Category: Lajme

  • Mot i vranët me reshje të theksuara shiu

    Mot i vranët me reshje të theksuara shiu

    Sot mbi vendin tonë do të mbajë moti kryesisht i vranët, me reshje shiu të intensitetit mesatar deri të lartë, të cilat në disa zona mund të jenë më të theksuara.

    Sipas Institutit Hidrometeorologjik të Kosovë, temperaturat minimale do të lëvizin nga 6 deri në 11 gradë Celsius, ndërsa ato maksimale nga 12 deri në 16 gradë Celsius.

    Era do të fryjë nga verilindja dhe veriperëndimi, me shpejtësi prej 1–9 metra për sekondë.

    Burimi: RTKLive

  • I plagosuri rëndë në Gjilan, QKUK për Sinjalin: Vazhdon trajtimin në Intensivë

    I plagosuri rëndë në Gjilan, QKUK për Sinjalin: Vazhdon trajtimin në Intensivë

    I plagosuri rëndë në Gjilan, QKUK për Sinjalin: Vazhdon trajtimin në Intensivë

    Gazeta Sinjali ka raportuar më herët për tragjedinë në Livoç të Ulët të Gjilanit, ku humbën jetën Nafije Bogujevci dhe vëllai i saj, Egzon Bogujevci. Mazllum Bogujevci dyshohet se mbeti i plagosur rëndë nga të shtënat me armë zjarri në këtë incident.

    Sinjali ka raportuar se ngjarja dyshohet se lidhet me një ngatërresë të mëhershme, ndërsa motivi i plotë dhe dinamika e rastit ende janë duke u hetuar.

    Bogujevci po vazhdon të marrë trajtim mjekësor në Njësinë e Kujdesit Intensiv në QKUK.

    Shaqir Uka ka bërë të ditur për Gazetën Sinjali se pacienti është i fjetur me barna dhe i lidhur me aparaturë mjekësore.

    “Gjendja e përgjithshme është relativisht stabile”, ka deklaruar Uka për Sinjalin.

    Ndryshe, për rastin dyshohet Valon Ramushi, bashkëshorti i Nafije Bogujevcit.

    Sinjali – aty ku e vërteta flet para lajmit!

    /GazetaSinjali/

    The post I plagosuri rëndë në Gjilan, QKUK për Sinjalin: Vazhdon trajtimin në Intensivë appeared first on Sinjali.

    Burimi: Sinjali

  • Sot mbahet në Prishtinë Kongresi i tetë Ndërkombëtar për shëndetin mendor

    Sot mbahet në Prishtinë Kongresi i tetë Ndërkombëtar për shëndetin mendor

    Sot, duke filluar nga ora 10:00, në hotelin “Sirius” në Prishtinë, mbahet edicioni i tetë i Kongresit Ndërkombëtar me temë “Shëndeti mendor: sfidat dhe perspektivat e së ardhmes”.

    Në fokus të kongresit do të jenë sfidat në fushën e shëndetit mendor dhe perspektivat për të ardhmen.

    Burimi: Dukagjini

  • Katër persona humbin jetën nga uragani Isaias në ShBA, mijëra mbesin pa rrymë

    Katër persona humbin jetën nga uragani Isaias në ShBA, mijëra mbesin pa rrymë

    Katër persona humbin jetën nga uragani Isaias në ShBA, mijëra mbesin pa rrymë

    Katër persona kanë humbur jetën dhe qindra mijëra të tjerë kanë mbetur pa energji elektrike, pasi uragani Isaias goditi disa pjesë të jugut të Shteteve të Bashkuara me erëra të fuqishme dhe reshje të dendura shiu.

    Autoritetet kanë raportuar nga dy viktima në shtetet Alabama dhe Florida. Në mesin e tyre janë edhe persona që humbën jetën pasi pemët ranë mbi shtëpitë e tyre.

    Sipas platformës monitoruese PowerOutage, deri të shtunën në mbrëmje rreth 500 mijë persona në disa shtete kishin mbetur pa energji elektrike.

