Blog

  • Ish-presidentja Vjosa Osmani reagon për rastin tragjik në Gjilan

    Ish-presidentja Vjosa Osmani reagon për rastin tragjik në Gjilan

    Ish-presidentja Vjosa Osmani reagon për rastin tragjik në Gjilan

    Një tragjedi e rëndë ndodhi pasditen e sotme në fshatin Livoç të Ulët të Gjilanit, ku u vranë dy persona, vëlla dhe motër, rreth 30-vjeçarë.

    Rreth rastit të rëndë ka reaguar edhe ish-presidentja e Kosovës, Vjosa Osmani.

    Ajo përmes një reagimi në Facebook ka thënë se gratë nuk duhet të vdesin që institucionet të zgjohen.

    “Një shoqëri që vajton pas çdo vrasjeje, por nuk arrin ta ndalë dhunën para se të jetë tepër vonë, duhet të përballet me përgjegjësinë e saj.Një grua e re dhe vëllai i saj sot u vranë nga bashkëshorti i saj. Dhe asnjë fjalë nuk mjafton për ta përshkruar këtë tmerr. Gratë nuk duhet të vdesin që institucionet të zgjohen. Kërcënimet nuk duhet të përfundojnë në arkiv, e dhuna nuk duhet të përfundojë në varreza. Drejtësi për viktimat. Përgjegjësi për çdo dështim. Veprim, jo fjalë.  Asnjë jetë më pak! Asnjë justifikim më shumë!”

  • Haxhiu reagon pas rastit në Gjilan: Pres nga institucionet zbardhjen e plotë të rrethanave

    Haxhiu reagon pas rastit në Gjilan: Pres nga institucionet zbardhjen e plotë të rrethanave

    Haxhiu reagon pas rastit në Gjilan: Pres nga institucionet zbardhjen e plotë të rrethanave

    Kryeparlamentarja e Kosovës, Albulena Haxhiu ka reaguar pas ngjarjes tragjike në Livoç të Gjilanit që tronditi opinionin publik në Kosovë, ku mbetën të vrarë dy persona dhe një tjetër mbeti i plagosur.

    Haxhiu përmes një postimi në Facebook tha se pret që të zbardhen rrethanat e rastit nga institucionet përgjegjëse, teksa familjarëve të viktimave u shprehu ngushëllime.

    “Më tronditi lajmi për vrasjen e një gruaje dhe një burri në Livoç të Ulët të Gjilanit, si dhe plagosjen e një personi tjetër. Dy jetë të humbura dhunshëm dhe familje që sot po përballen me një dhimbje të madhe. Familjeve të viktimave u shpreh ngushëllimet më të sinqerta, ndërsa të plagosurit i uroj shërim të shpejtë dhe të plotë.Pres nga institucionet përgjegjëse që të zhvillojnë një hetim të plotë, të paanshëm dhe profesional, në mënyrë që të zbardhen të gjitha rrethanat e këtij krimi dhe përgjegjësit të dalin para drejtësisë. Në këto momente të rënda, familjeve të prekura duhet t’u ofrohet gjithë mbështetja e nevojshme, duke respektuar privatësinë dhe dinjitetin e tyre”, ka shkruar ajo.

    Ja postimi:

  • Trump: Konflikti me Iranin do të përfundojë së shpejti, i kemi arritur objektivat kryesore

    Trump: Konflikti me Iranin do të përfundojë së shpejti, i kemi arritur objektivat kryesore

    Trump: Konflikti me Iranin do të përfundojë së shpejti, i kemi arritur objektivat kryesore

    Presidenti i Shteteve të Bashkuara, Donald Trump, ka deklaruar sërish se konflikti ushtarak me Iranin do të përfundojë “së shpejti”, duke pretenduar se Uashingtoni e ka arritur objektivin kryesor për ta penguar Teheranin të zhvillojë armë bërthamore.

    Gjatë një aktiviteti në Shtëpinë e Bardhë, Trump foli për zhvillimet gjeopolitike dhe ndikimin e konfliktit në tregjet e energjisë. Ai u shpreh se rritja e çmimeve të karburanteve është e përkohshme.

