Category: Lajme

  • Ekskluzive | Policia ndal veturën në Obiliq – shoferit i gjenden revole “Zoraki”, 9 fishekë dhe shufër metalike

    Ekskluzive | Policia ndal veturën në Obiliq – shoferit i gjenden revole “Zoraki”, 9 fishekë dhe shufër metalike

    Një kontroll rutinor policor në Obiliq ka përfunduar me sekuestrimin e një arme, municioni dhe një shufre metalike, pasi këto mjete janë zbuluar brenda një veture që ishte ndaluar nga patrulla policore.

    Burimet e Sinjalit bëjnë me dije se ngjarja ka ndodhur më 17 tetor, rreth orës 10:40, në rrugën “Hasan Prishtina”, ku një njësi policore, gjatë patrullimit, ka ndaluar për kontroll një automjet me targa vendore.

    Gjatë kontrollit të veturës, të cilën po e drejtonte Kadri Sylejmani, 39 vjeçar, policët kanë gjetur një revole të tipit “Zoraki”, një karikator, nëntë fishekë me gaz të kalibrit 9×19 mm dhe një shufër metalike.

    Pas zbulimit të këtyre mjeteve, Sylejmani është shoqëruar në Stacionin Policor në Obiliq, ndërsa arma, municioni dhe shufra metalike janë sekuestruar në cilësinë e provave materiale.

    I dyshuari është intervistuar në prani të avokatit mbrojtës, ndërsa për rastin është njoftuar Prokurori i Shtetit.

    Pas konsultimit me prokurorin, është iniciuar rasti për veprën penale “Mbajtje në pronësi, kontroll ose posedim të paautorizuar të armëve”.

    Kadri Sylejmani është liruar në procedurë të rregullt, ndërsa hetimet për rastin po vazhdojnë.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post Ekskluzive | Policia ndal veturën në Obiliq – shoferit i gjenden revole “Zoraki”, 9 fishekë dhe shufër metalike appeared first on Sinjali.

    Burimi: Sinjali

  • Ekskluzive | I mituri kapet me katër qese marihuanë në Shtime – thotë se drogën e bleu për 30 euro në Prishtinë

    Ekskluzive | I mituri kapet me katër qese marihuanë në Shtime – thotë se drogën e bleu për 30 euro në Prishtinë

    Ekskluzive | I mituri kapet me katër qese marihuanë në Shtime – thotë se drogën e bleu për 30 euro në Prishtinë

    Një i mitur është ndaluar nga Policia në Shtime, pasi në veturën me të cilën po udhëtonte janë gjetur katër qese me substancë të dyshuar narkotike të llojit marihuanë. Gjatë intervistimit, ai ka deklaruar se drogën e kishte blerë në Prishtinë për 30 euro, por se nuk e dinte identitetin e personit që ia kishte shitur.

    Burimet e Sinjalit bëjnë me dije se rasti është zbuluar më 17 tetor, rreth orës 13:20, kur Policia ka ndaluar një veturë të tipit Caddy Pickup, në të cilën ndodhej i mituri, 17 vjeçar.

    Gjatë kontrollit të automjetit, zyrtarët policorë kanë gjetur katër qese me substancë të dyshuar marihuanë, të cilat janë konfiskuar.

    I mituri është shoqëruar për intervistim, ku është marrë në pyetje në prani të prindit dhe avokatit mbrojtës.

    Sipas informatave të siguruara nga Sinjali, ai ka deklaruar se substancën e kishte blerë në Prishtinë, në vlerë prej 30 eurosh, por nuk ka mundur të identifikojë personin nga i cili pretendon se e kishte siguruar.

    Për rastin është njoftuar prokurorja kujdestare për të mitur, e cila ka udhëzuar inicimin e procedurës për veprën penale “Posedim i paautorizuar i narkotikëve”.

    Rasti i është kaluar sektorit të hetimeve për veprime të mëtejshme, përfshirë sqarimin e rrethanave të posedimit dhe prejardhjes së substancës së dyshuar narkotike.

    Sinjali – aty ku e vërteta flet para lajmit!

    /GazetaSinjali/

    The post Ekskluzive | I mituri kapet me katër qese marihuanë në Shtime – thotë se drogën e bleu për 30 euro në Prishtinë appeared first on Sinjali.

