Category: Lajme

  • Kolaj kërkon më shumë angazhim institucional për ish-krerët e UÇK-së

    Kolaj kërkon më shumë angazhim institucional për ish-krerët e UÇK-së

    Kolaj kërkon më shumë angazhim institucional për ish-krerët e UÇK-së

    Astrit Kolaj nga Instituti i Kosovës për Drejtësi, ka kërkuar angazhim më të madh institucional për mbështetjen e ish-krerëve të UÇK-së që po gjykohen në Hagë.

    Duke folur në emisionin “Rubikon”, Kolaj kritikoi Qeverinë, duke thënë se, përveç përmbushjes së obligimeve që rrjedhin nga Ligji për Mbështetje Financiare, nuk ka ndërmarrë veprime të tjera në këtë drejtim.

    “Asnjë veprim. Ju e dini dhe ne jemi dëshmitarë, ku edhe kanë përtuar të bisedojnë për këtë temë kur janë pyetur. Ne kemi kërkuar vazhdimisht që duhet të fuqizohet mbështetja ekonomike, por edhe ndihma përmes ekspertëve dhe gjetjës së provave. Të merret shembull vetëm Kroacia, nuk kemi pasur nevojë të shkojmë askund më larg. Nuk është bërë asnjë gjë”, deklaroi Kolaj në Klan Kosova.

  • Qytetari denoncon për Sinjalin: Chair shtyn për 12 orë fluturimin drejt Bazelit, udhëtarët kishin kryer check-in-in dhe dorëzuar bagazhet

    Qytetari denoncon për Sinjalin: Chair shtyn për 12 orë fluturimin drejt Bazelit, udhëtarët kishin kryer check-in-in dhe dorëzuar bagazhet

    Qytetari denoncon për Sinjalin: Chair shtyn për 12 orë fluturimin drejt Bazelit, udhëtarët kishin kryer check-in-in dhe dorëzuar bagazhet

    Një qytetar ka denoncuar për Gazetën Sinjali shtyrjen e fluturimit të kompanisë ajrore Chair drejt Bazelit dhe Mulhouse-it, i cili ishte planifikuar të realizohej sonte në orën 20:45, por është shtyrë për nesër në mëngjes, në orën 08:45.

    Sipas qytetarit, udhëtarët kishin kryer tashmë procedurat e check-in-it dhe dorëzimin e bagazheve, kur janë njoftuar për shtyrjen e fluturimit për 12 orë.

    Ai thotë se kjo nuk është hera e parë që përballet me një situatë të tillë, duke pretenduar se kompania e ka përsëritur disa herë këtë praktikë.

    Deri më tani, nuk ka informacione të tjera lidhur me arsyen e shtyrjes së fluturimit.

    Sinjali – aty ku e vërteta flet para lajmit!

    /GazetaSinjali/

    The post Qytetari denoncon për Sinjalin: Chair shtyn për 12 orë fluturimin drejt Bazelit, udhëtarët kishin kryer check-in-in dhe dorëzuar bagazhet appeared first on Sinjali.

    Burimi: Sinjali

  • Mehmetaj-Grudës: Ligjin e bëtë në pazar me Kurtin, e ndalët protestën dhe ia dhatë presidenten

    Mehmetaj-Grudës: Ligjin e bëtë në pazar me Kurtin, e ndalët protestën dhe ia dhatë presidenten

    Gazetari Lirim Mehmetaj i ka thënë deputetit të Partisë Demokratike të Kosovës, Përparim Gruda, se ndryshimet në Ligjin për Dhomat e Specializuara në Hagë janë rezultat i një marrëveshjeje politike me kryeministrin Albin Kurti.

    Në Debat Plus, Mehmetaj ka thënë se përmes kësaj marrëveshjeje PDK-ja e ndali protestën, mbështeti zgjedhjen e presidentes dhe ia vazhdoi mandatin Kurtit.

    “Ligjin e keni bërë veç në pazar me Albin Kurtin. E ndalët protestën, ia dhatë presidenten, ia vazhduat mandatin”, iu drejtua Mehmetaj deputetit Gruda.

    Deklarata e Mehmetajt erdhi në kuadër të debatit për ndryshimet ligjore që synojnë kufizimin e juridiksionit të Dhomave të Specializuara, të njohura si Gjykata Speciale.

    Ndryshimet u miratuan nga Kuvendi më 7 tetor, në të njëjtën ditë kur Justina Shiroka-Pula u zgjodh presidente e Kosovës.

    Burimi: Dukagjini

  • Deputeti kroat Peternel: Kosova shtet i pavarur, në Serbi garë çetnikësh

    Deputeti kroat Peternel: Kosova shtet i pavarur, në Serbi garë çetnikësh

    Zëvendëskryetari i partisë kroate, njëherit deputeti kroat i Dom i Nacionalno Okupljanje (DOMiNO), Igor Peternel, ka deklaruar se Kosova është shtet sovran dhe i pavarur, duke kritikuar njëkohësisht skenën politike në Serbi.