    Uragani Isaias arriti në tokë në Florida të premten vonë, me erëra që arrinin shpejtësinë maksimale të qëndrueshme prej 168 kilometrash në orë. Më pas, stuhia u dobësua dhe u riklasifikua si ciklon post-tropikal, shkruan BBC, përcjell Klankosova.tv

    Stuhia rrëzoi pemë dhe shkatërroi çatitë e ndërtesave. Përpara mbërritjes së saj, Alabama, Florida dhe Georgia shpallën gjendje të jashtëzakonshme, ndërsa autoritetet në Florida dhe Alabama urdhëruan evakuimin e detyrueshëm të mijëra banorëve.

    Ndërkohë, uragani Simon po i afrohet bregdetit të Paqësorit të Meksikës dhe është forcuar në kategorinë e katërt. Pritet që ai të arrijë në tokë gjatë natës.

    Edhe stuhia tropikale Rachel, në Oqeanin Paqësor, pritet të godasë pjesën jugore të Kalifornisë më vonë të shtunën.

     

     

  • Instagram teston funksionin e ri që ju mbron nga “like”-t aksidentale

    Instagram teston funksionin e ri që ju mbron nga “like”-t aksidentale

    Instagram teston funksionin e ri që ju mbron nga “like”-t aksidentale

    Instagram po teston një funksion të ri që mund t’ua lehtësojë përdoruesve shfletimin e profileve pa rrezikuar të pëlqejnë aksidentalisht fotografitë e vjetra.

    Sipas pamjeve të publikuara nga zhvilluesi Alessandro Paluzzi, funksioni do të mundësojë shikimin e profileve në një modalitet të veçantë, ku përdoruesit nuk do të mund të bëjnë “like”, të komentojnë, të ndjekin llogari apo të dërgojnë mesazhe.

    Kjo veçori do të ishte veçanërisht e dobishme për ata që shfletojnë fotografitë e vjetra të dikujt dhe shqetësohen se mund të shtypin pa dashje butonin e pëlqimit.

    Sipas raportimeve, funksioni mund të jetë pjesë e shërbimit Instagram Plus, por aktualisht ndodhet në fazën e testimit të brendshëm. Ende nuk është konfirmuar nëse do të jetë i disponueshëm për të gjithë përdoruesit.

    Ndërkohë, një nga situatat më të sikletshme në Instagram është pëlqimi aksidental i një fotografie të vjetër. Kreu i platformës, Adam Mosseri, ka shpjeguar se nëse përdoruesi e heq menjëherë pëlqimin, njoftimi mund të zhduket nga aktivitetet brenda aplikacionit.

    Megjithatë, nëse njoftimi është shfaqur tashmë në ekranin e telefonit të personit tjetër, ai mund ta ketë parë. Kështu, edhe pse heqja e shpejtë e pëlqimit mund ta largojë njoftimin nga Instagrami, nuk garanton që veprimi të kalojë pa u vënë re.

    Sinjali – aty ku e vërteta flet para lajmit!

    /GazetaSinjali/

    The post Instagram teston funksionin e ri që ju mbron nga “like”-t aksidentale appeared first on Sinjali.

    Burimi: Sinjali

  • Analizimi i çdo mesazhi dhe frika nga braktisja, si ndikon stili ankthioz në marrëdhëniet romantike

    Analizimi i çdo mesazhi dhe frika nga braktisja, si ndikon stili ankthioz në marrëdhëniet romantike

    Analizimi i çdo mesazhi dhe frika nga braktisja, si ndikon stili ankthioz në marrëdhëniet romantike

    Nevoja e vazhdueshme për siguri, analizimi i çdo mesazhi dhe frika se partneri mund të largohet janë disa nga shenjat që mund të lidhen me stilin ankthioz të lidhjes.

    Për personat që përjetojnë këtë model, edhe një vonesë e zakonshme në përgjigjen e partnerit mund të shkaktojë shqetësim, dyshime dhe frikë nga refuzimi. Mendimet se ndjenjat e partnerit kanë ndryshuar apo se marrëdhënia po shkon drejt fundit mund të shfaqen edhe kur nuk ka prova konkrete për këtë.

    Sipas teorisë së lidhjes, përvojat e hershme me personat që janë kujdesur për fëmijën mund të ndikojnë në mënyrën se si ai krijon dhe përjeton marrëdhëniet në moshë të rritur. Kujdesi i paqëndrueshëm dhe pasiguria emocionale mund të kontribuojnë në zhvillimin e frikës se njerëzit e dashur nuk do të qëndrojnë pranë.

