Blog

  • Trump njofton marrëveshje për naftën ruse

    Trump njofton marrëveshje për naftën ruse

    Presidenti amerikan, Donald Trump, tha se ka arritur marrëveshje me presidentin rus, Vladimir Putin, për lirimin e menjëhershëm të 300 mijë tonëve naftë dizel në tregun global. Sipas tij, 500 mijë tonë të tjerë do të lirohen në nëntor, ndërsa më pas edhe një milion tonë.

    Trump pretendoi se marrëveshja do të ulë shpejt çmimet e naftës dizel në SHBA dhe në tregjet botërore.

    Ndërkaq, presidenti ukrainas, Volodymyr Zelensky, kundërshtoi çdo lehtësim të sanksioneve ndaj Rusisë, duke paralajmëruar se një veprim i tillë do t’i shkonte në favor Moskës dhe do ta zgjaste luftën.

    Çmimi mesatar i naftës dizel në SHBA aktualisht është 6,28 dollarë për gallon, pas rekordit prej 6,53 dollarësh në fund të shtatorit. Sipas raportimit, çmimet janë dyfishuar që nga fillimi i luftës me Iranin në shkurt, raporton BBC.

     

    Burimi: RTKLive

  • Hasani: Bashkësia Evropiane po luan me kartën e problemeve të brendshme të Kosovës (VIDEO)

    Hasani: Bashkësia Evropiane po luan me kartën e problemeve të brendshme të Kosovës (VIDEO)

    Hasani: Bashkësia Evropiane po luan me kartën e problemeve të brendshme të Kosovës (VIDEO)

    Ish-kryetari i Gjykatës Kushtetuese të Kosovës, Enver Hasani, ka kritikuar Bashkimin Evropian për qasjen ndaj Kosovës, duke vlerësuar se po i shfrytëzon problemet e saj të brendshme.

    Në emisionin Rubikon në Klan Kosova, Hasani ka deklaruar se mospranimi i Kosovës në Këshillin e Evropës është bërë qëllimshëm, para shpalljes së aktgjykimit nga Gjykata Speciale.

    “Hiq pa e ditë vendimin final të Gjykatës Speciale [për krerët e UÇK-së], është ditë që mospranimi i Kosovës në Këshillin e Evropës është bërë qëllimshëm”, ka thënë Hasani.

    Ai ka paralajmëruar se Kosova mund të përballet me kërkesa të reja nga Bashkimi Evropian edhe nëse i zbaton marrëveshjet e arritura, duke përfshirë Marrëveshjen e Ohrit.

    “Ti do ta implementosh Marrëveshjen e Ohrit pikë për pikë qysh e ke pranu, se s’ke nga ikë dhe nuk do të thotë kush faleminderit. Dhe rreziku është që prapë nuk pranohesh as pas kësaj, se mandej ndërrohen kriteret”, ka deklaruar ai.

    Sipas Hasanit, Bashkimi Evropian po i vendos si kushte çështjet e brendshme të Kosovës, ndonëse, sipas tij, zgjidhja e tyre nuk është e mundur në rrethanat aktuale.

    “Bashkësia Evropiane po luan me kartën e problemeve të brendshme të Kosovës. Shumë lehtë është kur prishen dy vllazni, i treti prej fshati tjetër me ardhë me i nxitë ata më shumë. Pra po i aktivizon dinamikat e brendshme si Marrëveshjen e Ohrit dhe plot probleme tjera të cilat po i vë si kushte duke e ditë që ato nuk bëhen tash”, ka theksuar Hasani. /Klankosova.tv

  • Ngjarja e rëndë në Gjilan: Prokuroria jep detaje

    Ngjarja e rëndë në Gjilan: Prokuroria jep detaje

    Ngjarja e rëndë në Gjilan: Prokuroria jep detaje

    Prokuroria Themelore në Gjilan ka dhënë detaje lidhur me vrasjen e dyfishtë dhe plagosjen e rëndë që ndodhi të premten në fshatin Livoç i Poshtëm të Gjilanit.

