Category: Lajme

  • Bedri Shabani dhe Muharrem Qerimi deklarohen të pafajshëm ndaj akuzave për spiunazh

    Bedri Shabani dhe Muharrem Qerimi deklarohen të pafajshëm ndaj akuzave për spiunazh

    Bedri Shabani dhe Muharrem Qerimi deklarohen të pafajshëm ndaj akuzave për spiunazh

    Gjykimi ndaj Bedri Shabanit dhe Muharrem Qerimit ka nisur rishtazi, ndërsa të dy të akuzuarit për spiunazh janë deklaruar sërish të pafajshëm për akuzat që u vihen në barrë.

    Kryetari i trupit gjykues, gjykatësi Rrahman Beqiri, njoftoi se për shkak të afrimit të datës së pensionimit të anëtarit të trupit gjykues, gjykatësit Vesel Ismajli, ai do të zëvendësohet nga gjykatësja Donika Shala-Abdyli. Për pasojë, gjykimi ka nisur rishtazi, raporton “Betimi për Drejtësi”, transmeton Klankosova.tv

    Pas konstatimit se aktakuza ishte lexuar, të dy të akuzuarit u deklaruan sërish të pafajshëm.

    Seanca po vazhdon me dhënien e fjalës hyrëse nga prokurori Bekim Kodraliu, si dhe nga dy të akuzuarit dhe mbrojtësit e tyre.

    Në seancën e fundit, më 30 prill, kishte vazhduar mbyllur gjykimi për spiunazh ndaj Bedri Shabanit dhe Muharrem Qerimit Edhe seancat e 28 dhe 29 janarit 2026, ishin mbajtur të mbyllura për të njëjtat arsye.

    Aktakuza e Prokurorisë Speciale është konfirmuar nga Themelorja dhe Apeli.

    Prokuroria Speciale e Republikës së Kosovës (PSRK) më 19 shkurt 2025 ka ngritur aktakuzë ndaj Bedri Shabanit dhe Muharrem Qerimit, të cilët i ngarkon se kanë mbledhur dhe dërguar informacione e dokumente tek BIA serbe lidhur me Ushtrinë Çlirimtare të Kosovës, eprorët e pjesëtarët e saj, Policinë, Agjencinë e Kosovës për Inteligjencë e Inspektoratin Policor të Kosovës, si dhe për ngjarje e objekte specifike, përfshirë edhe një masakër- atë të Reçakut.

    Përmes këtyre veprimeve, PSRK thotë se synohej shkaktimi i një konflikti të gjerë ndëretnik në territorin e Republikës së Kosovës, të krijohej një narrativë e pavërtetë që ta ndërlidhë Spitalin Ushtarak të UÇK-së me të ashtuquajturën “Shtëpia e Verdhë” për kinse trafikim organesh dhe të vë në dyshim të vërtetën e masakrës.

    Aktakuza ngarkon Shabanin e Qerimin për spiunazh. Kurse, Qerimi akuzohet dhe për armëmbajtje pa leje.

    Sipas aktakuzës së siguruar nga “Betimi për Drejtësi”, në pikën e parë Bedri Shabani akuzohet se nga data e pacaktuar e deri në momentin e arrestimit më 5 qershor 2024, e ka ndihmuar Agjencinë e Intelegjencës dhe Sigurisë së Republikës së Serbisë (që njihet si BIA), në formën e mbledhjes dhe dërgimit të informacioneve, dokumenteve dhe materialeve që lidhen me Ushtrinë Çlirimtare të Kosovës, përfshirë eprorët e saj, si dhe me ngjarje dhe objekte specifike të tilla si Spitali Ushtarak i UÇK-së në fshatin Mollopolc të Shtimes dhe masakrën e Reçakut.

    Aktakuza thotë se Shabani të dhënat dhe informacionet në fjalë, ua kishte transmetuar zyrtarit të lartë të BIA-s, Sërgjan Rosiç, përgjegjës për Regjionin e Pançevës, si dhe kolonel Bogoljub Janiçeviç, ish-komandant i Policisë së Serbisë për Regjionin e Ferizajt, gjatës kohës së luftës në Kosovë dhe udhëheqës i operacionit policor-ushtarak në masakrën e Reçakut përmes komunikimeve telefonike, postës elektronike dhe takimeve fizike të zhvilluara në territorin e Serbisë.

