Category: Lajme

  • Kori ‘Siparantum’ kërkojnë mbështetje me koncert për pjesëmarrje në Pragë

    Kori ‘Siparantum’ kërkojnë mbështetje me koncert për pjesëmarrje në Pragë

    “Koncerti organizohet me qëllim të mbledhjes së fondeve për pjesëmarrjen e korit në festivalin ndërkombëtar “Songs of Europe”, i cili do të mbahet nga 18 deri më 23 nëntor 2026 në Pragë, Çeki”, thuhet në komunikatën për media.

    Gjatë këtij festivali, Kori Siparantum do të përfaqësojë Kosovën në hapësira prestigjioze koncertale, përfshirë Smetana Hall, St. Salvator Church dhe St. Nicholas Church, duke prezantuar vlerat artistike dhe kulturore të vendit tonë.

    “Për realizimin e këtij udhëtimi artistik nevojiten 21.000 euro, të cilat do të mbulojnë shpenzimet e transportit, akomodimit dhe ushqimit për anëtarët e korit. Për shkak të afateve të organizimit, mbështetja financiare nevojitet deri më 1 nëntor 2026”, vazhdon njoftimi.

    Koncerti mbahet më 24 tetor, në orën 20:00, në Kinemanë “Jusuf Gërvalla” në Pejë.

    Burimi: RTKLive

  • Ankohet pak Trendafilova, thotë se Specialja nuk ndikohet nga politika

    Ankohet pak Trendafilova, thotë se Specialja nuk ndikohet nga politika

    Kryetarja e Dhomave të Specializuara të Kosovës në Hagë, Ekaterina Trendafilova, ka deklaruar se institucioni që ajo drejton është përballur me dezinformata lidhur me pavarësinë dhe funksionimin e tij, si dhe me përpjekje për të penguar rrjedhën e drejtësisë.

    Në deklarimin e saj, Trendafilova ka theksuar se këto përpjekje kanë çuar edhe në dënime dhe pranime të fajësisë për frikësimin e dëshmitarëve në proceset gjyqësore para Dhomave të Specializuara.

    Ajo ka rikujtuar se ky institucion gjyqësor e ka mandatin të përcaktuar nga Shkëmbimi i Letrave, Kushtetuta e Kosovës dhe Ligji për Dhomat e Specializuara dhe Zyrën e Prokurorit të Specializuar.

    “Që nga themelimi, Dhomat e Specializuara janë përballur me dezinformata lidhur me pavarësinë dhe funksionimin e tyre. Po ashtu, ka pasur përpjekje për të penguar rrjedhën e drejtësisë. Këto përpjekje kanë çuar në dënime dhe pranime të fajësisë për frikësimin e dëshmitarëve para Gjykatës. Dhomat e Specializuara janë institucion gjyqësor me mandat të përcaktuar nga Shkëmbimi i Letrave, Kushtetuta e Kosovës dhe Ligji për Dhomat e Specializuara dhe Zyrën e Prokurorit të Specializuar. Gjykata është e përqendruar në garantimin e procedurave penale të sigurta, të pavarura, të paanshme, të drejta dhe efikase, duke siguruar njëkohësisht mbrojtje të fuqishme për dëshmitarët dhe viktimat. Përkundër dezinformatave që vazhdojnë të përhapen lidhur me Gjykatën, Dhomat e Specializuara garantojnë të drejtat e të akuzuarve për një gjykim të drejtë, në përputhje me standardet e njohura ndërkombëtarisht”, thuhet në deklarim.

    Kryetarja e Dhomave të Specializuara ka vënë në dukje se vendimet gjyqësore mund të kundërshtohen përmes procedurave të ankimit, përfshirë panelet e Apelit, Panelin e Gjykatës Supreme dhe Dhomën e Specializuar të Gjykatës Kushtetuese, në rastet kur të pandehurit pretendojnë se u janë shkelur të drejtat.

