie, Çapaliku trajton kujtesën familjare, identitetin dhe përkatësinë, si dhe lidhjen në mes të kaluarës dhe të tashmes.

    Romani “Sarajevo Saga”, është përzgjedhur nga libraria e pavarur londineze John Sandoe Books si një nga titujt kryesorë të letërsisë artistike për sezonin e vjeshtës dhe Krishtlindjeve 2026. Ndërkohë, përkthimi i veprës në anglisht është përzgjedhur për mbështetje nga Fondi i Përkthimit Letrar “Fjala shqipe në gjuhë të huaj” 2026, i Qendrës Kombëtare të Librit dhe Leximit në Shqipëri.

    “Sarajevo Saga” është përzgjedhur dhe nominuar nga Istros Books për çmimin “The Queen Mary Small Press Fiction Prize 2027”.

    Burimi: RTKLive