    Andaj, thuhet se me këto veprime i akuzuari ka rrezikuar dhe dëmtuar rëndë rendin juridik kushtetues dhe sigurinë e Republikës së Kosovës, duke e ndihmuar po ashtu BIA-n në krijimin e një narrative të pavërtetë me qëllim që të ndërlidhë Spitalin Ushtarak të UÇK -së të Mollopolcit të Shtimes me të ashtuquajturën “Shtëpia e Verdhë” në Burrel të Shqipërisë, kinse janë bërë trafikime organesh, si dhe të vë në dyshim të vërtetën e masakrës së Reçakut, duke kërkuar nga zyrtari i BIA-s dhe Bogoljub Janiçeviç që të ndërmarrin veprime operacionale të cilat do të shkaktonin një konflikt të gjerë ndëretnik në territorin e Republikës së Kosovës.

    Prandaj për këto veprime, Bedri Shabani ngarkohet me veprën penale “Spiunazh” nga neni 124, paragrafi 3 të Kodit Penal.

    Kurse, në pikën e dytë të aktakuzës, Muharrem Qerimi akuzohet se nga viti 2012 e në vazhdimësi deri në arrestimin e tij më 5 qershor 2024, e ka ndihmuar Agjencinë e Intelegjencës dhe Sigurisë së Republikës së Serbisë (që njihet si BIA), në formën e mbledhjes dhe dërgimit të informacioneve, dokumenteve dhe materialeve të ndryshme që kanë të bëjnë me luftën dhe pjestarët e UÇK-së, emrat dhe eprorëve të Policisë së Kosovës, AKI-së, IPK-së, pastaj emrat e dëshmitarëve tashmë të njohur të Dhomave të Specializuara të Kosovës në Hagë në lidhje me veprat penale të krimit të organizuar, korrupsionin, e të cilat informacione ia ka transmetuar zyrtarit të lartë të BIA-s, Sërgjan Rosiç përgjegjës për Regjionin e Pançevës përmes komunikimeve telefonike dhe takimeve fizike që ka zhvilluar në territorin e Republikës së Serbisë.

    Me këto veprime, i akuzuari Qerimi thuhet se ka rrezikuar dhe dëmtuar rëndë rendin juridik kushtetues dhe sigurinë e Republikës së Kosovës dhe qytetarëve të saj.

    Prandaj për këto veprime, Qerimi ngarkohet me veprën penale “Spiunazh” nga neni 124, paragrafi 3 të Kodit Penal.

    Ndërkaq, në pikën e tretë të aktakuzës thuhet se më 5 qershor 2024 të pandehurit Qerimi gjatë zbatimit të urdhëresës së Gjykatës për urdhër kontroll, i është gjetur në posedim pa autorizim një revole e tipit “Ekol Tuna”, një karikator, gjashtë fishekë, njëzet fishekë të tjerë me mbishkrimin 11/53, si dhe katër karikator të tjerë me shenjën e gjysmëhënës dhe një rrumbullak të cilat janë sekuestruar nga Policia e Kosovës.

    Me këto veprime, Qerimi ngarkohet se ka kryer veprën penale “Mbajtja në pronësi, kontroll ose posedim të paautorzuar të armëve” nga nenin 366, paragrafi 1 të Kodit Penal.

    Shënim: Personi/personat e përmendur në këtë artikull, prezumohen të pafajshëm deri në një vendim të formës së prerë nga gjykata.

  • Franca premton 3 mijë mësimdhënës shtesë pas protestave të nxënësve

    Franca premton 3 mijë mësimdhënës shtesë pas protestave të nxënësve

    Franca premton 3 mijë mësimdhënës shtesë pas protestave të nxënësve

    Qeveria franceze ka bërë lëshimin e parë ndaj protestuesve të rinj, duke premtuar angazhimin e 3 mijë mësimdhënësve zëvendësues në ditët në vijim, pas disa javësh protestash për më shumë burime në arsimin e mesëm.

    Ministri i Arsimit, Edouard Geffray, e bëri njoftimin të enjten mbrëma, pas një dite tjetër protestash, disa prej të cilave u shoqëruan me dhunë.

    Sipas qeverisë, që nga fillimi i protestave janë arrestuar 6 mijë e 877 persona, 86 për qind e të cilëve janë nën moshën 18-vjeçare.

