Category: Lajme

  • Gjendet turisti që humbi orientimin në zonën e Karaburunit

    Gjendet turisti që humbi orientimin në zonën e Karaburunit

    Gjendet turisti që humbi orientimin në zonën e Karaburunit

    Një shtetas amerikan është gjetur mbrëmjen e sotme në zonën e Bristanit të Shqipërisë, pasi kishte pësuar dëmtime në këmbë dhe kishte humbur orientimin.

    Pas disa orësh kërkime, ndërhyrja e forcave të Njësisë Speciale Delta bëri të mundur lokalizimin e tij dhe nisjen e transportimit drejt qytetit të Vlorës për të marrë ndihmën e nevojshme mjekësore.

    Sipas informacionit paraprak, angazhimi i forcave speciale nisi rreth orës 18:00, pas njoftimit për situatën në të cilën ndodhej shtetasi amerikan.

    “Menjëherë pas marrjes së njoftimit, forcat e Njësisë Speciale Delta u angazhuan në terren për të bërë të mundur gjetjen dhe nxjerrjen e tij nga zona. Pas kërkimeve që zgjatën për disa orë, rreth orës 20:45, u arrit lokalizimi i shtetasit amerikan”.

    “Pas gjetjes, u bë e mundur organizimi i transportimit të tij drejt Vlorës, ku do t’i nënshtrohet një kontrolli mjekësor për të vlerësuar dëmtimet e pësuara. Sipas të dhënave paraprake, gjendja e tij shëndetësore paraqitet e mirë”./abcnews.al

  • Kurti kërkon nga senatorët amerikanë përkrahje për anëtarësimin e Kosovës në NATO dhe për ta bërë Bondsteel-in bazë të përhershme

    Kurti kërkon nga senatorët amerikanë përkrahje për anëtarësimin e Kosovës në NATO dhe për ta bërë Bondsteel-in bazë të përhershme

    Kurti kërkon nga senatorët amerikanë përkrahje për anëtarësimin e Kosovës në NATO dhe për ta bërë Bondsteel-in bazë të përhershme

    Kryeministri i Kosovës, Albin Kurti, ka bërë të ditur se gjatë takimit me senatorët amerikanë Jeanne Shaheen dhe Dick Durbin ka kërkuar mbështetjen e tyre për anëtarësimin e Kosovës në NATO dhe shndërrimin e bazës ushtarake Bondsteel në bazë të përhershme.

    Në një postim në Facebook, Kurti ka deklaruar se, ndonëse paqja dhe siguria në Kosovë janë të qëndrueshme, shqetësim mbeten, sipas tij, veprimet dhe deklaratat kërcënuese të Serbisë.

    Ai ka përmendur edhe atë që e ka cilësuar si mbrojtje të ndërsjellë mes ish-presidentit serb Aleksandar Vuçiq dhe Milan Radoiçiqit, të cilin e ka quajtur “kryekriminel terrorist”.

    Gjatë takimit, sipas Kurtit, është diskutuar edhe për reformat në arsim, vettingun në drejtësi dhe krijimin e Byrosë Shtetërore për Verifikimin dhe Konfiskimin e Pasurisë së Pajustifikueshme.

    Kryeministri ka folur gjithashtu për zhvillimin ekonomik të vendit, duke thënë se eksporti i shërbimeve të teknologjisë së informacionit dhe komunikimit (TIK) është pesëfishuar gjatë pesë vjetëve të fundit dhe se ky sektor aktualisht përbën 6 për qind të Bruto Produktit Vendor.

    Kurti ka deklaruar se ekonomia e Kosovës vazhdon të rritet me mbi 4 për qind, ndërsa ka përmendur hekurudhat, digat, industrinë e mbrojtjes dhe stadiumet sportive si fusha ku priten investime gjatë mandatit qeverisës, në funksion edhe të Lojërave Mesdhetare Prishtina 2030.

