Blog

  • Galatasaray hyn në garë për Donnarumman

    Galatasaray hyn në garë për Donnarumman

    Galatasaray hyn në garë për Donnarumman

    Galatasaray mund të bëhet një tjetër skuadër e interesuar për portierin e Manchester Cityt, Gianluigi Donnarumma, nëse italiani bëhet i disponueshëm në afatin kalimtar të transferimeve.

    Sipas TEAMtalk, interesim për portierin 27-vjeçar kanë shfaqur edhe Real Madridi, Manchester United, Chelsea, Bayern Munich dhe Juventusi.

    Megjithatë, Galatasaray ende nuk ka bërë ofertë apo nuk ka zhvilluar kontakte zyrtare për transferimin e Donnarummas.

    E ardhmja e portierit italian mbetet e paqartë, ndërsa pritet të shihet nëse klubi turk do të ndërmarrë hapa konkretë për ta transferuar atë.

    Sinjali – aty ku e vërteta flet para lajmit!

    /GazetaSinjali/

    The post Galatasaray hyn në garë për Donnarumman appeared first on Sinjali.

    Burimi: Sinjali

  • Dyshohet se një person është gjetur pa shenja jete në Livoç të Epërm të Gjilanit

    Dyshohet se një person është gjetur pa shenja jete në Livoç të Epërm të Gjilanit

    Dyshohet se një person është gjetur pa shenja jete në Livoç të Epërm të Gjilanit

    Një person dyshohet se është gjetur pa shenja jete në Livoç të Epërm të Gjilanit.

    Gazeta Sinjali ka kontaktuar Policinë e Kosovës për të marrë informacione lidhur me rastin, ndërsa është në pritje të një përgjigjeje zyrtare.

    Sinjali – aty ku e vërteta flet para lajmit!

    /GazetaSinjali/

    The post Dyshohet se një person është gjetur pa shenja jete në Livoç të Epërm të Gjilanit appeared first on Sinjali.

    Burimi: Sinjali

  • Musliu-Shoshi: PDK-ja nuk u mashtrua e as u tradhtua për zgjedhjen e presidentes

    Musliu-Shoshi: PDK-ja nuk u mashtrua e as u tradhtua për zgjedhjen e presidentes

    Deputetja e Partisë Demokratike të Kosovës (PDK), Ariana Musliu-Shoshi, ka deklaruar se kjo parti nuk ndihet e mashtruar apo e tradhtuar lidhur me zgjedhjen e presidentes, duke theksuar se PDK-ja ka vepruar mbi parime dhe përgjegjësi institucionale.

    Në një postim në Facebook, ajo ka thënë se edhe kësaj radhe PDK-ja i ka dhënë Kosovës institucione, duke kërkuar që kritikat të mos drejtohen ndaj kryetarit të partisë, Bedri Hamza, apo ndaj vetë PDK-së.

    “PDK nuk u mashtrua e as nuk u tradhtua, sepse nuk ka qenë pjesë e lojërave politike, por pjesë e parimeve!

    Edhe kësaj radhe PDK i ka dhënë Kosovës institucione, përgjegjësi shtetërore dhe, mbi të gjitha, përkushtim për mbrojtjen e sakrificës dhe të luftës sonë çlirimtare.
    Prandaj, mos i ktheni shigjetat kah Bedri Hamza e kah PDK-ja!

    Nuk mund të kërkohet dorëheqje individuale për vendime që nuk janë marrë individualisht. Përgjegjësia duhet të jetë aty ku janë marrë vendimet.

    Ne, si gjithmonë, qëndrojmë me përgjegjësi institucionale, por mbi të gjitha me përgjegjësi ndaj këtij vendi. Ndaj kësaj toke ku kemi rrënjët, ku prehen stërgjyshërit tanë dhe ku po rriten fëmijët tanë.

    Sepse për ne, Kosova nuk është lojë politike. Është atdheu ynë, përgjegjësia jonë dhe amaneti që nuk e tradhtojmë”, ka shkruar Musliu-Shoshi.