    Sipas komunikatës së Prokurorisë, dyshohet se një 38-vjeçar nga Gjilani, me inicialet V.R., për motive ende të panjohura, me armë zjarri ka privuar nga jeta bashkëshorten e tij, N.B., 27 vjeçe, dhe vëllain e saj, E.B., 31 vjeç.

    Po ashtu, i dyshuari dyshohet se ka plagosur rëndë djalin e xhaxhait të bashkëshortes së tij, M.B., 48 vjeç, i cili po trajtohet në Qendrën Klinike Universitare të Kosovës (QKUK), për shkak të plagëve të marra.

    Rasti është raportuar në Polici më 9 tetor 2026, rreth orës 14:30.

    Prokuroria ka bërë të ditur se në vendin e ngjarjes kanë dalë ekipet përkatëse policore dhe prokurori i shtetit, ndërsa janë ndërmarrë veprimet e nevojshme hetimore për zbardhjen e rastit.

    Gjatë ekzaminimit të vendit të ngjarjes është sekuestruar një pistoletë e markës “Beretta”, me leje të skaduar, me të cilën dyshohet se është kryer vepra penale. Gjithashtu, janë sekuestruar prova të tjera materiale.

    Sipas Prokurorisë, janë kryer kontrolle edhe në tri lokacione që lidhen me pronat e të dyshuarit, ku janë sekuestruar prova të tjera materiale.

    Në komunikatë theksohet se i dyshuari nuk ka të kaluar kriminale dhe se ndaj tij nuk ka pasur raste të raportuara për dhunë në familje.

    Prokuroria Themelore në Gjilan, në koordinim me Policinë e Kosovës, ka bërë të ditur se do të vazhdojë me veprimet hetimore me qëllim të ndriçimit të plotë të rrethanave të këtij rasti të rëndë.

  • Ligji për Specialen, Hasani i përgjigjet BE-së: Shteti sovran ka të drejtë t’i përcaktojë kompetencat (VIDEO)

    Ligji për Specialen, Hasani i përgjigjet BE-së: Shteti sovran ka të drejtë t’i përcaktojë kompetencat (VIDEO)

    Ligji për Specialen, Hasani i përgjigjet BE-së: Shteti sovran ka të drejtë t’i përcaktojë kompetencat (VIDEO)

    Ish-kryetari i Gjykatës Kushtetuese të Kosovës, Enver Hasani, ka deklaruar se Kosova, si shtet sovran, ka të drejtë t’ua përcaktojë kompetencat Dhomave të Specializuara në Hagë.

    Hasani, tha në emisionin Rubikon në Klan Kosova, se sovraniteti shtetëror nuk mund të bartet në mënyrë të pakufizuar dhe të parevokueshme te një institucion tjetër.

    “Dhomat e Specializuara e kanë të drejtën me pa, me folë, kurse ne, shteti i Kosovës, e kemi të drejtën tonë me ia përcaktu kompetencat, si shtet sovran”, ka deklaruar Hasani.

    Ai ka argumentuar se një shtet e ruan të drejtën për të rishikuar kompetencat që ia ka dhënë një institucioni.

    “Në çdo moment shteti ka të drejtë me ta revoku detyrën, se nuk bartet tërë sovraniteti në mënyrë të parevokueshme e pa fund”, ka thënë ai në Rubikon.

    Hasani ka folur edhe për mandatin e Gjykatës Speciale, duke rikujtuar se, ndonëse në fillim ishte diskutuar për një mandat pesëvjeçar, ai dhe disa juristë kishin vlerësuar se mandati mund të zgjatej pa një kufi të përcaktuar kohor.