    Sinjali – aty ku e vërteta flet para lajmit!

    /GazetaSinjali/

    The post Kurti kërkon nga senatorët amerikanë përkrahje për anëtarësimin e Kosovës në NATO dhe për ta bërë Bondsteel-in bazë të përhershme appeared first on Sinjali.

    Burimi: Sinjali

  • Ledri Vula në dasmën e vëllait të Bebe Rexhës, këngëtari pozon pranë yllit shqiptar

    Ledri Vula në dasmën e vëllait të Bebe Rexhës, këngëtari pozon pranë yllit shqiptar

    Ledri Vula në dasmën e vëllait të Bebe Rexhës, këngëtari pozon pranë yllit shqiptar

    Reperi kosovar Ledri Vula ka marrë pjesë në dasmën e vëllait të këngëtares me famë botërore Bebe Rexha.

    Nga festa është publikuar edhe një fotografi ku Ledri shihet duke pozuar pranë artistes shqiptare, duke tërhequr vëmendjen e ndjekësve.

    Bebe Rexha, e cila ka arritur sukses ndërkombëtar me muzikën e saj, ka ndarë momente të veçanta nga jeta personale, ndërsa pjesëmarrja e Ledrit në këtë ngjarje ka bërë që dy emrat e njohur të muzikës shqiptare të shfaqen së bashku në të njëjtën fotografi.

    Sinjali – aty ku e vërteta flet para lajmit!

    /GazetaSinjali/

    The post Ledri Vula në dasmën e vëllait të Bebe Rexhës, këngëtari pozon pranë yllit shqiptar appeared first on Sinjali.

    Burimi: Sinjali

  • Lëngu i panxharit para stërvitjes, si mund të ndihmojë në rritjen e qëndrueshmërisë dhe rikuperimin e muskujve

    Lëngu i panxharit para stërvitjes, si mund të ndihmojë në rritjen e qëndrueshmërisë dhe rikuperimin e muskujve

    Lëngu i panxharit para stërvitjes, si mund të ndihmojë në rritjen e qëndrueshmërisë dhe rikuperimin e muskujve

    Lëngu i panxharit mund të jetë një ndihmës natyral për personat që merren me aktivitet fizik, pasi mund të përmirësojë qëndrueshmërinë, qarkullimin e gjakut dhe rikuperimin e muskujve.

    Panxhari është i pasur me nitrate inorganike, të cilat organizmi i shndërron në oksid nitrik. Ky proces mund të ndihmojë në zgjerimin e enëve të gjakut dhe në furnizimin më të mirë të muskujve me oksigjen gjatë ushtrimeve.

    Disa studime kanë treguar rezultate premtuese për ndikimin e lëngut të panxharit në performancën sportive. Në një studim me 27 alpinistë me përvojë, personat që konsumuan lëng panxhari patën një përmirësim modest në rikuperimin e muskujve. Një tjetër studim, i kryer te sportiste të qëndrueshmërisë, evidentoi përmirësim të kapacitetit aerobik pas konsumimit të tij.

    Kur rekomandohet të pihet lëngu i panxharit?

    Ekspertët sugjerojnë që lëngu i panxharit të konsumohet rreth 60–90 minuta para aktivitetit fizik, megjithëse koha e përshtatshme mund të ndryshojë nga personi në person.

    Për ata që duan ta përfshijnë në rutinën e tyre, rreth 90 mililitra lëng panxhari mund të jenë një alternativë për t’u provuar para stërvitjes. Për shkak të shijes së fortë, ai mund të përzihet me pak lëng limoni ose karote.

    Efektet anësore që duhet të njihni

    Pas konsumimit të panxharit, urina mund të marrë ngjyrë rozë, ndërsa jashtëqitja mund të bëhet e kuqërremtë. Këto ndryshime janë zakonisht të përkohshme dhe të padëmshme.

