Blog

  • Rama uron Shiroka-Pulën: Mbarësi e sukses për ju dhe Kosovën

    Rama uron Shiroka-Pulën: Mbarësi e sukses për ju dhe Kosovën

    Rama uron Shiroka-Pulën: Mbarësi e sukses për ju dhe Kosovën

    Kryeministri i Shqipërisë, Edi Rama, ka uruar akademiken Justina Shiroka-Pulën pas zgjedhjes së saj Presidente e Republikës së Kosovës.

    Përmes një postimi në rrjetin social X, Rama i ka përcjellë urimet e tij të përzemërta Shiroka-Pulës, duke theksuar se ajo merr këtë detyrë në një periudhë sfiduese për Kosovën, rajonin dhe Evropën.

    “Urime të përzemërta akademikes së mirënjohur, zonjës Justina Shiroka-Pula, për zgjedhjen Presidente e Republikës së Kosovës, në një fazë sfiduese për Kosovën dhe në një kohë sfiduese për krejt rajonin tonë e për vetë Europën”, ka shkruar Rama, transmeton Klankosova.tv

    Kryeministri shqiptar i ka uruar suksese presidentes së re dhe Kosovës.

    “Mbarësi e sukses për ju dhe Kosovën zonja Presidente”, ka përfunduar shefi i qeverisë shqiptare./Klankosova.tv

    Urime të përzemërta akademikes së mirënjohur, zonjës Justina Shiroka – Pula, për zgjedhjen Presidente e Republikës së Kosovës, në një fazë sfiduese për Kosovën dhe në një kohë sfiduese për krejt rajonin tonë e për vetë Europën.

    Mbarësi e sukses për ju dhe Kosovën zonja… pic.twitter.com/3UIqbYo1S7

    — Edi Rama (@ediramaal) October 7, 2026

  • VLEN: Kosova dëshmoi forcën e demokracisë, urime Presidentes së re

    VLEN: Kosova dëshmoi forcën e demokracisë, urime Presidentes së re

    Kosova dëshmoi se demokracia, dialogu politik dhe respektimi i institucioneve janë rruga për të tejkaluar edhe situatat më të vështira politike, thonë nga VLEN.

    “Zgjedhja e Justina Shiroka-Pulës si Presidente e re i jep fund ngërçit institucional dhe hap rrugën për rikthimin e plotë të funksionimit të institucioneve të Republikës së Kosovës.

    Presidentes së re i urojmë sukses në detyrën e saj dhe besojmë se përvoja e saj në politikë, arsim dhe shkencë do t’i shërbejë forcimit të institucionit të Presidentit dhe stabilitetit të vendit.

    Po ashtu, përshëndesim konsensusin politik për miratimin në lexim të dytë të ndryshimeve në Ligjin për Gjykatën Speciale. Ky dakordim politik tregon se përmes dialogut dhe vullnetit për marrëveshje mund të gjenden zgjidhje edhe për çështjet më të ndjeshme.

    Tash është koha që institucionet të funksionojnë, politika të fokusohet te qytetarët dhe Kosova të ecë përpara me stabilitet, përgjegjësi dhe demokraci”, thonë nga VLEN./Telegrafi/

  • Vance: Irani duhet të reduktojë pasurimin bërthamor për t’i dhënë fund luftës

    Vance: Irani duhet të reduktojë pasurimin bërthamor për t’i dhënë fund luftës

    Zëvendëspresidenti amerikan, JD Vance, ka deklaruar se Irani duhet të bëjë një reduktim “domethënës” të kapaciteteve të tij për pasurimin e uraniumit, nëse dëshiron t’i plotësojë kërkesat e SHBA-së dhe t’i japë fund luftës shtatë-mujore mes dy vendeve.

    Në një intervistë ekskluzive për Reuters, Vance tha se Uashingtoni nuk do të mjaftohet me premtime për reduktime të ardhshme, por kërkon masa konkrete nga Teherani.

    “Nëse nuk dëshironi armë bërthamore, atëherë pse ju nevojitet karburant i pasuruar në 60 për qind? Nëse dëshironi të tregoni përkushtim për të mos ndërtuar armë bërthamore, mos prodhoni karburant shumë të pasuruar”, tha Vance.

    Sipas tij, çdo marrëveshje e mundshme duhet të përfshijë një reduktim real të kapacitetit iranian për pasurim.