    Burimi: Dukagjini

  • Gashi: Ka ardhur koha për një cikël të ri politik në Kosovë, LDK-ja duhet ta përcaktojë rrugën e saj

    Gashi: Ka ardhur koha për një cikël të ri politik në Kosovë, LDK-ja duhet ta përcaktojë rrugën e saj

    Gashi: Ka ardhur koha për një cikël të ri politik në Kosovë, LDK-ja duhet ta përcaktojë rrugën e saj

    Deputeti i Lidhjes Demokratike të Kosovës (LDK), Arben Gashi, ka shprehur bindjen se Kosova po hyn në një cikël të ri politik, pas bashkëpunimit të fundit formal mes Lëvizjes Vetëvendosje dhe Partisë Demokratike të Kosovës.

    Përmes një postimi në Facebook, Gashi ka ngritur pyetjen nëse ky zhvillim shënon fundin e tranzicionit dhe fillimin e një etape të re politike, duke u përgjigjur se muajt në vijim do ta dëshmojnë këtë.

    Ai ka thënë se bashkëpunimi politik nuk duhet të jetë më arsye për demonizimin e kundërshtarëve, por se rëndësi ka qëllimi i bashkëpunimit dhe rezultatet që ai sjell për vendin.

    Sipas Gashit, qeverisja duhet të matet me rezultate dhe jo me arsyetime apo fajësime për të kaluarën, ndërsa qytetarët presin zhvillim, siguri dhe shpresë për të ardhmen.

    Deputeti i LDK-së ka theksuar se partia e tij duhet ta përcaktojë qartë rrugën që do të ndjekë, duke mos e harruar të kaluarën, por as duke lejuar që ajo ta pengojë të ardhmen.

    “Këtu fillon rilindja jonë: me më shumë besim, bashkim dhe një politikë moderne, që i përfaqëson qytetarët dhe u jep shpresë për të ardhmen. Koha është tash. Koha është për LDK-në”, ka shkruar Gashi.

    Sinjali – aty ku e vërteta flet para lajmit!

    /GazetaSinjali/

    The post Gashi: Ka ardhur koha për një cikël të ri politik në Kosovë, LDK-ja duhet ta përcaktojë rrugën e saj appeared first on Sinjali.

    Burimi: Sinjali

  • Bjere kerrin që e ki, dil me Renault t’ri – 10 vjet garancion dhe çmim special

    Bjere kerrin që e ki, dil me Renault t’ri – 10 vjet garancion dhe çmim special

    E ki kerrin, por po mendon me marrë njo t’ri? Auto Mita po ta jep mundësinë me e ndërru me Renault, pa pas nevojë me e shitë!

    Bjere kerrin që e ki, pjesën tjetër paguaje CASH ose KREDI.

    Në ofertë janë tri modele të Renault, me çmime promocionale:

      • Renault Clio – 20,990€ ose nga 197€/muaj
      • Renault Captur Evolution Mild Hybrid 140 KF Automatik – 23,990€ ose nga 225€/muaj
      • Renault Austral – 29,990€ ose nga 254€/muaj

    E pjesa ma e mirë? Tri modelet vijnë me 10 VJET GARANCION!

    Bjere kerrin që e ki edhe dil prej Auto Mitës me Renault t’ri!

    Për më shumë informata rreth ofertës, vizito www.automita.com ose showroom-in e Auto Mitës.

    Burimi: Dukagjini

  • Studio Master në UNI – Universum International College, i Fuqizuar nga Arizona State University

    Studio Master në UNI – Universum International College, i Fuqizuar nga Arizona State University

    UNI – Universum International College, i fuqizuar nga Arizona State University (ASU), ofron programe Master të avancuara me përmbajtje moderne, profesorë ndërkombëtarë dhe standarde akademike amerikane.

    Në partneritet me Arizona State University – universiteti nr. 1 për inovacion në Shtetet e Bashkuara të Amerikës – UNI u mundëson studentëve të zhvillojnë njohuritë dhe aftësitë e tyre profesionale për tregun vendor dhe ndërkombëtar.