    “Mbikëqyrja e vendimeve gjyqësore bëhet përmes procedurave të ankimit, përfshirë panelet e Apelit të DhSK-së dhe Panelin e Gjykatës Supreme. Të pandehurit mund t’i drejtohen gjithashtu Dhomës së Specializuar të Gjykatës Kushtetuese nëse besojnë se u janë shkelur të drejtat. Vlen të theksohet se të pandehurit i kanë shfrytëzuar këto mjete juridike dhe, në një numër vendimesh, kanë pasur sukses. Ndërsa kritika ndaj vendimeve gjyqësore është legjitime në një shoqëri demokratike, sundimi i ligjit kërkon që askush të mos diktojë mënyrën se si gjyqtarët e interpretojnë dhe e zbatojnë ligjin. Si institucion gjyqësor i pavarur, Dhomat e Specializuara e ushtrojnë mandatin e tyre pa u ndikuar nga konsideratat politike, preferencat, ndikimet apo ndërhyrjet”, ka shtuar ajo.

    Në përfundim, ajo ka ritheksuar përkushtimin e institucionit për respektimin e standardeve ndërkombëtare dhe vazhdimin e punës në mënyrë të pavarur nga presionet e jashtme, duke kërkuar që të gjithë aktorët e përfshirë t’i përmbushin detyrimet e tyre në respektim të sundimit të ligjit.

    “Dhomat e Specializuara mbeten të palëkundura në përkushtimin e tyre për të respektuar standardet më të larta ndërkombëtare dhe për të vazhduar punën që u është besuar, në mënyrë të pavarur nga çdo presion i jashtëm, me pritshmërinë që të gjithë aktorët e përfshirë t’i përmbushin detyrimet e tyre përkatëse, në mënyrë që të respektohet sundimi i ligjit”, ka theksuar ajo.

    Deklarimi i Trendafilovës vjen pas miratimit nga Kuvendi i Kosovës, më 6 tetor, të ndryshimeve në Ligjin për Dhomat e Specializuara.

    Ndryshimet synojnë të kufizojnë juridiksionin e Gjykatës Speciale, të ndryshojnë periudhën kohore që mbulon, të përcaktojnë një dënim maksimal prej 15 vjetësh burgim dhe të mundësojnë që personat e dënuar t’i mbajnë dënimet në institucionet korrektuese të Kosovës, si dhe të jenë subjekt i faljes presidenciale.

    Ligji parasheh gjithashtu transferimin në sistemin e rregullt gjyqësor të Kosovës të rasteve që do të mbeteshin jashtë juridiksionit të ri. Megjithatë, miratimi i ndryshimeve nga Kuvendi nuk nënkupton vetvetiu anulimin e aktgjykimeve ekzistuese apo lirimin e personave të dënuar.

    Burimi: Dukagjini

  • CR7 dënohet me 255 euro, i duhen vetëm 36 sekonda për ta paguar gjobën

    CR7 dënohet me 255 euro, i duhen vetëm 36 sekonda për ta paguar gjobën

    Megjithatë, vendimi ka nxitur reagime dhe komente ironike në Portugali, kryesisht për shkak të shumës së ulët të gjobës në raport me të ardhurat e jashtëzakonshme të yllit portugez.

    Sipas një përllogaritjeje të publikuar nga gazeta “A Bola”, Ronaldos i nevojiten vetëm 36 sekonda në fushë për të fituar shumën e nevojshme për ta paguar gjobën, duke marrë parasysh pagën e tij te Al Nassr në Arabinë Saudite.

    Shuma prej 255 eurosh përfaqëson vetëm 0,00012 për qind të të ardhurave të tij vjetore, çka e ka kthyer këtë ndëshkim në temë diskutimi në mediat portugeze.

    Përveç gjobës financiare, sulmuesi 41-vjeçar është dënuar me një muaj pezullim. Megjithatë, sipas raportimit, ky afat përfundon para grumbullimit të ardhshëm të kombëtares, duke i lënë mundësinë të jetë sërish në dispozicion të përzgjedhësit Jorge Jesus.

    Në Portugali, masa financiare ndaj pesë herë fituesit të Topit të Artë është komentuar me ironi, pasi për një futbollist me përfitimet e tij, pagesa e gjobës është praktikisht e papërfillshme.