    “Kur është folë për mandat pesëvjeçar të Gjykatës Speciale, unë e disa juristë e kemi ditë që nuk është vetëm pesë vjet, por për mandat pa kufij. Në logjikën dogmatike qysh po thonë këta, atëherë ajo gjykatë ka mandat bash krejt kush ka marrë armë në dorë, me u marrë me ta, këtu e 20 deri 30 vjet”, ka thënë Hasani. /Klankosova.tv

  • Policia polake kontrollon mijëra shkolla pas thashethemeve për sulme të reja

    Policia polake kontrollon mijëra shkolla pas thashethemeve për sulme të reja

    Mijëra policë polakë kanë vizituar shkollat në mbarë vendin, në përpjekje për t’i qetësuar nxënësit, pasi dy sulme me thikë të kryera nga adoleshentë brenda dy ditësh nxitën thashetheme për një valë të re sulmesh të mundshme, të cilat pretendohej se lidheshin me një sfidë në internet.

    Zëvendëskryeministri polak, Krzysztof Gawkowski, tha se nuk ka prova të konfirmuara që sulmet në shkolla ishin pjesë e një operacioni të koordinuar apo se kishin lidhje me ndonjë sfidë në internet.

    Deri në orët e hershme të mbrëmjes, policia kishte kontrolluar afro 35 mijë shkolla dhe kishte ndaluar 59 persona, njoftuan autoritetet policore përmes një postimi në platformën X.

    “Nuk do të ketë kompromis në këtë çështje – siguria e të rinjve është gjëja më e rëndësishme”, deklaroi ministri i Brendshëm, Marcin Kierwinski, në një konferencë për media.

    Ndërkaq, ministrja e Arsimit, Barbara Nowacka, bëri të ditur se 59 shkolla ishin mbyllur, kryesisht në rajonin Mazowsze, ku ndodhën sulmet.

    Sulmi i dytë në shkollë brenda dy ditësh në Poloni, një i vdekur dhe dy të plagosur

    Burimi: Dukagjini

  • Vrasja e dyfishtë në Gjilan, përfundon operimi i të plagosurit – gjendja e tij e rëndë, por stabile

    Vrasja e dyfishtë në Gjilan, përfundon operimi i të plagosurit – gjendja e tij e rëndë, por stabile

    Vrasja e dyfishtë në Gjilan, përfundon operimi i të plagosurit – gjendja e tij e rëndë, por stabile

    Ka përfunduar operacioni i Mazllum Bogujevcit, i cili mbeti i plagosur me armë zjarri në Livoç të Gjilanit, ku sot ndodhi vrasja e dyfishtë. Gjendja e tij shëndetësore vazhdon të jetë e rëndë, por stabile.

    Lajmin e ka konfirmuar drejtori i Emergjencës në Spitalin e Përgjithshëm të Gjilanit, Naser Syla, i cili ka bërë të ditur se pas ekzaminimeve mjekësore, pacienti i është nënshtruar ndërhyrjes kirurgjike.

    Sipas Sylës, trajtimi është kryer nga ekipet kujdestare të kirurgjisë abdominale, urologjisë dhe anestezionit.

    “Është përfunduar ndërhyrja kirurgjike, gjendja e pacientit e rëndë, por stabile. Vazhdon trajtimin”, ka njoftuar Syla.

    Sinjali – aty ku e vërteta flet para lajmit!

    /GazetaSinjali/

    The post Vrasja e dyfishtë në Gjilan, përfundon operimi i të plagosurit – gjendja e tij e rëndë, por stabile appeared first on Sinjali.

    Burimi: Sinjali

  • “Sot e fali xhumanë e fundit…”, fjalët prekëse për të riun që e privoi nga jeta dhëndri në Gjilan

    “Sot e fali xhumanë e fundit…”, fjalët prekëse për të riun që e privoi nga jeta dhëndri në Gjilan

    “Sot e fali xhumanë e fundit…”, fjalët prekëse për të riun që e privoi nga jeta dhëndri në Gjilan

    Hoxha Bashkim Bajrami ka bërë një postim për E. Bogujevcin i cili u vra sot bashkë me motrën e tij.

    Ai rrëfeu se i ndjeri po sot kishte qenë për të falur xhumanë në xhaminë e tij.

    “Me dhimbje të thellë mora lajmin për vdekje tragjike të Egzon Bogujevcit dhe motrës së tij në ngjarjen e rëndë që ndodhi sot në Gjilan”, ka shkruar Bajrami, përcjell Klankosova.tv.

