Category: Lajme

  • Gjilani mposht bindshëm Drenicën, fiton pas tri vitesh në shtëpi ndaj këtij kundërshtari

    Gjilani mposht bindshëm Drenicën, fiton pas tri vitesh në shtëpi ndaj këtij kundërshtari

    Gjilani mposht bindshëm Drenicën, fiton pas tri vitesh në shtëpi ndaj këtij kundërshtari

    Gjilani ka shënuar fitore bindëse 3:0 ndaj Drenicës, duke regjistruar fitoren e parë në shtëpi kundër këtij kundërshtari pas tri vitesh.

    Skuadra gjilanase kaloi në epërsi në pjesën e parë me Armend Thaqin, i cili ishte i saktë nga pika e penalltisë.

    Drenica pati mundësinë të barazonte shifrat, por Aurel Limani dështoi nga pika e bardhë, duke mos e shfrytëzuar rastin për ta rikthyer ekipin në lojë.

    Në pjesën e dytë, Mevlan Zeka realizoi dy gola për të vulosur fitoren e Gjilanit me rezultat 3-0.

    Me këto tri pikë, Gjilani ngjitet në pozitën e tretë me 14 pikë, ndërsa Drenica mbetet në vendin e shtatë me 10 pikë.

  • Reshitaj për 1.8 miliard eurot e Shëndetësisë: Ku kanë shkuar këto mjete?

    Reshitaj për 1.8 miliard eurot e Shëndetësisë: Ku kanë shkuar këto mjete?

    Reshitaj për 1.8 miliard eurot e Shëndetësisë: Ku kanë shkuar këto mjete?

    Deputetja e LDK-së, Albena Reshitaj ka bërë të ditur se sot, në konstituimin e Komisionit për Shëndetësi, ka kërkuar që mbikëqyrja parlamentare e punës së qeverisë, përkatësisht e Ministrisë së Shëndetësisë, të jetë e vazhdueshme, transparente dhe siç deklaroi, e orientuar drejt llogaridhënies.

    Ajo ka theksuar se nga viti 2021 deri në vitin 2026, Ministrisë së Shëndetësisë i janë dedikuar mbi 1.8 miliard euro, ndërsa ka pyetur se ku janë shpenzuar këto mjete dhe çfarë ndryshimesh kanë sjellë në jetën e qytetarëve.

    “Pyetja që shtrohet është e qartë: Ku kanë shkuar këto mjete dhe çfarë kanë ndryshuar në jetën e qytetarëve? A janë përmirësuar shërbimet shëndetësore, a është lehtësuar barra financiare e pacientëve dhe a janë adresuar problemet me mungesën e barnave?”

    “Shqetësim i veçantë mbetet edhe migrimi i profesionistëve shëndetësorë. Sipas një hulumtimi shkencor që e citova sot në Komision, mbi 70% e infermierëve dhe 34% e mjekëve e shohin migrimin si zgjidhjen e parë. Këto shifra duhet të jenë alarm për institucionet, sepse humbja e profesionistëve rrezikon drejtpërdrejt cilësinë dhe qëndrueshmërinë e shërbimeve shëndetësore”, shkroi Reshitaj.

    Deputetja e LDK-së ka theksuar gjithashtu rëndësinë e kërkimit të llogarisë për vendimet, shpenzimet dhe rezultatet në sektorin e shëndetësisë, veçanërisht gjatë periudhës kur Kuvendi nuk ishte funksional dhe mbikëqyrja parlamentare e Qeverisë mungonte

    “Gjatë një periudhe kur Kuvendi nuk ishte funksional dhe mbikëqyrja parlamentare e Qeverisë mungonte, është edhe më e rëndësishme të kërkohet llogari për vendimet, shpenzimet dhe rezultatet në këtë sektor. Si përfaqësuese e qytetareve, do të insistoj në transparencë për paranë publike, përgjegjësi për dështimet në menaxhim dhe politika që vendosin pacientin dhe profesionistin shëndetësor në qendër”.