    Kështu, një ndëshkim që në letër synon të vendosë disiplinë në përfaqësuesen portugeze, është shndërruar në një tjetër temë debati për shkak të kontrastit të madh mes gjobës dhe pasurisë së Cristiano Ronaldos.

    Burimi: RTKLive

  • Bajrami ia rikujton Kurtit premtimin e vitit 2023: Autostrada Prishtinë-Gjilan ende e papërfunduar

    Bajrami ia rikujton Kurtit premtimin e vitit 2023: Autostrada Prishtinë-Gjilan ende e papërfunduar

    Deputetja e Lidhjes Demokratike të Kosovës (LDK), Hykmete Bajrami, ka kritikuar kryeministrin Albin Kurti për mos përfundimin e Autostradës Prishtinë-Gjilan, duke rikujtuar një premtim të tij të bërë në korrik të vitit 2023.

    Në një postim në Facebook, Bajrami ka publikuar deklaratën e atëhershme të Kurtit, në të cilën ai kishte thënë se autostrada do të hapej brenda vitit 2023.

    “Autostrada Prishtinë—Gjilan po bëhet. Ajo hapet këtë vit. Urime!”, kishte shkruar Kurti në korrik të vitit 2023.

    Në atë postim, Kurti kishte bërë të ditur se mbi 70 për qind e punimeve kishin përfunduar, ndërsa kishte përmendur vizitat në tri llote të projektit, me gjatësi prej 4.8, 2.5 dhe 2.2 kilometrash. Ai kishte theksuar se segmenti prej 22.8 kilometrash do të shtrihej nga Banulla e Lipjanit deri në Bresalc të Gjilanit.

    Bajrami ka theksuar se nga publikimi i këtij premtimi kanë kaluar tre vjet, dy muaj e 29 ditë, ndërsa autostrada, ende nuk është përfunduar.

    “3 vjet, 2 muaj e 29 ditë nga ky premtim i Albin Kurtit!

    21 mijë veta e kanë pëlqy, 2,500 kanë komentu, ndërsa mbi gjysmë milioni e kanë parë këtë postim.

    Jemi në tetor të vitit 2026, e autostrada ende nuk është përfunduar!
    Ka ardhë koha që Kurti me dalë me një datë tjetër, me e shpallë edhe një herë si lajm të madh e me i marrë edhe disa dhjetëra mijëra pëlqime nga militantët.

    Politikanët që nuk i mbajnë premtimet duhet me dhënë llogari, jo me marrë vota e duartrokitje.

    Me kërku përgjegjësi nga politikanët nuk është turp, është vetëdije e lartë shoqërore, është
    kontribut për të ardhmën e fëmijëve tanë.

    Bëjeni!”, ka shkruar Bajrami.

     

    Burimi: Dukagjini

  • Arsenali afër marrëveshjes së re me Declan Rice

    Arsenali afër marrëveshjes së re me Declan Rice

    Lajmi është bërë i ditur nga gazetari i njohur i transferimeve, Fabrizio Romano, sipas të cilit palët po përparojnë drejt një marrëveshjeje afatgjatë.

    Bisedimet për kontratën e re të reprezentuesit anglez kanë nisur në mars të vitit 2026 dhe, sipas raportimeve të fundit, tashmë kanë hyrë në fazën vendimtare. Drejtuesit e klubit londinez synojnë ta mbajnë Rice në skuadër për shumë vite, duke e konsideruar një nga lojtarët më të rëndësishëm të projektit të trajnerit Mikel Arteta.

    “Arsenali po përparon shumë mirë në përpjekjet për ta mbajtur në klub për një kohë të gjatë një nga lojtarët kyç të skuadrës, Declan Rice. Marrëveshja mes Arsenalit dhe Rice për kontratën e re po i afrohet fazës përfundimtare”, ka deklaruar Romano.

