Category: Lajme

  • Ukraina shkatërron gjashtë bombardues rusë “Su-34M” në Voronezh

    Ukraina shkatërron gjashtë bombardues rusë “Su-34M” në Voronezh

    Marina Ushtarake e Ukrainës njoftoi se sulmi goditi aeroportin dhe shkatërroi gjashtë avionët bombardues.

    Gjithashtu, u shkatërruan pajisje teknike që përdoren për mbështetjen e operacioneve ajrore.

    Në aeroport u raportuan shpërthime dytësore dhe zjarr, ndërsa autoritetet ukrainase thanë se informacioni mbi pasojat e sulmit ishte ende duke u verifikuar.

    Avionët “Su-34M” janë ndër mjetet kryesore të Forcave Ajrore Ruse për goditjen e pozicioneve mbrojtëse ukrainase dhe vendbanimeve pranë vijës së frontit.

    Ata mund të mbajnë njëkohësisht disa bomba të drejtuara dhe me eksploziv të fuqishëm, si dhe lloje të ndryshme raketash.

    Sipas Marinës Ukrainase, shkatërrimi i këtyre avionëve do të dobësonte kapacitetet ajrore të Rusisë dhe do të kufizonte përdorimin e aviacionit taktik në sektorët përkatës të frontit.

    Ukraina deklaroi se do të vijojë sulmet ndaj objektivave ushtarake ruse, me synimin për të ulur gradualisht aftësinë luftarake të Moskës.

    Burimi: RTKLive

  • Arrestohet i dyshuari për grabitjen e një shume të konsiderueshme parash në Gjakovë

    Arrestohet i dyshuari për grabitjen e një shume të konsiderueshme parash në Gjakovë

    Arrestohet i dyshuari për grabitjen e një shume të konsiderueshme parash në Gjakovë

    Policia e Kosovës ka arrestuar një person të dyshuar për grabitje në një filial të një kompanie në rrugën “Anton Çeta” në Gjakovë.

    Sipas raportit të Policisë, rasti ishte raportuar më 10 tetor 2026, kur ankuesja kishte deklaruar se një shumë e konsiderueshme parash ishte marrë nën kërcënim.

    Pas hetimeve, zyrtarët e Sektorit të Hetimeve në Gjakovë kanë arritur ta identifikojnë dhe lokalizojnë të dyshuarin, mashkull i moshës madhore, i cili më pas është arrestuar.

    Pas intervistimit, në koordinim me prokurorin e Shtetit, ndaj tij është iniciuar rasti për veprën penale “grabitje”, ndërsa me vendim të prokurorit është caktuar masa e ndalimit për 48 orë.

    Policia e Kosovës ka bërë të ditur se mbetet e përkushtuar në parandalimin dhe hetimin e veprave penale.

  • Protesta zhvendoset përballë Bashkisë së Tiranës

    Protesta zhvendoset përballë Bashkisë së Tiranës

    Protesta zhvendoset përballë Bashkisë së Tiranës

    Protesta në Tiranë është zhvendosur përpara godinës së Bashkisë së Tiranës, ku protestuesit kanë hedhur fishekzjarrë dhe gurë në drejtim të ndërtesës.

    Situata vjen pas tensioneve dhe përplasjeve të regjistruara gjatë tubimit, ndërsa protesta vijon të shoqërohet me incidente dhe dëmtime të pronës publike, raporton Tch, transmeton Klankosova.tv.

  • Prishtinë: Drejtonte veturën me targa të një automjeti tjetër, gjobitet me 700 euro

    Prishtinë: Drejtonte veturën me targa të një automjeti tjetër, gjobitet me 700 euro

    Prishtinë: Drejtonte veturën me targa të një automjeti tjetër, gjobitet me 700 euro

    Njësiti i Trafikut të Kryeqytetit ka identifikuar përmes kamerave të sigurisë një shofer i cili po drejtonte veturën me targa që i përkisnin një automjeti tjetër, ndërsa regjistrimi i veturës së tij kishte skaduar.

    Sipas raportit të Policisë së Kosovës, ndaj shoferit janë ndërmarrë veprimet e nevojshme dhe atij i janë shqiptuar dy gjoba.

    Për përdorimin e targave që i përkisnin një automjeti tjetër, shoferi është gjobitur me 500 euro, ndërsa për drejtimin e veturës me regjistrim të skaduar i është shqiptuar gjobë prej 200 eurosh.