    Në marrëdhëniet romantike, kjo frikë mund të shfaqet përmes kërkimit të vazhdueshëm të konfirmimit të dashurisë, kontrollimit të shpeshtë të telefonit dhe analizimit të tonit të mesazheve apo ndryshimeve në sjelljen e partnerit.

    Në disa raste, personi mund të përpiqet vazhdimisht t’i përshtatet partnerit, duke lënë pas dore nevojat dhe dëshirat e veta, vetëm për të shmangur mundësinë e ndarjes.

    Kjo situatë mund të krijojë vështirësi për të dy partnerët. Njëri kërkon gjithnjë e më shumë afërsi dhe siguri për të qetësuar ankthin, ndërsa tjetri mund të ndihet nën presion dhe të tërhiqet emocionalisht. Kjo tërheqje mund ta shtojë edhe më shumë frikën e braktisjes dhe të krijojë një rreth të përsëritur pasigurie.

    Megjithatë, dëshira e partnerit për hapësirë personale ose një përgjigje e vonuar nuk nënkupton domosdoshmërisht humbje të interesit. Po ashtu, nevoja për afërsi dhe siguri është e natyrshme në një marrëdhënie; rëndësi ka mënyra se si shprehen dhe respektohen këto nevoja.

    Për të përballuar këtë model, një nga hapat e parë është dallimi mes fakteve dhe interpretimeve. Për shembull, fakti që një mesazh nuk ka marrë përgjigje nuk do të thotë automatikisht se partneri nuk dëshiron më marrëdhënien.

    Komunikimi i hapur, vendosja e kufijve të shëndetshëm dhe zhvillimi i vetëdijes për reagimet emocionale mund të ndihmojnë në uljen e pasigurisë. Kur ankthi bëhet i vazhdueshëm dhe ndikon në jetën e përditshme, ndihma e një psikologu ose psikoterapisti mund të jetë e dobishme.

    Stili ankthioz i lidhjes nuk është një gjendje e pandryshueshme. Me vetëdije dhe punë të vazhdueshme me veten, është e mundur të ndërtohen marrëdhënie më të qeta, me më shumë besim dhe siguri emocionale.

    Sinjali – aty ku e vërteta flet para lajmit!

    /GazetaSinjali/

    The post Analizimi i çdo mesazhi dhe frika nga braktisja, si ndikon stili ankthioz në marrëdhëniet romantike appeared first on Sinjali.

    Burimi: Sinjali

  • Australia zbulon mangësi në sigurinë e fëmijëve në Steam, Roblox, Fortnite dhe Minecraft

    Australia zbulon mangësi në sigurinë e fëmijëve në Steam, Roblox, Fortnite dhe Minecraft

    Australia zbulon mangësi në sigurinë e fëmijëve në Steam, Roblox, Fortnite dhe Minecraft

    Rregullatori australian për sigurinë online ka identifikuar mangësi të konsiderueshme në mënyrën se si platformat e njohura të lojërave online mbrojnë fëmijët nga rreziqet në internet.

    Sipas një raporti të ri, Steam, Roblox, Fortnite dhe Minecraft kanë qasje të ndryshme në zbatimin e masave të sigurisë për përdoruesit e mitur, ndërsa hulumtimet tregojnë se nëntë nga 10 fëmijë të moshës 8 deri në 17 vjeç në Australi luajnë lojëra online.

    Komisionerja e Sigurisë Elektronike, Julie Inman Grant, paralajmëroi se fëmijët duhet të jenë në gjendje të luajnë në internet pa u ekspozuar ndaj grabitqarëve, shantazhit seksual, përmbajtjeve ekstremiste të dhunshme dhe formave të tjera të dëmshme të përmbajtjes.

    Ajo theksoi se masat e pamjaftueshme të sigurisë mund t’u mundësojnë personave të rrezikshëm të kontaktojnë fëmijët dhe më pas t’i shfrytëzojnë seksualisht ose të përpiqen t’i radikalizojnë.

    Raporti veçoi kompaninë Valve, pronaren e platformës Steam dhe shërbimit Steam Chat, si të vetmen që nuk përdorte një teknologji të përhapur në industri për identifikimin dhe largimin e përmbajtjeve të dëmshme të njohura.