    “Suksesi në shëndetësi matet me punë të ndershme, transparente, me shërbimet që merr qytetari, barnat që gjen pacienti dhe kushtet që i mundësojnë mjekut e infermierit të ndërtojnë të ardhmen e tyre në vend.  Shëndetësia është e drejtë, jo privilegj”, ka shkruar deputetja Reshitaj. /Klankosova.tv

  • Kosova eliminohet nga `play off` për Botërorin 2027

    Kosova eliminohet nga `play off` për Botërorin 2027

    Vajzat e Kosovës e kanë humbur edhe ndeshjen e dytë të “play off” ndaj Austrisë, këtë herë me rezultat 4:0, në ndeshjen e zhvilluar të martën në Austri.

    Austriaket e kanë nisur mirë ndeshjen dhe kanë kaluar në epërsi në minutën e shtatë me golin e Hobingerit.

    Në pjesën e dytë, Austria e ka thelluar epërsinë me golin e Puntigamit në minutën e gjashtëdhjetë e pestë. Kirchberger në minutën e tetëdhjetë e gjashtë dhe Campbell në minutën e tetëdhjetë e nëntë e kanë vulosur fitoren 4:0.

    Ndeshjen e parë të zhvilluar të premten e kaluar në Prishtinë, Kosova e kishte humbur me rezultat 2:1.

    Kështu, pas dy humbjeve ndaj Austrisë, Kosova i jep fund rrugëtimit drejt Botërorit të vitit 2027, që do të organizohet në Brazil.

    Burimi: RTKLive

  • Tensione në protestën në Tiranë, 13 të lënduar dhe 23 të shoqëruar në polici

    Tensione në protestën në Tiranë, 13 të lënduar dhe 23 të shoqëruar në polici

    Protesta ka nisur rreth orës 14:00 dhe për rreth një orë është zhvilluar qetësisht. Rreth orës 15:00, situata është tensionuar, ndërsa sipas raportimeve nga vendngjarja, janë dëmtuar rrethimi i jashtëm, porta e oborrit dhe disa xhama të godinës së Ministrisë së Arsimit.

    Sipas RTSH-së, gjatë protestës janë hedhur kapsolla, gurë, vezë, molotovë dhe pllaka trotuari në drejtim të godinës dhe forcave të policisë.

    Policia e Shtetit, përmes një njoftimi zyrtar, ka bërë të ditur se një grup pjesëmarrësish ka kryer veprime të dhunshme, duke dëmtuar mjediset e jashtme të institucionit dhe duke goditur efektivët me sende të forta.

    Sipas policisë, protestuesve u janë bërë thirrje të përsëritura për të ndërprerë veprimet dhe për t’u larguar nga oborri i institucionit. Më pas, forcat e rendit kanë ndërhyrë duke përdorur spraj me piper, gaz lotsjellës dhe ujë me autobotë.

    “Në këto kushte, në përputhje me ligjet në fuqi dhe procedurat standarde të punës, strukturat e Policisë kanë ndërhyrë në mënyrë proporcionale për neutralizimin e autorëve të këtyre veprimeve dhe rivendosjen e rendit”, thuhet në njoftimin e Policisë së Shtetit, të transmetuar nga RTSH.

    Policia ka njoftuar se 23 persona janë shoqëruar për veprime të mëtejshme procedurale, ndërsa gjashtë efektivë të Forcës Kombëtare të Sigurisë dhe një gazetare kanë mbetur të lënduar.

    Ndërkohë, sipas të dhënave të publikuara nga Ministria e Shëndetësisë dhe Mirëqenies Sociale, të transmetuara nga RTSH, gjithsej 13 persona kanë marrë ndihmë mjekësore pas përshkallëzimit të situatës.

    Në Qendrën Spitalore Universitare “Nënë Tereza” janë paraqitur tre protestues me shqetësime shëndetësore si pasojë e ekspozimit ndaj gazit lotsjellës. Dy prej tyre janë larguar pas marrjes së ndihmës mjekësore, ndërsa i treti ka vazhduar ekzaminimet.