    “Ne nuk do t’i këmbejmë fjalët me veprime”, tha ai, transmeton Telegrafi.

    SHBA-ja dhe Irani kanë shkëmbyer gjatë javëve të fundit propozime për përfundimin e luftës dhe rihapjen e Ngushticës së Hormuzit, një prej rrugëve më të rëndësishme të transportit të energjisë në botë.

    Presidenti amerikan Donald Trump ka refuzuar ofertën e fundit të Teheranit dhe ka paralajmëruar se operacionet ushtarake mund të intensifikohen pas zgjedhjeve të mesmandatit në nëntor.

    Vance, i cili prej kohësh ka shprehur skepticizëm ndaj përfshirjes së SHBA-së në luftëra jashtë vendit, ka marrë rol të rëndësishëm në përpjekjet për arritjen e një marrëveshjeje. Ai kishte ndërmjetësuar një marrëveshje të përkohshme paqeje në qershor, por ajo u shemb shpejt.

    Një tjetër vështirësi për negociatat, sipas Vance, është pasiguria e Uashingtonit rreth mënyrës se si merren vendimet në Teheran.

    Ai tha se SHBA-ja po zhvillon kontakte me presidentin iranian Masoud Pezeshkian dhe ministrin e Jashtëm Abbas Araqchi, por nuk është e qartë se sa autoritet kanë ata në strukturën e pushtetit iranian.

    Kjo pasiguri vjen pas sulmeve të përbashkëta amerikano-izraelite në fillim të luftës, në të cilat u vra lideri suprem iranian, Ayatollah Ali Khamenei.

    “Një nga gjërat që kemi kuptuar është se nuk është plotësisht e qartë se si merr vendime vendi i tyre”, tha Vance.

    Trump tha gjithashtu të martën se “problemi më i madh” është se askush nuk e di se kush po e drejton Iranin.

    Megjithatë, Ministria e Jashtme iraniane e ka kundërshtuar këtë pretendim. Zëdhënësi Esmaeil Baghaei tha se zyrtarët amerikanë e dinë se cilët janë homologët e tyre iranianë dhe si funksionon sistemi i vendimmarrjes në vend.

    Sipas tij, problemi qëndron te “qëndrimet kontradiktore dhe mesazhet e përziera” nga zyrtarët amerikanë.

    Vance tha gjithashtu se ka zhvilluar biseda me komandantë në terren për të vlerësuar situatën ushtarake. Ai hodhi poshtë shqetësimet për mungesa kritike të municioneve dhe tha se, ndonëse forcat iraniane janë herë pas here në gjendje të godasin anije tregtare në Ngushticën e Hormuzit, ato kryesisht nuk janë në gjendje të pengojnë eksportet e energjisë përmes saj.

    Vance nuk pranoi të thoshte nëse ai vetë po udhëheq negociatat e paqes, megjithëse shpesh përmendet si negociatori kryesor i Shtëpisë së Bardhë.

    “Ne jemi padyshim të përfshirë. Në fund të fundit, presidenti i Shteteve të Bashkuara po i drejton gjërat”, tha ai.

    Lufta, e cila sipas Reuters i kushton SHBA-së rreth 3 miliardë dollarë në muaj, është shndërruar në një çështje të rëndësishme politike përpara zgjedhjeve të nëntorit.

    Rritja e çmimeve të energjisë ka vënë Trumpin dhe republikanët nën presion në shtetet ku gara për kontrollin e Kongresit pritet të jetë e ngushtë. Reuters ka raportuar se kostoja e jetesës dhe lufta me Iranin po ndikojnë gjithnjë e më shumë në fushatën zgjedhore.

    Vance është përpjekur të zbusë kritikat ndaj mënyrës se si Trump po e menaxhon konfliktin, duke u bërë thirrje votuesve të mos lejojnë që lufta të ndikojë në mbështetjen e tyre për kandidatët republikanë.

    Ai ishte në Alaska për të mbështetur senatorin republikan Dan Sullivan, i cili përballet me një garë të ngushtë për rizgjedhje kundër demokratës Mary Peltola.

    Gjatë tubimit, Vance u përqendrua veçanërisht te kostoja e jetesës dhe çmimet e energjisë, një çështje veçanërisht e ndjeshme në Alaska, ku distancat e mëdha rrisin kostot e mallrave dhe energjia është një sektor kyç i ekonomisë.

