Category: Lajme

  • Hajnat nuk kursejnë as shkollat – zhduket laptopi nga shkolla “Vëllezërit Frashëri” në Lipjan

    Hajnat nuk kursejnë as shkollat – zhduket laptopi nga shkolla “Vëllezërit Frashëri” në Lipjan

    Hajnat nuk kursejnë as shkollat – zhduket laptopi nga shkolla “Vëllezërit Frashëri” në Lipjan

    As shkollat nuk po u shpëtojnë vjedhjeve. Një laptop në pronësi të Shkollës Fillore “Vëllezërit Frashëri” në Lipjan është raportuar i vjedhur, ndërsa Policia ka nisur hetimet për identifikimin e personit apo personave të dyshuar.

    Burimet e Sinjalit bëjnë me dije se rasti është raportuar më 19 tetor, rreth orës 08:20, nga drejtori i shkollës, J. Bahtiri, i cili ka njoftuar Policinë për mungesën e një laptopi që i përkiste institucionit arsimor.

    Sipas deklarimit të tij, pajisja e zhdukur ka një vlerë të përafërt prej 300 eurosh.

    Pas denoncimit, në shkollë kanë dalë njësitë hetimore dhe tekniku i kriminalistikës, të cilët kanë ndërmarrë veprimet fillestare për dokumentimin e rastit.

    Për ngjarjen është njoftuar Prokurori i Shtetit, me udhëzim të të cilit është iniciuar rasti për veprën penale “Vjedhje”.

    Deri në momentin e raportimit nuk ishte identifikuar ndonjë person i dyshuar, ndërsa mbetet të sqarohet se kur dhe në çfarë rrethanash është marrë laptopi nga shkolla.

    Hetimet po vazhdojnë.

    Sinjali – aty ku e vërteta flet para lajmit!

    /GazetaSinjali/

    The post Hajnat nuk kursejnë as shkollat – zhduket laptopi nga shkolla “Vëllezërit Frashëri” në Lipjan appeared first on Sinjali.

    Burimi: Sinjali

  • Qeveria shqiptare shpërblen 2 750 policë për angazhimin e shtuar

    Qeveria shqiptare shpërblen 2 750 policë për angazhimin e shtuar

    Këshilli i Ministrave (Shqipëri) miratoi sot vendimin për dhënie shpërblimi punonjësve të Policisë së Shtetit dhe për një shtesë në buxhetin e Ministrisë së Punëve të Brendshme, miratuar për vitin 2026.

    Ky vendim u miratua në mbështetje të ligjit “Për menaxhimin e sistemit buxhetor në Republikën e Shqipërisë”, të ndryshuar dhe të ligjit “Për buxhetin e vitit 2026”, të ndryshuar, dhe të ligjit  “Për Policinë e Shtetit”, të ndryshuar, me propozimin e ministrit të Punëve të Brendshme.

    Sipas vendimit qeveria do të japë  shpërblim financiar në masën prej 269 120 lekësh për 2 750 punonjës të Policisë së Shtetit për angazhimin e shtuar në garantimin e rendit dhe të sigurisë publike.

    Në buxhetin e Ministrisë së Punëve të Brendshme, në zërin “Shpenzime korrente” të programit buxhetor “Policia e Shtetit”, shtohet fondi prej 740 080 000 lekësh.

    Efekti financiar, në shumën prej 740 080 000 lekësh, që rrjedh nga zbatimi i këtij vendimi, përballohet nga fondi rezervë i buxhetit të shtetit, miratuar për vitin 2026.

    Drejtoria e Përgjithshme e Policisë së Shtetit përcakton listën emërore të punonjësve të policisë përfitues bazuar në dokumentacionin justifikues dhe kryen procedurat për dhënien e shpërblimit.

    Për zbatimin e vendimit ngarkohen Ministria e Financave, Ministria e Punëve të Brendshme dhe Drejtoria e Përgjithshme e Policisë së Shtetit.

    Ky vendim hyn në fuqi menjëherë dhe botohet në “Fletoren zyrtare”.

    Burimi: RTKLive

  • Boksieri nga Zhuri i Prizrenit synon fitoren e tretë radhazi në karrierën profesioniste

    Boksieri nga Zhuri i Prizrenit synon fitoren e tretë radhazi në karrierën profesioniste

    Boksieri nga Zhuri i Prizrenit synon fitoren e tretë radhazi në karrierën profesioniste

    Boksieri shqiptar, Elvin Sope, me prejardhje nga Zhuri i Prizrenit, do të përballet me Jose Rivas më 27 nëntor, në Europa-Park.