    Burimi: Sinjali

  • Protestë kundër Kurtit më 1 nëntor në Prishtinë, kërkohet dorëheqja e tij

    Protestë kundër Kurtit më 1 nëntor në Prishtinë, kërkohet dorëheqja e tij

    Protestë kundër Kurtit më 1 nëntor në Prishtinë, kërkohet dorëheqja e tij

    Një thirrje publike për protestë është publikuar në rrjetet sociale, ku qytetarët ftohen të mblidhen në Prishtinë për të shprehur pakënaqësinë dhe për të kërkuar përgjegjësi politike.

    Sipas njoftimit, protesta do të mbahet të dielën, më 1 nëntor 2026, duke filluar nga ora 12:00, në sheshin “Skënderbeu” në Prishtinë.

    Organizatorët e thirrjes kanë bërë të ditur se kërkesa kryesore e protestës është dorëheqja e kryeministrit Albin Kurti.

    Në njoftim, qytetarët ftohen të marrin pjesë në mënyrë paqësore, së bashku me familjarë dhe miq, duke mbajtur pankarta dhe mesazhe për të shprehur qëndrimet e tyre.

    “Një popull, një zë!”, thuhet në thirrjen publike për pjesëmarrje në protestë.

    Thirrja e plotë:

    THIRRJE PUBLIKE PËR PROTESTË

    QYTETARË TË KOSOVËS, ZËRI YNË DUHET TË DËGJOHET!

    Ftojmë të gjithë qytetarët që të bashkohen në një protestë paqësore për të shprehur pakënaqësinë dhe për të kërkuar përgjegjësi politike.

    KËRKOJMË DORËHEQJEN E ALBIN KURTIT!

    Është koha që zëri i qytetarëve të dëgjohet dhe kërkesat tona të shprehen hapur, me dinjitet dhe vendosmëri.

    E diel, 1 nëntor 2026

    Ora 12:00

    Sheshi Skënderbeu, Prishtinë

    Bashkohuni me familjen, miqtë dhe qytetarët e tjerë. Merrni pjesë me pankarta dhe mesazhe për të shprehur qëndrimin tuaj në mënyrë paqësore.

    NJË POPULL, NJË ZË!

    BASHKOHU NË PROTESTË!

    Sinjali – aty ku e vërteta flet para lajmit!

    /GazetaSinjali/

    The post Protestë kundër Kurtit më 1 nëntor në Prishtinë, kërkohet dorëheqja e tij appeared first on Sinjali.

    Burimi: Sinjali

  • Dizajneri nga Kosova, uniformën e UÇK-së e çon në Paris Fashion Week (VIDEO)

    Dizajneri nga Kosova, uniformën e UÇK-së e çon në Paris Fashion Week (VIDEO)

    Dizajneri nga Kosova, uniformën e UÇK-së e çon në Paris Fashion Week (VIDEO)

    Dizajneri nga Kosova, Etnik Shala, në Paris ka prezantuar koleksionin e tij të ri “ARKA”, i frymëzuar nga tradita, kujtesa dhe identiteti shqiptar.

    Koleksioni u prezantua në kuadër të Javës së Modës në Paris, ku Shala solli në pasarelë një rrëfim të ndërtuar përmes veshjeve, detajeve dhe elementeve që lidhen me trashëgiminë shqiptare.

    Karakteristike ishte edhe paraqitja e tij në kryeqendrën e modës, sepse ai vendosi të paraqitej me uniformën e UÇK-së dhe lidhur me këtë moment, ai foli në Prive KlanKosova.

    “Unë kam dashtë me pasë edhe një prezantim të diçkaje që ka qenë shumë e rëndësishme për neve si kosovarë, në luftën e fundit dhe uniforma mendoj se ka qenë edhe një pjesë e ‘arkave’ që për shumë familje gjendet në të edhe për shumë dëshmorë që nuk janë është kujtimi i vetëm që familjet e tyre e kanë për ta, e mban aromën e fundit të tyre”, tha ai.

    Kujtojmë që Paris Fashion Week nuk është e vetmja skenë ndërkombëtare ku Etniku u shfaq me koleksion. Ai pati edhe paraqitje të tjera në vende të ndryshme ku fitoi edhe çmime.