    Vance shihet si një prej kandidatëve kryesorë të mundshëm republikanë për të pasuar Trumpin në Shtëpinë e Bardhë. Megjithatë, ai tha se ende nuk ka vendosur nëse do të kandidojë për president në vitin 2028.

    “Jam natyrshëm një person që i shtyn gjërat për më vonë. Nuk kam menduar shumë për këtë”, tha ai. /Telegrafi/

  • Zendaya rikthen një nga veshjet e saj të preferuara, por këtë herë e kombinon me xhinse

    Zendaya rikthen një nga veshjet e saj të preferuara, por këtë herë e kombinon me xhinse

    Zendaya tërhoqi vëmendje me paraqitjen e saj në sfilatën e Louis Vuitton për koleksionin pranverë 2027 në Paris.

    Shfaqja e shtëpisë së njohur franceze mbylli Javën e Modës në Paris, ndërsa stilisti Nicolas Ghesquiere kishte mbledhur një sërë emrash të njohur dhe ambasadorësh të markës.

    Mes të ftuarve ishin Saoirse Ronan, Emma Stone, Lisa dhe Zendaya, e cila u shfaq me një nga kombinimet më të spikatura të mbrëmjes.

    Foto: Instagram

    Aktorja kishte veshur një bluzë të bardhë dantelle, të cilën e kishte kombinuar në një mënyrë më të thjeshtë dhe moderne.

    Për ta bërë veshjen më pak teatrale, Zendaya e kishte kombinuar bluzën me një tjetër bluzë poshtë saj dhe një palë xhinse.

    Ajo që tërhoqi vëmendjen ishte fakti se Zendaya nuk e kishte veshur për herë të parë këtë pjesë.

    Të njëjtën bluzë e kishte zgjedhur edhe në muajin korrik, kur mori pjesë në premierën e filmit “The Odyssey”.

    Zendaya u shfaq në humor të mirë në Paris, ku përshëndeti e buzëqeshi para gazetarëve dhe fansave, përpara se të hynte në sfilatën e Louis Vuitton.

    Paraqitja e saj mori shumë komente pozitive edhe në rrjetet sociale, ku fansat vlerësuan kombinimin e thjeshtë, por efektiv, si dhe modelin e ri të flokëve të aktores. /Telegrafi/

  • Nga admirimi si fëmijë te bashkëlojtari i tij, Alvarez emocionon me mesazhin për Messin

    Nga admirimi si fëmijë te bashkëlojtari i tij, Alvarez emocionon me mesazhin për Messin

    Sulmuesi i Atletico Madridit dhe i Kombëtares së Argjentinës, Julian Alvarez, ka reaguar pas ndeshjes së fundit të Lionel Messit me fanellën e kombëtares, në fitoren 3-0 ndaj Beninit.

    Alvarez i ka kushtuar një mesazh të veçantë legjendës argjentinase, duke kujtuar rrugëtimin e tij nga një fëmijë që e admironte Messin, deri te momenti kur pati mundësinë të bëhej bashkëlojtar me të dhe të ndajë momente të paharrueshme në fushë.

    “Çfarë gëzimi të ndaj fushën dhe kaq shumë momente me ty”.

    “Në fillim, të admiroja si fëmijë, ashtu si miliona argjentinas që u rritën duke ëndërruar të bëheshin futbollistë falë teje. Më pas pata fatin të të takoja, të bëhesha bashkëlojtari yt dhe të përjetoja momente që nuk do t’i harroj kurrë”.

    “Faleminderit për gjithçka që na dhe, për mënyrën se si e përfaqësove vendin tonë dhe për trashëgiminë që na lë, e cila shkon shumë përtej futbollit. Do të na mungosh shumë me fanellën bardhekaltër”.

    “Për mua, ti do të jesh gjithmonë më i madhi. Faleminderit për gjithçka, Leo”, ka shkruar Alvarez. /Telegrafi/

  • 700 libra të rinj dhe tri kënde leximi në shkollat e Kamenicës

    700 libra të rinj dhe tri kënde leximi në shkollat e Kamenicës

    Kryetari i Komunës së Kamenicës, Kadri Rahimaj, ka njoftuar se tri shkolla të komunës janë pasuru hapësira janë krijuar në SHFMU “Metush Krasniqi” në Roganë, SHFMU “Rexhep Mala” në Topanicë dhe SHFMU “Xhavit Ahar me 700 tituj të rinj librash dhe kënde të reja leximi.