    22-vjeçari synon të vazhdojë serinë e fitoreve në boksin profesionist, duke kërkuar triumfin e tretë radhazi.

    Në një intervistë për MalishevaSot, në bisedë me gazetarin Altin Dobruna, Sope ka shprehur motivimin e tij për këtë sfidë, duke thënë se mezi pret momentin për ta bërë krenar popullin shqiptar.

    Përballja e 27 nëntorit pritet të jetë një tjetër mundësi për boksierin shqiptar që të dëshmojë aftësitë e tij në ring dhe të vazhdojë me rezultate pozitive në karrierën profesioniste.

    Sinjali – aty ku e vërteta flet para lajmit!

    /GazetaSinjali/

    The post Boksieri nga Zhuri i Prizrenit synon fitoren e tretë radhazi në karrierën profesioniste appeared first on Sinjali.

    Burimi: Sinjali

  • Tri modelet e flokëve që po pëlqehen këtë vjeshtë, njëri përshtatet me pothuajse çdo formë fytyre

    Vjeshta është periudha ideale për të freskuar pamjen dhe për t’u kujdesur për flokët pas ekspozimit ndaj diellit dhe temperaturave të larta gjatë verës.

    Këtë sezon, trendet e flokëve po orientohen drejt pamjes natyrale, vëllimit dhe modeleve që nuk kërkojnë shumë kohë për mirëmbajtje. Në vend të stilimeve të ndërlikuara, përparësi kanë prerjet e buta, shtresat e lehta dhe balluket elegante.

    1. Bob-i i butë

    Prerja bob mbetet një nga zgjedhjet më të pëlqyera, ndërsa këtë vjeshtë vjen me një pamje më natyrale. Gjatësia zakonisht përfundon te mjekra ose pak më poshtë saj, kurse shtresat delikate u japin flokëve lëvizje dhe vëllim.

    Valët e lehta dhe majat jo plotësisht të rregullta krijojnë një pamje moderne, pa kërkuar stilim të gjatë. Ky model mund të përshtatet me forma të ndryshme të fytyrës, në varësi të gjatësisë dhe mënyrës së prerjes.

    2. Flokët e gjatë me shkallëzim

    Për ato që dëshirojnë të ruajnë gjatësinë, por t’u japin flokëve më shumë gjallëri, prerja me shkallëzim është një alternativë praktike.

    Shtresat e vendosura me kujdes krijojnë lëvizje dhe ndihmojnë që flokët të duken më të lehtë. Ky model mund të jetë veçanërisht i përshtatshëm për flokët e dendur, ndërsa te flokët e hollë shkallëzimi duhet të bëhet me kujdes, në mënyrë që majat të mos duken tepër të rralla.

    Një tjetër përparësi është se flokët mund të mbahen të drejtë, me onde të buta ose të lihen të thahen natyrshëm.

    3. Balluket elegante

    Për ato që nuk dëshirojnë t’i shkurtojnë shumë flokët, balluket mund të sjellin një ndryshim të dukshëm në pamje.

    Këtë vjeshtë, vëmendje marrin veçanërisht balluket e ndara në mes, të njohura si curtain bangs, të cilat kornizojnë fytyrën dhe kombinohen lehtësisht me flokët e gjatë ose me prerjen bob.

    Megjithatë, balluket mund të kërkojnë më shumë përkujdesje të përditshme dhe korrigjim të rregullt të gjatësisë te parukierja.

    Cilin model të zgjidhni?

    Zgjedhja nuk duhet të bazohet vetëm te trendet, por edhe te forma e fytyrës, dendësia dhe tekstura e flokëve, si dhe koha që dëshironi t’i kushtoni stilimit.

    Bob-i i butë është një alternativë për një ndryshim më të dukshëm, shkallëzimi u jep flokëve të gjatë më shumë lëvizje, ndërsa balluket mund të freskojnë pamjen pa pasur nevojë për një prerje drastike.

    Në fund, modeli më i përshtatshëm është ai që përputhet me tiparet tuaja dhe mund të mirëmbahet lehtësisht në përditshmëri.

    Sinjali – aty ku e vërteta flet para lajmit!

    /GazetaSinjali/

    The post Tri modelet e flokëve që po pëlqehen këtë vjeshtë, njëri përshtatet me pothuajse çdo formë fytyre appeared first on Sinjali.

    Burimi: Sinjali

  • Sergen Yalcin pritet të emërohet përzgjedhës i Turqisë

    Sergen Yalcin pritet të emërohet përzgjedhës i Turqisë

    Turqia ka mbetur pa përzgjedhës që nga fillimi i tetorit, kur Federata e Futbollit e shkarkoi italianin Vincenzo Montella pas rezultateve zhgënjyese në kualifikimet për Kupën e Botës 2026 dhe në Ligën e Kombeve.