    Studentët mund të zgjedhin nga programet:

    • Master në Menaxhment
    • Master në Menaxhment – Specializim në Marketing dhe Komunikim Kreativ
    • Master në Shkencën e të Dhënave (Data Science)
    • Master në Juridik
    • Master në Qeverisje dhe Siguri Ndërkombëtare

    Programet ofrojnë diplomë të fuqizuar nga Arizona State University, ndërsa 40% e lëndëve ligjërohen nga profesorë të ASU-së. Studimet zhvillohen online, duke u mundësuar profesionistëve të avancojnë kualifikimin e tyre pa ndërprerë angazhimet e punës.

    Studentët përfitojnë gjithashtu mundësi për mobilitet akademik përmes programeve Erasmus+, bashkëpunim me profesorë ndërkombëtarë dhe një qasje praktike të orientuar drejt zhvillimit profesional.

    Aplikimet për programet Master janë të hapura.

    Krijo suksesin tënd me Edukim Amerikan. Fuqizohu nga Arizona State University.

      Apliko tani: UNI – Universum International College
     Email: aplikimet@universum-ks.org
     Viber & WhatsApp: +383 44 144 062

    Burimi: Dukagjini

  • KFOR-i pret zyrtarët e Policisë së Kosovës në Bondsteel, diskutojnë për bashkëpunimin dhe komunikimin me publikun

    KFOR-i pret zyrtarët e Policisë së Kosovës në Bondsteel, diskutojnë për bashkëpunimin dhe komunikimin me publikun

    KFOR-i pret zyrtarët e Policisë së Kosovës në Bondsteel, diskutojnë për bashkëpunimin dhe komunikimin me publikun

    Komanda Rajonale Lindje e Forcës së Kosovës – KFOR ka pritur zyrtarë rajonalë për informim publik të Policisë së Kosovës në kampin Bondsteel, në kuadër të një aktiviteti që synon zhvillimin profesional dhe forcimin e bashkëpunimit mes dy institucioneve.

    Sipas njoftimit të KFOR-it në Facebook, gjatë takimit pjesëmarrësit kanë shkëmbyer përvoja dhe kanë diskutuar për komunikimin me publikun, bashkëpunimin me mediat, përdorimin e rrjeteve sociale dhe tregimin vizual përmes telefonave mobilë.

    Në fokus të diskutimeve ishte edhe përdorimi i përgjegjshëm i inteligjencës artificiale.

    “Kjo shkëmbim u ka mundësuar përfaqësuesve të KFOR-it dhe Policisë së Kosovës të mësojnë nga përvojat e njëri-tjetrit, të forcojnë raportet profesionale dhe të përmirësojnë koordinimin, me synimin për të siguruar komunikim të shpejtë dhe të saktë me publikun”, thuhet në njoftim.

    Sinjali – aty ku e vërteta flet para lajmit!

    /GazetaSinjali/

    The post KFOR-i pret zyrtarët e Policisë së Kosovës në Bondsteel, diskutojnë për bashkëpunimin dhe komunikimin me publikun appeared first on Sinjali.

    Burimi: Sinjali

  • Aktakuzë ndaj një shtetasi të Maqedonisë së Veriut për mbi 6 kg marihuanë

    Aktakuzë ndaj një shtetasi të Maqedonisë së Veriut për mbi 6 kg marihuanë

    Sipas njoftimit të Prokurorisë, i pandehuri me inicialet E.A. ndodhet në paraburgim që nga 30 janari 2026.

    Aktakuza e ngarkon atë me veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

    Sipas Prokurorisë, më 30 janar, rreth orës 20:30, në afërsi të daljes së autostradës në fshatin Doganaj, Policia ndaloi veturën e të pandehurit, ku gjatë kontrollit në bagazh gjeti një çantë dhe një qese najloni me marihuanë.

    Substanca narkotike ishte e ndarë në 20 paketime, me peshë të përgjithshme prej 6 kilogramësh e 121.08 gramësh, dhe u sekuestrua nga Policia.

    Sipas aktakuzës, i pandehuri dyshohet se kishte transportuar substancën narkotike në bazë të udhëzimeve të dy personave të tjerë, me inicialet M.Q. dhe A.R.