  • Pacientja “braktiset” në Emergjencë, familjarët nuk i përgjigjen telefonatave as të Policisë

    Pacientja “braktiset” në Emergjencë, familjarët nuk i përgjigjen telefonatave as të Policisë

    Pacientja “braktiset” në Emergjencë, familjarët nuk i përgjigjen telefonatave as të Policisë

    Një rast i pazakontë është regjistruar në Klinikën Emergjente (reparti internistik) në QKUK, ku një paciente mësohet se ka mbetur e braktisur prej më shumë se 24 orësh nga familjarët e saj.

    Sipas burimeve të gazetares së Klan Kosova, Arbreshë Uka, pacientja ndodhet e vetme në hapësirat e Emergjencës që nga dita e djeshme rreth orës 16:00, raporton Klankosova.tv.

    Familjarët e kishin sjellë për trajtim dhe i kishin thënë stafit mjekësor “na thirrni kur të përfundojnë procedurat”, por më pas kanë shkëputur çdo kontakt.

    Për këtë situatë është vënë në dijeni edhe Policia e Kosovës, e cila ka provuar disa herë të kontaktojë familjarët, mirëpo i biri i pacientes, që edhe e ka dërguar për trajtim, nuk po e hap telefonin as për organet e rendit dhe as për stafin spitalor.

    Përballë kësaj situate, personeli shëndetësor i Emergjencës është detyruar të marrë përsipër jo vetëm trajtimin mjekësor, por edhe kujdesin e përgjithshëm ditor dhe ushqimin e saj.

  • Spalletti ‘dorëzohet’ para magjisë së yllit dardan: Zhegrova është shkatërrues, meriton më shumë minuta

    Spalletti ‘dorëzohet’ para magjisë së yllit dardan: Zhegrova është shkatërrues, meriton më shumë minuta

    Spalletti ‘dorëzohet’ para magjisë së yllit dardan: Zhegrova është shkatërrues, meriton më shumë minuta

    Trajneri i njohur italian, Luciano Spalletti, ka thurur elozhe për cilësitë e jashtëzakonshme të yllit të Kosovës, Edon Zhegrova, duke theksuar se talenti i tij mund të jetë vendimtar ndaj çdo mbrojtjeje kundërshtare, ndonëse kërkon përshtatje të kujdesshme me ekuilibrin taktik të skuadrës.

    Tekniku italian ka vënë në pah paparashikueshmërinë e anësorit dardan, cilësi kjo që e bën atë një kërcënim të vazhdueshëm në duelet kokë më kokë dhe një lojtar të aftë për të gjetur zgjidhje në çaste kritike.

    Zhegrova ka aftësi të jetë shkatërrues për kundërshtarët, falë karakteristikave të tij dhe mënyrës se si luan. Lëvizjet e tij janë të paparashikueshme për kundërshtarët, por ndonjëherë janë të paparashikueshme edhe për vetë atë,” ka deklaruar Spalletti, transmeton Klankosova.tv.

    Spalletti ka shpjeguar më tej se instinkti dhe liria e lojës e bëjnë Zhegrovën të ndryshojë planet në fraksion sekonde gjatë një aksioni, me synimin për të prodhuar rrezik edhe atëherë kur skemat nuk funksionojnë sipas parashikimeve.

    Megjithatë, për të shfrytëzuar plotësisht potencialin e tij, trajneri italian ka nënvizuar se ekipi duhet të funksionojë si një bllok i vetëm në mënyrë që të kompensohet liria e tij në fazën ofensive:

    Ai mund të gjejë hapësirën e duhur në skuadër nëse arrijmë të vendosim ekuilibrin e duhur në krahun tjetër të fushës.”

    Në përmbyllje të prononcimit të tij, tekniku italian vlerësoi lart përkushtimin dhe formën e sulmuesit kosovar, duke theksuar me bindje:

     

  • Fico në tubimin e Vuçiqit: Sllovakia nuk do t’ju zhgënjejë për Kosovën

    Fico në tubimin e Vuçiqit: Sllovakia nuk do t’ju zhgënjejë për Kosovën

    Kryeministri i Sllovakisë, Robert Fico, ka marrë pjesë të enjten mbrëma në një tubim parazgjedhor të listës “Aleksandar Vuçiq – Serbia e Bashkuar”, në Novi Sad, ku shprehu publikisht mbështetjen për presidentin serb, Aleksandar Vuçiq, në prag të zgjedhjeve të 25 tetorit.