    Këto hapësira janë krijuar në SHFMU “Metush Krasniqi” në Roganë, SHFMU “Rexhep Mala” në Topanicë dhe SHFMU “Xhavit Ahmeti” në Hodonoc, duke u ofruar nxënësve mundësi të reja për lexim dhe zhvillimin e njohurive.

    Rahimaj ka falënderuar Resa Kurbogaj-Ajetin nga ZA Aktiv e.V. dhe Fondacionin Elsa Miller për donacionin.

    Ai ka theksuar se Komuna e Kamenicës do të vazhdojë të mbështesë bashkëpunimet që kontribuojnë në avancimin e cilësisë në arsim dhe krijimin e mundësive të reja për nxënësit dhe mësimdhënësit. /Telegrafi/

  • Rusia po përgatit ura kyçe për sulme të mundshme balistike ukrainase?

    Rusia po përgatit ura kyçe për sulme të mundshme balistike ukrainase?

    Rusia po përgatit ura kyçe për sulme të mundshme balistike nga Forcat e Mbrojtjes së Ukrainës.

    Sipas Ukrinform, lëvizja partizane ATESH e raportoi këtë në Telegram, përcjell Telegrafi.

    Agjentë të lëvizjes, të cilët janë punonjës të Administratës Rrugore të Rajonit të Rostovit, raportojnë se autoritetet civile dhe ushtarake kanë marrë një urdhër nga shtabi i Qarkut Ushtarak Jugor të Rusisë për të përgatitur urgjentisht nyjet logjistike përballë sulmeve të mundshme nga Forcat e Mbrojtjes së Ukrainës.

    Udhëzimet nga Shtabi i Përgjithshëm rus dhe shtabi i qarkut thuhet se janë marrë nga “Rosavtodor”, Hekurudhat Ruse dhe administratat rajonale.

    Masat përfshijnë kalime kyçe që përdoren për furnizimin e grupimeve ushtarake ruse.

    Në veçanti, në Rajonin e Rostovit, po punohet për përforcimin e urave rrugore dhe hekurudhore mbi lumin Don, si dhe për përgatitjen e rrugëve alternative.

    Masa të ngjashme raportohet se po zbatohen edhe në drejtim të Taganrogut.

    Në drejtim të Krimesë, forcat ruse thuhet se presin sulme të reja në zonën e Sivashit dhe Armjanskut.

    Në Rajonin e Belgorodit, urat pranë Shelyayevos dhe Urazovos po vihen në gjendje gatishmërie të shtuar.

    Pritet që sulmet e shënjestruara ndaj kalimeve lokale të mund të ngadalësojnë ndjeshëm dërgesat e municioneve dhe të detyrojnë pajisjet ushtarake të përdorin rrugë alternative.

    Masat mbrojtëse të planifikuara në këto pika përfshijnë vendosjen e postblloqeve 24-orëshe të mbajtura nga “Rosgvardiya” dhe zyrat e komandanturës ushtarake, instalimin e rrjetave kundër dronëve dhe pajisjeve të luftës elektronike.

    “Urat mbeten arteriet kryesore të furnizimit për ushtrinë ruse. Dëmtimi i tyre bllokon dërgesat e karburantit, municioneve dhe trupave”, deklaroi ATESH.

    Siç raporton Ukrinform, presidenti Volodymyr Zelensky tha se Ukraina ishte përgjigjur në mënyrë proporcionale dhe do të vazhdojë t’i përgjigjet terrorit rus, përfshirë sulmet ndaj urave. /Telegrafi/

  • Koci dorëzon në Kushtetuese procedurën për zgjedhjen e presidentes

    Koci dorëzon në Kushtetuese procedurën për zgjedhjen e presidentes

    Koci dorëzon në Kushtetuese procedurën për zgjedhjen e presidentes

    Avokati Arianit Koci ka bërë të ditur se sot ka depozituar në Gjykatën Kushtetuese procedurën për zgjedhjen e presidentit të Kosovës.