    Policia ka bërë të ditur se targat e përdorura janë sekuestruar.

  • Sami Lushtaku: Kush mendon se mundet të më gjunjëzojë, le ta provojë!

    Sami Lushtaku: Kush mendon se mundet të më gjunjëzojë, le ta provojë!

    Sami Lushtaku: Kush mendon se mundet të më gjunjëzojë, le ta provojë!

    Kryetari i Skenderajt, Sami Lushtaku i është kundërpërgjigjur Alban Krasniqit, bashkëshortit të Albulena Haxhiut, përmes një reagimi në Facebook.

    Ai tha se kushdo që mendon që mund ta gjunjëzojë, “le ta provojë”, transmeton Klankosova.tv

    “Më 11 korrik 1997, Serbia më dënoi me 20 vjet burg në mungesë, me akuza për terrorizëm. Serbia nuk arriti të më gjunjëzojë asnjëherë. Sot, fatkeqësisht, disa shqiptarë po flasin me të njëjtën gjuhë që dikur fliste Serbia. Kush mendon se mundet të më gjunjëzojë, le ta provojë!”, ka shkruar Lushatku.

  • Protesta përfshin Kukësin, të rinjtë mblidhen para Bashkisë në shenjë solidariteti me Tiranën

    Protesta përfshin Kukësin, të rinjtë mblidhen para Bashkisë në shenjë solidariteti me Tiranën

    Edhe në qytetin e Kukësit po zhvillohet protesta në kuadër të thirrjes për bojkotimin e mësimit dhe në shenjë solidariteti me protestuesit në Tiranë.

    Pas përfundimit të mësimit, një grup gjimnazistësh kanë marshuar në rrugët e qytetit, duke dëmtuar kosha mbeturinash, stola dhe tabela. Ata gjithashtu i kanë vënë zjarrin lulishtes përpara Bashkisë.

    Sipas pamjeve, krahas thirrjeve, kanë hedhur edhe lëndë plasëse dhe tymuese./Euronewsal

    Burimi: Dukagjini

  • Wikoff, Vergori dhe Hoxha në veri, përcjellin patrullimet e përbashkëta të KFOR-it dhe Policisë së Kosovës

    Wikoff, Vergori dhe Hoxha në veri, përcjellin patrullimet e përbashkëta të KFOR-it dhe Policisë së Kosovës

    Komandanti i Komandës së Forcave të Përbashkëta Aleate të NATO-s në Napoli (JFC Naples), admirali George M. Wikoff, komandanti i KFOR-it, gjeneralmajor Roberto Vergori, dhe drejtori i Policisë së Kosovës, Gazmend Hoxha, kanë vizituar sot pjesën veriore të Kosovës.

    Gjatë vizitës, ata kanë vëzhguar pjesëtarët e KFOR-it dhe të Policisë së Kosovës duke zhvilluar patrullime të përbashkëta në këtë pjesë të vendit.

    Sipas njoftimit të KFOR-it, Wikoff dhe Vergori janë takuar gjithashtu me kryetarin e Zubin Potokut, Milosh Peroviq, me të cilin kanë diskutuar dhe vlerësuar situatën e sigurisë në këtë komunë.

    Në njoftim, KFOR-i ka theksuar se do të vazhdojë të monitorojë zhvillimet në terren, të mbajë kontakte me të gjitha komunitetet dhe të ruajë gatishmërinë operacionale.

    “KFOR-i vazhdon të vlerësojë rregullisht situatën në terren, të angazhohet me të gjitha komunitetet dhe të ruajë gatishmërinë operacionale. Ai mbetet i përkushtuar për përmbushjen e misionit të tij me profesionalizëm dhe paanshmëri”, thuhet në njoftim.

    Burimi: Dukagjini

  • Konsullata e Kosovës në Stamboll apelon për kujdes nga reshjet e dendura dhe rreziku i përmbytjeve

    Konsullata e Kosovës në Stamboll apelon për kujdes nga reshjet e dendura dhe rreziku i përmbytjeve

    Konsullata e Kosovës në Stamboll apelon për kujdes nga reshjet e dendura dhe rreziku i përmbytjeve

    Konsullata e Përgjithshme e Republikës së Kosovës në Stamboll u ka bërë thirrje qytetarëve që të tregojnë kujdes të shtuar për shkak të reshjeve të dendura të shiut dhe rrezikut nga përmbytjet në qytet.