    Lideri prorus sllovak e nisi fjalimin në gjuhën serbe, duke thënë se ishte i lumtur që arriti të merrte pjesë në tubim, pavarësisht angazhimeve të mëparshme që kishin ngritur dyshime për praninë e tij për shkak të samitit të Bashkimit Evropian.

    “Kur tha dikush se nuk do të vija? Ja ku jam, të dashur qytetarë të Novi Sadit dhe të Serbisë”, deklaroi Fico, duke shtuar se dëshironte ta shprehte personalisht mbështetjen për mikun e tij, Vuçiqin, pasi nuk kishte mundur të merrte pjesë në një tubim të mëparshëm në Beograd, raportojnë mediat.

    Kryeministri sllovak tha se nuk kishte ardhur për t’u treguar qytetarëve se si duhet të votojnë, duke bërë një krahasim me, siç u shpreh ai, “disa të huaj të tjerë” që ndërhyjnë në proceset politike të Serbisë.

    Gjatë fjalimit, Fico e vlerësoi Vuçiqin si lider me vizion për vendin dhe përmendi zhvillimin ekonomik të Serbisë nën udhëheqjen e tij.

    “Zgjedhjet janë momenti kur ju vendosni nëse dëshironi që kjo të vazhdojë. Ju duhet të jeni një lider i vërtetë, një lider me shtyllë kurrizore. Është e rëndësishme të thuhet ‘jo’ kur të tjerët kërkojnë që të mendojmë dhe të veprojmë njësoj si ata”, tha Fico.

    Ai argumentoi se mbështet Vuçiqin për shkak të qëndrimit të tij ndaj sovranitetit të Serbisë dhe të drejtës së saj për të marrë vendime në mënyrë të pavarur. Fico kritikoi gjithashtu atë që i quajti qendra të jashtme të ndikimit, të cilat, sipas tij, synojnë një Serbi më të dobët dhe i vendosin kushte të reja në rrugën drejt anëtarësimit në Bashkimin Evropian.

    Në fjalimin e tij, kryeministri sllovak foli edhe për pakicën kombëtare sllovake në Vojvodinë, duke falënderuar autoritetet serbe për trajtimin e bashkëkombësve të tij.

    Në fund, Fico u ndal te çështja e Kosovës, duke premtuar se Sllovakia do të vazhdojë ta mbështesë Serbinë në këtë drejtim.

    “Kur bëhet fjalë për Kosovën, nuk do t’ju zhgënjejmë kurrë. Gjithmonë do të keni tek unë një mik të vërtetë”, deklaroi ai, duke u bërë thirrje qytetarëve serbë të ruajnë paqen, stabilitetin dhe përparimin.

    Sllovakia është një nga pesë vendet anëtare të Bashkimit Evropian që nuk e njohin pavarësinë e Kosovës, krahas Spanjës, Qipros, Rumanisë dhe Greqisë.

    Burimi: Dukagjini

  • Të pandalshëm! Barcelona mposht bindshëm Betisin

    Të pandalshëm! Barcelona mposht bindshëm Betisin

    Të pandalshëm! Barcelona mposht bindshëm Betisin

    Barcelona ka vazhduar formën e lartë në kampionatin spanjoll, duke shënuar një fitore bindëse me rezultat 2-5 si mysafire e Real Betisit, në kuadër të javës së nëntë të La Ligës.

    Takimi nisi me ritëm të lartë nga skuadra katalonase, e cila kaloi në epërsi qysh në minutën e 10-të përmes talentit Lamine Yamal, transmeton Klankosova.tv.

    Vendasit arritën të reagonin dhe barazuan shifrat në minutën e 27-të me anë të Gomezit, por para përfundimit të pjesës së parë, Rodri (41′) realizoi për të rikthyer avantazhin e Barcelonës në 1-2.

    Dominimi i mysafirëve vijoi edhe me të filluar pjesa e dytë. Gabriel Jesus çoi shifrat në 1-3 në minutën e 51-të.