    “E sot e fali namazin e xhumasë në xhaminë tonë, ku dëgjoi hytben time për herë të fundit”.

    “Lus Allahun e Madhërishëm t’i mëshirojë të dy, t’ua falë gabimet dje t’i shpërblejë me Xhenet”

  • Ligji për Specialen, Hasani: Kosovës s’mund t’i ndalohet rishikimi i sistemit të saj gjyqësor (VIDEO)

    Ligji për Specialen, Hasani: Kosovës s’mund t’i ndalohet rishikimi i sistemit të saj gjyqësor (VIDEO)

    Ligji për Specialen, Hasani: Kosovës s’mund t’i ndalohet rishikimi i sistemit të saj gjyqësor (VIDEO)

    Ish-kryetari i Gjykatës Kushtetuese, Enver Hasani, ka folur për ndryshimet në Ligjin për Dhomat e Specializuara, të miratuara më 6 tetor në Kuvendin e Kosovës.

    I ftuar në emisionin “Rubikon” në Klan Kosova, Hasani ka deklaruar se Kosovës nuk mund t’i ndalohet rishikimi i sistemit të saj gjyqësor.

    “Nuk mundet në mënyrë të parevokueshme Kosova mos me e lejuar me e rishikuar pushtetin e vet gjyqësor, s’ka asnjë logjikë”, ka thënë Hasani.

    Ai ka theksuar se Kosova, si shtet sovran, ka të drejtë të ushtrojë kompetencat e saj në këtë fushë.

    “​​Kosova ka të drejtën atë që çdo shtet sovran ka, ka kompetencë ndërkompetencë”, është shprehur Hasani.

  • ​Detaje të reja për krimin e rëndë në Livoç, mjekët: 30 vjeçarja mori tetë plumba, i plagosuri në gjendje të rëndë

    ​Detaje të reja për krimin e rëndë në Livoç, mjekët: 30 vjeçarja mori tetë plumba, i plagosuri në gjendje të rëndë

    ​Detaje të reja për krimin e rëndë në Livoç, mjekët: 30 vjeçarja mori tetë plumba, i plagosuri në gjendje të rëndë

    Zëdhënësi i Policisë së Kosovës në rajonin e Gjilanit, Ismet Hashani bëri të ditur se i dyshuari për vrasjen e dyfishtë është vetëdorëzuar në Stacionin e Policisë pak minuta pas rastit tragjik.

    Të premten në ora 14:25 policia e Kosovës është njoftuar për të shtëna me armë zjarri në fshatin Livoç i Ulët në këtë komunë, ku si pasojë mbetën të vdekur një 30 vjeçare së bashku me vëllain e saj. Personi i tretë është plagosur rëndë, konfirmoi Hashani për KosovaPress.

    Ai tha se ende nuk dihen motivet e rastit.

    “Policia e Kosovës rreth orës 14:25 e ka pranuar një informatë se në Livoç në Gjilan ka pasur të shtëna me armë zjarri. Njësitet policore me urgjencë kanë dalë në vendin e ngjarjes dhe nga hetimet e para mësohet se aty ka ndodhur një rast i rëndë, që na ka tronditur të gjithëve. Bëhet fjalë për nja vrasje të dyfishtë dhe një plagosje. Dyshohet se plagosja është e rëndë, sepse personi i lënduar është dërguar në Qendrën Emergjente në Gjilan, pastaj për shkak lëndimeve u dërgua në QKUK. Për momentin nuk dihen motivet e rastit. Edhe forenzika, edhe hetuesit dhe prokurori i shtetit kanë dalë më vendin e ngjarjes dhe me përkushtimin më të madh po i hetojmë rrethanat”, tha ai.

    Pas vetëdorëzimit, i dyshuari është intervistuar në prani të avokatit mbrojtës.

    “Nuk kam informatë saktë pas sa kohe, por për një kohë shumë të shpejtë është vetëdorëzuar në Stacionin policor në Gjilan, hetuesit rajonalë kanë filluar me procedurat intervistuese në bazë të ligjit, në prani të avokatit mbrojtës”, tha ai.