    Të enjten, rreth 71 mijë persona protestuan në mbarë vendin, ndërsa 24 mijë prej tyre u mblodhën në Paris. Policia përdori gaz lotsjellës për të shpërndarë grupet që e sulmuan me gurë dhe mjete piroteknike të improvizuara.

    Në Bordo, një shkollë e mesme u dëmtua nga protestuesit, ndërsa në Marsejë u sulmua një zëvendësdrejtor shkolle, shkruan BBC, transmeton Klankosova.tv

    Të premten, rreth 140 nga gjithsej 3 mijë e 500 shkolla të mesme në Francë ishin plotësisht ose pjesërisht të mbyllura. Megjithatë, sindikatat kanë paralajmëruar një tjetër ditë protestash për të martën e ardhshme.

    Ministri Geffray tha se, përmes një sistemi të ri kompjuterik, 3 mijë mësimdhënës zëvendësues do të mund të caktohen në rreth 500 shkolla që kanë nevojën më të madhe për staf. Shumë prej tyre ndodhen në periferi urbane me përqendrim të lartë të popullsisë me prejardhje nga emigracioni.

    Ai gjithashtu premtoi më shumë financim për mësimdhënësit që pranojnë të punojnë orë shtesë dhe tha se kërkesat e nxënësve do të merren parasysh gjatë diskutimeve për buxhetin shtetëror të vitit 2027.

  • Ndahet nga jeta bashkudhëtari i komandantit Adem Jashari

    Ndahet nga jeta bashkudhëtari i komandantit Adem Jashari

    Ndahet nga jeta bashkudhëtari i komandantit Adem Jashari

    Kreu i Organizatës së Veteranëve të Luftës së Ushtrisë Çlirimtare të Kosovës, Hysni Gucati, ka njoftuar për vdekjen e Ali Ngucatit, të cilin e ka kujtuar me fjalë të zgjedhura, duke vlerësuar kontributin e tij në luftën për liri dhe pavarësi të Kosovës.

    Përmes një postimi në rrjetet sociale, Gucati e ka cilësuar të ndjerin si burrë trim, luftëtar të orëve të para dhe bashkudhëtar të komandantit legjendar Adem Jashari, transmeton Klankosova.tv.

    Ai ka theksuar se Ali Ngucati do të kujtohet për fisnikërinë, trimërinë dhe dashurinë e palëkundur për atdheun.

    “Sot Kosova humbi një nga shtyllat e saj më të forta”, ka shkruar Gucati, duke shtuar se njerëz të tillë mbeten përgjithmonë të gdhendur në historinë dhe kujtesën e vendit.

    Në mesazhin e tij, kreu i OVL-UÇK-së ka shprehur nderimet për jetën, veprën dhe sakrificën e Ali Ngucatit, duke theksuar se liria dhe pavarësia e Kosovës mbartin mbi vete gjakun dhe kontributin e atyre që sakrifikuan për atdheun.

    Për ndarjen nga jeta të Ngucatit, ka shprehur ngushëllime komandanti i FSK-së, Bashkim Jashari.

    Përshkrimi i fotografisë nuk është i disponueshëm.

  • Comodita Home rikthen “Garage Sale” për edicionin e tetë, me zbritje deri në 70%

    Comodita Home rikthen “Garage Sale” për edicionin e tetë, me zbritje deri në 70%

    Comodita Home rikthen “Garage Sale” për edicionin e tetë, me zbritje deri në 70%

    Vjeshta sjell një mundësi të re për t’i dhënë shtëpisë një pamje të re dhe për të përfituar nga çmime më të favorshme. Comodita Home rikthen “Garage Sale”, fushatën e njohur të blerjeve, e cila këtë vit shënon edicionin e tetë.

    Ju mund të përfitoni nga zbritje deri në 70% në një gamë të gjerë produktesh për shtëpi. Krahas ofertave në dyqane, produkte të përzgjedhura do të ekspozohen edhe në hapësirat e jashtme, duke u dhënë vizitorëve më shumë mundësi për të zbuluar oferta atraktive dhe për të përfituar nga çmimet promocionale.