    Sipas gjetjeve, Valve gjithashtu nuk përdorte në mënyrë proaktive mjete për të zbuluar shfrytëzimin seksual të fëmijëve ose materialet e dhunshme në biseda. Sistemet ekzistuese të kompanisë përqendroheshin kryesisht në identifikimin e mashtrimeve.

    Roblox dhe Valve u kritikuan gjithashtu për përdorimin vetëm të të dhënave të brendshme për trajnimin e sistemeve që zbulojnë gjuhën e dëmshme, si dhe për mungesën e ritrajnimit të rregullt të këtyre modeleve.

    Komisionerja Inman Grant u bëri thirrje platformave që të përmirësojnë mekanizmat e tyre të sigurisë, veçanërisht në identifikimin dhe parandalimin e shfrytëzimit seksual të fëmijëve, zhvatjes seksuale dhe përmbajtjeve që promovojnë ose nxisin dhunën.

    Raporti rikthen në vëmendje përgjegjësinë e kompanive të lojërave online për të krijuar mjedise më të sigurta për fëmijët, veçanërisht në platformat ku përdoruesit mund të komunikojnë drejtpërdrejt me njëri-tjetrin.

    Sinjali – aty ku e vërteta flet para lajmit!

    /GazetaSinjali/

    The post Australia zbulon mangësi në sigurinë e fëmijëve në Steam, Roblox, Fortnite dhe Minecraft appeared first on Sinjali.

    Burimi: Sinjali

  • Qeveria e Kosovës e bën publik programin për dy vitet e ardhshme, Kodi Civil e Ligji për Liritë Fetare mes 200 projektligjeve që synohen

    Qeveria e Kosovës e bën publik programin për dy vitet e ardhshme, Kodi Civil e Ligji për Liritë Fetare mes 200 projektligjeve që synohen

    Qeveria e Kosovës e bën publik programin për dy vitet e ardhshme, Kodi Civil e Ligji për Liritë Fetare mes 200 projektligjeve që synohen

    Qeveria e Kosovës ka publikuar programin e projektligjeve për vitet 2026-2028.

    Gjatë këtyre viteve, Zyra e Kryeministrit dhe Ministritë e Qeverisë synojnë të kalojnë 200 ligje në Kuvendin e Kosovës.

    Zyra e Kryeministrit gjatë vitit 2026 synon që të kalojë Projektligjin për ndryshimin dhe plotësimin e Ligjit për Regjistrimin e Bujqësisë, derisa tanimë kanë kaluar ratifikimi i amendamentit 1 të marrëveshjes për Programin IPA 2021; ratifikimi i amendamentit 1 të marrëveshjes për Programin IPA 2022 dhe ratifikimi i marrëveshjes IPA 2026-2027.

    Gjatë vitit 2027, Zyra e Kryeministrit ka për qëllim që të miratojë ligjin për Hetimin e Aksidenteve; për Mbrojtje nga Diskriminimi; për Mbrojtjen e të Dhënave Personale nga Institucionet e Zbatimit të Ligjit; për ndryshimin dhe plotësimin e Ligjit Nr. 02/L- 31 për Lirinë Fetare në Kosovë dhe atë për Komisionin e Pavarur të Mediave.

    Në vitin 2028 planifikohet Projektligji për Mbrojtjen e Individëve në Lidhje me Përpunimin Automatik të Dhënave Personale.

    Ministria e Punëve të Jashtme dhe Diasporës

    Ministria e Punëve të Jashtme dhe Diasporës, sivjet synon të miratojë projektligjin për Shërbimin e Jashtëm; atë për Statusin, Imunitetet dhe Privilegjet e Misioneve Diplomatike, Konsullore dhe Personelin e Kosovës dhe Praninë Ndërkombëtare Ushtarake si dhe Personelin e saj; për Ratifikimin e “Konventës për Njohjen dhe Ekzekutimin e Vendimeve të Huaja në Çështje Civile Apo Tregtare”; për Ratifikimin e “Konventës për Zgjedhjen e Marrëveshjeve Gjyqësore”.