    “Kosova është shtet sovran dhe i pavarur!”, ka theksuar Peternel, duke iu drejtuar politikanëve serbë.

    Ai kritikoi ashpër situatën politike në Serbi, duke thënë: “Në Serbi keni çetnikizëm përballë një çetnikizmi edhe më të madh, të gjithë janë njësoj atje!”

    Peternel theksoi se Kroacia duhet të mbajë një qëndrim të vendosur ndaj Serbisë dhe t’u përgjigjet qartë provokimeve të saj.

    Burimi: RTKLive

  • Gruda: Me ligjin për Specialen, Kosova si shtet i pavarur përballet në Hagë

    Gruda: Me ligjin për Specialen, Kosova si shtet i pavarur përballet në Hagë

    Deputeti i Partisë Demokratike të Kosovës, Përparim Gruda, ka deklaruar në Debat Plus se Ligji për ndryshimin dhe plotësimin e Ligjit për Dhomat e Specializuara mund të krijojë përplasje institucionale mes Kosovës dhe Gjykatës Speciale në Hagë.

    Duke folur për mundësinë që ligji të rrëzohet në dhomën e Kushtetueses në Hagë, Gruda tha se moszbatimi i vendimeve dhe i Kushtetutës së Kosovës nga Gjykata Speciale nuk është diçka e re, por sipas tij, rëndësia e ligjit qëndron te raporti që ai krijon mes shtetit të Kosovës dhe kësaj gjykate.

    “A mundet ky ligj të rrëzohet në dhomën kushtteuse? me thënë që sot Haga nuk heziton mos me i zbatu ligjet e Kosovës, nuk është naj farë gjetje, është si me thënë uji është i lagët. që Haga nuk i zbaton vendimet e Kosovës, Kushtetutën na ka treguar për 6 vjet rend. Por, cka bën ky ligj? Ky ligj e ndërton një përpalsje të Kosovës me Specialen… tash kemi hyrë në një proces, ku Kosova si shtet, jo më si territori i administruar nga UNMIK, por si shtet i pavarur, ndeshet me Specialen”, ka deklaruar Gruda.

    Burimi: Dukagjini

  • Alarmet dëgjohen në stadiumin e Ronaldos, shtyhet ndeshja e Al-Nassr pas shpërthimit në Riad

    Alarmet dëgjohen në stadiumin e Ronaldos, shtyhet ndeshja e Al-Nassr pas shpërthimit në Riad

    Alarmet dëgjohen në stadiumin e Ronaldos, shtyhet ndeshja e Al-Nassr pas shpërthimit në Riad

    Kampioni i Arabisë Saudite, Al-Nassr, nuk do ta zhvillojë sipas planit ndeshjen e vlefshme për Ligën e Kampionëve të Azisë, “AFC Champions League Elite”, ndaj skuadrës PFC Neftchi.

    Ndeshja, e paraparë të zhvillohej sonte në orën 20:15, është shtyrë për shkak të situatës së krijuar në Riad, ku raportohet për një shpërthim në aeroport.

    Alarmet janë dëgjuar edhe në stadiumin ku pritej të zhvillohej përballja, pas së cilës është marrë vendimi për shtyrjen e ndeshjes.

    Vendimi për shtyrjen vjen në një kohë kur siguria në kryeqytetin saudit është rritur pas sulmeve të fundit në aeroportin ndërkombëtar të Riadit. Sipas raportimeve, sulmet kanë shkaktuar viktima dhe të plagosur, si dhe kanë ndërprerë operacionet e aeroportit.

    Deri më tani, në raportimet e cituara nuk është bërë e ditur se kur do të zhvillohet ndeshja e shtyrë.

    Sinjali – aty ku e vërteta flet para lajmit!

    /GazetaSinjali/

    The post Alarmet dëgjohen në stadiumin e Ronaldos, shtyhet ndeshja e Al-Nassr pas shpërthimit në Riad appeared first on Sinjali.

    Burimi: Sinjali

  • Vazhdon cikli i diskutimeve me mësimdhënës për Strategjinë e Arsimit 2035+

    Vazhdon cikli i diskutimeve me mësimdhënës për Strategjinë e Arsimit 2035+

    Në Shtime u zhvillua takimi me mësimdhënësit e rajonit të Ferizajt për diskutimin e Strategjisë së Arsimit të Kosovës 2035+, në një organizim të përbashkët të Ministrisë së Arsimit dhe Shkencës dhe Sindikatës së Bashkuar të Arsimit, Shkencës dhe Kulturës (SBAShK).