    Një ndër kategoritë kryesore të fushatës mbetet ajo e dyshekëve, me oferta speciale për modelet e njohura të Comodita Home. Dysheku CLOUD ofrohet me çmim 449 euro, i shoqëruar me dy dhurata, HYBRID me çmim 349 euro dhe dhuratë ekskluzive, ndërsa MEMORY vjen me çmim 199 euro, po ashtu me dhurata speciale. Në ofertë përfshihen edhe modele të tjera të preferuara, si DOPIO, DREAM, SOFT dhe ALOE VERA.

    Përveç dyshekëve, ofertat përfshijnë produkte për kuzhinë, gjumë, dekorimin e shtëpisë, aksesorë për udhëtim dhe produkte për fëmijë. Me një gamë të gjerë produktesh, “Garage Sale” sjell mundësi të shumta për të plotësuar nevojat e shtëpisë dhe për të zgjedhur artikuj të ndryshëm për çdo ditë.

    Gjatë shtatë viteve të fundit, “Garage Sale” është shndërruar në një traditë të rëndësishme për Comodita Home, duke u ofruar konsumatorëve mundësinë të përfitojnë nga oferta të veçanta në kategori të ndryshme produktesh. Edicioni i tetë vazhdon këtë traditë, duke sjellë alternativa të shumta për ata që dëshirojnë të bëjnë zgjedhje të reja për shtëpinë me çmime më të favorshme.

    Për të përfituar nga ofertat, konsumatorët mund të vizitojnë dyqanet e Comodita Home, të porosisin online 24/7 në www.comoditahome.com, ose të telefonojnë falas në numrat 0800 25 000. Ofertat do të jenë të disponueshme edhe përmes Comodita TV Shop, duke ju mundësuar klientëve të zgjedhin mënyrën më të përshtatshme për të bërë blerjet e tyre në numrin pa pagesë 0800 77 888.

    Shfrytëzoni ofertat e mëdha të “Garage Sale” me zbritje deri në 70% për çdo hapësirë të shtëpisë.

    Comodita Home – Ndjehu komod!

  • Me ftesë të Putinit, Schröder merr pjesë në festën e ditëlindjes së tij, Merz i tronditur

    Me ftesë të Putinit, Schröder merr pjesë në festën e ditëlindjes së tij, Merz i tronditur

    Me ftesë të Putinit, Schröder merr pjesë në festën e ditëlindjes së tij, Merz i tronditur

    Vizita e ish-kancelarit gjerman Gerhard Schröder te presidenti rus Vladimir Putin, me rastin e ditëlindjes së këtij të fundit, ka shkaktuar reagime të ashpra nga qeveria gjermane.

    Kancelari aktual i Gjermanisë, Friedrich Merz, është shprehur “thellësisht i tronditur” nga kjo vizitë, ka deklaruar zëdhënësi i tij.

    “Putin mban përgjegjësinë e vetme për luftën në Ukrainë. Urdhrat e tij po shkaktojnë vuajtje të mëdha, viktima civile, ndarje familjesh, si dhe të vdekur e të plagosur”, ka thënë zëdhënësi, duke shtuar se Merz e konsideron “krejtësisht imorale” pjesëmarrjen e Schröderit në një festë të tillë.

    Schröder, i cili ishte kancelar i Gjermanisë nga viti 1998 deri në vitin 2005, është kritikuar vazhdimisht për lidhjet e tij të ngushta me sektorin rus të biznesit dhe me Putinin. Ai nuk i ndërpreu këto marrëdhënie as pas pushtimit rus të Ukrainës në vitin 2022.

    Pas largimit nga posti i kancelarit, Schröder mori disa pozita drejtuese në kompani ruse. Ai u bë kryetar i komitetit të aksionarëve të projektit të gazsjellësit “Nord Stream”, ndërsa më vonë mbajti edhe role drejtuese në kompaninë ruse të naftës “Rosneft”.

    Javën e kaluar, ish-kancelari iu bashkua gjithashtu bordit mbikëqyrës të zinxhirit rus të shitjes me pakicë “Hyperglobus”, i cili menaxhon më shumë se 20 supermarkete në Rusi.

    Në fillim të këtij viti, Putin kishte deklaruar se do të preferonte të negocionte me Schröderin marrëveshje të reja për sigurinë në Evropë. Megjithatë, Bashkimi Evropian dhe qeveria e Merz e kishin kundërshtuar menjëherë këtë ide.

    Sinjali – aty ku e vërteta flet para lajmit!