    Prokuroria pretendon se çanta dhe qesja me marihuanë ishin vendosur në bagazhin e veturës së tij nga persona të tjerë, të cilët më pas e kishin përcjellë deri në autostradën në drejtim të Hanit të Elezit.

    Me rastin e ngritjes së aktakuzës, Prokuroria Themelore në Ferizaj i ka propozuar gjykatës kompetente që të pandehurin ta shpallë fajtor dhe ta dënojë sipas ligjit.

    Burimi: RTKLive

  • Nxënësit e Vlashnjës njihen nga afër me trashëgiminë kulturore të Prizrenit

    Nxënësit e Vlashnjës njihen nga afër me trashëgiminë kulturore të Prizrenit

    Gjatë vizitave edukative, nxënësit u njohën me artefakte me vlerë historike dhe me traditat artizanale, përfshirë filigranin, një prej zejeve të njohura të trashëgimisë kulturore të Prizrenit.

    Përmes aktiviteteve të tilla, fëmijët kanë mundësi të mësojnë më shumë për pasurinë kulturore të vendit dhe rëndësinë e ruajtjes e përcjelljes së saj te brezat e ardhshëm.

    Vizita u organizua nga EC Ma Ndryshe, në kuadër të projektit “Trashëgimia kulturore për të gjithë: Ruajtja, edukimi, zhvillimi dhe inovacioni”, me mbështetjen e Ministrisë së Kulturës dhe Turizmit.

    Burimi: RTKLive

  • Dronë dhe pajisje të sofistikuara te shefi i “Rybar”, çfarë u gjet gjatë aksionit në Mal të Zi

    Dronë dhe pajisje të sofistikuara te shefi i “Rybar”, çfarë u gjet gjatë aksionit në Mal të Zi

    Dronë dhe pajisje të sofistikuara te shefi i “Rybar”, çfarë u gjet gjatë aksionit në Mal të Zi

    Dronë, pajisje elektronike dhe telefona janë gjetur te shefi i rrjetit rus informativ “Rybar”, Mikhail Zvinchuk, dhe personat e ndaluar bashkë me të gjatë një aksioni në zonën e Gjirit të Kotorrit në Mal të Zi.

    Sipas mediave malazeze, ndaj personave të ndaluar po zhvillohen procedura hetimore. Aksioni është realizuar nga zyrtarët e Departamentit të Sigurisë në Tivat, në bashkëpunim me Agjencinë e Sigurisë Kombëtare (ANB).

    Përveç Zvinchukut, janë ndaluar edhe bashkëshortja dhe bashkëpunëtorja e tij, Valeriia Vladimirovna Zvinchuk, si dhe tre persona të tjerë.

    Sipas informacioneve të publikuara nga “Vijesti”, autoritetet malazeze pritet të ndërmarrin masa të mëtejshme në kuadër të mbrojtjes së sigurisë kombëtare.

    Aksioni dyshohet se lidhet me veprimtari hibride të rrjetit “Rybar”, të cilin autoritetet britanike dhe amerikane e lidhin me propagandën e Kremlinit dhe operacionet e ndikimit të huaj informativ.

    Sipas burimeve të sigurisë të cituara nga “Vijesti”, shërbimet malazeze kishin informacione paraprake për ardhjen e anëtarëve të këtij rrjeti dhe e kishin përcjellë qëndrimin e tyre prej disa ditësh.

    Dyshohet se qëllimi i vizitës ishte xhirimi i materialeve dokumentare për harmonizimin e politikës së vizave të Malit të Zi me standardet e Bashkimit Evropian.

    Burimet e “Vijesti” pretendojnë se materialet synonin t’i paraqisnin integrimet evropiane si proces të imponuar politikisht, me pasoja negative për turizmin, stabilitetin ekonomik dhe interesat kombëtare të Malit të Zi.

    Sinjali – aty ku e vërteta flet para lajmit!

    /GazetaSinjali/

    The post Dronë dhe pajisje të sofistikuara te shefi i “Rybar”, çfarë u gjet gjatë aksionit në Mal të Zi appeared first on Sinjali.

    Burimi: Sinjali