    “Ne e ndaluam Iranin nga zhvillimi armës bërthamore — dhe çmimet e karburantit do të bien ndjeshëm e gjithçka do të përfundojë së shpejti, në një mënyrë apo në një tjetër”, u shpreh Trump.

    Presidenti amerikan la të kuptohet se përfundimi i konfliktit mund të arrihet përmes diplomacisë ose përmes vazhdimit të trysnisë ushtarake, duke theksuar se administrata e tij i ka në dispozicion të dyja mundësitë.

    “Mund ta bëjmë në të dyja mënyrat, por është shumë e thjeshtë — në një mënyrë apo në një tjetër do të përfundojë së shpejti”, shtoi ai.

    Trump foli edhe për gjendjen e kapaciteteve ushtarake të Iranit, duke pretenduar se infrastruktura e tij mbrojtëse është dobësuar ndjeshëm.

    “Ata nuk kanë ushtri, nuk kanë marinë, nuk kanë forcë ajrore, nuk kanë mjete kundërajrore”, deklaroi Trump lidhur me gjendjen ushtarake të Iranit.

    Sinjali – aty ku e vërteta flet para lajmit!

    /GazetaSinjali/

    The post Trump: Konflikti me Iranin do të përfundojë së shpejti, i kemi arritur objektivat kryesore appeared first on Sinjali.

    Burimi: Sinjali

  • Studentët dhe sindikatat dalin në protesta në Bruksel, 21 persona ndalohen

    Studentët dhe sindikatat dalin në protesta në Bruksel, 21 persona ndalohen

    Një grup protestuesish u përlesh me policinë të premten në Bruksel, ku mijëra anëtarë të sindikatave dhe studentë dolën në rrugë në kuadër të një greve kombëtare kundër masave të qeverisë për shkurtimin e buxhetit.

    Disa dhjetëra protestues të maskuar dhe të veshur me të zeza hodhën gurë dhe sende të tjera në drejtim të policisë, ndërsa në rrugë dëgjoheshin slogane kundër policisë dhe muret përreth ishin mbuluar me grafite të tilla, shkruan Reuters, transmeton Dukagjini.

    Sipas dëshmitarëve të Reuters, zjarrfikësit shuan disa zjarre, përfshirë zjarre në autobusë, ndërsa policia u kundërpërgjigj me gaz lotsjellës.

    Përleshjet ndodhën teksa mijëra protestues marshuan në kryeqytetin belg, mes tyre edhe studentë të frymëzuar pjesërisht nga demonstratat në Francën fqinje. Greva shkaktoi ndërprerje në transportin publik dhe në udhëtimet ajrore, ndërsa u prekën edhe shumë shkolla dhe institucione të kujdesit për fëmijët.

    Disa nga protestuesit mbanin pankarta me mbishkrimet: “E lashë orën mësimore për të mbrojtur arsimin” dhe “Arsimi është e drejtë, jo privilegj”.

    Policia bëri të ditur se marshimi, në të cilin morën pjesë rreth 30 mijë persona, u zhvillua në mënyrë paqësore. Megjithatë, përleshjet shpërthyen pranë Stacionit Qendror të Brukselit dhe në qendër të qytetit, ku grupe protestuesish hodhën shishe, tulla, gurë dhe fishekzjarrë në drejtim të policisë, vunë zjarre dhe dëmtuan pronën publike.

    Për t’i shpërndarë grupet e dhunshme, policia përdori topa uji dhe gaz lotsjellës. Sipas autoriteteve, 21 persona janë ndaluar ose arrestuar, përfshirë 13 të mitur.

    Greva u thirr nga dy sindikatat më të mëdha të Belgjikës, sindikata socialiste FGTB/ABVV dhe ajo e krishterë CSC/ACV. Ato kundërshtojnë masat buxhetore të qeverisë, për të cilat thonë se do t’ua kalojnë barrën e përpjekjeve për uljen e deficitit punëtorëve, pensionistëve dhe familjeve me të ardhura të ulëta.