    Në Ligën e Kombeve, Turqia renditet e fundit në Grupin 1A, pas katër humbjeve në po aq ndeshje.

    Yalcin, pesëdhjetë e tre vjeçar, së fundmi e ka drejtuar Besiktas gjatë sezonit 2025/26. Ai e mori drejtimin e klubit në gusht të vitit 2025, duke zëvendësuar Ole Gunnar Solskjaer, ndërsa sezonin e ka përfunduar në vendin e katërt, me shtatëmbëdhjetë pikë më pak se kampioni Galatasaray.

    Ky ka qenë mandati i dytë i Yalcinit te Besiktas. Në sezonin 2020/21, ai e kishte udhëhequr skuadrën drejt fitimit të dy trofeve vendorë.

    Si futbollist, Yalcin i ka zhvilluar tridhjetë e shtatë ndeshje me përfaqësuesen e Turqisë dhe e ka fituar pesë herë titullin e kampionit në Superligën turke.

    Gjatë karrierës si trajner, ai ka drejtuar edhe disa klube të tjera turke, përfshirë Gaziantepspor, Sivasspor, Konyaspor, Alanyaspor dhe Antalyaspor.

    Turqia do t’i zhvillojë edhe dy ndeshje në Ligën e Kombeve, kundër Belgjikës më 12 nëntor dhe Francës më 15 nëntor.

    Burimi: RTKLive

  • Ronaldo pezullohet për tridhjetë ditë dhe gjobitet me 255 euro nga Federata

    Ronaldo pezullohet për tridhjetë ditë dhe gjobitet me 255 euro nga Federata

    Vendimi është marrë të hënën nga këshilli disiplinor i federatës, i cili e ka konfirmuar plotësisht shkeljen e pretenduar ndaj sulmuesit dyzet e një vjeçar.

    Ronaldo është larguar nga kampi i Portugalisë në Kopenhagë para ndeshjes së Ligës së Kombeve kundër Danimarkës, pas një mosmarrëveshjeje me përzgjedhësin Jorge Jesus për rolin e tij në ekip.

    Ylli portugez kishte pretenduar se Jesus nuk e kishte mbajtur fjalën dy herë lidhur me aktivizimin e tij, pasi Ronaldo e kishte ndjekur nga banka rezervë, pa u inkuadruar në lojë, ndeshjen kundër Norvegjisë.

    Jesus i ka mohuar pretendimet se kishte pasur ndonjë marrëveshje me Ronaldon, por pas fitores së Portugalisë me rezultatin dy me një e ka lënë të hapur mundësinë e rikthimit të sulmuesit në përfaqësuese.

    Sipas vendimit të publikuar të hënën, këshilli disiplinor ka vlerësuar se Ronaldo e ka kryer me dashje shkeljen e parashikuar në nenin 160, paragrafi i parë, të rregullores disiplinore të federatës. Procedura ndaj tij është hapur më nëntë tetor, pas raportimeve për ngjarjen e ndodhur dy ditë më parë.

    Megjithatë, federata nuk ka sqaruar se cilat ndeshje apo aktivitete do të përfshihen në pezullim dhe nëse periudha e kaluar nën një pezullim të përkohshëm do të llogaritet në dënimin prej tridhjetë ditësh.

    Pas incidentit, Ronaldo ka kërkuar falje për faktin se nuk i kishte përshëndetur tifozët pas ndeshjes kundër Norvegjisë dhe për largimin nga bashkëlojtarët. Ai ka deklaruar se mbetet i gatshëm të luajë për Portugalinë, pasi ta vuajë dënimin që do t’i shqiptohet.

    Presidenti i Federatës Portugeze të Futbollit, Pedro Proença, ka thënë se brenda institucionit ekziston dëshira që Ronaldo të rikthehet në përfaqësuese pasi çështja të zgjidhet.

    Rregullorja parashihte për Ronaldon një pezullim prej një deri në gjashtë muajsh, si dhe gjobë, për largimin pa arsye të justifikuar nga grumbullimi i përfaqësueses. Në fund, këshilli disiplinor ka vendosur për një pezullim prej 30 ditësh dhe një gjobë prej 255 eurosh.