    Përmes një njoftimi, Konsullata ka kërkuar nga qytetarët që të shmangin zonat e përmbytura, nënkalimet dhe rrugët ku është grumbulluar uji, si dhe të kufizojnë lëvizjet e panevojshme gjatë periudhave me reshje të dendura.

    Po ashtu, qytetarëve u është bërë thirrje që të ndjekin udhëzimet e autoriteteve lokale dhe të informohen për situatën përmes burimeve zyrtare, me qëllim të ruajtjes së sigurisë së tyre.

    Konsullata rekomandon kujdes të shtuar gjatë lëvizjes në qytet, veçanërisht në zonat ku mund të paraqitet rreziku nga grumbullimi i ujit dhe përmbytjet.

    Për raste emergjente, qytetarët mund të kontaktojnë Konsullatën në numrin e telefonit: +90 531 105 63 91.

    Sinjali – aty ku e vërteta flet para lajmit!

    /GazetaSinjali/

    The post Konsullata e Kosovës në Stamboll apelon për kujdes nga reshjet e dendura dhe rreziku i përmbytjeve appeared first on Sinjali.

    Burimi: Sinjali

  • Rusia akuzon Ukrainën për sulm ndaj rafinerisë së naftës, pas paralajmërimit të Zelenskyt për rifillimin e sulmeve

    Rusia akuzon Ukrainën për sulm ndaj rafinerisë së naftës, pas paralajmërimit të Zelenskyt për rifillimin e sulmeve

    Rusia ka akuzuar Ukrainën për sulm ndaj një rafinerie nafte, pasi presidenti ukrainas, Volodymyr Zelensky, deklaroi se Kievi do t’i rifillojë sulmet e tilla, të cilat ishin pezulluar me kërkesë të Shteteve të Bashkuara të Amerikës (SHBA).

    Zelensky tha se Ukraina i kishte kufizuar sulmet për tri ditë, ndërsa Rusia kishte vazhduar goditjet ndaj infrastrukturës energjetike ukrainase.

    “Ne e kemi përfunduar këtë”, tha ai në një intervistë për gazetën Financial Times.

    Presidenti ukrainas akuzoi gjithashtu SHBA-në se kishte kërcënuar ta ndërpriste ndarjen e informacioneve të inteligjencës për sulmet ruse, me qëllim që ta detyronte Kievin t’i ndalte plotësisht sulmet ndaj Rusisë. Sipas tij, zyrtarët ukrainas ishin paralajmëruar nga homologët amerikanë se, nëse Ukraina nuk i ndalte sulmet, SHBA-ja do ta ndërpriste ndarjen e informacioneve të inteligjencës.

    Zelensky pretendoi se presioni amerikan ishte shtuar pas arritjes së një marrëveshjeje për importimin e naftës dizel ruse. Ai akuzoi gjithashtu administratën amerikane për kufizime të qëllimshme në shërbimet satelitore Starlink, të cilat përdoren nga ushtria ukrainase.

    Ndërkohë, Kremlini deklaroi se Ukraina kishte “tentuar një sulm në shkallë të gjerë” ndaj një rafinerie nafte në rajonin e Rjazanit, në jug të Moskës, në orët e para të së enjtes.

    Sipas Ministrisë ruse të Mbrojtjes, forcat ruse kishin interceptuar katër raketa dhe dhjetëra dronë. Ministria pretendoi se rënia e mbetjeve kishte shkaktuar zjarr në rafineri.

    Nga ana tjetër, Zelensky tha se dhjetëra qytete ukrainase ishin vënë nën sulme ruse gjatë 24 orëve të fundit.

    Ai kishte deklaruar më herët se Ukraina do t’i përmbahej armëpushimit të ashtuquajtur energjetik, të shpallur të dielën nga presidenti amerikan, Donald Trump, nëse edhe Moska do ta respektonte atë.

    Megjithatë, presidenti ukrainas akuzoi Rusinë se e kishte shpërfillur propozimin vetëm disa orë pas shpalljes së tij, duke lënë qindra mijëra ukrainas pa energji elektrike. Kremlini nuk kishte deklaruar se e pranonte marrëveshjen.