    Kryeministri belg, Bart De Wever, deklaroi të enjten se masat e dhimbshme buxhetore janë të nevojshme tani, për të shmangur një spirale të mundshme të borxhit dhe kostove të interesit, e cila, sipas tij, do t’u linte një barrë të rëndë brezave të ardhshëm.

    Ndërkohë, grupet studentore, protestat e të cilave nisën në fillim të këtij muaji në Liège dhe u përhapën të premten në Bruksel, kundërshtojnë gjithashtu rritjen e kostove të arsimit, mbipopullimin e klasave dhe reformat që, sipas tyre, rrezikojnë ta bëjnë arsimin e lartë më pak të qasshëm.

    Protestat në Belgjikë janë pjesë e një vale më të gjerë demonstratash në Evropë. Studentët në Francë dhe Itali kanë protestuar për financimin e arsimit, ndërsa dhjetëra mijëra persona kanë marshuar në Spanjë kundër krizës së banimit.

    Burimi: Dukagjini

  • Roberto Vergori në Prishtinë, më 14 tetor merr komandën e KFOR-it

    Roberto Vergori në Prishtinë, më 14 tetor merr komandën e KFOR-it

    Roberto Vergori në Prishtinë, më 14 tetor merr komandën e KFOR-it

    Komandanti i ardhshëm i KFOR-it, gjenerali italian Roberto Vergori, ka arritur në Prishtinë, ku më 14 tetor do të marrë zyrtarisht detyrën e komandantit të këtij misioni.

    Vergori është pritur sot në takim nga komandanti aktual i KFOR-it, Özkan Ulutaş, me të cilin do të bashkëpunojë gjatë ditëve në vijim për të siguruar një tranzicion të rregullt dhe vazhdimësinë e aktiviteteve të misionit.

    Sipas njoftimit të KFOR-it, ceremonia e dorëzimit të komandës do të mbahet më 14 tetor 2026, në Shtabin e KFOR-it.

    KFOR-i ka ritheksuar përkushtimin për zbatimin e mandatit të tij, bazuar në Rezolutën 1244 të Këshillit të Sigurimit të OKB-së, me qëllim të ruajtjes së një mjedisi të sigurt për të gjithë qytetarët që jetojnë në Kosovë dhe garantimit të lirisë së lëvizjes.

    Misioni ka bërë të ditur se mandatin e zbaton në mënyrë të paanshme dhe në koordinim të ngushtë me Policinë e Kosovës dhe misionin EULEX, në përputhje me përgjegjësitë e tyre në fushën e sigurisë.

    The post Roberto Vergori në Prishtinë, më 14 tetor merr komandën e KFOR-it appeared first on Sinjali.

    Burimi: Sinjali

  • I dyshuari për vrasjen e dyfishtë në Gjilan është biznesmen i njohur

    I dyshuari për vrasjen e dyfishtë në Gjilan është biznesmen i njohur

    I dyshuari për vrasjen e dyfishtë në Gjilan është biznesmen i njohur

    Valon Ramushi dyshohet se qëndron prapa vrasjes së dyfishtë që ndodhi sot në Livoç të Ulët të Gjilanit, ku mbetën të vrarë bashkëshortja e tij, Nafije Bogujevci, dhe vëllai i saj, Egzon Bogujevci.

    I dyshuari tashmë është vetëdorëzuar në polici, ndërsa në rrethinën ku jeton njihet si sipërmarrës. Ai ka në pronësi një lagje në Makresh, si dhe biznesin “Loni Therm”.

    Sipas raportit zyrtar të Policisë, Egzon Bogujevci u vra brenda një veture. Me të njëjtën armë, i dyshuari dyshohet se qëlloi edhe ndaj bashkëshortes së tij, Nafijes, e cila u dërgua pa shenja jete në Emergjencën e Gjilanit.

     

  • Ra nga skela gjatë punimeve, humb jetën 49-vjeçari shqiptar në Greqi

    Ra nga skela gjatë punimeve, humb jetën 49-vjeçari shqiptar në Greqi

    Ra nga skela gjatë punimeve, humb jetën 49-vjeçari shqiptar në Greqi

    Një 49-vjeçar shqiptar ka humbur jetën tragjikisht pas një incidenti në punë në Greqi. Mediat greke bëjnë me dije se punëtori ra nga skela në boshllëk gjatë punimeve në zonën e Kato Kamilës në Serres.