    Burimi: RTKLive

  • Aksident trafiku në Lluzhan të Podujevës, dyshohet për të lënduar

    Aksident trafiku në Lluzhan të Podujevës, dyshohet për të lënduar

    Aksident trafiku në Lluzhan të Podujevës, dyshohet për të lënduar

    Një aksident trafiku ka ndodhur sonte në fshatin Lluzhan të Komunës së Podujevës, ku raportohet për persona të lënduar dhe dëme materiale.

    Sipas informacioneve të para, aksidenti ka shkaktuar edhe kolona të automjeteve në rrugën Lluzhan–Batllavë, duke vështirësuar qarkullimin në këtë segment rrugor.

    Policia ka dalë në vendin e ngjarjes dhe po zhvillon hetimet fillestare për të sqaruar rrethanat dhe shkaqet që çuan deri te aksidenti.

    Sinjali ka kontaktuar Policinë dhe është në pritje të një përgjigje zyrtare rreth këtij aksidenti.

    Sinjali – aty ku e vërteta flet para lajmit!

    /GazetaSinjali/

    The post Aksident trafiku në Lluzhan të Podujevës, dyshohet për të lënduar appeared first on Sinjali.

    Burimi: Sinjali

  • Haradinaj e quan Kurtin “sundimtar”: Protestuesve u dha gaz lotsjellës e dajak

    Haradinaj e quan Kurtin “sundimtar”: Protestuesve u dha gaz lotsjellës e dajak

    Ish-kreu i Aleancës, Ramush Haradinaj, ka akuzuar kryeministrin Albin Kurti dhe ministrin e atëhershëm të Punëve të Brendshme, Xhelal Sveçla, se kanë dhënë urdhër politik për ndërhyrjen e Policisë ndaj protestuesve më 5 tetor, gjatë protestës në mbështetje të ish-krerëve të UÇK-së që po mbahen në Hagë.

    Në Debat Plus, Haradinaj ka thënë se ndërhyrja ndodhi një natë para skadimit të afatit për zgjedhjen e presidentit, duke e cilësuar atë si vendim politik.

    “Priti deri një natë para skadimit të afatit dhe dha urdhër politik policisë për të ndërhyrë, me iu tregu ligjin. E kujt po ia tregon ligjin, atyre që po lypin ligj”, ka deklaruar Haradinaj.

    Ai ka thënë se protestuesit kishin dalë në rrugë për të kërkuar zbatimin e ligjit dhe jo për të kërkuar diçka të jashtëligjshme.

    “E qeveria që i merr pagat prej taksave të këtyre njerëzve”, është shprehur ai, duke kritikuar mënyrën se si u trajtuan protestuesit.

    Haradinaj ka thënë se e respekton Policinë dhe pjesëtarët e saj, por ka kritikuar atë që e ka cilësuar si ndërhyrje të urdhëruar politikisht.

    “Policia duhet ta bëjë një dallim mes qeverisjes dhe sundimit. Vërtetë duhet të sundojë rendi e ligji, por nuk duhet të sundojë politika kundërligjshëm, përmes mekanizmave të rendit e ligjit”, ka deklaruar ai.

    Haradinaj ka shtuar se protestuesit, të cilët sipas tij po kërkonin zbatimin e ligjit, u përballën me gaz lotsjellës dhe dhunë.

    “Sundimtari i detyroi ata njerëz me plagë e vuajtje e trauma, për tri javë ditë me i ardhë para zyrës, në vend me ua dhënë ligjin, u dha gaz lotsjellës e dajak. E kujt është kjo qeveri, që i jep dajak e gaz lotsjellës qytetarëve që po kërkojnë ligj”, ka thënë Haradinaj.

    Protesta e 5 tetorit u përshkallëzua jashtë objektit të Kuvendit të Kosovës, ku protestuesit hodhën mjete piroteknike, ndërsa Policia ndërhyri me gaz llotsjellës dhe ujë me presion.

     

    Burimi: Dukagjini

  • Laporta thumbon Realin: Shumë gjela në një kafaz s’funksionojnë

    Laporta thumbon Realin: Shumë gjela në një kafaz s’funksionojnë

    Laporta thumbon Realin: Shumë gjela në një kafaz s’funksionojnë

    Ethet e derbit më të madh në futbollin botëror, “El Clasico”, po afrohen, teksa përballja mes Barcelonës dhe Real Madridit vjen e ngarkuar me tensione të larta jo vetëm në fushën e blertë, por edhe në zyrat drejtuese.

    Raportet mes dy klubeve gjigante janë ftohur ndjeshëm, veçanërisht mes dy krerëve, Florentino Perez dhe Joan Laporta.

    Shkak për këtë përplasje institucionale u bë e ashtuquajtura çështja “Negreira”, pas së cilës madrilenët akuzuan hapur klubin katalunas për favorizim dhe trukim të ndeshjeve përmes gjyqtarëve.