    Po ashtu, Ministria e udhëhequr nga Glauk Konjufca, sivjet synon që të miratohen edhe projekligjet për Ratifikimin e “Konventës së Lubjanës-Hagës për Bashkëpunim Ndërkombëtar në Hetimin dhe Ndjekjen e Krimit të Gjenocidit, Krimeve Kundër Njerëzimit, Krimeve të Luftës dhe Krimeve të tjera Ndërkombëtare”; për Ratifikimin e Marrëveshjes për Ekstradim ndërmjet Qeverisë së Republikës së Kosovës dhe Qeverisë së Republikës Franceze dhe projektligji për Ratifikimin e Marrëveshjes për Ndihmë të Ndërsjellë Juridike ndërmjet Qeverisë së Republikës së Kosovës dhe Qeverisë së Republikës Franceze.

    Për vitin 2027 janë planifikuar Projektligji për Marrëveshjet Ndërkombëtare; Projektligji për Protokollin e Shtetit dhe Projektligji për Diasporën.

    Kjo Ministri nuk ka të planifikuar ndonjë projektligj për vitin 2028.

    Ministria e Drejtësisë

    Ministria e Drejtësisë deri tash ka miratuar ndryshimin dhe plotësimin e ligjit për Përgjegjësitë Disiplinore të Gjyqtarëve dhe Prokurorëve; atë për Këshillin Gjyqësor të Kosovës; Projektligjin për Akademinë e Drejtësisë; për Rekrutimin, Vlerësimin e Performancës, Kontrollin e Integritetit dhe Statusin e Gjyqtarëve dhe Prokurorëve; për Këshillin Prokurorial të Kosovës dhe për Byronë Shtetërore për Verifikimin dhe Konfiskimin e Pasurisë së Pajustifikueshme.

    Gjatë këtij viti, Donika Gërvalla dhe Ministria që ajo udhëheqë synojnë edhe Projektligjin për Ratifikimin e Marrëveshjes ndërmjet Republikës së Kosovës dhe Mbretërisë së Suedisë për Ndihmë të Ndërsjellë Juridike në Çështjet Penale; Projektligjin për Ratifikimin e Marrëveshjes ndërmjet Republikës së Kosovës dhe Mbretërisë së Suedisë për Ekstradim; Projektligjin për Ratifikimin e Marrëveshjes ndërmjet Republikës së Kosovës dhe Mbretërisë së Suedisë për Transferimin e Personave të Dënuar; Projekt Kodin Civil i Republikës së Kosovës dhe Projektligjin për Ratifikimin e Traktatit ndërmjet Republikës së Kosovës dhe Mbretërisë së Belgjikës për Ndihmë të Ndërsjellë Juridike në Çështjet Penale.

    Në vitin 2027, Ministria e Drejtësisë ka për synim që të kalojë Projektligjin për ndryshimin dhe plotësimin e Ligjit Nr.06/L-086 për Dhomën e Posaçme të Gjykatës Supreme të Kosovës për Çështjet në lidhje me Agjencinë Kosovare të Privatizimit; atë për plotësimin dhe ndryshimin e Ligjit për Administrimin e Pasurisë së Sekuestruar dhe të Konfiskuar; plotësimin dhe ndryshimin e Ligjit për Avokatinë; Projektligjin për Ndihmë Juridike Falas.

    Gjatë vitit të ardhshëm synohet të kalojnë edhe ndryshimi i Ligjit për Kundërvajtjet; ndryshimi i Kodit Penal; Projektligji për ndërmjetësim; ndryshimi i Ligjit për Gjykatat; ndryshimi i Procedurës Penale; ndryshimin dhe plotësimin e Ligjit për Ekzekutimin e Sanksioneve Penale; ndryshimi i Ligjit për Shërbimin Korrektues; ndryshimi i Ligjit për Përfaqësimin e Institucioneve Shtetërore në Procedura Gjyqësore, Ndërmjetësim dhe Arbitrazh; ndryshimi i Ligjit për Ekspertët Gjyqësor dhe ndryshimi i Ligjit për Pronën Publike.

    Për vitin 2028 janë planifikuar Projektligji për Realizimin e të Drejtës në Gjykim brenda Kohës së Arsyeshme dhe Projekt Kodi i Procedurës Civile.

    Ministria e Mbrojtjes

    Ministria e udhëhequr nga Ejup Maqedonci synon që sivjet të kalojë projektligjin për ndryshimin e Ligjit për dërgimin e Forcës së Sigurisë së Kosovës Jashtë Vendit.