    Ndonëse Real Betisi ngushtoi përkohësisht diferencën me golin e Ezzalzulit në minutën e 53-të, shpresat e tyre për rikthim u zbehën vetëm një minutë më vonë, kur Bernal u ndëshkua me karton të kuq (54′), duke i lënë andaluzianët me dhjetë lojtarë në fushë.

    Me epërsinë numerike në fushë, Barcelona vulosi fitoren pa vështirësi. Garcia shënoi në minutën e 62-të për 2-4, ndërsa Dani Olmo në minutën e 81-të vulosi rezultatin përfundimtar në 2-5.

    Me këtë sukses, Barcelona mbetet lidere e padiskutueshme në La Liga me 27 pikë të tubuara, duke ruajtur një distancë prej pesë pikësh ndaj përcjellësit të parë, Atletico Madridit, që zë vendin e dytë.

  • Bayerni deklason Leipzigun 6-1 me Luis Diazin në rolin e protagonistit

    Bayerni deklason Leipzigun 6-1 me Luis Diazin në rolin e protagonistit

    Bayerni deklason Leipzigun 6-1 me Luis Diazin në rolin e protagonistit

    Bayern Munich ka dhuruar një tjetër spektakël në Bundesligë, duke e deklasuar RB Leipzigun me rezultat 6-1 në ndeshjen e zhvilluar në Allianz Arena, në kuadër të xhiros së gjashtë.

    Luis Diaz ishte protagonisti kryesor i mbrëmjes, duke realizuar het-trik. Sulmuesi kolumbian shënoi në minutat 12, 47 dhe 69, duke udhëhequr skuadrën bavareze drejt një fitoreje bindëse, transmeton Klankosova.tv.

    Për Bayernin realizuan edhe Aleksandar Pavlovic në minutën e 26-të, Michael Olise në minutën e 34-t dhe Harry Kane në minutën e 53-të. Golin e vetëm për Leipzigun e shënoi Andrija Maksimovic në minutën 90+1.

    Kjo fitore vjen pas dy barazimeve radhazi për Bayernin, i cili reagoi në mënyrën më të mirë të mundshme, duke treguar fuqinë e tij në sulm.

    Bayerni përfiton edhe nga barazimi pa gola i Borussia Dortmundit ndaj Union Berlinit dhe ngjitet në krye të tabelës së Bundesligës, të paktën përkohësisht.

  • Kongresmeni amerikan i bën thirrje qeverisë shqiptare të mos përdorë dhunë ndaj protestuesve

    Kongresmeni amerikan i bën thirrje qeverisë shqiptare të mos përdorë dhunë ndaj protestuesve

    Kongresmeni amerikan i bën thirrje qeverisë shqiptare të mos përdorë dhunë ndaj protestuesve

    Kongresmeni amerikan Joe Wilson ka shprehur shqetësimin për përshkallëzimin e krizës në Shqipëri, duke kërkuar respektimin e lirive demokratike, sundimit të ligjit dhe llogaridhënies institucionale.

    Në një reagim të publikuar në rrjetin social X, Wilson, anëtar i Kongresit të Shteteve të Bashkuara, ka theksuar se qytetarët shqiptarë meritojnë liri, institucione të përgjegjshme dhe një shtet ku sundon ligji.

    Ai i ka bërë thirrje qeverisë që të përmbahet nga çdo formë dhune ndaj protestuesve, ndërsa ka vënë në pah rëndësinë e përfshirjes së të rinjve në vendimmarrjen për të ardhmen e vendit.

    “Rinia meriton një zë në të ardhmen e vendit të saj”, ka theksuar Wilson.

    Kongresmeni amerikan ka rikujtuar gjithashtu se Shqipëria është aleate e NATO-s, duke nënvizuar rëndësinë e respektimit të të drejtave themelore, institucioneve demokratike dhe së drejtës për protestë paqësore.

    Reagimi i tij vjen në një kohë kur zhvillimet politike dhe protestat në Shqipëri kanë ngritur shqetësime lidhur me respektimin e lirive qytetare dhe përgjegjësinë e institucioneve.


    Sinjali – aty ku e vërteta flet para lajmit!

    /GazetaSinjali/

    The post Kongresmeni amerikan i bën thirrje qeverisë shqiptare të mos përdorë dhunë ndaj protestuesve appeared first on Sinjali.

    Burimi: Sinjali