    Mjeku i cili ka pranuar rastin e të plagosurit në Spitalin e Gjilanit, Suat Haliti përmes një deklarate me shkrim tha se i plagosuri ka qenë në gjendje të rëndë kritike dhe ëshë mbajtur me doza të gjakut para dërgimit në QKUK.

    Ai për 30 vjeçaren e cila ka vdekur si pasojë e të shtënave me armë të zjarrit, bëri të ditur se e ka pasur tetë plumba në trupin e saj.

    Ndërsa, drejtori i Emergjencës në QKUK, Naser Syla konfirmoi për Kosovapress se i plagosuri pas egzaminimeve është dërguar në sallë operative të kirurgjisë abdominale, urologjisë dhe anestezionit.

    Pas nënshtrimit të operacionit i njëjti do të dërgohet në mjekësinë intensive qendrore.

    Sipas informatave të KosovaPressit burri ka vrarë gruan dhe vëllain e saj, ndërsa xhaxhai i gruas është duke u trajtuar në QKUK.

    Gjatë veprimeve policore është sekuestruar një armë zjarri, e cila dyshohet se është përdorur në rast.

    Policia e Kosovës, në koordinim me Prokurorin e Shtetit dhe njësitë relevante hetimore, eshtë duke ndërmarrë veprimet e nevojshme hetimore me qëllim të sqarimit të plotë të rrethanave të ngjarjes, përcaktimit të motivit dhe dokumentimit të rastit.

  • Egzoni e fali xhumanë për herë të fundit pak para tragjedisë, imami nga Gjilani me fjalë prekëse pas vdekjes së tij dhe motrës

    Egzoni e fali xhumanë për herë të fundit pak para tragjedisë, imami nga Gjilani me fjalë prekëse pas vdekjes së tij dhe motrës

    Egzoni e fali xhumanë për herë të fundit pak para tragjedisë, imami nga Gjilani me fjalë prekëse pas vdekjes së tij dhe motrës

    Imami i Xhamisë në Dheun e Bardhë, Bashkim Bajrami, ka reaguar me dhimbje pas vrasjes së Egzon Bogujevcit dhe motrës së tij, Nafije Bogujevci, në Livoç të Ulët të Gjilanit, ngjarje për të cilën i dyshuari është Valon Ramushi, bashkëshorti i Nafijes, i cili është vetëdorëzuar në Polici.

    Përmes një postimi në Facebook, Bajrami ka treguar se të dy viktimat ishin besimtarë të rregullt të xhamisë, ndërsa ka ndarë edhe një detaj prekës nga dita e sotme: Egzoni kishte marrë pjesë në namazin e xhumasë dhe kishte dëgjuar hytben e tij për herë të fundit.

    Postimi i plotë:

    Me dhimbje të thellë mora lajmin për vdekjen tragjike të Egzon Bogujevcit dhe motrës së tij, në ngjarjen e rëndë që ndodhi sot në Gjilan.

    Egzoni dhe motra e tij ishin besimtarë namazli të rregullt.

    #Egzoni sot e fali namazin e xhumasë në xhaminë tonë, ku dëgjoi hytben time për herë të fundit.

    Lus Allahun e Madhërishëm t’i mëshirojë të dy, t’ua falë gabimet dhe t’i shpërblejë me Xhenet.

    Allahu familjes së tyre dhe të gjithë të afërmve u dhëntë sabër e i rrite fëmijët e motrës të ndjerës e ju t’ju jep forcë për ta përballuar këtë dhimbje të rëndë.

    Të Allahut jemi dhe tek Ai do të kthehemi.

    Sinjali – aty ku e vërteta flet para lajmit!

    /GazetaSinjali/

    The post Egzoni e fali xhumanë për herë të fundit pak para tragjedisë, imami nga Gjilani me fjalë prekëse pas vdekjes së tij dhe motrës appeared first on Sinjali.

    Burimi: Sinjali