    /GazetaSinjali/

    The post Me ftesë të Putinit, Schröder merr pjesë në festën e ditëlindjes së tij, Merz i tronditur appeared first on Sinjali.

    Burimi: Sinjali

  • Një çift homoseksual shqiptar po bëhet me fëmijë (VIDEO)

    Një çift homoseksual shqiptar po bëhet me fëmijë (VIDEO)

    Një çift homoseksual shqiptar po bëhet me fëmijë (VIDEO)

    Një lajm interesant na vjen nga shoubizi shqiptar.

    Kristi Pinderi dhe partneri i tij, Katheryn Smith, çift homoseksual, po bëhen prindër për herë të parë, transmeton Klankosova.tv.

    Në emisionin “Kosova Today”, Linda Pano tha se një fëmijë duhet të rritet me baba dhe nënë.

    Ndërsa sipas Vasilika Zotaj, tha se nuk ekziston e drejta që një fëmije t’i jepet jetë pa një nënë apo pa baba.

    “Atë e ka dhënë natyra”, u shpreh ajo në Klan Kosova.

    Nga ana tjetër, Fjolla Ibrahimi tha se ligji i Kosovës lejon që një burrë ose një grua, pra një person i vetëm mund të adoptojë një fëmijë.

  • Konfiskohet dhe asgjësohet peshku që shitej pa autorizim në Prizren

    Konfiskohet dhe asgjësohet peshku që shitej pa autorizim në Prizren

    Konfiskohet dhe asgjësohet peshku që shitej pa autorizim në Prizren

    Kryetari i FPSRK-së, Milaim Vitia, ka realizuar kontrolle në dy lokacione të tregut në zonën e Rugovës, në Prizren, lidhur me shitjen e paautorizuar të peshkut dhe dyshimet për kontrabandë nga shtetet fqinje.

    Gjatë kontrolleve të zhvilluara në orët e hershme të mëngjesit, është konfiskuar peshku që po shitej pa autorizimin përkatës.

    Sipas njoftimit të FPSRK-së, peshku i konfiskuar është asgjësuar, ndërsa për këtë veprim është hartuar procesverbal zyrtar.

    Nga kjo organizatë kanë bërë të ditur se kontrollet do të vazhdojnë në të gjithë territorin e Kosovës, me qëllim të parandalimit të shitjes së paligjshme të peshkut, luftimit të kontrabandës dhe zbatimit të Ligjit për Peshkimin.

    Kryetari i FPSRK-së, Milaim Vitia, ka theksuar se nuk do të tolerohet asnjë formë e tregtisë së paautorizuar dhe se ligji duhet të zbatohet për të gjithë pa dallim.

    “Ne do të vazhdojmë të mbrojmë ujërat, faunën peshkore dhe interesin e peshkatarëve të ligjshëm në Republikën e Kosovës”, thuhet në deklaratën e tij.

    Sinjali – aty ku e vërteta flet para lajmit!

    /GazetaSinjali/

    The post Konfiskohet dhe asgjësohet peshku që shitej pa autorizim në Prizren appeared first on Sinjali.

    Burimi: Sinjali

  • Vdekja e Giorgos Mazonakis, ngrijnë pasuritë e dy mjekëve të paraburgosur në Greqi

    Vdekja e Giorgos Mazonakis, ngrijnë pasuritë e dy mjekëve të paraburgosur në Greqi

    Vdekja e Giorgos Mazonakis, ngrijnë pasuritë e dy mjekëve të paraburgosur në Greqi

    Autoriteti Kundër Pastrimit të Parave në Greqi ka urdhëruar ngrirjen e të gjitha pasurive të dy mjekëve që janë lënë në paraburgim në kuadër të hetimeve për vdekjen e këngëtarit Giorgos Mazonakis.

    Sipas mediave greke, urdhri është lëshuar nga kreu i Autoritetit Kundër Pastrimit të Parave, Charalambos Vourliotis, dhe i është përcjellë Prokurorisë.

    Masa përfshin të gjitha asetet e dy mjekëve, përfshirë edhe një kasafortë bankare që ata mbanin në një bankë në zonën e Kolonakit, pranë klinikës së tyre. Autoriteti ka dhënë gjithashtu pëlqimin për hapjen e kasafortës dhe sekuestrimin e përmbajtjes së saj.