    Për vitin 2027, Ministria e Mbrojtjes synon që të kalojë dy projektligje.

    Projektligjet e synuara janë: Projektligji për Ministrinë e Mbrojtjes dhe Projektligji për Agjencinë e Intelegjencës dhe Sigurisë së Mbrojtjes.

    Sinjali – aty ku e vërteta flet para lajmit!

    /GazetaSinjali/

    The post Qeveria e Kosovës e bën publik programin për dy vitet e ardhshme, Kodi Civil e Ligji për Liritë Fetare mes 200 projektligjeve që synohen appeared first on Sinjali.

    Burimi: Sinjali

  • Havolli: Stigma do të ekzistojë për aq kohë sa nuk kemi psikologë në çdo institucion (VIDEO)

    Havolli: Stigma do të ekzistojë për aq kohë sa nuk kemi psikologë në çdo institucion (VIDEO)

    Havolli: Stigma do të ekzistojë për aq kohë sa nuk kemi psikologë në çdo institucion (VIDEO)

    Kryetari i Shoqatës së Psikologëve të Kosovës, Ilir Havolli, ka deklaruar se stigma ndaj shëndetit mendor do të vazhdojë për aq kohë sa institucionet nuk investojnë mjaftueshëm në këtë fushë dhe nuk sigurojnë qasje më të lehtë në shërbimet psikologjike.

    Në emisionin “Info Magazine” në Klan Kosova, Havolli tha se, ndonëse vetëdijesimi për rëndësinë e shëndetit mendor është rritur, mungesa e profesionistëve në institucionet publike dhe zbatimi i pamjaftueshëm i politikave po e vështirësojnë trajtimin e problemeve psikologjike.

    “Stigma ka me ekzistu për aq kohë sa nuk kemi psikologë në çdo institucion, në të gjitha nivelet e sektorit primar, sekondar dhe terciar”, deklaroi Havolli.

    Ai theksoi se mungesa e psikologëve klinikë në institucionet publike i detyron shumë qytetarë t’u drejtohen shërbimeve private, të cilat jo të gjithë kanë mundësi t’i përballojnë financiarisht.

    “Një individ i cili ka shqetësime psikologjike, ka probleme emocionale dhe ka nevojë të këshillohet me një psikolog klinik, e ka të vështirë të marrë shërbime në institucionet publike, për shkak të mungesës së psikologëve”, u shpreh ai.

    Havolli paralajmëroi se, kur vështirësitë emocionale nuk identifikohen dhe trajtohen me kohë, ato mund të shfaqen më vonë përmes sjelljeve antisociale dhe dukurive të tjera shqetësuese.

    “Identifikimi është hapi i suksesit. Nëse ne identifikojmë një vështirësi emocionale apo një sjellje jo të përshtatshme në fillim, mund të parandalojmë probleme të mëtejshme”, tha Havolli në Klan Kosova.

    Ndiq intervistën e plotë:

  • Sot varrosen Egzon dhe Nafije Bugujevci, motër e vëlla të vrarë në Livoç të Gjilanit

    Sot varrosen Egzon dhe Nafije Bugujevci, motër e vëlla të vrarë në Livoç të Gjilanit

    Sot varrosen Egzon dhe Nafije Bugujevci, motër e vëlla të vrarë në Livoç të Gjilanit

    Egzon dhe Nafije Bugujevci, motër e vëlla që u vranë në Livoç të Gjilanit, do të varrosen sot.

    Sipas njoftimit të fshatit të tyre, Pozheranit, ceremonia e varrimit do të mbahet në orën 15:40.

    Siç ka raportuar më parë Gazeta Sinjali, dyshohet se ata u vranë nga bashkëshorti i Nafijes.

    Rasti ka tronditur qytetarët, ndërsa hetimet për zbardhjen e plotë të rrethanave të ngjarjes po vazhdojnë.

    Sinjali – aty ku e vërteta flet para lajmit!

    /GazetaSinjali/

    The post Sot varrosen Egzon dhe Nafije Bugujevci, motër e vëlla të vrarë në Livoç të Gjilanit appeared first on Sinjali.

    Burimi: Sinjali