    Ai fatkeqësisht nuk iu mbijetoi plagëve të marra pavarësisht përpjekjeve të mjekëve në Spitalin e Përgjithshëm të Serres, shkruan Euronews.al, transmeton klankosova.tv.

    Sipas informacioneve, ngjarja ka ndodhur, në rrethana ende të paqarta, rreth orës 11:30 të mëngjesit. Autoritetet kanë nisur hetimet për zbardhjen e plotë të rrethanave të ngjarjes tragjike.

  • “Ngrita shqetësim për diskriminimin e shqiptarëve në Preshevë” - Kurti në takim me Komisionerin e OSBE-së

    “Ngrita shqetësim për diskriminimin e shqiptarëve në Preshevë” – Kurti në takim me Komisionerin e OSBE-së

    “Ngrita shqetësim për diskriminimin e shqiptarëve në Preshevë” - Kurti në takim me Komisionerin e OSBE-së

    Kryeministri i Kosovës, Albin Kurti është takuar me Komisionerin e Lartë të OSBE-së për Pakicat Kombëtare, Christophe Kamp.

    Ai ka thënë se ka ngritur shqetësimin për diskriminimin sistematik të shqiptarëve në Preshevë, Bujanoc dhe Medvegjë nga autoritetet e Serbisë.

    “…Ngrita shqetësimin për diskriminimin sistematik të shqiptarëve në Preshevë, Bujanoc dhe Medvegjë nga autoritetet e Serbisë, përmes pasivizimit të adresave, pengesave në arsim dhe nënpërfaqësimit në institucionet publike. Kërkova angazhim të drejtpërdrejtë dhe ndjekje konkrete të këtyre çështjeve: Serbia duhet të përmbushë standardet evropiane për mbrojtjen e komuniteteve, të garantojë barazi reale për shqiptarët dhe të respektojë të drejtat e njeriut e ato civile. Të drejtat e tyre nuk mund të mbeten peng i vullnetit politik të një sistemi autokratik…” – ka shkruar ai në Facebook.

    Gjithashtu Kurti, tregoi edhe detaje të tjera të diskutimit, derisa tha se Kushtetuta e Republikës së Kosovës garanton të drejta të gjera për komunitetet joshumicë, në shumë aspekte përtej standardeve evropiane të mbrojtjes.

    “…Diskutuam për të drejtat e komuniteteve, përdorimin e gjuhëve dhe qasjen në arsim e shërbime publike, si dhe për zbatimin e ligjit në mbrojtje të pronës publike, mjedisit dhe burimeve ujore. Ritheksova se barazia para ligjit është themel i Republikës sonë: të drejtat mbrohen dhe detyrimet zbatohen njësoj për të gjithë pa dallim…”

  • Ambasada amerikane: Presim me padurim bashkëpunimin me presidenten Justina Shiroka Pula

    Ambasada amerikane: Presim me padurim bashkëpunimin me presidenten Justina Shiroka Pula

    Ambasada amerikane: Presim me padurim bashkëpunimin me presidenten Justina Shiroka Pula

    Ambasada amerikane në Prishtinë ka mirëpritur zgjedhjen e Justinа Shiroka Pulës në postin e presidentes së Republikës së Kosovës.

    Në një përgjigje për Klankosova.tv, nga një zëdhënës i Ambasadës amerikane shprehet gatishmëria për të bashkëpunuar me presidenten e re të vendit dhe institucionet e Kosovës.

    “Ambasada e SHBA-së pret me padurim të bashkëpunojë me Justinа Shiroka Pulën, Presidenten e sapozgjedhur të Republikës së Kosovës”, thuhet në përgjigje, transmeton Klankosova.tv.

    Më tej, Ambasada amerikane ka ritheksuar përkushtimin për avancimin e prioriteteve të përbashkëta me institucionet e Kosovës.