    Rice e nënshkroi kontratën e tij aktuale në korrik të vitit 2023, pasi u transferua nga West Ham United. Marrëveshja është e vlefshme deri në vitin 2028, ndërsa klubi ka mundësinë ta zgjasë atë edhe për një sezon tjetër, deri në vitin 2029.

    Megjithatë, Arsenali dëshiron të sigurojë të ardhmen e mesfushorit me kushte të reja dhe një marrëveshje afatgjatë. Sipas raportimeve, paga e tij aktuale prej rreth 240 mijë funtesh në javë pritet të rritet në afërsisht 350 mijë funte në javë, nëse arrihet marrëveshja e re.

    Me këtë kontratë, Rice do të vazhdonte të ishte një prej figurave kryesore të projektit të Arsenalit, në një periudhë kur klubi po punon për të ruajtur bërthamën e skuadrës. Në muajt e fundit, marrëveshje të reja kanë nënshkruar edhe emra të rëndësishëm si Bukayo Saka dhe William Saliba.

    Për Arsenalin, vazhdimi i bashkëpunimit me Rice do të ishte një hap i rëndësishëm drejt ruajtjes së stabilitetit dhe ambicieve për të luftuar për trofe në Angli dhe në arenën evropiane.

    Burimi: RTKLive

  • Këshilli i Sigurimit i OKB-së diskuton sot për Kosovën

    Këshilli i Sigurimit i OKB-së diskuton sot për Kosovën

    Mbledhja pritet të nisë në orën 15:00 sipas kohës së New Yorkut, përkatësisht në orën 21:00 sipas kohës së Kosovës.

    Në këtë takim, përfaqësuesi special i Sekretarit të Përgjithshëm të OKB-së dhe shefi i UNMIK-ut, Peter Due, pritet të prezantojë raportin e fundit për Kosovën, i cili mbulon periudhën nga 16 marsi deri më 15 shtator 2026.

     

    Burimi: RTKLive

  • Rubio mohon ndërprerjen e shkëmbimit të informacioneve me Ukrainën

    Rubio mohon ndërprerjen e shkëmbimit të informacioneve me Ukrainën

    “Nuk ka pasur asnjë ndërprerje të shkëmbimit të informacioneve”, deklaroi dje Rubio gjatë një vizite në Uzbekistan, duke kundërshtuar pretendimet e Zelensky për pezullimin e të dhënave që ndihmojnë në zbulimin e lëshimit të raketave ruse.

    Ndërkohë, Rusia kreu sulme të reja me raketa dhe dronë ndaj Ukrainës. Sipas autoriteteve ukrainase, në Kiev dhe zonat përreth u lëshuan 16 raketa balistike, ndërsa sulmet shkaktuan të paktën një të vrarë dhe tetë të plagosur.

    Presidenti Zelensky deklaroi se sulmet ruse kishin goditur gjithashtu objektet energjetike dhe infrastrukturën në disa rajone, duke lënë të paktën 550 mijë familje pa energji elektrike.

    Ai tha se Ukraina nuk kishte marrë paralajmërim paraprak nga partnerët për sulmet gjatë natës dhe paralajmëroi se dërgesat e raketave për sistemet e mbrojtjes ajrore po bllokoheshin.

    Sulme të tjera u raportuan në qytetin e Krivij Rihut, ku humbën jetën të paktën dy persona dhe shtatë të tjerë u plagosën, si dhe në rajonin e Harkivit, ku një sulm rus me dronë vrau të paktën gjashtë persona, mes tyre tre fëmijë, sipas autoriteteve lokale.

    Rubio tha se nuk mund të komentonte sulmet e fundit, por kritikoi deklaratat e presidentit ukrainas, duke theksuar se përparësi duhet t’i jepet përfundimit të luftës.

    “Nuk e di nga i merr ai këto informacione apo pse u thotë gjëra të tilla medieve”, deklaroi Rubio, duke shtuar se përpjekjet duhet të përqendrohen te dhënia fund e konfliktit.

    Ndërkohë, Ministria ruse e Mbrojtjes konfirmoi sulmet ndaj Kievit dhe zonave përreth tij.

    Burimi: RTKLive