    Në Spitalin Universitar të Traumës janë trajtuar dy gazetare dhe gjashtë efektivë policie. Pas marrjes së kujdesit mjekësor, ata janë larguar nga spitali.

    Ndihmë mjekësore kanë kërkuar edhe dy kalimtarë të rastit, njëri prej të cilëve është shtruar në spital për trajtim të mëtejshëm, ndërsa tjetri është mbajtur nën monitorim.

    Lidhur me zhvillimet në protestë ka reaguar ministri i Punëve të Brendshme, Ervin Demo, i cili ka dënuar sulmet ndaj efektivëve të policisë.

    “Gjashtë efektivë të Policisë së Shtetit mbetën të plagosur ndërsa kryenin detyrën për garantimin e rendit dhe sigurisë. E dënoj pa asnjë rezervë dhunën ndaj tyre. Goditja e një punonjësi policie nuk është ushtrim i së drejtës për të protestuar”, ka deklaruar Demo.

    Edhe zëvendëskryeministrja Albana Koçiu ka reaguar, duke dënuar aktet e raportuara gjatë protestës.

    “Dhuna nuk ka qenë, nuk është dhe nuk do të jetë kurrë zgjidhje”, ka shkruar Koçiu në Facebook.

    Nga ana tjetër, kryetari i grupit parlamentar të Partisë Demokratike, Gazment Bardhi, u ka bërë thirrje forcave të policisë të mos ushtrojnë dhunë ndaj studentëve.

    “Të rinjtë dhe të rejat që protestojnë për një Shqipëri më të mirë meritojnë respekt, jo dhunë; përgjigje, jo represion; liri, jo frikësim!”, ka deklaruar Bardhi.

    Sipas RTSH-së, strukturat hetimore të Drejtorisë Vendore të Policisë në Tiranë, në bashkëpunim me Prokurorinë, kanë nisur hetimet për identifikimin e personave të përfshirë në veprimet e paligjshme gjatë protestës.

    Burimi: RTKLive

  • SHBA-ja njofton rotacionin e trupave në Kosovë: Përmirësim i kushteve të sigurisë

    SHBA-ja njofton rotacionin e trupave në Kosovë: Përmirësim i kushteve të sigurisë

    SHBA-ja njofton rotacionin e trupave në Kosovë: Përmirësim i kushteve të sigurisë

    Ushtria amerikane njofton se do të dërgojë në Kosovë ushtarë nga Regjimenti i 2-të i Kalorësisë dhe njësi mbështetëse nga Divizioni i Parë i Këmbësorisë, në kuadër të misionit të Forcës së NATO-s në Kosovë (KFOR), për të zëvendësuar Grupin Luftarak të Brigadës së 53-të të Këmbësorisë së Gardës Kombëtare të Floridës.

    “Si pjesë e këtij rotacioni të planifikuar, njësi të Brigadës së Aviacionit Luftarak të Divizionit të Parë të Këmbësorisë do të zëvendësojnë gjithashtu Batalionin e 2-të të Regjimentit të 135-të të Aviacionit të Gardës Kombëtare të Kolorados. Ky rotacion mbështet përpjekjet e vazhdueshme të NATO-s për të optimizuar misionin e KFOR-it, pas një rishikimi nga Shtabi i Lartë i Forcave Aleate në Evropë. Ndryshimi pasqyron përmirësimin e kushteve të sigurisë dhe mbështet një qasje graduale, të bazuar në rrethanat në terren, për të siguruar që KFOR-i të mbetet i pozicionuar siç duhet për përmbushjen e misionit të tij. Në përputhje me kalimin drejt konceptit NATO 3.0, përgjegjësinë kryesore do ta marrin aleatët evropianë”, thuhet në komunikatën për media nga Ushtria Amerikane në Evropë dhe Afrikë.