    Megjithatë, personat që përdorin ilaçe për tensionin e gjakut duhet të konsultohen me mjekun para konsumimit të rregullt të lëngut të panxharit, pasi ai mund të kontribuojë në uljen e presionit të gjakut.

    Konsumimi i tepërt mund të shkaktojë shqetësime në stomak dhe probleme gastrointestinale. Për këtë arsye, rekomandohet që lëngu të provohet fillimisht gjatë një stërvitjeje të zakonshme dhe jo për herë të parë ditën e një gare të rëndësishme.

    Edhe pse lëngu i panxharit mund të ndihmojë në performancën fizike, përfitimet ndryshojnë nga një person te tjetri dhe nuk zëvendësojnë ushqimin e balancuar, hidratimin dhe pushimin e mjaftueshëm.

    Sinjali – aty ku e vërteta flet para lajmit!

    /GazetaSinjali/

    The post Lëngu i panxharit para stërvitjes, si mund të ndihmojë në rritjen e qëndrueshmërisë dhe rikuperimin e muskujve appeared first on Sinjali.

    Burimi: Sinjali

  • Operacioni në mushkëri, Papa Leo XIV pezullon aktivitetet publike

    Operacioni në mushkëri, Papa Leo XIV pezullon aktivitetet publike

    Operacioni në mushkëri, Papa Leo XIV pezullon aktivitetet publike

    Papa Leo XIV, 71 vjeç, ka anuluar aktivitetet publike deri më 20 tetor, pasi mjekët zbuluan një nodul të vogël në njërën prej mushkërive, në fazë shumë të hershme.

    Ai pritet të shtrohet të martën, më 13 tetor, në spitalin Gemelli në Romë, ku do t’i nënshtrohet ndërhyrjes kirurgjikale. Sipas Vatikanit, rikuperimi pas operacionit pritet të zgjasë rreth një javë, shkruan Sky News, transmeton Klankosova.tv.

    Pavarësisht ndërhyrjes, vizita e planifikuar e Papës muajin e ardhshëm në Uruguai, Argjentinë dhe Peru nuk pritet të ndikohet.

    Papa e bëri të ditur diagnozën të dielën, gjatë bekimit në sheshin e Shën Pjetrit, duke falënderuar besimtarët dhe duke kërkuar lutjet e tyre./Klankosova.tv

  • Elvana Gjata dhe Cricket publikojnë këngën “Sherrin” (VIDEO)

    Elvana Gjata dhe Cricket publikojnë këngën “Sherrin” (VIDEO)

    Elvana Gjata dhe Cricket publikojnë këngën “Sherrin” (VIDEO)

    Këngëtarja e njohur shqiptare, Elvana Gjata, ka publikuar projektin e saj më të ri muzikor në bashkëpunim me Cricket.

    Kënga titullohet “Sherrin” dhe është publikuar së bashku me videoklip.

    Për tekstin e këngës janë përkujdesur vetë Elvana Gjata dhe Cricket./Klankosova.tv

  • Me një foto të përbashkët, Time Kadrijaj uron Anita Haradinajn për ditëlindje

    Me një foto të përbashkët, Time Kadrijaj uron Anita Haradinajn për ditëlindje

    Me një foto të përbashkët, Time Kadrijaj uron Anita Haradinajn për ditëlindje

    Deputetja e Aleancës, Time Kadrijaj, ka uruar bashkëshorten e ish-kryeministrit Ramush Haradinaj, Anita Haradinaj, me rastin e ditëlindjes së saj.

    Urimin, Kadrijaj e ka bërë përmes një fotografie të përbashkët të publikuar në rrjetin social Facebook.