    Ky ishte takimi i pestë rajonal në kuadër të ciklit të diskutimeve me mësimdhënës në të gjitha rajonet e Kosovës, pas takimit të parë të zhvilluar në Gjilan, Pejë, Prizren dhe Mitrovicë.

    Në bashkëbisedimin me mësimdhënësit morën pjesë ministri i Arsimit dhe Shkencës, Hajrulla Çeku, kryetari i SBAShK-ut, Rrahman Jasharaj, përfaqësues të Ministrisë, udhëheqës të SBAShK-ut, drejtues të institucioneve arsimore, si dhe mësimdhënës e punëtorë të arsimit nga Rajoni i Ferizajt.

    Në fokus të takimit ishte dëgjimi i drejtpërdrejtë i zërit të mësimdhënësve dhe marrja e propozimeve konkrete nga terreni për përmbajtjen dhe prioritetet e Strategjisë së Arsimit 2035+.

    Gjatë diskutimit u trajtuan çështje të rëndësishme për të ardhmen e sistemit arsimor, përfshirë cilësinë në arsim, kushtet e punës dhe të mësimdhënies, zhvillimin profesional dhe mbështetjen e mësimdhënësve, mirëqenien e punëtorëve të arsimit, autonominë dhe zhvillimin e shkollës, kurrikulën dhe procesin mësimor, digjitalizimin, financimin e arsimit, si dhe sfida të tjera me të cilat përballen institucionet arsimore.

    Mësimdhënësit e Rajonit të Ferizajt patën mundësi që drejtpërdrejt të paraqesin sugjerimet, shqetësimet dhe propozimet e tyre konkrete për atë se çfarë duhet të ndryshojë dhe çfarë duhet të parashikojë Strategjia e Arsimit 2035+.

    Ministri Hajrulla Çeku theksoi rëndësinë e përfshirjes së mësimdhënësve në këtë proces, duke vënë në pah se Strategjia e Arsimit 2035+ duhet të ndërtohet përmes një procesi gjithëpërfshirës dhe në bazë të përvojave dhe nevojave reale të sistemit arsimor.

    Ndërsa kryetari i SBAShK-ut, Rrahman Jasharaj, theksoi rëndësinë e rolit të punëtorëve të arsimit në përcaktimin e prioriteteve për të ardhmen e arsimit, si dhe domosdoshmërinë e vazhdimit të dialogut dhe bashkëpunimit ndërmjet SBAShK-ut dhe Ministrisë së Arsimit dhe Shkencës.

    “Takimi i këtij rajoni u karakterizua nga një diskutim i hapur, i drejtpërdrejtë dhe konstruktiv, ku mësimdhënësit patën mundësinë të adresojnë çështjet që i preokupojnë në punën e përditshme dhe të ofrojnë ide konkrete për përmirësimin e sistemit arsimor. SBAShK dhe Ministria e Arsimit dhe Shkencës do të vazhdojnë këtë cikël të takimeve rajonale me synimin që zëri i mësimdhënësve të jetë pjesë e drejtpërdrejtë e procesit të hartimit të Strategjisë së Arsimit 2035+ dhe që kjo strategji të jetë sa më reale, gjithëpërfshirëse dhe e zbatueshme. Takimet rajonale do të vazhdojnë edhe në rajonet e tjera të Kosovës”, njofton SBAShK-u.

    Burimi: RTKLive

  • Konjufca flet në Pragë për sulmin terrorist në Banjskë dhe atë në kanalin e Ibër-Lepencit

    Konjufca flet në Pragë për sulmin terrorist në Banjskë dhe atë në kanalin e Ibër-Lepencit

    Konjufca flet në Pragë për sulmin terrorist në Banjskë dhe atë në kanalin e Ibër-Lepencit

    Ministri i Punëve të Jashtme dhe Diasporës, Glauk Konjufca, duke iu referuar sulmeve terroriste në Banjskë dhe në kanalin e Ibër-Lepencit, ka nënvizuar se, pavarësisht kërcënimeve serioze dhe përpjekjeve për destabilizim, siç është shprehur, institucionet e Kosovës kanë dëshmuar vendosmëri dhe kapacitet për t’u përballur me këto sfida, duke mbrojtur sigurinë e vendit, me mbështetjen e vazhdueshme të partnerëve transatlantikë.

    Këto komente ai bëri në edicionin e 30-të të Forumit 2000 në Pragë, në panelin “Bridging the Divide – Crafting a Transatlantic Roadmap for Tech & Economic Security”, ku diskutoi edhe rëndësinë e bashkëpunimit transatlantik për paqen, sigurinë dhe stabilitetin në Ballkanin Perëndimor.