    Në një intervistë për prestigjiozen franceze L’Équipe, Laporta nënvizoi se grumbullimi i emrave me peshë mund të shkatërrojë frymën e grupit, transmeton Klankosova.tv.

    E thashë! Të kesh më shumë se një gjel në të njëjtin kafaz pule nuk mund të funksionojë, kurrë. Prioriteti në futboll është ekipi dhe fryma e ekipit. Nëse nuk i ke këto gjëra, projekti nuk do të funksionojë. Kjo është një nga pikat e forta të Barcelonës. Ne kemi talente të shkëlqyera, lojtarë të La Masias, lojtarë që vijnë nga kultura të tjera të futbollit, dhe më pas arrijmë të formojmë një ekip midis tyre me harmoni që funksionon mirë” ka thënë Laporta.

    Përballja e parë “El Clasico” për këtë sezon do të luhet të dielën në orën 21:00 në “Camp Nou”.

  • Pelet me çmim të kripur në Podujevë: 312 mijë euro me negocim për kompaninë e aktivistit të VV-së (VIDEO)

    Pelet me çmim të kripur në Podujevë: 312 mijë euro me negocim për kompaninë e aktivistit të VV-së (VIDEO)

    Pelet me çmim të kripur në Podujevë: 312 mijë euro me negocim për kompaninë e aktivistit të VV-së (VIDEO)

    Komuna e Podujevës, e udhëhequr nga Shpejtim Bulliqi, ka nënshkruar kontratë 312 mijë euro për furnizim me 600 tonë pelet, me çmim prej 520 eurosh për ton.

    Marrëveshja gjashtëmujore u lidh më 6 tetor 2026, përmes procedurës së negociuar, ku figuron vetëm një ofertë e pranuar, ajo e kompanisë DnA Core L.L.C. Komuna kishte paraparë 252 mijë euro, por kontrata u nënshkrua për 60 mijë euro më shumë.

    Kiks Kosova ka krahasuar çmimin e Podujevës me kontrata të komunave të tjera, të cilat kanë siguruar pelet dukshëm më lirë.

    Kamenica ka kontraktuar 295 euro për ton, Lipjani 329 euro, Vushtrria 350 euro, ndërsa Fushë Kosova 384 euro. Nëse Podujeva do të paguante çmimin e Kamenicës për të njëjtën sasi prej 600 tonësh, fatura do të ishte 135 mijë euro më e ulët.

    Kontrata e re vjen pavarësisht se në shtator të vitit 2025, Podujeva kishte nënshkruar një marrëveshje kornizë trevjeçare për furnizim me pelet, me çmim prej 203 eurosh për ton. Marrëveshja me grupin e kompanive Evergreen Timber dhe Marigona AU parashihte 1.300 tonë pelet, me vlerë indikative prej 263.900 eurosh. Pronari i Evergreen Timber, Blerim Vitija, i tha Kiks Kosova se kompania ishte tërhequr nga kontrata në pranverën e këtij viti, pasi çmimi i peletit ishte rritur ndjeshëm. Vitija, sipas fotografive dhe publikimeve në rrjete sociale të shqyrtuara nga Kiks-i, ka shprehur publikisht përkrahje për Lëvizjen Vetëvendosje.

    Edhe kompania që përfitoi kontratën e re lidhet me një përfaqësues të Vetëvendosjes. Aridon Sylejmani, përfaqësues i DnA Core, ishte prezantuar në një njoftim partiak të gushtit 2022 si kryetar i një pike të kësaj partie. Kompania, e themeluar në mars të vitit 2025, ka përfituar edhe një marrëveshje kornizë deri në 120 mijë euro nga Komuna e Kamenicës për mirëmbajtje të terreneve dhe furnizim me rekuizita sportive. Në prill të vitit 2023, Sylejmani ishte angazhuar po ashtu nga kjo komunë si konsulent ndërtimi, për 9.480 euro.

    Kiks Kosova e ka pyetur Komunën e Podujevës për bazën ligjore dhe rrethanat që e arsyetuan procedurën e negociuar, si dhe për dokumentet e negocimit, por deri në publikimin e materialit nuk ka marrë përgjigje. Përgjigje nuk ka kthyer as Komisioni Rregullativ i Prokurimit Publik lidhur me atë nëse ka pranuar sqarim nga komuna për përdorimin e kësaj procedure. Sylejmanit i janë dërguar pyetje për kontratën dhe angazhimet e kompanisë, por ai nuk është përgjigjur deri në publikim.