    Ky rotacion shënon gjithashtu një ndryshim në mënyrën e angazhimit të forcave amerikane në këtë mision, duke kaluar nga njësitë e Gardës Kombëtare te forcat e dislokuara në teatrin e operacioneve, duke ruajtur njëkohësisht mbështetjen e vazhdueshme për KFOR-in.

    Teksa Grupi Luftarak i Brigadës së 53-të të Këmbësorisë po përgatitet ta përfundojë rotacionin e tij, koloneli Samuel Sargent deklaroi:

    “Ka qenë nder për ushtarët tanë të shërbejnë përkrah aleatëve dhe partnerëve të NATO-s në Kosovë. Grupi Luftarak i Brigadës së 53-të të Këmbësorisë mbetet krenar për profesionalizmin dhe përkushtimin që trupat tona kanë dëshmuar gjatë këtij misioni. Jemi të bindur se njësia që do të vijë do të vazhdojë t’i forcojë përpjekjet e KFOR-it për të ruajtur një mjedis të sigurt dhe të qëndrueshëm për të gjitha komunitetet.”

    Ushtarët amerikanë do të vazhdojnë të punojnë përkrah aleatëve dhe partnerëve të NATO-s për të ndihmuar në ruajtjen e një mjedisi të sigurt dhe të qëndrueshëm për të gjitha komunitetet në Kosovë, në përputhje me Rezolutën 1244 të Këshillit të Sigurimit të Kombeve të Bashkuara.

    “Divizioni i Parë i Këmbësorisë, së bashku me kolegët tanë të Regjimentit të 2-të të Kalorësisë, është i nderuar që merr sërish përsipër këtë mision jetik. Ushtarët tanë janë në formë të mirë, të motivuar, të disiplinuar, të trajnuar dhe të gatshëm të punojnë përkrah aleatëve dhe partnerëve të NATO-s për të ruajtur një mjedis të sigurt dhe të qëndrueshëm në Kosovë”, tha koloneli Jabari M. Miller, zëvendësshef i mirëmbajtjes në Divizionin e Parë të Blinduar dhe komandant i ardhshëm i Komandës Rajonale – Lindje.

    “Falënderojmë Grupin Luftarak të Brigadës së 53-të të Këmbësorisë për shërbimin e tyre të jashtëzakonshëm dhe mbetemi të përkushtuar për të siguruar mbështetje të vazhdueshme për misionin e KFOR-it”, shtoi ai.

    SHBA-ja mbetet e përkushtuar për mbështetjen e paqes dhe stabilitetit në Ballkanin Perëndimor dhe do të vazhdojë koordinimin e ngushtë me NATO-n dhe partnerët gjatë këtij tranzicioni.

    Sinjali – aty ku e vërteta flet para lajmit!

    /GazetaSinjali/

    The post SHBA-ja njofton rotacionin e trupave në Kosovë: Përmirësim i kushteve të sigurisë appeared first on Sinjali.

    Burimi: Sinjali

  • Deklaratë

    Deklaratë

    Zoti Aleksandar Vuçiq, a nuk mendoni se keni tepruar pak më shumë me etiketimet dhe kërcënimet brutale ndaj njerëzve që ndodhen në anën e kundërt politike nga ju, në një fushatë parazgjedhore të cilën ju personalisht e keni shndërruar në një përleshje politike?

    Me çfarë të drejte, zotëri, i shënjestroni dhe i kërcënoni liderët e Luginës së Preshevës vetëm për faktin se janë bashkuar për të garuar së bashku në zgjedhjet parlamentare të Serbisë më 25 tetor?

    Si mundeni ju, që betoheni në demokraci dhe tolerancë politike, të sulmoni me kaq shumë mllef një të ri që në Nish vallëzon valle popullore me studentët, vetëm sepse është djali i ministrit në Qeverinë e Kosovës, Nenad Rashiq, të cilin ju e quani tradhtar dhe bërtisni se është tri herë më i keq se Albin Kurti?

    Zoti Vuçiq, ju nuk po zhvilloni një fushatë zgjedhore demokratike. Ju po zhvilloni luftën tuaj personale, i vetëm kundër të gjithë atyre që duan ta shpëtojnë vendin nga ju dhe nga regjimi juaj kriminal.