    “Gjatë diskutimit, Zëvendëskryeministri Konjufca theksoi se Republika e Kosovës është dëshmi konkrete e suksesit të bashkëpunimit transatlantik. Nga një vend i shkatërruar nga lufta në një demokraci që sot po lulëzon në paqe, Kosova ka shënuar përparim të vazhdueshëm falë qëndrueshmërisë së institucioneve të saj dhe partneritetit të fuqishëm me Shtetet e Bashkuara të Amerikës dhe Bashkimin Evropian”.

    “Zëvendëskryeministri Konjufca theksoi se përvoja e Republikës së Kosovës dëshmon rezultatet konkrete të unitetit transatlantik dhe rëndësinë e ruajtjes së këtij partneriteti për sigurinë dhe të ardhmen e Ballkanit Perëndimor”, thuhet në komunikatën për media./Klankosova.tv

  • Zelensky: Rusia goditi gjashtë objekte energjetike pas armëpushimit

    Zelensky: Rusia goditi gjashtë objekte energjetike pas armëpushimit

    Pavarësisht se Trumpi deklaroi të dielën se armëpushimi do të hynte në fuqi “menjëherë”, presidenti ukrainas tha se Rusia kishte goditur “stacionet tona të gazit, infrastrukturën energjetike dhe objekte të tjera”.

    Në qytetin e Iziumit pati ndërprerje të energjisë elektrike pasi një sulm rus shkatërroi rrjetet elektrike, raportoi agjencia shtetërore ukrainase e lajmeve Ukrinform. Gjatë natës u goditën gjithashtu infrastruktura energjetike dhe ajo hekurudhore në perëndim të Ukrainës.

    Të hënën, ministri i Jashtëm rus, Sergei Lavrov, deklaroi se Ukraina nuk e meriton “pushimin” që do të sillte një armëpushim.

    Zelensky tha se 33 persona u plagosën nga sulmet ndaj objekteve energjetike në të gjithë vendin.

    Ai i tha televizionit Fox News: “Ne nuk sulmuam, ndërsa Rusia goditi stacionet tona të gazit, infrastrukturën energjetike dhe objekte të tjera”.

    “Besoj se kjo ishte përgjigjja e Putinit ndaj presidentit Trump”, shtoi ai, raporton BBC.

    Burimi: RTKLive

  • Mehmetaj kritikon PDK-në për procedurën e ndjekur për Ligjin për Specialen

    Mehmetaj kritikon PDK-në për procedurën e ndjekur për Ligjin për Specialen

    Gazetari Lirim Mehmetaj ka kritikuar mënyrën se si janë proceduar ndryshimet në Ligjin për Dhomat e Specializuara të Kosovës, duke thënë se është anashkaluar një kriter kushtetues dhe se kjo nuk mund të shpjegohet vetëm me mungesë të njohurive juridike.

    Në përballje në Debat Plus me deputetin e Partisë Demokratike të Kosovës, Përparim Gruda, Mehmetaj ka thënë se, sipas tij, gabimet procedurale gjatë miratimit të ndryshimeve ligjore janë të vështira për t’u konsideruar të paqëllimshme.

    “Për mua është e pamundur me gabu procedurën. Në procedurë e sipër këta e kanë anashkaluar një kriter kushtetues. Qysh është konsultimi i ligjit, mos me të ra ndërmend?”, ka deklaruar Mehmetaj.

    Ai ka ngritur dyshime se vendimi i PDK-së për të propozuar ndryshimet mund të jetë ndikuar nga kalkulimet politike dhe dëshira për të shmangur zgjedhjet.

    “Në kuptim procedural këta e kanë gabu. për mua kjo është e pamundur që kjo ka qenë veç mungesë e dijes, e jo dashakeqësi. qe tregoj ccka është. Me shumë gjasë PDK nuk ka dashtë me shku në zgjedhje, këta i dinë arsyet. tash kqyre çka ka ndodh? Albin Kurti iu ka thënë këtyre s’po du me pa këtë protestë. dhe rrjedhimisht këta na e kanë shitur një ligj, që ka me ra edhe për procedurë”, ka thënë ai.

    Ndryshimet në Ligjin për Dhomat e Specializuara u propozuan nga PDK-ja pesë ditë pas aktgjykimit të 16 shtatorit, me të cilin Hashim Thaçi, Kadri Veseli, Jakup Krasniqi dhe Rexhep Selimi u dënuan me gjithsej 81 vjet burgim për krime lufte.

    Ndryshimet synojnë kufizimin e juridiksionit të Dhomave të Specializuara përmes ngushtimit të periudhës kohore dhe kategorive të veprave penale që mund të trajtohen. Ato parashohin, ndër të tjera, uljen e dënimit maksimal në 15 vjet burgim, mundësinë e ankimimit në Gjykatën Supreme të Kosovës dhe vuajtjen e dënimeve në Kosovë.

    Burimi: Dukagjini