    “Urime ditëlindja, mikja ime, Anita Haradinaj”, ka shkruar Kadrijaj krahas fotografisë./Klankosova.tv

  • Moda e vjeshtës 2026, gjashtë tendencat që do të dominojnë këtë sezon

    Moda e vjeshtës 2026, gjashtë tendencat që do të dominojnë këtë sezon

    Moda e vjeshtës 2026, gjashtë tendencat që do të dominojnë këtë sezon

    Moda e vjeshtës 2026 vjen me kombinime më të guximshme, silueta të veçanta dhe detaje që i japin më shumë karakter çdo veshjeje.

    Sipas revistës Vogue, stilistët po ndërthurin elegancën klasike me tekstura të pasura, prerje të pazakonta dhe elemente që e bëjnë stilin më ekspresiv.

    Një nga tendencat kryesore të këtij sezoni janë motivet florale në ngjyra të thella. Lulet shfaqen në funde midi, bluza dhe fustane elegante, duke sjellë një alternativë të përshtatshme për vjeshtën. Ato mund të kombinohen me veshje të thjeshta për një pamje moderne dhe të balancuar.

    Në fokus janë edhe siluetat e guximshme, si mëngët voluminoze, pantallonat e gjera, fundet skulpturore dhe xhaketat me prerje të veçanta. Këto elemente i japin veshjes më shumë individualitet, pa qenë e nevojshme që i gjithë kombinimi të jetë i ekzagjeruar.

    Një tjetër trend është kombinimi i veshjeve me shtresa dhe aksesorë të veçantë. Këmishat, trikot dhe xhaketat mund të kombinohen në mënyra të ndryshme, ndërsa një çantë apo aksesor i spikatur mund ta transformojë edhe një veshje të zakonshme.

    Frymëzimi nga vitet 1920 rikthehet përmes fustaneve prej kadifeje, detajeve me thekë dhe formave gjeometrike të stilit Art Deco. Kjo estetikë sjell një ndjesi luksi dhe elegance, veçanërisht në veshjet për mbrëmje dhe evente.

    Kostumet klasike po marrin gjithashtu një pamje më femërore, me xhaketa që theksojnë belin, linja më të buta dhe materiale me tekstura të pasura. Ndërkohë, fustanet që ndjekin linjat e trupit dhe materialet e tejdukshme mbeten ndër zgjedhjet që bien në sy këtë sezon.

    Në përgjithësi, tendencat e vjeshtës 2026 i japin rëndësi individualitetit dhe mënyrës personale të të veshurit. Nga motivet florale te siluetat voluminoze dhe eleganca e frymëzuar nga e kaluara, secila prej tyre ofron mundësi për të krijuar kombinime të veçanta.

    Mesazhi kryesor i këtij sezoni është të zgjidhen trendet që përshtaten me stilin personal dhe të kombinohen në mënyrë kreative, pa pasur nevojë të ndiqet çdo risi e modës.

    Sinjali – aty ku e vërteta flet para lajmit!

    /GazetaSinjali/

    The post Moda e vjeshtës 2026, gjashtë tendencat që do të dominojnë këtë sezon appeared first on Sinjali.

    Burimi: Sinjali

  • Kamberi: Serbia ndan qindra miliona euro për serbët në Kosovë pa transparencë, ndërsa bllokon mjetet për shqiptarët e Luginës

    Kamberi: Serbia ndan qindra miliona euro për serbët në Kosovë pa transparencë, ndërsa bllokon mjetet për shqiptarët e Luginës

    Kamberi: Serbia ndan qindra miliona euro për serbët në Kosovë pa transparencë, ndërsa bllokon mjetet për shqiptarët e Luginës

    Shaip Kamberi nga Koalicioni Shqiptar ka ngritur shqetësimin për mungesën e transparencës lidhur me fondet që Serbia ndan për serbët në Kosovë, duke e krahasuar këtë me bllokimin e mjeteve të destinuara për shqiptarët në Luginën e Preshevës.

    Përmes një postimi në Facebook, Kamberi ka rikujtuar deklaratën e presidentit serb, Aleksandar Vuçiq, i cili më 13 shtator 2022, në Kuvendin e Serbisë, kishte deklaruar se Serbia ndan çdo vit nga 700 deri në 820 milionë euro për Kosovën.