    “Ambasada e SHBA-së mbetet e përkushtuar për të bashkëpunuar me institucionet e Kosovës në avancimin e prioriteteve të përbashkëta, përfshirë paqen rajonale, stabilitetin dhe prosperitetin e ndërsjellë”, theksohet më tej në përgjigje.

    Justina Shiroka Pula u zgjodh presidente e re e vendit më 6 tetor.

  • Kurti kërkon nga komisioneri i OSBE-së të merret me diskriminimin që Serbia u bën shqiptarëve të Luginës së Preshevës

    Kurti kërkon nga komisioneri i OSBE-së të merret me diskriminimin që Serbia u bën shqiptarëve të Luginës së Preshevës

    Kurti kërkon nga komisioneri i OSBE-së të merret me diskriminimin që Serbia u bën shqiptarëve të Luginës së Preshevës

    Kryeministri i Kosovës, Albin Kurti, i ka kërkuar komisionerit të lartë të Organizatës për Siguri dhe Bashkëpunim në Evropë (OSBE), Christophe Kamp, që të angazhohet për trajtimin e diskriminimit sistematik që, sipas tij, autoritetet e Serbisë ua bëjnë shqiptarëve të Luginës së Preshevës.

    Përmes një postimi në Facebook, Kurti ka bërë të ditur se në takimin me Kampin kanë diskutuar për të drejtat e komuniteteve, përdorimin e gjuhës, qasjen në arsim dhe shërbime publike, si dhe zbatimin e ligjit në mbrojtje të pronës publike, mjedisit dhe burimeve ujore.

    Kurti ka theksuar se barazia para ligjit është një nga themelet e Republikës së Kosovës, duke vënë në pah se Kushtetuta e Kosovës u garanton komuniteteve joshumicë të drejta të gjera, në shumë aspekte përtej standardeve evropiane. Në këtë kontekst, ai ka ngritur shqetësimin për trajtimin e shqiptarëve në Serbi.

    “Kushtetuta e Republikës së Kosovës garanton të drejta të gjera për komunitetet joshumicë, në shumë aspekte përtej standardeve evropiane të mbrojtjes. Këto garanci duhet të gjejnë shprehje të plotë në jetën institucionale e shoqërore, përmes angazhimit aktiv të pjesëtarëve dhe përfaqësuesve të tyre, në respektim të ligjeve në fuqi. Mbrojtja e të drejtave dhe zbatimi i ligjit e përforcojnë njëra-tjetrën; përkatësia nuk mund të jetë bazë as për cenimin e të drejtave, as për përjashtimin nga detyrimet ligjore. Ngrita shqetësimin për diskriminimin sistematik të shqiptarëve në Preshevë, Bujanoc dhe Medvegjë nga autoritetet e Serbisë, përmes pasivizimit të adresave, pengesave në arsim dhe nënpërfaqësimit në institucionet publike. Kërkova angazhim të drejtpërdrejtë dhe ndjekje konkrete të këtyre çështjeve: Serbia duhet të përmbushë standardet evropiane për mbrojtjen e komuniteteve, të garantojë barazi reale për shqiptarët dhe të respektojë të drejtat e njeriut e ato civile. Të drejtat e tyre nuk mund të mbeten peng i vullnetit politik të një sistemi autokratik”, ka shkruar ai në Facebook.

    Në fund, Kurti ka thënë se Qeveria e Kosovës do të vazhdojë bashkëpunimin me zyrën e Kampit, duke theksuar se mbrojtja e të drejtave të komuniteteve joshumicë dhe sundimi i ligjit duhet të trajtohen si obligime që plotësojnë njëra-tjetrën.

    “Me bindjen që të drejtat e komuniteteve joshumicë dhe sundimi i ligjit janë obligime komplementare dhe jo parime që garojnë me njëra-tjetrën”, ka përfunduar Kurti.

    Sinjali – aty ku e vërteta flet para lajmit!

    /GazetaSinjali/

    The post Kurti kërkon nga komisioneri i OSBE-së të merret me diskriminimin që Serbia u bën shqiptarëve të Luginës së Preshevës appeared first on Sinjali.

    Burimi: Sinjali