    Koci ka theksuar se Gjykata Kushtetuese kishte përcaktuar qartë se procedura për zgjedhjen e Presidentit të Republikës duhej të përfundonte deri më 6 tetor, transmeton klankosova.tv.

    “Gjykata kishte përcaktuar qartë se procedura për zgjedhjen e Presidentit duhej të përfundonte deri më 6 tetor 2026. Sipas të dhënave publike, votimi ka vazhduar edhe pas mesnatës”, ka shkruar Koci.

    Postimi i Arianit Kocit:

    Sot kam depozituar në Gjykatën Kushtetuese njoftimin për moszbatimin e aktgjykimit në rastet KO256/26 dhe KO258/26.

    Gjykata kishte përcaktuar qartë se procedura për zgjedhjen e Presidentit duhej të përfundonte deri më 6 tetor 2026. Sipas të dhënave publike, votimi ka vazhduar edhe pas mesnatës.

    Gjykata në nenin 226 të aktgjykimit, e ka theksuar edhe pasojën juridike në rast se afati nuk respektohet: shpërndarja e Kuvendit.

    Vendimet e Gjykatës Kushtetuese janë të detyrueshme.

    Pa zbatimin e tyre, nuk ka shtet e shoqëri.

  • Haziri: Protestat do të vazhdojnë, do jemi gardianë të Ligjit për Specialen (VIDEO)

    Haziri: Protestat do të vazhdojnë, do jemi gardianë të Ligjit për Specialen (VIDEO)

    Haziri: Protestat do të vazhdojnë, do jemi gardianë të Ligjit për Specialen (VIDEO)

    Organizatori i protestës “Jo në emrin tim!”, Çlirim Haziri, në emisionin “Ora Shtatë” bëri të ditur se protestat do të vazhdojnë.

    Megjithatë, ai tha se protestat nuk do të jenë të përditshme, ashtu siç ishin për tri javë rresht, transmeton klankosova.tv.

    “Protestat do t’i vazhdojmë, protestat do të ndryshojnë formë, protesta nuk do të jetë e përditshme, do të jemi gardian të këtij ligji, do të tentojmë që të ndikojmë në format tona që të punohet në drejtim të duhur për Ushtrinë Çlirimtare të Kosovës dhe të arrijmë ta ndryshojmë tregimin që po tentohet të vuloset nga një gjykatë super speciale me ato vendimet e saja të diktuara”, tha ai.

  • Ahmeti: Kosova shmangu zgjedhjet e parakohshme, urime për presidenten Shiroka-Pula

    Ahmeti: Kosova shmangu zgjedhjet e parakohshme, urime për presidenten Shiroka-Pula

    Ahmeti: Kosova shmangu zgjedhjet e parakohshme, urime për presidenten Shiroka-Pula

    Kryetari i BDI-së, Ali Ahmeti, ka reaguar pas zhvillimeve të fundit politike në Kosovë dhe zgjedhjes së Justina Shiroka-Pulës në krye të shtetit.

    Përmes një postimi në rrjetet sociale, Ahmeti vlerësoi, sipas tij, pjekurinë politike dhe përgjegjësinë shtetërore të autoriteteve të Kosovës, të cilat arritën të gjejnë një zgjidhje për krizën politike duke shmangur zgjedhjet e reja të parakohshme parlamentare, transmeton Klankosova.tv.

    Ahmeti e uroi Shiroka-Pulën për detyrën e re, duke i dëshiruar sukses dhe urtësi në ushtrimin e përgjegjësisë së saj.

    “Presidente Prof. Dr. Justina Shiroka-Pula, urime për përgjegjësinë e re dhe detyrën e lartë shtetërore! Ju uroj shumë sukses, urtësi dhe arritje në ushtrimin e këtij misioni të rëndësishëm në shërbim të Republikës së Kosovës dhe qytetarëve të saj”, shkroi Ahmeti.

    Në reagimin e tij, kreu i BDI-së theksoi rëndësinë e stabilitetit institucional dhe të vendosjes së interesit shtetëror e qytetar mbi atë partiak.

    “Stabiliteti institucional, përqendrimi te zgjidhjet që i ofrojnë të ardhme më të mirë qytetarëve dhe vendosja e interesit shtetëror e qytetar mbi atë partiak duhet të jenë gjithmonë udhërrëfyes për autoritetet politike të Republikës së Kosovës”, u shpreh ai.