    Dhe ky do të jetë një fillim i mirë për drejtësinë dhe për një të ardhme më të mirë për të gjithë.

    Burimi: Dukagjini

  • Paralajmëron Limaj: Brenda dy vjetësh kemi zgjedhje (VIDEO)

    Paralajmëron Limaj: Brenda dy vjetësh kemi zgjedhje (VIDEO)

    Paralajmëron Limaj: Brenda dy vjetësh kemi zgjedhje (VIDEO)

    Kryetari i NISMA-s Socialdemokrate Fatmir Limaj, ndër të tjera ka folur edhe për zhvillimet politike në vend.

    Limaj ka paralajmëruar se brenda dy vjetësh do të ketë zgjedhje të reja.

    “Nuk janë këta mbreta, as nuk e kanë të përhershëm. Veç i madhi Zot e ka të përhershme. Mos u lodhni, prandaj rreshtimi duhet me qenë i duhur me kohë”, u shpreh ai në DPT te Fidani në Klan Kosova.

  • Këto janë disa nga gjërat që Era Istrefi i dashuron

    Këto janë disa nga gjërat që Era Istrefi i dashuron

    Këto janë disa nga gjërat që Era Istrefi i dashuron

    Këngëtarja e njohur, Era Istrefi, vazhdon të jetë aktive në rrjetet sociale.

    Ajo së fundmi ka ndarë me ndjekësit disa fotografi nga përditshmëria e saj, përmes të cilave ka zbuluar disa nga gjërat që i pëlqejnë më së shumti.

    “Disa nga gjërat që i dashuroj”, ka shkruar Era krahas fotografive të publikuara./Klankosova.tv

  • Përmbyllet projekti “PIAKOS”, rritet regjistrimi i pronave në emër të grave

    Përmbyllet projekti “PIAKOS”, rritet regjistrimi i pronave në emër të grave

    “Nga e drejta në veprim” qe tema përmbyllëse e projektit PIAKOS, për regjistrimin e pronave.

    Qendra për Avokim dhe Trajnim bashkë me Bankën Botërore përmes kësaj nisme informuan qytetarët për të drejtën pronësore dhe ofruan ndihmë falas juridike me theks të veçantë tek gratë.

    Për arritjet që u regjistruan nga bashkëpunimi me qeverinë, foli shefi i ekzekutivit, Albin Kurti.

    “Në vitin 2016, kanë qenë rreth 100 prona në të gjithë Kosovën që janë regjistruar në emër të të dy bashkëshortëve të këtij çifti. Dhe sot që po flasim, kjo shifër është rreth 31.000. Pra, kemi një rritje 300-fish të numrit të regjistrimit të pronave në emër të të dy bashkëshortëve”, u shpreh Kurti.

    Detaje për rezultatet e projektit “PIAKOS” dha edhe zëvendësdrejtoresha e Bankës Botërore.

    “Rezultatet e kësaj fushate janë mbresëlënëse: rreth 7,000 familje nga sfondet e ndryshme janë takuar përmes fushatës derë më derë. Mbi 5,000 të rinj kanë mësuar për të drejtat e tyre pronësore përmes takimeve në shkolla, kampeve verore dhe aktiviteteve interaktive në të gjitha komunat e Kosovës. 2,000 familje kanë marrë ndihmë juridike nga juristët dhe më shumë se 1,800 profesionistë ligjorë janë trajnuar që ta kryejnë këtë punë”, deklaroi Jane Millicent Sprouster.

    Përmes projektit, u është ofruar mbështetje e drejtpërdrejtë qytetarëve dhe në regjistrimin e pronave u përfshin të gjitha komunitetet pa dallim.