    Në një intervistë të mërkurën mbrëma me gazetarin Piers Morgan, Zelensky u pajtua me vlerësimin se ndihej i tradhtuar nga SHBA-ja, pas shenjave se Uashingtoni po tërhiqte disa elemente kyçe të mbështetjes për Ukrainën.

    Ushtria ukrainase mbështetet në paralajmërimet e hershme amerikane për sulmet ajrore ruse, të cilat i mundësojnë organizimin e mbrojtjes kundërajrore dhe ndihmojnë në pengimin e goditjeve. Ndërkaq, lidhjet e internetit përmes Starlink përdoren gjerësisht nga ushtria ukrainase për operacionet ushtarake, drejtimin e dronëve dhe mbrojtjen e hapësirës ajrore, raporton BBC.

    Të martën, pas kufizimeve të papritura në shpejtësinë me të cilën dronët mund të lëviznin duke ruajtur lidhjen me Starlink, u ngritën dyshime se bëhej fjalë për një problem teknik. Megjithatë, pronari i kompanisë, Elon Musk, dukej se e hodhi poshtë këtë mundësi dhe la të kuptohej se kufizimet mund të ishin vendosur nga administrata Trump. Presidenti amerikan, nga ana e tij, mohoi se kishte ndërprerë ndarjen e informacioneve të inteligjencës.

    “Nuk ishte problem teknik, ishte vullnet”, tha Zelensky për Financial Times.

    Burime nga Ministria e Mbrojtjes e Ukrainës i thanë BBC-së të enjten në mëngjes se funksionimi i Starshield gjatë lëvizjes ishte rikthyer. Starshield është versioni i Starlink i orientuar drejt përdorimit ushtarak.

    Sipas këtyre burimeve, zyrtarët po vazhdonin të sqaronin “arsyet dhe rrethanat që qëndronin pas kufizimeve të së mërkurës”.

    Ndërkohë, Neo, një ushtar i njësive ukrainase të zbulimit me dronë, tha për emisionin Today të BBC Radio 4 se çdo kufizim i qëllimshëm i rrjetit Starlink do të përbënte “tradhti”.

    Burimi: Dukagjini

  • LEX | Endrit Nika sërish para trupit gjykues – Vazhdon rigjykimi për vdekjen e Maria Clara në hotelin në Prishtinë

    LEX | Endrit Nika sërish para trupit gjykues – Vazhdon rigjykimi për vdekjen e Maria Clara në hotelin në Prishtinë

    LEX | Endrit Nika sërish para trupit gjykues – Vazhdon rigjykimi për vdekjen e Maria Clara në hotelin në Prishtinë

    Në Gjykatën Themelore në Prishtinë, këtë të enjte, po mbahet seanca e radhës në procesin e rigjykimit ndaj Endrit Nikës, i akuzuar lidhur me vdekjen e Maria Clara në një hotel në Prishtinë.

    Nika është paraqitur sërish para trupit gjykues, ndërsa procesi po vazhdon me shqyrtimin e rrethanave të ngjarjes tragjike.

    Në seancën e kaluar, të mbajtur më 12 tetor, para trupit gjykues kishte dëshmuar recepsionistja e hotelit, e cila kishte rrëfyer momentet e natës kritike kur kishte ndodhur ngjarja.

    Ajo kishte deklaruar se Endrit Nikën dhe të ndjerën i kishte parë duke hyrë në hotel, ndërsa rreth orës 02:00 kishte dëgjuar një krismë të fortë.

    Sipas dëshmisë së saj, pasi kishte dalë për të parë se çfarë kishte ndodhur, kishte vërejtur një vajzë të shtrirë në tokë, me xhama të thyer përreth.

    Recepsionistja kishte deklaruar se Maria Clara ishte ende gjallë në momentin kur ajo kishte mbërritur pranë saj dhe kishte kërkuar ujë.

    Seanca e kaluar ishte përcjellë me emocione të rënda edhe nga familjarët e të ndjerës, ndërsa nëna e Maria Clara ishte parë në lot gjatë zhvillimit të procesit gjyqësor.

    Rigjykimi ndaj Endrit Nikës po vazhdon, ndërsa pritet që gjatë shqyrtimit gjyqësor të trajtohen provat dhe dëshmitë lidhur me rastin.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post LEX | Endrit Nika sërish para trupit gjykues – Vazhdon rigjykimi për vdekjen e Maria Clara në hotelin në Prishtinë appeared first on Sinjali.

    Burimi: Sinjali