    Sipas Kamberit, nuk është sqaruar plotësisht se ku përfundojnë këto mjete, kush i përfiton dhe kush e kontrollon shpenzimin e tyre.

    Ai ka theksuar se, nëse vlerësimet për fondet që kalojnë përmes Zyrës për Kosovën dhe ministrive të tjera serbe janë të sakta, mbetet e paqartë se ku përfundojnë pjesa tjetër e parave.

    Në anën tjetër, Kamberi ka pretenduar se pushteti serb po bllokon mjetet që Kosova ka ndarë për shqiptarët e Luginës së Preshevës.

    Sipas tij, bëhet fjalë për 129 projekte dhe katër programe, përfshirë furnizimin me libra falas, praktikën profesionale, funksionimin e Këshillit Kombëtar Shqiptar dhe avokimin.

    Kamberi ka kërkuar transparencë për çdo euro të fondeve publike dhe zhbllokimin e mjeteve të destinuara për shqiptarët e Luginës së Preshevës.

    “Të drejtat e pakicave nuk mund të varen nga interesat politike të pushtetit”, ka shkruar ai.

    Sinjali – aty ku e vërteta flet para lajmit!

    /GazetaSinjali/

    The post Kamberi: Serbia ndan qindra miliona euro për serbët në Kosovë pa transparencë, ndërsa bllokon mjetet për shqiptarët e Luginës appeared first on Sinjali.

    Burimi: Sinjali

  • Atalanta i jep fund serisë negative, Venezia mbetet pa pikë

    Atalanta i jep fund serisë negative, Venezia mbetet pa pikë

    Skuadra vendase e ka nisur ndeshjen në mënyrë shumë të mirë dhe ka kaluar në epërsi që në minutën e tretë. Franck Kessie ka shënuar pas asistimit të Nikola Krstovic, duke e mposhtur portierin Filip Stankovic.

    Vetëm pak minuta më vonë, Krstovic është regjistruar edhe vetë në listën e golashënuesve, pasi ka shënuar me kokë pas një harkimi nga këndi të Eljif Elmas.

    Atalanta e ka thelluar epërsinë në minutën e tridhjetë. Pas një pritje të portierit Stankovic ndaj goditjes së Jonathan Rowe, topi ka përfunduar te Krstovic, i cili ka shënuar nga afërsia për rezultatin 3:0 dhe golin e tij të dytë në këtë takim.

    Venezia ka arritur ta ngushtojë epërsinë para përfundimit të pjesës së parë. Antoine Hainaut ka shënuar me kokë pas harkimit të Richie Sagrados, duke e çuar rezultatin në 3:1.

    Në pjesën e dytë, mysafirët kanë tentuar të rikthehen në lojë dhe kanë krijuar disa raste, por portieri i Atalantës, Marco Carnesecchi, ka reaguar mirë për ta ruajtur epërsinë e skuadrës së tij.

    Atalanta ka mbetur me dhjetë lojtarë në minutat e fundit, pasi Elmas është ndëshkuar me karton të kuq për një ndërhyrje të rrezikshme ndaj Thorir Johann Helgason. Megjithatë, vendasit kanë arritur ta ruajnë epërsinë deri në fund dhe t’i sigurojnë tri pikë të rëndësishme.

    Me këtë fitore, Atalanta është ngjitur në kuotën e nëntë pikëve në Serie A, duke fituar edhe besim para ndeshjes së së enjtes kundër Pafos në Ligën e Konferencës.

    Në anën tjetër, Venezia vazhdon ta përjetojë një fillim të vështirë të sezonit. Skuadra mbetet në fund të tabelës, pa asnjë pikë pas gjashtë ndeshjeve të para të kampionatit italian.

    Burimi: RTKLive