    “Për më shumë, qytetarët e Kosovës, veçanërisht gratë, komunikimi me të cilat dhe grupet e caktuara janë zhvilluar në këtë drejtim dhe kjo vazhdon të përbëjë një mungesë përfaqësimi, për këtë shkak edhe këtë vit kemi parë fshatrat e komunës, i përkimin këtij televizioni. Konsultimet shpesh administrative, burokratike pa nevojë, jo pragmatike, që sekretari ose e përkujton një familje që realizon të drejtat e punës”, tha drejtori i ATRC-së, Kushtrim Kaloshi

    “Aty kemi ndihmuar me Këshillin Juridik Falas, ku tashmë janë bërë më shumë se 80 pronarë të rinj. Ky projekt ka qenë në 16 komuna të ndryshme, megjithatë, në tërësi projekti ka punuar në 38 komuna të Kosovës, përfshirë të gjitha komunat me shumicë serbe”, u shpreh menaxherja e projektit, Odeta Naks.

    Në këtë projekt që zgjati 3 vite u përfshinë 23 organizata të shoqërisë civile të cilat takuan qytetarët derë më derë, ndërkohë PIAKOS pati një buxhet në mbi 3 milion euro.

    Burimi: Dukagjini

  • Kanosi gazetarin Mehmetaj, arrestohet Gani Geci – AGK-ja kërkon reagim nga institucionet

    Kanosi gazetarin Mehmetaj, arrestohet Gani Geci – AGK-ja kërkon reagim nga institucionet

    Emri s’iu përmend fare.

    Por pavarësisht kësaj, ish-deputeti Gani Geci të hënën mbrëma qëndroi para objektit të Televizionit Dukagjini, teksa gazetari Lirim Mehmetaj po fliste për qëndrimet e tij për Fatos Gecin.

    Mehmetaj qe i prerë në atë që shkroi për deputetin Geci, teksa bëri të ditur se kanosjen e ka denoncuar tek organet e rendit.

    “E kam bërë atë postim, prej familjes Geci më kanë kontaktu më kanë kërku me fshi, iu kam thënë jo. Pastaj kanë kërku me u taku kanë ardh në zyre, më kanë thënë më fshi ju kam thanë jo, kanë thënë me ndërru përmbajtjen ju kam thanë prape jo”, u shpreh Mehmetaj.

    Menjëherë pas emisionit “Debat Plus”, kur Mehmetaj u largua nga hapësirat e televizionit, Geci është ndaluar nga Policia e Kosovës.

    Në një përgjigje për Dukagjinin, Prokuroria Themelore bëri të ditur hapat që janë ndërmarrë.

    “Referuar kërkesës suaj, ju njoftoj se me urdhër të Prokurorit kujdestar, është ndaluar për 48 orë me inicialet G.G., për shkak të dyshimit të bazuar për kryerjen e veprës penale “Kanosja”, nga neni 181 i Kodit Penal të Republikës së Kosovës. Sipas dyshimeve fillestare, i dyshuari G.G., ka kanosur gazetarin L.M., për shkak të ushtrimit dhe detyrës së tij profesionale”, thuhet nga Prokuroria Themelore e Prishtinës.

    Por, rasti ndaj Mehmetajt s’është i vetmi sulm ndaj fjalës së lirë kohët e fundit.

    “Për AGK-në këto sulme janë të papranueshme, janë të rrezikshme, nuk duhet të ndodhin, nuk duhet t’i ndodhin askujt sepse askujt nuk mund t’i mohohet e drejta e shprehjes, sepse atë në e mbrojmë më fanatizëm”, u shpreh kreu i AGK-së, Xhemajl Rexha.

    Rexha tha se pret reagim edhe nga institucionet.

    “Do të donim që të reagonte, ka një detyrë të re dhe do të donim të dëgjonim nga presidentja Justina Shiroka Pula dhe qeveria, dënim dhe një distancim kundër këtyre akteve që kanë ardhur kundrejt këtyre dy gazetarëve”

    Për sulmet dhe linçimet ndaj gazetarëve kanë reaguar edhe nga Instituti i Kosovës për Drejtësi të cilët kanë dënuar qasjen e tillë kundrejt lirisë së shprehjes.

    Burimi: Dukagjini