    Në kuadër të hetimeve, janë dërguar kërkesa edhe në Regjistrin e Pasurive të Paluajtshme dhe te kompanitë e sigurimeve, me qëllim identifikimin e pronave dhe investimeve që mund të jenë në emrat e mjekëve. Çdo pasuri që do të identifikohet do t’i nënshtrohet sekuestrimit.

    Përveç hetimeve që lidhen me vdekjen e këngëtarit, autoritetet po shqyrtojnë edhe dyshime për mashtrim, ushtrim të paligjshëm të profesionit të mjekut, evazion fiskal dhe pastrim parash.

    Gjetjet e hetimit financiar dhe raporti përfundimtar pritet t’i përcillen prokurorit për veprime të mëtejshme ligjore.

    Sinjali – aty ku e vërteta flet para lajmit!

    /GazetaSinjali/

    The post Vdekja e Giorgos Mazonakis, ngrijnë pasuritë e dy mjekëve të paraburgosur në Greqi appeared first on Sinjali.

    Burimi: Sinjali

  • Ademi dhe Duka mbështesin Ceferinin për një mandat të ri në krye të UEFA-s

    Gjatë ditës së sotme është mbajtur në Berlin të Gjermanisë takimi i UEFA Top Executive Programme (TEP), ku në fokus ishte e ardhmja e futbollit evropian.

    Në takim morën pjesë përfaqësuesit e 55 federatave anëtare të UEFA-s, të cilët shprehën mbështetjen unanime për Aleksander Čeferinin për një mandat të fundit në krye të këtij institucioni.

    Në mesin e të pranishmëve ishin edhe presidenti i Federatës së Futbollit të Kosovës, Agim Ademi, dhe ai i Federatës Shqiptare të Futbollit, Armand Duka, të cilët mbështetën kandidaturën e Čeferinit.

    Duka, përmes një postimi në faqen e tij, bëri të ditur se 55 federatat anëtare u bashkuan në mbështetje të presidentit aktual të UEFA-s, i cili e pranoi kërkesën për një mandat të fundit.

    “Një mesazh i fortë uniteti nga 55 federatat anëtare të UEFA-s, që mbështetën unanimisht Aleksander Čeferin për një mandat të fundit si President i UEFA-s, kërkesë që ai e pranoi. Bashkë për një futboll evropian më të fortë”, shkroi Duka.

    The post Ademi dhe Duka mbështesin Ceferinin për një mandat të ri në krye të UEFA-s appeared first on Sinjali.

    Burimi: Sinjali

  • Gjoci: Shiroka-Pula i plotëson elementet për presidente, ‘problem’ mund të jetë mosha (VIDEO)

    Gjoci: Shiroka-Pula i plotëson elementet për presidente, ‘problem’ mund të jetë mosha (VIDEO)

    Gjoci: Shiroka-Pula i plotëson elementet për presidente, ‘problem’ mund të jetë mosha (VIDEO)

    Kryeredaktori në Klan Kosova, Kosovë Gjoci, në emisionin “Kosova Today” i ka bërë një analizë të gjatë për figurën e presidentes së Kosovës, Justina Shiroka-Pula.

    Siç tha Gjoci, për figurën e presidentes nuk ka diçka negative që mund të thuhet, transmeton Klankosova.tv.

    “Përtej procesit që e pamë të gjithë pak a shumë, gjithë ajo ditë që shkoi dhe ajo 13 minutëshi, normalisht që ne nuk kemi çfarë të themi diçka negative për figurën e zonjës Justina, pra një zonjë e dëshmuar, me karrierë të gjatë, akademike, besa edhe politike, sepse zonja Justinë ka qenë edhe ministre edhe deputete. Sa i përket figurës së saj, nuk kemi çfarë të themi negative të them të drejtën. Zonja Justina i plotëson parimisht që të gjitha elementet që i duhen ndoshta një kandidature për presidente, me disa probleme të vogla, që mund t’i quajmë probleme, që për mendim tim më kryesori është çështja e moshës dhe shëndetit”, u shpreh Gjoci.

    Sipas gazetarit, presidentja duhet të jetë e fokusuar, të dëgjojë mirë, të dijë çfarë po i thuhet, çfarë të kërkojë e çfarë të veprojë.

    “Të gjitha këto mendoj që mund të jenë paksa problem për të, gjithmonë duke u lidhur pak a shumë me çështjen e moshës dhe situatën e saj fizike”, tha ai.